forca e ligjit

drogaaa-1280x699.jpg
G. P.10:22 | 25/11/2018

Tre persona janë arrestuar gjatë operacionit “Forca e Ligjit” në Sarandë. Atyre iu është gjetur në makinën me të cilin po qarkullonin në qytet 32 kilogramë kanabis sativa. Të tre të arrestuarit janënga Tepelena dhe sipas policisë, ata do ta transportonin drogën në drejtim të Greqisë.

Gjithashtu këtyre personave iu bllokuan në cilësinë e provave materiale një automjet tip “BMW”,  një automjet tip “Mercedes-Benz” dhe  5 aparatë telefonikë celularë./abcnews.al

E.Alibeaj-1280x853.jpg
G. P.19:56 | 23/10/2018

Deputeti i Partisë Demokratike, Enkelejd Alibeaj, tha se Policia e Shtetit është vegël e propagandës së Edi Ramës. Në një deklaratë për shtyp Alibeaj u shpreh se lista me 300 të ashtuquajtur të fortë, nuk ka asnjë emër krimineli që drejton realisht bandat në vend.

Enkelejd Alibeaj: “Operacioni “Forca e Ligjit” është pjesë e propagandës së Edi Ramës. Nëse  Forca e Ligjit do të kishte goditur vërtet krimin, negociatat për anëtarësimin e Shqipërisë në Bashkimin Europian, do të ishin hapur. Të fortët e vërtetë janë drejtuesit e organizatave kriminale, që Policia e Fatmir Xhafës dhe Ardi Veliut, jo vetëm nuk i arreston, por i njofton të shkojnë në drejtim të paditur edhe kur operacionet e partnerëve ndërkombëtare i evidentojnë si bosë të krimit të organizuar në vend. Fatmir Xhafaj dhe Ardi Veliu, kanë detyrimin të informojnë qytetarët. Sa nga bosët e krimit të organizuar janë arrestuar? Sa është numri i familjeve mafioze që janë shkatërruar? Sa janë Laboratorët e Drogës që janë zbuluar nga Policia Shqiptare, pa kërkesën e partnerëve? Të konsiderosh suksese arrestimin e të moshuarve, rojeve apo shoferëve, është, më e pakta, shfokusim ndaj luftës së vërtetë me krimin”.

/abcnews.al

xhafaj.png
ent ela10:03 | 22/10/2018

Operacioni policor i ditëve të fundit i shtrirë në 12 qytete të vendit, që çoi në arrestimin e 27 personave dhe goditjen e drejtuesve e anëtarëve të 4 grupeve kriminale, është vlerësuar edhe nga Ministri i Brendshëm, Fatmir Xhafaj.

Në një postim në rrjetet sociale, Xhafaj shprehet se: “Forca e Ligjit në një tjetër SUPER OPERACION policor në goditjen me ashpërsi ndaj grupeve kriminale të skeduara nga Task Forca Speciale. Goditje ndëshkuese ndaj grupeve në fushën e prodhimit dhe trafikimit të drogës. Forca e Ligjit mbi gjithçka e mbi cilindo”, shkruan Xhafaj.

Ministri thekson se rezultatet e këtij operacioni janë fryt i hetimit, vëzhgimeve e gjurmimeve disa mujore.

“3 ditë një operacion i shtrirë në 12 qytete, me 100 objekte të kontrolluara në territor, me 27 të arrestuar e 6 në kërkim, drejtues dhe anëtarë të 4 grupeve kriminale, të skeduara nga TFS, përfshirë në prodhimin e trafikun e drogës. Fryt i hetimit, vëzhgimeve e gjurmimeve disa mujore në territor”.

Për Xhafajn ky ishte një “aksion shembullor i forcave policore në operacion e veçanërisht Njësisë Operacionale, FNSH Shkodër e Fier&RENEA e DVP. Disiplinë e profesionalizëm i lartë & mbi të gjitha konfidencialitet total! Disa ditë aksion&ASNJË rrjedhje informacioni për hrreth 100 urdhëra kontrolli të ekzekutuar! Faleminderit!”

“Vlerësim i merituar për drejtuesit e Policisë në organizimin e operacionit. Vlerësim i veçantë Drejtuesve të Prok. së Përgjithshme e Krimeve të Rënda & prokurorëve të çështjes për drejtimin & bashkëpunimin. Më shumë sot ne ora 10:30 konferenca e përbashkët Prokurori – Polici.

Forca e Ligjit do të vazhdojë. Ky s’është show, por betejë reale me krimin e organizuar. Kemi ngritur institucione që po forcohen çdo ditë. Bashkë me agjencitë ligjzbatuese & partnerët ndërkombëtarë. Forca e Ligjit s’ndalet nga askush. Të tjera goditje e rezultate së shpejti”,- shkruan Ministri Xhafaj.

xhafaj-1-932x445.jpg
G. P.09:27 | 22/09/2018

Në një postim për rrjetet sociale, ministri i Brendshëm Fatmir Xahfaj njoftoi se operacioni “Forca e Ligjit” ka zhvilluar një goditje ndëshkuese njëkohësisht në Shkodër, Tiranë dhe Roterdam (Holandë), me disa të arrestuar për një nga grupet kriminale më të rrezikshëm në veri të vendit.

Një tjetër super-aksion policor në kuadër të Operacionit “Forca e Ligjit” nga ana e Task Forcës Speciale Qendrore së Policisë së Shtetit, në bashkëpunim me Prokurorinë e Krimeve të Rënda.

Detajet në Konferencë për media, sot në 10.00, në Policinë e Shtetit./abcnews.al

Policia-e-Fierit.jpg
G. P.13:10 | 07/07/2018

“Forca e Ligjit” ka goditur pasuritë e një 49-vjeçari nga Fieri të dënuar nga Gjykata për Krimet e Rënda për trafikimin e klandestinëve drejt SHBA. Policia e Fierit në bashkëpunim me Prokurorinë ka ekzekutuar një vendim të gjykatës së këtij rrethi për sekuestrimin e gjashtë pasurive të Fatos Faskos, i dënuar me 9 vjet e 4 muaj burg.

Pasuritë e sekuestruara janë një apartament 128 m2 në Tiranë, një aparament 50 m2 në Fier, një truall me sipërfaqe 380 m2 dhe 50 m2 ndërtim, një pronë në process legalizimi 548 m2 në Radostinë, Fier, 12 llogari bankare në emër të tij dhe familjarëve me 1.3 milionë lekë gjendje, si edhe 3 automjete.

Policia tha se po vijon puna për identifikimin e pasurive të tjera që mund të ketë ky shtetas./abcnews.al

vlcsnap-error481-1280x720.jpg
ent ela17:48 | 06/02/2018

Hotele, lokale, shtëpi banimi, toka bujqësore dhe makina luksoze u sekuestruan gjatë operacionit “Forca e Ligjit” në Lezhë.
1.4 milionë euro është vlera e pasurive, të vendosura në sekuestro preventive nga gjykata, për një grup kriminal.
Bëhet fjalë për pasuritë që ishin të regjistruara në emër të familjarëve të Valentin Selajt, nga Rrila e Lezhës, i arrestuar tre muaj më parë në Itali, për trafikim të drogës në Amerikë.
Në njoftimin e policisë thuhet se janë sekuestruar pasuritë e rregjistruara në emër të P. S, 40 vjeç, nga Shëngjini, V.S, 49 vjeç, nga Rrila e Lezhës, i arrestuar po në Itali për trafikim të lëndëve narkotike në SHBA, dhe A.S nga Shëngjini, gjithashtu i arrestuar në Itali, për trafikim të lëndëve narkotike nga Holanda.
Sipas Prokurorisë së Lezhës, ky grup është i dyshuar për trafik ndërkombetar të lëndëve narkotike dhe shfrytëzim prostitucioni. /abcnews.al

vlcsnap-error928-1280x720.jpg
G. P.18:44 | 11/01/2018

Ministri i Brendshëm Fatmir Xhafaj priti Presidentin e Autoritetit Kombëtar Kundër Korrupsionit në Itali, Raffaele Cantone. Xhafaj e njohu bashkëbiseduesin me dokumentin politik të Ministrisë së Brendshme, reformat e fundit që po ndërmerren në Policinë e Shtetit në kuadër të Vetingut në polici dhe policimit në komunitet, ku veçoi asistencën e misionit europian “PAMECA”.

Ai e njohu me ecurinë dhe rezultatet e operacionit “Forca e Ligjit”. Ministri i Brendshëm u ndal gjithashtu tek prezantimi i nismës për Vetingun në polici, përmes së cilës synohet të shëndoshet organizata dhe promovohen punonjësit me integritet.

Kreu i Autoritetit Antikorrupsion në Itali theksoi rëndësinë e bashkërendimit të reformës në gjyqësor dhe reformimit të Policisë së Shtetit. Ai vlerësoi cilësinë e legjislacionit që po implementohet në Shqipëri dhe u shpreh i gatshëm për të rritur nivelin e bashkëpunimit me Ministrinë e Brendshme, sidomos për masat pas vënies në zbatim të procesit të Vetingut, për sigurimin e mekanizmave parandalues dhe garantimit të integritetit në të ardhmen të punonjësve të policisë./abcnews.al

vlcsnap-error652-2.jpg
us er19:10 | 27/11/2017

ABC News siguron videon kur dalin nga pika e bllokimit në Arbanë katër automjetet e sekuestruara nga Policia e Tiranës në shtator të këtij vitit.

Operacionet policore “Forca e Ligjit” dhe “Vjeshtë 2017”, kanë qenë të suksesshëm vetëm në statistika, pasi realitetit tregon të kundërtën.

Duket se operacionet policore “Forca e Ligjit” dhe “Vjeshtë 2017” të lançuara me pompozitet nga Ministria e Brendshme, kanë qenë të suksesshme vetëm në statistikat e policisë, pasi në realitet nuk ka rezultuar i tillë.

ABC News ka rritur të sigurojë një video kundër asaj të policisë, e cila njoftonte në muajin shtator se kishte arritur të sekuestronte 4 automjete të blinduara në Tiranës, ku dyshohej se në to qarkullonin elemente kriminale.

Por hetimet u nisën e u mbyllën nga prokuroria e kryeqytetit, duke i kthyer automjetet e blinduar pronarit të tyre.

Ky është moment kur makinat dalin nga pikat e bllokimit në zonën e Arbanës.
Më pas, siç shikohet edhe nga videoja, të njëjtat automjete lëvizin si eskortë edhe në qendër të Tiranës.

Ky nuk është rasti i parë që operacionet policore më tepër zhvillohen për të kapur ekranet televizive se sa për të goditur krimin e organizuar, siç është edhe qëllimi i ngritjes së tyre. E njëjta gjë ka ndodhur edhe dy aksionet “Forca e Ligjit” të zhvilluar në Fier e Shkodër. Fillimisht u kap një person me 100 gramë kanabis dhe gjatë kontrollin në automjet u gjet edhe një armë zjarri. Ndërsa në Shkodër u prangos si kryesor një tutor prostitutash, pasi në hotelin e tij u gjet një ambient i përshtatshëm për aktivitet kriminal./abcnews.al

 

 

vlcsnap-error020-1-1280x720.jpg
us er14:28 | 20/11/2017

“Forca e ligjit” do të veprojë brenda dhe jashtë vendit, në bashkëpunim edhe me partnerët ndërkombëtarë. Kështu iu përgjigj pyetjes së ABC Neës, drejtori i përgjithshëm i Policisë së Shtetit, Haki Çako, i cili garantoi luftë pa kompromis ndaj organizatave kriminale.

“Forca e ligjit”, nisma më e re e minstrit të Brendshëm Fatmir Xhafaj, e zbatuar këto dit vetëm në dy qytete të vendit nuk ka sjellë rezultat e pritura nga vetë titullarët e policisë.

Aksioni i parë, i cili u krye në Fier çoi në prangosjen e 4 personave dhe sekuestrimin e  rreth 100 gr kanabis e po kështu edhe një arme zjarri. Ndërsa aksioni i zhvilluar pak ditë më parë në Shkodër prangosi si person kryesor një tutor prostitutash dhe 4 vajza që ishin të punësuar në hotelin tij.

Vetë Drejtori i Përgjithshëm i Policisë së Shtetit Haki Çako, në një deklaratë për mediat, nuk donte ta komentonte këtë fakt, por vetëm shtoi se, forca e ligjit do shtrihet dhe jashtë vendit.

 Gjithashtu, Çako nuk kishte një përgjigje për dorëheqjen e tij kërkë e bërë më herët nga opozita.

“Nuk kam koment fatkeqësisht, sepse opozita atë punë ka”

 Ndërkohë drejtuesi i lartë i policisë foli për parandalimin e aksidenteve rrugore duke rritur monitorimin me radar të rrugëve problematike.

 Sot është dita e para e Përkujtimit të viktimave nga aksidentet rrugore, ku vitin e kaluar humbën jetën gjatë përplasjeve 228 persona./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono