festival

inva-mula-1280x717.jpg
nev ila15:17 | 05/07/2019

Mik Festival, për vitin e dyte radhazi do të mbahet në qytetin e Korçës nga data 24 –deri në 28 korrik. Ideatorja dhe drejtorja artistike Inva Mula në një intervistë për ABC News rrëfen detajet.

Edicioni i dytë i mik festival, vazhdon në qytetin e Korçës. Siparin e ngre familja e artistëve  Papadhimitri na shpjegon ideatorja e këtij eventi Inva Mula e cila

“Fillon në datën 24 dhe me një koncert kushtuar traditës në muzikë, bijve dhe bijave të Korcës me familjen Papadhimitri, vëllezërit Papadhimitri bashkë me fëmijët e tyre, të gjihë muzikantë e artistë”, tha Mula.

Flamengo e famshme spanjolle merr një vëmendje të veçantë.

“Për muzikën spanjolle kemi marrë instrumentistë të shkëlqyer të cilët janë instrumentistë të repertorit spanjoll”, tha ajo.

Në këtë mbrëmje do të interpretojnë  artistët që performojnë në skenat spanjolle si dhe ata që kanë pjesë të repertorit.

Për të përvijuar me mbrëmjen vjeneze ashtu si një vit më parë.

Kemi natën e 3-të e cila është stili vjenez, me Moxart, me Shtraus etj”, theksoi Mula.

Sopranoja e njohur si miq të saj ka zgjedhur artistët e rinj: Sopranon  Marina Kurti,  Solen Allen, XhoIden Dervishi shoqëruar nga grupi vokal i universitetit të arteve. Arsyeja e kësaj zgjedhje është kjo:

Ja kemi kushtuar të rinjve festival. Rinia është ajo që duhet ta mbështesim, është ajo që na jep gjithe energjinë e mirë. duke qenë se në koncertin e datës 27 do kemi një kompleks vokalesh ng aartistë të rinj të akademisë së arteve, të drejtuar nga Suzana Turku, vetë energjia e tyre, prezenca e tyre është dicka e re, dicka që të jep energji të bukur dhe të bën që ti duhet të jesh në freskinë e tyre dhe ata në lartësinë tënde dhe ky kombinim është shumë i bukur. Repertori do të jetë shumë i larmishëm. Repertorin e kemi ndarë, nuk do të doja të krijoja yje solistë por partneritet, pra secili të ketë vendin e vet në mënyrën e të kënduarit. Kemi një nga instrumentistët e shkëlqyer që shumë pak njihet në Shqipëri, Igli Tuga një klarinetist virtuoz i cili vjen nga Neë York-u”, tha sopranoja e njohur Inva Mula.

Përmbyllja e festivalit do të bëhet me serenatë korçare.

Ky festival mbështetet nga Ministria e Kulturës dhe është pjesë e kalendarit turistik të këtij viti, ku nuk do të mungojnë edhe piknikët në natyrë dhe në objektet e shumta të trashëgimisë kulturore./ABC News Albania 24/7

blendi-klosiii.jpg
G. P.15:41 | 11/06/2019

Mbrëmjen e sotme në Dhërmi rikthehet “Kala Festival”, me fokus promovimin e turizmit. Sipas ministrit Blendi Klosi këtë vit në Shqipëri pritet të vijnë 5 mijë të huaj.

Kala Festival rikthehet në Dhërmi mbrëmjen e të mërkurës. Këtë vit, për herë të parë vjen në dy faza, në datat 12 deri me 19 Qershor dhe 20 deri më 25 Qershor. I dyti festival ndërkombëtar muzikor, pas UNUM që u organizua në veri të Shqipërisë, “Kala Festival” pritet të sjellë në Shqipëri 5 mijë vizitorë të huaj.

“Ajo çfarë ne shohim me shumë interes janë përshtypjet fantastike që kanë pasur pushuesit e një viti më parë dhe kjo ka bërë të mundur që këtë vit ne të kemi 5 mijë të huaj, që kanë prerë tashmë biletat për të qenë dy javë në Dhërmi dhe qindra vizitorë të vendit, duke e çuar në 7 mijë numrin pjesëmarrësve në festivalin e këtij viti”.

Përtej promovimit të Shqipërisë turistike, një tjetër qëllim i festivalit sipas ministrit Klosi është kontributi financiar për komunitetin e zonës.

“Ajo që është më interesante është që me dhjetëra të rinj do të punësohen gjatë këtyre dy javëve, po bëhen planet që vitin që vjen të arrijmë të organizojmë 4 festivale në Dhërmi, gjatë sezonit 2020. Kjo tregon trendin e turizmit shqiptar, i cili po disafishohet në të gjitha aspektet. Shpresojmë shumë që vitin e ardhshëm Shqipëria të shikohet si destinacion për turizmin rinor dhe të muzikës”.

Ministri i Turizmit dhe Mjedisit Blendi Klosi gjithashtu vlerësoi punën e institucioneve lokale./ABC News Albania 24/7

UNUM-Klosi.jpg
nev ila14:59 | 02/06/2019

Festivali “UNUM” ka sjelle një atmosferë elektrizuese në Shëngjin. Të rinj shqiptarë dhe turistë nga e gjithë bota kanë shijuar muzikën elektronike nga DJ të njohur botërorë. Ministri i Turizmit Blendi Klosi i pranishëm në festival tha se ky event do të kthehet në një traditë për të ardhmen.

Shëngjini po përjeton ditë të veçanta. Nisja e sezonit turistik me festivalin e muzikës elektronike e ka kthyer në vëmendjen e të gjithëve.

Tek Rana e hedhun mbërritën të rinj nga Shqipëria dhe e gjithë bota. Arsyeja që i solli këtu ishte festivali UNUM. Turistët nuk e njohin këtë zonë turistike dhe ky rast konsiderohet fantastik për të eksploruar Shëngjinin dhe jo vetëm.

“Është hera e parë për ne të dy që vijmë në Shqipëri. Kishim pak frikë, por gjithçka është fantastike dhe shumë e ngjashme me Italinë”.

“Mikripitja ishte shumë e mirë, një eksperiencë e jashtëzakonshme”.

“Është shumë bukur, mendoj se do kthehem prapë në Shqipëri”.

Numri i vizitorëve u rrit gjatë darkës kur nisi edhe performanca e DJ të njohur me famë boretore. Kjo është tradita që duhet krijuar në të ardhmen tha ministri Klosi, i pranishëm në festival.

“Është një mënyrë e shëkqyer për të krijuar një atmosferë tjetër në shqipëri për të ndryshuar imazhin e Shqipërisë për turistët e huaj dhe për të afruar të rinjtë shqiptar DJ dhe mizikë e cila luhet sot në cdo stage të botës”, tha Klosi.

Organizatorët konfirmojnë që edhe për disa vite ky event do të bëhet në Lezhë.

Shpresoj që të kemi bërë diçka pozitive të gjithë së bashku”, tha Mousa Ceesay drejtor ekzekutiv i UNUM festival.

Atmosferë elektrizuese do të shijojnë gjithëe pushuesit edhe ditën e hënë./ABC News Albania 24/7

teatri-i-kukullave.jpg
G. P.20:08 | 04/05/2019

Shfaqja “Tre derrkucët”  ngre siparin e festivalit ndërkombëtar të kukullave në Tiranë . Në hapje të festivalit kryebashkiaku  Erion Veliaj pasi deklaroi se fokusi i katër viteve në kryeqytet është vënë te fëmijët vlerësoi edhe aktoren Shegushe Bebeti me medaljen e “Mirënjohja e qytetit”.

Në një atmosferë festive u çel edicioni i parë i festivalit ndërkombëtar të kukullave në Tiranë. Siparin e ngre shfaqja e trupës tonë “Tre derrkucët”. Por magjia e kukullës në një formë të tillë vjen për herë të parë në zemër të Shqipërisë nga 12 trupa e gjithë bota thekson drejtori Erjon Isai, por si sezon turistik, nuk mungoj edhe promovimi i Shqipërisë përmes bukurisë së kostumeve popullore.

Në këtë festival nuk munguan surprizat  dhe shkëmbimi i medaljeve. Kryebashkiaku Erion Veliaj vlerësoi me medaljen “ Mirënjohja e qytetit” aktoren Shegushe Bebeti.

Në këtë festival ka shumë rëndësi shkëmbimi kulturor për një javë fëmijët do të kenë mundësi të shijojnë magjinë kukullës me tre shfaqje në ditë në orën 10 në Teatrin e Kukullave dhe dy shfaqje të tjera në orën 18:00 dhe 20:00 në sheshin “Skënderbej”./ABC News Albania 24/7

erblin-nushi.png
G. P.18:42 | 09/11/2018

Regjisori i ri kosovar, Erblin Nushi, ka projektuar filmin “Bin” në TIFF. Filmi është bazuar në historinë e tij të vërtetë se si shikohet lufta prej syve të një 6-vjeçari . Nushi thotë në një intervistë për ABC News se nominimi në Student Academy Awards  për çmimin Oscar ndryshoj jetën e tij si kineast i ri.

Nuk ndodh shpesh që të qëllosh që me herë të parë, por  regjisori i ri kosovar Erblin Nushi ia ka dalë që me filmin “Bin” të nominohej në Student Academy Awards Oscar 2018. Ai pranon se ky nominim i ka hapur shumë dyer dhe i ka dhënë mundësinë të njihet me kineastë të shumtë ndërkombëtarë.

Në filmin me metrazh të shkurter për 19 minuta ai rrëfen historinë e tij personale, përjetimin e luftës së Kosovës, kur ai ishte vetëm 6 vjeç. Nushi thotë se ky film është i vërtetë, pasi ai më herët nuk e kishte kuptuar traumën e ndarjes nga familja, por filmi e ka ndihmuar jo vetëm për t’u shprehur artistikisht, por i ka shërbyer edhe si një lloj katarsi shpirtëror.

Megjithëse ende filmi po bën ciklin e tij në festivalin ku u shfaq edhe në festivalin TIFF, ai sërish ka nisur xhirimet për një film në Kosovë për gratë e dhunuara. Ai prej 8 vitesh jeton në Amerikë ku ka mbaruar edhe shkollën për regji filmi, por tematikën për filma vazhdon ta marrë nga vendlindja e tij Kosova. Filmi “Bin” deri tani ka marr pjesë në 10 festivale të rëndësishme filmi në botë dhe vazhdon ende ciklin e tij./abcnews.al

vlcsnap-2018-08-10-15h11m03s994-1280x720.png
G. P.15:11 | 10/08/2018

Me një numër të madh artistësh të konfirmuar si në tregun botëror dhe atë shqiptar, “Sunny Hill Festival” nis sonte edicionin e dytë në Kosovë. Në natën e parë, do të këndoje edhe ylli i ri i popit botëror, Dua Lipa.

72 orë muzikë në “Sunny Hill Festival”. Dua Lipa këndon sonte, në natën e parë në Prishtinë.
Festivali i cili qëmton ta vendosë Kosovën në hartën e kulturës për të provuar se vendi më i ri evropian nuk mund të identifikohet vetëm me skandale apo konflikte, tërheq vëmendjen e shtypit të huaj të shkruar.

Kryesisht ato britanike, si “The Guardian” e përkufizojnë “Sunny Hill Festival”, jo thjesht një skenë ku do të këndojnë artistë të konfirmuar në skenat ndërkombëtare dhe ato shqiptare, por si një mënyrë për të ndihmuar në përshpejtimin e procesit të përmirësimit të imazhit të vendit.
Dhe këtë po e bën artisti Dukagjin Lipa, që angazhimin ia lehtëson e bija, Dua Lipa, ylli i ri i popit botëror, që vitin e kaluar ishte numri një në renditjen e këngëve më të mira me “New Rules” (“Rregullat e reja”).

Këngë të cilën me siguri Dua do ta këndojë edhe sonte në mbrëmje në “Sunny Hill Festival”, që nis rrugëtimin tre ditor me pjesëmarrjen e mbi 30 artistëve të huaj dhe shqiptarë.
Kjo foto e shkrepur gjatë paradites në Parkun Kombëtar të Gërmisë, aty ku do të mbahet festivali, tregon se gjithçka është gati për sonte në mbrëmje. Në skenën pas krahëve të dhjetëra të rinjve që kontribuojnë vullnetarisht për ti treguar fqinjëve ballkanikë dhe Evropës se Kosova është një vend paqe dhe muzikëdashës, do të ngjiten 13 artistë, të gjithë emra të njohur të muzikës shqiptare. E fundit do të këndojë Dua Lipa.
“Sunny Hill” vazhdon mbrëmjet e tij me të tjerë artistë të shtunën dhe të dielën, po aq të suksesshëm në krijimtarinë e tyre./abcnews.al

mik.jpg
G. P.17:14 | 26/07/2018

Në qytetin e Korçës ka startuar “Mik festival”, festival i i muzikës ndërkombëtare. Mbrëmja e parë i është dedikuar këngëtares Tefta Tashko Koço. Në skenë u ngjiten disa nga emrat më të njohur të muzikës operistike që sollën për publikun këngë të vjetra nga repertori i këngëtares së njohur, Tefta Tashko./abcnews.al

shengjini.jpg
G. P.15:30 | 22/07/2018

Pushuesit në Shëngjin kanë shijuar një natë ndryshe. Një aktivitet foklorik i quajtur “Alb Fest” i ka mbajtur të mbërthyer për rreth dy orë. Pushuesit thonë për ABC News këto aktivitete ndihmojnë shumë në ruajtjen e traditës dhe folklorit tonë.

Folklori zbriti në Shëngjin. Elemente burimore nga treva të ndryshme të vendit janë përcjellë për pushuesit dhe turistët në këtë zonë bregdetare. Dy orë festë të organizuara nga qendra e veprimtarive folklorike në bashkëpunim me Bashkinë e Lezhës.

Synimi është që nëpërmjet turizmit të promovohet dhe mbahet gjallë kultura. Ndjekësit e vlerësuan shumë aktivitetin si një mënyrë për të ruajtur traditën tek të rinjtë.

“Është shumë e  domosdoshme për ta prezantuar folklorin tonë burimor, për t’i njohur gjeneratat e reja që rrënjat dhe zanafillat e popullit tonë fillon këtu”, tha një pushuese.

“Po shoh të rinj që po e shohin me interes. Duhet të promovohet sepse është një prej pasurive tona kombëtare”, u shpreh një pushues

“Unë personalisht që jetoj jashtë më mungon shumë, për këtë arsye edhe e shijoj këtu”, tha një pushues tjetër.

Për drejtoreshën e qendrës së veprimtarive folklorike, Rezearta Kokonozi, thotë se folklori dhe tradita, turizmi kulturor në terezi, do të shtrihet në të gjitha zonat turistike.

“Ne startuam në Shëngjin. Më tej do të vazhdojmë që folklori dhe tradita jonë të shtrihet në bregdetin e Adriatikut, në qytetin e golemit ndërsa më pas në jug të Shqipërisë”, tha Kokonozi.

Lahuta, polifonia, çiftelia dhe vallja tradicionale mbajtën të mbërthyer publikun në Shëngjin./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono