filma

halloween.jpg
G. P.19:50 | 11/10/2019

Megatek, hipermarketi më i madh në Shqipëri dhe në Rajon sjell për herë të parë gamën më të madhe të produkteve Halloween. Janë me mijëra artikuj unikë të përzgjedhur nga koleksioni i industrisë amerikane të filmave Hollywood, më i madhi i llojit të vet.

Duket si një skenë filmi në Hollywood por është shumë më afër, në Megatek.

Janë vetëm disa nga mijëra artikuj unik që Hipermarketi më i madh në Shqipëri dhe në Rajon i sjell për herë të në vendin tonë.

Një gamë tërësisht e dedikuar për këtë festë të veçantë, secili nga artikujt është përzgjedhur nga koleksioni I industrisë Amerikane të filmave Hollywood, më i madhi i llojit të vet.

Një skenografi mahnitëse e ndërtuar në ambientet e Megatek që u jep mundësinë konsumatorëve të gjejnë gjithçka i duhet për të plotësuar ëndrrat e tyre dhe të fëmijëve, duke i shndërruar ambientet e shtëpisë apo biznesit në një skenë filmi Hollywood-ian.

Ky koleksion unik i shtohet gamës prej 62 mijë artikujve që Megatek ofron nën një çati me çmimet më të mira në treg. Surpriza nuk mbaron me kaq, sepse Megatek me rastin e hapjes së këtij sektori ka nisur fushatën e uljeve në çdo department.

Oferta të shumta për ata që duan të mobilojnë apo dekorojnë ambientet e tre. Ambazhure dhe lloje të ndryshme ndriçuesish me çmime nën kosto. Nuk mungojnë ofertat edhe në pajisjet hidrosanitare dhe parketet laminat dhe dru. Megatek nuk harron asnjëherë amvisat e kuzhinës të cilave I ka rezervuar ulje në shumë artikuj të domosdoshme për to.

Këto dhe shumë oferta të tjera nuk do të mungojnë në hipermaketin Megatek ku jo vetëm bëni blerje të zgjuara e të domosdoshme për shtëpitë e bizneset tuaja, por edhe realizoni një copëz ëndrre amerikane me dekorimin e ambienteve tuaj në ditën e shënjtorëve që në mbarë botën njihet si festa e Halloween./abcnews.al

kineastet.jpg
G. P.18:51 | 08/10/2019

Shfaqja e filmave të kohës së diktaturës vijon të ndajë artistët. Të pyetur nga ABC News, ata që janë pro, mbështeten në modelin e Spanjës, që ata filma i shfaq lirisht. Të tjerë mendojnë se shfaqja e filmave të para viteve 90 duhet shoqëruar me shënime.

Spanja i ka lënë të lirë shfaqjen e filmave të prodhuar nën ndikimin fashist sipas kritikut të artit spanjoll Daniel Verdu.

Ndërsa në Shqipëri, dy vite më parë ideja e drejtorit të Institutit të Krimeve të Komunizmit, Agron Tufa, për t’u bllokuar filmat që shtrembërojnë historinë ndau në dysh kineastët. Debati “Përballja me të shkuarën” nga syri i kinemasë e risjell edhe një herë në fokus. Skenaristja Natasha Lako, thotë të marrim shembull Spanjën.

Edhe regjisori Mevlan Shanaj është kategorisht kundër bllokimit. Ema Andrea, e cila e nisi karrierën artistike në prag të rënies së diktaturës thotë se shfaqja e këtyre filmave duhet shoqëruar me shënime.

Lako e Shanaj pranojnë se censura dhe autocensura asokohe për krijuesit ishte e fortë, por nuk i mohojnë vlerat historike edhe brenda skematizmit. Artistët edhe në vlerat e kinemasë sot ndajnë mendime të ndryshme.

Në debatin për historinë dhe kinemanë organizuar nga ambasada spanjolle ishin të pranishëm intelektual dhe dashamirës të filmit./ABC News Albania 24/7

festivali-i-filmit.jpg
G. P.17:00 | 13/09/2019

Të hënën në Tiranë nis edicioni i 14-të i festivalit për të drejtat e njeriut. Siparin e hap filmi “Tradhtari” me regji të italianit Marco Bellocchio. Sipas drejtorit të festivalit Kujtim Çashku, motoja e këtij viti është “injoranca vret”.

“Injoranca vret”. Ky është fokusi i edicionit të 14-të të festivalit për të drejtet e njeriut. Nga 3500 aplikime janë përzgjedhur 44 produksione nga e gjithë bota. Shumica e filmave sipas drejtorit, Kujtim Çashku janë të ndaluar në vendet e tyre për shkak të tematikave të mprehta që trajtojnë në raport me politikën.

Siparin e ngre filmi “Tradhtari” i regjisorit italian Marco Bellocchio. Përgjatë 6 ditëve do të projektohen filma të ndryshëm me praninë e regjisorëve, aktorëve apo producentët, por nuk do të mungojnë edhe forumet e shumta me targetgrupe të ndyshme, nxënës shkollash, apo të burgosur.

Përveç Akademisë së Filmit dhe Multimedias Marubi, si dhe Arkivit Qendror Shtetëror të Filmit, filmat do të shfaqen edhe tek “Europe House”, Akademia e Sigurisë, dhe COD./ABC News Albania 24/7

voa-1.jpg
G. P.23:07 | 25/08/2019

Historitë e frikshme popullore dhe legjendat urbane gjithmonë kanë nxitur imagjinatën e njerëzve, veçanërisht tek të rinjtë. Tani, “Histori të frikshme për t’u treguar në errësirë”, një koleksion tregimesh të shkurtra horrori për fëmijë nga autori Alvin Schwartz dhe karikaturisti Stephen Gammell është përshtatur për ekranin e madh nga fituesi i Oskarit Guillermo Del Toro dhe regjisori André Ovredal. Gjatë fundjavës së tij të hapjes, filmi fitoi mbi 20 milionë dollarë duke dëshmuar edhe një herë se filmat horror për adoleshentët janë fitimprurës. Korrespondentja e Zërit të Amerikës, Penelope Poulou sjell hollësitë.

Në adaptimin filmik të librit “Histori të frikshme për t’u treguar në errësirë”, të producentit Guillermo Del Toro, përbindëshit ringjallen nga faqet e një libri historik me fantazma dhe u marrin jetën adoleshentëve. Producenti dhe regjisori i filimit, fitues i Oskarit, i ka krahasuar këto përralla me historitë që tregohen rreth zjarrit nëpër kampe.

“Ekzistojnë dy lloje të filmave horror: njëri është trazues, të trazon shpirtin përgjithmonë, ndërsa lloji tjetër është argëtues dhe emocionues.”

Regjisori Andre Ovredal e bazon filmin në antologjinë e tregimeve horror për fëmijë të autorit Alvin Schwartz.

“Është një lloj përzierje mes një filmi modern horror dhe filmave Amblin nga fëmijëria ime”.

Andre Ovredal i referohet ndikimit të viteve 1980 të filmave të regjisorit Spielberg si “Poltergeist”, “Goonies”, “E.T. the Extraterrestrial”, ku horrori përzihet me momentet emocionuese të adoleshentëve.

Por kjo histori huazon gjithashtu elemente nga filmat horror të viteve 70, bazuar në romanet e preferuara të Stephen King-ut, ku forcat mbinatyrale përdoren nga personazhet e pafuqishëm, zakonisht fëmijët dhe adoleshentët, për të realizuar hakmarrjen ndaj atyre që ushtrojnë bulizëm dhe korporatave keqdashëse.

Zakonisht, personi i pafuqishëm shfaq superfuqi ose u hap portën forcave të panjohura, si në rastin e Stelës, një vajzë e drojtur por e zgjuar nga një qytet i panjohur në qendër të vendit.

Histori të Frikshme për t’u treguar në Errësirë, nuk është filmi i vetëm horror që ka shënuar sukses në kinema.

Sipas kompanisë Netflix që transmeton filma dhe seriale në internet, “Stranger Things”, një serial i frikshëm me personazhe të moshës adoleshente hapi sezonin e tretë me dyzet milionë shikues që e panë atë brenda katër ditëve pas debutimit.

Kjo nuk është vetëm një prirje e brendshme. Serialet ndërkombëtare tani po kopjojnë këtë formulë, ashtu siç është rasti me serialin indian “Typewriter” të zhanrit horror për adoleshentët, të cilët zgjidhin probleme misterioze në përpjekjet e tyre për të dalë nga një shtëpi me fantazma.

“Tmerri dhe ankthi janë elemente të mrekullueshme që ekzistojnë vetëm në filmat horror”, thotë regjisori Andre Ovredal./VOA

festivali-1280x704.jpg
G. P.16:45 | 01/05/2019

Festivali ndërkombëtar i filmit “Dea Open Air” nis mbrëmjen e së enjtes edicionin e gjashtë në Tiranë. Drejtori i këtij festivali Edmond Topi në një intervistë për ABC Neës thotë se në garë janë 70 filma të huaj, por dhe prodhime të kinemasë shqiptare.

Festivali ndërkombëtar i filmit “Dea Open Air” pas pesë vitesh realizim në Sarandë, edicionin e 6-të, do ta mbajë në Tiranë. Arsyeja sipas drejtorit të këtij festivali Edmond Topi është kjo.

Në garë janë 70 filma. Përgjatë javës së festivalit do të mbahen edhe master klase dhe ëorkshpope Kinemaja verore salla Black Box dhe salla e madhe e Universitetit të Arteve janë ambientet ku do të projektohen filmat nga  mbrëmja e 2 Majit deri më 8 Maj./abcnews.al

p074vdj4-1280x512.jpg
G. P.10:51 | 07/04/2019

BBC ka renditur 10 filmat që nuk humbur së pari në muajin Prill. Bëhet fjalë për filma me superheronj, të animuar e deri tek një dokumentar me histori reale.

High Life

Robert Pattinson jemi mësuar ta shohim në filma romantikë dhe me vampirë, por këtë herë ka shkuar përtej tyre. Në filmin High Life, do të shohim aktorin në rolin e një të burgosuri që i ka shpëtuar dënimit me vdekje. Për këtë arsye, ai është dërguar në hapësirë në një anije kozmike sëbashku me një doktor misterioz drejt një vrime të zezë.

Shazam!

DC është larguar kësaj here nga filmat tradicionalë të saj, ku superheronjtë shfaqen të zymtë. Shazam është filmi në të cilin ndërthuret edhe komedia. Personazhi kryesor është një 14-vjeçar. Pasi takon një person të çuditshëm, e vetmja gjë që duhet të bëjë është të thotë “Shazam” dhe kthehet në një superhero. Filmi është nxjerrë që me 3 Prill.

Pet Sematary

Stephen King pati sukses me mini-seritë e publikuara në vitin 1990, por kjo nuk e ndaloi që 30 vjet më vonë të nxirrte një film të ri të titulluar Pet Samatry. Versioni më i ri horror është pëlqyer shumë nga kritikët. Më 4 Prill, filmi ka dalë në Irlandë, Australi, Gjermani, Danimarkë dhe Singapor.

Avengers: Endgame

Nëse ka një film që po pritet me padurim nga fansat është padyshim seria e fundit e Avengers. Nëse në filmin Infinity Wars, Thanos shkatërroi gjysmën e universit, duke vrarë disa prej superheronjve. Atëherë si mund ta mundin ata që kanë mbijetuar? Deri më tani shikuesit e Avengers dinë që Spider-Man do të rikthehet, por a mjafton kjo? Endgame pritet të jetë filmi më i gjatë që ka prodhuar Marvel, rreth 3 orë. Thashethemet janë që disa prej superheronjve kësaj radhe do të vdesin dhe nuk do të rikthehen më. Filmi do ta ketë premierën më 24 Prill dhe siç e thamë, është film që ia vlen ta shikosh gjatë këtij muaji.

Stockholm

Sindroma e Stokholmit ndodh atëherë kur viktimat fillojnë të pëlqejnë ose të bien në dashuri me pengmarrësin. Ky film është bazuar në histori të vërtetë. Ngjarja ndodh në Stockholm në vitin 1973, ku një person merr peng disa persona në një bankë për katër ditë. Premiera do të jetë më 12 Prill në Kanada dhe SHBA.

Ash is Purest White

Kur një gangster ndodhet në pritë nga një bandë tjetër, e dashura e tij e shpëton duke i trembur këta të fundit duke qëlluar në ajër. Kur policia mbërrin, ajo merr përsipër fajin dhe deklaron se arma është e saj dhe jo e të dashurit. Për pasojë ajo futet në burg, ndërsa i dashuri zhduket. Pasi vuan dënimin, ajo ndërmerr një udhëtim për të kërkuar atë që dikur e la. Filmi është nxjerrë që me 15 Mars në SHBA.

Hellboy

Hellboy rikthehet sërish, kësaj here me kast aktorësh dhe drejtuesish të ndryshëm. Filmi do ta ketë premierën me 11 Prill.

Dragged across concrete

Dy policë shikojnë një vjedhje banke dhe ndjekin hajdutët deri aty ku fshihen. Gjatë gjithë filmit ndodhin situata të papritura. Filmi është nxjerrë më 22 Mars.

Breaking Habits

Kjo është një nga historitë që duhet patjetër të bëhet dokumentar. Në të tregohet historia e vërtetë e Christine Meeusen, e cila ndryshoi jetën pasi zbuloi sekretet e errrëta të bashkëshoritit. Ajo jo vetëm që ngriti një fermë kanabisi në California, por e quajti veten Motra Kate. Ajo dhe koleget e saj e prezantojnë veten si murgesha dhe quhen Motrat e Luginës. Premiera e dokumentarit do të jetë më 19 Prill.

Missing Link

Listës sonë nuk mund t’i mungonte një film i animuar. Ngjarjet zhvillohen mes një eksploruesi dhe një gjiganti të mbuluar me lesh. Ata vihen në kërkim të disa Yetis-ve të tjerë dhe gjatë gjithë filmit ka situata të shumta humori. Premierën e pati më 5 Prill në Irlandë, ndërsa më 11 Prill do të nxirret në Australi dhe Singapor. Një ditë më vonë do të publikohet në SHBA dhe më 19 Prill në Francë./abcnews.al

safe_image-1.jpg
ent ela10:40 | 31/01/2019

Aksident i frikshëm në rrugën Transballkanike në Vlorë. Një automjet tip “Benz” doli  nga rruga duke u përplasur me 10 automjete të tjera të parkuara në zonë. I plagosuri Kreshnik Lilaj i cili është drejtor i Agjensisë Rajonale të Mjedisit në Vlorë dyshohet se ishte në gjendje të dehur.

Duken si pamje të një filmi aksion por në të vertetë aksidenti ka ndodhur në Vlorë. Mjeti tip Benz me targa  AA 272 RB që drejtohej nga Kreshnik Lilaj humbi kontrollin në rrugën Tranballkanike. Kamerat e sigurisë së objekteve aty pranë kanë filmuar momentin kur makina fluturon në ajër dhe rrotullohet disa herë duke marrë para 10 mjete të parkuara në zonë.

Bilanci mund te ishte fatal, por në fakt i vetmi i dëmtuar është drejtuesi i mjetit, i cili pas ndihmës mjekësore nuk ka më rrezik për jetën.   Makina e 30 vjeçarit është shkatërruar totalisht ndërsa shoferi ka shpëtuar për mrekulli. Kreshnik Lilaj është një zyrtar i njohur pasi mban postin e Drejtorit të Agjensise Rajonale të Mjedisit në Vlorë.

Drejtuesi i mjetit dyshohet se ka qenë në gjendje të dehur. Kjo mendohet të jetë bërë shkak për aksidentin masiv ku pati dëme të shumta materiale në mjetet e përfshira në këtë ngjarje. Kreshnik Lilaj është drejtor i Agjensisë Rajonale të Mjedisit në Vlorë dhe në momentin e aksidentit dyshohet se ishte nën efektin e pijeve alkoolike./abcnews.al

spider-man-1280x720.jpg
G. P.09:46 | 01/12/2018

1.Ben is Back
Një film me protagoniste aktoren Julia Roberts. Ben is Back tregon historinë e një shtëpiakeje, djali 19 vjeçar i së cilës arratiset nga qendra e rehabilitimit për të festuar Krishtlindjet pranë familjes. Jo të gjithë janë të kënaqur me prezencën e tij. Në këtë mënyrë zhvillohet i gjithë konflikti i filmit, i cili është pritur mirë nga kritikët.

2.Free Solo
Free Solo është një film dokumentar ku Alex Honnold trajnohet që të bëhet personi i parë i cili do ti ngjitet shëkmbinjve të thepisur Kalifornisë. Filmi që tani është bërë fitues i disa çmimeve kinematografike ndërkombëtare.

3.Roma
Roma është një film autobiografik i regjisorit Alfonso Cuarón, ku sillet historia e shërbyes së shtëpisë së tij e cila e rriti atë. Ngjarja zhvillohet në qytetin e Meksikos në fillimet e viteve ’70.

4.Vice
Filmi Vice është një pasqyrim i karrierës së ish zv/presidentit amerikan Dick Cheney, i cili besohet që ka ka mbuluar pjesën më të madhe të punëve të ish-presidentint Bush.

5. The Image Book
The Image Book është një nga filmat më të shumëpritur të kohëve të fundit. Premierën e pati në Festivalin e Filmit në Kanë, ku fitoi disa çmime të ndryshme. Historitë e sjella në këtë film janë një pasqyrim i horroreve të shekullit të kaluar.

6. Mary Poppins Returns
E famshmja Mary Popins rikthehet edhe një herë tjetër në ekran. Tashmë Julie Andrews ia ka kaluar trashëgiminë aktores së njohur britanike Emily Blunt. Popins gjithmonë ka arritur të ketë sukses në kinematë botërore dhe këtë herë fansat presin me padurim të njihen me ngjarjet e reja të këtij personazhi karizmatik.

7. Spider-Man: Into the Spider-Verse
Një tjetër seri e Njeriut Merimangë dhe pa dyshim një tjetër sukses i pritshmë për industrinë e filmit. Ndryshe nga versionet e tjera të filmit thuhet të jetë fakti se nuk do ketë vetëm një Peter Parker, por shumë prej tyre të cilët do të ken ë të njëjtën super fuqi. Pritet dhe një version femër i njeriut merimangë dhe përfaqësues të etnie të ndryshme të këtij karakteri./abcnews.al

MBULIM-HAJDUTI-SHQIPTAR.mpg_snapshot_00.08-1280x647.jpg
G. P.16:52 | 14/10/2018

Një shtetas shqiptar ka humbur jetën dhe dy të tjerë mbetën të plagosur në Itali si pasojë e një aksidenti të rëndë në rajonin e Lombardisë. Ngjarja e rëndë ndodhi në orët e para të së dielës. 3 shqiptarët, të cilët kishin kryer një grabitje, po tentonin t’i iknin policisë italiane duke ecur me shpejtësi të lartë në automjetin e tipit “BMW”. Por drejtuesi i mjetit ka humbur kontrollin dhe kanë përfunduar jashtë rrugës, ndërsa shpejtësia e mjetit sipas mediave italiane, i kalonte 200 kilometrat në orë. Shqiptari që humbi jetën është identifikuar si A.K 31 vjeç. Menjëherë në vendngjarje mbërritën dhe disa ambulanca. Ndërkohë, pas kontrollit në mjetin e aksidentuar, policia ka zbuluar mijëra euro të grabitura si dhe disa bizhuteri./abcnews.al

1800053.jpg
G. P.21:00 | 19/09/2018

Sa herë që nëpër kinematë botërore lançohet një prodhim i ri kinematografik, pyetja e parë që na vjen nëpër mend është: Sa shumë fitime ka gjeneruar?!… Këtu marrim parasysh fakte të ndryshme që na shtyjnë të mendojmë diçka të tillë. Cilësia dhe lloji i filmit gjithmonë kërkojnë kosto të mëdha për nxjerrjen në dritë të tij. Gjithashtu dhe promovimi mbarëbotëror është diçka që përthith investime dhe shpenzime gjigande parash. Ndaj, kur prodhuesit ndërmarrin një rrisk të tillë në mbulimin e kostove, atëherë akoma më i madh duhët të jetë dhe përfitimi që ata kanë.

Holliwood-i njihet si një ndër industritë më fitimprurëse, prandaj dhe produktiviteti mbetet gjithmonë i gjallë. Shembull perfekt është edhe gjigani ekonomik “Avatar”, një prodhim i cili është konsideruar si filmi me fitimiet më të mëdha të të gjitha kohërave me 2.7 bilionë$. Por, ajo ç’ka vlen për tu përmendur është fakti se jo çdo film i cili është gjenerues të ardhurash, është domosdoshmërisht më cilësori apo më i suksesshmi. Filma shumë të njohur për ne, të cilët kanë rezistuar në kohë, në fakt, fillimisht janë konsideruar si dështime në xhepat e prodhuesve.

Më poshtë janë listuar disa nga këto filma, të cilët janë shumë të dashur për ne,por që në fakt kanë qenë një zhgënjim për kompaninë e tyre filmike.

Willy Wonka & dhe fabrika e çokollatave
Nuk bëhet fjalë për versionin e vitit 2005 që të gjithë e pëlqejmë aq shumë, por për versionin origjinal të tij të prodhuar në vitin 1971. A ishte ky film shumë i çuditshëm apo ngjethës për publikun e kohës? Cilado qoftë përgjigja, ky film mund të konsiderohet një dështim pasi në debutimin e tij arriti të mblidhtë vetëm 4 milionë$ fitime. Ai nuk arriti të klasifikohet as në klasifikimet e 15 filmave më të mirë të vitit përkatës. Për fat të mirë, ribërja e këtij filmi në vitin 2005, të luajtur nga Johny Deep dhe me efekte speciale të mahnitshmë, i dha atij një dorë të mirë ekonomikisht duke përthithur rreth 475 milionë$.

Fight Club

E vështirë për tu besuar, por filmi “Fight Club” rezultoi shumë i pasukesshëm për kompaninë prodhuese. I publikuar në vitin 1999, ky film arritI të mblidhte 37 milionë $ në kinematë amerikane dhe 63 milionë $ në ato botërore. Por megjithëkëtë ky prodhim mbetet si një ndër filmat më identifikues të aktorit protagonist Brad Pitt.

Magjistari i Oz-it
Një ndër historitë më lehtësisht të identifikueshme nga publikur, sidomos ai fëmijëror, Magjistari i OZ-it nuk e fsheh dot faktin se dështoi mjerisht kur u hodh në treg më 1939-n. Në kinematë amerikane ai arriti të mbledhë vetëm 3 milionë $ me një buxhet prej 2.7 milionësh $. U deshën ribërje të shumta dhe prodhime teatrale e operistike që të bënin të mundur që Dorothi dhe miqtë e saj të linin gjurmë në ekranet e gjithësecilit.

The Shawshank Redemption
Është e çuditshme të mendohet se një film kaq i dashur nga publiku të jetë gjithashtu një litodë kinemtografike, por The Shawshank Redemption në fakt ishtë nje zhgënjim financiar kur u lançua në vitin 1994. Më një buxhet prej 25 milionë$ ai arriti që të mblidhte vetëm 16 milionë të tilla. Por pavarësisht kësaj, ky projekt është pritur me nota shumë optimiste nga kritikët.

Blade Runner

Këtu nuk kemi parasysht ribërjen e vitit të kaluar por zanafillën e tij në vitin 1982. E vështirë të mendohet, por ky film i cili tashmë ka mbetur si kult i filmave aksion, dikur dështoi mjerueshëm duke përthithur vetëm 27.5 milionë $. As aktrimi i mrekullueshëm i artistit Harrison Ford nuk mundi ta shpëtonte atë. Me nota pozitive mbetet fakti që pavarsisht dështimit të tyre fillestar për shkak të promovimit të dobet apo cilësisë të ulët, ribërjet e tyre duket se po ia dalin mbanë më së miri që të shërbejnë si vakuum të ardhurash për kompanitë filmike./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono