fjalimi

53552ee86e3b93de2e3d547fd1a0c187b432e6e39dc1179498779efa575c1f6b-770x443-1.jpg
So Nila15:35 | 10/02/2020

Ashtu siç në fakt pritej Joaquin Phoenix rrëmbeu çmimin Oscar për rolin e tij n filmin “Joker”.

Pasi u ngjit në skenë e falenderoi kolegët për mundësinë, aktori e nisi fjalimin e tij duke u shprehur modestisht se ndonëse mban në dorë një trofe, ai nuk ndihej aspak më lart se kolegët e tij, e madje Phoenix drejtoi gishtin së pari nga vetja e më pas tek çdo njeri që mendon se është qendra e universit duke luftuar kështu natyrën egocentrike që është krijuar tek njerëzimi.

 

“Jam i mbushur me mirënjohje tani. Nuk ndihem aspak më lart se asnjë prej miqve të mi të nominuar që ndodhen në këtë sallë, sepse ne ndajmë të gjithë njësoj një dashuri; kjo është dashuria e filmit. Dhe kjo mënyrë jetese më ka dhënë mua jetën e mrekullueshme që kam. Unë mendoj se dhurata më e madhe që më është dhënë mua dhe gjithë të tjerëve në këtë industri është fakti se ne mund të përdorim zërin tonë për ata që nuk kanë zë. Kam menduar shumë së fundmi për disa çështje shqetësuese me të cilat po përballemi të gjithë kolektivisht. Unë mendoj se nuk ka rëndësi kauza për të cilën ne luftojmë; nëse flasim  për pabarazi gjinore, racizëm, të drejta kafshësh sepse në fund ne po flasim për luftën kundër padrejtësisë.

Ne po flasim dhe duhet të luftojmë besimin se një komb, një popull, një racë, një gjini, një specie ka të drejtë të sundojë, kontrollojë, lëndojë dikë tjetër pa u ndëshkuar.

 

 

Unë mendoj se të gjithë ne po shkëputemi shumë nga bota natyrore. Shumë prej nesh janë fajtorë për një botëkuptim egocentrik duke menduar se ne jemi qendra e Universit. Ne hymë në botën natyrore dhe e plaçkisim atë, ne mbarsim një lopë dhe ja vjedhim fëmijën para syve të saj, pa na intersuar aspak klithmat e saj prej nëne, më pas i marrim asaj qumështin i cili natyralisht prodhohet për t’ja dhënë viçit, por ne ja hedhim kafes tonë në mëngjes.

Ne kemi frikë nga ideja e ndryshimit personal, sepse ne mendojmë se duhet patjetër të sakrifikojmë diçka për të hequr dorë nga diçka tjetër. Por nuk duhet të harrojmë se të qenit njerëzor në më të mirën e tyre është kaq krijues e shpikës, sa ne jemi shumë mirë në gjendje të krijojmë, zhvillojmë, zbatojmë sisteme të ndryshimit që do të ishin të dobishme për të gjitha qeniet, e po ashtu edhe për mjedisin.

Unë kam qenë një horr gjatë gjithë jetës time, kam qenë egoist, ndonjëherë edhe mizor, por jam kaq i lumtur që shumë prej jush që jeni sonte në këtë sallë më keni dhënë një shans të dytë. Unë mendoj se ne jemi në më mirën tonë kur ne e mbështesim njëri tjetrin dhe jo kur e përjashtojmë për shkak të gabimeve që dikush mund të ketë bërë në të kaluarën.

Kur vëllai im River ishte 17 vjeç shkruajti këtë tekst: “Shko drejt shpëtimit me dashuri dhe paqja do të të ndjekë”: me shprehjen e shkruar nga vëllai i tij i ndjerë Joaquin mbylli fjalimin e Oscarit të parë në karrierën e tij kinematografike./abcnews.al

queen.jpg
So Nila09:22 | 14/12/2019

Triumfi i zgjedhjeve të përgjithshme të Kryeministrit do të thotë se ai tani mund të vazhdojë me planet e tij për të mbajtur një fjalim në tek Mbretëresha javën e ardhshme.

Pra, kur do të ndodhë në të vërtetë?

Së pari, Boris Johnson mund të kryejë një riorganizim të ekipit të tij nga e hëna – megjithëse ndërsa të gjithë ministrat e kabinetit mbajtën vendet e tyre të deputetëve, ai nuk ka nevojë të bëjë shumë ndryshime .

Kancelarit  Sajid Javid i është komunikuar se ai mund të mbetet në pozicionin që ka qënë.

Gjatë fundjavës pritet që Johnson  të jetë i zënë duke pritur urimet nga lidërët botërore.

Të  martën në 17 Dhjetor, deputetët do të vijnë në Commons (shumë prej tyre për herë të parë) për të filluar “betimin” – i cili zgjat disa ditë.

Mbretëresha do të  mbajë një fjalim në Parlament të enjten 19 dhjetor, pa rroba ceremoniale dhe pa asnjë karrocë të artë.

Shumica pret që fjalimi që pritet të mbajë mbretëresha të jetë i njëjtë më fjalimin që ajo mbajti në tetor.

Në 100 ditët e para, Tories  janë zotuar të ndryshojnë ligjin për t’i dhënë fund lirimit automatik të shkelësve seriozë të dhunshëm dhe seksualë dhe të rishikojnë sistemin e mbrojtjes, sigurisë dhe politikës së jashtme.

Ata thanë se do të nxjerrin dhe një ligj për rritje të fondeve për shkollat, do ndryshojnë ligjin për të rritur shumën që paguajnë migrantët për të përdorur NHS.

Gjjithashtu do të këtë ndryshime në ligj, për të filluar bisedimet ndër-partiake në mënyrë që të gjëjnë një zgjidhje për sfidën e kujdesit shoqëror dhe për të përfunduar një marrëveshje me operatorët e telefonit që të përmirësohet  shërbimi celular në fshat.

Pas 31 janarit, do të ketë një buxhet të shkurtit me disa nga premtimet kryesore të Boris Johnson – përfshirë një ulje prej 85 £ në vit për Sigurimin Kombëtar për disa punëtorë.

Por Brexit nuk do të mbarojë.

Më 1 shkurt  fillon puna e vërtetë – Mbretëria e  Bashkuar do vetëm 11 muaj për të fituar një marrëveshje tregtare me BE, ose do t’i duhet të presi deri në janar 2021./abcnews.al

ditmir-bushati-ne-kuvend.jpg
ad min15:05 | 12/09/2019

Ditmir Bushati, si nga selia e Partisë Socialiste, edhe në foltoren e Kuvendit, mbajti një fjalim kritik mbi gjendjen në vend, duke thënë se grykësia dhe paaftësia po shkatërrojnë shpresën dhe se vendi ka nevojë për ndërtimin e një sistemi vlerash. Ish-ministri u shpreh i shqetësuar për përqendrimin e parave në pak njerëz.

Tashmë që Edi Rama e ka lënë jo vetëm pa karrige në qeveri, por edhe pa post në parti, Ditmir Bushati nuk rezervohet për të përshkruar atë që po ndodh tashmë në Shqipëri sipas optikës së tij.

“Jemi duke përjetuar një krizë vlerash, e cila nuk vjen nga përtacia, por nga mpirja që sjell mungesën e shpresës, që vjen nga grykësia dhe paaftësia për të ndërtuar një sistem vlerash”, tha Bushati.

Bushati kërkon një reflektim të thellë kombëtar, në raport me botën dhe me procesin integrues po ashtu.

“Duhet të bëhemi bashkë për të përcaktuar qëllimet se ku do të jetë Shqipëria pas 20 apo 30 vitesh. Këto objektiva duhet të kenë diasporën në qendër të tyre. Ta bëjmë këtë vend më të jetueshëm më të drejtë, t’i vendosim etiketën për çfarë duhet të njihemi. Evropa ka jetuar 550 vjet pa Shqipërinë, mund të jetojë edhe 500 të tjera”, tha Bushati.

Ish-ministri, nuk e sheh problemin vetëm tek njëri krah, por një shqetësim duket se e ka të njëjtë me Lulzim Bashën.

“Kjo nuk është një çështje e majtë apo e djathtë, më shqetëson përqendrimi i të ardhurave në një grusht njerëzish. Më shqetëson që të eksportojmë kapital njerëzor në 30 vite. Më shqetëson fakti që edhe pse duam të hapin bisedimet me BE-në nuk kemi 50 njerëz nga diaspora për të modernizuar Shqipërinë për një sistem më të drejtë dhe të qëndrueshëm”.

Ky është fjalimi i dytë kritik në parlament që mban Ditmir Bushati. Përpara zgjedhjeve, ai ju kërkoi kolegëve të tij socialistë të mos bëheshin arrogantë, por të komunikonin me opozitën reale, atë jashtë parlamentare./ABC News Albania 24/7

CONTE-FJALIMI-ABCM1T1.mpg_snapshot_00.03-1280x720.jpg
ent ela14:25 | 01/09/2019

Kryeministri i Italisë, Xhuzepe Konte është shprehur optimist se Lëvizja 5 Yjet dhe Partia Demokratike do të gjejnë gjuhën e përbashkët për formimin e qeverisë. Në një fjalim të mbajtur ditën e diel, Konte ka theksuar se sfida kryesore e kabinetit të ri do të jenë reformat për të ardhmen e vendit.

Kryeministri në detyrë i Italisë, Xhuzepe Konte ka deklaruar të dielën se vendi ka shanse serioze për krijimin e një qeverie të re dhe rrjedhimisht shmangien e zgjedhjeve të parakohshme.

“Shoh një klimë të mirë pune dhe nga ky këndvështrim jam mëse i bindur se të gjithë janë të gatshëm të lënë pas të shkuarën dhe të fokusohen tek ky projekt i rëndësishëm për të gjithë vendin”, ka thënë Konte. Konte ka theksuar se nuk mendon më për marrëdhënien me ish-zëvendësin e tij Mateo Salvini, i cili e ka akuzuar se përfaqëson pushtetet e forta të Italisë dhe jo interesin e qytetarëve italianë. “Aktualisht mendoj vetëm për të ardhmen”, ka vijuar Konte.

Ai ka komentuar edhe programin e propozuar nga demokratët, për të cilin ka thënë se përfaqëson sfidat me të cilat përballet vendi. “Ky program do të thotë të nisim një sezon reformash për vendin, të vëmë në plan të parë vizionin për një ekonomi të qëndrueshme”, ka thënë Konte.

Ai ka shtuar se palët nuk premtojnë gjëra stratosferike, por gjëra që duheshin bërë më parë por që janë anashkaluar. “Tani është koha t’i bëjmë me vendosmëri maksimale. Kjo është sfida e vërtetë”, ka shtuar Konte. Aktualisht në Itali, Lëvizja 5 Yjet dhe Partia Demokratike janë në negociata për formimin e qeverisë së re. shanset janë pozitive, por vetëm dy ditë më parë, 5 Yjet vendosën si kusht miratimin e programit të saj qeverisës, ose shkuarjen në zgjedhje të parakohshme. /ABC News Albania 24/7

ORBAN-FJALIMI_ABC-1280x720.jpg
ent ela15:47 | 11/02/2019

Në fjalimin e tij tradicional, kryeministri hungarez Viktor Orban deklaroi se viti 2018 ishte më i miri në historinë e vendit. Ai premtoi se rritja ekonomike e vendit do të qëndronte 2 për qind më shumë se mesatarja europiane. Menjëherë pas fjalimit opozita organizoi protesta në qendër të Budapestit kundër qeverisë së tij.

“Nuk ka pasur një vit më të mirë se 2018”. Me këto fjalë Viktor Orban hapi fjalimin e tij për gjendjen e vendit. Kryeministri hungarez trajtoi tema të ndryshme, mes të cilave dhe atë për emigracionin. Një nga çështjet kryesore në prag të zgjedhjeve të përgjithshme parlamentare.

“Ne të Europës qendrore kemi në dorë çelsin e të ardhmes sonë. Dhe kjo e fundit është vazhdimësia në jetët e prindërve dhe gjyshërve tanë, në mbrojtje të një mijë vitesh traditë, në mbrojte të ekonomisë sonë, familjes dhe kulturës së krishterë” u shpreh ai ndër të tjera.

Kryeministri paralajmëroi një paketë masash për mbrojtjen e familjes dhe për të stimuluar numrin e lindjeve. Orban shtoi se objektivi i tij është mbajtja e një rritjeje ekonomike prej 2 për qind më shumë se mesatarja europiane.

Por menjëherë pas fjalimit të tij, opozita organizoi një protest në shesh, duke kritikuar qeverinë për gjendjen e demokracisë në vend.

Sipas opozitës Europa duhet të kuptojë se ajo që Orban i bën Hungarisë përbën një rrezil për të gjithë kontinentin.

Ps fjalimit me mijëra persona marshuan në qendër të Budapestit dhe pse protesta më masive mbetet ajo e 16 dhjetorit të vitit të kaluar ku morën pjesë më shumë se 15 mijë persona. /abcnews.al

 

trump-1-1280x720.jpg
ad min10:50 | 06/02/2019

Donald Trump mbajti dje fjalimin e tij të dytë para Kongresit amerikan, që kur ka ardhur në krye të Shtëpisë së Bardhë. Për shkak të mbylljes së qeverisë amerikane, fjalimi u mbajt me një javë vonesë nga data e parashikuar. Trump u shpreh i vendosur për ndërtimin e murit me Meksikën, një nga çështjet kryesore që e ndan aktualisht nga demokratët. Presidenti amerikan konfirmoi dhe takimin e dytë me Kim Jong Un në fund të këtij muaji.

Presidenti amerikan, Donald Trump ka shfrytëzuar fjalimin e tij drejtuar kombit, për t’u zotuar edhe një herë se do të ndërtojë murin me Meksikën. Kjo temë është kthyer në çështje të ndarjes së thellë partiake në SHBA. Trump  ka mbajtur fjalimin në Dhomën e Përfaqësuesve në Kongres, me një javë vonesë, ndonëse është duke u përballur me mospajtime politike rreth kërkesave të tij për të ndërtuar murin, te cilin e quan shumë te nevojshëm për të ndalur imigrimin ilegal dhe kontrabandimin e drogës.

Ai e ka cilësuar imigrimin ilegal si “krizë kombëtare urgjente”, por nuk është ndalur shumë tek ideja për shpalljen e gjendjes emergjente, e cila do t’i lejonte atij të siguronte paratë për murin pa miratimin e Kongresit. Në vend të saj, presidenti amerikan u ka bërë thirrje demokratëve dhe republikanëve që të gjejnë një kompromis deri më 15 Shkurt. Për demokratët, një ide e tillë konsiderohet e paefektshme dhe humbje e të hollave. Ndërkohë Trump ka paralajmëruar demokratët për përpjekjet e tyre se do të hetojnë administratën e tij, si dhe ka përmendur përfshirjen e SHBA-së në luftëra të huaja, çka sipas tij mund të dëmtojë ekonominë amerikane.

Kryesuesja e Dhomës së Përfaqësuesve, Nancy Pelosi, e cila ishte veshur në të bardha, bashkë me shumë gra tjera në Kongres, ka duartrokitur me shqetësim disa herë, por është parë e pakënaqur gjatë fjalimit të Trump. Ajo nuk ka treguar asnjë shenjë për bashkëpunim me presidentin sa i përket çështjes së ndërtimit të murit. Megjithatë presidenti amerikan ka shfrytëzuar fjalimin për të ofruar një dozë kompromisi në çështjet e uljes së çmimit të ilaçeve, ndërtimit të rrugëve, urave dhe pjesës tjetër të infrastrukturës.

Një vend të veçantë në fjalimin e presidentit Trump para Kongresit ka zënë edhe politika e jashtme e SHBA. Presidenti amerikan ka konfirmuar në këtë fjalim se do të mbajë një samit të dytë me liderin e Koresë Veriore, Kim Jong un më 27-28 Shkurt në Vietnam.

“Ende ka shumë punë për të bërë, mirëpo marrëdhënia ime me Kim Jong-un është e mirë”, ka deklaruar Trump.

Presidenti amerikan beri thirrje për vëmendje në përpjekjet e tij për të rishkruar marrrëveshjet tregtare me Kinën dhe kombet tjera, për të krijuar një situatë më të favorshme për SHBA-në. Teksa këshilltarët e tij ekonomikë janë duke punuar në hartimin e paktit me Kinën, Trump ka thënë se marrëveshja “duhet të përfshijë ndryshim të vërtetë dhe t’iu japë fund praktikave të padrejta tregtare, të ulë deficitin kombëtar dhe të ruajë vendet e punës në SHBA”.

Ai ka përmendur edhe kërcënimet e Iranit kundër Izraelit. “Ne nuk do të largojmë sytë nga regjimi që brohorit, Vdekje Amerikës dhe kërcënon me gjenocid kundër hebrenjve”, ka deklaruar Trump.

Lideri amerikan ka thënë se mbështet përpjekjet për të larguar nga pushteti presidentin e sfiduar të Venezuelës, Nicolas Maduro, si dhe ka shpallur fitore ndaj grupit militant, Shteti Islamik. Sipas tij, administrata Trump është duke zhvilluar “bisedime kontruktive” me talibanët për të gjetur një zgjidhje që siguron paqen në Afganistan./abcnews.al

trump.jpg
ad min09:51 | 06/02/2019

Donald Trump mbajti të martën fjalimin para Kongresit mbi gjendjen e vendit. Ai tha se nëse nuk do të rizgjidhej sërish President, Shtetet e Bashkuara do të jenë në luftë me Korenë e Veriut. Mirëpo gazetarëve u ka bërë përshtypje një pjesë e fjalisë që Trump nuk e lexoi në momentin e fundit.

Ai po tregonte disa detaje të reja nga takimi tjetër që pritet të mbajë me liderin e Koresë së Veriut.

“Nëse nuk do të zgjidhesha President i Shteteve të Bashkuara, do të ishim që tani, sipas mendimit tim, në luftë të madhe me Korenë e Veiut. Shumë punë mbetet për t’u bërë, por marrëdhënia ime me Kim Jong Un është e mirë. Kim dhe unë do të takohemi sërish më 27 dhe 28 Shkurt në Vietnam”, tha Trump.

Por versioni origjinal i fjalimit, i cili i ishte shpërndarë gazetarëve përpara, kishte edhe një fjali tjetër që u hoq nga vetë Trump.

“Nëse nuk do të zgjidhesha President i Shteteve të Bashkuara, do të ishim që tani, sipas mendimit tim, në luftë të madhe me Korenë e Veriut me miliona njerëz që mund të kishin vdekur, lexonte aty.

Donald Trump dhe Kim Jong Un u takuan fillimisht më 12 Qershor në Singapor. Qëllimi i Shteteve të Bashkuara është të bindin Korenë e Veriut që të heqin dorë nga programi bërthamor. Vietnami është zgjedhur si vendi ku dy liderët të takohen pasi edhe Shtetet e Bashkuara dhe Koreja e Veriut kanë marrëdhënie të mira me vendin komunist./abcnews.al

TRUMP-FJALIMI-ABC-1280x781.jpg
ent ela23:20 | 05/02/2019

Nëse do të jetë e nevojshme do të ngremë një mur njerëzish”. Me këto fjalë, disa orë përpara fjalimit vjetor në Kongres, presidenti Donald Trump iu rikthye alarmit për mbërritjen në kufirin me Meksikën të një karvani të ri emigrantësh nga Amerika Qendrore.

“Një numër i madh personash po mbërrin përmes Meksikës me shpresë për të kaluar kufirin tonë jugor. Kemi dërguar trupa të tjera dhe nëse do të jetë e nevojshme do të ngremë edhe një mur njerëzish”, tha Trump në profilin e tij në Tëitter. Ai ritheksoi se, nëse në kufirin me Meksikën do të kishte një mur të mirëfilltë, e gjitha kjo nuk do të ndodhte.

Në fjalimin që do të mbajë në Kongres, që do të ketë në fokus çështjet e aktualitetit, Trump pritet ta vërë sërish theksin tek rreziku që sipas tij i kanoset popullit amerikan nga krimi dhe droga, si dhe tek nevoja për lëvrimin e fondit prej 5.7 miliardë dollarësh për ngritjen e strukturës, që ishte një nga premtimet e tij kryesore gjatë fushatës elektorale të vitit 2016. /abcnews.al

 

1036990580.jpg.0-1.jpg
ent ela13:12 | 19/01/2019

Kreu i shtëpisë së Bardhë Donald Tramp do i drejtohet popullit amerikan në fjalimin tradicional të Bashkimit të Shteteve. Mediat amerikane shkruajnë se pritet një propozim i ri për demokratët në përpjekje për t’i dhënë fund “shutdoun”.

Presidenti amerikan Donald Trump planifikon t’u ofrojë demokratëve një tjetër propozim për t’i dhënë fund mbylljes së qeverisë kur ai t’i drejtohet kombit nga Shtëpia e Bardhë me atë që që zyrtarët e përshkruajnë si ofertën e tij të tretë për t’i dhënë fund shutdaun.

Por Trump nuk pritet të tërhiqet nga kërkesa e tij për ndërtimin e murit në kufi me Meksikën, por planifikon t’ua kërkojë demokratëve duke u bërë lëshimë të tjera. Negociatat rreth një emergjence kombëtare po vazhdojnë në administratë dhe se Presidenti nuk pritet të shpallë një vendim gjatë fjalimit të të shtunës.

Fjalimi bëhet në ditën e 29 të mbylljes së qeverisë, që filloi muajin e kaluar kur demokratët e Kongresit dhe Trump nuk arritën asnjë marrëveshje.

Negociatat qenë bllokuar për javë pasi Trump kërkoi para për të ndërtuar murin anti emigrantë. Demokratët e udhëhequr nga kryetarja e Dhomës Nancy Pelosi janë të vendosur që të mos i jepnin Trump fonde, për asnjë mur në jug të vendit. /abcnews.al

ivanov.jpg
ad min17:30 | 29/12/2018

Presidenti i Maqedonisë Ivanov vijon të kundërshtojë marrëveshjen e arritur mes Shkupit dhe Athinës duke i kërkuar deputetëve që ta rrëzojnë atë

Në fjalimin tradicional të fundvitit në Kuvendin e Maqedonisë, Presidenti Ivanov, kërkoi nga shumica parlamentare që ta hedhin poshtë Marrëveshjen e Prespës.

“Suksesi më i madh i kësaj qeverie është që arriti ta bind bashkësinë ndërkombëtare se referendumi do të jetë i suksesshëm dhe se populli do ta përkrah Marrëveshjen e Prespës. Por në fund të ditës edhe përfaqësuesit e bashkësisë ndërkombëtare u ballafaquan me faktin se populli hodhi poshtë marrëveshjen”, deklaroi ai.

Opozita thotë se fjalimi ishte konzistent dhe politikisht i pjekur. Si shqetësuese e pëmendën, pjesën e fjalimit për përgjimin dhe ndjekjen e presidentit.

“Nëse kjo është e vërtetë, mund të vlerësohet si një minus i madh që krijon pasiguri juridike dhe politike, jo vetëm për presidentin por edhe për cdo qytetar, që mund të jetë i ardhshmi që me urdhër gojor mund të ndiqet”.

Sipas pozitës, fjalimi i Presidentit ishte përplot me urrejtje dhe gënjeshtra.

“Ivanovi mund të flet vetëm për mossuksesin në dy mandatet e tij. Identiteti dhe gjuha maqedonase në mënyrë të përhershme janë siguruar dhe janë mbrojtur. Maqedonia arriti suksese, Ivanovi-jo”.

Paraqitjen e fundit të Ivanovit si president i Maqedonisë e bojkotoi grupi parlamentar i BDI-së./acbnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono