festat

kapshtice.jpg
ger ta09:54 | 03/01/2020

Pasi kaluan festat e fundvitit pranë familjarëve, emigrantët po kthehehn në vendet e tyre ku punojnë dhe jetojnë.

Sipas të dhënave të siguruara nga abcnews.al mësohet se ditën e djeshme më 2 janar në Kapshticë kanë hyrë 3203 dhe kanë dalë 5832 shtetas drejt Greqisë.

Ndërkohë, në Qafë-Thanë kanë hyrë 3404 dhe kanë dalë 3272 shtetas. E njëjtë paraqitet situata edhe në pikën kufitare të Kakavijës. Gazetari Orgesti Sako bën me dije se po punohet me 4 sportele në dalje dhe 2 në hyrje.

Radha e automjteve është 2 km, ndërsa gjatë 24 orëve të fundit kanë dalë 5700 persona dhe kanë hyrë 250 persona./abcnews.al

 

 

7f35a348-9084-4b1a-8ff7-7e3396354d4a-1280x720.jpg
Autor E13:19 | 01/01/2020

Më 1 janar Tirana është zgjuar e qetë, pa trafik dhe e boshatisur pas festimit të natës së ndërrimit të viteve.

Disa prej fanatikëve të kafesë së mëngjesit janë zgjuar herët dhe kanë patur fat për të gjetur ndonjë kafene të hapur.

Por ka dhe nga ata të tjerët të cilët nuk kanë mundur ta shijojnë kafenë e mëngjesit tek bari I tyre I preferuar

Se sa bollëk kanë pasur tryezat e kryeqytetasve në natën e ndërrimit të viteve, kjo duket mjaft qartë nga kontenierët e mbeturinave të tejmbushur

Megjithatë në rrugët e boshatisura të kryeqytetit gjatë 1 janarit shohim tek-tuk edhe qytetarë që presin urbanin, por edhe të tjerë që shkojnë për vizita tek të afërmit e tyre. /abcnews.al

 

mona.jpg
ger ta17:51 | 27/12/2019

Në prag të festave të fundvitit, kryetarja e LSI-së, Monika Kryemadhi, u është drejtuar me një thirrje qytetarëve shqiptarë.

Kryemadhi bën thirrje që në tavolinën e festës të ketë produkte shqiptare, kjo në ndihmë të fermerëve.

Me anë të një video-mesazhi kryetarja e LSI, shprehet se ky është momenti të ndihmojmë njëri-tjetrin, ndërsa akuzon qeverinë  se kërkon ti vendosë produktet shqiptare “përballë konkurrencës sa të pandershme aq edhe antikombëtare”.

Mesazhi i plotë:

BLEJ SHQIP, KONSUMONI SHQIP, GËZONI SHQIP!

Të nderuar miq!

Në festat e fundvitit ashtu sikurse është traditë të gjithë do të shtrojnë tavolinën për darkën e festës.

Ndajmë gëzimin, por edhe është momenti të mendojmë shumë më shumë për njëri-tjetrin, sepse kemi nevojë si asnjëherë më parë për njeri-tjetrin.

Tavolina e festës duhet të jetë sa më shumë shqiptarë, ndaj të konsumojmë sa më shumë produkte shqiptare.

Produkte të shkëlqyera, që i prodhon djersa dhe mundi i papërshkrueshëm i mijëra shqiptarëve të lënë pasdore nga kjo qeveri, që i ka hequr çdo subvencion fermerëve dhe agropërpunuesve shqiptarë.

Tashmë përmes një politike prej shërbëtorësh të interesave të oligarkëve qeveria kërkon që ti vendosë produktet shqiptare edhe përballë konkurrencës sa të pandershme aq edhe antikombëtare.

Konsumoni shqip, konsumoni frutat, zarzavatet, bulmetrat, verën, birrën, miellin shqiptar, në ndihmë të gjithë fermerëve dhe prodhuesve të shijes së mrekullueshme shqiptare që të mbështesim fort njëri-tjetrin edhe në këto ditë festash,ashtu siç gjendemi pranë në ditë të vështira.

Gëzuar Viti e Ri jo vetëm me urimin shqip, por edhe me produktet unike shqiptare në tavolinat tona.

Blini shqip, konsumoni shqip, gëzoni shqip.

Gëzuar miq!

Mbledhje-Qeverie-1280x854.jpg
nev ila18:16 | 24/12/2019

Gjatë mbledhjes së sotme të qeverisë u morën disa vendime të rëndësishme sic ishte ajo e Buxhetit të Shtetit dhe shpërndarjen e pensioneve.

Po në këtë mbledhje me vendim të këshillit të ministrave është njoftuar se data 3 janar 2020 (e premte) do të jetë ditë pushimi zyrtar për të gjithë institucionet e administratës shtetërore në vend.

Kjo datë sipas kryeministrisë do të zëvendësohet me një nga ditët e pushimit brenda muajit janar.

Vendimi i Këshillit të Ministrave:

 

V E N D I M

PËR

CAKTIMIN E DITËS SË PREMTE, DATË 3.1.2020, DITË PUSHIMI

Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave

V E N D O S I:

  1. Caktimin e ditës së premte, datë 3.1.2020, ditë pushimi për punonjësit e administratës shtetërore.
  2. Dita e punës e datës 3.1.2020 do të zëvendësohet në një nga ditët e pushimit brenda muajit janar.
  3. Ngarkohen institucionet e administratës shtetërore për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

EDI RAMA 

/abcnews.al

171127143238-07-harry-meghan-engagement-1127-super-169.jpg
ent ela17:19 | 14/11/2019

Princi Harry dhe Meghan Markle vendosën të kalojnë Krishtlindjet e tyre si një familje prej tre personash larg familjes mbretërore.

Duka dhe Dukesha i Sussex kanë marrë gjashtë javë pushim që të kalojnë Festën e Falenderimeve me të ëmën e Meghanit, Doria Ragland, në fund të nëntorit dhe sipas një burimi pranë çiftit, ka shumë mundësi qe edhe Krishtlindjet t`i kalojnë në Amerikë.

Ky vendim është në përputhje me sjelljen e mëparshme të anëtarëve të tjerë të familjes mbretërore dhe ka mbështetjen e Mbretëreshës.

Krishtlindjet në Sandringhham janë një traditë e familjes mbretërore britanike, të cilën monarkja e konsideron shumë të rëndësishme. Edhe pse Buckingham Palace nuk i ka konfirmuar zërat se Meghan dhe Harry festat do t`i gjejnë në SHBA, tashmë është përhapur fjala që Dukesha nuk dëshiron që t`i klalojë ato me monarken dhe pjesën tjetër të familjes!

 

blendi-klosi-1.jpg
nev ila15:20 | 14/08/2019

Ministri i Turizmit dhe Mjedisit i bën thirrje tur operatorëve të përfshijnë festat lokale në ofertat e tyre turistike. Blendi Klosi ishte në Golem ku mori pjesë në festën “Venë dhe Verë”.

“Venë dhe verë” – festa lokale në Golem mblodhi bashkë dhjetëra kantina të zonës së Shqipërisë së mesme dhe turistë të cilët degustuan shijen e verës shqiptare.

Ministri  i Turizmit dhe Mjedisit,  Blendi Klosi u shpreh se aktivitet te tilla tregojnë se në Shqipëri mund të bëhet turizëm potencial,

“Në Shqipëri mund të bëhet turizëm potencial, që prodhon ekonomi, para, punësim, prodhon edhe oferta të ndryshme turistike për ata që vizitojnë vendin tonë”, tha Klosi.

Ministri i Turizmit dhe Mjedisit i bëri thirrje tur operatorëve që të shtojnë ofertën turistike duke përfshirë festat lokale në paketat e tyre për turistët e huaj.

“Është oferta që vjen nga të gjitha produktet bujqësore, nga të gjithë poseduesit e agroturizmit të cilët kanë një ditë të caktuar kur do të bëjnë një festë, ku do të ofrojnë produktin e tyre, do të kenë një alternativë më shumë përgjatë sezonit turistik. Mendoj që më shumë se institucionet vetë biznesi duhet ta gjejë gjuhën me njëri- tjetrin dhe kur të organizohen këto aktivitete në kantina tur operatorët të afrojnë turistët për të vizituar agroturizmin që ata të kenë mundësinë për të bërë reklamim të ofertës së tyre turistike”, tha Klosi.

Ministri Klosi u kërkoi drejtuesve lokalë që të shndërrojnë këto festa në traditë pasi festat lokale sipas tij janë një mundësi e mirë e prezantimit e produktit shqiptar tek turistët e huaj./ABC News Albania 24/7

sadrime-1280x700.jpg
ent ela13:51 | 19/03/2019

Autoritetet vendore në Lezhë po tentojnë që festat tradicionale t’i kthejnë në atraksione turistike. Një ndër to, e njohur si dita e Shën Jozefit, u organizua në Zadrimë si një festë masive me banorët e zonës dhe me emigrantë.

Jo të gjithë vendasit mund ta dinë që është vallja më e vjetër në Ballkan. E kërcejnë vetëm gratë dhe vajzat e Zadrimës, për çdo rast festë ose në dasma.

Lëvizje të thjeshta, shoqëruar me vargje, pa muzike, por që kualifikohet si vallja më bukur autoktone. Kështu e priten edhe ditën e Shën Jozefit, festën tradicionale që kremtohet çdo vit në zonën e Zadrimës.

Kësaj here vendorët synuan që Shën Jozefin të kalohet përmes një organizimi në qendër të fshatit Gjadër në Lezhë. Banorë të shumtë, nxënës shkolla, të veshur tradicionalisht, u afroi mysafirëve një ditë të jashtëzakonshme.

Festes i janë bashkuar edhe emigrantë të ardhur posaçërisht pranë familjeve të tyre. Ata i vlerësojnë iniciativa të tilla si një domosdoshmëri për t’i dhënë fshatit edhe më shumë gjallëri.

Shën Jofezi është një nga ditët e kalendarit katolik, që zadrimorët i kanë kremtuar edhe në diktaturë, fshehurazi brenda mureve. Por sot këto festa po i shërbejnë  Zyrës së Turizmit në Bashkinë e Lezhës si ditë atraktive që do të joshin më tepër vizitorë dhe turistë, vendas dhe të huaj.

Gazetar: Gjergj Figuri

Operator: Gac Hila

SHERBIMI-MJEKOSOR-PER-FESTA-1280x720.jpg
ent ela14:41 | 31/12/2018

Nga spitali i Traumës në Tiranë ministrja e Shëndetësisë Ogerta Manastirliu bëri të ditur planin e masave për festa. Manastirliu foli për përforcim të shërbimit mjekësor në spitale dhe terren.

Në sheshet ku do të festohet ndërrimi i viteve, në të gjitha qytetet e Shqipërisë, një autoambulancë do të qëndrojë në gatishmëri nga ora 19:00 deri në përfundim të festës.

Në Tiranë veç nëntë autoambulancave të shpërndara në terren sipas planit të Urgjencës Mjekësore, do të ketë edhe dy  të tjera, të cilat do të stacionohen në sheshin “Skënderbej” dhe pranë Bankës së Shqipërisë.

Nga spitali i Traumës i cili pret edhe numrin më të madh të urgjencave gjatë ndërrimit të viteve ministrja e Shëndetësisë dhe Mbrojtjes Sociale Ogerta Manastirliu bëri të ditur planin e masave për festa.

“Spitalet kanë marrë të gjitha masat për përforcimin e stafeve mjekësore, për furnizximin me barnat mjekësore, njësia e helikopterit është në gatishmëri për çdo rats që mund të ketë nevojë, i gjithë sistemi duke filluar nga ai paraspitalor janë në gatishmëri”.

Gjatë ditëve të festave ministrja e Shëndetësise deklaroi se veç mjekëve dhe infermierëve në shërbim, në urgjenca dhe qendrat shëndetësore, do të ketë dhe personel shtesë në gatishmëri për çdo rast nevojë.

Masa të përforcuara do të zbatohen nga të gjitha ekipet mjekësore në datat 31, 1 dhe 2 janar 2019. /abcnews.al

DURRESI-FLUKS-EMIGRANTET-1280x720.jpg
ent ela12:29 | 31/12/2018

Edhe në orët e fundit të vitit 2018 nuk kanë munguar emigrantët apo edhe shtetas të huaj që përmes Portit të Durrësit kanë ardhur në Shqipëri për të festuar.

Edhe në ditën e fundit të vitit, shumë emigrantë zbarkuan në Portin e Durrësit. Katër tragete sollën më shumë se 3100 persona. Mes tyre dhe shtetas të huaj për të kaluar ndërrimin e viteve në Shqipëri.

Policia e kufirit ka operuar me numrin më të lartë tësporteleve. Kjo për të evituar radhët e gjata në terminal gjatë kontrollit.

Por ndërsa në portin e Durrësit nuk është shfaqur asnjë problem, krejt ndryshe është paraqitur situata në portin e Barit në Itali.

Traget nga Bari drejt portit të Durrësit përgjatë gjithë sezonit të fluksit kanë mbërritur me disa orë vonesë.

Sipas kapitenit të portit detar Taulant Allkja shkaku janë autoritetet italiane  që po punojnë vetëm me një apo dy sportele duke krijuar vonesa të gjata në nisje. /abcnews.al

blendi-klosiii.jpg
ad min15:22 | 29/12/2018

Ministri Blendi Klosi në këtë prag feste është ndalur në Qendrën e Zhvillimit në Berat, ku strehohen 27 fëmijë me aftësi ndryshe.

“Festat duan dashuri” nuk është vetëm një slogan, por një axhendë konkrete me aktivitete, në të gjithë Shqipërinë, për ti ardhur në ndihmë fëmijëve në nevojë, fëmijëve pa kujdes prindëror, atyre me aftësi të veçanta, viktimave të dhunës në familje apo gjyshërve dhe gjysheve, që strehohen në qendrat e përkujdesit social. Si deputet i Qarkut të Beratit, në këtë prag festash, ministri Klosi u ndal në Qendrën e Zhvillimit në Berat, ku strehohen 27 fëmijë me aftësi ndryshe, të grumoshave të ndryshme.

“Kjo është për t’i dhënë dashuri atyre njerëzve që kanë më shumë nevojë për dashurinë e shoqërisë, për dashurinë e shtetit, për dashurinë e njerëzve që mund të ndajnë me ta një festë kaq të bukur sa festat e Vitit të Ri”, tha ministri Klosi.

Ai gjithashtu theksoi rëndësinë jo vetëm të trajtimit me dashuri të fëmijëve dhe njerëzve në nevojë, por edhe të mundësive që i duhen krijuar atyre për të qenë të aftë për punë, megjithëse me nevoja të veçanta. Shkolla profesionale në Berat trajton dhe trajnon disa nga fëmijët me aftësi të kufizuar për ti bërë atyre të mundur që të hyjnë në tregun e punës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono