Feronikeli

FEro.png
Veronik Istrefaj17:12 | 03/12/2019

Kampionët në fuqi të IPKO Superligës, Feronikeli, kanë siguruar firmën e dy talenteve, Kristi Kullaj dhe Simon Loshi. I pari vjen nga radhët e Lokeren dhe është vetëm 20 vjeç, ndërsa Loshi vjen nga moshat e Feynoord.

Njoftimi i Feronikelit:

Pas një interesimi të gjatë dhe vëzhgimeve të vazhdueshme, FC Feronikeli ka arritur ti sjell në radhët e veta dy futbollistë tejet të talentuar. Bëhet fjalë për Simon Loshin dhe Kristi Kullaj, dyshe më të cilën Feronikeli do të përforcohet në afatin e janarit. Futbollistet kanë pranuar që tani, duke nënshkruar kontratë më FC Feronikelin.

Kristi Kullaj (20 vjeç) ishte futbollist te skuadra e të rinjve në KSC Lokeren, në Belgjikë. Pozicioni i preferuar i Kullaj, është mesfusha ofensive, i aftë të luajë edhe nga krahët, por edhe në pozitën e mesfushorit qendror.

Skuadrës i bashkohet edhe Simon Loshi i lindur në vitin 2000, i aftë të luajë në të dyja anët e mbrojtjes, në të djathtën e në të majtën, ishte pjesë e grupmoshave të Feynoordit, U17, U18 e U 19.

Klubi është i interesuar për të sjellë në skuadër përforcimet e duhura dhe se rritja e këtyre lojtarëve do luajë rol të madh në skuadër, me projektin madhështor, që në krye ka Presidentin, Naser Ramaj.

Po ashtu, edhe trajneri, Agim Sopi është shprehur i kënaqur me arritjen e marrëveshjes për t’i pasur në ekipin e tij këta dy futbollistë. Kjo nuk do të jetë lëvizja e vetme gjatë janarit, pasi që skuadra do të sjellë edhe lojtarë të tjerë në ekip./abcnews.al

Prishtina.png
Igli Nikolli14:54 | 09/11/2019

Prishtina ka treguar forcën e saj. Ekipi kryeqytetas zhvilloi ndeshjen më të mirë të sezonit në Podujevë dhe mposhti Llapin me rezultatin 0-4. Bardhekaltrit u hakmorën për humbjen e fazës së parë dhe siguruan një trepikësh shumë të rëndësishëm.

Endrit Krasniqi dhe Ahmet Haliti shënuan në pjesën e parë, ndërsa Ahmed Januzi dhe Armend Thaçi vulosën fitoren e thellë të miqve në 45 minutat e dyta. Kastriot Selmani arriti të shënojë golin e vetëm të Llapit në minutën e 75-të. Kjo fitore e ngjit Prishtinën përkohësisht në vend të katërt me 27 pikë, ndërsa ekipi i Batatinës numëron 3 pikë më pak.

Renditja e IPKO Superligës

Nuk ka fitues në duelin Feronikeli-Drita. Kampionët në fuqi nuk arritën të siguronin fitoren e dytë radhazi pas asaj kundër Prishtinës. Ndeshja ishte shumë e fortë, por asnjë prej lojtarëve nuk arriti të dërgonte topin në rrjetë.

Ekipi nga Drenasi renditet në vend të gjashtë me 23 pikë, ndërsa miqtë nga Gjilani qëndrojnë të tretët më 28 pikë, dy më pak se kryesuesit e Gjilanit dhe Ballkanit. /abcnews.al

Feronikeli – Drita 0-0

Llapi – Prishtina 1-4
(Selmani 75′ / Krasniqi 25′, Haliti 32′, Januzi 46′, Thaçi 70′)

Feronikeli-Kosove.jpg
Veronik Istrefaj19:52 | 06/11/2019

Është mbyllur kryendeshja e javës së 14-të në IPKO Superliga, që u luajt në “Fadil Vokrri” mes Prishtinës dhe Feronikelit. Të dy skuadrat synojnë të kapin vendet e para dhe të luftojnë për titullin kampion, por në këtë sfidë, ishte Feronikeli që triumfoi me rezultatin spektakolar 2-3.

Ishin vendasit e Prishtinës ata që shënuan të parët, me anë të Januzit, me anë të një penalltir. Që në minutën e dytë, Prishtina e pa veten në avantazh. Megjithatë, Jean Carioca, ish-futbollisti i Kukësit në Superiore, shënoi golin e barazimit vetëm katër minuta më vonë. Me rezultatin 1-1, do të mbyllej pjesa e parë.

Pjesa e dytë nisi sërish me gol. Sërish Prishtina do të shënonte shumë shpejt, me anë të Miftaraj (49′). Feronikeli, edhe pse në disavantazh, nuk u dorëzua dhe arriti të përmbysë shifrat. Lladrovci (58′) dhe Carioca sërish (88′) i dhanë një fitore të madhe Feronikelit, që ngjitet në kuotën e 22 pikëve në vend të gjashtë. Ndërsa Prishtina, mbetet me 24 pikë, në vend të katërt./abcnews.al

IPKO Superliga, java 14

Prishtina – Feronikeli  2-3

Drenica – Trepca 89   3-2

Ballkani – Llapi  1-1

Drita – Dukagjini  1-0 

Ballkani.gif
Igli Nikolli14:58 | 02/11/2019

Ballkani nuk është më një surprizë, por një realitet i bukur i kampionatit dardan. Ekipi nga Suhareka siguroi një fitore të madhe në Drenas përballë kampionëve të Feronikelit. 0-2 fituan djemtë e Ismet Munishit, duke regjistruar fitoren e tretë rresht.

Blend Baftiu është heroi i miqve me nga një gol të shënuar për pjesë. Goli i nëntë në IPKO Superliga për 21-vjeçarin e talentuar, i cili kryeson renditjen e golashënuesve të kampionatit.

Kjo fitore e ngjit Ballkanin në kuotën e 29 pikëve, ndërsa Feronikeli regjistron humbjen e gjashtë. As ndërrimi i trajnerit nuk dha efektin e duhur për ekipin nga Drenasi, që konfirmon krizën që po kalon.

Renditja e kampionatit dardan

Prishtina ngeci në Klinë. Bardhekaltrit nuk shkuan më shumë se një barazim pa gola përballë Dukagjinit të vendit të fundit, që merr një pikë të rëndësishme për mbijetesën. Ekipi i Armend Dallkut vinte nga tre fitore rresht, por sot nuk ia doli të shënonte golin e fitores.

Trepça ’89 vazhdon të konfirmojë formën e mirë. Ekipi nga Mitrovica siguroi fitoren e tretë rresht përballë Vushtrrisë. Një gol i Arb Manajt në fundin e pjesës së parë i dhuroi tre pikë të tjera Trepçës, që ngjitet në vend të gjashtë me 19 pikë. /abcnews.al

Dukagjini – Prishtina 0-0

Feronikeli – Ballkani 0-2
(Baftiu 32′, 66′)

Trepça ’89 – Vushtrria 1-0
(Manaj 40′)

Fero.jpg
Veronik Istrefaj21:59 | 01/11/2019

Mediet e Kosovës ishin të bindura se trajneri i ri i Feronikelit, do të ishte Albert Bunjaki, por klubi nga Drenasi ka zyrtarizuar sot Agim Sopin. Kampionët në fuqi të IPKO Superligës e zyrtarizuan sot trajnerin e ri, duke shkruar:

“FC Feronikeli njofton se Agim Sopi, është caktuar si kryetrajner i skuadrës, pas largimit nga kjo pozitë e Dejan Vukicevic. Sopi ka stërvitur sot skuadrën dhe është njoftuar me futbollistët, gjatë stërvitjes së rregullt në “Rexhep Rexhepi”.

Trajneri, Agim Sopi, është i njohur për kualifikimin e skuadrës së Maqedonisë së Veriut U21 në Kampionatin Evropian në rolin e trainerit, gjatë viteve 2014-2017.

Para se të merrte drejtimin e skuadrës së FC Feronikelit, Sopi drejtoi skuadrën suedeze Landskrona. Ai është i lindur në Shkup në vitin 1969, me prejardhje nga Kosova, por që jeton në Suedi qe një kohë të gjatë.

Sopi është trajner me karakter sulmues, ku formacioni i tij i preferuar është 4-2-3-1, i cili i përshtatet me përpikmëri skuadrës sonë”./abcnews.al

Fero.jpg
Veronik Istrefaj17:08 | 30/10/2019

Feronikeli ka mbyllur sot bashkëpunimin me trajnerin Dejan Vukicevic. Divorcin me trajnerin e ka konfirmuar dhe vetë klubi i IPKO Superligës, pasi në faqen e tyre zyrtare, shkruan: “Trajneri, Dejan Vukicevic dhe FC Feronikeli kanë ndërprerë bashkëpunimin.

Pas një bisede të trajnerit, Vukicevic dhe Presidentit të klubit, Naser Ramaj, që të dy janë dakorduar që të ndërpritet bashkëpunimi, që do të thotë se Vukicevic nuk do të jetë më trajner i FC Feronikelit. Është e dukshme që klubi po kalon në një fazë jo të mirë dhe se ndryshimet ishin të nevojshme, prandaj edhe erdhi deri te kjo ndërprerje e bashkëpunimit.

Sidoqoftë, FC Feronikeli falënderon trajnerin, Dejan Vukicevic, për punën dhe profesionalizmin e treguar deri në ditën e tij të fundit si trajner i klubit. FC Feronikeli do të njoftojë me kohë për pasuesin e trajnerit, Vukicevic.”

Siç ka mësuar ABC News, trajneri i ri i tre herë kampionëve të Kosovës do të jetë Albert Bunjaki. Strategu 48-vjeçar ka drejtuar më parë edhe përfaqësuesen e Kosovës dhe ka një CV të pasur në karrierën e tij si trajner. Bunjaki do të ketë detyrën e vështirë të rikthejë Feronikeli te rezultatet pozitive dhe në vendet e para të renditjes./abcnews.al

Drenica.png
Igli Nikolli15:56 | 26/10/2019

Drenica ia ka dalë të fitojë derbin me Feronikelin. Një gol i Qemail Elshanit në minutën e pestë i dhuroi triumfin e dytë rresht në kampionat ekipit nga Skënderaj. Drenica nuk humbet prej 5 javësh dhe trepikëshi i sotëm e ka ngjitur në vend të shtatë me 17 pikë. Humbja e pestë për kampionët në fuqi, të cilët nuk po arrijnë t’i japin vazhdimësi rezultateve pozitive.

Vushtrria arrin më në fund të fitojë në shtëpi. Fitim Llapashtica e nisi mbarë aventurën në stolin e Vushtrrisë, teksa zëvendësoi disa ditë më parë italianin Antonio Toma. Goli i Eri Lamçjes në pjesën e parë vendosi fatet e kësaj ndeshje.

Kjo ishte fitorja e dytë në kampionat për Vushtrrinë, që ngjitet në kuotën e 9 pikëve pas javës së 12-të. Disfata e dytë rresht në transfertë për Llapin. Ekipi i Batatinës u mposht edhe në Gjilan tre ditë më parë dhe mbetet katër pikë larg kreut. /abcnews.al

Drenica – Feronikeli 1-0
(Elshani 5′)

Vushtrria – Llapi 1-0
(Lamçja 26′)

Renditja e kampionatit dardan pas ndeshjeve të sotme
NASER-rAMAN.jpg
Vladimir Prenga10:49 | 23/10/2019

Feronikeli kampion në fuqi nuk duron më. Presidenti Naser Ramaj akuzon drejtpërdrejt Federatën e Futbollit në Kosovë dhe gjyqtarët, të cilët sipas tij marrin para dhe më pas dënohen vetëm me një ndeshje. Ramaj thekson se ka njerëz të shitur që i bëjnë gjëra të tilla dhe dëmtojnë jo vetëm Feronikelin, por edhe klube të tjera.

“Një gol na u anulua dhe një penallti nuk është akorduar. Dëmet më të mëdha po na vijnë sivjet nga gjyqtarët. Fajin kryesor e ka Federata e Futbollit të Kosovës, që po bën pazare me djersën e huaj. Kjo është ndeshja e tretë që dëmtohet ekipi i Feronikelit, por nuk jemi te vetmit. Të gjitha klubet e kanë të njëjtin problem. Gjyqtarët në Kosovë që dëmtojnë ekipet dënohen me nga një ndeshje penalizim, por marrin para të majme për ato gabime tendencioze.

E kemi parë lojën e Dritës me Feronikelin, ku goli shënohet nga pozita jashtë loje me tre metra diferencë. Federata e Futbollit të Kosovës është e obliguar t’i dënojë ata gjyqtarë, por dënimet e tyre po i shohim. 90% të gjyqtarëve të Superligës janë njerëz të shitur së bashku me Federatën që e bënë përzgjedhjen e tyre”.

Jam shumë i zhgënjyer me ecurinë e sportit në Kosovë. Gjithë investitorët po e humbin durimin. Unë bëjë 600 kilometra të vi ta shoh një ndeshje e kur përfundon takimi kthehesh i dëshpëruar, sepse një gjyqtar ta shet lojën për 3000€ ose 5000€, thotë Ramaj mes të tjerave për “GazetaBlic”.

Tahir Batatina, trajner dhe president i Llapit

Arsim Kabashi, presidenti i Ballkanit, gjithashtu është i të njëjtin mendim dhe tregon se do të gjithë presidentët e klubeve do të mblidhen dhe të flasin në lidhje me dëmtimet që po u bëjnë arbitrat. Ai ndjen se investimet e bëra po hidhen poshtë, ndaj duhet vepruar. Tahir Batatina, trajneri dhe presidenti i Llapit, gjithashtu vë në dukje gjykimin e dobët.

“Nuk mundemi që me mjetet tona të luajnë persona të pandërgjegjshëm e që shiten me para, të cilët nuk i duhen futbollit dhe neve si donatorë. Kam projekte milonëshe për futbollin llapjan, së bashku me vëllezërit e mi, por nëse vazhdon kështu FFK-ja, ne jemi të detyruar të tërhiqemi nga futbolli kosovar. Ne po duam drejtësi e korrektësi dhe jo armiqësi mes vete, andaj nuk po dua armiq, por miq. Miqtë po na i humbin njerëzit për qëllime te caktuara, të cilat tashmë mirë po dihen. Unë, si President i KF Llapi 1932, kërkoj të jemi unik dhe të mos lejojmë që persona të caktuar ta prishin futbollin dhe ne mos të ikim me fajin e disa personave, që rinia jonë mos të ketë zhvillim dhe avancim”, thotë mes të tjerash Batatina. /abcnews.al

Feronikeli.png
Igli Nikolli15:59 | 22/10/2019

Vushtrria ishte shumë pranë marrjes së një pike, por Feronikeli ia doli të fitonte në fund. Një gol i Besmir Bojkut në minutat shtesë riktheu kampionët te fitorja pas tre javësh.

Në duelin e zhvilluar në stadiumin “Ferki Aliu” nuk munguan polemikat. Një gjuajtje e Astrit Fazliut në minutën e 28-të u ndal në traversë dhe u përplas në vijën fatale. Miqtë nga Drenasi pretenduan se topi kishte kaluar vijën, por arbitri mendoi ndryshe.

Goditja e Fazliut

Për të shijuar golin e parë në këtë ndeshje u desh pritja e minutave shtesë. Kastriot Rexha dhuroi një asist për Bojkun dhe mesfushori goditi saktë dhe dërgoi topin në rrjetë.

Ky trepikësh e ngjit Feronikelin përkohësisht në vend të pestë me 19 pikë, dy më pak se kryesuesit e Dritës dhe Gjilanit. Humbja e shtatë për Vushtrrinë, që mbyll renditjen me vetëm 6 pikë. /abcnews.al

Vushtrria – Feronikeli 0-1
(Bojku 90+3′)

gjilani-1280x925.jpg
Vladimir Prenga16:05 | 18/10/2019

Gjilani mposht me përmbysje kampionët në fuqi të Kosovës, Feronikelin dhe ngjitet momentalisht në krye. Skuadra e drejtuar nga Gentian Mezani ka triumfuar me rezultatin 1-2 dhe shkon në kuotën e 21 pikëve. Skuadra nga Drenasi humbet një tjetër takim me rivalët direkt dhe sheh t’i largohet kreut.

Jean Carioka, i cili në Superiore ka luajtur me Kukësin, realizoi në portën e Gjilanit i pari. Epërsia e kampionëve nuk zgjati shumë, pasi Franc Veliu pas një goditjeje këndi shënoi me një gjuajtje me kokë. Katër minuta më pas ishte kapiteni Ylber Kastrati që realizoi golin e fitores për Gjilanin.

Llapi gjithashtu ka marrë tre pikë të rëndësishme në shtëpi ndaj skuadrës së Trepça ’89. Merlaku befasoi ekipin nga Podujeva dhe pjesa e parë u mbyll me epërsinë e mitrovicasve. Në të dytën futbollistët e drejtuar nga Tahir Batatina reaguan, duke shënuar katër gola. Emini, Hyseni dhe dy herë Osmani i dhanë fitoren Llapit.

Fitore edhe për Dukagjinin, që ka zbritur në vendin e fundit skuadrën e Vushtrrisë. Skuadra nga Klina i është gëzuar golit të Merlakut dhe ka marrë triumfin e dytë sezonal. Gjithsesi situata mbetet e vështirë, pasi renditen në vendin e parafundit.

IPKO SUPERLIGA E KOSOVËS – JAVA 10
E premte, më 18 tetor, ora 14:00              

Dukagjini-Vushtrria 1-0
Shënues:
Merlaku 17′

Feronikeli-Gjilani 1-2
Shënues:
Carioca 73′ / Veliu 81′, Kastrati 85′

Llapi-Treppca ’89 4-1
Shënues:
Osmani 67′, 76′, Emini 71′, Hyseni 88’/ Jashari 1′

/abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono