fshati

ura-1280x693.jpg
Sej rie16:15 | 04/08/2019

Në Brret të malësisë së Krujës, banorët kanë dy vjet të izoluar për shkak se ura e Drojës është e prishur. Në këtë fshat banorët jetojnë keq dhe të rinjtë ndjehen të prapambetur.

Kjo urë i mban të izoluar banorët prej dy vitesh. Nga dita kur u shemb, sagje s’ka ndryshuar. Është fshati Brret në Malësinë e Krujës, pesë kilometra larg qytetit.

Ata po përdorin një rrugë tjetër këmbësoresh për nevojat e tyre. Për urën e Drojës askush nuk u ka premtuar gjë.

Banorët thonë se ndjehen të humbur dhe të varfër. Një dyqan në fshat i furnizon ata me listë. Shlyerjen e parave e bëjnë nëse kanë arritur të shesin ndonjë frut apo perime.

Ose kur dikush u sjell ndonjë lekë nga emigracioni. Këtu ka shume pak të rinj. Janë larguar drejt qyteteve ose jashtë. Ata që banojnë në Bret, kane turp të flasin para kamerave.

Thonë se nuk ndjehen si të rinjtë e tjerë, por si njerëz të prapambetur. Shumë pranë fshatit ndodhen biznese private por banorët thonë se natën e kalojnë në makth nga shpërthimet me tritol. Kurse shërbimi mjekësor mungon./ABC News Albania 24/7

BOBOSHTICA-TURISTIKE-ABCM4T1.mpg_snapshot_00.19-1280x720.jpg
ent ela14:50 | 28/07/2019

Boboshtica është një nga fshatrat e Korçës që njihet për rakinë e manit. Por i kthyer në vëmendjen e vizitorëve dhe turistëve, në këtë vend vështirë të gjesh tavolinë në një lokal për shkak të fluksit.

Boboshtica nuk është vetëm fshati i rakisë së manit, por edhe i tavernave, gatimet e tē cilave ruajnë shijen e traditës së hershme të zonës. Jo vetëm fundjavat, ku vështirë se gjen vend pa bërë më parë prenotimin, por çdo ditë, fshat i vogël, që vetëm 7 km e ndajnë nga Korça pret dhjetra vizitorë, që vijnë enkas për shijen e veçantë të menusë së larmishme, që servirin tavernat.

Boboshtica vit pas viti po përfshihet në ofertat turistike të atyre që zgjedhin për pushime juglindjen, si një destinacion, ku duhet të qëndrosh patjetër. Shumica e vizitorëve janë ditorë dhe vijnë enkas për të drekuar mes freskisë dhe gjelbërimit. Menuja është kudo e njëjtë, nga lakrori tek mishi i pjekur, por shija e çdo taverne, mbetet unike.

Një pjesë e tavernave kanë mbetur besnikë të traditës jo vetëm në gatime,por edhe në arredim. Ndërtuar prej guri dhe kombinuar me dru, rrethuar me pemë dhe zbukuruar me lule, poshtë faqes së malit, ku ndihet freskia edhe në ditët më të nxehta.

Fluksi i vizitorëve,që nuk i mungojnë fshatit në asnjë stinë, ka rritur interesin e bizneseve,për të investuar jo vetëm për tavernat, por edhe për hotele dhe bujtina. /ABC news Albania 24/7 

 

voskopoje-1280x700.jpg
Sej rie14:10 | 10/07/2019

Që nga pranvera, Voskopojën e kanë vizituar më shumë se 20 mijë turistë, një pjesë e të cilëve nga Evropa. Aktualisht ne Voskopoje grupe turistesh e peshuesish i kanë dhëne zonës një gjallëri të rrallë.

Në kërkim të freskisë dhe qetësisë,grupe vizitorësh ndalen në Voskopojë. Ditët e para të korrikut,kanë mbipopulluar fshatin e vogël, ku rezervimet duhet t’i bësh që në pranverë. Ata që vinë nga larg, kalojnë gjithë verën mes magjisë së peizazhit dhe klimës alpine,që relaksojnë mendjen dhe shërojnë trupin.

Një pjesë e mirë e vizitorëve,janë besnikët,që mikpritja e banorëve, kuzhina e pasur dhe e veçantë si dhe çmimet e përballueshme, i bëjnë të kthehen çdo verë në Voskopojë. Vendasit po investohen fort në turizëm,duke e kthyer Voskopojën, në destinacion elitar dhe të shumëkërkuar. Kapacitetet akomoduese janë rritur ndjeshëm, ndërsa mjaft shtëpi janë kthyer në bujtina. Me shumë aktivitete argëtuese, do ta plotësonin ditën e pushuesve e cila nis me shëtitje të gjata mes pyjeve halorë dhe burimeve të ujit të ftohtë.

Të larta janë shifrat edhe të vizitorëve, që i tërheq më së shumti, trashëgimia kulturore dhe historike e  fshatit, ku qytetërimi shekullor, shpërfaqet nga objektet e kultit, deri tek shtëpitë dhe kalldrëmet e gurta.

Por grupeve turistike, ju duhet të presin me orë për të vizituar objektet e kultit, të cilat shpesh janë të mbyllura. Edhe zyra e informacionit,në qendër të fshatit, po ashtu është e mbyllur, çfarë detyron turistët, të kërkojnë ndihmën e banorëve për tu orientuar.

Duke filluar nga pranvera, Voskopojën e kanë vizituar mbi 20 mijë turistë,ndërsa mbetet i lartë trendi i vizitorëve të huaj, kryesisht evropiane.

Daniela Zisi/Gazetare e ABC News, Korçë

FSHATI-I-NEKTARINAVE_ABC-M2-T1.mpg_snapshot_00.04-1280x720.jpg
ent ela14:20 | 25/06/2019

Është fshat i zakonshëm i Fierit, por i veçantë në historitë e suksesit bujqësor. Kafaraj është lider në prodhimin e luleshtrydhes dhe të nektarinës.

Kafaraj është një fshat i vogël, por njerëzit punëtorë e kanë bërë atë më të famshmin jo vetëm ne Fier.

Të gjithë e njohin si fshati lider i brandit shqiptar “Strawberry made in Kafaraj”, por në të vërtetë, ky fshat kultivon dhe frutin elitar, të  nektarinës.

Këtu jemi në plantacionet e vëllezërve Troka, të cilët së bashku kultivojnë rreth 6000 rrënjë nektarinë në një sipërfaqe prej 6 ha. Artan Troka e ka nisur biznesin familjar rreth 25 vite më parë, në një traditë të ngritur hershëm në Kafaraj, i dëgjuar edhe para viteve ’90 si fshati i nektarinës dhe pjeshkës. Sot ata vjelin frytet e një pune të mundimshme, që është kthyer edhe gëzimi i tyre familjar.  Fati i mirë i ka bashkuar të dyja: edhe tokën pjellore edhe afërsinë me lumin Vjosa.

“Fillimisht ishte biznes shumë fitimprurës, mirëpo tani janë shtuar shumë. Është dhe mungesa e tregut dhe kushtet atmosferike. E zë lumi ka pjesën e mirë, por edhe të keqe se vjetëron bimën”.

Vëllezërit Troka nuk janë të vetmit sot në Kafaraj që kultivojnë nektarinë. Me dhjetra fermerë punëtorë i janë kthyer mbjelljes së sipërfaqeve të tëra më këtë drufrutorë, duke e shndërruar fshatin Kafaraj në fshatin më të famshëm në Fier dhe në Shqipëri. Aty numërohen mbi 40 ha të mbjellë me nektarinë, kurse në të gjithë zonën e Frakullës,  statistikat arrijnë në disa dhjetra ha.

Gazetare e ABC News, Fier: Adriana Mile

64658220_611546665995543_361506289202757632_n-1280x960.jpg
ent ela13:50 | 15/06/2019

Banorët e fshatrave të Ndroqit nuk do të duhen të shqetësohen më për shitjen e produkteve ushqimore.  Së shpejti ata do të kenë edhe një treg shumice për produktet bujqësore duke thyer monopolin aktual që ka tregu i vetëm agro-ushqimor që ndodhet në kryeqytet.  Gjatë takimit elektoral me banorët e Ndroqit, kandidati i “Aleancës për Shqipërinë Europiane”, Erion Veliaj deklaroi se përmes këtij vendimi do t’i jepet një impuls i ri zhvillimit të ekonomisë lokale.

“Mezi pres që të bëjmë disa gjëra për fshatin. Në mbledhjen e  fundit të Këshillit bashkiak ne themeluam Agjencinë tonë të tregut të shumicës publik, jo privat, për t’iu përgjigjur kërkesës së shumë fermerëve këtu të cilët më kanë thënë gjatë gjithë këtyre viteve: “Na rropën atje në Kashar. Le ta bëjë privati, por le të ketë edhe një shtetëror. Le ta bëjë ai me lek dhe kush do të shkojë atje, por le të ketë edhe një alternativë tjetër”.  Krijimi i tregut  të bashkisë, i tregut publik, që të konkurrojë tregun privat dhe ti japë një alternativë tjetër, për fermerin tonë ku mund të shesë sa të dojë kur të dojë, pa asnjë pengesë, është mënyra më e mirë për ta çliruar këtë situatë. Ne kemi dy mundësi, ose I futemi me gjyqe, me kontrata, me apelime, me bllokime që e dimë prej burokracisë zgjat pa fund, ose themi ti vazhdo punën tënde, por nuk do të na pengosh që ne të vazhdojmë punën tonë dhe shumë shpejt do kemi tregun e shumicës agro-ushqimor të Bashkisë Tiranës ku të gjithë ata që punojnë me punë të ndershme të kenë mundësi që ta bëjnë pa asnjë barrierë shitjen e tyre”, deklaroi Veliaj.

Me fokusin tek zhvillimi edhe i zonave rurale, Veliaj theksoi se krahas përmirësimit të infrastrukturës kryesore, do të vijojë puna edhe për projektin e rrugëve të brendshme të Ndroqit. “Do vijojë projekti i rrugëve të brendshme të fshatit Ndroq. Fakti që dikush më shkruan nga Ndroqi dhe thotë: “akoma më ka ngelur një pikë asfalti te dera ime fundore”, do të thotë që është bërë një pjesë e konsiderueshme dhe kur ka mbërritur ankesa që në ne duhet të zgjidhim edhe rrugicën më të fundit. Do të thotë që nëqoftëse në mandatin e  parë mbyllëm disa nga hallet kryesore, do kemi gjithë energjinë, gjithë fuqinë dhe gjithë mbështetjen për të mbyllur edhe këto çështje. Tani që edhe ARRSH-ja po na ndihmon që ne të futemi në rrugë kapilare në të gjitha lagjet e Ndroqit”, deklaroi ai.

Brenda katër viteve, Bashkia e Tiranës ka kryer një sërë investimesh të rëndësishme në zonën e Ndroqit. Janë ndërtuar rrugët e brendshme të fshatit Ndroq ,  rruga që lidh rrugën nacionale Tiranë – Durrës me shkollën 9-vjeçare “Seit Brahja”. Gjithashtu janë rikonstruktuar rrugët e fshatit Haskolje, rruga për makina Pinet – Sauqet, rruga Ndroq – Kërçukje-Zbarqe, rruga e fshatit Zhurje, rruga e fshatit Kalaç.

Krahas rrugëve, një investim I rëndësishëm është bërë edhe për rrjetin e ri të ujësjellësit, ndërkohë që është punuare dhe për kanalet ujitëse duke i dhënë një zhvillim gjithë ekonomisë lokale, sikurse është kanali ”Butac-Pinet”.

Një vëmendje i është kushtuar edhe infrastrukturës arsimore, ku pas shumë vitesh, është rikonstruktuar shkolla 9-vjeçare në fshatin Shesh dhe terrenet sportive, ndërkohë që puna do të vijojë edhe për shkollën e mesme “Sadi Nuri” dhe rikonstruksionin e shkollës 9 – vjeçare “Ymer Kurti” duke zgjidhur në këtë mënyrë edhe çështjen e arsimit. Gjithashtu puna do të vijojë edhe me rrugët e tjera lidhëse.

LIBRAZHD-UJI-I-PIJSHEM_ABC-M2-T1.mpg_snapshot_00.02-1280x720.jpg
ent ela12:59 | 26/05/2019

Shumë afër Librazhdit, ndodhet fshati Spathar. Një fshat i njohur për burimet e ujit, por që banorët e blejnë ujin në qytet. Kjo për shkak se fshati nuk furnizohet nga Ujësjellësi, ndërkohë që burimet po u merren për të furnizuar HEC-et.

Dikur kjo gurrë furnizonte me ujë të pijshëm banorët e Librazhdit. Burimi në territorin e fshatit Spathar, banorët e tij sot shkojnë e blejnë ujë në qytet.

“Kemi blerë ujë në qytet, që e pimë këtu në fshat, nuk ka, nuk kemi ku vemi”.

Në çezmat e këtyre njerëzve nuk ka ujë. Jo vetëm për të pirë, por as për të larë e as për të vaditur. Nga një zonë me shumë burime, është kthyer në makth të banorëve.

“Problemi ynë si lagje është uji, kemi 30 vjet që s’kemi pikë ujë. Të lash rroba sot me dorë në përrua është fatkeqësi e madhe”.

“Po lajme nëpër përronj, po thyjmë këmbët. Tërë dimrin kemi shkrirë borën dhe kemi pirë ujë”.

Një situatë e tillë ka shumë vite. Por së fundi banorët thonë se Gurra e Faqollit po i nënshtrohet një projekti për të furnizuar me ujë një HEC . Ashtu siç dhe u zhduken shumë burime të tjera.

“Kemi bërë këkresë nuk na dhanë me qëllimin se uji u shit e mori hidrocentrali”.

Ata po dalin çdo dite në protestë që dikush t’i dëgjojë dhe t’iu kthejë burimet. Të kenë ujë të pijshëm në shtëpite e tyre.

“Kushedi sa here kemi shkuar në bashki nuk e kanë vu ujin në zjarr”.

“Uji shkon në përrua e pat marrë qyteti, tani në përrua dhe për ne nuk ka ujë fare”.

ABC Neës u interesua dhe pranë bashkisë së Librazhdit. Zyrtarë të saj thanë se e njohin problemin, por kane një projekt për të cilin presin fonde. Zbatimi i tij sipas vendoreve do t’u kthejë ujin e pijshëm banorëve të Spatharit. /ABC News Albania 24/7

qendra-shendetesore-korce.jpg
G. P.17:40 | 12/05/2019

Banorët e Dersnikut në Korçë marrin ndihmë mjekësore në një barakë që është vendosur që në vitin 1991. Kur ka reshje shiu në këtë barakë mund të të zërë korrenti.

Për banorët e fshatit Dersnik, kjo barake, shërben si qendër shëndetësore prej vitit 1991. Dhurata e popullit belg, ende mbahet në këmbë edhe pse funksioni i saj ishte provizor. Dërrasat janë kalbur nga koha, ndërsa çatia është gati të shembet ,duke vënë në rrezik jetën e banorëve.

Të bësh një vizitë në qendrën shëndetësore të fshatit, duhet të mendohesh mirë. Jo vetëm amortizimi i barakës, por edhe linjat e energjisë elektrike, që shtrihen nga kabina pak metër larg, mund të sjellin pasoja fatale, sidomos në kohe me reshje.

Me rrezikun mbi kokë punon edhe stafi mjekësor, i cili prej vitesh detyrohet të shërbejë në kushte të vështira dhe te papërshtatshme. Në Qendrën Shëndetësore të fshatit Dersnik, marrin shërbim mbi 800 banorë, të cilët prej vitesh përsëritin kërkesën për bashkinë për ndërtimin e një godine të re./ABC News Albania 24/7

Vithkuq-Korce-reportazh-1280x721.jpg
Sej rie16:45 | 22/04/2019

Një ndër fshatrat turistikë të Korçës është Vithkuqi. Një zonë me bukuri të shumta natyrore,  por e lënë në harresë dhe që nuk është promovuar kurrë. Ndaj dhe të vetmit që e eksplorojnë Vithkuqin janë turistët rastësorë apo vizitorët e rrallë.

Relievi malor, që thyhet nga kodrat e buta, pyjet halorë ,klima alpine, e përshtatshme për turizëm gjithëvjetor e listojnë Vithkuqin, ndër fshatrat më atraktivë të juglindjes.

Por  të vetmit që kuriozohen ta eksplorojnë janë turistet rastësorë dhe vizitorë të rrallë.
Për shumë vite, rruga drejt Vithkuqit ishte plotësisht e degraduar, e cila mori zgjidhje nga investimi për gazsjellësin TAP.

Kjo rriti shpresën e banorëve që zona të orientohet drejt turizmit.

Të paktat biznese shërbimi dhe hotelerie, që kanë mundur të mbijetojnë,i shqetëson më së shumti, mungesa e promovimit dhe mos-përfshirja në guida turistike.
Vendasit, dinë si t’i begenisin turistêt,sidomos të huajt, që afektohen pas turizmit të aventurës dhe kuzhinës tradicionale,të pasur dhe të shëndetshme.

Ndërsa trashëgimia kulturore dhe historike e fshatit të vogël,që dikur kishte 24 kisha dhe sot numëron,14 thesare  të periudhës postbizantine, ka mbetur e gjitha në harresë.
Banorët e Vithkuqit kanë gjetur pak mbështetje nga vendorët ,ndërsa mbeten problematike uji i pijshëm dhe rrjeti i amortizuar i energjisë elektrike.
Fshati është tkurrur ndër vite nga emigracioni dhe lëvizja drejt qyteteve të tjera.

Ata që kanë mbetur,edhe pse sot jetojnë nga toka dhe blegtoria, i kanë sytë nga turizmi dhe krijimi i mundësive reale, për të shfrytëzuar bukuritë dhe pasuritë unike të zonës.

Daniela Zisi, gazetare ABC News

SHKOPET-BRAKTISJA_ABC-M2-T1.mpg_snapshot_00.49-1280x720.jpg
ent ela14:06 | 19/04/2019

Në zonën e Matit shumë fshatra janë braktisur nga banorët. I tillë është fshati Madhesh, aty ku aktualisht nuk jeton asnjë familje.

Pas kësaj mrekullie të natyrës nuk ka njerëz. Shtepitë janë të braktisura. Fillimisht u larguan ata që emigruan jashtë kufijve. Më pas edhe familje të tjera. Nuk kishin drita dhe pse HECI ndodhet një km larg.

“Prej dritash, prej urës se skano nga të kalojënkanë braktisur fshatin”

Herë pas here ata që jetonin aty kalojnë thjesht për të parë Madheshin. Fshat i Njësisë administrative në Ulëz të Matit, sot aty nuk është asnjë banor.

Kjo urë e dëmtuar që mundësonte lidhjen me rrugën nacionale është një nga shkaqet që u largua dhe i fundit.

“Vetëm  prej urës kanë ik dhe janë larguar në Tiranë, Lezhë, Laç e kudo. Edhe kanë kanë vdek njerëz te ura para disa vjetësh”.

Por për këta burra mund të kthehet një shpresë. Nëse do të investohet ura, ata besojnë t’i kthejnë shtëpitë në bujtina.

“Me u rregullu ura bëhet zhvillimi i fshatit Madhesh për turizëm”.

Fshatra të tilla të braktisura ka shumë në zonën e Matit. Pavarësisht vendit piktoresk, banorët nuk kanë patur asnjë mundësi jetese. /abcnews.al

fshati-1280x690.jpg
ent ela17:00 | 02/04/2019

Një fshat vetëm 2 kilometra larg qytetit të Lezhës vuan mungesën e ujit të pijshëm prej shumë vitesh. Aty jetojnë kryesisht të moshuar, pasi të rinjtë janë larguar në emigrim. Bashkia premton zgjidhje provizore.

Në këtë fshat kanë mbetur vetëm të moshuar. Por që s’po mund të kenë as ujin e pijshëm. Ujësjellësi ndodhet mbi shtëpitë në lagjen Ballije në Rraboshtë të Lezhës dhe nuk i furnizon.

Banorët e kanë patur këtë shërbim vetëm 3 vite. Me pas tubacioni është ndërprerë nga ish-komuna Kallmet pa asnjë shpjegim.

Kjo situatë e tillë prej 15 vjetësh. Bashkia e Lezhës është në dijeni të situatës dhe ka analizuar zgjidhjet e mundshme.

Por nënkryetari  Enver Hafizi,  thotë  se njëherë për njëherë do të jetë provizore. Kurse problemi do të zgjidhet përfundimisht kur të bëhet investimi.

Ndërhyrja pritet të kryhet në ditët në vazhdim. E angazhuar është  ndërmarrja e ujësjellësit dhe drejtoria e shërbimeve në bashkinë e Lezhës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono