firmos

CONTE-933x445.jpg
ad min13:10 | 31/05/2019

Antonio Konte është zyrtarisht trajneri i Interit. Ish-tekniku i Çelsit ka firmosur për tre sezone me zikaltërit ku do të fitojë 12 mln euro në sezon.

Antonio Konte është trajneri i ri i Interit. Njoftimi u bë nga sajti zyrtar i klubit Italian në orët e para të së premtes. Konte ka firmosur kontrate tre vjeçare me Interin ku do të përfitojë 12 mln euro në sezon duke u bërë trajneri më i paguar në Itali. Tekniku 50-vjeçar ka zbarkuar në San Siro pas eksperiencës fantastike tek skuadra e Chelseat.

Në njoftimin e skuadrës se Interit shkruhet: “Janë veprimet, vështrimet, detajet që përcaktojnë Antonio Konten. Një jetë dedikuar futbollit që kur ishte fëmije. I pasionuar dhe i dashuruar me topin në fillim si futbollist e me pas si trajner”.

Ndërkohe që presidenti i skuadrës së Interit, Steven Zhang u shpreh: “Jam i sigurt që Konte është një nga trajnerët më të mirë në botë, do të na ndihmojë të arrijmë qëllimin tonë për ta bërë këtë klub përsëri ndër më te mirët në botë”.

Trajneri me i ri i Interit është mjaft entuziast për këtë aventurë të re.

“Këtu fillon një kapitull i ri në jetën time. Do të përpiqem që me punë të shpërblej besimin e presidentit. Zgjodha Interin për seriozitetin dhe ambicien e projektit, për historinë e këtij klubi. Më ka pëlqyer qetësia e skuadrës dhe dëshira për t’u rikthyer në nivelet e larta”.

Pas nënshkrimit me Konten, drejtuesit e klubit zikaltër pritet të zhvillojnë një merkato të madhe për të ndërtuar një skuadër që të jetë e gatshme për të rivalizuar me kampionet ne fuqi të Italisë, Juventus./ABC News Albania 24/7 

trump-padia.jpg
ad min12:45 | 16/05/2019

Ndërkohë një ditë më parë presidenti i shteteve të bashkuara të Amerikës Donald Tramp, firmosi një urdhër ekzekutiv për ndalimin e importit dhe të përdorimit të mjeteve dhe shërbimeve për komunikimin, të cilat prodhohen nga kompani pranë qeverive të huaja. Mjete dhe shërbime këto që mund të përdoren për të dëmtuar apo ndërprerë telekomunikacionin amerikan. Dhe pse në këtë vendim të kreut të shtëpisë së bardhë nuk përmendet asnjë emër, sipas ekspertëve, masa është marrë kundër kompanive teknologjike kineze si Huauei dhe ZTE Korp./ABC News Albania 24/7

prokuroriaa.jpg
nev ila19:03 | 08/05/2019

Zbardhet skema e tjetërsimit abuziv të pronave në zonën e Kasharit, që çoi në arrestimin e pesë personave, mes të cilëve dhe tre ish-zyrtarë të komunës periferike të kryeqytetit. Paraditen e së enjtes, 5 personat e vënë në pranga do të dalin para gjykatës për të marrë masën e sigurisë.

Ish-kryekomunari i Kasharit, Besnik Fuçia dhe katër të arrestuarit e tjerë së bashku me të, të dyshuar për abuzime me pronat në zonën periferike të kryeqytetit do të dalin të enjten para Gjykatës së Tiranës. Prokuroria pritet të kërkojë arrest me burg vetëm për administratorin Stefan Çaushin dhe mbesën e tij, Teuta Shehaj. Ndërsa për Besnik Fuçinë dhe dy zyrtarët e tjerë, organi i akuzës pritet të kërkojë masën e sigurisë detyrim paraqitje.

Tre ditë më parë, Prokuroria e Tiranës ka firmosur pesë urdhër arreste pas një hetimi disa mujor për një skemë tjetërsimi pronash me anë të falsifikimeve në Tiranë. Të arrestuarit akuzohen për mashtrim dhe falsifikim të dokumenteve të pronësisë të dy pallateve në zonën e Yzberishtit. Në rrjetën e prokurorisë ranë ish-kreu i Komunës së Kasharit, Besnik Fuçia , ish-Përgjegjësi i Zyrës së Planifikimit dhe Kontrollit të Zhvillimit të Territorit, Jurgen Memisha, administratori dhe ortak i firmës Ina 2004 Stefan Caushi, Vjollca Pani Sekretare e Zyrës së Planifikimit dhe Kontrollit të Zhvillimit të Territorit si dhe inxhinierja, Miranda Dyrmisha, Kolaudatore.

Ndërtuesi Arben Petriti është ai i cili ka bërë dhe denoncimin në prokurori. Nga hetimet e kryera rezulton se dy ndërtuesit, Stefan Çaushi dhe Arben Petriti kishin rënë dakord për ndërtimin e dy pallateve me ndarjen e pronësisë 50% me 50%. Por pronësinë e dy pallateve në fjalë e ka përfituar vetëm ndërtuesi Stefan Caushi, pas falsifikimeve dhe tjetërsimeve që u janë bërë dokumenteve të pronësisë.

Sipas burimeve, Fuçia ka dërguar në ZRPP një shkresë përcjellëse ku thuhej se sipërfaqja e tokës dhe objekti duhej të regjistrohej në emër të administratorit Stefan Çaushit./ABC News Albania 24/7

Aleksis-Sancez-Arsenal.jpg
ent ela14:54 | 23/01/2018

Aleksis Sançez përfundon transferimin e tij të bujshëm tek Mançester Junajtid. Sulmuesi nga Kili firmosi një kontratë 4.5 vjeçare dhe do të ketë rrogën më të lartë në Premier Ligë.

Ulja ishte e suksesshme.

Avioni privat e zbriti shëndoshë Aleksis Sançezin në aeroportin e Mançesterit, dhe sulmuesi nga Kili ishte i lumtur.

Humori i tij ishte i ndryshëm nga moti i vranët me shi, dhe kjo sepse ai realizoi transferimin e jetës, tek Junajtidi.

Dita e parë ishte e shkëlqyer, siç ka ndodhur me çdo lojtar që ka shkuar në ekipin e ri, ndërsa përfundimisht Sançez shkeli në selinë e “djajve të kuq”.

Një vizitë e veçantë, e një lojtari special, që do të ketë pagesën më të lartë në Premier Ligën angleze për të gjitha kohët.

Ky djalosh jo shumë shtatlartë, por shumë mirë fizikisht, do të marrë gati 700 000 euro në javë, që do të thotë rreth 36 milionë euro në vit.

Ja edhe “Old Trafordi”, me koridoret e tij tipike angleze, dhe ja fanela e famshme me numrin 7.

Në të kaluarën, për Mançester Junajtidin, atë e kanë mbajtur legjenda si Brajan Robson, Erik Kantona, Dejvid Bekam apo Kristiano Ronaldo.

Tani do të jetë e Aleksis Sançezit, lojtarit që thotë kështu në intervistën e parë për klubin, që pagoi 40 milionë euro për kartonin e tij.

Sançez: “Që kur kam qenë djalë fare i ri gjithnjë kam thënë se ëndrra ime ishte që të luaja për Mançester Junajtidin, dhe kjo ëndërr u realizua. Këtë nuk po e them sepse sot jam këtu, por sepse kjo është e vërteta. Një herë fola edhe me Sër Aleks Fergusonin që të isha pjesë e skuadrës. Folëm për 20 minuta. Junajtid është një klub I madh, shumë I fuqishëm, më I shquari në Angli. Mendoj se me këtë skuadër mund të fitohet gjithçka, dhe këtë e thotë stema e tij. Unë dua që të fitoj Premier Ligën dhe Championsin, dua të fitoj çdo gjë që duhet fituar”.

Aleksis mund të jetë ndër të paktët futbollistë që nuk i thotë formalisht këto fjalë, pasi shpejt në Tuiter doli një foto që e tregonte fare të ri, me një xhaketë me stemën e Junajtidit.

Sançez shkeli për herë të parë si njeri i shtëpisë në tapetin e “Old Trafordit”, ndërsa ka qenë shpesh si kundërshtar me Arsenalin, duke filmuar këtë vizitë të parë nga e cila nuk deshi të humbiste asgjë.

Më pas, artisti i topit, luajti në piano si një artist i muzikës, duke e bërë edhe më të veçantë ceremoninë si lojtari i ri i Junajtidit.

Me skuadrën më fituese në Angli, kileni shpreson të fitojë shumë trofe.

Nuk vonoi shumë nënshkrimi, një firmë që i siguroi ish-yllit të Barcelonës një kontratë 4.5 vjeçare dhe një rrogë vërtet faraonike.

Spektakli jashtë fushe përfundoi, dhe tani ai është gati për futbollin./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono