fier

81316f2c-063e-4b5d-a508-477df99140ac.jpg
R D11:03 | 22/01/2020

Banorët e Povelçës në Fier protestuan sot kundër abuzimit të OSHEE- së me faturat e energjisë pas ndërrimit të matësve të energjisë. Kryetari i degës së PD së Fierit Luan Baçi ishte në mbështetje të protestës së banorëve, duke denoncuar vjedhjen nga kompania e shpërndarjes së energjisë.

“Është një abuzim shumë i rëndë me matësit e energjisë elektrike. Matësit janë hequr nga OSHEE pa paralajmërim, janë montuar sahate të rinj dhe u kanë faturuar afrofe energji elektrike në shuma të konsiderueshme lekësh. Kjo është një vjedhje e hapur. Bëhet për të mbuluar deficitet e tyre”, – u shpreh kreu i degës së PD Fier, Luan Baçi, i cili tha se revoltë për vjedhjet dhe padrejtësitë e shtetit kanë edhe banorët e Hoxharës dhe Darzesës.

“Në Darzezë ka një bojkot nga nxënësit, pasi qeveria u prishi shkollën në mënyrë abuzive, pa dhënë prova se u dëmtua nga tërmeti. Transporti për nxënësit është i pasiguruar”- tha ai.

Ish deputeti Luan Baçi denoncoi si selektiv dhe të padrejtë aksionet e tatimorëve 3 ditët e fundit në Fier.
“Janë lëshuar mbi bizneset e qytetit si hordhi, duke i gjobitur në mënyrë selektive, duke i ndarë qytetarët sipas bindjeve partiake apo pjesëmarrjes në protesta, kanë vënë gjoba marramendëse kundër bizneseve që nuk janë në shkelje të ligjit”- u shpreh Baçi. Ai garantoi banorët për mbështetjen e panderprerë të PD për çdo protestë që godet padrejtësinë, arrogancën dhe vjedhjen që u bëhet nga qeveria dhe bashkia. /abcnews.al

1545737203_policiaefierit.jpg
So Nila10:56 | 22/01/2020

Policia e Fierit ka vënë në pranga tre persona, të cilët akuzohen për vepra të ndryshme penale.

Informacionet bëjnë me dije se një nga të ndaluarit është 69 vjeçari T. Xhi cili ishte shpallur në kërkim për falsifikim të dokumentave.

Gjithahstu në prangat e uniformave blu të policisë së Fierit kanë rënë edhe dy shtetas të tjeë njëri për lëndë narkotike dhe një tjetër pasi drejtonte automjetin në gjendje të dehur.

Njoftimi i policisë:

Vijojnë kontrollet e policisë në të gjitha akset rrugore të Qarkut Fier.

Nga kontrollet e ushtruara bije në pranga një shtetas i shpallur në kërkim për falsifikim të dokumentave, arrestohet 1 shtetas pasi dispononte lëndë narkotike në automjet dhe arrestohet 1 tjetër pasi drejtonte automjetin në gjendje të dehur.

Specialistët për Hetimin e Krimit Ekonomik e Financiar në DVP Fier, ndaluan shtetasin e shpallur në kërkim:

  • T. Xh., 69 vjeç, banues në Dërmënas, Fier.

Ndalimi i këtij shtetasi u bë pasi Gjykata e Shkallës së Parë Fer me vendimin e datës 16.10.2017, e ka dënuar me 1 vit burg për veprën penale “Falsifikim i letërnjoftimeve, pasaportave ose vizave”.

Specialistët për Hetimin e Narkotikëve në DVP Fier, arrestuan në flagrancë shtetasin:

  • D. M., 27 vjeç, banues në Elbasan.

Arrestimi i këtij shtetasi u bë pasi në vëndin e quajtur “Rreth rrotullimi i Parkut” Fier, gjatë kontrollit të ushtruar në automjetin e tij tip “Volksëagen”, në pjesën e brendshme të motorrit, u gjet dhe sekuestrua në cilësinë e provës matëriale një sasi lënde narkotike e dyshuar kanabis sativa.

Specialistët e Sektorit të Qarkullimit Rrugor në DVP Fier, arrestuan në flagrancë shtetasin:

  • B. D., 42 vjeç, banues në Lushnje.

Arrestimi i këtij shtetasi u bë pasi në vendin e quajtur “Fiershegan”, është kapur nga shërbimet e policisë duke drejtuar në gjendje të dehur automjetin tip “Ford Fokus”.

Materialet për këta shtetas i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale./abcnews.al

coco.jpg
R D19:27 | 17/01/2020

Policia sekuestroi një sasi të konsiderueshme lëndë narkotike të llojit çokollatë në Tiranë.

Operacioni u zhvillua nga agjentët e antidrogës, të cilët gjetën në një banesë 60 kg drogë, e cila dyshohet se do të transportohej jashtë vendit.

Gazetari i Abc News, Andi Qosja raporton se “operacioni është në vijim edhe në qytete të tjera të vendit, si Durrës, Fier dhe Dibër”.

Deri më tani janë arrestuar 6 persona, ndër ta kreu i grupit, Pajtim Aga, i cili u prangos në Tiranë.  Ai ka qenë i dënuar më heret po për të njëjtën vepër penale.

Arrestimet u kryhen nga Forcat Operacionele Speciale, ndërsa grupi kriminal po mbahej nen vezhgim prej më shumë se 3 muajsh. /abcnews.al

9e37aa6f-3a02-444e-b25d-6f5f0b61c942-1.jpg
R D18:56 | 13/01/2020

Ngjarja e rëndë e Mallakastrës, ku djali i kunatit vetëm 16 vjeç bashkë me dy të tjerë vranë Drita Saliajn në fshatin Gjerbës të Mallakastrës  tronditi opinionin publik. Por dosja  hetimore e prokurorisë, një kopje të së cilës abcnews.al e ka siguruar, tregon se ngjarja është më e tmerrshme se çfarë eshte raportuar deri më tani. Ervis Zotaj 26 vjeç, Luis Saliaj 16 vjeç dhe Sindi Shehaj 16 vjeç kanë kryer krimin, pasi kanë shkuar në banesën e Drita Saliajt për të blerë hashash. Në dëshmitë e mbledhura nga prokuroria, thuhet se pasi janë prishur për pazaret e drogës, 26 vjeçari Zotaj ka përdhuar 51 vjecaren, e më pas të tre bashkë e kanë mbytur me shall dhe e kanë transportuar me makinë në rezervuar.

Prokuroria pranë Gjykatës së Rrethit Gjyqësor Fier

OBJEKTI: Vleftësimin e ligjshëm të ndalimit; Caktim mase sigurimi personal “Arrest në burg”.

TË NDALUAR:

1. Ervis Zotaj, i biri i Syrja dhe i Vjoleta, i datelindjes 06.11.1993, lindur ne Ballsh dhe banues ne fshatin Gjerebes, Njesia Administrative Aranitas, Bashkia Mallakaster, eshte ndaluar pasi dyshohet se ka kryer vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal, mbrojtur nga mbrojtësi i caktuar Av. Elis Nakollari.

2. Sindi Shehaj, i biri i Tetem dhe i Etleva, i datelindjes 13.07.2003, lindur ne Fier dhe banues ne fshatin Çerrile, Njesia Administrative Fratar, Bashkia Mallakaster, eshte ndaluar pasi dyshohet se ka kryer vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal mbrojtur nga mbrojtësi i caktuar Av. Genti Hema dhe asisituar nga psikologe Sonila Banushi.

3. Luis Saliaj, i biri i Ardian dhe i Mimoza, i datelindjes 14.07.2003, lindur ne Ballsh dhe banues ne fshatin Gjerebes, Njesia Administrative Aranitas, Bashkia Mallakaster, eshte ndaluar pasi dyshohet se ka kryer vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal, mbrojtur nga mbrojtësi i caktuar Av. Besnik Gega dhe asisituar nga psikologe Sonila Banushi .

BAZA LIGJORE: Nenet 258, 244 dhe 238 të Kodit tëProcedurës Penale dhe neni 86 i K.Drejësisë Penale për të Mitur.

Në përfundim të hetimit gjyqësor Gjykata, pasi administroi provat shkresore;
dëgjoi prokurorin, i cili kërkoi :

a) Vleftësimin si të ligjshëm të ndalimit të shtetasve Ervis Zotaj, Sindi Shehaj dhe Luis Saliaj ; b) Caktimin ndaj tyre të masës së sigurimit personal “Arrest në burg”,

I ndaluari Ervis Zotaj: nuk e kam bërë veprën që akuzohem jam dakort me avokatin

Të miturit në konflikt me ligjin Sindi Shehaj e Luis Saliaj dakort me mbrojtësit , dhe si e shqyrtoi kërkesën në tërësi,

V Ë RE N

I. Faktet e çështjes

Mbi bazen e materialit te ardhur nga Drejtoria Vendore e Policise Fier, me shkresen Nr.83 Prot.date 08.01.2020, Prokuroria prane gjykates se shkalles se pare Fier, ka regjistruar procedimin penal Nr.11, date 08.01.2020, ne ngarkim te personave nen hetim Ervis Zotaj, Sindi Shehaj e Luis Saliaj, per vepren penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal.

Ne mbremjen e date 06.01.2020, ne Komisariatin e Policise Mallakaster, eshte paraqitur shtetasja Mimoza Saliaj, bashke me djalin e saj, personin nen hetim Luis Saliaj, banore te fshatit Gjerbes, ku bejne me dije se, nuk gjendet shtetasja Drita Saliaj, banore e te njejtit fshat me ta, e qe banon vetem, pasi bashkeshorti dhe dy femijet e saj, jane jashte shtetit, si emigrante.

Po keshtu, ata dyshojne se autore te zhdukjes se shtetases Drita Saliaj, jane personat nen hetim Ervis Zotaj, banor i fshatit Gjerbes dhe Sindi Shehaj, banor i fshatit Çerrile.

Me marrjen e njoftimit te mesiperm, eshte ngritur grupi hetimor, i cili ka shkuar ne banesen e shtetases Drita Saliaj.

Nga kqyrja e baneses se mesiperme, e shoqeruar me fotografite perkatese, nder te tjera ka rezultuar se, ne te gjitha dhomat ka patur rremuje, sende te permbysura e rroba te hedhura ne toke ne menyre te çrregullt, ne lavaman jane gjetur dy filxhane kafeje, nje gote uji mbi tavoline, nje aparat telefoni celular ne gjendje te fikur, nje karte sim e kompanise Vodafone, mbi divan nje çante e vogel grash, mterial lekure, me ngjyre kafe.

Ne dyshemene e pjeses se jashtme te verandes, ne afersi te deres eshte konstatuar nje njolle me ngjyre te kuqe, si ajo e gjakut (mostra e te ciles eshte marre me tampon steril).

Veç sa siper, eshte bere edhe kqyrja e baneses se personit nen hetim Luis Saliaj, e cila ndodhet ne nje distance prej 30 m, nga banesa e shtetases Drita Saliaj.

Nga kqyrja e kesaj banese, nder te tjera, mbi tavolinen e ngrenies, jane gjetur kater pjata me te cilat eshte konsumuar ushqim, nje gote uji dhe nje gjurme papilare, te cilat jane marre me cilesine e proves materiale per ekzaminime te metejshme.

Mbi bazen e te dhenave te siguruara, rreth ores 16:00, ne rezervuarin Lumare 1, nga ana e polumbareve, eshte bere e mundur gjetja dhe nxjerrja e trupit te pajete, te shtetases Drita Saliaj.

Nga kqyrja, nder te tjera, ka rezultuar se, kishte veshur nje bluze me ngjyre te kuqe, ne pjesen e belit kishte nje pulover me ngjyre bojeqielli, si dhe ne pjesen e poshtme ka qene e zhveshur.Pantallonat dhe mbathjet kane qene te ulura deri tek kercinjte e kembeve.

Duart i ka patur te lidhura nga mbrapa me ane te nje shalli najloni me ngjyre qumeshti, ndersa kembet i ka patur te lidhura me ane te nje litari me ngjyre bojeqielli.Ne qafe ka patur te lidhur nje peshqir shumengjyresh.

Me pas trupi i shtetases Drita Saliaj, eshte transportuar per ne morgun e Spitalit Rajonal Fier. Nga kqyrja e kufomes, e pasqyruar me procesverbalin e dates 07.01.2020, nder te tjera, ka rezultuar se, rreth qafes eshte verejtur nje shirit ekimotik me ngjyre te kuqe, i drejte, rreth gjithe qafes, me gjeresi 4 cm, ne te dy gjunjet jane verejtur ekimoza me ngjyre te kuqe dhe nje tjeter me ngjyre mavi.

Rreth kofsheve jane verejtur ekimoza te shumta, te vogla, me permasa 1×1 cm, me ngjyre te kuqe.Ne te dy kercinjte jane verejtur shirita ekimotike rrethore, me gjartesi 0.5 dhe thellesi 1 cm.

Nga kqyrja e automjetit tip Benz, me targe AA 632 NA, ne pronesi te shtetasit Vladimir Gjika (perdorur nga personi nen hetim Sindi Shehaj), ka rezultuar se, jane gjetur e fiksuar 3 gjurme papilare, nje fije tekstili me ngjyre si te kuqe, nje gjerdan me 11 fisheke arme gjahu, si dhe dy aparate telefonike te markes Nokia.

Nga kqyrja e automjetit tip Benz, me targe AA 899 OY, ne pronesi te personit nen hetim Ervis Zotaj, ka rezultuar se, jane gjetur e fiksuar 8 gjurme papilare, si dhe nje fije floku.

Gjate kqyrjes se banese se personit nen hetim Sindi Shehaj, rezulton te jete gjetur nje arme gjahu, me nr.trupi C81742.

Me procesverbalin e dates 07.01.2020, eshte pasqyruar sekuestrimimi me cilesine e proves materiale te nje arme gjahu teke, me numer trupi C81742, e gjetur ne banesen e personit nen hetim Sindi Shehaj.

Nga shpjegimet e shtetases Mimoza Saliaj, rezulton se, eshte banore e fshatit Gjerbes Mallakaster.Eshte e martuar me shtetasin Ardian Saliaj, i cili eshte i arrestuar per vepren penale te kultivimit te bimeve narkotike.Ne daten 02.01.2020, bashke me femijet e saj Luisn (16 vjeç) dhe Orestin (13 vjeç), ka shkuar tek prinderit, ne fshatin Rroms Mallakaster.

Sqaron se, ne daten 03.01.2020, Luisi ka dale nga shtepia per te shkuar ne Fier.Ka patur komunikime te vazhdueshme me te dhe nga pergjigjet e dhena prej tij ka menduar se e genjente per vendndodhjen e tij. Ne daten 05.01.2020, ka komunikuar perseri me Luisin, e ai i ka thene se ndodhej ne Gjerbes.

Ne daten 06.01.2020, ka shkuar ne paraburgimin e Beratit, per te takuar bashkeshortin dhe rreth ores 17:00-17:30, eshte kthyer perseri ne fshatin Rroms. Rreth ores 20:00, aty ka shkuar edhe Luisi, i shoqeruar nga Gezim Ismaili (nipi i bashkeshortit te saj).

Ne bisede me Gezimin ka mesuar se Luisi kishte dijeni per rrethanat e zhdukjes se shtetases Drita Saliaj.Pas kesaj bisede e ka pare Luisin te shqetesuar dhe e pyet nese ishte e vertete ajo qe kishte mesuar nga Gezimi. Kjo bisede ate e ka shqetesuar shume e nderkohe ka filluar te dridhej e tensionohej shume.

Pas kesaj, ka patur interesim edhe nga te afermit e tyre, e ne keto rrethana eshte paraqitur ne Komisariatin e Policise Mallakaster. Di qe djali i saj Luisi, ka patur njohje me personin nen hetim Ervis Zotaj.

Po keshtu edhe me personin nen hetim Sindi Shehaj, djali saj, Luisi, kane njohje qysh ne shkollen 9-vjeçare, e se shoqeroheshin shpesh.Thkeson se me Drita Saliaj, e famijen e saj, nuk kane patur asnje lloj konflikti te meparshem.

Nga shpjegimet e shtetasit Rakip Saliaj, rezulton se, eshte banor ne lagjen “Kastriot”, Fier.Sqaron se Luisi, eshte djali i vellait te tij, Ardianit, i cili aktualisht ndodhet i arrestuar ne Berat, per kultivim te bimeve narkotike.

Ne daten 06.01.2020, bashke me vellain e tij Ilirin, kane shkuar ne fshatin Rroms, pas telefonates se bere nga shtetasja Mimoza Saliaj.Ne bisede me kete te fundit kane mesuar nga Mimoza, gjithçka dinte dhe ne keto rrethana kane shkuar ne Komisariatin e Policise Mallakaster.

Nga shpjegimet e personit nen hetim Ervis Zotaj, rezulton se, eshte banor i fshatit Gjerbes, Mallakaster.E ka njohur shtetasen Drita Saliaj, por thekson se nuk ka dijeni per rrethanat e vrasjes se saj.Ka ne pronesi mjetin me targe AA 889 OY.

Sqaron se ne daten 04.01.2020, rreth ores 07:30, nga Geherbesi, bashke me babain e vet, shtetasin Syrja Zotaj, kane shkuar ne Ballsh, tek motra e vet, Marsela Lalaj, e jane kthyer perseri ne Gjerbes, te nesermen, date 05.01.2020, rreth ores 13:00.

Ne daten 06.01.2020, me makinen e tij ka shkuar perseri ne Ballsh, e eshte kthyer perseri rreth ores 15:30, e nuk ka dale nga banesa deri ne momentin qe aty ka shkuar policia.

E njeh personin nen hetim Sindi Shehaj, e ka shok e se per here te fundit e ka takuar ne daten 28.12.2019, ne Ballsh. E njeh personin nen hetim Luis Saliaj, por nuk ka shoqeri me te. Per here te fundit e ka takuar ate ne daten 29.12.2019, rreth ores 14:30, tek banesa e tij, kur ai ka shkuar ta takoje.

Pretendon se nuk i ka te regjistruar numrat e telefonave te Sindi Shehaj e Luis Saliaj.

Nga shpjegimet e personit nen hetim Sindi Shehaj, i datelindjes 13.07.2003, i pyetur ne prani te psikologes Sonila Banushi, rezulton se, eshte banor i fshatit Çerrile, Mallakster.Sqaron se, i njeh personat nen hetim Ervis Zotaj e Luis Saliaj, e se ata i ka shoke.

Ne daten 04.01.2020, rreth ores 22:30, e ka telefonuar Luis Saliaj, e i ka thene qe te shkonte ne Gjerbes ta takonte pasi ashtu e kishte punen.Ne keto rrethana eshte nisur me makinen e tij e ka shkuar tek Luisi, ku jane takuar ne afersi te baneses se ketij te fundit.

Ne bisede e siper i ka thene te linte aty makinen e tij e te merrte ate te Ervis Zotaj, pasi do te shkonin te merrnin hashash tek shtepia e Drita Saliaj.Pas kesaj kane shkuar tek banesa e kesaj te fundit, ku sipas tij, Luisi i ka thene qe te mos hynte brenda pasi kishte pak pune.

Ka pritur jashte nderkohe qe Ervin Zotaj e Luis Saliaj, kane qene brenda duke pire kafe me shtetasen Drita Saliaj. Pas rreth 20 minutash e ka thirrur Luisi, e eshte futur brenda, ku Drita i ka dhene nje gote raki.

Gjate kohes qe po pinte goten e rakise Luisi, eshte ngritur me pretendimin se do shkonte ne tualet por ne te vertete eshte futur ne dhomen tjeter, e ka dale prej andej me nje pako hashash.

Kete te fundit e ka lene tek pragu i deres e eshte futur perseri ne kuzhine. Pas kesaj Luisi ka kerkuar qe hashain ta blinte me 50 Euro, ndersa Drita thoshte me 200 Euro. Nderkohe Luisi i ka thene qe te dilte jashte e ta priste tek makina.

Kur ka dale jashte ka degjuar te bertiturat e Drites. Eshte afruar tek dritarja dhe ka pare qe Ervisi i ka hequr me dhune pantallonat Drites e pas kesaj ka kryer marrdhenie seksuale me te.

Nderkohe qe Ervisi kryente marrdhenie seksuale, Luisi ka dale jashte ku ka gjetur dy litare me te cilet e kane lidhur Driten. Pas kesaj Ervisi dhe Luisi i kane futur ne goje nje shall dhe e kane nxjerre jashte duke e mbajtur ne krahe dhe e kane çuar tek makina e Ervisit.

Makinen e ka drejtuar ai, e Ervisi ka qendruar me Driten ne sediljen e paseme, ndersa Luisi ne sedijen e pare te pasagjerit.Pasi jane nisur Luisi i ka thene te ecte shpejte ne drejtim te rezervuarit.

Rreth ores 03:00, te dates 05.01.2020, kane mbritur tek rezervuari, ku Luisi dhe Ervisi e kane zbritur nga makina dhe e kane hedhur menjehere ne uje.Pas kesaj jane kthyer ne Gjerbes ku ka marre makinen e tij dhe eshte larguar per ne banesen e vet, ndersa Ervisi e Luisi kane shkuar perseri tek banesa e Drita Saliaj.

Ne monentin e ndarjes ata e kane porositur qe te mos tregonte per gjithça ndodhi.Ne banese ka mbritur rreth ores 04:30, date 05.01.2020, e ate dite nuk ka dale nga shtepia.

Ne daten 06.01.2020, ka çuar vellezerit ne shkolle e eshte kthyer perseri ne banese, rreth ores 12:30.Ne date 07.01.2020, rreth ores 02:00, tek banesa e tij ka shkuar policia, e cila e ka shoqeruar per ne Komisariat.

Nga shpjegimet e personit nen hetim Luis Saliaj, i datelindjes 14.07.2003, i pyetur ne prani te psikologes Sonila Banushi, rezulton se, eshte banor i fshatit Gjerbes Mallakaster.Sqaron se eshte kthyer nga Greqia, ne date 23.12.2019.Ne daten 26.12.2019, eshte takuar me personin nen hetim Sindi Shehaj, ne Ballsh, te cilin e ka shok, e se jane njohur qysh ne shkolle.

Po keshtu, ka shok edhe Ervis Zotaj, bashkefshatarin e vet.Ne daten 04.01.2020, eshte takuar me Ervis Zotaj, ne Ballsh.Me pas, rreth ores 20:30, e ka marre ne telefon Sindi dhe i ka thene se ishte me Ervisin, tek varrezat ne Gjerbes, e njekohesisht kane qene te gatshem te shkonin ta merrnin.

Fillimisht nuk ka pranuar por me pas ka ndryshuar mendje dhe ata kane shkuar dhe e kane marre.

Ne bisede e siper i kane thene se do te shkonin te merrnin hashash tek shtepia e Drita Saliaj.Sqaron se kjo e fundit ka qe nusja e xhaxhait te tij, shtetasit Hair Saliaj.

Rreth ores 00:30, te dates 05.01.2020, jane afruar tek shtepia e Drites, ku vete ka qendruar rreth 20 m larg. Pas kesaj Ervisi e Sindi pasi kane hyre ne oborr, kane trokitur tek dera, duke thene se ishte “Visi”.

Pas kesaj Drita ka hapur deren e ata jane futur brenda, ku kane qendruar rreth 30 minuta. Me pas kane pare qe Ervisi e Sindi e kane nxjerre Driten te lidhur me duart mbrapa, po keshtu edhe kembet te lidhura dhe e kane futur ne makinen e Sindit.

Sindi ka drejtuar makinen ndersa Ervisi ne vendin e pare te pasagjerit dhe jane larguar ne drejtim te rezervuarit.Pas kesaj eshte larguar vetem ne drejtim te Povles, e se pas nje ore eshte takuar me Ervisin e Sindin te cilet e kane gjetur rruges dhe e kane çuar tek “24 Oreshi”, Poçem.

Pas kesaj Ervisi e Sindi jane larguar ne drejtim rruges se Hekalit.Ka qendruar ne kafe, e rreth ores 05:30, aty ka shkuar Sindi, i cili e ka çuar ne Rroms, tek shtepia e gjyshit te tij.Ne mbremjet e dates 06.01.2020, i ka treguar nenes se tij, Mimoza, ate qe kishte ndodhur me Driten, e pas kesaj kane shkuar ne Komisariat.

Sa siper, policia gjyqesore ka aplikuar ndalimin ndaj personave nen hetim Ervis Zotaj, Sindi Shehaj e Luis Saliaj, te pasqyruar me procesverbalet perkates te dates 07.01.2020, ora 19:00, te cilet me rezultojne te ligjshem dhe si te tille duhet te vleresohen edhe nga Gjykata, pasi plotesohen kushtet ligjore per kryerjen e tyre.

Duke patur parasysh gjithçka eshte administruar ne dosje, rezulton se te ndaluarit Ervis Zotaj, Sindi Shehaj e Luis Saliaj, dyshohen te kene konsumuar elementet e vepres penale te “Vrasja me paramendim”, e kryer ne bashkepunim, te parashikuar nga neni 78/2 e 25 i Kodit Penal

Gjykata, bazuar në nenet 258, 252, 259, 245, 234 dhe 244/3 të Kodit të Procedurës Penale si dhe neni 81 e vijues i Kodit të Drejtësisë Penale për të Mitur,
VENDOS:

1.Vleftësimin si të ligjshëm të ndalimit të shtetasve Ervis Zotaj, Sindi Shehaj e Luis Saliaj, të dyshuar për kryerjen e veprave penale “Vrasja
me paramendim”, e kryer ne bashkepunim, te parashikuar nga neni 78/2 e 25 i Kodit Penal.

2.Caktimin e masës së sigurimit personal me karakter shtrëngues “Arrest me burg”, të parashikuar nga neni 238 i K.Pr.Penale, ndaj të arrestuarit Ervis Zotaj.

3. Caktimin e masës së sigurimit personal me karakter shtrëngues “Arrest me burg”, të parashikuar nga neni 238 i K.Pr.Penale dhe 86 i KDPM, ndaj të miturit në konflikt me ligjin Sindi Shehaj.

4. Caktimin e masës së sigurimit personal me karakter shtrëngues “Arrest me burg”, të parashikuar nga neni 238 i K.Pr.Penale dhe 86 i KDPM, ndaj të miturit në konflikt me ligjin Luis Saliaj.

5. Urdhërohet Policia Gjyqësore pranë Prokurorisë së Rrethit Gjyqësor Fier të zbatojë vendimin e gjykatës.

6. Kundër këtij vendimi lejohet të bëhet ankim në Gjykatën e Apelit Vlorë, brenda 5 ditëve nga e nesërmja e shpalljes së këtij vendimi.

/abcnews.al

*Foto nga vendi i krimit

gjelat-e-detit.jpg
nev ila16:49 | 27/12/2019

Gjeli i detit gjatë mbrëmjes së ndërrimit të viteve është ndër ushqimet që po kthehet në traditë. Në Cakran të Fierit është mbajtur një panair ku konsumatorët  mund të zgjedhin sipas fermerëve gjela me mish bio. Ata sqarojnë dhe mënyrën se si i ushqejnë.

Tryezat e darkës së ndërrimit të viteve për shumë familje duken të pakuptimta pa një gjel deti. Kush nuk e ka siguruar një të tillë mund të shkojë në Cakran të Fierit pasi këto ditë po mbahet një panair i posaçëm.

Ky fermer tregon se mënyra e ushqyerjes është shumë e rëndësishme që mishi i një gjeli të quhet bio.

Të gjithë fermerët e zonës çdo fundvit mbajnë një panair për të promovuar rritjen dhe kultivimin  e gjelit sipas traditës së vjetër.

Në Qarkun e Fier rritja e gjelit favorizohet dhe nga klima e përshtatshme si në zonën fushore dhe në atë kodrinore./abcnews.al

kadastra.png
R D10:00 | 23/12/2019

Flakët e zjarrit kanë përfshirë kabinën elektrike të godinës së zyrës së Kadastrës në Fier. Shkak i zjarrit mendohet të ketë qënë një defekt në kabinë.

Zjarri nisi në orët e para të mëngjesit duke lënë pa energji elektrike të gjithë zonën përreth. Zjarrëfikësit kanë shkuar menjeherë në vendngjarje duke shuar flakët dhe shmangur rrezikun e përhapjes së tyre në të gjithë godinën.

Burime nga zyra e Kadastrës konfirmuan se përveç dëmëve në kabinë nuk ka asnjë dëmtim në pjesën tjetër të godinës. /abcnews.al

 

 

/abcnews.al

martin-skendaj-fier.jpg
nev ila21:21 | 21/12/2019

Martin Skëndaj, i akuzuar për vrasjen e të dashurit të motrës dhe kushëririt të tij do të qëndrojë në burg pa afat.

Gjykata e Fierit dha masën e sigurisë për të dhe deklarata e mbrojtjes së avokatit të tij nuk ndikoi aspak në vendim. Mësohet se Skëndaj ka shfaqur shenja pendimi dhe nuk ka folur asnjë fjalë.

Gjykata e Fierit ka dhënë masën e sigurisë me burg pa afat për Martin Skëndaj që të enjtë vrau dy të rinj në Patos.

Kujtojmë se një prej viktimave kishte lidhje dashurie me motrën e tij. Në seancë mësohet se ai ka heshtur.

Avokati i tij ka sqaruar rrethanat e ngjarjes që e solli 23 vjeçarin përpara togave të zeza. Sipas tij Skëndaj nuk kishte qëllim ti vriste viktimat por e ka kryer krimin në kushtet e tronditjes së thellë psikike dhe sherreve të herë pas herëshme mes dy fiseve.

Po gjykata nuk mori në konsiderat asnjë provë lehtësuese dhe e la Skëndajn në burg.

Konflikti mes familjeve Skëndaj dhe Rapaj ka disa muaj që ka ndodhur. Asnjë nga familjet nuk ishte dakord me lidhjen mes Almës dhe Manolit.

Vetë Skëndaj dhe i ati i tij ishin konfliktuar fizikisht me viktimën dhe të afërmit e familjes Rapaj ku mësohet se janë gjuajtur edhe me mjete të forta tre ditë para vrasjes.

Autori i krimit shkoi ditën e enjte në poliklinikën e Patosit për të marrë një raport mjekësor pasi ishte dhunuar dhe aty mbërritën edhe Elis Kapaj dhe Manol Rapaj.

Situata doli jashtë kontrollit dhe Skëndaj nxorri armën e shërbimit dhe qëlloi për vdekje dy të rinjtë./abcnews.al

policia-arreston.jpg
ger ta11:32 | 21/12/2019

Policia e Fierit ka arrestuar një 24 vjeçar të shpallur në kërkim për vjedhje. Sipas policisë në pranga ka rënë E. P., 24 vjeç, banues në Sheqishte, Patos, i cili është dënuar me 5 vite burg.

Po ashtu uniformat blu njoftojnë se është arrestuar edhe një 21-vjeçar pasi ishte shpallur në kërkim për veprën penale “Shkatërrimi i pronës me zjarr”.

Njoftimi i plotë i policisë:

Policia e Fierit kap dhe ndalon 1 shtetas të shpallur në kërkim për vjedhje, dhe 1 tjetër për shkatërrim të pronës me zjarr.

Specialistët për Hetimin e Krimeve në Komisariatin e Policisë Fier, ndaluan shtetasit e shpallur në kërkim:

  • E. P., 24 vjeç, banues në Sheqishte, Patos.

Ndalimi i këtij shtetasi u bë pasi Gjykata e Shkalës së Parë Fier  me vendimin e datës 21.03.2019, e ka dënuar me 5 vjet burg për veprën penale “Vjedhje”.

  • D. S., 21 vjeç, banues në Radostinë, Fier.

Ndalimi i këtij shtetasi u bë pasi ishte shpallur në kërkim për veprën penale “Shkatërrimi i pronës me zjarr”.

Materialet i kaluan Prokurorisë pranë Gjykatës së Shkallës së Parë Fier për veprime të mëtejshme proceduriale./abcnews.al

 

shkoder-policia.jpg
nev ila09:39 | 20/12/2019

Tre persona janë arrëstuar në Fier. Policia njofton se 3 personat janë me rrezikshmëri të lartë shoqërore, dhe se në momentin e arrestimit kanë qenë të armatosur, me armë zjarri të llojit pistoletë, dhe armë të ftohta.

Mjeti që lëviznin ishte një automjet i blinduar tip “Audi A8” ku poshtë sediljes së pasagjerit kishin vendosur armët.

Ndërkohë policia ka bërë arrestimin e tyre nën akuzën e “armëmbajtjes pa leje”  dhe “mbajtja e armëve të ftohta”.

Policia ka njoftuar se: 

“Operacion për kapjen e personave me rrezikshmëri të lartë shoqërore.

Finalizohet operacioni policor i koduar “Çlirimi”.

Vihen në pranga 3 persona me precedent penal në fushën e krimeve kundër personit, pronës dhe armëmbajtjes pa leje.

Sekuestrohen 2 armë zjarri, municion luftarak, 2 armë të ftohta dhe 1 makinë e blinduar.

Në zbatim të planit të masave për kontrollin e territorit, kapjen e personave që qarkullojnë me armë zjarri dhe në vijim të punës për parandalimin dhe goditjen e paligjshmërisë, si edhe nga informacionet e mara në rrugë operative, Policia bëri të mundur arrestimin në flagrancë të shtetasve:

  • Sh. K., 33 vjeç, banues në Fier, i dënuar më parë për armëmbajtje pa leje;
  • A. B., 35 vjeç, banues në Fier;
  • R. L., 20 vjeç, banues në Fier;

Gjatë kontrollit të ushtruar nga strukturat e DVP Fier, në fshatin Çlirim, Fier, në mjetin e blinduar Audi A8, i cili drejtohej nga shtetasi R. L., poshtë sediljes së parë të pasagjerit, ku ishte ulur shtetasi Sh. K., u gjetën dhe sekuestruan 2 armë zjarri tip pistoletë dhe 2 krehëra me 24 fishekë.

Gjatë kontrollit personal, shtetasit R. L. iu gjet dhe sekuestrua një mjet prerës (thikë), që e kishte në çantën e dorës.

Gjithashtu, gjatë kontrollit personal të ushtruar ndaj shtetasit A. B., u gjet dhe u sekuestrua një mjet prerës (thikë).

U sekuestruan në cilësinë e provës materiale 2 pistoleta, 2 krehëra me 24 fishekë, 2 mjetet prerëse dhe automjeti i blinduar Audi A8.

Materialet i kaluan Prokurorisë pranë Gjykatës së Shkallës Parë Fier, për veprat penale “Armëmbajtje pa leje” dhe “Mbajtja pa leje e armëve të ftohta“”./abcnews.al

patos.jpg
Autor E15:43 | 19/12/2019

Konflikti me armë që solli dy të vdekur sot në Poliklinikën e Patosit ishte episodi i fundit i përplasjes që ndodhte prej disa muajsh mes viktimave dhe autorit të krimit.

Martin Skëndajn qëlloi me armë duke vrarë në vend Elis Kapajn ndërkohë që mbeti i plagosur Manol Rrapajnj, i cili ndërroi jetë në spital.

Me të mësuar për krimin, policia arrestoi aty për aty Martin Skëndajn duke i sekuestruar edhe armën e krimit.

Autori dhe viktimat konfliktoheshin prej disa muajsh pasi njëri nga viktimat kishte lidhje me motrën e autorit, gjë që Skëndaj e kundërshtonte. Ai kishte shkuar vazhdimisht për këtë çështje në polici, por nuk kishte gjetur zgjidhje.

Abcnews.al mëson se Kapaj dhe Rrapaj ishin konfliktuar me Martin Skëndajn tre ditë më parë duke u rrahur meleva. Ky i fundit kishte shkuar sot në Poliklinikë për të marrë raport pasi nuk ndihej mirë fizikisht.

Kur ka shkuar atje, ai është ndjekur nga dy të rinjtë duke bërë që konflikti të riniste.

Gjatë sherrit, Skëndaj ka nxjerrë armën e shërbimit pasi punonte si gardian burgu duke qëlluar ndaj dy të rinjve, njëri prej të cilëve mbeti u vdekur në vend, kurse tjetri u plagos dhe ndërroi jetë në spital.

Banorët e zonës shprehen se të dyja familjet ishin të rregullta dhe nuk njiheshin për konflikte në zonë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono