franca

Kante-Lampard-1.png
Igli Nikolli17:08 | 18/10/2019

Frank Lampard ka mbetur i zhgënjyer nga Didier Deschamps, trajneri i kombëtares franceze. Në mes është N’golo Kante, i cili është dëmtuar në kombëtare. Mesfushori nuk ishte gati për lojë, por Deschamps nuk pyeti dhe e grumbulloi për dy ndeshjet kundër Islandës dhe Turqisë.

28-vjeçari ndjeu dhimbje gjatë nxehjes përpara fillimit të ndeshjes kundër Islandës, duke përkeqësuar gjendjen e kaviljes së majtë. Trajneri i Chelsea nuk do ta ketë të gatshëm për sfidën e nesërme kundër Newcastle dhe nuk e fsheh zhgënjimin e tij gjatë konferencës për shtyp.

I komunikuam trajnerit të Francës që Kante nuk po kalonte një gjendje të mirë dhe nuk mund të grumbullohej. Duhet të mendojmë gjithmonë për të mirën e lojtarit, kështu duhet të funksionojnë gjërat“, thekson trajneri i “Bluve të Londrës”. /abcnews.al

macron-1-1280x698.jpg
Autor E15:01 | 18/10/2019

Presidenti i Francës, Macron ka konfirmuar qendrimin e vendit të tij për të mos hapur negociatat me Shqipërinë dhe Maqedoninë.

Në konferencën e samitit të liderëve, Macron tha se vendet e Ballkanit kanë bërë përparime, por kjo nuk mjafton.

Kishim një diskutim të gjatë lidhur me zgjerimin e BE. Wshtë temë e madhe. Duhet të merremi me të seriozisht. Besojmë në një Europë koherente dhe të përgjegjshme. Vendet e Ballkanit janë duke kaluar disa reforma të mëdha dhe duam që të vlerësojmë ndryshimet Kushtetuese që janë bërë, pra shumë qartësisht“, tha Macron.

Një numër i madh vendesh në BE nuk ishin të vendosura për të hapur negociatat. Ka disa përpjepje dhe arritje, por nuk janë atje ku duhej të ishin. Për shembull, migrimi dhe sundimi i ligjit apo edhe raportet fqinjësore. Nuk është e nevojshme për momentin që të ketë një zgjerim në këtë moment”, vijoi Macron.
Shikoni rrugën e 28 vendeve. Ne kemi kaluar në krizë të madhe dhe vendimmarrja e BE do të kemi përfunduar reformat në vitet që vijnë dhe nuk mund thjesht të hapim derën .

Në axhendën e BE dhe këtu po flas për të ardhmen, atëherë mund ta shikojmë atë. Jemi në një proces që besoj se është shumë burokratik. Ka marrëveshje dhe politike, por nuk do të thotë ndonjë gjë për njerëzit që janë pjesë e procesit.

Kina, Rusia do ndikojnë përsëri edhe nëse hapen negociatat. Shikoni këto vende që janë tashmë në proces dhe ky nuk është rasti që jemi në proceset e investimeve të ekonomisë dhe kulturës.

Ata jo domosdoshmërisht mund të jenë anëtarë. Na duhet kjo agjendë të jetë politike, por duhet që procesi të jetë i kthyeshëm ose do t’i mungojë besueshmëria.

Nëse hapim derën për negociata do të fajësohemi pasi të hapim derën kështu që duhet ta diskutojmë edhe më tej. Nëse dëshironi ti qëndroni ambicieve të Evropës duhet të reformoheni. Na duhet projekt i ri zgjerimi“, vijoi Macron.

Është bërë punë për të çmontuar rrjetet kriminale, por është e vështirë tu shpjegosh qytetarëve tanë që nga një vend që konsiderohet i sigurt dhe që nuk ka nevojë për viza të ketë migrim. Kemi probleme me kërkesat për azil.

Nuk mund të bëjmë gjëra që janë të pamundura për tu kuptuar nga qytetarët tanë.

Zgjedhja është bërë dhe jo për këto qëllime dhe jo thjesht për Shqipërinë. Kemi probleme migrimi nga shumë vende, shpesh për çështje shëndetësore“.

Ndër të tjera ai u shpreh: Unë mendoj që përfaqësoj atë që nuk është pozicion i shumicës. Që të jesh vetëm nuk do të thotë që e ke gabim. Dëgjoja kolegë dje dhe nuk jam dakord me meritat e atyre që mendojnë se zgjerimi është ideologjia e Europës. Ky është rasti me disa vende. Është arsyetim i gabuar. Bëj thirrje për koherencë. Duhet të reformojë veten para se të vazhdojmë me këtë. Është një çështje buxheti. Është një treg i madh që ka nevojë për koordinim dhe kjo po ndodh. Kemi nevojë për zgjidhje të qarta me shumë peshë politike.

Unë thashë që ka mosmarrëveshje në lidhje me procesin e zgjerimit vetë. Duhen hapur disa diskutime pa zgjerimin, por askush nuk do ketë mundësi të bashkohet pa u reformuar vetë. Definicioni i rajonit, disa thonë ishte pothuajse një marrëveshje unanime për të pasur vendet. Kjo nuk është e vërtetë. Kishte një shumicë për Maqedoninë e Veriut , por shumica e vendeve thanë JO për Shqipërinë. Hapja e zgjerimit me Maqedoninë e Veriut duke lënë pas Shqipërinë do kishte lënë mbrapa rajonin, do kishte qenë një veprim vdekatar politik. Do kishte qenë një precedent jo vetëm për Shqipërinë, por kudo ku ka pakica shqipfolëse. Është dashur të mendohet për këtë.

Mos të gënjejmë veten, duhet progres dhe me to mund të hapim diçka. Jo me proceset e zakonshme që nuk kanë më kuptim. /abcnews.al

PENDAROVSKI-PER-NEGOCIATAT.mpg_snapshot_00.15-1280x720.jpg
G. P.12:36 | 18/10/2019

JO-ja franceze për hapjen e negociatave midis Maqedonisë së Veriut dhe BE-së ka shkaktuar një zinxhir lëvizjesh në Shkup. Presidenti maqedonas Stevo Pendarovski thirri në takim krerët e partive ndërkohë që opozita në vend u bëri thirrje qytetarëve të dalin në protesta në rrugë dhe sheshe.

Presidenti maqedonas Stevo Pendarovski ka ftuar të gjithë krerët e partive politike, shqiptare dhe maqedonase, në një takim të përbashkët këtë të diel, por për momentin është e paqartë se kush do të marrë pjesë.

Takimi është thirrur për shkak të gjendjes së krijuar pas refuzimit të Francës për të dhënë një datë për nisjen e negociatave të Maqedonisë së Veriut me BE-në. Ndërkohë, opozita në Maqedoni, ka paralajmëruar protesta. Kryetari i VMRO-DPMNE-së, Hristijan Mickoski paralajmëroi daljen e opozitës maqedonase në rrugë dhe sheshe dhe u bëri thirrje të gjithë qytetarëve të bashkohen me ta.

“E di se janë momente të vështira, e di se të gjithë presim të marrim datë për nisjen e bisedimeve me BE-në. Të gjithë ne besojmë në të ardhme evropiane dhe do vazhdojmë të besojmë, por nuk do të na çojnë politikanët gënjeshtarë, të cilët vetëm premtojnë dhe asgjë nuk realizojnë”, tha Mickoski, i cituar nga Telegrafi.

Mickoski tha se opozita maqedonase si parti i dhanë mundësi procesit dhe se “17 tetori është dita kur përfundon koncesioni”, dita kur përfundon durimi i VMRO-DPMNE-së.

“Prej sot opozita shtëpinë e saj do ta ketë në sheshet dhe rrugët e Maqedonisë”, tha Mickoski./ABC News Albania

bashakimi.jpg
G. P.14:21 | 17/10/2019

Krerët e shteteve anëtare e 28 vendeve anëtare të Bashkimit Evopian po grumbullohen në Bruksel për takimin dy ditor që do të zhvillojnë.  Zgjerimi është një prej temave kryesore, ku Shqipëria dhe Maqedonia e Veriut po presin një “po” për të nisur bisedimet për anëtarësim.  Gjermania po këmbëngul se dy vendet duhet të hapin negociatat, ndërsa Franca kundërshton zgjerimin e mëtejshëm.

Samiti i 28  liderëve europianë fillon zyrtarisht në Bruksel në orën 15.00. Liderët europianë do diskutojnë së pari për Brexit, daljen e Britanisë së Madhe nga Bashkimit Europian . Dalja e një pjesëtari të familjes europiane zë vendin kryesor të shqetësimeve të Bashkimit Europian, që prej referendumit të 23 qershorit 2016.

Bëhet fjalë për qindra takime, deklarata dhe një marrëveshje që nuk janë kurorëzuar me sukses deri tani, pasi marrëveshja e Bashkimit Europian për daljen e Britanisë së Madhe nuk pranohet nga Britania e Madhe.

27 liderët europianë do të diskutojnë alternativën e prezantuar nga kryeministri Boris Johnson për daljen e vendit nga Bashkimi Europian në 31 Tetor dhe nëse nuk ka marrëveshje, pritet të kalohet në opsionin e shtyrjes së daljes së Britanisë së Madhe.

Çështja e zgjerimit të Bashkimit Europian dhe atë të Turqisë do të diskutohet gjatë darkës së punës së 28 kryetarëve të shteteve dhe të qeverive të Bashkimit Europian.

Burimet e Këshillit Europian kanë informuar ABC News se Franca jo vetëm nuk ndryshon qëndrimin e saj për hapjen e negociatave të anëtarësimit me Shqipërinë dhe Maqedoninë e Veriut, por ajo ka mbështetjen e plotë të Holandës, dhe vendeve të tjera  si Danimarka, Belgjika, që konsiderojnë se Shqipëria nuk është gati për hapjen e negociatave, Greqia që ngre çështjen e minoriteve, ndërkohë që një grup tjetër dërrmues i vendeve mbështesin Francën lidhur me nevojën e ndryshimit tê metodologjisë sê zgjerimit.

Pra, thënë ndryshe, Franca nuk është e vetme në qëndrimin e saj ndaj Maqedonisë së Veriut dhe Shqipërisë. 28 liderët europianë do të diskutojnë gjithashtu edhe mbi inkursionin e Turqisë në Siri dhe për një qëndrim të bashkuar të embargos së armëve ndaj Turqisë, por edhe me kërcënimet e Turqisë, së nëse Bashkimi Europian e konsideron ndërhyrjen e saj nê Siri si të paligjshme, atëherë Turqia  do dërgojë të gjithë emigrantët që qëndrojnë aktualisht në kampet e Turqisë në Europë./ABC News Albania

negociata-1.jpg
G. P.08:51 | 17/10/2019

Data 18 Tetor ku pritet të merret vendimi për çeljen e negociatave ose jo me Shqipërinë dhe Maqedoninë e Veriut po afron. Në konferencën e përbashkët për shtyp të mërkurën, mes Angela Merkel dhe Emmanuel Macron, u duk se sinjalet për hapjen ne negociatave për Shqipërinë janë shuar edhe më tej.

Gazetarja Erisa Zykaj raportoi këtë të enjte nga Brukseli se këta të fundit nuk i konsiderojnë reale reformat në lidhje me luftën kundër krimit të organizuar, trafikut të lëndëve narkotike dhe korrupsionit.

Madje sipas gazetares edhe reforma në drejtësi nuk është e mjaftueshme deri më tani pavarësisht se një pjesë e madhe e prokurorëve dhe gjyqtarëve janë larguar nga sistemi i drejtësisë.

Zykaj tha për “ABC-në e mëngjesit” me Enkel Demin se Franca sheh me problem të madh fenomenin e azilkërkuesve, ku shqiptarët renditen të dytët.

Erisa Zykaj: Reformat nuk konsiderohen reale nga Franca lidhur me luftën kundër krimit të organizuar, nuk kapen kokat e mëdha të trafikut të kokainës dhe heroinës, nuk ka rezultatet të mjaftueshme kundër korrupsionit, pasi është shtrirë në të gjitha degët e vendit dhe nuk ka rezultate për Francën edhe për reformën në drejtësi e cila vërtetë konsiderohet si një hap i madh. Ministrja e Integrimit e ka përgëzuar këtë reformë, duke specifikuar edhe numrin e saktë të marrë nga Shqipëria dhe vendet anëtare lidhur me ata prokurorë që kanë kaluar Vettingun deri tani. Ajo tha që kjo nuk është e mjaftueshme pasi duam një reformë reale, që do të thotë që të ketë një gjykatë kushtetuese dhe gjykatën e lartë funksionale në vend. Së dyti i kam pyetur nëse çështja e azilkërkuesve do ishte një kusht më tepër, më kanë bërë të qartë që është një shqetësim shumë i madh, por nuk do ta vendosin si kusht.

Enkel Demi: Po thua për herë të parë raportim nga Brukseli që ne nuk është se kemi plotësuar kushtet?

Erisa Zykaj: Ne nuk e kemi plotësuar kushtet as për Francën.

Enkel Demi: Tani po më thua që azilantët pavarësisht se janë të dytët, pra kundra rrjedhjes mediatike, nuk është ky problemi?

Erisa Zykaj: Është shqetësim i madh, por nuk është kusht.

Enkel Demi: Pra lajmi që Franca propozon kthim të vizave për shqiptarë janë spekulime?

Erisa Zykaj: Kam zhvilluar një lloj debati edhe me komisionarin për emigracionin që u bë me ministrin tonë të Brendshëm, Sandër Lleshaj, duke e pyetur nëse jeni të sigurt pas refuzimit që i bëtë Holandës në lidhje me mekanizmin për pezullimin e lëvizjes së lirë, nga një kërkesë e mundshme që mund të vijë nga Holanda për të rikthyer jeni i sigurt që nuk do ta aktivizoni këtë mekanizëm. Ai më është përgjigjur “nuk ka 100% siguri për asnjë gjë në jetë dhe as për këtë çështje, por nuk ka vullnet nga KE që të rikthejë vizat për Shqipërinë apo të aktivizojë mekanizmin e pezullimit të lëvizjes së lirë”./abcnews.al

emmanuel-macron-1280x827.jpg
G. P.22:50 | 15/10/2019

Negociatat, Macron kundër Merkel: Mjaft me telenovelat e anëtarësimit

Presidenti Macron ka zgjedhur të dalë kundër kancelares Merkel sa i takon hapjes së negociatave. Sipas agjencisë së lajmeve “Reuters”, sërish në mbledhjen e ministrave të Jashtëm të vendeve anëtare ka qenë Franca ajo që ka kundërshtuar nisjen e procesit me Shqipërinë dhe Maqedoninë e Veriut.

Presidenti francez Emanuel Macron ka zgjedhur një kurs që bie ndesh me atë të kancelares gjermane Angela Merkel lidhur me procesin e zgjerimit të BE-së. Sërish të martën, në takimin e ministrave të Jashtëm të Unionit në Luksemburg që u mbyll pa një marrëveshje, ishte Franca që më shumë se të gjithë kundërshtoi hapjen e negociatave të anëtarësimit me Maqedoninë e Veriut.

Me të u bashkuan edhe Holanda e Danimarka, që kundërshtojnë ndërkohë hapjen e negociatave me Shqipërinë. Në takimin e zhvilluar, Franca injoroi tërësisht mbështetjen e pjesës dërrmuese të vendeve anëtare për dhënien e dritës jeshile për dy vendet e Ballkanit.

Sipas agjencisë së lajmeve “Reuters”, ministrja franceze për Çështjet Europiane, Ameli de Montshalë deklaroi se në asnjë mënyrë nuk mund të lejohet hapja e negociatave përpara se BE të reformojë mënyrën e pranimit të kandidatëve të rinj.

Ajo theksoi se i duhet dhënë fund asaj që e quajti “telenovela e anëtarësimeve”. Ndërkohë, në Paris, një zyrtar i presidencës franceze konfirmoi se qeveria Makron nuk do të lejojë nisjen e procesit.

“Këto vende do të jenë pjesë e BE-së një ditë, por është ende shumë herët për të nisur procesin e zgjerimit me to”, deklaroi zyrtari.

Franca pretendon se BE-ja po përballet me shumë sfida për t’i lejuar vetes anëtarësimin e dy shteteve nga Ballkani, një rajon që vuan ende nga plagët e luftërave të viteve ’90 e që është i kapluar nga krimi i organizuar dhe korrupsioni. Por qëndrimi i Francës ka ngritur shqetësime në radhët e BE-së, pasi në rast refuzimi vendet e Ballkanit mund të kultivojnë lidhje më të ngushta me Rusinë, Turqinë dhe Kinën.

/ABC News Albania

negociata.jpg
G. P.12:29 | 14/10/2019

Ambasadorja e Francës në Shqipëri, Christine Vasac, ka komentuar nga Korça çështjen e negociatave mes Shqipërisë dhe BE-së.

“Nuk dua të fshihem pas gishtit, ju keni ngritur pyetjet për rrugën europiane. Ju prisni, ne presim të gjithë bashkë përgjigjen e rëndësishme. Ne nuk dimë çfarë vendimi do jepet. Ky vendim do merret në unanimitet. Dje kancelarja Merkel dhe Macron janë takuar në një takim të rëndësishëm. Janë pyetje që na shpëtojnë dhe nuk i kapim dot. Është e vërtetë që Shqipëria dhe Maqedonia e Veriut presin një vendim për hapjen e negociatave për në BE. Por ka subjekte që janë po aq të rëndësishëm siç është çështja e Brexit. Ky është një problem i madh jo vetëm për Francën, por gjithë vendet e Europës dhe na intereson të gjithëve. Dijeni që dosja e hapjes së negociatave për Shqipërinë është shumë e rëndësishme sepse ne jemi miqësi vjetër me Shqipërinë dhe Maqedoninë”, tha Vasac.

Ndërkohë kreu i Bashkisë së Korçës, Sotiraq Filo, tha se shpreson që Franca të luajë një rol të rëndësishëm në rrugën e Shqipërisë drejt BE-së./abcnews.al

Deschamps-Didier.gif
Igli Nikolli23:55 | 12/10/2019

Një finale Evropiani dhe një Botëror i fituar nuk janë pak. Didier Deschamps ka bërë një punë fantastike te kombëtarja e Francës dhe bashkëpunimi me Federatën franceze mund të vijojë.

L’Equipe raporton se po përgatitet rinovimi për trajnerin 50-vjeçar. Në Francë janë të kënaqur me punën e tij dhe Deschamps pritet të vazhdojë të qëndrojë në stolin e “gjelave”.

Drejtuesit e Federatës po përgatisin rinovimin deri në dhjetor të vitit 2022, ndërsa kontrata aktuale përfundon pas Evropianit që do të zhvillohet verën e ardhshme. /abcnews.al

Deschamps.gif
Igli Nikolli20:18 | 12/10/2019

Karim Benzema nuk grumbullohet me kombëtaren e Francës që prej katër vitesh. Sulmuesi i Real Madrid i bënte shantazh Mathieu Valbuenës për nxjerrjen e një video me pullë të kuqe.

35-vjeçari i Olympiacos bëri publike gjithçka në vitin 2015 dhe drejtuesit e Federatës morën një vendim. Benzema nuk do të ftohej më për të luajtur me Francën. Didier Deschamps është pyetur për mundësinë e rikthimit të tij në kombëtare.

Trajneri i kampionëve të botës është treguar i prerë në përgjigjen e dhënë për TF1, duke i dhënë fund shpresave të sulmuesit 31-vjeçar.

“Mendoj se rikthimi i Karim Benzema nuk do të ishte diçka pozitive për kombëtaren franceze. I bëj zgjedhjet e mia në bazë të asaj që mendoj se është në mirën e skuadrës, duke mos harruar atë që përfaqëson kjo fanellë”, thekson Deschamps. /abcnews.al

macron.jpg
nev ila09:22 | 12/10/2019

Pas humbjes së kandidates franceze për në Komisionin e BE, Sylvie Goulard, presidenti i Francës e ka rritur presionin ndaj presidentes së ardhshme të Komisionit të BE-së, gjermanes Ursula von der Leyen.

Presidenti i Francës Emmanuel Macron pas dështimit të kandidates së Francës për Komisionin e BE-së ka paraljamëruar për “krizë politike”.

“Ka një Komision të ri, një Parlament të ri Europian (…) që të dy po konfrontohen me një krizë politike. Nuk duhet të lejojmë, që kjo të avancojë më tej. Unë besoj, se është e rëndësishme të kemi një komision të fortë, që të mund t’i realizojë projektet ambicioze.“, tha Macron. Macron bëri thirrje, se duhet të kapërcehen tensionet.

Parlamenti Europian të enjten e refuzoi kandidaten franceze ish-ministren e Mbrojtjes Sylvie Goulard  për Komisionin e ri të BE-së.

Ajo ishte propozuar të drejtonte sektorin e Industrisë dhe Tregut të Brendshëm në Komisionin e BE-së. Një problem për të ishin ndër të tjera edhe hetimet lidhur me një aferë për punësim të rremë. Kjo aferë bëri që ajo të tërhiqet nga posti i ministres së Mbrojtes në vitin 2017.

Macron bëri drejtpërdrejt përgjegjëse për këtë dështim presidenten e ardhshme të Komisionit të BE-së, Ursula von der Leyen. Ai tha, se ajo vetë kishte insistuar për Goulard, të cilën e njeh nga koha si ministre e Brendshme dhe se kishte llogaritur me miratimin e saj në parlament. Macron duhet t’i jetë drejtuar von der Leyen me fjalët: “Kujdes, (…) do kemi diskutime.” Një zëdhënëse e komisionit në Bruksel tha, se “as nuk e mohon dhe as nuk e konfirmon këtë“.

Sekretarja e shtetit në Francë për Europën, Amélie de Montchalin, e paralajmëroi Ursula von der Leyen, se Komisioni i ri me gjasë nuk mund të nisë më 1 nëntor sipas planifikimit punën e tij.

“Ursula von der Leyen duhet të thotë tani, se çfarë pret nga Franca“, kërkoi de Montchalin.

Në shtypin francez refuzimi i kandidates Goulard vlerësohet si një dështim i rëndë për Macron./DW


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono