Formacionet

Milan-1-e1576937893762.png
Igli Nikolli11:13 | 19/01/2020

Milan është gati për duelin dhe fitoren e radhës. Kuqezinjtë presin Udinesen në “San Siro”, përballje që nis në orën 12:30. Stefano Pioli ka zgjedhur formacionin titullar dhe tre janë ndryshimet nga ndeshja me Cagliarin: Conti, Kjaer dhe Bonaventura.

Zlatan Ibrahimovic do e nisë titullar si ndaj ekipit sard dhe përkrah tij do të luajë portugezi Leao në sulm. Kjaer do të debutojë në kampionat dhe do të formojë dyshen e qendrës së mbrojtës me kapitenin Romagnoli.

Conti zëvendëson Calabrian në të djathtë, ndërsa Theo konfirmohet në krahun e majtë të mbrojtjes, ndërsa Castillejo, Kessié, Bennacer, Bonaventura formojnë katërshen e mesit të fushës. Sërish stol për Piatek, Suso dhe Paqueta.

MILAN: Donnarumma; Conti, Kjaer, Romagnoli, Hernandez; Castillejo, Kessié, Bennacer, Bonaventura; Ibrahimovic, Leao.
UDINESE: Musso; Larsen, Becao, Ekong, Nuytinck, Sema; De Paul, Mandragora, Fofana; Lasagna, Okaka. /abcnews.al

real-atletico.jpg
Veronik Istrefaj17:54 | 12/01/2020

Sot, Real Madrid dhe Atletico Madrid luajnë finalen e madhe te Superkupës së Spanjës. Galaktikët mposhtën Valencian në gjysmëfinale pa shumë probleme 1-3, ndërsa Atletico befasoi Barcelonën në minutat e fundit, duke i mposhtur me rezultatin spektakolar, 2-3.

Në finale, dy teknikët, Zidane dhe Simeone, kanë zgjedhur këta futbollistë për të startuar si titullarë. Real Madrid vjen me Courtois në portë, ndërsa mbrojtja me katër përbëhet nga Carvajal, Varane, Ramos dhe Mendy. Në mesfushë, Kroos, Modric, Casemiro dhe Valverde, ndërsa Isco luan pas sulmuesit të vetëm, Luka Jovic.

Simeone përgjigjet me 4-4-2 klasik. NË portë, Oblak, ndërsa mbrojtja me katër përbëhet nga Trippier, Felipe, Gimenez dhe Lodi. Saul, Herrera, Thomas dhe Correa luajnë në mesfushë. Felix dhe Morata udhëheqin sulmin./abcnews.al

Leicester.jpg
Igli Nikolli20:37 | 26/12/2019

Leicester City-Liverpool është kryendeshja e javës së 19-të në Premier League. Dueli i mbrëmjes midis dy ekipeve të para, pritet të jetë emocionues dhe spektakolar.

“The Reds” po marshojnë drejt fitimit të titullit kampion dhe numërojnë vetëm një barazim dhe të gjithë fitore në 17 javët e para (ku luajtur një ndeshje më pak se të tjerët).

Nga ana tjetër “Dhelprat” e Brendan Rodgers. Vardy me shokë po shkëlqejnë dhe numërojnë 10 pikë më pak se ekipi i Jurgen Klopp. Leicester do të bëjë të pamundurën për t’i shkaktuar humbjen e parë kampionëve të botës, pavarësisht se do të jetë tepër e vështirë.

Të dy trajnerët kanë zgjedhur titullarët e duelit. “Luftëtarët” janë gati për të ndëshkuar kundërshtarët, ndërsa tifozët po e presin me padurim nisjen e sfidës. /abcnews.al

Dybala-Lazio.jpg
Igli Nikolli17:12 | 22/12/2019

Juventus dhe Lazio janë gati për finalen e Superkupës së Italisë. Hera e tretë në vitet e fundit që këto dy ekipe diskutojnë mes tyre këtë trofe, teksa të dy ekipet numërojnë nga një fitore.

Maurizio Sarri dhe Simone Inzaghi kanë zgjedhur titullarët e duelit që luhet në Riad të Arabisë. Bardhezinjtë kanë rikuperuar Szczesny dhe paraqiten me tredhëmbësh në sulm.

Dybala, Higuain dhe CR7 kanë detyrën e shënimit të golave dhe mposhtjes së Thomas Strakoshës. Asnjë ndryshim as tek ekipi bardhekaltër. Lazio vjen nga një formë fantastike dhe tetë fitore radhazi në kampionat.

Inzaghi i ka besuar të njëjtëve lojtarë, teksa Immobile, Correa, Luis Alberto dhe Milinkovic-Savic do të përpiqen për të ndëshkuar sërish bardhezinjtë pas fitores në kampionat me 7 dhjetor.

Juventus: Szczesny; De Sciglio, Bonucci, Demiral, Alex Sandro; Bentancur, Pjanic, Matuidi; Dybala, Higuain, Ronaldo.
Lazio: Strakosha; Luiz Felipe, Acerbi, Radu; Lazzari, Milinkovic-Savic, Lucas Leiva, Luis Alberto, Lulic; Immobile, Correa. /abcnews.al

vlore-stadium.jpg
Vladimir Prenga12:34 | 22/12/2019

Laçit i është rikthyer Julian Shehu, që e nis nga fillimi në mesfushë. Trajneri Cungu është rikthyer te moduli 4-3-3 dhe në mungesë të Fangajt, i dëmtuar, ka zhvendosur në krahun e djathtë të mbrojtjes Domgjonin. Te Tirana rikthehen Cobbinah dhe Çelhaka, ndërkohë që Muçi e nis nga fillimi pas probleme të shfaqura prej Ngoo.

Në Vlorë nga fillimi e nisin ata që priteshin, me Flamurtarin që do të jetë pa Sukajn sot. Teuta rigjen Hoxhën dhe Avdylin, që e nisin nga fillimi. Martini nuk e ka ndryshuar as sulmin, teksa Nikac mbështetet nga Emiljano dhe Lorenco Vila. Në Ballsh vendasit luajnë me dy sulmues, Guindo Celis. Janku luan në mbrojtje me Goxhën, kurse në të majtë Ndrecën e zëvendëson Bajramaj.

Formacioni i Laçit: Stajila, Domgjoni, Ignjatovic, Gjoni, Turkaj, Shehu, Deliu, Lushkja, Teco, Xhixha, Nwabueze. Trajner: Armando Cungu
Formacioni i Tiranës: Lika, Doka, Muça, Vangjeli, Hoxhallari, Batha, Çelhaka, Torassa, Cobbinah, Cale, Muçi. Trajner: Emanuel Egbo

Formacioni i Flamurtarit: Moçka, Gocaj, Zeqaj, Deliaj, Muçollari, Rrapaj, K. Nebihu, Vrapi, Hoxhaj, Ribaj, Vatnikaj. Trajner: Luan Birçe
Formacioni i Teutës: Frashëri, Todorovski, Hoxha, Arapi, Kouros, Aleksi, Avdyli, Kallaku, L. Vila, E. Vila, Nikac. Trajner: Edi Martini

Formacioni i Bylisit: Miraka, Ntephe, Janku, Goxha, Peposhi, , Hadroj, Murataj, Mëllugja, Bajramaj, Celis, Guindo. Trajner: Veljko Dovedan
Formacioni i Luftëtarit: Qyrani, Demo, Isufi, Kukaj, Dushkaj, Qato, Puci, Renja, Hyseni, Fili, Lika. Trajner: Dritan Kristidhi /abcnews.al

Inter-2.jpg
Veronik Istrefaj19:58 | 10/12/2019

Ashtu siç parashikohej, ashtu ndodhi. Barcelona ka shkuar për “turizëm” në Milano dhe formacioni i katalanasve përballë Interit, e tregon këtë gjë.

Të besuarit e Ernesto Valverde janë kualifikuar dhe formacioni që ka zgjedhur strategu italian, i ngjan më shumë ekipit B. Neto luan në portë, ndërsa Ëague, Todibo, Lenglet, Umiti dhe Firpo luajnë në mbrojtjen me pesë.

Rakitic, kapiten i skuadrës, Alena dhe Vidal rreshtohen në mesfushë, ndërsa Griezmann dhe Carlez Perez luajnë në sulm. Interi nuk ka  ndryshuar thuajse aspak, me skemën 3-5-2 dhe me Lukakun e Martinez që udhëheqin në sulm./abcnews.al

Dybala.jpg
Igli Nikolli20:18 | 07/12/2019

Lazio dhe Juventus janë gati për ndeshjen e mbrëmjes së sotme. Simone Inzaghi dhe Maurizio Sarri kanë përzgjedhur “luftëtarët” e përballjes së sotme. 4-3-1-2 është skema e zgjedhur nga trajneri i Juventusit.

Ronaldo dhe Dybala janë të përzgjedhurit në sulm, teksa Bernardeschi do të aktivizohet në rolin e trekuartistit. Si titullar do e nisë edhe Bentacur që formon repartin e mesfushës me Matuidi dhe Pjanic, teksa De Sciglio ka fituar balotazhin me Cuadrado në krahun e djathtë të mbrojtjes.

Formacionet e ndeshjes

Lazio po kalon një formë shumë të mirë dhe i ka fituar shtatë ndeshjet e fundit në kampionat. Inzaghi ka zgjedhur skemën 3-5-2. Golat priten nga Immobile dhe Correa, të cilët do të mbështeten nga Luis Alberto dhe Milinkovic-Savic, teksa Thomas Strakosha do të tentojë të frenojë ofensivën e bardhezinjve.

Juventusi ka 36 pikë dhe një fitore sjell parakalimin e Interit dhe e rikthen “Zonjën e Vjetër” në krye. Suksesin do e kërkojë edhe Lazio që ka 30 pikë. Një fitore sonte e fut edhe ekipin kryeqytetas në garë për titull. Atmosfera në “Olimpico” do të jetë e zjarrtë dhe është konfirmuar prezenca e mbi 60 mijë tifozëve. /abcnews.al

Tirana-Kukesi.jpg
Vladimir Prenga15:56 | 07/12/2019

Asnjë surprizë te Tirana dhe Kukësi. Shpëtim Duro dhe Julian Ahmtaj u kanë besuar atyre lojtarëve që janë parë edhe në seancat stërvitore të provohen si titullarë. Te Kukësi ka vetëm një ndryshim nga takimi i fundit, me Gavazajn që zë vendin e Ethemit.

Te Tirana ka disa ndryshime. Torassa, Karabeci dhe Kale nuk luajnë nga fillimi, ndërkohë që rikthehen titullarë Batha e Çelhaka, sikurse edhe Doka që është pozicionuar në krahun e majtë të mbrojtjes. Në mungesë të Osmanit, Ahmataj ka zgjedhur Muçën titullar. /abcnews.al

Atletico.png
Igli Nikolli19:44 | 01/12/2019

Atletico Madrid-Barcelona është kryesfida e javës së 15-të në kampionatin spanjoll. Trajnerët kanë vendosur lojtarët titullarë dhe në orën 21:00 nis përballja e “Wanda Metropolitana”. 25 pikë numëron ekipi “Colchoneros”, teksa Barcelona ka siguruar tre pikë më shumë. Reali kryesues ndodhet në kuotën e 31 pikëve dhe të dy skuadrat do të bëjnë maksimumin për t’iu afruar ekipit të Zidane.

Formacionet e Simeones dhe Valverdes janë bërë publike dhe dy skuadrat do e nisin duelin mes tyre me këto titullarë. Ndeshje emocionuese për Antoine Griezmann, i cili do e nisë nga fillimi ndeshjen dhe do rikthehet si kundërshtar në ish-stadiumin e tij.

Atletico Madrid: Oblak; Trippier, Felipe, Hermoso, Saul; Correa, Herrera, Thomas, Koke; Joao Felix  dhe Morata.
Barcelona: Ter Stegen; Sergi Roberto, Pique, Lenglet, Junior; Rakitic, Arthur, De Jong; Messi, Griezmann dhe Luis Suarez. /abcnews.al

Kosova.jpg
Veronik Istrefaj19:35 | 14/11/2019

Trajneri i Kosovës, Bernard Challandes, ka zgjedhur 11 futbollistët titullar për sfidën ndaj Çekisë. Mungesa më e madhe është padiskutim ajo e Vedat Muriqit, me bomberin që është zëvendësuar nga Nuhiu.

Rashica dhe Hadërgjonaj do të luajnë nga krahët, ndërsa Celina pas bomberit Nuhiu. Vojvoda, Rrahmani, Aliti dhe Kololli do të rreshtohen në mbrojtje, ndërsa para tyre Berisha dhe Rashkaj. Mes shtyllave, do të jetë si gjithmonë gardiani Muric.

E enjte, më 14 nëntor 2019, 20:45
Stadiumi “Štruncovy Sady”, Plzen

ÇEKI-KOSOVË 

Çekia: Vaclik, Celustka, Brabec, Coufral, Darida, Kremencik, Masopust, Jankto, Soucek, Boril, Kral. Trajner: J. Silhavy

Kosova: Muric, Vojvoda, Aliti, Rrahmani, Kololli, Hadërgjonaj, Rashkaj, Berisha, Celina, Rashica, Nuhiu. Trajner: B. Challandes

Gjyqtarë: Gianluca Roçhi, Filippo Meli, Ciro Carbone, Massimiliano Irrati (ITA)

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono