flamurtari

flamurtarri.png
G. P.20:42 | 06/10/2018

Flamurtari është nën presion për të reaguar në ndeshjen e radhës në Superligë. Vlonjatët janë kritikuar nga vetë presidenti I tyre, por trajneri Daja mbetet me besim.

U mendua se këto humbje ishin lënë pas, por nuk qe e thënë. Flamurtari është nën presion të madh për shkak të 3 disfatave në 4 ndeshjet e fundit të Superligës, ndaj detyrimi duket i plotë për të reaguar në fushën e Kamzës.

Aq më tepër, kur presidenti Idrizi lëshoi një kritikë me sarkazmë, kur u shpreh se “këta nuk fitojnë dot 5 ndeshje”. Trajnerit Daja i doli detyrë që të ngrinte moralin dhe të mbronte skuadrën përpara mediave.

“Jemi detyruar që të rekuperojmë pas asaj ndeshjeje në rezultat do të thosha dhe ky është fokusi jonë kryesor sepse në performancë në ndeshjen e fundit kemi bërë më mirë sesa në ndeshjet e tjera, por që në fund fare më të rëndësishme nga të gjitha janë pikët. Përveç Partizanit që ka bërë maksimumin dhe ka marrë 16 pikë të gjitha e kipet e tjera janë tre pikë larg ata që quajmë rivalët tanë. Kështu që nuk është ndonjë gjë për t’u alarmuar”, tha Daja.

Gjithsesi, Daja e quan të vështirë ndeshjen ndaj një ekipi si Kamza.

“Për vetë faktin që këto javët e fundit ekipi kundërshtar nuk ka pasur një gjendje të mirë dhe kërkon që të rekuperojë gjendjen që ka në tabelën e klasifikimit. Dimë që ka një grup lojtarësh me shumë eksperiencë në kampionatin shqiptar”, u shpreh trajneri i Flamurtarit.

Lojtari me përvojë, Artim Pollozhani, nuk mund të mos flasë për diçka që e shqetëson.

“Ka një vite e gjysmë që jam unë këtu dhe jemi mësuar me këtë fakt që të jepet penallti për Flamurtarin duhet të jetë 200% sade. Nuk e di çfarë do ndodh në Kamëz. Shpresoj që do të jetë një arbitrim korrekt”, tha ai.

Flamurtari do të ketë sërish mungesa, pasi Alla nuk është ende gati, po ashtu Kale nuk është pjesë e grupit, ndërsa Sirgi e Mustafi mbeten të lënduar./abcnews.al

flamurtari.jpg
G. P.16:07 | 02/10/2018

Flamurtari shkon me probleme në Laç, por beson se mund ta marrë rezultat pozitiv. Futbollistët vlonjatë shprehen me besim përpara ndeshjes së vështirë të Superligës.

Disfatat tashmë janë lënë pas. Partizani e Skënderbeu shpresohet të jenë një e kaluar tek Flamurtari pas suksesit ndaj Kastriotit, ndërsa ambicia është rritur për në Laç.

Në një fushë tepër të vështirë, vlonjatët besojnë se nuk do të dalin pa pikë, pavarësisht se tradita e viteve të fundit nuk i ndihmon shumë. Dy lojtarët e përzgjedhur nga trajneri Daja për të dalë para mediave, Useini e Siljanovski, nuk është se folën me frikë.

Pas shqiptarit të Maqedonisë, foli maqedonasi i Maqedonisë, Siljanovski.

“Kemi përpara një ndeshje shumë të vështirë, pasi Laçi e ka nisur shumë mirë sezonin, dhe nuk ka pësuar asnjë humbje. Gjithsesi, pas fitores me Kastriotin, mendoj se i kemi lënë pas humbjet ndaj Skënderbeut e Partizanit, dhe do të shkojmë për të luajtur sërish mirë dhe për të marrë një rezultat pozitiv. Nuk mund të mendojmë për objektiva të tjera, për titullin apo Europën, por vetëm për Laçin”, shprehet ai.

Gjithsesi, në Kurbin nuk do të jetë aspak e lehtë. Ekipit do t’i mungojnë dy mbrojtësit e rëndësishëm të qendrës, Alla i dëmtuar dhe rumuni Sirgi që u lëndua keq në ndeshjen me Kastriotin. Po ashtu, sulmuesi Danilo Alvesh, nuk është ende në formën e tij më të mirë./abcnews.al

FLAMURTARI-FLASIN-DAJA-DHE-BATHA-1280x720.jpg
G. P.17:59 | 29/09/2018

Flamurtari kërkon të dalë nga kriza e rezultateve me një fitore sot ndaj Kastriotit. Trajneri Ilir Daja kërkon kohë, ndërsa ka një ftesë për tifozët.

Dy goditjet njëra pas tjetrës ishin vërtet të rënda.

Nga pretendent për titull, Flamurtari u zbrit në nivelin e një skuadre pa shpresë, menjëherë sapo dështoi me rezultat ndaj Skënderbeut e Partizanit, veçse trajneri Daja nuk është nga ata që dorëzohen lehtë.

Ai rreshton disa arsye se përse ekipi i tij deri tani nuk është aty ku duhet.

Në krah të Dajës, njëri nga lojtarët e lavdëruar prej tij, Idriz Batha.

Trajneri e pa të udhës të bënte edhe një ndërhyrje tjetër.

Flamurtari-Kastrioti luhet në orën 18:45 në stadiumin e Vlorës, me dy ekipet në pozita thuajse të kundërta, dhe me vlonjatët që nuk duan të shkëputen edhe më tej nga skuadrat e kreut. /abcnews.al

afrim-tole.jpg
G. P.22:03 | 24/09/2018

Skënderbeu dhe Partizani mund të cilësohen si pretendentët kryesorë për titullin kampion. Kështu mendon ish-lojtari i kombëtares, Afrim Tole, që bën një analizë të Superligës në intervistën për ABC Neës.

Kritikat për nivelin vazhdojnë, por ka edhe diferencime.

Superliga shqiptare vërtet nuk është në nivelin e vitit të kaluar, por ka ekipe që marrin notë pozitive, të paktën sipas një njeriu të futbollit, si Afrim Tole.

Ish-lojtari i Tiranës, Partizanit dhe kombëtares, vlerëson Skënderbeun dhe trajnerin Orges Shehi, pavarësisht barazimit me Tiranën.

“Atë që e bën të suksesshëm dhe punët të ecin mirë, besoj se Orgesi është menaxher i mirë. Di të komunikojë. Vazhdon të jetë menaxhim shumë i mirë i Skënderbeut dhe ka punuar me plan afat-gjatë. Të gjithëve u është dhënë mundësia për të luajtur diku jashtë”, shprehet Tole.

Po Partizani, për të cilin vjet thuhej se kishte më shumë drejtorë se punëtorë?

“Vjet po. Kur i shikoje të vinte dhe për të qeshur. Ky është vit që e ka marrë edhe një çikë më seriozisht presidenti Demi. Them që do të jetë rival kryesor për titullin kampion. Unë uroj ta fitojë këtë vit Partizani që edhe kupa të vijë në Tiranë se u bënë vite që ngeli në Korçë”, thotë Tole.

Tole sheh probleme tek Tirana dhe Flamurtari.

“Pavarësisht se Ze Maria është një trajner i mirë, emër i madh, nuk mund të lesh në stol Karabecin për inate personale. Tirana ka një fanellë që të mendosh ta stërvisësh Tiranën është luks i madh. Në Vlorë ka probleme por nuk është faji i Dajës, është diçka e mbartur në vite. Uroj që Daja t’i japë një atmosferë tjetër ekipit”, tregoi Tole.

Në pretendime edhe Kukësi, ndonëse trajneri Cungu nuk do ta ketë të lehtë.

“Problem ka Kukësi, që s’ka Musollin që është i dëmtuar. Për mua një nga lojtarët më të mirë të kampionatit, që udhëheq ekipin. Problem ka se nuk po dhënon, domethënë shënon Shameti”, thotë ish-futbollisti Tole./abcnews.al

ilir-daja.jpg
G. P.12:17 | 21/09/2018

Flamurtari mendon se është i fortë, pavarësisht humbjes me Skënderbeun. Trajneri Daja tregon se përse beson tek skuadra e tij, ndërsa synon maksimumin sot ndaj Partizanit.

Mos vallë do të dorëzohen që pas dështimit të parë?

Nuk është aspak ky mendimi i Flamurtarit, së pari jo i trajnerit Ilir Daja.

I mësuar prej vitesh me tituj kampion, nga të cilët ka fituar tre, por edhe me vështirësitë për të krijuar një ekip për t’ia dalë, specialist tiranas, e sheh gotën gjysmë plot pas humbjes me Skënderbeun, ndërsa vjen dueli i Superligës me Partizanin.

“Nuk kemi bërë gjithçka gabim sepse deri në minutën e 75-të kundërshtari nuk erdhi asnjëherë në portën tonë. Megjithatë nuk kemi bërë as mirë në drejtim të sulmit. Deri sot e kemi analizuar në detaje. Jemi goxha mirë. Mos harroni faktin që jemi të gjithë të rinj, jo nga mosha, por nga koha që jemi bashkë”, u shpreh trajneri Daja.

Në çfarë gjendjeje shkon skuadra vlonjate në Tiranë?

Daja tregon listën e mungesave.

“Alvesh, Kale, Torassa kishte 4-5 ditë që i ishte bashkuar grupit pas dëmtimit që kishte, mungesa e Allës. Janë gati 40% e ekipit që janë elemennt cilësor që nuk kanë qenë në ndeshjen e kaluadhe nuk do të jenë dhe në këtë ndeshje. Por ne nuk duhet ta nxjerrim asnjëherë si justifikim sepse rrugëtimi i gjatë e kampionatit këtë problematikë do ta ketë në vazhdimësi”, tha ai.

Shumëkush flet për ridimensionim për shkak të disfatës me kampionët.

Cilët janë, në të vërtetë, objektivat e Flamurtarit?

“Kemi një grup që ndërthyr eksperiencën me lojtarët e rinj duke mos ulur pretendimet për të qenë në pjesën e sipërme të tabelës për të pretenduar objektiva maksimale edhe pse nga klubi nuk na është kërkuar një gjë e tillë”, shprehet Daja.

esat-malaj.jpg
G. P.11:40 | 21/09/2018

Partizani respekton Flamurtarin, por kërkon suksesin në ndeshjen e sotme në Superligë. Trajneri Gega, gjithsesi, ende ka rezerva për lojën e skuadrës së tij.

Rezultatet nuk janë për t’u hedhur poshtë, veçse diçka nuk shkon.

Partizani këtë vit është vërtetë në vendet e larta të renditjes së Superligës, fare pranë kreut, veçse nuk ka bindur plotësisht me lojë.

Për më tepër, sot do të luajë një nga ato që quhen “ndeshje të së vërtetës”, ndaj Flamurtarit në “Selman Stërmasi”.

Vlonjatët sikur u dukën më të vegjël pas humbjes me Skënderbeun.

“Besoj se do ta kalojnë atë humbje. Në Tiranë do të vijnë me qëllim kryesor, që të marrin maksimumin. E dimë forcën e Flamurtarit. Besoj se ësshtë një ekip shumë i mirë, por e dimë dhe forcën tonë dhe kemi vetëm një qëllim ditën e nesërme. Për ne është një gjë e madhe të kthehen tifozat. Partizani vetë nga natyra është shumë i lidhur me tifozët”, tha trajneri Skënder Gega.

Problemi më i madh për Partizanit duket se është mungesa e golit, me vetëm dy rrjeta në katër ndeshje.

“Besoj se Partizani po konsolidohet, qoftë në logjikë, qoftë në koncept apo në lojën me njëri-tjetrin. Është vetëm java e katërt ka kaluar. Shumë njerëz thonë që është faza e 7-8 ku duhet shikuar. Çdo gjë bëhet për të shënuar”, tha Gega.

Gjithsesi, atmosfera është shumë më e qetë se vjet, dhe grupi më i bashkuar.

Një nga lojtarët më të mirë, Esat Mala, e thekson këtë.

“Ky Partizan tani është një grup shumë i mirë. Të  gjithë çcuant janë të bashkuar dhe janë në harmoni të veçantë. Mendoj se Partizani në çdo ndeshje futet për  të marrë 3-pikësh dhe ky është objektivi i çdo ndeshjeje”, tha ai./abcnews.al

skenderbeu-vlora.jpg
G. P.11:27 | 18/09/2018

Ndeshjen në Vlorë e vendosi ana psikologjike. Trajnerët e Flamurtarit dhe Skënderbeut, janë në një mendim se Skënderbeu ishte skuadra me më shumë besim në vetvete.

E kaluara rëndon si makth mbi të tashmen.

Kjo është një shprehje e vjetër, por edhe krejtësisht e re kur vjen puna tek sfidat mes Flamurtarit dhe Skënderbeut.

Edicionin e kaluar, korçarët patën sukses absolut ndaj vlonjatëve, diçka që trajneri që ka bërë rokadën, Ilir Daja, e cilësoi me ndikim vendimtar.

Skënderbeu fitoi 1-0 në Vlorë për ndeshjen e Superligës, duke u treguar edhe një herë më lart se Flamurtari, edhe pse nuk është aq i fortë sa vjet, të paktën në letër.

“Ajo që më shqetëson më shumë është komponenti psikologjik. Sigurisht që marr përgjegjësitë e mia për këtë paraqitje të ekipit. Sigurisht ky është një problem ndoshta që edhe në përballjet e kaluara ka një refleksion sepse kundërshatri ka pasur një bilanc tepër pozitiv. Ajo që duhet të përmirësojmë është besimi përpara sepse nëse nuk ke një besim në vetvete dhe në cilësitë e tua individuale asnjëherë nuk shkohet përpara”, tha Daja.

Orges Shehi, trajneri i kampionëve, padyshim mund të ndihet i kënaqur.

Edhe pse trajner i ri, dhe me ekip më të dobësuar, ai po arrin suksese radhazi, por a e quan ai si fitore të nxënësit ndaj mësuesit, atë që arriti ndaj Dajës?

“Me këtë rezultat unë prisja që skuadrën ta shikoja ashtu siç e pashë. Edhe në analizë, edha gjatë javës kemi punuar shumë në aspektin psikologjik sepse luajmë në transfertë edhe duke luajtur në transfertë, çunat e rinj duhet të japin maksimumin. Kryesorja është personaliteti. Është një ndeshje mes Skëndërbeut dhe Flamurtarit, një ndeshje midis kundërshtarëve, ndeshje derbi jo ndeshje mes meje dhe misterit”, tha Shehi.

Tifozët korçarë janë, logjikisht, tepër të lumtur.

Komentet e tyre në rrjetet sociale janë himne dhe lavdërime për skuadrën, që cilësohet si e vetme kundër të gjithëve, ndonëse realiteti nuk është plotësisht kështu. Gjithsesi, Skënderbeu është ende realiteti numër 1 i futbollit shqiptar, dhe nuk mund të gabohet nëse quhet favorit për titullin.

Po Flamurtari?

Klubi vlonjat do të bënte gabimin më të madh nëse do të dëshpërohej më shumë sesa duhet, pasi Ilir Daja sapo e ka nisur punën. Flitet për një trajner tri herë kampion, pra që mund t’ia dalë edhe me Flamurtarin./abcnews.al

skenderbeu-1280x720.jpg
ent ela23:53 | 17/09/2018

Skënderbeu arriti ndoshta fitoren më të rëndësishme të sezonit në Superligë, duke mposhtur një rival si Flamurtarin, madje brenda në Vlorë. Kampionët në fuqi të Shqipërisë ia dolën në një ndeshje tepër të fortë taktike, duke shënuar në dy momentet që arritën të dilnin rrezikshëm përpara portës vendase.

Autorë të rrjetave ishin Krasniqi në minutën e 71-të dhe sulmuesi tjetër, Oto Xhon, në minutën e 83-të. Me këtë sukses, korçarët u shkëputën të vetëm në krye të kampionatit me 10 pikë pas 4 ndeshjeve të luajtura deri tani. Pas tyre janë tri skuadra me nga 7 pikë, Flamurtari, Kukësi dhe Partizani.

Skënderbeu duket se mbetet pretendent numër 1 për të ruajtur titullin e fituar vjet, pavarësisht se gaboi në ndeshjen e kaluar në Korçë ndaj Laçit, dhe ndonëse iu larguan shumë lojtarë titullarë gjatë verës. /abcnews.al

PRAG-FLAMURTARI-SKENDERBEU.mpg_snapshot_00.56-1280x720.jpg
ent ela22:45 | 16/09/2018

Do të kishte dashur që këto suksese të mos përfundonin kurrë. As periudha e tij në stolin e Skënderbeut, ndonëse e dinte se ekzistonte rreziku që gjithçka të shkatërrohej. Ilir Daja mbajti me shpresë deri në fund veten dhe tifozët, ndërsa thoshte kështu në maj të këtij viti.

Ilir Daja, trajner i Flamurtarit: “Kemi folur për rinovimin, mbetet vetëm firma mbi kontratë. Gjë zytare nuk është ndonjë gjë e rëndësishmë.”

E keqja, gjithsesi ndodhi, dhe Gjykata e Arbitrazhit Sportiv në Lozanë e përjashtoi Skënderbeun nga Europa, dhe për Dajën ngjarjen ndoqën njëra-tjetrën si në një efekt domino. U largua nga Korça dhe pa humbur kohë u prezantua në Vlorë, si trajner i Flamurtarit. Kaluan javët dhe e pashmangshmja erdhi, përballja me ekipin me të cilin fitoi gjithçka në Shqipëri, dhe vendosi rekorde në Europë. Si e gjykon Daja sfidën e Superligës në Vlorë?

“Skënderbeu vjen si favorit në këtë ndeshje sepse vjen si ekipi kampion, ka një ekip të konsoliduar. Ka bërë disa ndryshimë por edhe lojtarët e rinj kanë qenë pjesë e Skënderbeut të vjetshëm. Nuk e them këtë për nga cilësia që posedon ekipi i Skënderbeut, por nga mendësia që ka si një ekip që vazhdon rrugëtimin prej disa kohësh.”

Mos do të thotë kjo se tifozët nuk duhet të shpresojnë?

“Nuk do na justifikojë asgjë, do të futemi në ndeshje maksimalisht për këto elemëntë që unë përmenda sipër, por më shumë do të respektojmë veten tonë.”

Skënderbeun, ndërkaq, e drejton një njohje e vjetër e Dajës, ish-portieri dhe ish-kapiteni Orges Shehi.

Orges Shehi, trajner i Skënderbeut: “Rrugës që i kam hyrë tani, sigurisht që javë për javë do të kem ndërhyrje të tjera, o me ish shokët e mi o me ish trajneët e mi. Është një përballje pak e veçantë për vetë faktin sepse vjen shumë shpejt, sepse Daja para disa muajsh ishte trajneri jonë. Por është n jë përballje midis dy ekipeve. Do kënaqesha nëse skuadra vazhdon të luajë me atë ritëm dhe dëshirë për të dhënë maksimumin. Kjo është ajo që unë do të kërkoja. Pastaj rezultati ka dhe faktorë të tjerë.”

Flamurtarit i mungon Alla i dëmtuar, ndërsa Danilo Alvesh është afruar vetëm ditët e fundit. Tek Skënderbeu mungon Leonit Abazi, ndërsa Demte dhe Aliti janë të gatshëm. Daja e di se ka fituar ndaj Skënderbeut herën e fundit që e pati kundërshtar, kur ishte në stolin e Tiranës dy vjet më parë. Shpreson të ndodhë sërish kështu./abcnews.al

DANILO-ALVESH-FLAMURTARI.mpg_snapshot_00.29-1280x728.jpg
ent ela22:31 | 14/09/2018

Flamurtari e ka nisur shumë mirë këtë sezon në futbollin shqiptar, ndërsa skuadra e trajnerit Ilir Daja tashmë është bërë edhe më e fortë. Në ekip është rikthyer një futbollist i rëndësishëm.

Ka edhe një arsye më shumë për të shpresuar. Flamurtari e ka nisur shumë mirë sezonin, ndërsa për trajnerin Daja sapo ka ardhur edhe një tjetër përforcim, braziliani Danilo Alvesh. Sulmuesi është njohje e vjetër në Vlorë, pasi ka luajtur deri pak muaj më parë, duke shënuar gola, e duke qenë tepër i rëndësishëm për skuadrat e drejtuara radhazi nga Gentian Mezani apo Shpëtim Duro. Tani, ai do të jetë në dispozicion të Ilir Dajës.

Danilo Alvesh, futbollist i Flamurtarit: “U largova për 2 muaj, dhe jam shumë i lumtur që u ktheva këtu. Jam mësuar me Flamurtarin pasi kam luajtur edhe më parë dhe jam përshtatur me skuadrën, me qytetin dhe me Superligën. Më vjen mirë që sapo u ktheva shënova në ndeshjen e parë, në Kupë, dhe kjo vlen për besimin. Shpresoj që ndaj Skënderbeut të shënoj një tjetër gol”.

Flamurtari ka ndryshuar shumë që kur Alvesh u largua. Çfarë mendon sulmuesi brazilian, a mund të jetë skuadra vlonjate një nga pretendentet për trofe këtë sezon?

“Skuadra më duket shumë e fortë, shumë e mirë. Po ashtu. kemi një trajner shumë të zotin. Natyrisht që ky duket viti i duhur, dhe klubi me presidentin kanë bërë përforcime të mëdha. Shpresoj të fitojmë titullin, dhe do të luftojmë që të gjithë për këtë objektiv, për titullin”.

Flamurtari është në të njëjtën kuotë pikësh me Skënderbeun, në krye të Superligës, ndërsa këtë të hënë do të presë pikërisht skuadrën kampione në Vlorë, në kuadër të javës së katërt./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono