france

brigitte-macron-au-plus-mal-son-frere-aine-jean-claude-trogneux-vient-de-mourir-1024x576.jpeg
nev ila14:01 | 20/07/2019

 

Janë shtatë të punësuarit për të lexuar letrat që vijnë në adresë të zonjës së parë të Francës Brizhit Macron. Ndërsa shpenzimet fikse të saj shkojnë deri në 280 mijë euro në vit. por gjithësesi paraardhëset e saj shpenzonin më shumë.

Brizhit Macron ka marrë 19 500 letra në vitin 2018, pas 13 mijë letrash në vitin 2017. Dhe për të lexuar të gjitha letrat që i dërgohen asaj në Elize punojnë shtatë persona të cilët duhet të menaxhojnë korrespondencën. Por kjo është vetëm maja e Ajsbergut e një serie të gjatë akuzash për shpenzimet e Zonjës së parë të Francës.

Në Paris ish mësuesja mund të mbështetet dhe te katër bashkëpunëtorë fiks që në vitin 2018 kushtuan në total 279.144 euro.

Këtij shpenzimi fiks i shtohen dhe të tjera, si grimierja e presidencës e cila paguhet 5200 euro në muaj, por ajo nuk merret vetëm me Briggit Macron. Nga raporti i shpenzimeve del gjithashtu se Zonja e Parë ka në përdorim një zyrë prej gjashtë dhomash në një nga hotelet më në zë të Parisit. Por këtyre shpenzimeve i shtohen dhe të tjera të cilat ajo nuk i paguan vetë si udhëtimet apo masat e sigurisë.

Por në krahasim me paraardhëset e saj, bashkëshortja e Macron duket më e kujdesshme për financat publike. Bernadet Shirak kishte 21 persona në shërbimin e saj, mes të cilëve një këshilltar teknik, katër sekretare dhe dy shoferë me një kosto prej 80 mijë eurosh në muaj.

Valeri Trivelieë, ish partnerja e Fransua Holond, e cila qëndroi në Elize në periudhën 2012 – 2014, kishte pesë bashkëpunëtorë me një kosto prej 236.904 në vit. Ndërsa Karla Bruni, zonjë e parë në periudhën 2008 – 2012, kishte tetë bashkëpunëtorë të cilët i kushtonin 437.376 në vit.

Gjithnjë sipas raportit zyrtar të shpenzimeve, në vitin 2018, Elize ka shpenzuar 5.6 milion euro më shumë se parashikimet, me një total prej 108.8 milion eurosh.

Një gropë e mbushur me rezervat e brendshme të presidencës. Emanuel dhe Brizhit Makron ndër të tjera kanë rimbursuar 5.403 euro të shpenzuara për udhëtimet e tyre personale me anë të flutirmeve shtetërore.

Ndërsa pushimet e tyre iu kanë kushtuar taksapaguesve francezë më shumë se 100 mijë euro./ABC News Albania 24/7

download-2.jpg
Sej rie23:30 | 18/07/2019

Është një nga këngëtaret më të talentuara në mbarë vendin. Erza Muqolli, edhe pse e re në moshë, karriera e saj po kalon edhe jashtë kufijve shqiptar. Ajo cilësohet për zërin e saj të veçantë dhe për pjesëmarrje të suksesshme në skenën e muzikës.

Vajza shqiptare, e cila në Francë tanimë është ndër fëmijët që merr vëmendjen më të madhe të mediave dhe publikut me projektet e saj muzikore, ka qenë e pranishme në Radio Scoop Music Tour 2019.

Koncerti më i madh veror në Francë këtë vit ka mirëpritur Erzën dhe artistët e tjerë të njohur në Francë, si Bilal Hassani, Mika, Danke, Clara Luciani e artistë të tjerë.

Erza, 13-vjeçare, ka kënduar para 40 mijë të pranishmëve në koncert, këngën e saj “Je chanterai” dhe versionin e saj të “Back to black” nga Amy Winehouse.

7.jpg
Sej rie22:15 | 18/07/2019

Një fshat i tërë po mobilizohet në Herault në Francës kundër vendimit prefektural për të dëbuar një familje shqiptare. Banorët e Fraisse-sur-Agoût po mobilizohen në mënyrë që nëna 39 vjeçare dhe dy fëmijët e saj 11 dhe 15 vjeç mund të qëndrojnë në Francë. Të gjitha mjetet juridike dhe administrative për të qëndruar në Francë janë shteruar. Kjo familje mbërriti në fshat Shtatorin e kaluar pasi më parë kishte qëndruar në Béziers.

Që nga 10 Korriku, familjes i është kërkuar që të largohet nga Franca. Frika se xhandarët mund të merrnin Florën dhe dy fëmijët e saj Eri dhe Ben, ka bërë që ata të braktisnin gjithçka madje edhe apartamentin e vënë në dispozicion. Ata janë larguar nga apartamenti vetëm e rrobat e trupit duke mos pasur mundësi për të marrë gjërat e tjera.

Sandrine, një banore nga komiteti mbështetës, e mirëpriti  dhe mbajti për 5 muaj në shtëpi nënë me dy fëmijë derisa ajo gjeti shtëpi në fshat.  Ajo po lufton si shumë  banorë të tjerë në mbështetje të nënës shqiptare në mënyrë që afati i lejes së qëndrimit të shtyhet.

“Çdo rast është i ndryshëm, duhet të ketë një zgjidhje, ata kanë mësuar frëngjishten, janë integruar mirë në fshat”, tha ajo.

Në fshat askush nuk e di se ku fshihet Flora dhe fëmijët e saj.

Kjo nënë iku nga Shqipëria pasi ishte viktimë e dhunës në familje. Fëmijët janë arsimuar në Francë prej 3 vitesh ku i vogli ndjek kopshtin “Fraïsse-sur-Agout” ndërsa më i rrituri shkon në kolegj në “Saint-Pons”.

“Ajo kishte arritur të rindërtojë jetën e saj, të harrojë vitet e saj të abuzimit dhe vuajtjes”, tha Agnes.

Një peticion u nënshkrua brenda 10 ditëve dhe e firmosën më shumë se 400 vetë.  Një demonstrim mbështetjes u organizua të mërkurën. Shumë njerëz u mblodhën për të shprehur ankthin, zhgënjimin,  pasi nuk pajtohen me vendimi që është marrë për nënën me dy fëmijë.

Një apel i është bërë edhe Kryetarit të Komunës së Fraisse-sur-Agoût. Por ky i fundit nuk ka kthyer përgjigje./abcnews.al

image.jpg
Sej rie21:27 | 18/07/2019

Të shtunën në mbrëmje më 14 Korrik, disa persona u mblodhën për një demonstratë paqësore të mbajtur nga shoqata SOMILO (Solidaritet me Emigrantët në Lomagne) për të mbështetur një familje shqiptare të kërcënuar me deportim nga Lectoure, Francë.

Xhelili, 40 vjeç, bashkëshortja e tij Oltania dhe dy fëmijët e tyre Ervini 13 vjeç dhe Ermes 5 vjeç, kanë dy vite e gjysmë që qëndrojnë në Francë. Në Lectoure, ata janë të integruar mirë, ku Ermes shkon në kopshtin “La Ribambelle” dhe Ervini në kolegjin “Maréchal-Lannes”.

Ata ikën nga Tirana pasi kërcënoheshin nga mafia.  Xhelilin e kishin rrëmbyer dhe më pas i kishin shkatërrua restorantin.

Për mbështetësit e familje shqiptare është e pakonceptueshme që ata të kthehen në Shqipëri ku jetët e tyre janë në rrezik.

Pas një kontrolli nga xhandarmëria, Xhelil u arrestua pasi nuk kishte dokumente dhe u mbajt 21 orë në polici. Prefektura e kishte njoftuar se ndaj familje kishte një urdhër nga  OQTF (që do të thotë, detyrim për të lënë menjëherë territorin francez).

Por e ardhmja e familje shqiptare është pra një pikëpyetje e madhe. Të gjitha ankesat u shteruan me gjykatën e Paut, e cila shqyrtoi vendimet e Prefekturës.

Përkundër vendimit të OQTF, të gjithë shpresonin se Prefektura nuk do e ekzekutonte atë. Mbështetësit janë të indinjuar dhe kërkojnë të flasin me kryetarin e Prefekturës Gérard Duclos për situatën e familjes shqiptare./abcnews.al

profimedia-0232331913-1280x757.jpg
nev ila14:09 | 18/07/2019

Turi i Francës është një sukses i madh sportiv, por edhe promovim i turizmit. Gara më e vjetër e çiklizmit në botë tërheq çdo vit miliona njerëz.

Ky qytet përfitoi shumë në fare pak ditë.

Brukseli, kryeqyteti i Belgjikës, besohet se ka futur në xhep rreth 60 milionë euro vetëm sepse organizoi nisjen e Turit të Francës, pra etapën e parë të tij.

Rreth 1 milionë turistë vizituan qytetin historik, me hotelet, transportin dhe shitoret e gjithçkaje, që patën të ardhura të mëdha.

“Le Grande Bukle”, gara e madhe franceze, është më e lavdishmja e çiklizmit në të gjithë botën, një sukses sportiv, por edhe financiar.

Rreth 15 milionë spektatorë e ndjekin Turin në rrugët e Francës çdo vit, ndërsa mbi 20 milionë të tjerë e shohin nga televizori.

Kjo do të thotë turizëm i pastër, dhe reklamë e fuqishme e vendeve më të bukura, historike, gjeografike apo artistike të shtetit të famshëm të Europës Perëndimore.

Kështjella, sheshe e rrugë të veçanta, masive pyjorë, fshatra turistikë, liqene e lumenj, filmohen me helikopterë apo dronë dhe promovohen në gjithë rruzullin.

Vetë Parisi ka 50 milionë turistë në vit, për shumë arsye, ndërsa Francës i shtohen miliona sa herë vjen korriku, thjesht nga çiklizmi.

Në Angli, numri i turistëve u rrit me 12 për qind, dhe shpenzimet totale të tyre arritën në 465 milionë paundë stërlina, në vetëm pak ditë që ndoqën etapat që kaluan në ishull, pak vjet më parë.

Kompanitë e ndryshme japin nga 200 000 deri në 500 000 euro për të qenë pjesë e karvanit çdo vit, ndërsa xhiroja vjetore e Turit arrin në 150 milionë euro, me fitimet që janë mbi 30 milionë euro.

Vetë çiklistët, protagonistët kryesorë të, nuk është se kanë fitime kaq të mëdha.

Fituesi merr 500 000 euro, shumë herë më pak sesa një yll i futbollit apo sesa emrat e mëdhenj të tenisit, basketbollit apo futbollit amerikan.

Që nga vendi i 20-të e më pas, çdo çiklist merr vetëm nga 1 000 euro, diçka qesharake./ABC News Albania 24/7

riatdhesim-2.jpg
G. P.13:38 | 17/07/2019

Policia Kufitare në bashkëpunim me Policinë Franceze, kanë vijuar operacionet e përbashkëta të riatdhesimit, ku nëpërmjet dy fluturimeve me charter nga Franca janë riatdhesuar 29 shtetas shqiptarë, të cilëve u është refuzuar azili në Francë, në njërin prej fluturimeve  një familje me 5 anëtarë.

Gjithashtu janë deportuar nga vendet e BE-së edhe 17 shtetas të tjerë me motivin ”Qëndrim i parregullt në territor”, ”Pëfunduar  vuajtjen e dënimit  në vendet e BE -së”,  ” Tentativë kalimi ilegal për në Mbreterinë e Bashkuar”, ”Tejkalim i afatit të qëndrimit në territor”  dhe ”Refuzim azili në vendet e BE-së”.

Operacionet e riatdhesimit do vijojnë edhe në javët e ardhshme dhe në këtë kontekst, Policia e Shtetit apelon edhe njëherë për të gjithë shtetasit shqiptarë që udhëtojnë për në vendet e BE-së që të respektojnë rregullat e lëvizjes në hapësirën Schengen, si dhe mos bëjnë asnjë tentativë për të kërkuar azil, pasi shanset për ta fituar atë janë zero.

Njëkohësisht Policia Kufitare në pikat e kalimit  do vijojë me kontrollet rigoroze në drejtim të verifikimit   të dokumentacionit dhe plotësimit të kushteve për të udhëtuar në vendet e BE-së, si dhe të kontrollit  më të rreptë të kufirit jeshil./abcnews.al

pres-de-trente-militants-se-sont-reunis-toute-la-journee-de-lundi-pour-s-opposer-a-l-expulsion-de-deux-familles-de-migrants-photo-progres-guillaume-sergent-1562613445.jpg
Sej rie10:40 | 10/07/2019

Disa familje refugjatësh në Francë, të cilat duhej të dëboheshin më 8 Korrik u është dhënë një afat prej 7 ditësh që të bëhen gati. Por shoqatat që janë në ndihmë të emigrantëve janë të shqetësuara për situatën.

Në mesin e refugjatëve të kërcënuara me dëbim janë edhe dy familje shqiptare.  Aktivist të janë të gëzuar që autoritetet franceze u kanë lënë një javë kohë.

Por problemi vazhdon. Të ballafaquar me këtë situatë, që konsiderohet e patolerueshme nga disa aktivistë, atë bëjnë të ditur se mobilizimi do të vazhdojë.

“Ne kërkojmë nga autoritetet t’u japin këtyre njerëzve kohë për të përmbushur kërkesat e prefekturës”, tha një anëtar i grupit, i cili dëshiron të mbetet anonim. Rreth 50 njerëz, përfshirë 34 fëmijë janë nën urdhrin e detyrimit për të lënë territorin francez./abcnews.al

34e07f4f-32e0-499f-931c-363b94189cdd-1280x720.jpg
Sej rie16:40 | 02/07/2019

Gjatë mesditës së sotme me një avion të posaçëm, janë riatdhesuar vullnetarisht 29 shtetas shqiptarë , të cilët kishin kërkuar azil në Francë.

Ministria e Brendshme dhe Policia e Shtetit edhe njëherë apelojnë për të gjithë shtetasit shqiptarë që të mos tentojnë për të kërkuar azil dhe mos abuzojnë me rregullat për lëvizjen në hapësirën Schengen, si dhe të tregojnë kujdes mos bien pre e mashtrimeve për të marrë dokumente false me qëllim përfitimin e azilit në vendet e BE-së, pasi shanset për të përfituar janë zero.

Operacionet e riatdhesimit nga Policia Kufitare në bashkëpunim me partnerët e vendeve të BE-së do vijojnë edhe në javët e ardheshme./abcnews.al

notre-dame-1.jpg
G. P.23:42 | 26/06/2019

Në Paris janë publikuar të mërkurën rezultatet e hetimeve paraprake mbi zjarrin që përfshiu katedralen Notre Dame. Sipas prokurorëve që kanë kryer hetimet, shkak janë bërë një defekt në sistemin elektrik ose një cigare.

Një defekt elektrik ose një cigare e fikur keq mund të kenë qenë shkaqet e rënies së zjarrit që dogji një pjesë të katedrales Notre Dame, në Paris. Lajmin e bënë të ditur autoritetet franceze që kanë hetuar zjarrin që përfshiu objektin e kultit në muajin prill.

Prokurorët parizienë deklaruan se, teksa po hetojnë edhe mundësinë e neglizhencës, aktualisht nuk kanë arsye të besojnë se zjarri është vënë qëllimisht. Zjarri që përfshiu katedralen mesjetare më 15 Prill shkatërroi çatinë e saj, rrëzoi shtizën dhe rrezikoi të shembte kullat e kambanave përpara se të ndërhynin zjarrfikësit për ta shuar.

“Shkaqet e sakta nuk janë zbuluar ende, por për momentin nuk ka të dhëna për një zjarr me origjinë të qëllimshme”, thuhet në një deklaratë të zyrës së prokurorit të Parisit, Remi Heitz.

Megjithatë, në dokument nënvizohet se asgjë nuk është përjashtuar nga hetimi, që pas fazës paraprake do t’i kalojë tre prokurorëve të tjerë me kompetenca më të fuqishme për të çuar përpara procesin.

Presidenti francez, Emmanuel Macron ka vendosur si objektiv rindërtimin brenda 5 vitesh të Notre Dame, një objekt që daton që prej shekullit të 12-të dhe është një ndër ndërtesat ikonë të Europës./ABC News Albania 24/7

bf93021b081f800861789423bc08ec97-un-albanais-sauvagement-assassine-rennes-en-2003-quinze-ans-apres-le-vide-au-proces.jpg
Sej rie12:10 | 26/06/2019

Mediat franceze kanë rikthyer vëmendjen tek një vrasje e ndodhur 15-vite me parë. Një 27-vjeçar shqiptar u vra në Maurepas më 13 Gusht të vitit 2003. Por cili është roli i bashkautorit në kërkim? Po roli i bashkautorit të arrestuar?

Hija e mafies shqiptare mban pezull çështjen. Një nga të bashkakuzuarit i identifikuar si Ndriçim Hoxha është i shpallur në kërkim ndërkombëtar. Ndërsa në stolin e të pandehurve në gjykatë ishte vetëm bashkautori tjetër i arrestuar në Korrik të viti 2018 në Spanjë, Eduart Pelushi.

Familja e të ndjerit kërkon drejtësi dhe nuk mund të presë pa fund deri kur Gjykata në Assize të japë vendimin përfundimtar, raporton ouest-france.fr. 

Para 15-vjetësh, Erjon Murati u lidh dhe u sulmua para se të vritej brutalisht. Ishte data 13 Gusht 2003, në kohën e drekës kur ai u vra ndërsa po ecte në lagjen Maurepas të Rennes. Tre plumba e kapën në shpinë dhe i riu gjeti vdekjen. Hetimi është përqendruar tek larja e hesapeve për  një borxh droge.

Vrasësi i dyshuar ishte Fatjon Naxhaku, i cili u vra në një atentat me armë zjarri dy vite më vonë në Tiranë, në Gusht të vitit 2005.

Por nuk ka dyshim se në vrasjen e të rit shqiptar në Francë ishte i përfshirë edhe Eduart Pelushi, 46 vjeç.

Roli i tij kishte qenë i rëndësishëm, sipas qiramarrësi i apartamentit në Maurepas, të cilin e kishin lidhur dhe dhunuar bashkë me 27-vjeçarin vëren e vitit 2003.

Gjatë dëshmisë së tij ai e ka cilësuar Eduart Pelushin si shefi i bandës. Por në seancën e fundit gjyqësore qiradhënësi nuk është paraqitur. Edhe e dashura e Erjon Muratit mungoi për “arsye shëndetësore”.

“Është më mirë të qëndrosh i qetë sesa të flasësh, kur mafia shqiptare konsiderohet si një nga më të rrezikshmet në botë …”, kështu e interpreton media franceze mungesën e dëshmitarëve në seancën gjyqësore.

Nga banka e të akuzuarit shqiptari mohon çdo përfshirje. Madje media franceze përshkruan edhe gjendjen se si u paraqit 46-vjeçari në gjyq.

Ai kishte pasur një pamje të zhdërvjellët, i veshur me këmishë të bardhë dhe flokët të prerë. Ai nis dhe flet për jetën e tij. E paraqet veten si një njëri të arsimuar, pa precedent të mëparshëm dhe se nuk kishte pasur kurrë varësi nga droga dhe alkooli.

Për të shpjeguar praninë e tij në Rennes në gusht të vitit 2003, Eduart Pelushi shpjegon se ndjehet i zhgënjyer nga Fatjon Naxhakut: ai e kishte ndihmuar atë të gjente një shtëpi për “pushimet në Montpellier”.

Dhe kur Fatjon Naxhaku i kishte kërkuar që ta çonte atë natë në Nantes, dhe më pas në Rennes, për të takuar “një mik”, ai kishte rëndë dakord.

“Nuk shkuam atje për të bërë luftë. Kur arritëm, ata u puthën në faqe dhe i shtrënguan duar njeri-tjetrit. Toni u ngrit nga tavolina kur erdhi Erjon Murati. Nisën të fyenin njëri-tjetrin dhe më pas të rriheshin. Pastaj Fatjon Naxhaku ka nxjerrë armën”.

Ndërsa ata përlesheshin, i akuzuar përshkruan veten si ” viktimë”. Roli i tij i vetëm do të ishte të qetësonte të dashurën e viktimës.  Në gjykatë ai mbante qëndrimin të qetë dhe si pafajshëm.

Por hetuesit ngrenë pyetje dhe vënë në dyshim pretendimet e tij:  pse ndryshoi identitetin e tij në vitin 2003? Gjatë një përgjime telefonik ai kishte folur sikur ishte tjetër person?

Gjyqi ndaj tij vazhdon dhe hetuesit po punojnë për zbardhjen e të vërtetës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono