flamurtari

idrizi-1280x660.jpg
Vladimir Prenga15:12 | 17/01/2020

Administratori i Flamurtarit, Sinan Idrizi ka zbuluar për ABC News se do të hapë gjyq penal ndaj 4 ish- futbollistëve të klubit vlonjat për shkak se ata kanë paraqitur në FIFA dokumentacione false, edhe pse ai pretendon se i ka paguar.

Situatë në radhët e klubit të Flamurtarit është më e trazuar se kurrë. Si të mos mjaftonte paraqitja në këtë edicion, ku kuqezinjtë renditen në vendin e fundit të tabelës, në kampin vlonjat  gëlon një tjetër çështje edhe më e nxehtë.

Pak dite më parë u raportua se FIFA ka bllokuar merkaton hyrëse të Flamurtarit për tre sezone me radhë, kjo për shkak të borxheve që mbart klubi kundrejt futbollistëve apo ish-futbollistëve që kanë veshur më parë fanellën e kuqezinjve.

Një situatë e tillë u shoqërua me një deklarate të fuqishme të administratorit të klubit Flamurtari,  Sinan Idrizi, i cili tha me plot bindje se klubi do të vijojë të zhvilloje një merkato normale. Së fundmi numri një i klubit vlonjat zbulon për ABC News se do të hapë gjyq penal ndaj katër ish-futbollistëve.

Pretendimet e administratorit të Flamurtarit janë që ai i ka paguar futbollistët, por ata në FIFA kanë paraqitur dokumentacion fals dhe në fund e ka pësuar klubi vlonjat. Për këtë ai do t’i drejtohet prokurorisë për të bërë kallëzim penal për lojtarët që i kanë bërë gjithë këtë dëm financiar dhe sportiv klubit.

Çështjen e falsifikimeve Idrizi e përmendi edhe në deklaratën e ditës së hënë, ku theksonte se një avokat po i shantazhonte ata. /abcnews.al

Flamurtari.jpg
Vladimir Prenga08:01 | 17/01/2020

Gjermania, kampione bote në vitin 2014, ndërtoi resortin e vet në Brazil dhe lejoi që futbollistët të merrnin me vete edhe bashkëshortet. Rezultati dihet, turpërim i Brazilit organizator në gjysmëfinale dhe më pas në Olimpin e botës.

Në Vlorë, ku pagat futbollistët më së shumti i kanë parë me dylbi, mendojnë ndryshe. Trajneri i ri, braziliani Marcelo Troisi, ka vendosur rregulla strikte që shkojnë deri edhe në ndalimin e seksit.

Artikulli në faqen e parë të “Panorama Sport”

Gjithmonë, referuar asaj që shkruan gazeta e përditshme “Panorama Sport”, e cila raporton për një rregullore me 11 pika, ku njëra prej tyre u ndalon futbollistëve të takohen me të dashurat, të fejuarat apo bashkëshortet gjatë ditëve kur janë programuar stërvitje intensive.

Me pak fjalë, më pak seks për futbollistet, të cilët energjitë e tyre duhet t’i shpenzojnë në fushën e blertë për t’u përgatitur dhe për të dhënë maksimumin e tyre në ndeshjet zyrtare. / abcnews.al

devolli-skenderbeu.jpg
Vladimir Prenga14:27 | 15/01/2020

Flamurtari ka zhvilluar ditën e sotme një ndeshje miqësore dhe nuk ia ka dalë të fitojë, edhe pse përballë kishte një skuadër si Oriku i Kategorisë së Parë. Vlonjatët, të renditur në vendin e fundit të Superiores, nuk kanë shumë shpresa për qëndrimin në elitë.

Lëvizjet e bëra gjatë këtij muaji nuk ngrohin dhe dobësitë e vlonjatëve po pasqyrohen edhe në fushën e blertë. Sot kundër Orikut pësuan të parët, në minutën e 64-të kur shënoi Nebiu. Nga humbja i shpëtoi një penallti, e kthyer në gol nga Flosard Malçi.

Një tjetër ndeshje miqësore e zhvilluar sot ishte edhe ajo mes Devollit dhe Skënderbeut U19 dhe ekipi nga Bilishti ia doli të triumfonte me rezultatin tenistik 2-6. /abcnews.al

Miqësore | E mërkurë, më 15 janar 2020

Oriku-Flamurtari 1-1
Shënues:
Nebiu / Malçi (pen.)

Skënderbeu U19-Devolli 2-6

Idrizi.jpg
Veronik Istrefaj23:24 | 13/01/2020

Administratori i Flamurtarit, Sinan Idrizi, ka folur për merkaton e bllokuar të Flamurtarit, duke thënë se gjithçka është një shantazh i palo-avokati, i cili ka mbrojtur Danilo Alves. Sipas Idrizit, Flamurtari do të bëjë merkato të fortë që në këtë muaj janar.

Kam biseduar sot me Bashkinë e Vlorës dhe me Federatën Shqiptare të Futbollit. Ne do të ndërhyjmë fort në merkato. E përsëris, ne do të bëjmë merkato të fortë. Neve na ka dënuar një palo-avokat, që ka mbrojtur Danilo Alves.

Unë kam folur në telefon me këtë palo-avokat dhe më ka thënë që nëse do të ndodhë, nëse jo, e probleme tjera. E vërteta është që kjo është shantazh. Unë e përsëris këtë gjë, mos e kini merak, do të bëjmë merkato të fortë këtë muaj”,/abcnews.al

flamurtari.jpg
Veronik Istrefaj18:36 | 13/01/2020

Pas Luftëtarit, FIFA ka dënuar edhe Flamurtarin. Klubi vlonjat është dënuar me bllokim të tre merkatove, kësaj aktuale të janarit dhe të gjithë vitin e ardhshëm.

Borxhet e pashlyera ndaj futbollistëve kanë rezultuar fatale për Flamurtarin, që merr kështu një dënim të rëndë. Kuqezinjtë vlonjatë po bëjnë një sezon për t’u harruar në Superiore dhe duket se e kanë prerë biletën për në Kategorinë e Parë.

Aktualisht, Flamurtari ka luajtur 17 ndeshje dhe ka grumbulluar vetëm 6 pikë. Kuqezinjtë janë në vend të fundit të tabelës dhe kanë humbur boshtin kryesor të lojtarëve./abcnews.al

flamurtari.jpg
Vladimir Prenga18:41 | 10/01/2020

Struga, që garon në elitën e futbollit maqedonas, ka bërë përforcimin e parë në merkaton e janarit. Fjoralb Deliaj ka lënë Superioren dhe ka nënshkruar me skuadrën e drejtuar nga Jeton Beqiri, i cili më parë ka qenë pjesë e vlonjatëve.

Deliaj mund të luajë në disa pozicione, si mbrojtës qendre dhe i djathtë, si dhe mesfushor shkatërrues. Kalimi i tij te Struga është njoftuar në mënyrë zyrtare dhe kështu numri i largimeve te Flamurtari sa vjen e shtohet. /abcnews.al

kushta.jpg
Vladimir Prenga16:12 | 10/01/2020

Ish futbollisti i Flamurtarit, Sokol Kushta, në një intervistë për ABC News thekson se skuadra vlonjate duhet të kishte një fond emergjence. Ai pranon se problem nuk mbetet rënia nga kategoria, por ringritja e skuadrës

Flamurtari këtë sezon ndodhet në një nga pozitat me të vështira të historisë, ndërsa rrezikon edhe rënien një kategori më poshtë. 10 milion lekë të vjetra ishte dhe buxheti i Bashkisë Vlorë për Flamurtarin, ndërkohë që anëtari i këshillit të kësaj bashkie ,ish-futbollisti i Flamurtarit, Sokol Kushta e komenton këtë fakt.

“Ky 10 milionëshi i vjetër nuk është ndihmë për Flamurtarin. Është ndihmë juridike për procedurat e privatizimit, kur të dalë ligji i sportit”, thotë fillimisht legjenda vlonjate për ABC News, i cili më tej thekson se nuk mund të ketë buxhet shtesë, pasi momentalisht klubi administrohet nga kompanitë turke. Miratimi i një fondi shtesë do të ishte në kundërshtim me ligjin.

Kushta pranon se vetë ai ka kërkuar rreth tre muaj më parë që të kishte një fond emergjence ,por kjo mbetet thjesht në kuadrin e një dëshire nga vete ai për Flamurtarin. “Ky nuk është një buxhet për të ndihmuar Flamurtarin. E kam kërkuar në Këshillin Bashkiak dhe u mirëprit, por e panë nga ana ligjore dhe nuk ishte e mundur. Flamurtari ka një kontratë 2-vjeçare me një sponsor.

Aty thuhet se për anën financiare është përgjegjës sponsori dhe bie ndesh në aspektin ligjor. Ca gjëra bëhen me dëshirë, ca gjëra bëhen me ligje. Unë kam shumë dëshirë, por jo çdo gjë është në dorën time. Pra njerëzit duhet ta kuptojnë dhe të mendojnë si duhet dalë nga kjo situatë”, shton vlonjati.

Kushta  pranon se problem nuk mbetet rënia nga kategoria, por ringritja e Flamurtarit.  Mua më shqetëson rënia e Flamurtarit. Mbase gjërat do rregullohen, por unë nuk e di si do ngrihet. Nuk është turp, nga Kategoria ra Tirana, Vllaznia, Dinamo, kanë rënë të gjithë.

Problemi është si do ringrihet, çfarë plani ka. Nuk është mbledhur ndonjëherë bordi dhe të diskutohet për këtë”, shprehet Kushta. Pas 17 ndeshjeve të para, Flamurtari renditet në vendin e fundit në klasifikim. Vlonjatët kanë grumbulluar vetëm 6 pikë. / abcnews.al

flamurtari-kukesi.jpg
Vladimir Prenga23:24 | 09/01/2020

Flamurtari hedh sytë nga gjetja e lojtarëve. Emërimi i Marcelo Troisit në krye të ekipit vlonjat e orienton merkaton drejt Brazilit, ku ai ka lidhjet e veta. Ndryshimet në kampin kuqezi do të jetë të mëdha dhe  zbulohet një prej afrimeve për repartin e sulmit.

Bëhet fjalë për sulmuesin Welder Costa. Futbollisti 24-vjeçar ka gjetur gjuhën e përbashkët me klubin e Guarany për t’u larguar. Ai ka paguar për të mbyllur kontratën dhe për të provuar një eksperiencë të re në Europë, me shpresën që karriera e tij të marrë një tjetër rrjedhë.  /abcnews.al

Ansi-Nika-e1578504991995.jpg
Veronik Istrefaj18:36 | 08/01/2020

Ansi Nika është larguar nga Flamurtari. Këtë gjë, e ka konfirmuar vetë sulmuesi anësor në profilet e tij zyrtare. 29 vjeçari u transferua te Flamurtari në fillim të këtij sezoni, pas largimit nga Gjilani në IPKO Superliga. Me ekipin vlonjat këtë sezon, shkodrani luajti 7 ndeshje në Superiore, ku shënoi dhe një gol.

Nika, në faqen e tij zyrtare në Facebook, postoi një foto të tij me fanellën e Flamurtarit dhe një mbishkrim “Game over”, duke lënë të kuptohet se aventura e tij në Vlorë, ka përfunduar vetëm pas gjashtë muajsh. Shkodrani do të jetë i agjent i lirë dhe gjatë kësaj merkato janari, pritet të gjejë një skuadër të re./abcnews.al

Postimi i Ansi Nikës
flamurtari-kukesi.jpg
Vladimir Prenga16:44 | 08/01/2020

Flamurtari është braktisur nga shumë futbollistë pa u mbyllur pjesa e parë e sezonit. Një prej tyre ishte edhe mesfushori boshnjak, Semir Bajraktarevic. Shkak për largimin u bënë problemet financiare në klubin vlonjat.

Semir Bajraktareviç

Pas largimit, Bajraktarevic nuk ka vonuar të gjejë skuadrën e re. Mesfushori ka firmosur në vendlindje me NK Celik dhe gjithçka është zyrtare. Kontrata e tij do të jetë e vlefshme për 18 muaj.

Bajraktarevic ndërkohë pret të fitojë gjyqin në FIFA në lidhje me pagesat që Flamurtarii i ka. Me Vlonjatët në Superiore ai luajti vetëm 6 ndeshje në kampionat, pesë prej të cilave i nisi nga minuta e parë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono