fiorentina

Maldini-Boban.png
Vladimir Prenga09:20 | 23/02/2020

Paolo Maldini është shfaqur i irrituar me arbitrin e ndeshjen, pas barazimit mes Milanit dhe Fiorentinës. Legjenda kuqezi, i cili është pjesë e strukturave drejtuese të klubit italian, fillimisht tha: “Fatkeqësisht morëm vetëm një pikë, në një ndeshje që e kishim nën kontroll dhe luajtëm më mirë se Fiorentina”. Më pas kaloi te tema e gjykimit dhe penalltia që u dha kundër Milanit, për një ndërhyrje të kapitenit Romagnoli.

“Është pak irrituese, pasi në këtë rast arbitri nuk përdori VAR. Isha më i qartë dy vite më parë, nëse një rast ishte apo jo penallti. Nëse kjo është penallti, atëherë nuk e di se çfarë po ndodh ditët e sotme në futboll. Na thanë që prekja e topit duhet të jetë vendimtare, gjë që sinqerisht nuk e kam dëgjuar kurrë më parë.

Ose VAR duhet të thjeshtohet, ose të sqarohet, pasi mos thirrja e tij na dëmton të gjithëve. Ka zgjidhur shumë gjëra, por përdorimi i tij duhet të bëhet ndryshe. Kishim golin e Ibrahimovic, ata shkuan ta shohin dhe e anuluan. Edhe në faullin e Dalbert shkuan ta shihnin dhe e ndëshkuan me karton të kuq. Nuk e kuptoj pse herën e tretë nuk shkoi ta shihte, pasi ishte një episod i rëndësishëm.

Gjykimi se prekja nuk është e mjaftueshme është e ndërlikuar. Nuk mendoj se është e lehët për një gjyqtar të kuptojë kur një prekje është e lehtë. Unë kurrë nuk kam parë një penallti si kjo. Ju e shihni që nuk është penallti. Arbitri duhet të shkonte ta shikonte dhe t’i shpenzonte 30 sekonda për ta riparë përsëri, pasi ai episod ndryshoi lojën dhe rezultatin”, është shprehur Maldini për DAZN. /abcnews.al

Ibrahimovic-1.jpg
Veronik Istrefaj22:44 | 22/02/2020

Është mbyllur takimi në Firence mes Fiorentinës dhe Milanit, me barazimin 1-1. Ante Rebic shënoi i pari në këtë sfidë, në minutën e 56-të. Sulmuesi kroat përfiton nga një hezitim i mbrojtjes vendase dhe gjuan fort me të djathtën nga brenda zonës. Pas një devijimi, topi i goditur prej tij përfundon në rrjetë.

Pak minuta më vonë, Fiorentina mbetet dhe me 10 futbollistë, pas kartonit të kuq të Dalbert. Kur dukej se gjithçka ishte në kontrollin e kuqezinjve, ish-lojtari i Milanit, Cutrone, fiton një penallti. Në fakt, një penallti e dyshimtë, pasi nuk duket qartë nëse Romagnoli prek topin fillimisht apo jo.

VIDEO | Milani ndëshkon Fioren, shënon njeriu i momentit për kuqezinjtë

Megjithatë, pak rëndësi ka për Fiorentinën dhe për Pulgar, i cili merr topin në duar dhe gjuan penalltinë, duke mposhtur portierin Begovic, që u fut në fushë pas dëmtimit të Donnarummas. Milani ndalet kështu në një ndeshje që dukej se e kishte në dorë, ndërsa Fiorentina kënaqet dhe me një pikë në shtëpi./abcnews.al

Milan-3.jpg
Veronik Istrefaj22:05 | 22/02/2020

Milani ka kaluar në avantazh përballë Fiorentinës në transfertë, pas 56 minutash lojë. Ka qenë njeriu i momentin, Ante Rebic, ai që tundi rrjetën. Një aksion i gjatë i kuqezinjve dukej drejt fundit në zonës Viola, pasi mbrojtja vendase kishte gjithçka në kontroll.

Megjithatë, një hezitim për të larguar topin i ndëshkon, me Rebic që përfiton dhe gjuan me të djathtën. Pas një devijimi, topi i sulmuesit kroat ndalet në rrjetë. Në avantazh kuqezinjtë e Piolit!/abcnews.al

Serie A

Fiorentina – Milan  0-1
Rebic 56′

cutrone-3.jpg
Klejdi Kaimi12:52 | 22/02/2020

Sulmuesi i Fiorentinës, Patrick Cutrone, ka folur në prag të sfidës së sotme kundër Milanit. Italiani në një intervistëe për “La Gazzetta dello Sport” ka folur për atë çka e pret sonte kundër ish-ekipit të tij dhe për aventurën e shkurtër që kaloi në Premier League.

“Do të jetë bukur të takoj shokët e vjetër përsëri. Mezi po pres të shkëmbej në fund të takimit fanellën me Ibrahimovicin. Ai është Ibra nuk ka nevojë për komente. Largimi nga Milani? Kështu ishte e shkruar të ndodhte, nuk e di se çfarë do të kishte ndodhur nëse do të kisha qëndruar. Por nuk dua ta kthej kokën pas, shikoj vetëm përpara”, deklaron Cutrone.

“Wolves? Shumë njerëz thonë që nuk ia dola, por kjo nuk është e vërtetë. E vërteta është se trajneri, Nuno Espirito Santo, kishte grupin e tij të lojtarëve besnikë, prej të cilëve nuk hiqte dorë. ishin ata që arritën të ngjitnin Wolves në Premier League”.

“Ishte totalisht i fiksuar tek ai formacion. Luante me një 11-tëshe gati gjithmonë dhe nuk mund të shihte lojtarët e tjerë në skuadër. Nuk isha vetëm unë, por të gjithë jashtë atij grupit të vet besnik. E nisa tre herë si titullar dhe shënova dy gola, por asgjë nuk ndryshoi. Në atë moment vendosa të ikja.”

“Në aspektin e futbollit mësova një mënyrë të re loje, me më shumë intensitet dhe temp, ku ju sulmoni shumë e më shumë dhe nuk keni frikë se kapeni në kundërsulm. Në Premier League nuk tërhiqeni, vetëm shkoni përpara”, mbyll sulmuesi italian

Juve-1.jpg
Veronik Istrefaj16:58 | 16/02/2020

Janë mbyllur takimet e Serie A, me Juventusin dhe Fiorentinën që kanë marrë fitoret e radhës. Zonja e Vjetër mposhti pastër Brescian, me rezultatin 2-1, në një sfidë kur Ronaldo nuk u grumbullua nga Sarri.

Edhe pa yllin portugez, bardhezinjtë ia dolën të fitonin, falë golave të Dybala dhe Cuadrado. Juventusi ngjitet në kuotën e 57 pikëve, tre më shumë se Interi në vend të dytë.

Fitorentina ka shkatërruar me rezultatin 1-5 Sampdorian. Dopietë për Chiesa dhe dopietë për Vlahovic, si dhe një autogol, i dhanë fitoren e thellë ekipit vjollcë. Udinese dhe Verona u ndanë në barazim 0-0, ndërsa Sassuolo, u mposht në shtëpi 0-1 nga Parma./abcnews.al

Chiesa.jpg
Klejdi Kaimi18:51 | 13/02/2020

Mesfushori me tipare sulmuesi i Fiorentinës, Federico Chiesa, nuk do të largohet nga skuadra violë. Këtë e ka konfirmuar drejtori sportiv i klubit, Daniele Prade, i cili thekson se shumë shpejt Fiorentina do të garojë për vendet e para.

“Ne duam një ekip të fortë për sezonin tjetër. Sigurisht Chiesa është në planet tona dhe ai e di shumë mirë këtë gjë. Marrëdhënia mes nesh është shumë e mirë dhe shumë shpejt do të kemi një takim, ku do të bisedojmë për rinovimin,” deklaron Daniele Prade.

“Ne po punojmë për të ardhmen. Kjo u duk qartë nga merkato që ne bëmë në janar. Besoj se shumë shpejt do të arrijmë te rezultatet pozitive,” mbyll drejtori sportiv i Fiorentinës. Cutrone, Duncan, Aguedelo dhe Koume ishin disa nga goditjet e ekipit nga Firenze muajin e kaluar. /abcnews.al

Artemio-Fiorentina.jpg
Igli Nikolli10:57 | 13/02/2020

Rocco Commisso ka premtuar ndërtimin e një stadiumi të ri për Fiorentinën dhe tifozët e saj. Vështirësitë për ta bërë një gjë të tillë në Itali janë të mëdha dhe projekti kërkon shumë kohë, duke nisur nga marrja e lejes dhe zona ku do të kryhet.

Në kushte të tilla, presidenti i klubit nga Firence po mendon diçka tjetër: një zgjidhje më të shpejtë dhe më të lirë, që lidhet me rikonstruktimin e “Artemio Franchi”. Studio Giraldi ka përfunduar projektin, siç dallohet në videon e mëposhtme.

Dy janë alternativat në lidhje me kapacitetin e stadiumit: ai me 34 mijë tifozë ose me 43.700 tifozë, me mbulim të gjithë sektorëve dhe stadium pa pistë e stilit anglez, aty ku tifozët do të jenë shumë afër fushës, konfirmimin e tribunave të ultrasve dhe hapësira për aktivitetet tregtare.

“Artemio Franchi” ka për momentin një kapacitet prej 43.147 tifozësh, teksa është ndërtuar në vitin e largët 1931. Rinovimi i fundit ka ndodhur në 1990, vit kur Italia organizoi Kupën e Botës. /abcnews.al

Ataant.jpg
Igli Nikolli16:57 | 08/02/2020

Atalanta shfrytëzoi humbjen e Romës, përmbysi Fiorentinën dhe u largua me tre pikë nga Firence. Ekipi i Gasperinit zhvilloi një tjetër ndeshje pozitive, dominoi ndeshjen jashtë fushe dhe fitoi me rezultatin 1-2.

Federico Chiesa zhbllokoi ndeshjen pas gjysmë ore lojë. Ylli i ekipit vendas lëshoi një goditje të fortë dhe në “Artemio Franchi” nisi festa. Pushimi i bëri mirë Gjimshitit me shokë (mbrojtësi i kombëtares u aktivizua gjatë gjithë ndeshje për Atalantën) dhe Zapata gjeti golin e barazimit në minutën e 49-të.

Sulmuesi kolumbian shfrytëzoi një pas të kapitenit Gomez dhe dërgoi topin në rrjetë. Ekipi bergamask nuk u ndal dhe ia doli të shënonte golin e fitores. Ukrainasi Malinkovski goditi fort nga jashtë zone në minutën e 72-të, duke vulosur fitoren e Atalantës, që ngjitet në kuotën e 42 pikëve, tre më shumë se Roma e vendit të pestë. /abcnews.al

Fiorentina-Atalanta 1-2
(Chiesa 32′ / Zapata 49′, Malinkovski 72′)

Chiesa.jpg
Igli Nikolli19:24 | 05/02/2020

Federico Chiesa është ylli i Fiorentinës dhe shumë klube të mëdha janë gati për të paguar për të. Klubi nga Firence ka rezistuar deri tani, por në verë 22-vjeçari pritet të kalojë në një ekip tjetër.

Presidenti i klubit italian, Rocco Commisso ka folur qartë për Corriere dello Sport rreth së ardhmes së lojtarit të kombëtares italiane, të cilit i përfundon kontrata në verën e vitit 2022.

Nëse në fund të sezonit do të jetë i interesuar për t’u larguar nga Fiorentina, ne do t’ia plotësojmë dëshirën. Por, gjithmonë nëse oferta financiare do të jetë e duhura“, thekson Rocco Commisso. /abcnews.al

 

Presidenti i Fiorentinës
Commisso.jpg
Igli Nikolli15:10 | 02/02/2020

Rocco Commisso nuk përmbahet pas përfundimit të ndeshjes Juventus-Fiorentina. Bardhezinjtë fituan 3-0 dhe të dy golat e parë erdhën nga penalltitë. Presidenti i klubit nga Firence nuk ka duruar më dhe lëshon akuza të forta ndaj trupës arbitrare.

Jam këtu prej 6 muajsh dhe nuk i kritikoj kurrë arbitrat, por ata nuk mund të vendosin ndeshjen. Juventusi me 350 milion euro rroga nuk ka nevojë për ndihmën e tyre për të fituar, nuk mund të shihen këto skena. Jam shumë i acaruar. Bardhezinjtë janë më të fortë se ne, por le të fitojnë në fushë.

Na u mohua një penallti me Genoan, ndërsa sot na dhanë dy kundër. Penalltia e parë mund të jepej, por e dyta nuk ishte fare. Kjo gjë solli demoralizimin e lojtarëve të mi. Tifozët tanë nuk e meritojnë të trajtohen kështu. Është ndeshja e tretë që penalizohemi. M’u shpif ajo që pashë sot“, deklaron presidenti i Fiorentinës.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono