Fisnik Halimi

KRIZA-HARADINAJ.mpg_snapshot_00.54-1280x720.jpg
ad min15:33 | 16/07/2019

Kryeministri  i Kosovës i është përgjigjur presidentit francez Emanuel Macron, i cili në Serbi tha se Kosova dhe Serbia duhet të bëjnë kompromise për marrëveshjen përfundimtare. Haradinaj tha se taksa do të hiqet vetëm në këmbim të njohjes.

Porosia nga Serbia që i bëri Kosovës, Presidentit i Francës për arritjen e një kompromisi në marrëveshjen finale Kosovë-Serbi nuk e ka zmbrapsur kryeministrin e Kosovës nga qëndrimi i tij. Haradinaj tha se nuk do të ketë vazhdim të dialogut pa një kornizë marrëveshje, derisa për të kompromis për heqjen e taksës është vetëm njohja nga Serbia.

“Falënderojmë presidentin për sinqeritet të shprehur kur tha se Kosova dhe Serbia janë me perspektivë evropiane u pa qartë një dëshirë me i afrua dy shtetet. U pa një investim i madh. Nëse flasim për kompromis është nëse heqim taksën në shkëmbim të njohjes, mund të jetë kompromis kjo heqja e takës, ndërsa ajo që ka kërkua Kosova është bazike kemi kërkua kornizë marrëveshje për njohje të territorit ekzistues”, tha ai.

Për analistin Fisnik Halimi, kryeministri Haradiaj me qëndrimet e tij i ka shkaktuar dëme Kosovës.

“Është mirë që kryeministri Haradinaj të dalë nga vorbulla e politikës së përditshme të kthehet dhe të ulet në tavolinën e  bisedimeve për të negociuar zgjidhjen e mundshme”, tha ai.

Sipas tij me vizitën e presidentit francez në Beograd konfirmohet se politika franceze po i kthehet rrënjëve.

“Presidenti Macron asnjë moment të vetëm nuk i është kundërvënë idesë së shkëmbimit të territoreve. A është e rrezikshme shkëmbimi i territoreve them se po, por është e vetmja zgjidhje për të dalë nga kjo situatë”, tha Halimi.

Deri më tash përpjekjet e bashkësisë ndërkombëtare nuk kanë rezultuar me sukses për të ulur palët në tavolinë, pos një pjesëmarrje që patën të dyja vendet në samitin e Berlinit, derisa takimit tjetër që ishte paraparë në Paris dështoi./ABC News Albania 24/7

a.jpg
ad min11:22 | 08/06/2019

Analistët në Kosovë janë të ndarë për sa i përket qëndrimeve të presidentit të Kosovës Hashim Thaçi dhe kryeministrit Ramush Haradinaj, në lidhje me arritjen e një marrëveshjeje përfundimtare me Serbinë.

Ideja e shkëmbimit të territoreve e ka polarizuar skenën politike dhe atë ndërkombëtare vlerësojnë analistët. Vizita e fundit e kryeministrit Ramush Haradinaj në Gjermani për analistin Fisnik Halimi tregon qartë se ai është i orientuar kah Gjermania. Sipas tij, Haradinaj ka pozicion të gabuar strategjik.

“Qasja e presidentit Thaçi për zgjidhjen e çështjes së Kosovës është e duhura dhe e drejta në raport me atë të kryeministrit Haradinaj”.

Por ndryshe mendon analisti tjetër Taulant Kryeziu.

“Qasja më e duhur është ajo që respekton deklaratën e pavarësisë së Kosovës së 17 Shkurtit 2008 dhe vendimin e Gjykatës Ndërkombëtare të Drejtësisë, mbi 100 njohje të shteteve të tjera që e kanë njohur Republikën e Kosovës”.

Halimi e Kryeziu gjithashtu kanë qëndrime të ndryshme rreth rolit të Gjermanisë në këtë proces.

“Çdokush që kupton nga marrëdhëniet ndërkombëtare duhet kuptuar drejt që problem Kosovë-Serbi është një problem që mund të zgjidhet vetëm e vetëm në Këshillin e Sigurimit, me pajtimin rus, amerikan dhe kinez”, thotë Halimi.

“Nuk ka mundësi të ketë marrëveshje pozitive nëse Gjermania dhe SHBA-ja nuk janë në të njëjtën anë të medaljes”, shprehet Kryeziu.

Gjermania disa herë është shprehur qartë dhe prerë kundër ndarjes së Kosovës, derisa Shtetet e Bashkuara të Amerikës këtë çështje ia kanë lënë në duar palëve dialoguese, duke thënë se pranojnë çdo marrëveshje të arritur mes tyre që nuk e destabilizon rajonin./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono