fifa

FIFA-PERCAKTON-KANDIDATURAT_ABC-M4-T2.mpg_snapshot_00.28-1280x720.jpg
ent ela22:25 | 31/07/2019

Janë përcaktuar 10 nominimet nga FIFA për fitimin e çmimit “Lojtari më i mirë i vitit 2019”. Në listë bëjnë pjesë Messi, Ronaldo, por edhe talente si De Ligt apo De Jong.

Përcaktohen edhe 10 nominimet nga FIFA për fitimin e çmimit prestigjioz “Lojtari Më i Mirë i Vitit 2019”, bazuar në arritjet e tyre për periudhën 16 korrik 2018 – 19 korrik 2019. Përzgjedhja e kandidatëve është bërë nga një panel ekspertësh në futbollin e meshkujve. Tashmë që të gjithë tifozët mund të votojnë të preferuarin e tyre në në faqen e FIFA-s për të preferuarit e tyre për tre të parët. Zgjedhja e parë: 5 pikë, zgjedhja e dytë: 3 pikë dhe zgjedhja e tretë: 1 pikë. Vota e tifozëve do të ketë peshë të barabartë krahas votave të anëtarëve të tjerë kryesorë të komunitetit të futbollit, përkatësisht të gazetarëve, trajnerëve të ekipeve kombëtare dhe kapitenëve. Fituesit do të shpallen më 23 shtator në ceremoninë e “The Best FIFA Aëards” që do të zhvillohet në Milano. Por kush janë 10 kandidaturat në këtë listë ku natyrisht nuk mungojnë Cristiano dhe Mesi. Spikasin jo pak lojtarë të Ajaksit, por natyrisht edhe të kampionëve të Europës në fuqi, Liverpulit. /ABC News Albania 24/7

 

Kosova-Shqiperia-1.jpg
nev ila22:06 | 25/07/2019

Shqipëria dhe Kosova kanë përmirësuar në renditjen e re të FIFA-s, për muajin korrik ndërkohë që në vendin e parë mbahet nga Belgjika e ndjekur nga Brazili dhe Franca.

Përmirësime për kombëtaren e Shqipërisë dhe përfaqësuesen e Kosovës në renditjen e re të FIFAS për muajin korrik edhe pse nuk kanë zhvilluar asnjë ndeshje këtë periudhë. Në këtë përmirësim ka ndikuar rënia e Hondurasit dhe Ekuadorit.

Kuqezinjtë teknikut Edi Reja janë ngjitur me dy vende në renditje duke zbritur në vendin e 64.

Kosova është përmirësuar me vetëm një pozicion pas rënies së Namibisë dhe Guineas të cilat morën pjesë në kupën e kombeve të Afrikës.

Kosova vazhdon progresin pas paraqitjeve mbresëlënëse ndërkohë që Shqipëria ka përmirësuar disi nën drejtimin e Edi Rejas.

Listën e kryeson Belgjika që ndiqet nga Brazili dhe Franca. Në vendin e katër ndodhet Anglia, në vendin e pestë Uruguaji dhe me pas renditja vijon me Portugalinë, Kroacinë, Kolumbinë, Spanjën dhe Argjentinën e cila mbyll 10-shen më të mirë./ABC News Albania 24/7

juventus1.png
G. P.12:11 | 19/07/2019

Lajm i keq ishte për ata që luajnë video-lojëra kur morën që Juventus nuk do të jetë më pjesë e FIFA-s pasi nënshkroi një kontratë të re ekskluzive me KONAMI-n.

Por lajm akoma më i keq ka qenë për gjigantin e elektronikëve EA Sports, të cilët zotërojnë FIFA-n. Si rezultat i shkëputjes së kontratës me torinezët për versionin e ri të lojës FIFA 20, aksionet e EA Sports ranë duke humbur 4% në tregun e aksioneve.

Sipas CNBC, gjiganti i video-lojërave humbi rreth 660 milionë Paund të martën. Ndërkohë një aksion i EA-s nga 74.6 Paund arriti deri në 71.42 Paund brenda dy orësh që nga publikimi i lajmit.

Më 15 Korrik, EA Sports vlente 22.7 miliardë Paund, por vlera e saj ra një ditë më pas duke shkuar në 22.1 miliardë Paund dhe të gjitha këto humbje vetëm sepse humbën të drejtat me skuadrën italiane.

Arsyeja pse tregu reagoi aq shumë është Cristiano Ronaldo. Në versionin FIFA 20, Juventus do të zëvendësohet me emrin Piemonte Calcio. Gjithashtu stadiumi do të zhduket./abcnews.al

2406737_MEDIAGRAPHICS-1280x468.jpg
nev ila22:16 | 14/06/2019

Në renditjen e FIFA-s për muajin qershor Shqipëria humbet 4 pozicione. Ndryshe paraqitet situata tek përfaqësuesja e Kosovës pasi dardanët kanë rikuperuar disa vende.

Shqipëria vijon rënien e lirë në renditjen e Fifas për muajin qershor ndërkohë që e kundërta ndodh me përfaqësuesen e Kosovës. Kuqe-zinjtë kanë humbur plot 4 vende duke zbritur nga vendi 62 në vendin e  64.

Fitorja ndaj Moldavisë nuk e ka ndihmuar aspak skuadrën e trajnerit Edi Reja për shkak të emrit të vogël.  Ndryshe paraqitet situata tek skuadra e Kosovës që nuk njeh humbje prej 14 ndeshjesh radhazi.

Dardanet barazuan me Malin e Zi dhe fituan me Bullgarin në kohën shtesë, rezultate që e kanë ndihmuar shumë skuadrën e teknikut Shaland në renditjen e muajit qershor.  Kosova renditet e 121 në rangun e Fifas, pozicion rekord që prej anëtarsimit në Fifa në vitin 2016.

Kosova ka rikuperuar plot 69 vende që prej asaj periudhe. Për muajin qershor, Kosova ka fituar 25 pikë në total më shumë se çdo skuadër tjetër. Tre vendet e para në renditjen e Fifas mbahen nga Belgjika, Franca dhe Brazili./ABC News Albania 24/7

ex1ksdevyxwsgu7rzdv6.jpg
Sej rie23:59 | 23/05/2019

Kreu i FIFA-s, Gianni Infantino hodhi poshtë mundësinë që Botërori i vitit 2022 në Katar të zhvillohet me 48 skuadra. FIFA ka dalë me një komunikate ku ka qartësua se Botërori i ardhshëm do të zhvillohet me 32 ekipe ndërkohë që ndryshime do të këtë në Botërorin e vitit 2026

Kishte një opsion për një Botëror më të zgjeruar, por jo: FIFA nuk ndryshon edhe për Botërorin në Katar në vitin 2022: Do të luhet me 32 skuadra!

Varianti për ta zgjeruar këtë event madhështor me 48 skuadra nga 32 që janë aktualisht nuk ka marrë aprovimin përfundimtar nga institucioni më i lartë i futbollit botëror dhe është vendosur që edhe në Katar 2022 numri i ekipeve pjesëmarrëse të jetë sërish 32. Zyratarisht vetë institucioni i futbollit botëror FIFA ka dalë me një komunikatë ku ka zyrtarizuar këtë vendim, ndërkohë është konfirmuar se edhe turneu do të zhvillohet vetëm në shtetin e Katarit dhe askund tjetër në Lindjen e Mesme, siç ishte hamendësuar. Presidenti i FIFA-s Gianni Infantino kishte ndërmend të rriste numrin e kombeve pjesëmarrëse me 50%. Megjithatë, nga ana tjetër vetë kreu i FIFA-s pranoi se, për shkak të kohës së kufizuar, zgjerimi i kompeticionit në një kohë kaq të shkurtër do të ishte shumë i vështirë për t’u arrirë. Gjithsesi, siç është vendosur më parë, numri i ekipeve do të rritet në 48 duke filluar nga viti 2026 që do të luhen në Shtetet e Bashkuara, Meksikë dhe Kanada. Dhe aty do të ishte një mundësi kualifikimi edhe për shtetet e tjera./ABC News Albania 24/7

chelsea.jpg
Sej rie20:35 | 08/05/2019

Fifa hedh poshtë kërkesën e Chelsea-t për reduktimin e dënimit të transferimeve. Klubi londinez është dënuar me dy sesione merkatoje 2019-2020.

FIFA nuk toleron dhe rrëzon sërish skuadrën angleze të Chelsea-t në lidhje me merkaton dhe lojtarët që mund të afrojë. Vetëm pak muaj më parë klubi londinez ishte dënuar dy sesione merkatoje (verë 2019 dhe Janar 2020) që të mos bëjë asnjë blerje, ndërsa shitjet lejohen, për nënshkrimet e padeklaruara me lojtarë ndërkombëtarë tek ekipet e moshave.

Një vendim i tillë u apelua menjëherë në Komitetin e Ankesave në FIFA, por që apeli ka lënë në fuqi vendimin e kolegëve të një shkalle më poshtë. Masa disiplinore për Chelsea-n nuk do të ndryshojë: Asnjë nënshkrim me lojtarë meshkuj të ekipeve zinxhir deri tek U16, me përjashtim skuadrën e femrave dhe atë të futbollit të sallave.

Ajo që ka ndryshuar është vetëm, fakti që Chelsea mund të firmosë me lojtarë nën 16 vjeç nga Britania e Madhe. Që do të thotë talentet e rinj mund të afrohet tek skuadrat e akademisë, për të afruar një lojtar në skuadrën e parë duhet të dalë ndonjë super talent nën këtë moshë.

Chelsea nuk ka pritur ndonjë kthesë në këtë vendim të sotëm, duke qenë se shpresa e tyre e vetme është tek Gjykata e Arbitrazhit në Lozanë (CAS). Vetëm aty klubi londinez beson tek zvarritje e çështjes të paktën deri në shtator, në këtë mënyrë ata do të kenë mundësi të bëjnë blerjet e nevojshme në merkaton e verës dhe të jenë të përgatitur për të mos afruar lojtarë për dy sesionet e ardhshme të merkatos./ABC News Albania 24/7

Tomislav-Bushiç.jpg
ent ela21:25 | 09/01/2019

Tjetër problem me pagat tek Flamurtari. Kapiteni Tomislav Bushiç dërgon klubin në FIFA, në kërkim të parave të padhëna. Është jo vetëm kapiteni, por shpëtimtari sa e sa herë.

Tomislav Bushiç, padyshim, përbën një nga shtyllat më të forta të Flamurtarit, por pikërisht ai po i jep klubit një goditje të vërtetë, në kërkim të rrogave. Burime nga Vlora bëjnë me dijë se sulmuesi kroat ka bërë ankesën e tij në FIFA, për të fituar të drejtën që t’i jepen paratë e prapambetura.

Bushiç u shpreh që në dhjetor se do të priste deri në fillim të janarit, kur skuadra të grumbullohej në minifazë përgatitore, por jo më shumë, dhe kështu edhe bëri. Më herët, Flamurtari pati problemin e sulmuesit tjetër, Danilo Alvesh, pasi braziliani nuk u kthye në kohë nga pushimet, me shkak pikërisht mosmarrjen e parave.

Presidenti Idrizi, së fundmi, deklaroi se në klubin e tij nuk ka një çështje të rrogave.

Idrizi:Nuk ka një problem të tillë në kuadrin ligjor. Ka vonesa por jo vonesa të këtij lloji, ka vonesa të një apo dy muaji, siç ka edhe klube që japin paradhënie pa derdhur djersë”.

Bushiç, ndryshe nga Alvesh, u kthyer nga Kroacia në Vlorë, dhe nisi përgatitjen bashkë me pjesën tjetër të skuadrës, veçse tek Flamurtari nuk ka asnjë siguri për vazhdimin e sezonit. Skuadra është në vendin e gjashtë me 28 pikë, dhe në garë për Europën, por nëse problemet vazhdojnë, ky objektiv mund të rrezikohet, ashtu si edhe vjet. /abcnews.al

FLAMURTARI-DERGON-LOJTARIN-NE-FIFA.mpg_snapshot_00.20-1280x720.jpg
ent ela18:30 | 07/01/2019

Flamurtari është ankuar në FIFA për futbollistin e tij, Danilo Alvesh. Sulmuesi brazilian nuk është paraqitur në stërvitje për shkak të vonesës së rrogave, por klubi vlonjat e kërcënon me gjoba.

Pritej që të ndodhte diçka, dhe ja që ndodhi.

Flamurtari ka bërë ankesë në FIFA për futbollistin e tij, Danilo Alvesh, duke njoftuar edhe sulmuesin brazilian.

Këtë e bëri me dijë presidenti i klubit, Sinan Idrizi, duke theksuar se futbollisti duhej të ishte paraqitur në stërvitje, bashkë me shokët e tjerë të skuadrës.

Idrizi: “Kemi njoftuar dje zyrtarisht me email atë dhe FIFËN dhe për çdo ditë vonesë do ketë ndëshkime. Unë di që te klubi i Flamurtarit janë të gjithë në dispozicion të trajnerit dhe në stërvitje”.

Gjithsesi, vonesa e Alveshit për t’u kthyer nga Brazili, ka të bëjë me problemet tek Flamurtari me rrogat.

Jo vetëm kaq, por besohet se lojtarë të tjerë kanë bërë me dije se do të largohen nëse nuk paguhen.

Idrizi: “Ka vonesa por jo vonesa të këtij lloji, ka vonesa të një apo dy muaji, siç ka edhe klube që japin paradhënie pa derdhur djersë”

Idrizi ka treguar shkakun që, sipas tij, krijon problemet me pagesat.

Idrizi: “Nëse klubi do ishte privat, ne financohemi nga jashtë. Nuk kemi aktivitet ekonomik në Shqipëri. Së shpejti fillojmë aktivitet ekonomik në Shqipëri”.

Përtej pagave, nuk dihet mirë se ku do ta zhvillojë Flamurtari fazën përgatitore të dimrit.

Idrizi: “Sipas kushteve të kohës. Nuk e kuptoj nga një anë flsini për një klub që është i paaftë të organizojë, nga ana tjetër nuk keni respekt për një klub që bën 3 faza përgatitore jashtë. Këtë herë në Kurvelesh ose Ersekë”. /abcnews.al

ABUZIMET-SEKSUALE-NE-AFGANISTAN-ABC-M-4-T-2-HD.mpg_snapshot_01.00-1280x702.jpg
ent ela09:12 | 06/12/2018

FIFA ka nisur një hetim të plotë të një ish-futbollisteje të ekipit kombëtar të futbollit për femra në Afganistan, e cila ka emigruar në Danimarkë. Sipas saj, presidenti i federatës së atij vendi simulonte dhe mbështeste një sistem për joshjen seksuale të femrave futbolliste duke i kërkuar seks në këmbim të aktivizimit të tyre në fushë./abcnews.al

ARMAND-DUKA-KOMBETARJA-DHE-STADIUMI.mpg_snapshot_01.59-1280x720.jpg
ent ela18:00 | 14/11/2018

Fati i trajnerit të kombëtares, Kristian Panuçi, varet nga fitorja ndaj Skocisë në Ligën e Kombeve. Presidenti i Federatës, Duka, deklaron se nëse nuk fitohet, atëherë do të flitet pas ndeshjes.

Një rrugë e tri punë. E tillë mund të vlerësohet vizita e presidentit Armand Duka, në kantierin e ndërtimit të selisë së re të Federatës Shqiptare të Futbollit. Edhe pse numri 1 i futbollit ishte në ish-kompleksin Dinamo për të vëzhguar ecurinë e punimeve, sërish pyetja e parë që iu bë nga gazetarët, ishte për kombëtaren dhe trajnerin Kristian Panuçi.

Armand Duka, president i FSHF-së: “Të arrijmë rëzultat pozitiv, të fitojmë ndeshjen dhe nëse në fund të këtij kompeticioni arrijmë me pikë të barabartame dy kundërshtatrët e tjerë dhe të bëhet diferencë tek golat nuk mund ta konsiderojmë një edicion të dështuar. Është e vështirë që të bëj analizën e trajnerit tani, sidomos në prag të një ndeshjeje, përveçse ti jap kurajo dhe mbështetje trajnerit dhe ekipit për të arritur objektivin dhe për të fituar ndeshjen. Nëse kjo nuk arrihet atëhere do të flasim në post-ndeshje.”

Më pas, Duka foli për punimet në selinë e Federatës.

“Një projekt i financuar 100% nga FIFA. Federata Shiptare e futbollit në një farë mënyre ka bërë menaxhimin dhe bashkimin e donatorëve. Është dhuruar terreni nga qeveria shqiptare dhe FIFA ka financuar projektin.”

Federata është ankuar, gjithsesi, këto kohë nga qeveria, se po i nxjerr probleme financiare me stadiumin, por Duka nuk deshi të komentonte.

“Objektivi i stadiumit është që ne në mars të luajmë. Nuk mund të them 100%, por në mund të punojmë me këtë synim që në mars të luajmë. Gjithësesi varet edhe nga shorti i Dublinit me 2 dhjetor nëse Shqipëria do të luajë në shtëpi apo jo. Por gjithësesi brenda 2019-s stadiumi do të inagurohet. Edhe kjo godinë këtu brenda vitit 2019 do të inagurohet.”

Nuk mund të mungonte pyetja për dështimin e ekipeve kombëtare të moshave, në eleminatoret e Europianit, madje me rezultate të thella.

“Kemi filluar një lloj analize. Kemi bërë një seancë të parë të analizës, apo të dytë të këtyre analizave kombëtare do të ketë ndryshim pothuajse të të gjithë stafeve të ekipeve të moshave.”

Duka bëri edhe më shumë sqarime për shtëpinë e re të futbollit, e cila, sipas tij, do të jetë jo vetëm selia e Federatës, por edhe e të gjithë ekipeve kombëtare.
Në kompleks, do të ketë edhe dy ministadiume me kapacitet prej 500 spektatorësh secili, ku mund të luhen ndeshje në nivel kombëtar.
Besohet se në këto fusha, mund të stërviten edhe ekipe të ndryshme, në kohën kur kombëtaret do të jenë pushim./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono