fier

kronike.jpg
G. P.13:27 | 10/07/2018

Roja e ndërtesës së OSHEE në Fier është rrahur keq nga një person që ende nuk është kapur. Sipas informacioneve zyrtare, agresori ka dashur të hyjë brenda për të takuar drejtorin e OSHEE në këtë qytet për një problem me energjinë elektrike, por është kundërshtuar nga roja.

Në këtë moment, autori ka sulmuar rojen dhe e ka gjakosur. Sipas policisë nuk dihet ende kush është ky person, por po merren të dhënat për identifikimin dhe kapjen e tij.

Vetem dy orë para këtij incidenti, banorët e fshatit Ndërmenas kanë kërkuar ndihmë te gazetarët lokalë për problemet me rrjetin energjitik që ata kanë prej vitesh./abcnews.al

damian-gjiknuri.jpg
G. P.11:41 | 07/07/2018

Të dielën hapet segmenti i parë i unazës së Fierit , e cila i është nënshtruar rehabilitimit. Ministri i Infrastrukturës dhe Energjisë, Damian Gjiknuri e bëri të ditur gjatë inspektimit të punimeve.

Ministri i Infrastrukturës dhe Energjisë, Damian Gjiknuri, inspektuoi punimet që po kryhen për rehabilitimin e dy segmeneve të Unazës së Fierit, të konsideruara si problematike për qarkullimin e mjeteve.

Në segmentin nga rrethrrotullimi i Patosit deri në zonën pranë ish-QTU Fier, pas punimeve të nënshtresave dhe riparimit të sistemeve të kanalizimeve, është në fazën përfundimtare edhe ndërhyrja për shtrimin e asfaltit.

Ministri Gjiknuri tha se ky segment do të jetë i hapur për qarkullimin e mjeteve brenda ditës së dielë të kësaj jave. Ndërkaq, po vazhdon puna rehabilituese në segmentin tjetër të Unazës së Fierit, nga rrethrrotullimi i Sheqit deri tek ai i Patosit.

Parashikohet që brenda një jave edhe ky segment i dytë i Unazës së Fierit të ketë përfunduar dhe të jetë i hapur për qarkullimin e mjeteve. Ndërhyrja rehabilituese në Unazën e Fierit po kryhet në kuadër të projektit të përbashkët me Bankën Botërore për mirëmbajtjen me performancë të akseve rrugore./abcnews.al

KAMIONI-NE-FLAKE-1280x720.jpg
ent ela13:22 | 06/07/2018

Një kamion i ngarkuar me pije freskuese u shkrumbua, ndërsa po lëvizte në rrugën Fier – Levan, në vendin e quajtur Qafa e Koshovicës. Drejtuesi i tij shpëtoi vetëm me plagë të lehta. Nuk dihen saktësisht rrethanat, por sipas versionit paraprak të policisë mjeti pësoi një defekt, sikurse ka ndikuar edhe temperatura e lartë.  Në vendin e ngjarjes shkoi policia dhe zjarrfikëset, të cilat bënë që zjarri të izolohej dhe të mos dëmtonte mjetet e tjera që ishin pranë kamionit. Nga kjo ngjarje u rëndua trafiku. Nga Fieri deri në vendin e ngjarjes mjetet nuk mundën të lëviznin dhe qendruan të bllokuara për afro një orë. /abcnews.al

AKSIDENTI-FIER-1280x720.jpg
ent ela13:04 | 05/07/2018

Një i moshuar mbeti i plagosur rëndë pasi u përplas nga një makine në lagjen “8 shkurti” në Fier. Mësohet se një mjet tip Volksvagen ka goditur të moshuarin dhe është largua nga vendngjarja, por  drejtuesi i saj u ndalua nga policia në dalje të qytetit. I plagosuri po merr mjekim në spital dhe është në gjendje kritike për jetën.

Po në të njëjtin vend një natë më parë u regjistrua një tjetër aksident. Një grua u plagos nga një automjet tip Benz me drejtues Ervin Sherifaj. E aksidentuara, 42 vjeçarja, është jashtë rrezikut për jetën. Ndërkohë shkaktari i aksidentit është vënë në pranga. /abcnews.al

Policia-e-Fierit-640x359.jpg
ent ela09:02 | 05/07/2018

Një 52 vjeçar ka rënë në prangat e policisë së Fierit pasi plagosi me thikë një person. Policia njofton se Xhevat Bregu nga Mbrostari i Fierit ka goditur me thikë 63 vjeçarin me iniciale P.Gj, banues në Daullas të Fierit dhe më pas është larguar nga vendngjarja. Sipas policisë konflikti mes tyre ndodhi për motive të dobëta në lagjen “8 Shkurti” në Fier. I plagosuri ndodhet në Spitalin Rajonal Fier nën kujdesin e mjekëve, ndërsa Policia arrestoi gjatë mesnatës 52 vjeçarin Bregu.

Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje e mbetur në tentativë” dhe “Prodhimi, mbajtja, blerja apo shitja e armëve të ftohta” parashikuar nga Nenet 78, 22 dhe 279 të Kodit Penal. /abcnews.al

RRUGA-IZOLON-BANORET-1280x720.jpg
ent ela15:15 | 02/07/2018

Në Fier po investohet shumë në qender dhe në fasadat e pallateve, kurse në rrugët dytësore dhe lagjet e brendshme situata është shumë e rëndë. Rrugët sidomos kur bie shi bëhen të pakalueshme.

I paralizuar deri këtu mund të dalë. Ai qendron i ngujuar në shtëpi sepse karroca me të cilën lëviz nuk mund t’i përshkojë gropat.

“Edhe këto rrugë qëkur kemi ardhur deri mësot  nuk kanë parë asnjë investim.

“Burri tërë dimrin, erdhi mesi i beharit nuk ka dalë një ditë nga dera”.

Banorët e lagjes “16 Prilli” në Fier prej shumë vitesh jetojnë në kushte të tilla. Rruga e tyre kur ka shi mbushet me ujë. Ata veshin çizmet.

Fëmijët e kësaj lagjeje nuk janë si fëmijët e qendrës së Fierit. Ata ecin duke u mbajtur tek avllitë e shtëpive për të mos përfunduar në baltë e gropa.

“Nuk kaloj dot sepse ka rënë shumë shi”.

Banorët thonë se kanë kërkuar ndihmë në shumë raste. Aktualisht rruga është bërë e pakalueshme edhe nga makinat.

“Nuk kalon dot është shumë keq vetëm me çizme, ose të kesh një avion q ëtë kalosh, nuk dalim dot të hedhim plehrat”.

Këto kohë Fieri po njeh zhvillime të mëdha në infrastrukturën rrugore dhe fasadat e pallateve. Por lagjet dhe rrugët dytësorë vazhdojnë tre lihen në harresë. Prioritet i jepet vetëm qendrës dhe rrugëve kryesore. /abcnews.al

aksident.jpg
G. P.09:00 | 28/06/2018

Një aksident automobilistik është regjistruar gjatë mesnatës në rrugën Fier-Daullas, ku për pasojë ka mbetur e plagosur një 18-vjeçare.

Sipas informacioneve nga policia, D.M., 18 vjeç, duke drejtuar makinën e tij Volkswagen është përplasur me një makinë tip Benz. Kjo e fundit drejtohej nga 19-vjeçari me iniciale K.B.

Sipas policisë, e reja që mbeti e plagosur nga aksidenti është dërguar në spitalin e Fierit dhe ndodhet nën kujdesin mjekësor.

Ndërsa, grupi hetimor po punon për zbardhjen e plotë të shkaqeve dhe rrethanave që çuan në përplasjen e dy makinave./abcnews.al

plazhiiii.jpg
G. P.15:55 | 27/06/2018

Dy plazhet e Fierit, ai i Darzezës dhe i Semanit po frekuentohen shumë jo vetëm nga pushues vendas por edhe nga Kosova dhe Maqedonia. Në këto plazhe nuk ka patur kujdes shëndetësor, por këtë vit situata ka ndryshuar.

Rëra kurative dhe masivi pyjor po shtojnë çdo ditë e më shumë vizitorët në vijën bregdetare të Fierit. Darzeza dhe Semani ndër plazhet më të bukura në vend, me një virgjëri të pakontestueshme, në këto oaze mungonte shërbimi shërndetësor dhe një sërë shërbimesh të tjera.

Por këtë vit duket se një erë e re po fryn. Drejtoria e Shëndetit Publik në bashkëpunim me pushtetin vendor, kanë marrë masa që ta vendosin këtë shërbim, duke shtuar mundësitë për pushime të këndshme në  brigjet e Adriatikut që lagin myzeqenë. Mjeku Dritan Nela thotë se me këtë organizim, pushuesve u jepet më shuëm siguri.

“Jemi të pajisur me medikamentet dhe pajisjet e nevojshme për urgjencat. Kemi dispozicion edhe ambulancën. Qendra është në dispozicion 24 orë në ditë”.

Po ashtu sipas mjekut, ende pa filluar sezoni, stafi mjekëosr u ka ardhur në ndihmë pushuesve duke bërë të mundur shpëtimin e jetësve në raste emergjence.

Darëzeza dhe Semani mbetën ndër plazhet e preferuara për pushuesit. Vitet e fundit, këtij bregdeti i janë hstuar pushues të shumtë nga Kosova dhe Maqedonia. Ajri i pastër, Jodi i mjaftueshëm, peisazhi i mrekullueshëm, por edhe çmimet e lira i bëjnë këto plazhe shumë atraktive dhe komode për turistët, jo vetëm vendas./abcnews.al

policia-e-fierit.jpg
ent ela09:43 | 23/06/2018

Ura mbi lumin Seman dhe lidh fshatin Belinë me fshatin Kallm është jashtë funksionit, pasi një person teksa ka qenë duke djegur mbeturinat në tokën e tij ka marrë flakë dhe ura. Lidhur me ketë ngjarje policia ka vënë në pranga  Mentor Hatia, 47 vjeç, banues në Kallm, Fier.

“Ndalimi i këtij tij u bë pasi duke djegur mbeturina te toka e tij, ka djegur edhe urën me basarela e cila kalonte mbi lumin Seman dhe lidhte fshatin Belinë me fshatin Kallm”, njofton Policia e Fierit.

Materialet i kaluan Prokurorisë pranë Gjykatës së Shkallës së Parë Fier për veprën penale “Shkatërrimi i pronës me zjarr”. /abcnews.al

FIER-KISHA-E-MREKULLIVE-1280x720.jpg
ent ela13:10 | 20/06/2018

Në Fier është një kishë për të cilën banorët besojnë se bën mrekullira. Ajo është kisha e Shën Premtes në fshatin Povelçe, e cila daton që në shekullin 13-të.

Mund të mos e shihte dritën e diellit për kaq gjatë nëse nuk do të ishte për besimin e banorëve. Eshtë kisha e famshme e Shën e Premtes në Povelçë të Fierit. Shekullore, e bukur dhe mrekullibërëse.

E veçantë për arkitekturën dhe stilin, kisha i ka rezistuar 700 viteve madje edhe  gjyleve të topit gjatë luftës së parë botërore

Bashkëshortët Hoxhaj ndërtuan shtëpinë këtu pas ndarjes së tokave në vitin 1991. Në këmbim të mbarësisë që morën prej saj ata kujdesen dhe mirëmbajnë kishën.

Shteti socialist e ktheu në magazinë por i dha gjithsesi statusin e monumentit të kulturës. Shteti i pas viteve 90 e braktisi në mëshirë të fatit.

Misticizmi dhe magjia e Shën e Premtes megjithë harresën e qeverive, nuk ka lënë indiferentë historianët. Studime të shumta tregojnë se kisha është vetëm një tregues i qytetit të zhdukur spinarica. Vetë kisha është ndërtuar nga tregtarët venecianë

Kaq shumë histori por as një shenjë për t’u treguar turistëve. Apolonia antike është vetëm pak km prej këtu. Sinjalistika turistike do të shërbente edhe për ruajtjen e varreve të ushtarëve të luftës së dytë botërore që ndodhen përreth kishës.

Kisha e Shën e Premtes daton në shekullin e XIII. Ajo është e famshme në të gjithë trevën e Myzeqesë për mrekullitë që i atribuohen. Kisha ishte pjesë e ndalesave të Ismail Qemalit gjatë rrugëtimit të pavarësisë dhe gjithashtu pjesë e vendngjarjeve në romanin e të madhit Jakov Xoxa ” lumi i vdekur”. Qëndresa e strukturës së saj në shekuj  ka bërë që banorët përreth të besojnë se aty ka fuqi hyjnore duke e frekuentuar si vend pelegrinazhi. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono