fiton

buta-biberaj.jpg
nev ila14:31 | 06/11/2019

Shqiptarja Buta Biberaj ka fituar zgjedhjet për postin e prokurorit në prefekturën Loudon, Virginia.

Në garë ishin Buta Biberaj e cila fitoi 52,303 vota (49.5%), ndërsa kundër kandidates Nicole Wittmann e cila mori 50,218 (47.5%).

Bude (Buta) Biberaj. Budja i përket familjes së mirënjohur patriotike dhe anti-komuniste shqiptaro-amerikane Biberaj nga Tropoja. Budja është një prej 8 fëmijve të Hysen e Aishe Biberaj, një familje e ngushtë dhe e madhe, të cilës ajo i përket me 19-nipa e mbesa dhe me 16-stërnipa dhe stërmbesa, pasardhës të brezave të kaluar të familjes Biberaj.
Familja Biberaj me banim në qarqet administrative Fairfax dhe Loudon të shtetit Virxhinia, afër Washingtonit është e njohur tanimë për gjurmët pozitive dhe arritjet e shumta të anëtarëve të saj në fusha të ndryshme, jo vetëm në komunitetin shqiptaro-amerikan por edhe në jetën e përditshme amerikane, në përgjithësi, sidomos në fushën e biznesit, politikës, gazetarisë dhe tani edhe drejtësisë.
E rritur dhe e edukuar në një frymë familjare përgjegjësie për vetveten dhe për të ndihmuar të tjerët në nevojë, të shtypurit dhe të anashkaluarit e shoqërisë — Budja ka zgjedhur profesionin e avokates dhe gjyqtares, pra drejtësinë të cilës Budja ia ka kushtuar gjithë jetën dhe veprimtarinë e saj, fushën në të cilën ajo shpreson dhe është e gatëshme të kontribojë edhe më shumë në vitet e ardhëshme, duke shpresuar në fitoren e saj javën që vjen.

Shumë e njohur si avokate dhe gjyqtare – me një përvojë prej më shumë se 25-vitesh — në zonën e shtetit Virginia ku jeton, ajo ka vendosur që të kandidojë si anëtare e Partisë Demokrate Amerikane për Kryeprokurore e qarkut ose zonës administrative Loudon, në zgjedhjet që do të zhvillohen atje javën që vjen.

Bude Biberaj, për disa muaj tani, ka zhvilluar një fushatë mbresëlënse për këtë post, duke siguruar edhe mbështetjen e gazetës së famëshme të kryeqyteti amerikan, The Washington Post dhe përkrahjen e shumë personaliteteve të politikës dhe drejtësisë amerikane, përfshir edhe ish-Prokurorin e Përgjithëshëm të Shteteve të Bashkuara, në administratën e Presidentit Obama, Eric Holder.

Spain_basketball-1280x731.jpg
nev ila20:18 | 15/09/2019

Spanja shpallet kampione bote në basketboll për meshkuj. Në finalen e madhe përballë Argjentinës, iberikët zhvilluan një ndeshje perfeke duke dominuar kundërshtarin në çdo aspekt.

Spanja arriti suksesin më të madh në historinë e saj në basketboll për meshkuj, duke fituar kampionatin botëror.

Skuadra iberike triumfoi bindshëm në finale ndaj Argjentinës, me rezultatin e thellë 95-75.

Europianët dominuan thuajse gjatë gjithë kohës në Arenën luksoze të Pekinit, ndërsa publiku kinez ndoqi një shfaqje të vërtetë basketbolli.

Spanjollët u udhëhoqën nga lojtarët e ligës amerikane, si Mark Gasol apo Riki Rubio, po ashtu edhe nga lojtarët e Realit të Madridit, Sergio Jul dhe Fernandez.

Fitorja e tyre nuk ishte edhe aq e lehtë, pasi Argjentina është një skuadër me karakter të fortë, gjë që nuk i mjaftoi në finale.

Mbrojtja e fortë nuk lejoi yjet kryesorë argjentinas, si Skola apo Kampaso që të shënonin shumë pikë.

Ky ishte titulli i dytë në histori për Spanjën, pas atij të fituar në vitin 2006./ABC News Albania 24/7

 

 

realii.jpg
nev ila19:38 | 14/09/2019

Reali i Madridit e fitoi ndeshjen e radhës në ligën spanjolle, por nuk bindi aspak. Pas epërsisë 3-0 në pjesën e parë, kryeqytetasit rrezikuan pas pushimit, duke qenë tepër të dobët në mbrojtje

Cila është fytyra e vërtetë e këtij ekipi?

Reali i sezonit 2019-2020 do të jetë ai që u shfaq i jashtëzakonshëm në pjesën e parë ndaj Levantes në “Santiago Bernabeu”, apo përkundrazi, skuadra e dorëzuar e pjesës së dytë, që thuajse dorëzoi një fitore të siguruar.

Ky ishte shqetësimi i madh që formacioni i hedhur në fushë nga Zinedin Zidan I dha dhjetëra mijë tifozëve në Madrid, sepse pas avantazhit 3-0, ndryshoi tërësisht për keq.

Dakord, pati mungesa, pasi Modriç nuk ishte aspak, dhe Eden Hazar hyri vetëm në pjesën e dytë, por këto arsye nuk u dukën bindëse për atë që ndodhi.

Me të marrë goditjen e parë, menjëherë pas pushimit, madrilenët sikur nuk ishin më vetvetja.

Besohet, prishi shumë punë dalja pas një ore lojë e kapitenit Sergio Ramos, me Zidanin që deshi të provonte edhe Militaon në mbrojtje.

Jo se luajtën keq, përkundrazi tifozët ndoqën një skuadër sulmuese në “Bernabeu”, por që shpërdoroi shumë dhe që u tregua e pasigurt në mbrojtje.

Një kombinim i tillë, ndaj rivalëve më të fortë, mund të sjellë dështime të mëdha, siç ndodhi në miqësoren e verës ndaj Atletikos, humbur 3-7.

Zidan u duk i qetë dhe me besim se Reali do të mësojë të shënojë më shumë e të pësojë më pak, por kjo duhet të ndodhë që të besohet, ndërsa legjenda franceze nuk po duket shumë bindëse në stol që pas rikthimit sezonin e kaluar.

Lajmi më i mirë, përveç fitores, ishin golat e Karim Benzemasë, që kaloi Hulio Salinasin, duke pasur 152 rrjeta në La Liga, e duke hyrë në 20 më të mirët në renditjen e të gjitha kohëve./ABC News Albania 24/7

real-madrid-1280x704.jpg
nev ila15:11 | 12/08/2019

 

Skuadra e Romës fitoi miqësoren përballë Real Madrid falë ruletës së 11 metershave. Koha e rregullt u mbyll në barazim 2-2.

Ndeshja miqësore mes Real Madrid dhe Romës përfundoi në barazim 2-2 ndërkohë që verdh e kuqtë fituan në ruletën e 11 metërshave.  4 golat u shënuan të gjitha në pjesën e parë.

Marcelo hapi serinë e golave duke u treguar i saktë përballë portierit Lopez. Reagon Roma duke barazuar rezultatin me Diego Perrotin.

Futbollisti Italian asistohet nga Zaniolo dhe vendos baraspeshën në stadio Olimpiko. Gjithsesi festa e vendasve zgjat fare pak pasi Kasemiro kalon sërish në avantazh Realin.

Mesfushori brazilian asistohet nga Marcelo dhe tregohet i saktë me kokë.

Në fundin e pjesës së parë Edin Xheko vendos baraspeshën për verdh e kuqtë dhe skuadrat i drejtohen dhomave të zhveshjeve në barazim.

Në pjesën e dytë rastet nuk munguan por mungoi finalizimi. Në ruletën e 11 metërshave Roma tregohet më e saktë ndërkohë që për spanjollët gaboi Marcelo. Ky ishte testi i fundit miqësor për të dyja skuadrat para startit të kampionatit./ABC News Albania 24/7

macester-celsi-1280x638.jpg
nev ila14:14 | 12/08/2019

Skuadra e Manchester United fitoi derbin ndaj Chelsea me rezultatin 4-0. Nis me humbje debutimi i Lampard si trajner në Premier Leauge

Manchester United fitoi bindshëm në derbin ndaj Chelseat. Të besuarit e trajnerit Solskjaer fituan me rezultatin e thelle 4-0. Skuadrat luajtën hapur dhe në pjesën e parë miqtë kontrolluan lojën por ishin vendasit që zhbllokuan rezultatin me Rashford nga pika e bardhë e 11 metërshit.

Chelsea reagon me Emerson por topi ndalet në shtyllë.

Në fraksionin e dytë Manchesteri tregohet i pamëshirshëm duke realizuar edhe tre gola të tjerë. Martial kalon në avantazh të dyfishtë vendasit duke mposhtur lehtësisht portierin Kepa.

Vetëm pak minuta më pas Rashford merr një assist nga Pogba dhe realizon për shifrat 3-0. Mbrojtja e Chelseat dorëzohet përballë të besuarve të trajnerit Solskjaer.

United nuk kënaqet me kaq pasi realizon edhe golin e katërt me të sapo futurin ne lojë Daniel James.  21 vjeçari realizon në ndeshjen debutuese me Manchesterin duke shpërblyer besimin e trajnerit të United.

Chelsea vuajti shumë edhe nga mungesa e Uilliam ndërkohë që nuk ofroi asnjë lojtar në merkato pas dënimit nga UEFA.

Trajneri i Chelseat Lampard e nisi me humbje debutimin në premier league./ABC News Albania 24/7

mancester-city-1280x720.jpg
nev ila18:34 | 10/08/2019

Skuadra e Manchester City ka fituar me goleade ndeshjen e parë për këtë edicion ndaj West Hem. Të besuarit e trajnerit Pep Guardiola shënuan plot 5 gola ndaj skuadrës londineze.

Manchester City i kundërpërgjigjet fitores së Liverpool me një goleade përballë West Hem. Kampionet në fuqi të Anglisë fituan në transfertën londineze me rezultatin e thelle 5-0. Sterling ishte heroi i takimit për Cityn me tre gola të shënuar.

Gabriel Jesus hapi serinë e  golave për Manchester City në minutën e 25. Braziliani asistohet nga Woker dhe tregohet i saktë përballë gardianit kundërshtar. Pjesa e parë përfundon me fitoren minimale të Manchesterit. Në fraksionin e dytë të besuarit e trajnerit Pep Guardiola shënojnë edhe katër gola të tjerë.

Goli i dyte u shënua nga Sterling. Sulmuesi anglez asistohet nga De Brujn dhe vendos për shifrat 2-0. Është sërish i njëjti autor që realizoi edhe golin e tretë.

Nuk mund të mungonte Aguero i cili realizoi golin e parë për këtë sezon nga pika e bardhë e 11 metërshit ndërkohë që në fundin e takimit Sterling vulos fitoren 5-0 të Manchester Cityt. Kampionet e Anglisë tregojnë se janë sërish ata skuadra që duhen mundur./ABC News Albania 24/7

rovena-voda-1280x722.jpg
ad min15:00 | 06/08/2019

Qeveria shton edhe dy mundësi të tjera për të përfituar shtetësinë shqiptare. Në projektligjin e ri parashikohet që kjo shtetësi mund të fitohet përmes origjinës shqiptare në tre breza, dhe nga kushdo që lind në Shqipëri.

Së fundmi qeveria shqiptare ka propozuar një projektligj për mënyrën sesi mund të fitohet shtetësia shqiptare. Ky projektligj sipas zv,ministres së Brendshme Rovena Voda ka zgjeruar mundësitë e përfitimit të shtetësisë me dy pika të tjera.

Ligji i vjen në ndihmë edhe fëmijëve të lindur me prindër Shqiptarë në Greqi por edhe në vende të tjera të BE-s.

Ndryshimet në ligj janë bërë edhe për heqjen e shtetësisë Shqiptare për ato persona që janë pjesë e grupeve terroriste apo të bandave kriminale.

Risia në këtë projektligj është që vendi ynë do të jap shtetësi shqiptare edhe për investitorët e huaj, të cilët kundrejt një shumë që pritet të jetë e lartë, por që ende nuk është përcaktuar, do mund të marrin pasaportë shqiptare./ABC News Albania 24/7

pe-770x470.png
ad min14:40 | 05/08/2019

Skuadra e Interit ka fituar ndaj Totenhem në ndeshjen e vlefshme për International Champions Cup. Koha e rregullt u mbyll në barazim 1-1 ndërkohë që në ruletën e 11 metërshave, zikaltërit u treguan më të saktë.

Skuadra e Interit ka mposhtur Totenhemin në sfidën e vlefshme për International Champions Cup. Zikaltër fituan në ruletën e 11 metërshave pasi koha e rregullt përfundoi në barazim 1-1. Edhe ndaj skuadrës londineze Inter zhvilloi një paraqitje dinjitoze edhe pse nuk ka ende një sulmues të mirëfilltë në fazën offensive. Totenhem kaloi fillimisht në avantazh falë brazilianit Lukas Moura në minutën e 2. Sulmuesi lëshoi një goditje të fuqishme duke mos i dhënë asnjë shans portierit Handanovic.

Inter nuk dorëzohet dhe vendos baraspeshën në minutën e 35. Esposito jep një assist fantastik për Sensin i cili tregohet i saktë përballë portierit Hugo Loris dhe barazon shifrat. Në pjesën e dytë të trajnerët bënë disa ndryshime por rezultati mbeti i njëjti. Nga seria e 11 metërshave italianët tregohen më të saktë duke fituar me rezultatin 4-3. Fillimisht Eriksen e më pas Skip për Totenhemin dhe Pushkash për Interin gabuan nga pika e bardhë e 11 metërshit ndërkohë që braziliani Zhoa Mario realizoi penalltinë fituese për zikaltërit. Një fitore morali për skuadrën e Interit e cila ka ndryshuar tërësisht pas mbërritjes se trajnerit Antonio Konte./ABC News Albania 24/7

FORMULA-1-1280x722.jpg
ad min13:45 | 05/08/2019

Luis Hemilton fiton Çmimin e Madh të Hungarisë në Formula 1. Në vendin e dytë u rendit Maks Vershtapen ndërkohë që në podium u ngjit edhe Sebastian Vetel.

Piloti britanik Luis Hamilton fitoi Çmimin e Madh të Hungarisë në Formula 1. Një fitore aspak e lehtë për Hemilton i cili parakaloi vetëm pak xhiro para fundit Maks Vershtapen. Strategjia e skuterisë së Mercedez rezultoi vendimtare në fitoren e Hemilton.

Një performancë e dobët për Ferrarin pasi Sebastian Vetel u rendit vetëm i treti duke lënë pas shokun e skuadrës Leklerk. Kujtojmë qe e skuteria e Ferrarit nuk u paraqit për asnjë moment pretendente për vendin e parë pasi Hemitlon dhe Vershtapen i Red Bullit ishin dominues absolute në Çmimin e Madh të Hungarisë. Në vendin e pestë u rendit Karlos Sainz, në vendin e gjashtë Pierre Gaslej i ndjekur nga Kimi Raikonen ndërkohë që një zhgënjim total për Valteri Botas i cili e mbylli garën në vendin e 8-të./ABC News Albania 24/7

dortmundi-696x466.jpg
ad min12:02 | 04/08/2019

Dortmundi fitoi Superkupën e Gjermanisë duke mundur Bajernin 2-0, por fati u duk se nuk ishte me kampionët. Trajneri i bavarezëve, Niko Kovaç u shpreh se ekipi I tij dominoi, ndërsa trajneri i Dortmundit ishte i lumtur.

Rezultati mund të jetë tepër i ashpër për ata që humbën, dhe këtë duhet ta pranojnë edhe fituesit.

Superkupa e Gjermanisë u bë e Dortmundit, në një tjetër mbrëmje të paharrueshme në stadiumin “Signal Iduna Park”, apo siç kanë dëshirë ta quajnë tifozët “Vestfalenshtadion”.

Bajerni u hodh në tapet 2-0 me gola të shënuar nga Pako Alkaser dhe Xhejdon Sanço, edhe pse bavarezët dominuan fushën në Arenën kundërshtare.

Rreth 80 000 tifozë formuan “Murin e Verdhë” i cili shpërtheu në pjesën e dytë, kur erdhën golat në minutat 48 e 69, por që mbetën me “zemër në dorë” ndërsa kampionët ushtruan presion me autoritet nga fillimi deri në fund.

Bajerni mbajti topin 65 për qind, pati 16 gjuajtje drejt portës ndaj 5 të Dortmundit, si dhe pati mbi 700 pasime ndaj më pak se 400 të vendasve.

Gjithsesi, në fund vlejti rezultati dhe Borusia e trajnerit Lysien Favre mori Superkupën e parë që nga viti 2014.

“Shije e hidhur dhe e ëmbël, – titullon “Bildi”, – trajneri Niko Kovaç vlerëson lojën dhe dëshiron të harrojë humbjen ndaj Dortmundit. Kroati thotë se kemi shumë punë për të bërë”.

“Bildi” thekson më tej se kapiteni Manuel Nojer kritikoi Bajernin e tij pas humbjes, duke theksuar se ishin gabimet e shokëve të tij që i dhanë fitoren Dortmundit”.

Trajneri i Borusias, Lysien Favre, komentoi kështu.

“Ne e donim absolutisht këtë sukses, – u shpreh ai, – Bajerni ishte shumë i fortë, ashtu siç e prisnim, duke e mbajtur shumë topin, duke bërë presion. Gjithsesi, ne e përballuam trysninë, ishim të duruar dhe patëm rastet më të mira. Skuadra jonë ishte e bashkuar, dhe kjo na dha fitoren. Përsa I përket Bundesligës, Bajerni mbetet favorit, sepse nuk mund të ndryshojnë parashikimet vetëm pas një ndeshjeje”.

Po Niko Kovaç I Bajernit, çfarë ndjenjash pati?

“Me vjen keq që humbëm duke e dominuar ndeshjen, – u shpreh kroati, – ne bëmë një paraqitje të mirë, dinjitoze, edhe pse jo të përsosur. Bëmë dy gabime dhe Dortmundi përfitoi. Më vjen keq që lojtarët tanë gabuar në të dyja portat, ndërsa jam i dëshpëruar sepse doja që të fitonim. Gjithsesi, ne jemi vetëm në javën e 4-ët të punës dhe kemi ende gjëra për të përmirësuar”.

Të dyja skuadrat kishin mungesa, pasi për Borusian nuk luajtën të dëmtuarit Humels, Hazar e Brant, ndërsa për bavarezët nuk ishin Lukas Hernandez, Gnabri, Martinez e Byrki, ndërsa Pavar bëri debutimin.

Bajerni mbetet favorit për titullin në Bundesligë, ndonëse nuk e fitoi dot Superkupën për herë të katërt radhazi.

1’ Dortmundi 14’ Dortmundi 20’ Dortmundi 76’ Kimih. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono