fitorja

web-foto-nga-parakalimi-ne-Tirane-28-nentor-1944.-nga-e-majta-Mehmet-Shehu-Baba-Faja-MartaneshiKoci-Xose-Enver-Hoxha-1280x783.jpg
nev ila22:26 | 15/11/2019

Në 28 nëntor të vitit 1944, komunistët shqiptarë, organizuan një paradë ushtarake në qendër të Tiranës. Ishte një demonstrim për të celebruar fitoren mbi fashizmin, por edhe demonstrim për të legalizuar në popull fituesit e vërtetë të pushtetit politik.

Por si u zhvilluan ngjarjet që faktorizuan komunistët shqiptarë gjatë viteve të Luftës së Dytë Botërore? Cilët ishin faktorët dhe aktorët që i çuan ata drejt marrjes së pushtetit? Ishte lufta e quajtur Nacional-Çlirimtare më tepër një luftë kundër fashizmit, apo thjesht një luftë për të fituar pushtetin?

Historigrafia shqiptare ende nuk është në një zë sa i përket dilemës. Një pjesëe  mirë e historianëve të brezit të vjetër gjykojnë se lufta nisi për çlirimin e vendit nga fashistët dhe me kalimin e kohës u kthye në një luftë për pushtet, ndërkohë që një pjesë e historianëve të brezit të ri mendojnë se qysh në fillimet e luftës Enver Hoxha ka pasur vetëm një qëllim të madh: të merrte pushtetin politik.

Të shtunën në mbrëmje, në orën 22:15 emisioni Abc Story sjell një dokumentar interesant, që përmes dokumenteve të kohës, por edhe logjikës së disa prej historianëve më të mirë të dy brezave, tenton të japë një shpjegim definitiv për këtë pjesë të errët të historisë sonë./abcnews.al

albin-kurti-1.jpg
nev ila18:52 | 16/10/2019

Qendra e Vetëvendosjes në Shqipëri, ka njoftuar këtë të mërkurë se, në Tiranë ditën e dielë në orën 19:00, do të zhvillohet një festë për fitoren e “VV” në zgjedhjet e Kosovës.

I ftuar nderi do të jetë vetë kryeministri i ardhshëm i Kosovës, Albin Kurti. Festa do të mbahet në afërsi të zonës pedonale në qendër, ku Kurti do të mbajë dhe një fjalim përpara të pranishmëve.

Njoftimi i qendrës në Shqipëri:

Qendra e Lëvizjes VETËVENDOSJE! në Shqipëri ju fton të na bashkoheni në Tiranë në mbrëmjen festive që organizojmë për të shënuar fitoren e Lëvizjes VETËVENDOSJE! në Kosovë. Në këtë aktivitet i ftuar nderi është Kryeministri i ardhshëm i Republikës së Kosovës, Albin Kurti, i cili do të mbajë edhe një fjalë rasti.

Ju mirëpresim ditën e diel, më 20 tetor, ora 19:00, te Bar Kinema Millenium, pranë “pedonales” në qendër të Tiranës”. /abcnews.al

FILO-1280x720.jpg
ent ela12:20 | 01/07/2019

Është mbyllur procesi i numërimit të votave në Bashkinë e Korçës. Fitues është shpallur kandidati socialist Sotiraq Filo me 20831 vota. Ai ka falënderuar të gjithë votuesit, ndërsa ka premtuar se do puinojë për të gjithë pavarësisht bindjeve politike.

“Dëshiroj të falënderoj ata votues që kanë votuar alternativën time dhe dëshiroj t’u them atyre zgjedhësve që votuan kandidatin tjetër në listë, atyre që zgjodhën të mos paraqiteshin, që unë do vazhdoj të punoj me përkushtim në çdo ditë për 4 vitet e mandatit që vjen. Do të punoj për të gjithë banorët pavarësisht bindjeve të tyre”. /abcnews.al

CELSI-FITON-LIGEN-E-EUROPES.mpg_snapshot_00.02-1280x720.jpg
ent ela12:30 | 30/05/2019

Çelsi triumfoi në Ligën e Europës, por duhet të nisë të mendojë për të ardhmen. Klubi anglez e mbylli sezonin me trofe, por duhet të kërkojë për trajner dhe lojtarë të rinj.

Ishte favorit dhe e respektoi parashikimin, madje më shumë se ç’duhet.

Liga e Europës i takoi Çelsit që triumfoi bindshëm në finalen 100 për qind angleze në stadiumin “Olimpik” të Bakusë ndaj Arsenalit, edhe pse një epokë e re mund të nisë për klubin e Londrës.

Ndeshja në Azerbajxhan përfundoi 4-1, veçse Eden Hazar e Mauricio Sarri mund të largohen, duke bërë që gjithçka ndoshta të nisë nga e para.

Sidoqoftë, ishte momenti i fitores, i një trofeu të madh, titulli i 6-të kontinental i bluve, fitore së cilës ia kalon vetëm ajo e Championsit në 2012.

Eden Hazar, edhe një herë tjetër më i miri në fushë, (me gjasë) i dha lamtumirën skuadrës dhe tifozëve me një dygolësh, një ndarje e shkëlqyer, por edhe dëshpëruese në skaj të Europës.

Golat e tjerë u shënuan nga Olivie Zhiru, që hapi rezultatin në pjesën e dytë, dhe Pedro.

Gazetat angleze ishin me ngjyrën blu.

“Deili Telegraf”: Çelsi-Arsenal 4-1! Lamtumira e Hazarit! Sulmuesi frymëzoi fitoren në Ligën e Europës!

“Metro Sport” bën lojë fjalësh: Bak dhe Blu! Çelsi triumfon në Ligën e Europës, ndërsa Hazar bën realizim të dyfishtë!

“Në pjesën e parë ndeshja ishte shumë e vështirë, – deklaroi Sarri, më pas, – ishte takimi i 64-ët I sezonit për ne, dhe ishte shumë vapë. Në pushim u kërkova lojtarëve të guxonin, edhe pse mund ta pësonim. Kjo ndodhi, ne luajtëm shumë më mirë dhe besoj se e merituam fitoren. Për të ardhmen time, më duhet të flas me drejtuesit”.

Në ndeshje ishte edhe pronari i bluve, Roman Abramoviç, që kishet 1 vit që nuk i ndiqte ndeshjet e klubit të tij.

Arsenali duhet të mendojë se i takon të ardhmes.

Djemtë e tij të talentuar, disa të rinj e disa me më shumë përvojë, nuk ishin aq bindës përballë yjeve të Çelsit, pasi skuadra e Sarrit kishte në formacion Azpilikuetën, David Luizin, Kantenë, Zhorzhinjon, Kovaçiçin, Pedron, Zhirunë dhe Hazarin, si dhe më pas Uillianin, ndërsa në stol njerëz të tillë si Higuainin apo Alonson.

“Goli i parë ndryshoi gjithçka, – u shpreh trajneri i “topçinjve”, Unai Emeri, – ne patëm mundësitë tona, por nuk i shfrytëzuam, por Çelsi e meritoi. Nuk jam i shqetësuar për të ardhmen, pasi ne po përmirësohemi dhe do të jemi edhe më të fortë, pavarësisht se vitin e ardhshëm nuk do të jemi në Champions”.

Çelsi mbylli një sezon që mund të quhet i mirë, me dy finale të luajtura, një trofe të fituar dhe kualifikimin për në Champions, por tashmë me të ardhmen të pasigurt. /ABC News Albania 24/7

NBA-BARAZON-TORONTO_ABC-M1-T1-Copy.mpg_snapshot_00.01-1280x720.jpg
ent ela13:13 | 22/05/2019

Shumë i fortë dueli në në Konferencën Lindore në basketbollin amerikan. Edhe pse i cilësuar favorit, Miluoki u detyrua të pranonte humbjen në Kanada.

Është në barazim 2-2 finalja e Lindjes në NBA, dhe Toronto dha një mesazh. Edhe pse Koui Leonard luajti praktikisht “me një këmbë”, për shkak dëmtimi, sërish skuadra kanadeze e fitoi ndeshjen tepër të rëndësishme të katërt ndaj Miluokit.

Jo vetëm e fitoi, por edhe bindshëm me rezultatin 120-102. Kundërshtari ishte dukur i pandalshëm me një Janis Antetokumbo qiellor, por ja që gjërat shkuan ndryshe.

Toronto vuri në lëvizje “mekanizma” të tjerë, në radhë të parë lojtarët e stolit, që nuk është se kishin shkëlqyer shumë deri tani. Ata iu përgjigjën apelit duke realizuar një ndeshje të madhe.

Leonard e bëri të vetën, shënoi 19 pikë e kapi 7 topa në tabela, vodhi 4 topa e bllokoi 2 gjuajtje, aspak keq për një lojtar që luajti me dëmtim.

Gjithsesi, vendimtarë ishin Ibaka (17 pikë, 13 tabela), Pauell (18 pikë) e Vanvlit (13 pikë).

Padyshim, edhe lojtarët e formacionit bazë, ku Kajl Louri realizoi 25 pikë, pati 5 topa në tabela e 6 asistë, ndërsa Mark Gasol shtoi 17 pikë, 5 tabela e 7 asistë.

Antetokumbo u mbulua sërish fort, edhe pse shënoi 25 pikë, kapi 10 topa në tabela e dha 5 asistë. Midëllton dha një paraqitje të madhe me 30 pikë, por pjesa tjetër e skuadrës ishte dobët, me Bruk Lopezin që ia doli të realizonte vetëm 8 pikë.

Edhe pse ende Miluoki quhet favorit, sërish Toronto realizoi diçka të madhe, duke treguar se suksesi në basketboll nuk varet nga një yll i vetëm, ashtu siç e tregoi edhe Golden Stejti në Perëndim.

Ndeshja e pestë finale do të luhet mëngjesin e 24 majit në fushën e Miluokit. /ABC News Albania 24/7

nadal-1280x664.jpg
ent ela19:45 | 20/05/2019

Rafael Nadal fitoi turneun Masters të Romës duke triumfuar në finale ndaj Novak Gjokoviçit. Tenisti spanjoll shkon si favorit në Grand Slemin e radhës, që do të zhvillohet në Paris.

Në këtë sipërfaqe zakonisht nuk ka rivalë.

Rafael Nadal fitoi një tjetër titull në një turne në dhé të ngjeshur, duke thelluar një rekord, e duke u bërë gati siç duhet për Grand Slemin e radhës.

Tenisti spanjoll, numri 2 i botës, triumfoi në Turneun Masters të Romës, pasi ia doli në finale ndaj rivalit të tij kryesor, Novak Gjokoviçit.

Parashikimi ishte për një finale tepër të fortë në “Foro Italiko”, por Nadali realizoi një kryevepër në setin e parë, duke e fituar 6-0.

Kurrë më parë, në një duel mes tyre, nuk kishte ndodhur një gjë e tillë.

Gjokoviç reagoi duke fituar 6-4 setin e dytë, por Nadal u rikthye në të tretin, me suksesin e thellë 6-1.

Ishte ky titulli i tij i 9-të në kryeqytetin e Italisë, një rekord që vazhdon ta thellojë, duke qenë shumë larg nga ndjekësit, me Gjokoviçin që është i dyti me 4 kupa.

Jo vetëm kaq, por Nadali u shkëput nga rivali serb, duke pasur 34 turne Masters në karrierë, një më shumë sesa Nole.

Ky sukses, dhe sidomos mënyra sesi u arrit, e bën spanjollin sërish favorit në Grand Slemin e “Rolan Garosit”.

Tridhjetedyvjeçari shkon në Paris, më në fund në formë shumë të mirë e duke lënë pas dëmtimet që e penguin për një kohë të gjatë.

Ai do të synojë ta fitojë “Rolan Garosin” për herë të 12-të, diçka që nuk ka ndodhur kurrë. /ABC news Albania 24/7

cska-moska.jpg
ent ela14:50 | 20/05/2019

CSKA-ja e Moskës u shpall kampione e Europës në basketboll për meshkuj. Skuadra e madhe ruse triumfoi në finalen ndaj Anadolu Efesit të Turqisë, në ndeshjen e luajtur në Spanjë.

Do t’i duhen edhe dy tituj për t’u barazuar me rekordmenët. CSKA e Moskës është tani 8 herë kampione e Europës në basketboll për meshkuj, e dyta skuadër më e mirë në histori pas Realit të Madridit që ka 10 kupa.

Suksesi i radhës ishte ai i mbrëmshmi në Arenën e Vitorias në Spanjë, kur mundu 91-83 Anadolu Efesin e Turqisë, përpara 13 420 spektatorë.

Me triumfin gjysmëfinal ndaj Realit dhe atij final ndaj Efesit, skuadra moskovite ishte kampione e merituar e Euroligës, ndërsa ka mbërritur 8 herë radhazi në fazën finale, dhe 16 herë në 17 sezonet e fundit, duke fituar 4 tituj.

Ndaj Anadolu Efesit, rusët kryesuan gjatë gjithë kohës, ndonëse turqit nuk lejuan shkëputje, duke qenë 4 pikë larg dy herë në pjesën e katërt.

CSKA-ja u mbështet tek tre lojtarë kryesorë, amerikanët Uill Klajbërn e Kori Higins, si dhe tek francezi Nando De Kolo. Dy të parët shënuan nga 20 pikë, me Klajbërnin që shtoi edhe 5 topa në tabela e 2 asistë.

De Kolo realizoi 15 pikë, kapi 4 topa në tabela dhe shërbeu 4 asistë. Amerikani Shejn Larkin shënoi 29 pikë, duke qenë më i miri për Anadolu Efesin, e duke qenë shënuesi më i mirë në një finale që nga viti 2000.

Shumë fort luajti amerikani tjetër Brajant Danston me 13 pikë, 10 topa në tabela e 2 asistë. Kroati Krunoslav Simon shtoi 15 pikë, ndërsa ylli kryesor, serbi Vasilije Miçiç, u mbulua fort dhe shënoi pak.

Euroliga u fitua nga klubi me buxhetin më të madh, dhe trajneri Dhimitri Itudis falenderoi lojtarët e tij.

“Përgëzimet më të mira për basketbollistët e mi, – tha tekniku grek, – ne kemi një grup të fortë, që ka dëshirë të konkurrojë dhe të fitojë.  Njerëz aspak egoistë, por që mendojnë për skuadrën. Nuk ishte e lehtë, dhe ka ndodhur që kemi humbur ndeshje të tilla, por këtë herë ishte koha për sukses”.

Edhe lojtari më i mirë i fazës finale të Euroligës ishte i CSKA-së, amerikani Uill Klajbërn. /ABC News Albania 24/7

GOGA-BASKET-KAMPIONE-E-SHQIPERISE_ABC-M1-T1.mpg_snapshot_00.03-1280x720.jpg
ent ela12:37 | 20/05/2019

Goga Basket u shpall kampione e Shqipërisë në basketboll për meshkuj, për herë të parë në histori. Skuadra e themeluar vetëm 2 vjet më parë, mundi Teutën në finalen e pestë.

Nuk kishte ku të shkonte më shumë se kaq. U desh finalja e pestë dhe e fundit, që të përcaktohej kampionia e Shqipërisë në basketboll për meshkuj, por ia vlejti.

Një emër i ri u shtua në listën e fituesve, Goga Basket, pasi fitoi më në fund duelin e gjatë ndaj Teutës, në një sfidë plotësisht të Durrësit.

Hera e parë në histori që një klub i ri si Goga merr titullin, hera e parë që finalja për titull ishte tërësisht durrsake.

Sfida e fundit ishte bindshëm e skuadrës që dominoi edhe fazën e rregullt të sezonit, duke mposhtur Teutën me diferencë, 81-60.

Ecuria e finaleve të tjera ishte me Teutën që fitoi ndeshjen e parë, Gogën të dytën e të tretën, dhe Teutën që barazoi 2-2 në mesjavë.

Në dy pjesët e para, loja ishte më e ekuilibruar, dhe në pushim Goga shkoi me epërsi të vetëm tri pikëve, veçse më pas avantazhi u rrit, derisa u fitua me 21 pikë diferencë.

E merituar pra, për djemtë e drejtuar nga trajneri Melzin Lazimi, që nuk lejuan befasinë në sallën e Akademisë, “Dhimitër Goga”.

Kampionët e rinj kanë mjaft të huaj si Rame, Miliç, Gjokoviç, Alen apo Mos, si dhe shqiptarë si Thano, Ndreca apo Elezi

Teuta nuk ia doli, duke humbur për të dytin vit radhazi, vjet e mposhti Tirana, por gjithsesi klubi me emër në basketbollin shqiptar mund të ndihet krenar me dy trofe e sezonit, Kupën e Shqipërisë dhe Superkupën.

Pas ndeshjes, fituesit deklaruan kështu.

“Unë jam kampion, dhe kjo është diçka shumë e bukur. Kampion, pra, çfarë und të them tjetër. Kjo flet vetë, kjo medalje flet vetë. Kur je kampion ti thjesht buzëqesh. Të tjerët le të flasin, për ne flet fakti që dolëm kampionë”. /ABC News Albania 24/7

HOLLANDA-FITON-EUROVIZIONIN-MBULM.mpg_snapshot_00.04-1280x720.jpg
ent ela09:36 | 19/05/2019

Holanda fitoi festivalin Eurovision 2019, ndërsa Shqipëria u rendit në vendin e 18-të. Në vendin e dytë u rendit Italia me këngën “Soldi” nga Mahmood, ndërsa në të tretin u rendit Rusia.

Holanda u përfaqësua nga Dankan Lorens me këngën “Arcade”, e cila është një baladë dashuria.

Këngëtari ka shpjeguar se fabula e këngës ka të bëjë me historinë e një personi të dashur që i ka vdekur në moshë të re. “Arcade është histori për kërkimin e dashurisë së jetës”, tha Dankan.

Ndërsa Shqipëria që u përfaqësua nga Jonida Maliqi me këngën “Ktheju tokës” arriti deri në vendin e 18-të. /ABC News Albania 24/7

warriors-1280x720.jpg
ent ela09:25 | 19/05/2019

Golden Stejti vazhdoi serinë e fitoreve në finalet e Konferencës Lindore në basketbollin amerikan, edhe në mungesë të yllit kryesor. Kampionët në fuqi realizuan një tjetër përmbysje ndaj Portlendit.

Një titull në faqen zyrtare të NBA-së: “Kevin Durant, i rëndësishëm? Po! I domosdoshëm? Jo, plotësisht!”

Ky titull u rikujtua menjëherë kur Golden Stejti reagoi për të dytën herë radhazi, ndaj deficitit me pikë, duke fituar ndeshjen e tretë po radhazi të plej ofit ndaj Portlendit.

Fati i finaleve të Konferencës Lindore duket i vendosur, pas suksesit të miqve 110-99.

Pasi asnjë skuadër në histori nuk ka përmbysur një rezultat 0-3 me ndeshje, madje vetëm tri herë ka ndodhur që dueli të ketë shkuar deri tek ndeshja e shtatë.

Në mungesë sërish të Kevin Durantit, kampionët në fuqi nxorrën “asat nën mëngë”, Drejmond Grin, Stefën Kërri apo Klej Tompson.

Kjo, edhe pse u detyruan të përmbysnin rezultatin për herë të dytë radhazi.

Grin pati tripëll dabëll me 20 pikë, 13 topa në tabela e 12 asistë, si dhe 4 vjedhje topi e 1 bllokim gjuajtjeje.

Kërri shënoi 36 pikë, si dhe ndihmoi me 6 topa në tabela e 3 asistë, duke qenë ai lideri në mungesë të Durantit.

Bashkë me të, ai që cilësohet si “vëllai I tij binjak”, por jo Seth Kërri, veçse Klej Tompsoni.

Kapiteni pati 19 pikë, 5 topa në tabela e 5 pasime për kosh.

Forca e Golden Stejtit, ashtu si shpesh herë, ishte që shumica e lojtarëve, plot 1,0 ishin në tabelën e shënuesve.

Ndeshja e katërt do të luhet sërish në Portlend, dhe Duranti përsëri nuk pritet të jetë, por Uorriorsët duken të sigurt drejt finales së pestë radhazi të NBA-së, ku me shumë gjasë do të ndeshen me Miluokin. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono