franco lerda

matia-lerda.jpg
Vladimir Prenga16:47 | 29/01/2020

Mattia Lerda, djali i ish-trajnerit të Partizanit, nuk është kursyer në rrjetet sociale. I frymëzuar nga humbja 3-0 që të kuqtë pësuan në Kupë kundër Besëlidhjes, në faqen e Partizanin ai ka komentuar dhe ka shumë për të thënë.

“Bravo, kritikuar atë që ju mësonte çfarë ishte futbolli. Në vend që të mësoni, vetëm kritikoni. Vazhdoni kështu, se futbolli shqiptar vetëm në këtë mënyrë do rritet? Preferuar të mbani në staf njerëz që mendojnë vetëm për të mirën e tyre dhe të marrin para nga Gazi, të cilët flasin shumë dhe vlejnë asgjë. Ky është fundi që keni zgjedhur”, shkruan mes të tjerash Lerda Jr.

Ai replikon me tifozët në faqen e klubit të keq dhe në një prej komenteve shkruan: ” Ju vepruat në kokë tuaj, pa qenë realistë. Trajner italian nuk na pëlqen, ndaj le ta kritikojmë menjëherë. Nuk u treguat kurrë objektivë. Ndeshje të dominuara ku nuk dilte goli, ç’faj ka trajneri? Tirana është shumë e fortë, nuk lejohet humbja ndaj tyre? Mendoni se jeni Real Madridi?”. /abcnews.al

 

Komentet e djalit të Franco Lerda
Asani.png
Vladimir Prenga10:13 | 23/12/2019

KAMPIONATI I PREFERUAR – “Më pëlqen dhe Turqia si kampionat dhe mund të luaja dhe aty, por më shumë ndjek Spanjën dhe Anglinë. Enis Bardhin e kam shumë shok, pasi kemi luajtur me kombëtaren e Maqedonisë”.

NDESHJA ME VLLAZNINË – “Pjesa e parë ishte mirë, ndërsa në të dytën u rëndua terreni. Ishte një ndeshje shumë vështirë. Erdhi goli i Bitrit dhe më pas e morëm ndeshjen me qëtësi”.

NOTA PËR VETEN – “Unë mendoj se do t’i jepja notën 5 ose 6. Unë nuk kam pasur shumë mundësi me trajnerin e ri. Kisha vështirësi dhe duhet të tregoja çdo ndeshje maksimumin, por futbolli i ka këto gjëra, njëherë do ulesh njëherë do ngrihesh. Jemi një ekip më shumë kualifet”.

PASOJAT E DERBIT – “Mendoj që pas derbit, me Teutën, kishim raste të shumta. Unë kisha 4-5 të tilla dhe fati nuk ishte me ne. Kam shumë besim te çunat dhe do ia dalin prapë këtë vit për titullin”.

Reagimi i Asanit pas zëvendësimit në Laç

RAPORTI ME TRAJNERIN – “Kam pasur përplasje, por nuk besoj se e ka pasur personale. Në çdo ndeshje luante me një formacion ndryshe. Nuk kam pasur asgjë me të. Të kishte ndonjë gjë kundra meje, duhet të ma kishte thënë dhe ia kam thënë në stërvitje.

Trajneri u shpreh ndaj meje që nuk kishte asgjë dhe se donte të luante me skemën 3-5-2. Unë i thashë se do të jap maksimumin në stërvitje dhe në ndeshje. Unë i kam thënë Lerdës se isha i gatshëm të luaja kudo, vetëm të isha titullar. “Karakteri? Çdo futbollist ka gabimet e veta dhe duhet të përmirësohet çdo ditë e më shumë”.

LARGIMI – “Sezonin e shkuar ishim një treshe e fortë përpara dhe isha gati të bëja çdo rol.  Presidentit i kam thënë që do të vendosësh ti për të ardhmen time. Nga Partizani nuk do të ikja kurrë pa marrë lekë klubi, pasi më kanë dhënë një besim dhe mundësi që të rritesh. Nuk do të ikja pa ndihmuar klubin, që e falënderoj”. /abcnews.al

Capture-17.jpg
Vladimir Prenga22:50 | 19/12/2019

Florian Riza, specialist futbolli, i ftuar si zakonisht në emisionin “Pressing” në ABC News, analizoi sfidat e kësaj jave në elitën e futbollit në Shqipëri. Fillimisht ai foli për kreun e renditjes, duke u ndalur te rëndësia e ruajtjes së kreut dhe vështirësia për ta bërë diçka të tillë.

“Edhe pse Kukësi është i pari, do e shikojë me stres atë pozicion. Problemi është mbajtja e vendit të parë deri në fund. Pas fazës së dytë do të shikohen tre skuadrat që janë për mbijetesë, pasi dy bien direkt dhe një e tretë luan në ‘play-out’ më pas”, tha Riza.

“Problemet erdhën kryesisht nga trajneri Franco Lerda. Bëhet fjalë për ekipin kampion, që e do sërish titullar. Trajnerin krijon përplasje fizike me ndihmësit e tij dhe nuk është normale. Ai duhet të vendosë lojtarët në kushte maksimale pune, e jo më stafin.

Demi u lë dorë të lirë trajnerëve. Ai duhet të jetë prezent, të mos lërë dorë të lirë. Ata mund të gabojnë dhe nuk dihet të lihen. Italiani mendonte se ishte i pavarur dhe mendonte se mund të bënte ç’të donte”, deklaroi Riza. /abcnews.al

IMG_2563-1280x853.jpg
Vladimir Prenga22:45 | 19/12/2019

Nevil Dede, ish-qendërmbrojtësi i Tiranës, është pjesë e panelit të emisionit “Pressing” në ABC News. Trajneri i Shqipërisë U19 komentoi ngjarjet e ndodhura në Superiore këtë javë dhe jo vetëm. Tekniku foli për situatën te Partizani dhe për trajnerin Lerda, i cili u shkarkua pas humbjes në derbi.

“Në verë Lerda goditi disa lojtarë të skuadrës. Sulmuesit e marrë nuk i aktivizoi shumë, kurse Boldor luajti. Pa i parë në fushë lojtarët e Partizanit, nuk mund të them çfarë lojtarësh janë. Trajneri ka punuar me dy standarde. Marrin dy sulmues dhe nuk i fusin. U morën ndoshta edhe për të rinovuar ekipin”.

“Lerda erdhi dhe mendoi se do të merrte rolin e liderit, të bënte personazhin. Në një ekip kampion nuk i sulmon dot lojtarët. Duhet gjetur rruga për të bërë liderin. Ai donte të merrte rolin e të thoshte jam unë mbi këta. Nuk i sulmon dot njerëzit që janë të suksesshëm. Nuk është korrekte të flasim, pasi ka ikur tani. Mund të jetë trajner i mirë, por nuk kishte metodologjinë e duhur”, tha Dede. /abcnews.al

telushi.jpg
Vladimir Prenga13:39 | 17/12/2019

Bruno Telushi rikthehet i gatshëm për Partizanin, pasi mungoi në derbin me Tiranën. Mesfushori u shfaq sot para mediave dhe foli për momentin e keq të të kuqve, si dhe për largimin e trajnerit Franco Lerda dhe të Jasit Asani. Fjala frikë nuk ekziston në fjalorin e vlonjatit, i cili e di shumë mirë se Teuta mundet duke dhënë më të mirën në fushën e blertë.

MOMENTI I VËSHTIRË – “Të them të drejtën, as i lehtë nuk është. Mos ta bëjmë më të vështirë seç duhet. Janë dy humbje radhazi, që kishte kohë që Partizani nuk i provonte. Ekipi dinte të reagonte gjithmonë pas një humbjeje. Mendoj se është një moment ku duhet të tregojmë veten sa të fortë jemi si grup dhe si ekip”.

KRISJA E EKIPIT ME LERDËN – “Kjo pjesa e shkarkimit i takon klubit, që bëri zgjedhjen e vete. Për ato krisjet, çfarë kanë qenë, apo çfarë kanë dalë në media, mendoj t’i vëmë kapakun këtu dhe të mos shohim më mbrapa. Ajo që iku, iku. Trajneri Lerda e mbylli dhe unë i uroj suksese. Nuk dua të kthehem mbrapa, tek ato që kanë ndodhur”.

DIFERENCA ME KUKËSIN – “Normalisht që është e rikuperueshme. Janë shumë ekipe afër. Siç na kapën të tjerët ne, edhe ne mund t’i kapim”.

TEUTA – “Nuk ishte befasi ai barazim. Ne bëmë një ndeshje të mirë, edhe me 10 lojtarë. Do jetë një ndeshje e vështirë, pasi edhe ata vijnë nga një humbje. Them se do të jetë ndeshje e vështirë. Nuk duam ta marrim këtë ndeshje si jetë a vdekje.  Do mundohemi të japim maksimumin tonë dhe nëse ndodh kjo, atëherë ndeshja bëhet shumë e lehtë. Ne e dimë forcën e grupit. Nëse japim maksimumin, atëherë nuk kemi çfarë i kërkojmë më vetes”.

GJENDJA PSIKOLOGJIKE – “Ana psikologjike është e mirë. Pavarësisht asaj që ndodhi në derbi. Nuk ishte e lehtë. Pasi kishim kaq shumë kohë që nuk humbnim. E kemi lënë pas atë ndeshje dhe po mendojmë për të radhës. Nuk kam frikë nga ndeshja e radhës. Unë kam këtë karakter. Nëse ke frikë, më mirë mos shko fare në luftë. Frika duhet lënë pas dhe të shkosh të bësh ndeshjen tate, të mirë, siç e përgatisim. Frika nuk qëndron aspak tek ne”.

KËRKESA E TIFOZËVE PËR GEGËN – “Normalisht tifozët Gegën do kërkojnë, pasi ai ishte trajneri që nxori Partizanin kampion pas kaq shumë vitesh. Mendoj se pjesa e trajnerit i takon klubit, presidentit. Ai vendos”.

LARGIMI I ASANIT – “E vërtetë që shkon jashtë Asani. Vlerat e tij kanë qenë shumë domethënëse, e ndihmonte shumë ekipin. Në grup ka edhe lojtarë të tjerë që mund ta zëvendësojë. Grupi është më i rëndësishëm se individi”.

DERBI ME TELUSHIN NË FUSHË – “Ndoshta dilte njëlloj ndeshja, ca gjëra janë edhe të shkruara. Po të isha unë, do jepja maksimumin tim. Mund ta kishim bëtë edhe më të lehtë ndeshjen, pasi e njoh derbin. Kjo është e gjitha”, ka përfunduar Telushi.

carcani.jpg
Vladimir Prenga10:58 | 16/12/2019

Gerti Çarçani, gazetari i ABC News, i cili moderon emisionin “Pressing”, ka qenë i ftuar në emisionin “ABC-ja e mëngjesit”, drejtuar nga Enkel Demi. Shkarkimet e tre trajnerëve, Lerda nga Partizani, Shkëmbi nga Teuta dhe Marantas nga Luftëtari, kanë qenë temë diskutimi. Gjithashtu është folur për ata që do drejtojnë Partizanin dhe Tiranën në vazhdim. Emra konkretë dhe tematika të ndryshme.

Çarçani fillimisht tha: “Genc Tomori dhe Renaldo Kalari drejtojnë, kanë mbetur edhe dy ndeshje. Kalari është asistenti, kurse Genci e komandon në situata të tilla. Partizani dhe Tirana nuk do të nxitojnë, me përjashtim të Teutës që zgjodhi një shkodran, si Edi Martini”.

Më tej ai shton: “Vjen një moment që objektivat ndryshojnë rrugës. Teuta është nga ato skuadra që kënaqej me Europën. Kampionati është i tillë, që skuadrat janë shumë të ngjeshura. Pjesa e Europës tremb më shumë, pa llogaritur titullin që ka një koeficient më të lartë vështirësie. Shkëmbi ishte një trajner që ndoshta nuk bëri atë kiminë me klubin, por në fund të fundit, për ndeshjen me Kukësin, mbase është dëmtuar pak nga gjykimi.

Nga katër gola, tre prej tyre ishin me penallti. Klubi konteston, një pjesë të të tyre. Kam përshtypjen se ka qenë vendim i akumuluar. Po kështu edhe vendimi i Partizanit, që ju e etiketuat që ra dëshmor. Si metaforë po e them edhe unë”, tha Çarçani. Më tej ai foli për situatën te Partizani dhe për trajnerin e larguar, Franco Lerda.

“Lerda i kishte situatat jashtë kontrollit. Ka pasur probleme komunikimi me një pjesë lojtarësh shumë të rëndësishëm. Asanin e mbajti në stol, po kështu edhe Çinarin në derbi. Telushi nuk luante. Klubi shfrytëzoi një vendimmarrje të tij, që i shkaktoi edhe humbjen në derbi. Asani është një lojtar që nuk ke luksin ta mbash në stol. Madje ai në janar ikën te AIK Stokholm. Klubi e ka mbyllur marrëveshjen për largimin e Asanit në Suedi”.

Halili në emisionin Zona Gol

SITUATA TE TIRANA – “Halili i etiketoi gjeneralë trajnerët dhe ushtarë lojtarët. Çoi haberin pa dhënë emrat, pasi nuk mund të prishë klimën në grup. Në krahun tjetër la të kuptojë që trajnerët që drejtojnë Tiranën duhet të kenë ‘këllqe’ dhe guxim të bllokojnë presionet, që sipas tij vijnë nga jashtë. Ai e tha që faktorët janë të jashtë dhe që nuk i bën ai dhe nga klubi. Ardin, pas largimit, e tentuan ta rikthejnë. Ai nuk pranoi. Halili e tha diçka të tillë. Paguhet për kontratat e tjerë e tjerë, arsye administrative”.

PANKINAT BOSH – “Daja dhe Shehi janë emra që fabrikohen mediatikisht. Orgesi ka thënë që gjithçka mund të ndodhë dhe i përgjigjet pozitivisht çdo ftese. Ka një dilemë nëse është gati për të marrë një klub të madh, jo vetëm për Orgesin, por edhe për Ahmatajn. Orgesi është djalë model, por presioni është shumë i madh.

Partizani dhe Tirana kërkojnë përvojë të madhe, të tilla janë klube. Te Skënderbeu është i qetë, jashtë presionit. Megjithatë i jepet një mundësi nëse Partizani ia ofron stolin. Kam një ide që Tirana ka kontaktuar Dajën. Zërat se ka një marrëveshje, por nuk donin ta prezantonin para derbit. E ngacmova dje Dajën dhe më tha se e kam bërë një prezantim në gusht, i referohej prezantimit të Skënderbeut”.

EMISIONI “PRESSING” SONTE – “Përveç të zakonshmeve, do të jetë edhe Agustin Kola. Tirana fitoi derbin, jo Ligën e Kampioneve. Problemet prezente janë. Mund të mundin Flamurtarin, pastaj shkojnë në Laç. Kaloi thjesht makthin e derbit. Do tentojmë të marrim edhe nga Partizani në studio, por është e vështirë. Atje ka çështje, prej trajnerit. Do merremi me këtë ‘tërmetin’ e trajnerëve, ka edhe moviolë sikurse te Teuta-Kukësi. Kam përshtypjen se Partizani e kishte larguar më parë trajnerin, sido të dilte rezultati në derbi”, përfundoi Çarçani. /abcnews.al

Asani.png
Vladimir Prenga08:16 | 16/12/2019

Franco Lerda u shkarkuar nga Partizanit ditën e diel, ndërkohë që para se të ikte është takuar me futbollistët dhe pjesëtarët e tjerë të stafit dhe të klubit. Italiani është përqafuar me të gjithë, për të menduar më pas të marrë avionin dhe të kthehet në vendlindje.

Në vend të tij për momentin do të jenë Renaldo Kalari dhe Genc Tomori, ndërsa dëshira e madhe e të kuqve është Ilir Daja, prej të cilit e pret një përgjigje edhe Tirana. Një ditë më parë, ndryshe nga se ndodh zakonisht, presidenti Gaz Demi ka ndjekur përgatitjet e ekipit, sigurisht për t’i karikuar pas largimit të trajnerit.

JASIR ASANI – Avionin së shpejti do ta marrë edhe Jasir Asani, sulmuesi anësor që do të transferohet në Suedi. AIK Stokholm raportohet të jetë skuadra e tij e re dhe objektivi në futbollin suedez i ka të mëdha.

Nuk bëhen me dije detaje të marrëveshjes mes klubeve, por në kampin e kuq duket se janë dorëzuar dhe do të heqin dorë nga shërbimet e futbollistit shqiptar nga Maqedonia e Veriut. Në verë pati propozime të shumta nga Turqia dhe Izraeli, por asnjë ofertë nuk e kënaqi Partizanin./abcnews.al

IMG_2563-1280x853.jpg
Vladimir Prenga09:09 | 15/12/2019

Gaz Demi ishte i gatshëm ta shkarkonte që para derbit të parë me Tiranën, por Partizani triumfoi dhe trajneri Franco Lerda mbeti në krye të ekipit të kuq. Gjithsesi italiani nuk ia ka dalë ta mbyllë fazën e dytë te Partizani, pasi një ditë më parë, Demi vendosi ta shkarkonte trajnerin dhe tashmë mbetet të shihet se kush do e pasojë.

Orges Shehi është një nga emrat që po lakohet më së shumti. Kohë shumë në dispozicion nuk ka dhe duhet marrë një vendim. Edmond Dosti, ish-goleadori i Partizanit në vitin 1993, është i mendimit që të zgjidhet një trajner që i përket familjes së kuqe, ose t’i besohet për momentin Dritan Mehmetit.

“Emri i trajnerit të ardhshëm të Partizanit, mos u nxitoni presidenti Demi dhe drejtori Rama. Njëri duhet të shkojë në pankinë, por duhet të jetë brenda familjes tonë, ose trajner shqiptar.

Për momentin do ishte mirë Tan Mehmeti, meqë e njef dhe ekipin, sepse ai që iku e ka shkatërruar të gjithë atë mund dhe sukses të Gegës. Ne së bashku do t’ja dalim që të dalim përsëri kampion, pasi unë besoj shumë te ky grup”, shkruan Dosti në llogarinë e tij në “Facebook”. /abcnews.al

lerda-1280x853.jpg
Vladimir Prenga21:35 | 13/12/2019

“Humbëm një derbi, një ndeshje të rëndësishme. Vitet nuk kanë rëndësi. Llogaritet kjo humbje. Duhet të ngremë kokën dhe të analizojmë atë që ndodhi në fushë”, tha Lerda fillimisht në lidhjen direkte në emisionin “Gol pas Goli” në Supersport.

“Kemi një grup të madh lojtarësh. Bëra këto zgjedhje, pasi kështu e pashë të udhës”, tha Lerda, i pyetur për lënien jashtë të Asanit dhe Çinarit. Nëse ishte penduar për zgjedhjet e bëra, italiani shtoi: “Do bëja të njëjtat zgjedhje sërish. Kishim mungesa të rëndësishme në mesfushë. U kushtëzuam. Ata që luajtën e justifikuan vetë. Ata që zgjodha më pëlqyen”.

“Humbja me një trajner portierësh në stol? Nuk luajmë ne trajnerët, luajnë lojtarët. Tirana besoi dhe fitoi. Ne gabuam dhe ata e fituan këtë derbi”, tha Lerda. “Ishte një ndeshje për barazim”, përfundoi italiani. /abcnews.al

lerda-1280x853.jpg
Vladimir Prenga12:27 | 12/12/2019

Franco Lerda, trajner i Partizanit, ka dalë para mediave dhe ka folur për ndeshjen derbi me Tiranën. Italiani i është përgjigjur interesimit të gazetarëve, të cilët e kanë pyetur për sfidën dhe shumë çështje të tjera që lidhen me klubin dhe këtë përballje të rëndësishme, që për herë të parë do të luhet në “Air Albania Stadium”.

“Gjashtë vite pa humbje? Të gjitha ndeshjet derbi janë të rëndësishme dhe duhet bërë paraqitje e mire. Ka gjithë këto vite që marrim rezultate pozitive dhe ne do mundohemi ta ruajmë vazhdimësinë. Do ishte mjaft mirë për ne. Jemi përgatitur mirë për ta kaluar me sukses këtë ndeshje”.

“Impenjimi? Besoj se kur luan një derbi, nuk ka favorit. Aspekti psikologjik është shumë i rëndësishëm në sfida të tilla”, shtoi trajneri italian, i cili më pas foli edhe për mungesat e Partizanit në ndeshjen me Tiranën.

“Kemi një grup të plotë. E kemi menduar ndeshjen me ata që kemi, jo me ata që nuk kemi. Edhe herë të tjera kemi pasur mungesa të rëndësishme. Lojtarët që kemi janë të përgatitur për ta përballuar këtë ndeshje”.

“I mbyturi, të mbyt? Mendoj për skuadrën time, të përgatis mirë skuadrën time. Nuk mendoj se çfarë ndodh te skuadra tjetër. E respektojmë kundërshtarin, si gjithmonë. E thashë, aspekti psikologjik është i rëndësishëm në këtë ndeshje. Jemi të përqendruar te skuadra jonë”.

“Derbi, në momentin e duhur? Kemi analizuar ndeshjen me Bylisin. Kemi parë gjërat e mira dhe jo të mira. Kemi punuar dhe jemi përgatitur për ndeshjen e radhës. Dihet që Tirana është një ekip me vlera. Renditja nuk tregon vlerat e tyre. Për ne është e rëndësishme dhe një provë e vërtetë force”.

“Asani e Çinari? Keni parë stërvitjen dhe nuk i kam përfshirë. Nuk ka të sakrifikuar. Ne bëjmë shumë ndryshime në seanca. Telushi e Broja janë çështje të ndryshme, kanë kartonë. Mala është çështje tjetër. Ata që janë jashtë, vlejnë zero. Për mua vlejnë ata që kam në dispozicion. Ata nuk i llogaris fare për këtë takim”.

“Të gjitha ndeshjet janë të vështira, jo vetëm derbi.  Kjo ndeshje me Tiranën duhet përgatitur më shumë psikologjikisht, pasi është takim i rëndësishëm dhe të gjithë e presin ta shohin. Luhet në stadium i ri? Uroj që të gjithë të argëtohen. Të gjithë do japin më të mirën që të kënaqen”.

“Nuk shoh TV e as nuk lexoj gazeta. Frika është një fjalë e shëmtuar, vetëm respekt. Kjo është një ndeshje që duhet të luajmë mirë në aspektin psikologjik. E rëndësishme është që të japim maksimumin. Në fushë vendoset gjithçka”.

“Derbi luhet, nuk fitohet? Sigurisht është e rëndësishme të fitohet. Në filozofinë time është marrja e rezultateve. Ka shumë pritshmëri. Skuadra duhet të japë më të mirën dhe të jetë perfekte në fushën e blertë. Tirana jashtë gare? Sigurisht që Tirana nuk i ka humbur shanset për titull. Shpresoj të ringrihet pas kësaj jave. Kanë një organikë të mirë dhe besoj se mund të paraqiten më mirë në vazhdim”.

“Është e vërtetë që një trajner i ri e mobilizon skuadrën. Është një vazhdimësi te Tirana, pasi e drejton Egbo që ka qenë prej vitesh pjesë e atij ekip si trajner portierësh. Tirana ka ekip të mirë, janë grup dhe kjo është pika më e fortë”, përfundoi Lerda, i cili pret nga skuadra e tij të vazhdojë të bëjë të njëjtën lojë edhe në derbi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono