france

1-8.jpg
in a18:10 | 20/11/2019

Elisa Pilarski, 29 vjeç është sulmuar për vdekje nga qentë në një pyll të Francës. 29-vjeçarja kishte dalë për të shëtitur qentë e saj në afërsi të qytetit Villers-Cotterêts.

Mësohet se Pilarski ishte gjashtë muajshe shtatëzanë. Ajo vdiq pas “disa kafshimeve të qenve në gjymtyrët e sipërme dhe të poshtme dhe kokën”, tha prokurori Frédéric Trinh.

Policia njoftoi se po kryenin prova mbi 93 qen dhe se gjithashtu egzistonte mundësia që 29-vjeçarja të jetë vrarë. Testet, duke krahasuar mostrat e ADN-së të freskëta me ato të marra nga Znj Pilarski, do të përpiqen të përcaktojnë se cilat kafshë ishin përgjegjës për sulmin .

Pesë qen që i përkisnin zonjës Pilarski, ishin në mesin e atyre që u testuan.

Një ekzaminim pas vdekjes tregoi se viktima kishte pësuar kafshime qensh në kokë, duke i shkaktuar një hemorragji të rëndë./abcnews.al

10-1.jpg
in a15:11 | 20/11/2019

Kriza e spitalve në Francë ka bërë që qeveria të marrë përsipër 10 mld euro borxh. Edhe pse sistemi spitalor në Francë është konsideruar si një ndër më të mirët, vitet e fundit është përballur më krizën borxheve. Qeveria franceze ka deklaruar se do të marrë përsipër 10 miliardë euro boxhe për të ndalur protestat disa mujorë të doktorëve dhe infermierëve. Kryeministri Eduard Filip tha se do të bëhën financime urgjente deri 800 euro bonus të përheshëm vjetor për 40 mijë infermierët e vendit që fitojnë deri 1,900 euro në muaj.

“Buxheti ynë për sektorin spitalor do të rritet me 1,5 miliardë dollarë në tri vitet e ardhshme, që do lejojë spitalet të ulin deficitet dhe të modernizohen. Ne e kemi dëgjuar zemërimin, lodhjen dhe pafuqinë tuaj me situatën, ndaj po marrim përsipër e borxhet,” deklaroi kryeministri Filip.

Mbingarkesa dhe pagat e ulëta kanë detyruar largimin e stafit drejt sektorit privat, por edhe pse me një buxhet vjetor mbi 11 për qind e prodhimit kombëtar, spitalet franceze kanë mbyllur qindra salla operacioni.

Këto zhvillime në muajin mars nxorën në greva doktorët dhe infermierët e Parisit, të cilët ankoheshin se pacientët e moshuar po pritnin deri në 72 orë në korridore nga mungesa e shtretërve./abcnews.al

 

pije-alkoolike-1280x718.jpg
nev ila13:29 | 19/11/2019

Personeli i një kompanie franceze të pijeve alkolike, ka hedhur në gjyq kompaninë me akuzën se i detyron punonjësit të konsumojnë alkol gjatë orarit të punës. Disa prej tyre pretendojnë se ushtrohet një presion i madh dhe ai që nuk pranon nuk është i vlerësuar nga eprorët.

Kompania franceze e verërave dhe pijeve alkoolike Pernod Ricard, prodhuese e verës së njohur Pastis, është hedhur në gjyq nga disa prej nënpunësve të saj, me një akuzë të vecantë: kompania u ka bërë presion që ata të pinë alkool në vendin e punës, duke i dëmtuar shëndetin dhe duke bërë që disa prej tyre të bëhen të varur nga alkoli.

Britanikja “The Guardian” raporton se një ish shitës i kompanisë, pretendon se ka qenë i detyruar të pijë deri në 12 gota pije alkolike në ditë, duke drejtuar automjetin në gjendje të dehur, shumë herë.

Një tjetër shitëse tregoi për francezen “Le Parisien” se si personeli ka qenë i detyruar të pijë në orarin e drekës, pas mbledhjeve dhe në darkë; por dhe gjatë takimeve me klientët.

Konsumi i vazhdueshëm i alkolit ka shkaktuar pasoja negative te një pjesë e personelit, ku disa prej tyre pretendojnë se kanë alucinacione dhe se dëgjojnë zëra.  Shitësja u shpreh se kjo është kultura e kompanisë dhe nëse thua jo, atëherë nuk je shumë i vlerësuar.

Ajo madje u shpreh se disa herë ishte detyruar të derdhte pijen në vazot me lule, për të mos pirë më. Akuzat janë përgënjeshtruar menjëherë nga kompania, e cila sqaron se konsumi ose jo i alkolit është një vendim personal. Gjithësesi vendimi i gjykatës do të jepet në fund të muajit./abcnews.al

uraa.jpg
ger ta11:32 | 18/11/2019

Një vajzë 15-vjeçare raportohet të ketë vdekur sot pasi një urë u rrëzua mbi një lumë në Francë.
E reja besohet të ketë qenë duke udhëtuar me nënën e saj pasi ura ra në Mirepoix-sur Tarn, në veri të Tuluzhës, pas orës 8 të mëngjesit.

Tre automjete ishin në urë, në momentin kur u rrëzua, automjeti me të cilin udhëtonte vajzën, një kamion dhe një mjet tjetër.
Vajza e vdekur po udhëtonte me nënën e saj, e cila u shpëtua nga banorët e zonës.

Sipas autoriteteve personat e tjerë që ranë në lumë dolën prej aty me not.

La depeche.fr raportoi se një kamion mbi kufirin e autorizuar të peshës kishte hyrë në urë, duke bërë që ura të shembej dhe të binin edhe dy automjete të tjerë.
Sipas asaj që raportjnë mediat e tjera franceze, një autobus shkolle kishte kaluar urën disa momente para se të binte.
Rreth 80 zjarrfikës janë aktualisht në vendngjarje./abcnews.al

Grizman-1280x854.jpg
Veronik Istrefaj21:44 | 17/11/2019

Antoine Griezmann shënoi golin e dytë në takimin kundër Shqipërisë, pjesa e parë të e cilit u mbyll me rezultatin 0-2. Në minutën e 30-të, ylli francez shënoi një gol të bukur me të djathtën, praktikisht një penallti në lëvizje.

Ky gol ishte i 30-ti i Griezmann me fanellën e Francës, duke iu bashkuar disa emrave legjendarë francezë në listën e golashënuesve. Sulmuesi ka shënuar të njëjtën sasi golash sa Papin dhe Fontaine.

Zinedine Zidane ka vetëm një gol më shumë se Griezmann, ndërsa listën e golashënuesve vazhdon ta udhëheqë legjenda Thierry Henry./abcnews.al

TKZ.png
Igli Nikolli21:49 | 16/11/2019

Ashtu si është bërë zakon vitet e fundit, Tifozat Kuq e Zi, grupimi më i madh që mbështet kombëtaren e Shqipërisë, kanë zhvilluar një miqësore me ultrasit kundërshtarë. Këtë radhë kanë qëlluar francezët, të cilët njihen si Irresistibles.

Foto e përbashkët mes TKZ dhe tifozëve francezë

TKZ ia ka dalë të fitojë 2-0 në stadiumin e Kamzës dhe të dy golat janë shënuar nga Lami Kërpuzi. Besnikët e përjetshëm të Shqipërisë u treguan më të saktë dhe ia dolën të siguronin fitoren. Emocione dhe atmosferë e bukur para dhe pas ndeshjes, teksa u këndua edhe himni i Shqipërisë përpara fillimit të ndeshjes. /abcnews.al

Radio-France-RFI.jpg
Veronik Istrefaj20:01 | 16/11/2019

Disa ditë më parë, disa radiostacione franceze: Radio France, Evropa 1, RMC dhe RFI, morën një kërkesë për pjesëmarrje financiare nga Federata Shqiptare, për të drejtën e transmetimit drejtpërdrejt të takimit Shqipëri-Francë të dielën, ndeshjen e fundit kualifikuese të Euro 2020. Zakonisht, radiot paguajnë vetëm tarifat e instalimit për linjat në stadium para përdorimit.

“Praktika është që Federatat Anëtare të UEFA-s të mos paguajnë asnjë tarifë teknike, edhe nëse i mbulojmë kostot e tjera”, shpjegoi Vincent Rodriguez, shefi i departamentit të sportit në Radio France. ”Atje, ishim pak të befasuar që ata kërkonin me shkrim dhe në mënyrë direkte një shumë prej 1500 euro kosto teknike.

Ata janë në të drejtën e tyre, por EBU specifikon që këto tarifa nuk mund të tejkalojnë 1000 eurot. Ne negociuam për tre ditë, kurrë nuk kishte një përgjigje të qartë. Federata Franceze është afruar për të provuar të zgjidhë situatën, por ne nuk kemi gjetur asnjë marrëveshje”./abcnews.al

France.png
Veronik Istrefaj18:11 | 16/11/2019

Nesër në mbrëmje, Shqipëria do të presë skuadrën e Francës, në një sfidë që do të inagurojë dhe hapjen e stadiumit të ri kombëtar, “Air Albania Stadium”. Përballja kundër kampionëve të botës po pritet me padurim si nga futbollistët kuqezi, ashtu dhe nga tifozët.

Franca ka udhëtuar sot drejt Shqipërisë dhe rrugëtimi i tyre është pasqyruar në kanalin zyrtar të tyre në YouTube. Yjet francezë udhëtojnë me autobus dhe më pas në avion, aty ku janë dhe momentet më gazmore. Olivier Giroud shikohet të luajë me lojëra fjalësh, ndërsa Mbappe e Madanda janë fansa të muzikës.

Mbrojtësi Lucas Digne është nëj fans i madh i NBA dhe në telefonin e tij, po ndjek me shumë interes Russel Westbrook. Kur yjet e Francës zbarkojnë në tokën shqiptare, priten nga shumë tifozë shqiptarë, të cilët përfitojnë të marrin autografe dhe të bëjnë foto me heronjtë e tyre./abcnews.al

Deschamps.jpg
Veronik Istrefaj17:54 | 16/11/2019

Trajneri i Francës, Didier Deschamps, ka folur në konferencë për shtyp para sfidës kundër Shqipërisë, që do të luhet në kryeqytet, në stadiumin “Air Albania”. Deschamps do të drejtojë ndeshjen e tij të 100-të në krye të “Gjelave” dhe para takimit kundër Shqipërisë, tha:

SHQIPËRIA: “Vijmë për të marrë të njëjtin rezultat, i cili do të na siguronte vendin e parë. Ne duam të bëjmë më mirë se ndeshjen e parë. Është një ndeshje tjetër, një ekip tjetër. Për shqiptarët, është një ndeshje e parë në stadiumin e ri. Do të jetë atmosferë e zjarrtë. Ne duhet të jemi në maksimumin tonë”.

FORMACIONI – “Do të ketë të paktën një ndryshim. Kanté është në dyshim, Giroud gjithashtu. E rëndësishme është se të gjithë duan të luajnë, por jo të gjithë do të luajnë (qesh)”.

MBAPPE: “Kylian gjithmonë ka aftësinë të bëjë diferencën. Ka rrezik të pësojë ndonjë goditje, por duhet të gjejmë një të mesme të lumtur si për mua, ashtu dhe për të. Kylian ka qenë gjithmonë pjesë e grupit dhe ai u përpoq shumë kundër Moldavisë”, tha mes të tjerash Deschamps./abcnews.al

Coman.jpg
Veronik Istrefaj16:43 | 16/11/2019

Presidenti i Federatës Franceze të Futbollit, Noel Le Graet, ka folur për RMC Sport në virgjile të ndeshjes mes Shqipërisë dhe Francës.

Pasi dha mendimet e tij për këtë transfertë të “Gjelave”, La Graet lëshoi dhe një deklaratë të bujshme, që ka marrë vëmendjen e shuëm medieve europiane.

Presidenti pranoi se sulmuesi i Real Madrid, Karim Benzema, nuk do të luajë kurrë më me Francën! Mes të tjerash, Le Graet u shpreh: “Për mua, Benzema është një lojtar i shkëlqyer.

Unë asnjëherë nuk kam qenë kundër tij dhe gjithmonë i kam vlerësuar arritjet që ka pasur me Real Madridin. Gjithsesi, aventura e tij me Francën ka marrë fund”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono