fitorja

TUZ-FITOJNE-SHQIPTARET-ABCM4T1.mpg_snapshot_00.01-1280x720.jpg
ent ela10:45 | 04/03/2019

Në Tuz të Malit të Zi, koalicioni i partive shqiptare ka shënuar nëj fitore që ëshët cilësuar historike duke marrë plot 16 vende nga 32 në këshillin komunal. Nik Gjeloshaj është kryetari i ri i komunës Tuz.

Një ditë historike për shqiptarët e Malësisë së Madhe, pjesës që ndodhet në territorin e Malit të Zi. Pas një beteje rreth 200 vjeçare, ata arritën që të kenë mundësinë të dalin në zgjedhje dhe të votojnë për herë të parë për organet drejtuese të Komunës së Tuzit si një komunë e plotë, e pavarur nga kryeqyteti Podgorica. Me një rezultat të ngushtë, ku nga 32 këshilltarë të që ka këshilli i komunës, 16 prej tyre janë fituar nga Koalicioni i Partive Shqiptare. Në këtë njësi vendore i quajtur Forumi Shqiptar, ata kanë garuar nën moton “ Malësia na Bashkon”. Pas shpalljes së rezultateve shqiptarët e Malësisë kanë festuar këtë fitore historike, mes tyre ishte edhe Anëtari i Asamblesë së Nju Jorkut Mark Gjonaj i cili ka përcjellë nga afër zgjedhjet në Tuz.

Gjithashtu fitoren e kanë përshëndetur edhe liderët e partive të Koalicionit, Nik Gjeloshaj dhe Nikollë Camaj.

Nga 11. 904 qytetarë me të drejtë vote kanë marrë pjesë rreth 7800, ose 64.5%, ndërsa Koalicioni Shqiptar ka marrë 3682 vota, 50% ose 16 keshilltarë, Partia Demokratike e Socialisteve ( DPS) e presidentit Millo Gjukanoviç ka marrë rreth 31% të votave ose 10 këshilltarë me  rreth 2.490 vota, pas tyre janë Partia Boshnjake me 4 këshilltarë, ose 960 vota ose 12 %, Socialdemokratët me 4.59% me 359 vota ose 1 këshilltar, Demokratët e Malit të Zi 3% me 236 vota dhe 1 këshilltar.

E cilësuar si një fitore historike e Shqiptarëve në Tuz, por edhe një disfatë e Milo Gjukanovic dhe partisë së tij, i cili edhe pse President i Malit të Zi ka marrë pjesë në mënyrë aktive në fushatën parazgjedhore në Tuz. /abcnews.al

 

52797009_1693259127486094_3550373327270838272_n.jpg
ent ela20:41 | 02/03/2019

Kukësi bëri detyrën duke mundur Luftëtarin në Elbasan dhe duke u afruar me Partizanin kryesues të Superligës. Kukësianët janë tani 6 pikë larg kreut.

Nuk pritej të ishte nga më të vështirat, por jo edhe kaq e lehtë.

Ka disa herë ndeshje të tilla në Superligën shqiptare ku gjithçka shkon sipas parashikimit, dhe ku me më shumë interes është të marrësh vesh rezultatin, sesa të ndjekësh lojën.

Kukësi mundi 2-0 Luftëtarin në një “Elbasan Arena” të boshatisur dhe u afrua në 6 pikë me Partizanin kryesues.

Limaj dhe Xharia shënuan në pjesën e parë për formacionin e trajnerit Cungu, ndërsa gjirokastritët u kujtuan të luanin vetëm në 25 minutat e fundit.

Në dhjetor, dy klubet u morën vesh për transferimin e Shkurtajt dhe Rrocës nga Luftëtari te Kukësi, dhe sulmuesi ishte në formacion, madje dha edhe top për gol, kurse mesfushori mungoi për shkak dëmtimi.

Kuksianët dominuan lojën deri në minutën e 65-të, dhe i vetmi lajm i keq për ta ishte dëmtimi i mbrojtësit të rëndësishëm Cuculi, i cili u detyrua të linte fushën e lojës.

Me Musollin po ashtu të dëmtuar, Cungu mund ta ketë problem qendrën e mbrojtjes, nëse shqiptari I Maqedonisë mungon gjatë.

Pas 24 ndeshjesh të luajtura, Kukësi ka 44 pikë ndaj 50 të Partizanit, ndërsa Luftëtari mbeti në kuotën e 25 pikëve, 5 pikë mbi zonën që të zbret në Kategorinë e Parë. /abcnews

foto_782058_908x560.jpg
ent ela14:43 | 10/02/2019

Edicioni i 69-të i festivalit italian të Sanremos u fitua këtë herë nga një 29-vjeçar italo-egjiptian. Prejardhja e tij gjysmë myslimane ka shkaktuar jo pak polemika, por ka patur edhe nga ata që kanë përshëndetur ndërthurjen e kulturave. Vetë fituesi u shpreh se ndihej 100 % italian.

Është Mahmud, djaloshi italo-egjiptian, fitues i edicionit të 69-të të festivalit italian të këngës Sanremo. Ka qenë një fitore suprizë, edhe pse 27-vjeçari me këngën e tij “Para’” ndodhej në treshen e finalistëve bashkë me këngëtarin Ultimo dhe grupin Il Volo, që konsideroheshin favoritë. Kënga e Alessandro Mahmud, me nënë italiane dhe baba egjiptian, flet nën tingujt e muzikës rep për fëmijët e rritur në periferi, për varfërinë dhe rolin e prindërve. Në prononcimin e tij për mediat, djaloshi tha se ndihej 100 për qind italian. “Nëna ime është nga Sardenja, ndërsa babai egjiptian. Por unë kam lindur dhe jam rritur në Itali”, iu përgjigj ai kujt kishte ngritur polemika. Dhe në fakt, kontestimet nuk munguan. Ato filluan menjëherë në plate dhe në sallën e shtypit menjëherë pasi u njoftua klasifikimi final. Nuk mungoi edhe reagimi skeptik i zëvendës kryeministrit Mateo Salvini. “Kjo ishte kënga më e bukur??? Unë do kisha zgjedhur dikë tjetër”, tha ai në Tëitter. Por këtë herë numri dy i qeverisë italiane hasi në kundërshtimin e ish-partneres së tij, prezantueses televizive Eliza Izoardi. “Mahmud sapo fitoi festivalin e Sanremos. Tregues se bashkimi i kulturave të ndryshme gjeneron bukuri”, u shpreh ajo në profilin e saj. Në të njëjtën linjë u shpreh edhe analisti i njohur i shtypit italian, Aldo Kaculo. “Duhen më shumë si Mahmud, që është shembulli i integrimit që pasuron vendin”, shkroi ai në një artikull të “Corriere della Sera”. /abcnews.al

PARTIZANI-FITON-NDAJ-KASTRIOTIT-1280x720.jpg
ent ela20:57 | 09/02/2019

Partizani vazhdon rrugëtimin drejt titullit kampion. Të kuqtë fituan pastër 2-0 ndaj Kastritot duke thelluar në 8 pikë diferencën me Kukësin që luan të dielen ndaj Tiranës.

Partizani vazhdon rrugën drejt titulli kampion. Të kuqtë fituan përballë Kastriotit me shifrat e pastra 2-0 në ndeshjen hapëse të javës së 21 të kategorisë superiore. Dy golat në pjesën e dytë që mbajnë firmën e Telushit dhe Bardhit i dhanë fitoren Partizanitt e trajnerit Skender Gega, e cila e sheh veten 8 pikë më shumë se Kukësi që luan këtë të dielë ndaj Tiranës. Pjesa e parë ishte pothuajse e barabartë aq sa goditja e parë drejt portës erdhi në minutën e 27 me Asanin. Të kuqtë i shkuan shumë pranë golit të avantazhit në minutën e 44 me Kristi Kote, por topi shkon ngjitur me shtyllën. Fraksioni i dytë i lojes nis në mënyrën më të mirë për kryeqytetasit.

Bruno Telushi realizon një supergol nga distanca duke i dhënë avantazhin Partizanit. Një gol që ia vlen të rishihet. Të kuqtë nuk ndalen me kaq pasi dyfushojnë rezultatin pak minuta më vonë me Bardhin.  Sulmuesi përfiton nga një goditje e Males që ndalet në shtylle duke realizuar qetësisht me portën e boshatisur. Të kuqtë administrojnë mirë lojën duke mos lënë shumë hapësira pas, ndërkohë që i shkojnë pranë golit të tretë me Asanin. Në minutat e mbetura nuk ka ndryshim rezultati dhe Partizani fiton tre pikë të arta. /abcnews.al

NBA-LUKA-DONCIC.mpg_snapshot_01.03-1280x720.jpg
ent ela14:24 | 27/12/2018

Luka Donçiç ishte sërish protagonist në basketbollin amerikan. Ylli nga Sllovenia udhëhoqi Dallasin drejt një fitoreje të vështirë ndaj Nju Orlinsit.

Hodhi edhe një hap tjetër drejt shpalljes si “Debutuesi i Vitit” në NBA. Luka Donçiç ndihmoi Dallas Maveriksin që të fitonte më në fund një ndeshje, duke mposhtur Nju Orlinsin pas 6 humbjeve radhazi.

“Sensacioni” nga Sllovenia pati 21 pikë, 9 topa në tabela e 10 asistë në suksesin e ngushtë 122-199 ndaj ekipit të Entoni Dejvisit. Ylli nga Europa nuk arriti dot një tripëll dabëll vetëm për një top të munguar të kapur në tabela.

Kjo do të thotë se Donçiç pati shifra më të larta sesa mesataren e sezonit, ndërsa shënoi pikët e fundit, vendimtare, me dy gjuajtje të lira. Nga vija e gjuajtjeve të lira, 19-vjeçari ishte thuajse i pagabueshëm, duke realizuar 11 nga 12 tentativat.

Pritej që ai të luante mirë në sezonin e parë në NBA, por nuk mendohej se do të ishte debutuesi më i mirë, si dhe udhëheqësi i skuadrës së tij. Falë asisteve të Donçiçit, qendra DeAndre Xhordan pati 20 pikë, ndërsa kapi 12 topa në tabela. Nju Orlinsi pësoi humbjen e pestë radhazi, ndonëse Entoni Dejvis shënoi 32 pikë dhe kapi 18 topa në tabela.

Lajmi tjetër i madh i Dallasit, në ndeshjen ndaj Nju Orlinsit, ishte Dirk Novicki. Gjermani veteran luajti ndeshjen numër 1477 në NBA, duke u ngjitur në vendin e katërt për të gjitha kohët, mbi Karl Malounin. Ai i ka të gjitha mundësitë të kalojë edhe Xhon Stoktonin në vendin e tretë (1504 ndeshje). Dyzetvjeçari shënoi 7 pikë, ndërsa arriti fitoren e 900-të në karrierë, tashmë në vendin e gjashtë për të gjitha kohët. /abcnews.al

KUKESI-FITON-NE-GJIROKASTER-1280x546.jpg
ent ela19:01 | 01/12/2018

Të luash një pjesë loje në inferioritet numerik, nuk është gjë e vogël. Kështu i qëlloi Luftëtarit në ndeshjen në shtëpi për Superligën ndaj Kukësit, dhe kjo e dënoi me humbje.

Kartoni i dytë i verdhë, pra i kuqi për Ramadanin në minutën e 47-të, bëri që Kukësi të merrte epërsinë e lojtarëve në fushë, ndonëse nuk arriti ta shfrytëzonte veçse në fund.

Goli i fitores për veriorët erdhi vetëm në minutën e 88-të me anë të Valon Etemit, por kaq mjaftoi që skuadra e trajnerit Armando Cungu të merrte tripikëshin dhe të ngjitej në vend të tretë në kampionat, qoftë edhe përkohësisht.

Si për ironi, Kukësi luajti më mirë në pjesën e parë, kur numri i lojtarëve ishte i barabartë.

Edhe pse në fushë kundërshtare, ia doli të ushtronte presion dhe të ishte i rrezikshëm pranë portës vendase.

Luftëtari u përpoq gjatë gjithë ndeshjes, dhe u mbajt mirë edhe kur ishte me 10 vetë, por përfundimisht nuk ia doli.

Trajneri Gentian Mezani nuk po arrin të marrë rezultatet e vjetshme, kur ishte tek Laçi, dhe ndoshta gjirokastritët kanë probleme në klub, që I pengojnë t’i marrin maksimumin skuadrës.

Pas kësaj fitoreje, Kukësi ka 27 pikë, 7 pikë larg Partizanit kryesues, ndërsa Luftëtari mbeti në vendin e 7-të me 13 pikë, dy më shumë sesa Tirana. /abcnews.al

45272216_2129674627360411_981894906152747008_n.jpg
ent ela17:04 | 03/11/2018

Laçi reagoi duke fituar ndeshjen e radhës, menjëherë pas largimit të trajnerit Artan Mergjyshi. Skuadra kurbinase triumfoi 1-0 në Gjirokastër ndaj Luftëtarit vendas, me gol të shënuar nga shkodrani Shtubina në minutën e 79-të. Ndeshja ishte e fortë dhe me raste nga të dyja skuadrat, ndonëse u shënua vetëm një gol.

Ky sukses bëri që Laçi të arrinte në kuotën e 19 pikëve, baraz me Kukësin e vendit të tretë, ndërsa Luftëtari mbeti me vetëm 9 pikë, duke qenë në zonën e ftohtë të rënies nga kategoria.

Skuadra kurbinase u drejtuar në duelin e javës së 11-të të Superligës nga trajneri Migen Memelli, ndërsa ende nuk dihet nëse Laçi do të caktojë trajner tjetër apo do të vazhdojë me Memellin. /abcnews.al

 

LIVERPULI-FITON-TE-PESTEN-1280x627.jpg
ent ela21:34 | 15/09/2018

Liverpuli vazhdoi serinë e fitoreve në kampionatin anglez. Skuadra e trajnerit Jurgen Klop triumfoi në një sfidë shumë të vështirë në fushën e Totenhemit.

Ende nuk mund të thuhet se është viti i duhur, por besimi po shtohet.

Liverpuli arriti fitoren e pestë radhazi, në pesë ndeshje të luajtura, në Premier Ligën angleze, madje një nga ato që vendosin sezonet.

Suksesi 2-1 në fushën e Totenhemit ishte një deklaratë e fortë për synimet për titull të skuadrës së drejtuar nga trajneri Jurgen Klop.

Në një sfidë të vështirësisë maksimale, ndër më të fortat që mund të ofrojë kampionati, miqtë ishin padyshim skuadra më e pjekur, dhe që e meritoi plotësisht triumfin.

Shënoi dy gola dhe pësoi vetëm një, ndërsa krijoi rastet më të mira në stadiumin mitik “Uembli”.

Vajnaldum dhe Firmino ishin ata që konkretizuan lojën agresive dhe tepër të shpejtë të të kuqve, që kaluan testin më serioz të Premier Ligës deri tani.

Liverpuli u tregua sërish si ekip me lojë të përcaktuar mirë, me mbrojtje të fortë, dhe që vepron rrufeshën në sulm, sapo merr topin në zotërim, ndihmuar nga lojtarë të veçantë si Salah, Firmino, Mane apo Keita.

Gjithsesi, ky ishte vetëm fillimi i periudhës shumë të vështirë për të besuarit e Klopit, të cilët do të luajnë ndeshje shumë të vështira në kampionat dhe në Champions, duke pasur përballë kundërshtarë të tillë si Napolin, Mançester Sitin apo dy herë Çelsin.

Sidoqoftë, me 15 pikë të plota dhe me golaverazhin domethënës 11-2, Liverpuli i ka të gjitha kartat në rregull për të pretenduar fitimin e titullit pas 29 vitesh. /abcnews.al

TENIS-GJOKOVIC-FITON-US-OPENIN-1280x720.jpg
ent ela18:57 | 10/09/2018

Novak Djokoviç arrin një tjetër sukses në karrierë, pasi fiton Grand Slemin në Shtetet e Bashkuara të Amerikës. Tenisti serb u barazua me legjendën Pit Sampras.

Treshja më e mirë e kësaj epokës duket se do të cilësohet edhe treshja më e mirë e të gjitha kohëve.

Novak Djokoviç iu bashkua Rozher Federerit e Rafael Nadalit, në treshen e tenistëve që kanë fituar më shumë Grand Sleme në karrierë, edhe pse mes tyre mbetet edhe një “plak”.

Kjo legjendë paksa më e vjetër quhet Pit Sampras, që ka 14 Çmime të Mëdha, aq sa iu bënë Gjokoviçit pas fitores spektakolare në US Open.

Federer ka 20 duke qenë rekordmeni, ndërsa Nadali është ndalur në 17.

Djokoviç pati një finale të fortë në Grand Slemin amerikan përballë Huan Martin Del Potros.

Kampioni i vitit 2009 vërtet humbi 0-3 me sete, por e detyroi serbin të luftonte për gati 3 orë e gjysmë përpara se të fitonte.

Setet ishin 6-3, 7-6 e 6-3 për Nolen, që tani ka tre tituj në US Open (pas 8 finaleve).

Tenisti numër 3 i botës ka gjithashtu 6 Australian Open, 4 Uimbëlldone dhe 1 “Rolan Garros” në Paris.

Po ashtu, ai u bë tenisti me fitimet më të mëdha direkt nga profesioni i tij sportiv, me 119 110 890 USD, ndaj mbi 118 milionë dollarëve të Federerit.

A do të mundet ai të arrijë rekordin e zviceranit të madh?

Në moshën 31-vjeçare, Djokoviç ende ka kohë për t’ia dalë, edhe pse me kalimin e kohës për të do të jetë gjithnjë e më e vështirë. /abcnews.al

FLASIN-LOJTARET-E-KOMBETARES-1280x720.jpg
ent ela16:15 | 08/09/2018

Futbollistët e kombëtares u shprehën shumë të kënaqur për suksesin ndaj izraelitëve. Tashmë, synimi është për një rezultat pozitiv në ndeshjen e radhës, në Skoci.

Kur autobusi i tyre mbërriti në stadium, emocionet e tifozëve ishin të forta.

Shpresat ishin të shumta për futbollistët e kombëtare, që do të hynin në fushë për ndeshjen ndaj Izraelit.

Për fat, ata ia dolën, e nisën siç duhet Ligën e Europës, dhe kënaqësinë e tyre e shprehën në deklaratat pas ndeshjes.

I pari kapiteni i ri, Jahmir Hyka.

“Nuk e dija se do isha kapiten, e mora vesh para ndehsjes. Është krenari, por besoj se më e rëndësishme ishte fitorja. Ishte e rendësishme ta nisnim këtë kompeteicion dhe besoj e treguam, të shkojmë në Skoci me të njëjtin mentalitet dhe të marrim pikë”.

Basha pyetet për ndërhyrjet e shumta të Panuçit gjatë ndeshjes.

“Panuçi ndërhyn cdo herë, por është normale, ne kemi qëndruar shumë mirë në fushë pavarësisht rasteve që i kemi leju Izraelit kemi bërë gabime ne, dueht patjetër t’i përmirësojmë këto gjëra se do jetë shumë më ndryshe të hënën”.

E patëm gjithsesi një dobësi të madhe, lojën në mbrojtje.

“Humbja e Lorikut është e rëndë ka qenë ikonë e skuadrës dhe ne do provojmë të luajmë sa më mirë dhe ta prezantojmë kombëtaren”.

Vendin e Sadikut këtë herë e zuri i riu Sidrit Guri, edhe pse nuk pati kënaqësinë e golit.

“Si sulmues më erdhi keq që nuk shënova se sulmuesi për këtë punë është. Jam shumë i kënaqur që ekipi fitoi”.

Tifozët, ndërkaq e festuan fitoren, ndërsa dëshira është e madhe që edhe në Skoci, kombëtarja të dalë me pikë.

Jo më kot jemi shqiptarë dhe mesdhetarë, emocionet tona ndryshojnë totalisht nga një humbje dhe një fitore. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono