franca
Festa e Martial pas golit të dytë (29')

Mbappe-France.png
Igli Nikolli12:36 | 02/12/2019

Kombëtaret e kualifikuara në Euro 2020 nisën organizimin e miqësoreve përgatitëse pasi morën vesh shortin. Franca ka tentuar të zhvillojë një miqësore luksi me Belgjikën, por këta të fundit kanë refuzuar.

Shkakun e zbulon L’Equipe, që thekson se Belgjika ka refuzuar nga frika e humbjes. “Djajtë e Kuq” ndodhen në vend të parë në renditjen e kombëtareve dhe ndiqen nga kampionët e botës.

Një humbje e mundshme do të bënte që të ndërroheshin pozicionet dhe Franca do të dilte në vend të parë. Kësaj i janë “frikësuar” belgët dhe kanë refuzuar ofertën franceze. /abcnews.al

azilkerkuesit-franca-1280x609.jpg
nev ila14:46 | 23/11/2019

Shifra më e lartë e kërkesave për azil është regjistruar në Francë e cila në këtë mënyrë lë prapa Gjermaninë. Për këtë arsye qeveria franceze prezantoi një sërë masash për t’u përballur me këtë fluks kërkesash.

Arratisje dhe ndalesë: Pas kulmit të arritur në kërkesat për azil, të regjistruar në muajin nëntor Franca deklaron se do të rimarrë kontrollin e politikës së saj për emigrantët.

Sipas të dhënave të Ministrisë së Brendshme Franceze, Parisi në fakt është përpara Berlinit me 120 900 kërkesa për azil.

Lënia pas e Gjermanisë nga disa këndvështrime është simbolike, sipas ministrit të brendshëm francez Kastane, dhe lidhet në mënyrë të vecantë me faktin se Franca ka regjistruar shumë kërkesa të refuzuara nga vendet e tjera.

Katër vjet më parë, në kulm të krizës së emigrantëve dhe luftës në Siri, Berlini kishte 890 mijë kërkesa, dhjetë herë më shumë se fqinji francez. Shifra që kanë përmbysur njëra tjetrën pasi tashmë Parisi është në vend të parë.

Statistikat u publikuan menjëherë pas shpalosjes së planit të qeverisë për emigrantët nga ana e kryeministrit Édoard Filip.

Platforma programatike përmban rreth 20 propozime: përshpejtim të analizimit të kërkesave për azil, masa për largimin sapo një dosje të jetë refuzuar, hyrja në fuqi e një periudhe pritjeje prej tre muajsh për të qenë pjesë e asistencës sociale, mbulim shëndetësor nga 12 deri në 6 muaj pas skadimit apo refuzimit të lejes së qëndrimit si dhe hyrja në fuqi e kuotave për emigracionin profesional./abcnews.al

sw-1280x584.jpg
Veronik Istrefaj22:37 | 21/11/2019

Trajneri i njohur shqiptar, Sulejman Starova, analizoi kualifikueset e Euro 2020 që zhvilloi Shqipëria dhe problemet që ka kombëtarja jonë. Në emisionin Pressing, Starova foli edhe për grupin H, grup ku merrte pjesë dhe Shqipëria.

Bobi tha një batutë shumë të bukur, duke i thurur elozhe Francës. Në fjalën e tij, Starova pranoi se Franca ka plot 3 ekipe të mëdha dhe me cilindo nga këto ekipe, mund të mposhtë edhe Italinë, e jo më të diskutojë kreun e grupit.

GRUPI I SHQIPËRISË – “Franca ishte e para në grup, kjo gjë ishte e pashmagshme. Ata kanë tre skuadra, edhe Italisë ia thyejnë brinjët. Turqia është njëherë mirë, njëherë keq. Islanda ishte kundërshtari jonë direkt. Të flasim si specialistë tani, shanset tona për t’u kualifikuar nuk ishin kaq të mëdha sa flitej”./abcnews.al

Valbuena.png
Igli Nikolli16:32 | 21/11/2019

Mathieu Valbuena ka shënuar 8 gola në 52 ndeshje të zhvilluara me Francën, por prej vitit 2015 nuk zbret në fushë me kombëtaren. “Përplasja” me Karim Benzema qëlloi fatale për të dy lojtarët.

Sulmuesi i Real Madrid arriti t’i vidhte një video erotike në celular dhe filloi shantazhin kundrejt Valbuenës. 35-vjeçari, i cili aktivizohet me Olympiacos në Greqi, kaloi një periudhe të tmerrshëm dhe i rikthehet edhe njëherë asaj kohe në një prononcim për RMC Sport.

Ishte e tmerrshme, familja ime vuajti shumë kur lajmi u bë publik. Deschamps më telefonoi dhe më tregoi se nuk do të më grumbullonte. Unë isha viktima, por u dënova për të dytën herë. Largimi nga kombëtarja ishte i dhimbshëm, edhe sot vazhdon të më trishtojë diçka e tillë.

Didier më telefonoi sërish dhe më tha se po më ndiqte. Shpresoja të rikthehesha, por më pas e kuptova që isha një i vdekur për Francën. Më duhet ta pranoja, edhe pse m’u desh shumë kohë. Nuk e mohoj faktin që, nëse Franca do të shpallej kampione Europe në 2016, nuk do më bëhej qejfi“, përfundon 35-vjeçari francez. /abcnews.al

DEKLARATAT-BRUKSEL-ERISA-ABC-M2-T1.mpg_snapshot_00.25-1280x720.jpg
ent ela20:08 | 19/11/2019

Ministrat e Jashtëm të vendeve anëtare të BE do të presin derisa të nisë punë ekipi i ri i Komisionit Europain, për të shqyrtuar propozimin e Francës mbi metodologjinë e zgjerimit. 6 shtete anëtare i kanë kërkuar Komisionit Europian që të paraqesë propozime konkrete në janar lidhur risitë e kësaj metodologjie.

Diskutimi i ministrave të jashtëm të Bashkimit Europian mbi zgjerimin ka qenë i shkurtër. Shtetet anëtare kanë mundur të shprehin në parim mbështetjen ose vërejtjet e tyre lidhur me propozimin francez për reformimin e metodologjisë së zgjerimit të BE-së, por pa hyrë në detaje:

Tytti Tuppurainen, ministre e jashtme e Finlandës: “Ne i mirëpresim propozimet e shteteve anëtare. Kjo ndihmon vashdimin e procesit. Por, ne sot nuk diskutuam veçanërisht mbi propozimin francez. Shtetet anëtare morën fjalën për t’u shprehur, se ku ndodhemi aktualisht me procesin e zgjerimit dhe ne dëgjuam edhe  propozimin francez. Kishte vende që e mirëpritën dhe kishte vende që kishin shqetësime lidhur me këtë plan. Qëndrimi i përgjithshëm është të presim fillimin e mandatit të Komisionit të ri Europian për të shqyrtuar idetë e Komisionit se si tê ecim pêrpara me procesin.

Ministrja Tuppurainen  nuk ka mundur të thotë nëse ka aktualisht një shtet anëtar të Bashkimit Europian që e konsideron propozimin francez të papranueshëm:

 Tytti Tuppurainen, ministre e jashtme e Finlandës: “Ne nuk votuam mbi propozimin francez. Ne dëgjuam mendimet e shteteve anëtare dhe ne diskutuam në përgjithësi politikën e zgjerimit dhe perspektivën europiane të vendeve të Ballkanit Perëndimor. Diskutimi sot nuk ishte mbi propozimin francez Pra, mbetet për t’u parë”.

Ndërkohë, 6 shtetet anëtare kanë firmosur një letër drejtuar Komisionit Europian që të paraqesë propozime konkrete në janar lidhur me ndryshimin e metodologjisë së zgjerimit. Ata mbështesin nevojën e përmirësimit të procesit të negociatave të anëtarësimit, por duke bërë të mundur hapjen  e negociatave për Shqipërinë dhe Maqedoninë e Veriut në mars tê 2020.

Andreja Metelko Zgombic, sekretare e shtetit për çështjet europiane: “Ne kuptojnë vërejtjet që francezët kanë dhe jemi të gatshëm që të diskutojmë, se si mund të përmirësohet metodologjia e negociatave të anëtarësimit. Ne do të marrim propozimin francez si një impuls për të përmirësuar procesin e zgjerimit për vendet kandidate. Kroacia gjatë presidencës së saj do të lehtësojë konsensusin në mënyrë që të bëhet e mundur hapja e negociatave të anëtarësimit për Shqipërinë dhe Maqedoninë e Veriut, por njëkohësisht tê përmirësohet procesi i anëtarësimit dhe ka hapësirë për këtë”.

Presidenca finlandeze ka theksuar se Komisioni i ri Europian duhet të përgatisë samitin e marsit, ku liderët europianë do t’i rikthehen çështjes së zgjerimit. /abcnews.al

 

REPORTAZH-SHQIPERI-FRANCE.mpg_snapshot_00.00-1280x720.jpg
ent ela18:09 | 18/11/2019

Ndeshja me Francën dhe përurimi i stadiumit të ri kombëtar u kthyen në festë për tifozët shqiptarë. Emocionet ishin të mëdha pavarësisht nga humbja, ndërsa masat e sigurisë ishin të forta, por organizimi jo në nivelin e duhur.

Ishte një mbrëmje e gjatë. Mijëra tifozë shqiptarë u dyndën drejt stadiumit kryesor të kryeqytetit, tashmë të ndërtuar nga e para.

Nga Bulevardi “Dëshmorët e Kombit”, nga rruga përpara Radio Televizionit Publik, dhe nga rrugicat pingul me stadiumin, vërshuan nga të katër anët njerëzit që kishin fatin për të përuruar përsëgjalli Arenën e re, dhe për të parë Francën.

Për herë të parë vinte në Shqipëri një kampione e botës. Mes tyre, padyshim kishte mjaft që i kishin marrë biletat si dhuratë, ndërsa qindra e mijëra të tjerë, në të katër anët e vendit, nuk ia dolën, ndonëse ishin më të gatshëm të mbanin radhë të gjata për ta blerë një të tillë.

Një huq i vjetër, natyrisht, që vazhdon prej dekadash. Entuziazëm, sidoqoftë, kishte. Po ashtu, edhe tifozë të ardhur nga jashtë Shqipërisë.

Një stadium modern është vendi më i mirë për të shkuar me familje apo thjesht me fëmijë. Masat e sigurisë ishin të rrepta, dhe vërtet siguria u ruajt siç duhet. Kontrollet ishin të forta, dhe të ndara për meshkuj e për femra.

Në këtë shtetrrethim nuk mund të kalonte kjo parullë që mbante era racizëm, dhe që veçonte lojtarët me ngjyrë të Francës.

Për kalim me makinë as që bëhej fjalë, por edhe gazetarët nuk mund të kalonin në hyrjen nga televizioni, porse në krahun e Sheshit Nënë Tereza, nga sheshi para hyrjes kryesore.

Kjo nuk ishte vështirësia kryesore. Gazetarët e patën shumë të vështirë për të zënë vend në tribunë, për shkak të kaosit në organizim në prag të ndeshjes.

Le ta quajmë dështim të herës së parë, dhe të jemi më mirë në të ardhmen. Ja ku jemi në krahun e tribunës VIP, aty ku njerëzit vijnë më vonë se të tjerët, më të ngeshëm, dhe me itinerar më të lehtë.

Për herë të parë, ata do të kenë mundësi të shijojnë në një stadium shqiptar atë që mund të provohet në impiantet bashkëkohorë në Europë.

Salla luksoze, dhe shërbim të shkëlqyer në bare e restorante. Jo vetëm kaq, por vetëm për ta ka një hartë orientuese të stadiumit. Vëmendjen, normalisht, e tërheq kryeministri Edi Rama, i cili nuk mund të mungonte.

Edhe më shumë vëmendje për figura të futbollit në të kaluarën dhe ish-lojtarë të kombëtares, siç ishte Igli Tare, i ardhur nga Lacio.

I pranishëm edhe ish-kapiteni Foto Strakosha. Qindra e qindra tifozë të tjerë, që nuk gjetën dot bileta, bënë një shpenzim më të vogël, dhe e ndoqën ndeshjen në zonen e përcaktuar për ta, në Sheshin Nënë Tereza.

Përpara Shqipëri-Francë, ata ndoqën Kosovë-Angli, por për fat të keq, u mërzitën për gjithçka.

Të dyja skuadrat shqiptare humbën. Kështu përfundoi mbrëmja e përurimit të “Arenës Air Albania”, një përurim që Franca na e bëri të hidhur. /abcnews.al

Griezmann-Gjimshiti.png
Igli Nikolli09:52 | 18/11/2019

Antoine Griezmann zhvilloi një ndeshje super kundër Shqipërisë. Sulmuesi dhuroi asistin e golit të Tolissos dhe më pas shënoi vetë për të vulosur fitoren. 28-vjeçari ka analizuar fitoren 0-2 në Tiranë në një prononcim për UEFA.com.

Lojtari i Barcelonës nuk shënonte prej muajit qershor me “Gjelat”. Griezmann vlerëson shumë kuqezinjtë e Rejës, fitoren e ndeshjes dhe nuk e fsheh objektivin e fitimit të Europianit të vitit 2020.

Ishim të qartë se do të vuanim kundër Shqipërisë dhe se do të ishte një ndeshje e ashpër. U treguam të aftë që shënuam në pjesën e parë. Ishte një fitore e rëndësishme kundër një kundërshtari të vështirë. Duam të paraqitemi sa më mirë në Europian dhe objektivi është fitimi i këtij kompeticioni“, përfundon një ndër lojtarët kryesorë të kampionëve të botës. /abcnews.al

Deschamps-Griezmann.jpg
Veronik Istrefaj00:02 | 18/11/2019

Didier Deschamps dhe Antoine Griezmann folën menjëherë pas fitores 0-2 në Air Albania Stadium përballë Shqipërisë. Trajneri u shpreh shumë i lumtur me atë që të tijtë kanë dhënë në këto ndeshje kualifikuese, ndërsa Griezmann pranoi se gjithçka shkoi në favor të francezëve. Fillimisht, foli Deschamps: “Sot drejtova ndeshjen time të 100-të dhe djemtë nuk më zhgënjyen.

Jam i emocionuar dhe i lumtur për të ardhmen, pasi ky grup lojtarësh premton shumë. Jo vetëm këta që luajtën kundër Shqipërisë, por dhe ata që kanë dhënë kontribout të jashtëzakonshëm në këto kualifikuese. Luajtëm në një stadium të vështirë, tifozët e Shqipërisë ishin të gatshëm për të mbështetur skuadrën e tyre. Por shënuam shpejt dhe kjo gjë na favorizoi.

Giroud tek Interi? Lojtari nuk e meriton të vuajë nga këto thashetheme që po i lexojmë çdo ditë. Ai duhet të fokusohet te loja e tij dhe të bëjë mirë. Nëse është mundësia ideale që të ketë minuta te Interi, ndoshta transferohet në janar, ndoshta jo”.

Ndërsa Griezmann, futbollisti më i mirë i ndeshjes, tha: “Sot luajtëm me një skemë të re, me tre qendërmbrojtës. Kjo gjë na ndihmoi përballë një skuadre që bën mirë presing si Shqipëria. Jam shumë i lumtur për këtë fitore dhe për mënyrën si shkoi ndeshja, nuk mund të shkonte më mirë”, tha ylli i Barcelonës./abcnews.al

Mendy-Benja.png
Igli Nikolli23:27 | 17/11/2019

Benjamin Mendy, futbollisti i Francës, pas ndeshjes me Shqipërinë foli për përballjen e fituar, atmosferën në stadium dhe për ata që i hapën probleme atyre. Gjithashtu, në deklaratën për “Supersport” vuri në dukje edhe faktin që kishin ndryshuar modul.

Ishte një ndeshje e vështirë. Luajtëm jashtë, atmosfera ishte shumë e bukur për Shqipërinë dhe e vështirë për ne. Ishte bukur të luanim në stadiumin e ri. Na duhej të ruanim vendin e parë, kërkuam fitoren dhe ia dolëm.

Shqipëria luajti mirë, bënë presing lart. I studiuam përpara ndeshjes, luajtëm për herë të parë me këtë skemë. Bëmë mirë, rëndësi kishte fitorja, ia dolëm dhe jemi të lumtur“, përfundon mbrojtësi i majtë i Manchester City. /abcnews.al

dermaku-1280x720.jpg
Vladimir Prenga23:07 | 17/11/2019

Klaus Gjasula, pas ndeshjes me Francën, analizoi sfidën e humbur. Në Supersport ai vlerësoi kundërshtarin dhe i vetmi pishman është se Shqipëria duhet t’ia bënte më të vështirë kampionëve të botës.

“Është shumë e vështirë, ata kanë lojtarë të mirë. Ata e luajnë lehtë edhe në situata të vështira. U mundëm 2-0 nga kampionët e botës, por nuk ke çfarë bën”.

“Nuk ishte paraqitja më e mirë që kemi bërë, por duhet parë kundër kujt luajmë. Duhet t’ua bënim pak më të vështirë atyre. Mund të shënonim, por nuk na eci. Duhet të shohim përpara që të marrim rezultate pozitive në të ardhmen”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono