Filipine

vullkan.jpg
in a16:35 | 14/01/2020

Nuk ekziston më asnjë kafshë apo bimë në zonën përreth vullkanit Taal në ishullin Luzon pranë Manilës në Filipine. Autoritetet në vend konfirmuan lajmin duke theksuar se janë evakuuar aktualisht 18 mijë persona, banorë në qytetet pranë vullkanit. Mediat në vend raportojnë se e gjithë flora dhe fauna pranë vullkanit tashmë është zhdukur dhe ishte e kotë që ekipet e shpëtimit të përpiqeshin të shpëtonin ndonjë nga kafshët.

Për sa i përket të evakuuarve, për momentin, ata janë vendosur në 76 qendra pritjeje, ndërkohë që qeveria i ka bërë apel popullsisë që të dhurojnë ushqim dhe veshje. Pas shpërthimit të vullkanit është vendosur që nuk do të autorizohet asnjë rindërtim në ishull, vetëm banesat e dëmtuara që mund të riparohen do të jenë objekt ndërhyrjeje.

Qeveria e presidentit Rodrigo Duterte urdhëroi mbylljen e shkollave dhe të institucioneve në Manila. Në ishull aktualisht shikueshmëria është e mundur vetëm deri në 2 metra. Të paktën 554 fluturime janë anuluar. Taal është një nga 24 vullkanet aktive më të paqëndrueshëm në vend, me 34 shpërthime të regjistruara deri më sot./abcnews.al

Diego.jpg
Igli Nikolli21:15 | 10/01/2020

Një operacion anti-drogë i policisë së Filipineve është mbyllur me vdekjen e një personi, i cili ka qenë futbollist profesionist. Diego Bello Lafuente është goditur për vdekje nga policia në ishullin e Siargaos, aty ku jetonte prej dy vitesh.

32-vjeçari spanjoll ka luajtur me Deportivo La Coruna më parë, ndërsa tani i ishte përkushtuar sërfit dhe merrej me turizëm në ishullin e Filipineve. Lafuente po shkëmbente rreth 10 gram kokainë për shumën e 500 eurove dhe mendohet se ka qenë ai i pari që ka qëlluar me armë ndaj forcave policore.

Këta të fundit kanë reaguar dhe e kanë lënë të vdekur. Shumë dyshime ka rreth kësaj ngjarje, teksa autopsia e plotë e kufomës do të përcaktojë saktësisht se çfarë ka ndodhur. Klubi i Deportivos ka reaguar me anë të një postimi në rrjetet sociale dhe shpreh dhimbjen dhe ngushëllime për humbjen e jetës së ish-lojtarit të saj. /abcnews.al

ta.jpg
in a07:42 | 26/12/2019

Tajfuni “Phanfone” ka goditur pjesën qendrore të Filipineve në ditën e Krishtlindjeve, duke sjellë mot të vështirë për miliona njerëz gjatë sezonit të festave.

“Shtëpitë janë rrafshuar, linjat elektrike u rrëzuan, dhe mijëra njerëz janë larguar nga shtëpitë e tyre pasi tajfuni ka goditur Filipinet gjatë Krishtlindjeve”, raporton “Reuters”.

Ndërkohë agjencia e katastrofës ka njoftuar se të paktën 13 persona kanë humbur jetën nga tajfuni Typhoon Phanfone që goditi vendin.

Më shumë se 58,000 njerëz u evakuuan para stuhisë ndërsa 15,000 të tjerë mbetën në porte detare për shkak të mbylljes së tyre.

Provincat më të goditura ishin ato qendrore të Capiz, Iloilo dhe Leyte ku për pasojë një djalë 13-vjeçar, ka humbur jetën njoftoi angjensia e katastrofës.

Filipinet janë shteti kryesor që përballet me stuhitë që vijnë nga Oqeani Paqësor dhe zakonisht goditet nga 20 stuhi në vit. Sipas një studimi, këto stuhi e dëmtojnë prodhimin ekonomik të vendit për 3 për qind, shkruan “Reuters”./abcnews.al

filipine-termet.jpg
ger ta09:36 | 15/12/2019

Një tërmet me madhësi 6.8 goditi ishullin jugor Mindanao, në  Filipine këtë të dielë.

Ky rajon është goditur disa herë nga tërmetet në muajt e fundit. Epiqendra e këtij tërmeti ishte 61 kilometra në jugperëndim të qytetit Davao, në ishullin Mindanao, ndërsa thellësia e tij ishte 28 kilometra nën sipërfaqen e tokës.

Ndërkaq, nuk kishte asnjë kërcënim nga një cunami, tha Shërbimi Gjeologjik i SHBA, i cili fillimisht raportoi madhësinë 6.9.

Autoritetet deri më tani nuk kanë raportuar për viktima apo dëme materiale, ndonëse fuqia e tërmetrit ishte e madhe.

Filipinet vuajnë “dridhje të rregullta” si pjesë e “Unazës së Zjarrit” të Paqësorit, një hark me aktivitet sizmik intensiv që shtrihet nga Japonia përmes Azisë Juglindore dhe pellgut të Paqësorit.

Tre tërmete me madhësi 6.0 goditën afërsisht të njëjtën zonë të Mindanao në tetor, duke lënë të vdekur dhjetëra njerëz dhe duke dëmtuar rëndë ndërtesat, shkollat ​​dhe apartamentet./abcnews.al

106516876_hi053333236.jpg
ad min10:26 | 24/04/2019

Filipine mund t’i shpallë luftë Kanadasë. Është ky paralajmërimi i presidentit të vendit Duterte i cili i kërkoi Kanadasë të largojë menjëherë mbeturinat e grumbulluara në Manila. Në rast të kundërt ai do të shpallë luftë

Presidenti i Filipineve, Rodrigo Duterte paralajmëroi se do t’i shpallë “luftë” Kanadasë nëse ajo nuk heq tonelatet me mbeturina që janë dërguar në Manila. Në një deklaratë për mediat në vend Duterte u shpreh se do i dërgojë javën e ardhshme në formë zyrtare këtë paralajmërim qeverisë kanadeze.

“Unë do të deklaroj luftë kundër tyre. Mbeturinat e Kanadasë janë në rrugë. Përgatituni, pasi mbeturinat tuaja po vijnë përsëri në shtëpinë tuaj”, shtoi ai.

Mbeturinat janë disa mbetje elektronike. Ato janë dërguar me anije nga Kanadaja gjatë viteve 2013 dhe 2014 dhe në vitet që pasuan kërkuan nga shteti aziatik që ti hedhë ato.

Kur kryeministri kanadez Justin Trudo vizitoi kryeqytetin filipinas Manila në vitin 2015 premtoi një zgjidhje nga ana e Kanadasë, si dhe premtoi që një rast i tillë nuk do të përsëritej më./abcnews.al

Jnc9NTgwJmhhc2g9YzAyNjkxYjY1ODYzMjUxYmY5OTEyNzc2MmRiYTQ4NzQ.thumb_.jpg
ad min13:39 | 23/04/2019

11 viktima, dhjetëra të plagosur dhe dëme të shumta material si pasojë e tërmetit që goditi të hënën Filipinen. Mëngjesin e të martës janë regjistruar lëkundje të reja të forta por fatmirësisht nuk raportohet për viktima apo dëme materiale

Një lëkundje e re e fortë me magnitudë 6.3, ka goditur Filipinen, pas asaj që shkaktoi të paktën 11 viktima. Tërmeti u regjistrua në qendër të vendit, 13 kilometra në lindje të Tutubigan, me një thellësi prej 70.2 kilometrash. Të dhënat janë konfirmuar nga institute gjeofizik amerikan. Por fatmirësisht lëkundjet e reja nuk kanë shkaktuar viktima  të tjera apo dëme. Tërmeti që goditi të hënën veriun e vendit kishte një magnitudë 6.1.

Ekipet e shpëtimit, gjetën trupa të pajetë në gërmadhat e një supermarket si dhe në një fshat verior. Një person u nxor i gjallë nga rrënojat sipas deklaratave për shtyp të autoriteteve vendore.

Epiqendra e tërmetit ishte në një thellësi ndërmjet 10 – 20 kilometrash./abcnews.al

OK-FILIPINE-BOMBATABCM5T2.mpg_snapshot_00.05-1280x541.jpg
ent ela21:25 | 27/01/2019

Dy bomba kanë shpërthyer në një kishë katolike në një prej ishujve jugorë të Filipineve, duke u marrë jetën të paktën 20 personave. Ngjarja ka ndodhur në një rajon me shumicë myslimane, që kishte organizuar një referendum për autonomi më të gjerë.

Dy bomba shpërthyen të dielën në katedralen katolike romake në jug të ishujve Filipine, duke vrarë 20 persona dhe plagosur dhjetëra të tjerë. Shpërthimi i parë ndodhi teksa celebrohej mesha e së dielës në kishën e ishullit Jolo, ku militantët islamikë janë shumë aktivë. Në momentin kur trupat ushtarake reaguan, një tjetër bombë e vendosur në një parking pranë objektit të kultit shpërtheu. Sulmi vjen një ditë pasi një zonë me shumicë myslimane në rajon votoi në një referendum për më shumë autonomi. Asnjë grup nuk e ka marrë përsipër përgjegjësinë e sulmit të dyfishtë, por ishulli Jolo prej kohësh shërben si bazë për militantët e grupit Abu Sajaf. Autoritetet lokale deklaruan se shpërthimi i parë ndodhi brenda katedrales Zonja e Malit Karmel, që në të kaluarën ka qenë shpesh herë objektiv sulmesh; ndërsa i dyti fare pak më pas në hyrje të kishës. Shumica e viktimave janë civilë. Ndërkohë, disa nga të plagosurit janë evakuuar në rrugë ajore në një qytet tjetër. Duke e cilësuar atentatin një akt burracak, autoritetet lokale i bënë thirrje popullsisë që të bashkëpunojnë për t’i mohuar fitoren terrorizmit. Në referendumin e javës së kaluar, votuesit aprovuan krijimin e rajonit autonomon Bangsamoro, që ndodhet në jug të Filipineve dhe dominohet nga shumica myslimane. Por votuesit në provincën Sulu, ku ndodhet ishulli Jolo, refuzuan të bëheshin pjesë e procesit. /abcnews.al

kisha.jpg
ad min11:14 | 27/01/2019

Dy bomba kanë shpërthyer në një kishë katolike në një prej ishujve jugorë të Filipineve, duke u marrë jetën mbi 20 personave. Ngjarja ka ndodhur në një rajon me shumicë myslimane, që kishte organizuar një referendum për autonomi më të gjerë.

Dy bomba shpërthyen të dielën në katedralen katolike romake në jug të ishujve Filipine, duke vrarë 27 persona dhe plagosur dhjetëra të tjerë. Shpërthimi i parë ndodhi teksa celebrohej mesha e së dielës në kishën e ishullit Jolo, ku militantët islamikë janë shumë aktivë. Në momentin kur trupat ushtarake reaguan, një tjetër bombë e vendosur në një parking pranë objektit të kultit shpërtheu.

Sulmi vjen një ditë pasi një zonë me shumicë myslimane në rajon votoi në një referendum për më shumë autonomi. Asnjë grup nuk e ka marrë përsipër përgjegjësinë e sulmit të dyfishtë, por ishulli Jolo prej kohësh shërben si bazë për militantët e grupit Abu Sajaf.

Autoritetet lokale deklaruan se shpërthimi i parë ndodhi brenda katedrales Zonja e Malit Karmel, që në të kaluarën ka qenë shpesh herë objektiv sulmesh; ndërsa i dyti fare pak më pas në hyrje të kishës. Shumica e viktimave janë civilë. Ndërkohë, disa nga të plagosurit janë evakuuar në rrugë ajore në një qytet tjetër.

Duke e cilësuar atentatin një akt burracak, autoritetet lokale i bënë thirrje popullsisë që të bashkëpunojnë për t’i mohuar fitoren terrorizmit. Në referendumin e javës së kaluar, votuesit aprovuan krijimin e rajonit autonomon Bangsamoro, që ndodhet në jug të Filipineve dhe dominohet nga shumica myslimane. Por votuesit në provincën Sulu, ku ndodhet ishulli Jolo, refuzuan të bëheshin pjesë e procesit./abcnews.al

105007733_gettyimages-1075817676.jpg
ent ela12:45 | 31/12/2018

Rreth 70 persona kanë humbur jetës si pasojë e stuhisë që goditi qendrën e Filipineve javën e kaluar. Pjesa më e madhe e tyre humbën jetën si pasojë e përmbytjeve. Por autoritetet paralajmërojnë se mund të ketë edhe më shumë viktima pasi disa zona të vendit janë të paarritshme për momentin./abcnews.al

duterte.jpg
ent ela11:24 | 07/12/2018

Presidenti i FIlipines ka kërcënuar përsëri Kishën Katolike në vend duke i kërkuar qytetarëve që të vrasin priftërinjtë. Kjo thirrje erdhi pasi kisha katolike kritikoi administratën e tij.

Sulm i ri i ashpër i Presidentit të Filipines Rodrigo Duterte kundër drejtuesve të kishës katolike, duke i përkufizuar të padobishëm pasi kritikuan administratën e tij. Dhe për këtë, Duterte ka ftuar besimtarët t’i ekzekutojnë. “Vritini priftërinjt tuaj. Këta nuk shërbejnë për asgjë. E vetmja gjë që dijnë të bëjnë është të kritikojnë”, u shpreh presidenti-diktator në një fjalim të mbajtur në një ceremoni për vlerësimin e punëtorëve më të mirë Filipinas jashtë vendit. Sulmi është shoqëruar me tone të dhunshme dhe vulgare.

Duterte – shkruan Asianews – ka deklaruar që Kisha katolike është institucioni më hipokrit. “Pjesa më e madhe e priftërinjëve janë gej, pothuajse 90% e tyre, pra të mos insistojnë të më bëjnë moral”, thotë ai. Ashtu siç ka ndodhur dhe në të kaluarën, profokimi I Dutertes nuk ka marrë përgjigje. Priftërinjt tentojnë të ulin tensionet dhe theksojnë që raportet mes Kishës dhe Shtetit karakterizohen nga bashkëpunimi për zhvillimin social dhe për të mirën e vendit. “Nuk duam t’i hedhim benzinë zjarrit”, thuhet në deklaratën e Kishës në Filipine.

Më herët priftërinjt kritikuan luftën e përgjakshme të presidentit ndaj trafikut të drogës që shkaktoi 5 mijë të vdekur. Kërkesa e fundit e Dutertes shkaktoi indinjimin e pjesës më të madhe të popullatës që e akuzojnë atë për blasfemi. Jo vetëm katolikët por edhe protestantët kanë manifestuar irritim për fjalët e presidentit kundër Zotit dhe Kishës. Në Filipine, katolitët përfaqësojnë 90% të popullsisë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono