financieri

financieri-amerikan-1280x726.jpg
nev ila16:45 | 12/08/2019

Vdekja e financierit amerikan Xhefri Epshtein, mik i politikanëve të nivelit të lartë, ka ngritur dyshime tek opinioni publik amerikan. Në rrjetet sociale aludohet për një vetëvrasje të stisur ose një vrasje të organizuar, pasi dëshmitë e tij mund të hidhnin dritë mbi emrat e personazheve VIP që ishin të përfshirë në rrjetet e trafikut për qëllime seksuale.

Vetëm pak orë pasi financieri i profilit të lartë Xhefri Epshtein u gjet i vdekur, teori të shumta të pabaza mbi vdekjen e tij nisën të qarkullojnë online.

Epshtein, që do të dilte në gjyq për t’u përballur me akuzat e trafikimit të qënieve njerëzore për qëllime seksuale, vrau veten teksa ndodhej në qelinë e tij në Nju Jork.

Ai akuzohej se menaxhonte një rrjet të gjerë vajzash nën moshë për shërbime seksuale, ndërkohë që ishte vetëdeklaruar i pafajshëm ndaj akuzave muajin e kaluar.

66-vjeçari ishte i njohur për miqësitë e tij me personazhe VIP, përfshirë këtu presidentin Donald Trump, ish-presidentin Bill Klinton dhe princin Endriu të Mbretërisë së Bashkuar.

Hipoteza që sugjeronin një vetëvrasje të rremë deri tek një vrasje e organizuar u përmendën mijëra herë në Facebook dhe Twitter. Politikanë dhe gazetarë të profilit të lartë spekuluan në një kohë kur informacionet mbi rrethanat e vdekjes së Epshtein ishin të pakta.

“Një tip që kishte informacion që do të kishte shkatërruar jetët e njerëzve të pasur e të fuqishëm përfundon i vdekur. Tipike ruse”, komentoi gazetari i njohur Xho Skerbrou.

Komenteve iu bashkua edhe kryetari i Bashkisë së Nju Jorkut, Bill de Blasio, i cili tha se vdekja e Epshtein u leverdiste shumë personave pasi tani ai nuk do të mund t’i inkriminojë ata.

“Ajo që shumë nga ne duan të dinë është se çfarë dinte ai. Sa milionerë dhe miliarderë të tjerë ishin pjesë e aktiviteteve ilegale ku ishte përfshirë Epshtein?”, u shpreh De Blazio.

Të dhënat fillestare thoshin se Epshtein ishte vendosur nën “vetëvrasje të mbikëqyrur”, gjë që shtyu shumë njerëz të pyesnin se si ka mundur ai të vdesë kur ka qenë nën monitorim.

“Ç’do të thotë fraza “vetëvrasje e mbikëqyrur”? Kush po e mbikëqyrte”, u shpreh në Twitter avokati personal i Donald Trump, Rudi Xhuliani.

Ai shtoi se ishte e paimagjinueshme se si Epshtein mund t’i ketë dhënë fund jetës në ato rrethana.

Por më vonë autoritetet e burgjeve deklaruan se financieri nuk po mbahej nën mbikëqyrje, gjë që shtoi edhe më shumë spekulimet.

Konservatorët sugjeruan se në vrasjen e tij ishte përfshirë ish-çifti i parë i Amerikës, Bill dhe Hillari Klinton.

Ndërsa më pas, liberalët deklaruan se Trump ishte në një farë mënyre i përfshirë në vrasje. Hipoteza e pabazë që vë në shënjestër çiftin Klinton i referohet një teorie konspirative të viteve ’90, që thoshte se dyshja në mënyrë të fshehtë eliminonte armiqtë e saj./ABC News Albania 24/7

financieri-miliarder-1280x550.jpg
nev ila20:27 | 10/08/2019

Një financier miliarder amerikan është gjetur i vdekur në qelinë e tij të burgut, ndërsa priste gjyqin për akuzat e abuzimit seksual me të mitur.

Trupi i Jeffrey Epstein u gjet në 06:30 të mëngjesit me kohën lokale në një burg në New York.

Zyrtarët thanë se vdekja e tij ishte një vetëvrasje e dukshme, ndërsa FBI po heton ngjarjen.

Departamenti i Drejtësisë përmes një deklarate bëri të ditur se Epstein u transportua në një spital lokal për trajtimin e dëmtimeve të rrezikshme për jetën, ku u deklaruara edhe i vdekur.

Financieri amerikan po mbahej në burg që prej 6 korrikut për prostitucion e trafik femrash të mitura. 66 vjeçari ishte akuzuar për trafikim të femrave, disa prej të cilave ende nuk kishin mbushur 14 vjeç.

Por ai  kishte deklaruar se është i pafajshëm për akuzat. Vdekja e Epsteinit vjen një ditë pasi u lëshuan qindra faqe dokumente gjyqësore që zbuluan akuza të reja kundër tij dhe disa bashkëpunëtorëve të tij.

Epstein u akuzua se paguante vajza nën moshën 18 vjeç për të kryer akte seksuale në pallatet e tij në Manhattan dhe Florida midis viteve 2002 dhe 2005.

Financieri me origjinë nga Brooklyn bëri emër në bankën e investimeve “Bear Stearns” përpara se të hapte firmën e tij në vitin 1982, duke administruar para për klientët me pasuri më të mëdha se 1 bilion dollarë./ABC News Albania 24/7

 

vlcsnap-error231-1280x720-1-1280x720.jpg
ent ela10:26 | 25/01/2018

Megjithëse vuante një masë sigurie “arrest në burg” të Gjykatës për Krimet e Rënda, Nezar Seiti, i dyshuar si financier i grupit të Habilajve u ekstradua në Itali. Ekstradimi i tij është miratuar nga ministrja e Drejtësisë, Etilda Gjonaj, për llogari të një urdhër-arresti të lëshuar ndaj tij nga gjykata e Katanias në 12 Tetor 2017. Ndërkohë, Seiti ka llogari të hapura edhe me drejtësinë shqiptare. Ai po hetohet për akuzën e “trafikut të narkotikëve”.

Për ekstradimin nuk kanë pasur dijeni prokurorët e Krimeve të Rënda dhe as avokati i tij mbrojtës, Detar Hysi. Ky i fundit është vënë në dijeni nga vetë klienti, pak para se ai të shoqërohej drejt Rinasit. Nga ana tjetër vetëm pak ditë më parë, gjykata zgjati afatin e hetimit për Seitin me 3 muaj të tjerë.
I akuzuari i autoriteteve italiane si personi që kujdesej për financat e Habilajve u transportua në masa të forta sigurie nga paraburgimi “313” deri në aeroport, bazuar në urdhërimin e Ministrisë së Drejtësisë, ku iu është dorëzuar autoriteteve të Interpol Romës. Avioni me të në bord u ngrit nga pista rreth orës 12:20.

Përmes një njoftimi për shtyp të shpërndarë për median në orët e mbrëmjes, Ministria e Drejtësiësë, këmbënguli se në rastin në fjalë janë ndjekur me përpikmëri të gjitha procedurat e parashikuara në ligj dhe Konventës Europiane të Ekstradimit. Ministria theksonte se kishte miratuar ekstradimin, pasi nuk kishte patur asnjë informacion apo akt tjetër procedurial nga Prokuroria e Përgjithshme si dhe nga gjykata për ekzistencën e ndonjë pengese të mundshme ligjore për ekstradimin e Seitit.

Vendimi gjyqësor që lejoi ekstradimin e Seitit mori formë të prerë në 29 dhjetor të vitit të kaluar. Ai u arrestua ne tetor 2017 në Babicë të Vlorës në një operacion, ku u kapën 4 ton kanabis, që dyshohet se i përket grupit të Habilajve./abcnews.al

vlcsnap-error998-1280x720.jpg
ad min16:02 | 18/11/2017

Gjykata për Krimet e Rënda zbardh vendimin e masës së sigurisë “arrest në burg” për Nezar Seitin. Verdikti që i preu shpresën për ekstradim të dyshuarit si “financier” i grupit të Habilajve zbardh përgjime të reja të kryera nga hetuesit italianë në harkun e pesë viteve.

Gjykata për Krimet e Rënda zbardh vendimin që la në paraburgim Nezar Seitin, të dyshuarin si “financier” të grupit të Habilajve. Në vendimin e arsyetuar dalin në dritë përgjime të papublikuara, pjesë e akteve të dosjes hetimore italiane kundër grupit kriminal të trafikut të drogës që dyshohet se drejtohej nga Moisi Habilaj.

I tillë është përgjimi ambiental i kryer në 2 shtatori 2014 në mjetin e Moisi Habilajt. Mes tij dhe dy pasagjerëve Florian Habilaj e Nezar Seitit diskutohet për trasnportimin e një shumë prej 200 mijë eurosh, që do të fshiheshin në automjet. Duke iu referuar prerjes së kartmonedhave, Nezar Seiti thotë që “nëse janë 100-she janë të mira”. Florian Habilaj i thotë që janë 20-ëshe, ndërsa Nezaroi ia kthen “nëse janë 20-she na mori lumi”. Dhjetë minuta më vonë, ata kërkojnë hapësira të fshehta në automjet. Nezari thotë: “Do i ngecim nga mbrapa sediljes dhe do ta mbyllim bram-bram.

Në një tjetër përgjim të muajit shkurt 2017, Moisi Habilaj, Nezar Seiti dhe Maridian Sulaj kanë vënë rë një pajisje të dyshimtë në mjetin e tyre. Mes psherëtimesh dhe mallkimesh ata tentojnë ta heqin, ndërsa dikush mendon se ajo është pjesë e tapicerisë. “Këtu nuk ka shanse. Vetëm të shkatërrojmë  makinënë, ta heqim tapicerinë e lartme, ta heqim dhe t’ia ccojme”, shprehet Seitaj. “Po ata janë doktorë”, vazhdon Maridian Sulaj, pasi bashkëbiseduesit konstatojnë se pajisja e dyshimtë është ngjitur ne mjet. Biseda mbyllet mes Sulajt dhe Moisi Habilajt, kur i pari kërkon të shkojnë dikur për të hequr fiksimin e tij. “Lërë se e gjej unë, lërë fare” e mbyll Habilaj.

Nezar Seiti u arrestua në Vlorë në 19 tetor në zbatim të një urdhër –arresti të Gjykatës së Katanias. Për të u regjistrua një procedim penal edhe në Prokurorinë për Krimet e Rënda. Masa “arrest në burg” preu shpresën e tij për ekstradim në Itali, fakt për të cilin ai ka dhënë pëlqim. /abcnews.al

vlcsnap-error558-1-1280x720.jpg
ad min14:32 | 10/11/2017

Gjykata e Tiranës shtoi me 20 ditë të tjera afatin 20 ditor të masës “arrest në burg” të dhënë më herë për Nezar Seitit për qëllime ekstradimi. Sipas dosjes së Prokurorisë së Katanias, Seiti dyshohet të jetë “financieri” i grupit të Habilajve. Ndërkohë që ndaj tij rendon edhe një masë sigurie e dhënë nga Krimet e Rënda, Prokuroria e Tiranës kërkoi shtimin e afatit me 60 ditë.

Kjo kërkesë u kundërshtua nga gjykata, e cila pranoi kërkesën e avokatit për shtim të afatit me 20 ditë. Përmes avokatit të tij Detar Hysi, i arrestuari Seiti ka ridhënë para gjykatës pëlqimin e tij për ekstradim drejt shtetit italian.

Ndonëse kërkesa e autoriteteve italiane nuk ka mbërritur, ekstradimi i Seitit duket në mision i pamundur.  Të mërkurën Krimet e Rënda vendosën një masë “arrest në burg” pa afat për të për llogari të procedimit penal të  nisur ndaj tij nga drejtësia shqiptare./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono