festat

NDALIMI-I-FISHEKZJARREVE.mpg_snapshot_02.26-1280x720.jpg
ad min16:34 | 24/12/2018

Pas urdhërit të Policisë së Shtetit për ndalimin e tregtimit të lëndëve piroteknike, ABC News ka monitoruar në terren punën e inspektorëve, të cilët janë caktuar për të ndjekur zbatimin e këtij vendimi.

Ndalimi i përdorimit të lëndëve piroteknike ka angazhuar përveç policisë së Shtetit, Agjentët Tatimorë edhe shërbimin zjarrëfikës të kryeqytetit.
Shefi i sektorit të Parandalimit të Zjarreve, Arjan Ahmetaj është caktuar që të monitorojë nga afër bashkë me specialistët e tij, disa nga tregjet industrial të Tiranës.
Fokusi është minimizimi i fishekzjarreve dhe kapsollave me lëndë shpërthyese.

Erjon Ahmetaj, shef i parandalimit të zjarrit: “Ne tani po shkojmë në drejtim të tregut çam, jemi kryesisht tek rruga e Kavajës. Aty do të shikojmë me inspektorët vendorë të parandalimi për të kontrolluar subjektet të cilat tregtojnë mjetet piroteknike. Qëllimi i këtij inspektimi është zbatimi i planit të masave me drejtorinë vendore të policisë. Subjektet nuk kanë të drejtë të tregtojnë mjete piroteknike ku bëjnë pjesë fishekzjarret.”

Si çdo fund dhjetori, trafiku është sfidë më vete për shërbimin zjarrëfikës. Nga kontrolli i ushtruar nga shërbimit zjarrëfikës në disa subjekte që dikur tregtonin lëndë piroteknike, nuk rezultoi asgjë e jashtëligjshme. Alarmi për mospërdorimin e kapsollave dhe fishekzjarreve qëndron, pasi malli që ka hyrë në vendin tonë nuk ai i parametrave të Bashkimit Europian.

“Nuk mund të përdoret në mënyrë të pakontrolluar, të shkaktojnë dëmtime të duarve. Me sasinë e mbushur brenda krijojnë eksplozion.”

Ashtu si edhe policia edhe shërbimi zjarrëfikës do të jetë në gatishmëri për festat e fundvitit.

“Shërbimi zjarrfikës do të jetë në gatishmëri të plotë, kryesisht tek sheshi Skënderbej, aty ku Bashkia e Tiranës organizon festën e fundvitit, që të mos ketë asnjë lloj problemi. Edhe në ditën e sotme që do të bëhet festimi i festës së Krishtlindjeve, shërbimi zjarrfikës do të jetë në shërbim 24 orë. Dua të përfitoj nga rasti që të gjithë qytetarët, në rast se do të konstatojnë ndonjë problem sado të vogël, duhet të telefonojnë në numrin 128, ku shërbimi zjarrfikës është 24 orë në gatishmëri dhe do tu gjendet qytetarëve për të kaluar sa më mirë dhe sa më qetë festat e fundvitit.”/abcnews.al

SPITALET-NE-GADISHMERI-1280x720.jpg
ent ela16:00 | 24/12/2018

Në ditët festive spitalet dhe urgjenca mjekësore do të jenë në gatishmëri përgjatë 24 orëve. Deklarata u bë nga Ministrja e Shëndetësisë dhe Mbrojtjes Sociale Ogerta Manastirliu, e cila festoi vigjiljen e Krishtlindjes me fëmijët e shtruar në Pediatrinë e Qendrës Spitalore Universitare “Nënë Tereza”. Ministria e Shëndetësisë dhe Mbrojtjes Sociale u shpreh se janë marrë të gjitha masat me personel të shtuar si dhe barna e materiale mjekësore për çdo emergjencë. Ndërkohë që në gatishmëri gjatë ditëve të festave veç shërbimit të autoambulancave do të jetë edhe Njësia e  Helikopterëve. /abcnews.al

VELIAJ-SHPERNDAN-DHURATAT.mpg_snapshot_00.13-1280x720.jpg
ent ela12:51 | 24/12/2018

Bashkia e Tiranës do të kujdeset që të gjithë fëmijët nga familje në nevojë të marrin dhurata me rastin e festave të fundit të vitit. Premtimi vjen nga kryebashkiaku Veliaj, i cili iu bashkua festës së fëmijeve me aftësi të kufizuar dhe atyre të komunitetit rom.

Atmosfera e festave ka trokitur edhe në institutin për fëmijët me aftësi të kufizuara “Ramazan Kabashi”, por dhe për fëmijët romë e ata që vijnë nga familjet në nevojë.

Festës së tyre iu bashkua edhe kryetari i bashkisë së Tiranës, Erion Veliaj, i cili ndërsa shpërndau dhuratat për te vegjlit.

 “Për të gjithë fëmijët që vijnë edhe nga zonat periferike, që vijnë edhe nga fshati, për të gjithë ata që vijnë nga qendrat sociale, që janë me ndihmë ekonomike, që vijnë nga komunitetet e ndryshme që asistohen nga Bashkia, këtë vit të ri do të marrin dhurata. Do të sigurohemi që të gjithë fëmijët e Tiranës të kenë dhurata”.

Periudha e festave theksoi kryetari i bashkisë së Tiranes është një moment reflektimi dhe ftoi këdo që ka mundësi të ndihmojë të kontribuojë që edhe personat në nevoje të kenë mundësi të gëzojnë gjatë festave të fundit të vitit. /abcnews.al

TREGJET-LEZH-VLORE_ABC-1-1280x685.jpg
ent ela12:47 | 23/12/2018

Dhe pse çmimet nuk janë rritur në tregjet e rretheve blerës ka shumë pak. Dhe pse janë festat e fundvitit vërehet një numër mjaft i pakët i konsumatorëve.

Tregu në Lezhë është i varfër nga blerësit. Pritja se gjatë festave të fundit mund të ketë boom shitjesh edhe për produktet ushqimore nuk po jep pritshmëritë e tregtarëve. Nga hyrja e urës së tregut dhe deri në brendësi shihen mallra të shumtë e të ndryshëm, por pak blerës. Çmimet kanë mbetur të pandryshuara edhe pse është fund viti dhe tradita e do që çmimet të rriten.

Blerësit thonë se s’kanë lekë e kjo i detyron ata që të mendojnë mirë para se të blejnë. Pritja se të afërmit mund t’ju dërgojnë para që do të mundësojë blerjen e produkteve për festa është një fakt, ndërsa shitësit thonë se ka shumë pak blerës dhe që nuk mund të perballojnë detyrimet që kanë për vendin e zënë.

“Deri më sot asnjë nuk ka pa në treg”.

“Duhet me u shtrëngu nga një anë ose duhet marrë me listë, ose me i çu fjalë kalamanit na ço nai lek”.

“Me ca me i marr me 100 mijë lekë pension”.

Vlorë– Fuqia blerëse e ulet dhe çmimet normale, por me trendin e rritjes në ditët e fundit të këtij viti.  Është kjo panorama në tregjet e qytetit të Vlorës, ku për tregtarët, fuqia blerëse është më e ulët krahasuar me vitet e tjera.

Tregtarët janë ata të cilët pranojnë se pavarësisht festave dhe ditëve të fundit të vitit, kjo periudhë nuk ka shënuar ashtu si çdo vit rritje të fuqisë blerëse, madje këto ditë dhjetori situata është më e vështirë.

“Nuk ka rritje çmimi, vetëm se s’ka fuqi blerëse”.

“Çmimet nuk janë rritur se janë gjëra të vendit, jo të importit”

“Shumë dobët”.

Tregjet e qytetit të Vlores përveç të tjerave operojnë në kushte të vështira. Në të gjithë vendin këtë funddhjetor vërehet ulje e fuqisë blerëse ndryshe nga çfarë duhe të pritet

Gatar i ABC News, Lezhë: Gjergj Figuri,

Gazetar i ABC News, Vlorë: Elton Nika

/abcnews.al

SHPERBLIMI-PER-PENSIONISTET.mpg_snapshot_01.02-1280x714.jpg
ad min18:09 | 19/12/2018

Prej 17 dhjetorit pensionistët kanë nisur të tërheqin shpërblimin prej 5 mijë lekësh që qeveria u jep për festat e fundvitit. ABC News ndoqi procesin e tërheqjes së shpërblimit dhe ju sjell reagimet e tyre.


Qeveria këtë vit vendosi që të shpërblejë me 5 mijë lekë të rinj të gjithë pensionistët me rastin e festave të fundvitit. Prej disa ditësh ky shpërblim ka nisur të tërhiqet nga të moshuarit në pikat e postës apo në çdo pike ku ata marrin pensionin e tyre. Nga ata që kanë nisur të tërheqin vlerën e ofruar nga qeveria janë të kënaqur.

Pensionisti 1: “50 mijë lekë të vjetra. Mirë jemi, por mund të jemi edhe më mirë vitin që vjen.”

Pensionisti 2: “Njeriu nuk kënaqet asnjë herë, por prap mirë është.”

Pensionisti 3: “Asnjëherë nuk ngelet njeriu i kënaqur, por deri këtu ku kemi ardhur është shumë mirë.”

Por ka të tjerë që e konsiderojnë vlerën prej 5 mijë lekësh të pamjaftueshme. Ata thonë se shpenzimet për festat e fundvitit janë të larta.

Pensionisti 4: “Ça kënaqësie është ajo? Nuk na dalin për ujë dhe drita.”

Pensionisti 5: “50 mijë lekë mirë është, por mund të ishte edhe pak më mirë.”

Sipas vendimit të qeverisë, e cila miratoi një fond të posaçëm prej 3 miliardë lekësh, të gjithë pensionistët do të mund t’a tërheqin shpërblimin prej 5 mijë lekësh deri më 29 dhjetor 2018 ose gjatë muajit janar./abcnews.al

KRONIKE-AMNISTIA-E-FUNDVITIT.mpg_snapshot_00.02-1280x720.jpg
ad min15:56 | 30/11/2018

Ministria e Drejtësisë ka përgatitur një projektligj për dhënie amnistie, që pritet të kthejë në liri gati 900 persona. ABC News zbardh kategoritë që përfitojnë dhe nuk përfitojnë nga kjo amnisti.

Gati 900 të dënuar me burg mund lirohen nga qelitë si përfitues të një amnistie për festat e fundvitit. Ministria e Drejtësisë ka përgatitur një draft me kategoritë përfituese dhe jo përfitueses, që pritet t’i paraqitet Parlamentit për miratim. Aktualisht projekt-ligji i është përcjellë për mendim Prokurorisë së Përgjithshme dhe Ministrisë së Brendshme. Sipas draftit, nga amnistia përfitojnë përsonat e dënuar me vendim të formës së prerë me burgim deri në 3 vjet burg, ose çdo dënim tjetër më të butë, përfshi gjobat apo dënimet alternative, për dënime të dhëna deri në 30 nëntor 2018, pavarësisht nga koha e mbetur e dënimit. Projekti kategorizon si përfitues personat që kur kanë kryer veprën penale kanë qenë të mitur, me përjashtim të atyrë që kanë kryer vrasje ose vepra penalë në kuadër të grupit të strukturuar kriminal.

Përfitues nga amnistia janë të dënuarat femra që në datën e hyrjes në fuqi të ligjit janë baras ose mbi moshën 55 vjeç dhe meshkujt që në të njëjtën datë janë baras ose mbi moshën 60 vjeç. Tjetër kategori që përfiton nga amnistia janë të dënuarit me burg që në momentin e hyrjes në fuqi të ligjit u ka mbetur më pak se 2 vjet dënim. Në kategoritë jopërfituese, drafti liston personat e dënuar për krimet kundër njerëzimit, vrasje, krime seksuale, krime kundër pasurisë, apo vepra penale kundër fëmijëve, martesës dhe familjes. Nuk përfitojnë nga amnistia as të dënuarit për terrorizëm, grup të strukturuar kriminal dhe për vepra kundër autoritetit të shtetit.

Tjetër kategori të dënuarish që nuk preken nga amnistia janë të dënuarit për vepra penale që prekin zgjedhjet e lira dhe sistemin demokratik të zgjedhjeve dhe të dënuarit që i janë shmangur drejtësisë. Referuar edhe amistive të propozuara në vitet e kaluar, koha e nevojshme e kalimit në Parlament deri në momenin e hyrjes në fuqi, pritet që efektet e amnistisë të jepen në muajt e parë të vitit 2019./abcnews.al

PUSHIMET-ME-RASTIN-E-FESTAVE-1280x720.jpg
ent ela16:02 | 27/11/2018

Pesë ditët e pushimit në këtë fund nëntori janë një mundësi e mirë për shumë shqiptarë për të udhëtuar jashtë vendit. Destinacionet më të preferuara për pushime këtë vit janë Stambolli dhe Bangkoku.

Festat e 28-29 nëntorit kanë sjellë një lajm të mirë për punonjësit e administratës publike dhe për një pjesë të mirë të shqiptarëve, të cilët do kenë plot 5 ditë pushim.

Një  pjesë e tyre kanë zgjedhur të bëjnë pushime në vendet e rajonit, por ka pasur edhe nga ata që kanë zgjedhur edhe destinacione të tjera, nga Europa deri te vendet më të largëta.

Besnik Vathi, drejtor agjencie turistike: Kërkesat dhe rezervimet për festat e nëntorit kanë qenë më të mëdha se çdo vit tjetër. Kërkesat fillojnë që nga bangkoku i largët, vazhdon në Dubai. Ka lëvizje në Amsterdam e Bruksel nga Tirana, Parisi nga Shkupi dhe nga veriu e jugu i Shqipërisë, Maqedoni e Mali i Zi.

Agjencitë turistike theksojnë se destinacioni më i preferuar nga shqiptarët ka qenë Stambolli.

Besnik Vathi, drejtor agjencie turistike: Lëvizja masive ka qenë drejt Turqisë ku nga të gjitha angjencitë shkojnë 30-35 autobusë për të kaluar pushimet gjatë festave në Stamboll.

Agjencitë  turistike konfirmojne se shqiptarët po preferojnë gjithmonë e më shumë destinacionet e turizmit kulturor.

Besnik Vathi, drejtor agjencie turistike: Udhëtimet në grupe janë për ture kulturore, historike, vizita qytetesh, më shumë se lëvizja për aktivitete malore. /abcnews.al

 

46510481_1092532147573021_1379373182842044416_n-1280x960.jpg
ent ela11:48 | 24/11/2018

Tirana ka veshur dekorin e saj kuq e zi për festat kombëtare të nëntorit. Në 106-vjetorin e Pavarësisë, Kryebashkiaku Erion Veliaj u ka bërë thirrje të gjithë shqiptarëve që të bëhen pjesë e këtyre festive duke iu bashkuar edhe ata nismës për vendosjen e simboleve kombëtare në banesat e tyre.

“Po ti? E vure flamurin tënd? Këtë fund Nëntori jo vetëm dekori i Bashkisë Tiranë, por i gjithë qyteti po merr pjesë me simbolet kuqezi! Rroftë Shqipëria!”, shkruan Veliaj në Twitter.

Kreu i Bashkisë i bën thirrje dhe çdo shqiptari  që jeton në emigracion apo në trevat e tjera shqiptare që festat kombëtare t’i kalojnë në Tiranë ku kryeqyteti do të dominohet nga aktivitete të shumta për festat kombëtare të nëntorit.

“Tirana Kuq e Zi për 28-29 Nëntor! Nëse jeton jashtë Kryeqytetit, merr flamurin tënd dhe familjen e na u bashko për një fundjavë të gjatë pushimi e festash të paharrueshme në Tiranë”, theksoi Veliaj.

Vetëm imagjinoni se si do të ngjajë Shqipëria në ditën e Flamurit, nëse secili prej nesh vendos nga një flamur në dritaret apo ballkonet e banesave të tyre. /abcnews/a;

thumbnail_Veliaj-gjate-ndezjes-se-dritave-te-pemes-te-Pazari-i-Ri-1-1280x854.jpg
ent ela20:37 | 19/11/2018

Kryebashkiaku i Tiranës Erion Veliaj shprehu bindjen se banorët që protestojnë tek Unaza e Re, do të jenë po aq të lumtur sa janë ata që kundërshtonin kundërshtarët 2 viteve më parë, projektin e Pazarit të Ri.

Teksa protesta e banorëve tek Unaza e Re vijonte, kreu i Bashkisë Tiranë Erion Veliaj ndezi dritat e festive tek Pazari i Ri.

Në krah kishte një protestues që dy vjet më parë kundërshtoi projektin e rehabilitimit të Pazarit të Ri, shembull për Veliajn se si do të ndjehen nesër banorët e Unazës së Re kur punimet të përfundojnë.

“Mbaj mend kur e filluam punën e Pazarit të Ri, se Yllit i qesh buza tani, por kështu thoshte edhe Ylli: “Këtu do vritemi, mbi trupin tim, këtu do derdhet gjaku, do ta mbroj me armë”. Megjithatë, ja ku jemi sot; me Yllin jo vetëm jemi bërë shokë për kokë, vëllezër, por jemi edhe bashkë-organizatorë të shumë prej gjërave të bukura që ndodhin këtu. ja shembulli: Ylli është më mirë, Pazari i Ri është më mirë, Tirana është më mirë. Nesër Astiri do jetë më mirë, Unaza e Re do jetë më mirë, Tirana do jetë më mirë dhe gjithë Shqipëria që do të kalojë aty do të jetë më mirë”.

Veliaj deklaroi se 2019-ta do të jetë viti i projektit të radhës, transformimit të Piramidës në qendrën më të madhe të inovacionit në rajon. /abcnews.al

AMBASADA-KOSOVE-1280x720.jpg
ent ela11:54 | 29/03/2018

Ambasada amerikane në Prishtinë ka paralajmëruar qytetarët e saj për rrezik të shtuar të sulmeve terroriste në Kosovë. Selia diplomatike u kërkon që të tregohen shumë të kujdesshëm, veçanërisht gjatë festës së Pashkëve katolike dhe ortodokse. “Ekstremistët vazhdojnë të përqendrohen në vende turistike, qendrat tregtare, bare, shtëpitë e adhurimit dhe objektivat e tjera”, shkruhet në njoftimin e Ambasadës së SHBA në Prishtinë. Gjithashtu kërkohet nga shtetasit amerikanë që të tregohen vigjilentë dhe të mos bien në sy si dhe të mos bëhen pjesë e grumbullimeve në vende publike. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono