festa

4.png
Veronik Istrefaj22:06 | 15/11/2019

Finlanda triumfoi sot 3-0 përballë Lihtenshtejnit, triumf që i siguroi kualifikimin për në Euro 2020. Ky kualifikim ishte historik, pasi është hera e parë që finlandezët kualifikohen në një eveniment madhor.

Sapo arbitri vërshëlleu për herë të fundit, tifozët finlandezë “pushtuan” fushën e blertë, duke shpërhyer në festë. Edhe futbollistët, stafi teknik dhe drejtues të Federatës zbritën në fushën e lojës dhe festa në stadium, ishte fenomenale./abcnews.al

kuvendi-1280x701.jpg
Autor E11:11 | 31/10/2019

Komisioni i Ligjeve shtyu vendimmarrjen për 21 Janarin si festë zyrtare. Pas mungesës së konsensusit, me kërkesë të deputetit Bashkim Fino, do t’i kërkohet qeverisë informacione mbi kostot financiare dhe Akademisë së Shkencave për të dhëna historike

Opozita parlamentare ka kërkuar shpalljen e një tjetër feste kombëtare në Shqipëri, e cila është data 21 janar. Propozimi ka ardhur nga deputeti Myslim Murrizi.

Kjo datë kujton ditën kur në vitin 2011 u vranë para kryeministrisë tre persona, ndërsa u plagosën shumë të tjerë. Më pas, njëri prej të plagosurve ndërroi jetë në spital duke e çuar bilancin e viktimave në katër.

Mirëpo, opozita nuk synon këtë datë, por 21 janarin e vitit 1920 kur u bë Kongresi i Lushnjes.

Në komisionin e ligjeve, ky propozim është shoqëruar me debate të forta. Myslim Murrizi ka arsyetuar se pse 21 Janari duhet të shpallet festë kombëtare. Sipas tij, Kongresi i Lushnjes konsiderohet ngjarje e madhe dhe është festuar deri në vitin 1939.

“Nga viti 1992 të gjithë kryeministrat e presidentët kanë qenë në Lushnje në nder të kësaj ngjarjeje”, tha ai.

Por deputeti i mazhorancës, Alket Hyseni tha se ka dy mënyra si kujtohen ngjarjet, duke përfshirë vendosjen e merave të rrugëve e tjerë. Sipas tij, përcaktimi si festë i kësaj date mund të shoqërohget me efekte të mëdha financiare.

“Çdo vend ka një limit të festave zyrtare. Greqia 12 dite, Kroacia 13, RMV ka 12, Shqipëria sot ka 14. Rendon tej mase në buxhet”, tha ai.

Siç raportoi gazetarja e Abc News, Esiona Konomi, Grupi Parlamentar i PS pritet ta rrëzojë këtë kërkesë me argumentin se shpallja e 21 janarit festë mund të shkaktojë reagime dhe të ngatërrohet me 21 janarin e vitit 2011.

Në një intervistë për Abc News disa ditë më parë, kreu i Grupit Parlamentar të PS, Taulant Balla paralajmëroi propozimin e opozitës me argumentin se Shqipëria ka mjaft festa zyrtare dhe se nuk i nevojitet një tjetër. /abcnews.al

albin-kurti-1.jpg
nev ila18:52 | 16/10/2019

Qendra e Vetëvendosjes në Shqipëri, ka njoftuar këtë të mërkurë se, në Tiranë ditën e dielë në orën 19:00, do të zhvillohet një festë për fitoren e “VV” në zgjedhjet e Kosovës.

I ftuar nderi do të jetë vetë kryeministri i ardhshëm i Kosovës, Albin Kurti. Festa do të mbahet në afërsi të zonës pedonale në qendër, ku Kurti do të mbajë dhe një fjalim përpara të pranishmëve.

Njoftimi i qendrës në Shqipëri:

Qendra e Lëvizjes VETËVENDOSJE! në Shqipëri ju fton të na bashkoheni në Tiranë në mbrëmjen festive që organizojmë për të shënuar fitoren e Lëvizjes VETËVENDOSJE! në Kosovë. Në këtë aktivitet i ftuar nderi është Kryeministri i ardhshëm i Republikës së Kosovës, Albin Kurti, i cili do të mbajë edhe një fjalë rasti.

Ju mirëpresim ditën e diel, më 20 tetor, ora 19:00, te Bar Kinema Millenium, pranë “pedonales” në qendër të Tiranës”. /abcnews.al

Turqia.png
Vladimir Prenga09:31 | 12/10/2019

Turqia nuk po kalon momente të qeta, teksa ka nisur një mësymje në Sirinë Veriore. Një ditë më parë populli turk gëzoi për triumfin ndaj Shqipërisë në futboll, por sigurisht sytë janë në tjetër vend. Gjithçka e qartë, mjafton vetëm të lexosh atë që trajneri Senol Gunes ka shprehur pas ndeshjes me kuqezinjtë tanë.

“Vendi ynë lufton prej vitesh me terrorizmin. Është e vështirë të flasësh për futboll në një ditë si kjo. Jemi gati të jetojmë në harmoni me të gjithë në vendin tonë, pa dallim rrace, gjuhe apo feje. Ata që rrisin terroristë, shpresoj që të mbyten në gjakun e tyre. Ka qenë një periudhë e vështirë për shtetin tonë dhe zhvilluam një ndeshje stresuese. I uroj të gjithë tifozët, ndërsa lojtarët i putha në ballë. Po kalojmë një moment jashtëzakonisht të vështirë. Ishte një përballje stresuese dhe shumë e vështirë, kështu që nuk dua të bëj shumë analiza për takimin”, ka deklaruar Gunes.

Në fakt gjithçka ishte kuptuar pa nisur ndeshja. Masa sigurie të një niveli të lartë, ndalim i futjes së pankartave dhe shumë sendeve të tjera në stadium, kontrolle të rreptësishme, ndërkohë që edhe festa e golit ishte me një qëndrim “gati-tu”. Edhe Turqia e futbollit po e përjeton luftën.

Lojtarët e Turqisë, duke festuar golin e Tosun

LOTËT DHE GAFAT – Tërbim për humbjen. Shqipëria nuk e meritonte, por në futboll ndodh gjithçka. Rey Manaj mund të ishte kthyer në një hero, por lushnjari në dy raste nuk ia doli të shënonte dot. I pari ishte më flagranti dhe sulmuesi sqaroi pas ndeshjes se ia devijuan topin, ndërsa në rastin e dytë e mori keq dhe nuk diti të përfitonte.

Të gjithë gabojnë, sikurse bëri edhe portieri Thomas Strakosha. “Nuk munda ta ndihmoj skuadrën time atëherë kur duhej. Më vjen keq, pasi jam 24 vjeç dhe e kam njëfarë eksperience. Nuk më lejohet të bëj gabime të tilla”, deklaroi pas ndeshjes portieri, i cili më parë kishte marrë mbështetjen e gjithë shokëve të skuadrës.

Madje i pari që shkoi drejt Strakoshës së përlotur ishte Etrit Berisha, ai të cilit “gardiani” i Lazios i ka zënë vendin. Shqipëria vjen e para dhe normalisht të gjithë mbështesin njëri-tjetrin. Berisha ka provuar në të shkuarën të jetë në vendin e Strakoshës dhe e di çfarë do të thotë të gabojë portieri. Turqia i përket së shkuarës, Shqipëria tani duhet të mendojë për Moldavinë dhe më shumë për të ardhmen. Është momenti… /abcnews.al

Manaj në një aksion kundër Turqisë
festa-e-rrushit-berat-1280x714.jpg
nev ila19:18 | 15/09/2019

Ministri Turizmit dhe Mjedis Blendi Kolosi rikujtoi edhe njëherë nga Berati gjatë festës së Vjeljes së Rrushit premtimin e  Kryeministrit Rama për të ndërtuar një muze për verërat në qytetin e një mbi një dritareve.

Berati është cilësuar si epiqendra e prodhimit të rrushit të vend.

Për këtë arsye me qindra turistë të huaj e vendas ishin të pranishëm në festën e përvitshme që i kushtohet vjeljes së rrushit.

Ministri Turizmit dhe Mjedisit njëherësh edhe deputeti i qarkut të Beratit Blendi Klosi, rikujtoi edhe njëherë premtimin e Kryeministrit Rama, për të ndërtuar një muze për verërat në qytetin e një mbi një dritareve.

Fesat vazhdoi deri në orët e para të mëngjesit, ku të ftuar ishin edhe këngëtarë të muzikës së lehtë dhe popullore./ABC News Albania 24/7

META-DHE-KLOSI-BASHKE-PER-TOMORRIN.mpg_snapshot_00.07-1280x720.jpg
ent ela15:00 | 22/08/2019

Mali i Tomorrit bën bashkë ministrin e Turizmit dhe Mjedisit Blendi Klosi dhe Presidentin e Republikës. Ilir Meta rreshtohet publikisht kundër shkatërrimit të malit nga bizneset e guroreve dhe firmos peticionin për zgjerimin e zonës së mbrojtur. Në ceremoninë e organizuar me rastin e festës së bektashinjve Kreu i Shtetit dha këtë mesazh.

Ndersa ministri i Turizmit dhe Mjedisit Blendi Klosi u shpreh i vendosur për ta  kthyer malin e Tomorrit në simbol të turizmit fetar.

“Një hapësirë që shumë lehtë mund të kthehet në një simbol të turizmit shqiptar, turizmit religjoz apo për natyrën e bukur të kësaj zone. I jam bashkuar nismës së shumë të rinjve për të mbrojtur malin e Tomorrit, për ta shndërruar në një mal të magjishëm, aq të bukur sa Perëndia e ka krijuar dhe aq të fortë sa besimi ynë e ka mbajtur. Kalofshi një ditë të bukur, të paqtë me familjet tuaja dhe Abaz Aliu të gjithëve na ndihmoftë.”

Të rinjtë e projektit “Smile Albania” po vijojnë të mbledhin firma për të kundërshtuar vendimin e Gjykatës Administrative,  e cila ditë me parë rrëzoi vendimin e qeverisë për zgjerimin e zonës së Parkut Kombëtar në Malin e Tomorrit. /ABC News Albania 24/7

kanina-ne-feste.jpg
ad min16:30 | 16/08/2019

Në Vlorë është organizuar festa e Kaninës. Banorë e turistë të shumtë kaluan natën duke u argëtuar me këngë e valle të zonës.

Fshati që qëndron si ballkon mbi Vlorë, Kanina në festë. Përqendruar në kala në një nga zonat më të mrekullueshme dhe historike të Vlorës, mblodhi banorë të fshatit si dhe turistë.

Këngë dhe valle të zonës ishin repertori i koncertit. Të pranishmit u argëtuan me ritmet e muzikës popullore vlonjate, këngë polifonike etj.

Qyteti i Fortifikuar i Kaninës është ngritur aty nga shekulli i IV p.e.s. Kalaja u rindërtua nga Perandori Justinian në shekullin V, kurse rëndësia e saj u pa veçanërisht gjatë rezistencës së shqiptarëve të udhëhequr nga Skënderbeu ndaj pushtuesve turq.

Vendorët janë përpjekur në çdo kohë të tregojnë e ta paraqesin Kaninën si pikën më të fortë të Vlorës. Një resurs që ka joshur shumë të huaj, turistë e vizitorë ditorë. Një fshat për të cilin është shkruar aq shumë dhe shumë pak është treguar./ABC News Albania 24/7

01-trump-flag.w700.h467.jpg
ad min23:15 | 04/07/2019

Shtetet e Bashkuara festojnë ditën e pavarësisë, me një festë të konsideruar nga presidenti Donald Trump si më e madhja në historinë e vendit. Por nga kampi demokrat nuk kanë munguar kritikat dhe akuzat se presidenti po e përdor festën kombëtare për qëllime politike.

Shtetet e Bashkuara festojnë të enjten ditën e Pavarësisë, e shoqëruar me një paradë të vogël tankesh dhe avionësh që fluturojnë në qiejtë e Uashingtonit dhe fishekzjarrë. Gjithçka është organizuar nga administrata e presidentit Donald Trump, i frymëzuar nga parada ushtarake e mbajtur ditën e pavarësisë në Francë, ku pak vite më parë ishte i pranishëm.

Vetë kreu i shtetit hodhi poshtë më herët shqetësimet e ngritura për shpenzimet e mjeteve ushtarake, që do të parakalojnë pranë memorialit Linkoln, simbol i unitetit kombëtar. Uashingtoni është mbushur me simpatizantë të Trump, që mbajnë veshur kapelet me shkrimin “Mejk Amerika Grejt Wgein”, por edhe me kundërshtarë të tij, që kanë sjellë balonën “Bejbi Tramp” dhe një baner me shkrimin “tradhtar”.

Nga ana e tyre, kritikët e presidentit e kanë quajtur organizimin e administratës së tij një përpjekje për të politizuar një festë të rëndësishme kombëtare. Ata e akuzojnë presidentin për inskenimin e një fushate elektorale të papërshtatshme, bazuar në fjalimin e tij. Dhe në fakt, Trump është i njohur për ndryshimin e rrjedhës së fjalimeve të tij, të cilave u ka dhënë tone politike dhe fyese edhe në ato raste kur eventi nuk ka qenë i tillë. “Njerëzit po mblidhen nga të gjitha anët për t’u bashkuar me ne sot, për atë që do të jetë festa më e madhe në historinë e vendit tonë”, tha Trump në Twitter më herët gjatë ditës./ABC News Albania 24/7

festa-e-grurit.jpg
ad min15:45 | 23/06/2019

Në Pojan të Fierit, Festa e Grurit është kthyer në tradite. Në këtë ditë këndohet e kërcehet ndërsa sipas traditës pulat e detit piqen në saç.

Pojani i Fierit, një nga 100 fshatrat turistike shqiptare, u kthye në qendër të festimeve dhe traditës myzeqare. Dita e grurit, mblodhi bashkë me qindra banorë, të zonës. Myzeqesë si dikurshme mund t’i jenë ulur statistikat e sipërfaqeve me grurë, por jo këngët, vallet dhe gatimet që lindën 50 vite më parë dhe nuk u shuan kurrë.

Është Qershor dhe në Myzeqe, ky muaj është nga më të rëndësishmit për ekonominë bujqësore. Edhe pse në sipërfaqe më të vogla, rrallë gjen familje rurale fierake të mos kultivojë grurë.

Midis legjendave të dikurshme për sigurimin e bukës së përditshme, të garantimit të një ekonomie të qëndrueshme familjare, e përcjellë mes një gëzimi të pashoq folklorik dhe gastronomik, në Pojan të Fierit u festua Festa e Grurit.

“Festa është krejt e veçantë pasi vjen nga ajo që është thelbi i jetës, gruri, buka, nga mirëqenia, nga ajo çfarë përpiqemi të gjithë sëbashku për të krijuar më shumë mirëqenie për njerëzit dhe komunitetet”, tha Blendi Klosi.

“Ne do ta vazhdojmë këtë gjë edhe në muajt në vijim, edhe në vitet në vijim dhe duam që të promovojmë të gjitha vlerat e vendit tonë”, tha kryetari i Bashkisë së Fierit, Armando Subashi.

Aq i rëndësishëm është prodhimi i grurit dhe bukës në Myzeqe, saqë vit pas viti, myzeqarët e Fierit i krijuan gati një festival të tërë folklorik me këngë edhe valle.

Madje myzeqarët, për këtë festë, krijuan edhe një nga recetat kulinare më autentike dhe më me shije: bibën në saç. Gatuhet vetëm këtu dhe sapo bie drapri i parë në fushat me grurë.

Biba në saç shoqëron gjithë fushatën e korrjes dhe shirjes së grurit dhe ikën bashkë me të. Gatuhet në çdo familje myzeqare që korr grurë, ndërsa në restorantet tradicionale, për një muaj qëndron në top menynë e tyre.

Festa e Grurit, me një histori gati 50-vjeçare në Myzeqe, i solli të gjitha si dikur: bukën dhe grurin e ri, lëmin e fshatit dhe mekanikën, këngët dhe vallet, bibën në saç dhe dhallën e ftohtë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono