Franko Lerda

fatmir-meneri.jpg
G. P.16:33 | 30/09/2019

Tirana ka probleme psikologjik dhe dobësi në mbrojtje. Kjo është analiza e gazetarit sportiv, Fatmir Mëneri pas derbit të kryeqytetit të fituar nga Partizani.

Thuhet se është e lehtë të jesh trim pas lufte, por analizat gjithnjë duhen bërë. Aq më tepër pas një ndeshjeje derbi, ku Tirana mori një tjetër goditje të fortë, ndërsa Partizani i dha vetes shans për reagim. Gazetari sportiv Fatmir Mëneri, duke folur për Abc News-in gjykon se bardheblutë patën një minus të madh.

“Veç elementit teknik më duket se janë në lojë edhe faktorët psikologjikë. Duket sikur ka një ngërç të dukshëm psikologjik. Pavarësisht atmosferës së dukshme në vigjilje të ndeshjes, ajo që u manifestua në fushën e lojës ishte pikërisht kjo brishtësi”, tha Mëneri.

Mëneri sheh edhe një problemin tjetër kryesor tek Tirana. “Në tërësi të aspektit mbrojtës të gjithë skuadrës. Pavarësisht lëvizjes që ndonjëherë lëvizjet janë të sforcuara nuk mund të bësh eksperimentet në derbi”, tha Mëneri.

Partizani fitoi, por a mund të themi se është rikthyer, dhe se trajneri Lerda e ka ekipin me vete.

Them që nuk duhet të nisemi me një ndeshje. Një nga defektet më të mëdha të këtij kampionati është paqëndrueshmëria në lojë dhe rezultate e skuadrave. Gjykoj që skuadra me Tiranën ishte më mirë vendosur në fushën e lojës”, tha Mëneri.

Përtej atyre që quhen pretendentë kryesorë, Superliga ka protagonistë të rinj si Bylisi, Vllaznia apo Teuta./ABC News Albania 24/7

partizani-3.jpg
G. P.21:04 | 19/08/2019

Pas një ndeshje me shumë ritëm e gola, trajneri i Kukësit konstaton që skuadra duhet të ishte më e vëmendshme në mbrojtje. Ndërsa homologu i tij mendon se ky start shërben shumë për një kampionat të gjatë dhe ku do të ketë shumë rivalitet.

Partizani e Kukësi prodhuan një finale superkupe me ritëm gola dhe emocione. Pavarësisht faktit që kishte një fitues, dhe kampionët morën një tjetër trofe, sërish të dyja formacionet dhanë sinjalet që do të shkojnë gjatë në betejën rivalizuese me njeri-tjetrin në këtë edicion.

Do të takohen për pak ditë bashkë sërish në “Elbasan Arena”, aty ku është e vështirë të sjellësh njerëz në stadium. Kampionët dhe nënkampionët e vjetshëm do të ngrenë siparin e kampionatit të 81-të kombëtar ditën e premte.

Megjithatë, si Duro ashtu edhe Lerda e njohin disi më mirë tashmë jo vetëm njeri-tjetrin, por edhe lojën. Pas sfidës së ditës së djelë, Duro është I bindur që ia dhuroi më shumë Kukësi trofeun se sa vetë e fitoi Partizani.

Nga ana e tij, trajneri mendon se kjo ndeshje vuri në vështirësi skuadrën që drejton në disa momente, por shërben shumë për një start kampionati me moral të lartë. Për trajnerin e të kuqve, 3-4 skuadra do të provojnë deri në fund të rivalizojnë.

Superkupa u arshivua, tashmë skuadrat ritakohen bashkë të premten. Gara ka nisur. Nuk mungojnë golat, as rivalët, as loja, as merkato, por tifozët. Të dielën nuk ishin, efekti i të nxehtit, që mund të jetë po i tillë të premten. Sidoqoftë pjesa e tifozerisë në stadium, përveç derbit, mbetet pjesa më e painvestuar dhe më e pasensibilizuar e klubeve./ABC News Albania 24/7

partizaniii.jpg
G. P.13:37 | 02/08/2019

Eliminimi i Partizanit nga Europa League pas një goli nga pozicioni jashtë loje ka lënë një shije të hidhur tek trajneri Franko Lerda. Italiani theksoi pas ndeshjes se padrejtësitë ndodhin pasi jemi një vend i vogël.

Eliminimi i Partizani nga Europa League pas një goli dukshëm në pozicion jashtë loje ka irrituar jo pak trajnerin e të kuqve Franko Lerda. Tekniku italian ka theksuar se jemi vend i vogël ndaj dhe ndodhin të tilla raste. Ndër të tjera, Lerda përgëzon futbollistët e Partizanit për ndeshjen e zhvilluar.

“Kjo është gjëja më negative absolutisht në futboll. Mund të humbësh e fitosh ndeshje, por në këtë mënyrë të shqetëson shumë. Jemi vend i vogël dhe ndodhin këto raste të dyshimta. Gjyqtari o duhet të ngrejë flamurin ose jo, nuk ka asgjë për të ndryshuar vendimin. Është e kotë të flasim për rezultat. Komplimente djemve, edhe atyre në pankinë e në tribunë se kanë bërë gjithçka si duhet. Kemi qenë bashkë, kemi dhënë maksimumin dhe mund të merrnim diçka më shumë. Djemve nuk mund t’u them gjë tjetër, kemi bërë tre ndeshje ne lartësinë e duhur, kanë mbajtur lart figurën e Partizanit. Nuk mund ta quaj katastrofë ndeshjen e parë ndaj Sherif në Tiranë, të gjithë kanë bërë mirë. Të jenë krenarë, shumë krenarë se kemi dalë me kokën lart. Kemi luajtur me personaliet duke u munduar te bëjmë lojën, kjo është rruga e duhur. Dalim ne kokën lart, nuk e meritonim këtë eliminim”.

Skuadra e Partizanit tashme do të përgatitet për startin e kampionatit ku synimi kryesor është mbrojtja e titullit kampion./ABC News Albania 24/7

franko-lerda-1-1280x728.jpg
nev ila21:55 | 25/07/2019

Trajneri i Partizanit, Franko Lerda tha pas ndeshjes se beson tek përmbysja. Në kampin tjetër, tekniku Zekiç theksoi se asgjë nuk ka përfunduar.

Trajneri i Partizanit, Franko Lerda tha pas humbjes me Sherif Tiraspol se skuadra i ka të gjitha shanset për tu kualifikuar në ndeshjen e kthimit. Sipas teknikut Italian për të arritur përmbysjen lojtarët duhet të tregohen të saktë në rastet që do të krijojnë.

“E humbëm takimin pasi nuk shfrytëzuam rastet e krijuara. Ata u treguan më të saktë. E nisëm mirë takimin. Terreni nuk na ndihmoi të bënim lojën tonë. Ndaj Karabagut ne luajtëm lojën tonë ndërkohë që kundër Sherif planet tona u prishën pas pësimit të golit. Repartet nuk u lidhën mirë gjatë gjithë takimit. Skuadra nuk u paraqit në nivelin që unë e dua. Nuk jam i shqetësuar që skuadra nuk po shënon pasi ky është futbolli. Goli do të vijë herët a vonë. Unë besoj tek përmbysja pasi kjo skuadër ka vlera dhe në Moldavi mund të shkruajmë historinë. Duhet të minimizojmë gabimet dhe të shënojmë gol në rastet që do të krijojmë”.

Në kampin tjetër, tekniku i skuadrës së Sherif Tiraspol, Zoran Zekiç vuri në dukje kushtet aspak të përshtatshme për tu zhvilluar futboll dhe thekson se asgjë nuk ka përfunduar pasi Partizani ka ende shanse për kualifikim.

“Ishte një kohë e papërshtatshme për të luajtur futboll. Mendoj se skuadra ime luajti më mirë. Shënuam vetëm një gol por kishim shumë shanse të cilat nuk u konkretizuam. Do të luajmë dhe ndeshjen e kthimit dhe shpresoj të kualifikohemi. Tashmë e kemi të qartë se si luan Partizani. Ata mund të ndryshojnë diçka por ne jemi të përgatitur për çdo gjë. Trajneri i Partizanit luan mirë taktikisht në të gjitha repartet por sot ne kontrolluam ndeshjen”.

Takimi i kthimit mes Partizanit dhe Sherif Tiraspol do të zhvillohet të enjten e ardhshme në Moldavi. Partizani ka shumë pak shanse për tu kualifikuar pas rezultatit zhgënjyes në ndeshjen e parë./ABC News Albania 24/7

PARTIZANI-PROVAT-PER-EUROPEN-M1T1.mpg_snapshot_00.02-1280x720.jpg
nev ila21:38 | 24/07/2019

Trajneri i Partizanit Franko Lerda beson tek kualifikimi ndaj Sherif Tiraspol në sfidën e vlefshme për Europa League. Në kampin e skuadrës moldave, tekniku Zekiç vlerëson Partizanin por nuk e llogarit kualifikimin në turin tjetër.

Partizani do të luajë të enjten në orën 17:30 ndeshjen e parë të raundit të dytë në Europa League përballë Sherif Tiraspol. Të kuqtë janë përgatitur maksimalisht për këtë duel ndërkohë që trajneri Franko Lerda nuk zbulon asnjë detaj rreth formacionit startues.

“Kemi përballë një kundërshtar që e vlerësojmë maksimalisht. Duke ditur ecurinë e tij gjatë viteve të fundit. Është një ekip që këtë sezon ka ndryshuar shumë lojtar. Kemi krijuar shumë raste për gol në dy ndeshjet e champions por nuk kemi arritur të realizojmë. Nuk është problem. E rëndësishme është të krijojmë raste. Jemi të detyruar të japimin maksimumin. Duhet të zhvillojmë me përpikmëri të gjitha ato që kemi zhvilluar në stërvitje. Parësore është të sulmojmë në grup dhe të mbrohemi si skuadër. Zhvilluam dy ndeshje të mira ndaj Karabag. Treguam që përtej lojtarëve cilësore, janë një grup me vlera. Shpresojmë tek kualifikimi. Në futboll mund të ndodhë gjithçka. Na duhet të përqendrohemi maksimalisht në fushë”, tha Lerda.

Mesfushori i Partizanit, Bruno Telushi beson se skuadra ka shanse reale për kualifikim.

Trajneri i Sherif Tiraspol, Zoran Zekiç ka theksuar se kualifikimi është detyrim për skuadrën e tij ndërkohë që vlerëson Partizanin.

“E kam ndjekur Partizanin në dy ndeshjet ndaj Karabag. Kanë ndryshuar stilin e lojës me trajnerin e ri. Janë të fortë në mbrojtje. Kanë në sulm një lojtar të fortë si Solomon. Mendoj se do të jetë e vështirë pasi jemi përfshirë nga ndryshime të shumta. Kualifikimi është detyrim për ne. Të dyja ndeshjet do të jenë shumë të rëndësishme”, tha Zekiç.

Partizani është skuadra e vetme që përfaqëson Shqipërinë në kupat e Europës./ABC News Albania 24/7

DEKLARATA-KARABAK-PARTIZANI.mpg_snapshot_00.30-1280x720.jpg
ent ela23:45 | 16/07/2019

Trajneri i skuadrës së Partizanit, Franko Lerda paralajmëron Karabagun se nuk kanë udhëtuar në Baku për turizëm, por kërkojnë kualifikimin. Ndërkohë që kampin e skuadrës azere besojnë se do të kalojnë në turin tjetër.

Skuadra e Partizanit do të luajë ndeshjen e kthimit te raundit te pare kualifikues te Champions League perballe Karabag. Trajneri i te kuqve, Franko Lerda doli në konferencën e zakonshme për shtyp dhe paralajmëroi azerët se nuk kanë udhëtuar për shëtitje në Baku, por do të luftojnë për kualifikim. Trajneri italian zbuloi se skuadra është e përgatitur për penalltitë.

“Këtu nuk kemi ardhur për turizëm. E kemi të qartë që do të jetë shumë e vështirë për ne, e dinim dhe e dimë. Kemi luajtur një pjesë të parë në Tiranë, tani do të luajmë të dytën.

11metërshat janë pjesë e rregullores së lojës, nuk është se e vendosim ne. Nëse ndeshja do të përfundojë 0-0, është edhe kjo mundësi, penalltitë, ndaj kemi të drejtë të përgatitemi edhe për këtë.

Karabag është një skuadër me një buxhet shumë shumë herë më të madh se ne dhe do të luajnë siç edhe bënë në Tiranë, por edhe ne do të përpiqemi të interpretojmë ndeshjen në mënyrën më të mirë”.

Trajneri i Karabag, Gurbanov vlerësoi maksimalisht Partizanin, por nuk mendon aspak për penalltitë pasi beson tek fitorja në kohën e rregullt.

Ndeshja mes Karabagut dhe Partizanit do të zhvillohet të mërkurën në oreën 19:00 në impiantin “Dallga Arena”. /ABC News Albania 24/7

franko-lerda.jpg
G. P.22:53 | 10/07/2019

Trajneri i Partizanit Franko Lerda tha pas ndeshjes se rezultati ishte i drejtë dhe kërkon kualifikimin. Në kampin tjetër, trajneri i Karabag, Gurbanov paralajmëron të kuqtë për sfidën e kthimit.

Partizani arriti të marrë një barazim pa gola ndaj Karabag në ndeshjen e parë të kualifikuesve të Champions League pas një performance të shkëlqyer. Franko Lerda e nis mbarë në krye të kryeqytetasve dhe zbulon se është mjaft i kënaqur nga rezultati dhe shpreson tek kualifikimi në Azerbajxhan.

“Jam shume i kënaqur me rezultatin pasi lojtarët zhvilluan një ndeshje shumë të mirë kundër një kundërshtari mjaft të fortë. Më pëlqeu shumë ndeshja, por nëse do të kishim pak fat do të fitonim. Të dyja skuadrat goditen traversën. Ata qarkulluan më mirë topin ndërsa ne krijuam rastet më të mira për shënim. Jam i lumtur për performancën e futbollistëve të rinj. Në fushën e Karabag do të jetë një ndeshje e hapur nisur edhe nga rezultati i sfidës së parë. Do të jetë shumë e vështirë, por ne do të bëjmë më të mirën tonë dhe shpresojmë t’ia dalim”, tha ai.

Trajneri i Karabag, Gurban Gurbanov paralajmëron Partizanin për ndeshjen e kthimit ndërkohë që thekson se barazimi ishte rezultati i drejtë.

“Jam i kënaqur nga rezultati. Ishte ndeshje e vështirë. Partizani luajti fort dhe u rreshtua mirë në mbrojtje. Në ndeshjen e kthimit Partizani do të ketë tepër të vështirë. Në pjesën e dytë ishin më të rrezikshëm pasi luanin para tifozërisë së tyre”.

Ndeshja e kthimit në Karabag do të zhvillohet të mërkurën e ardhshme./ABC News Albania 24/7

small_160416-153458_bast160416spo_0024-1280x853.jpg
nev ila23:55 | 09/07/2019

Trajneri i Partizanit, Franko Lerda beson tek rezultati pozitiv përballë Karabag. Në të njëjtën linjë është edhe kapiteni i të kuqve Alban Hoxha i cili zbulon se do të gjuaj një penallti nëse do ti kërkohej.

Skuadra e Partizanit do të luajë të mërkurën ndeshjen e parë ndaj Karabag. Një sfidë delikate për  kryeqytetasit të cilët do të përballen me një kundërshtar shumë herë më të fortë. Trajneri i Partizanit, Franko Lerda u shfaq shumë optimist në konferencën e zakonshme për shtyp një ditë para ndeshjes.

Tekniku Italian tha se Partizani do të luajë gjithçka për të marr një rezultat pozitiv ndërkohë që për formacionin nënvizoi se ka dilema.

“Formacionin e kam zgjedhur, mund të kem ndonjë dyshim të fundit por e kam në mendje. Trashi është pjesë e skuadrës por nuk mund të them nëse do të luajë. Shumë prej sulmuesve nuk janë në formën më të mirë. Mund të luaj ndonjë nga lojtarët e ardhur në merkato. Bitri do të luajë nga fillimi. Kemi një grup të fortë dhe vijmë si kampionët e Shqipërisë. Faza përgatitore në Slloveni ka qenë e mirë. Karabagu është një skuadër e fortë. Vjen pas gjashtë tituj kampion. Ka lojtar shumë të talentuar. E respektojmë por kemi shumë besim në aftësitë tona. Pres një paraqitje pozitive nga skuadra. Të shohim si do të shkojë ndeshja e parë më pas do të bëjmë llogaritë. Duhet të mendojmë si të ishte vetëm një ndeshje. Ndeshja e kthimit varet nga kjo”, thekson trajneri i partizanit Franko Lerda.

Në konferencën për shtyp ishte edhe kapiteni i të kuqve Alban Hoxha. Gardiani beson te rezultati pozitiv dhe zbulon se është i gatshëm për të goditur penallti.

Ndeshja mes Partizanit dhe azereve të Karabag do të zhvillohet në stadiumin  “Selman Stermasi” në orën 17:30./ABC News Albania 24/7

lerda-primo-piano-3.jpg
Sej rie13:30 | 13/06/2019

Partizani e ka zgjedhur trajnerin e tij të ri. Drejtori sportiv, Olsi Rama, përfundoi bisedimet në Itali dhe njeriu i stolit do të jetë Franko Lerda.

Konkurrim pati, por duket se gara mori fund.

Partizani tashmë e ka zgjedhur trajnerin e tij të ri dhe ky do të jetë nga Italia, me emrin Franko Lerda.

Tekniku 51-vjeçar pritet të nënshkruajë së shpejti kontratën dhe të drejtojë skuadrën në Champions në muajin korrik.

Burime pranë klubit pohojnë për Abc Neës se gjithçka ka përfunduar, pas takimeve që drejtori sportiv, Olsi Rama, ka pasur në Itali.

Një gjë e tillë jepet si zyrtare edhe në faqen Ëikipedia.

Vetë drejtori Rama u shpreh kështu për Abc Neës-in në përfundim të ndeshjes Shqipëri-Moldavi.

Sinkron Rama

Nuk jepen hollësi financiare, por besohet se Lerda nuk vjen pa një rrogë të krahasueshme me Sormanin, pra rreth 6 000 deri në 7 000 euro.

Trajneri piemontez ka drejtuar në Serinë B apo C, duke përfshirë edhe skuadrën e njohur të Torinos, 9 vjet më parë.

Vitet e fundit, Lerda ka qenë në stolin e Leçes dhe Viçencës.

Si futbollist ka luajtur skuadra të ndryshme si Torinon, Napolin apo Breshën.

Pesëdhjetenjëvjeçari u përzgjodh përpara Sormanit, ish-trajnerit të Partizanit të vitit 2016, për të cilin thuhet se presidenti Demi sot është penduar që e shkarkoi.

Gjithashtu, mësohet se Partizanit iu propozuan edhe trajnerë të tjerë nga Italia, siç ishte Xhovani Kolela, gjithashtu disa herë trajner i Viçencës.

Kampionët e Shqipërisë presin shortin e Championsit në 19 Qershor, për të mësuar emrin e kundërshtarit, por Lerda pritet të nisë punë edhe më parë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono