Ferdinand Dervishi

xhaferr-Kanani-okok.png
Autor E23:00 | 11/01/2020

Në vitin 1960, Sigurimi i Shtetit ishte afirmuar në qëllimin e vet. Ai kishte pasur sukses të mënjanonte të gjitha përpjekjet nga jashtë për të rrëzuar regjimin e Enver Hoxhës dhe, nga ana tjetër, të vendoste nën kontroll absolut popullin e thjeshtë.

Por pikërisht në kohën kur kjo polici sekrete i kishte futur frikën në palcë një populli të tërë, kur askush nuk guxonte të mendonte se mund ti bënte bisht tutelës që ajo kishte vendosur, një i panjohur, duke u hequr si oficer me gradën major, arriti të depërtojë, me një lehtësi të admirueshme, deri në zemër të këtij shërbimi sekret.

Historia thotë se për 8 muaj me radhë ai u trajtua nga kolegët si oficer dhe si major i Sigurimit të Shtetit në Shkodër, dhe sidomos në Durrës, duke përfituar edhe gjithë atributet e konfortin që ofronte ky post i lartë.

Posedoi armë dhe uniformë me grada majori, mori pjesë dhe dha mendime për arrestime të ndryshme, u akomodua dhe ushqye pa paguar asnjë qindarkë në hotelet dhe restorantet më të mira, madje falë postit të ri të punës, realizoi në kohë rekord edhe një fejesë me vajzën që i pëlqente.

Pas zbulimit, ngjarja do të shokonte strukturat më të larta të Sigurimit të Shtetit. Ajo ishte aq e paimagjinueshme saqë nuk arrinin ta besonin as ata që më pas do të hetoheshin dhe gjykoheshin si viktimat e saj.

Policia Politike e Partisë së Komunistëve shqiptarë, syri i mprehtë i saj, ishin vënë në lojë nga një personazh krejt i pakualifikuar. Përsosmëria e organit më të rëndësishëm të sigurisë së diktaturës komuniste ishte vënë në pikëpyetje.

Por kush ishte personazhi që për 8 muaj me radhë, nën një identitet të sajuar, i dha vetes mundësinë të kalonte një pjesëz të jetës ashtu siç mbase e kishte parë vetëm nëpër filma, apo vetëm në ëndërr? Në çfarë rrethanash ja kishte mundësuar vetes këtë aventurë?/abcnews.al

zef-deda-ne-kane.jpg
nev ila22:45 | 29/12/2019

Autori i “ABC Story” dhe gazetari Ferdinand Dervishi i ftuar në studio me Fabiola Hoxhën rrëfeu në ABC News, se përse vendosi të ketë në ciklin e dokumentarëve të ABC Story, humoristin e njohur Zef Deda. Në këtë rrëfim Dervishi dha disa detaje nga dokumentari që ka në qendër aktorin e humorit.

Pse menduam ta kemi Zef Dedën në ciklin e dokumentarëve në ABC Story?

“Megjithë këto ngjarje të dhimbshme që kemi patur kohët e fundit do të ishte mirë që viti i ri të kalojë si Vit i ri. Pra të mos harronim traditën, për këtë arsye menduam Zef Dedën. E menduam Zef Dedën si brezi i humoristëve të nivelit shumë të lartë që kemi patur në Shqipëri. Në kohën e komunizmit, populli ka patur 2 moment ku qetësonte shpirtin; kur vinte fundjava dhe në raste festash kur këngët dhe humori bëheshin bashkë në televizionin shtetëror. Për shqiptarët ka qenë i vetmi ushqim shpirtëror i asaj kohe. Për këtë arsye këngëtarët dhe humoristët e asaj kohe i kujtojmë me shumë nostalgji dhe i vlerësojmë shumë. Një ndër njerëzit që ka qenë në majat e humorit shqiptar ka qenë Zef Deda, ai është nga Shkodra, nga qyteti i humorit. Është prej 60 vjetësh në skenë. Kështu është arti, një jetë e tërë që lind në individin e duhur. Zef Deda nuk e dinte në komunizëm se një pjesë e tij kishte kapërcyer kufijtë e izoluar të Shqipërisë, pra kishte një famë ndërkombëtare. Në ato kohëra, dikur nga vitet 70-80 ka patur një marrëdhënie të ngushtë mes Shqipërisë dhe Jugosllavisë për shkëmbime kulturore. Në këtë kuadër vjen një ekip i Televizionit të Prishtinës por që fshehurazi ishte futur dhe një ekip i televizionit të Beogradit të cilët kërkojnë dhe marrin lejet e duhura. Në dy pjesë ku Zef Deda imiton Çarli Çaplinin jepen në Tv e Prishtinës dhe në TV e Beogradit. Pak vite me pas, me 1989, TV Beogradi i dergon 2 etydet ne Festivalin e Kanes”, tha Dervishi.

Nga festivali i Kanës më prestigjiozi në botë për filmin…. çudia ndodhi, Zef Deda në rolin e Çarli Çaplin fiton vendin e parë, porse merita i shkoi TV-së  së Beogradit. Çmimit të parë të rolit të Zef Dedës iu akordua 50 mijë dollarë në atë kohë. Këtë lajm Zef Deda e merr gojë pas goje.

Roli i Çarli Çaplin nga Zef Deda bëri jehonë në mediat botërore saqë disa prej tyre kërkuan të kontaktonin me të por që Ministria jonë e jashtme në atë kohë i kishte mbajtur larg duke u thënë se aktori ishte i sëmurë rëndë.

Për më shumë detaje për historinë e jashtëzakonshme të Zef Dedës mund të ndiqni dokumentarin e plotë në ABC Story:

 

lasgushi-fredi-1280x719.jpg
nev ila09:18 | 22/11/2019

“M’u desh të bëja dokumentar që të njihja se kush ishte Lasgush Poradeci” me këto fjalë e ka nisur bisedën e tij në studion e ABC-ja e mëngjesit me Enkel Demin, gazetari dhe autori i ABC Story, Ferdinand Dervishi.

Gjatë bisedës në studio Dervishi tha se madhështia e poetit Lagush Poradeci është lënë në hije nga regjimi komunist dhe të gjithë e kanë njohur pak veprën e tij.

I pyetur nga gazetari Enkel Demi se përse e kishte quajtur dokumentarin “Gjeniu me pilulë cianuri në xhep” Dervishi tha:

Ai e kuptonte se ku jetonte. Ishte njeriu që po shihte se, për një fjalë goje shkoje në burg. Ai pa se si vëllai i Reshit Çollakut, që ishte hero i popullit, ishte një nga familjet më të respektuara në Pogradec atë kohë, shkoi në burg me akuzën e “agjitacion propagandës”. Ai ishte i kujdesshëm, por e kishte frikën, dhe ndjente se prangat për të ishin shumë afër. Ai kishte thënë në rrethin e tij të ngushtë e miqësor se: “ne poetët jemi të brishtë nuk i durojmë dot torturat, kështu që unë kam këtë…(pilulën).

Sipas Dervishit jeta e poetit, ka qenë një sfidë ndaj komunizmit, dhe duke parë në rrethin e tij miqësor se si depërtonte ky regjim, poeti lëvizte me një pilulë në xhep.

Gazetari tha se personaliteti shume i spikatur dhe i fortë, që karakterizonte Lasgush Poradecin, nuk do të lejonte që komunizmi të ushtronte mbi të, dhunë apo tortura, por do i jepte zgjidhje vetes duke përdorur pilulën e helmatisur, e cila do i jepte fund jetës së tij brenda 3 minutave.

Të gjitha këto ngjarje dhe fakte të tjera, nga jeta e poetit Lasgush Poradeci, do të transmetohen në dokumentarin ABC Story ditën e shtunë ora 22:00./abcnews.al

dervishi1.jpg
ent ela20:50 | 04/11/2019

“Situata kriminale në vend është shumë keq, se këtu është bërë aleancë me djallin, të cilit i është dhënë pushtet, para dhe pronë”.  Është kjo situata në vendin tonë sipas këndvështrimit të  gazetarit  të ABC Story Ferdinand Dervishi në studion e Mirela Milorit.

“Unë situatën kriminale në Shqipëri e shoh shumë keq, ne jemi në këtë situatë se dikur u bë një aleancë me djallin për të rrëzuar Berishën, aleancë me djallin ka bërë dikur Fatos Nano në Shqipërinë e 1997, kur e kishin bandat në zotërim, po kur erdhi puna u tregoi vendin, kur shteti u bë ai i tregoi vendin. Dhe kemi kurbatorë të mirë të goditjes së krimit vazhdoi dhe dy vjet në qeverinë Berisha, ishte periudha më  emirë e gosditjessë krimit.

Çfarë ndodh kur ti bën aleancë me djallin?

Ne futëm djallin në shtëpi e bën zv/kryeministër, ministër, deputet dhe pastaj i shtrin edhe më shumë këmbët se zoti i shtëpisë. Krimi po hedh shkelma në Shqipëri, krimi është futur në shtëpi i është dhënë pushtet, para, pronë, dhe i hipën në qafë të zotit. Njerëz të pushtetshëm nuk guxojnë të flasin me emra, pse nuk po e thonë?”

I pyetur nëse beson ose jo te vettingu dhe institucionet që mund ta vënë në shina këtë situatë, Dervishi thekson se ky është një investim amerikan, por që politika shqiptare është munduar ta bëjë sipas mënyrës së vet, duke futur njerëzit e tyre.

“Kjo është çështje madhe, është investim amerikan, ata kanë paguar. Problemi është që shqiptarët ngaqë kanë frikë janë munduar ta bëjnë sipas mënyrës së vet, qoftë të grupeve. Që këtu është investuar nga të dy krahët e politikës të fusin njërëzit e tyre. Dhe kemi prokurorë që kanë ikur kot që kanë të shkuar duke punuar me shtetin dhe kemi shumë të tjetër që ia kanë hedhur vetingut edhe pse kanë punuar më shumë për vete se për shtetin. Është degjenuar pak, por është një lëvizje pozitive,  kam shpresë dhe jam pro kësaj”. /abcnews.al

dervishi.jpg
ent ela20:26 | 04/11/2019

 “Nuk mund të themi që ky është prokurori  më i mirë. Ky nuk është Falkone shqiptar, por unë do ta lidhja këtë histori me pronat”. Kështu u shpreh gazetari ABC Story Ferdinand Dervishi ka folur në studion e “Mbrëmjen në ABC News” të Mirela Milorit, në lidhje me atentatin ndaj makinës së prokurorit Arjan Ndoj.  Sipas tij kjo ngjarje ka lidhje me mafien e pronave në Shqipëri dhe tjetërsimin e tyre.

“Unë do ta quaja mafia e pronave në Shqipëri, ose grupime kriminale që merren me tjetërsime pronash. Duke parë se me kë ishte prokurori në makinë mund të bëhet një lidhje e tillë.

Jemi në shpërthim të disa konflikteve që kanë të bëjnë me mafien e pronave që kanë gjeneruar miliona euro, shkojnë deri atje sa i vënë pistoletën në kokë kryeregjistruesit. Jemi në një moment që këta njerëz janë bërë shumë të pushtetshëm, të pasur dhe po krijohen konflikte të këtyre me shtetin”. /abcnews.al

termete.jpg
ad min16:55 | 28/09/2019

Tërmeti i datës 21 shtator 2019 i frikësoi shqiptarët. Edhe pse nuk pati viktima, edhe pse dëmet materiale nuk ishin të konsiderueshme, paniku nga dridhjet, që vijuan edhe në ditët në vijim, ishte i madh. Në fakt shqiptarët duhet të kenë frikë nga tërmetet.

Emisioni Abc Story sjell sot në mbrëmje, në orwn 22:15 një histori të tërmeteve më shkatërruese që kanë goditur vendin tonë qysh nga prehistoria. Statistikat thonë se Shqipëria vendoset mes 50 vendeve me rrezikshmëri të lartë dhe historia dëshmon se, qysh në lashtësi, tërmete shkatërrues, me intesitet 6 deri në 7 ballë, kanë qenë të shpeshtë.

Zonat më të rrezikuara nga lëkundjet e tokës, janë Shkodra e Lezha në veri, Durrësi e Tirana në qendër të vendit dhe Vlora e Himara në jug. Në Durrës, vendndodhja nëntokësore e tërmeteve të fundit, në zonën ku shtrihet ky qytet dhe një pjesë e nëntokës së detit pranë tij, nuk janë pjesë e një ngjarjeje të rastësishme.

Sipas studimeve të ndryshme, qyteti i Durrësit, në nëntokën e të cilit gjenden Sedimente Kuaternare shumë të dobëta, përfaqëson zonën më të rrezikshme bregdetare në Shqipëri. Këtë e tregojnë edhe tërmetet e shumta dhe shkatërrimtare, nisur nga viti 177 para erës sonë, në vitet 300 dhe 500, në shekullin e 13 dhe sidomos në vitet 1800.

Kështu, tërmeti i shekullit të 5, që pothuaj e rrafshoi Durrësin, e detyroi Perandorin Bizantin, Anastasin e Parë, i cili ishte me origjinë nga ky qytet, që të ndërtonte një mur mbështetës, rreth 12 metër të lartë, me qëllim që të mbronte muret e kalasë së qytetit.

Një nga tërmetet më të fortë, që kanë goditur Durrësin, listohet ai i vitit 1273, pas të cilit banorët, të terrorizuar nga lëkundjet e vazhdueshme, u detyruan në braktisnin qytetin dhe të gjenin strehim në Berat.

Zbritur në jug edhe Vlora dhe rrethinat e saj përbëjnë një tjetër teatër të rrezikuar nga tërmetet. I fiksuar në një pikturë të publikuar në për herë të parë në një gazetë gjermane, tërmeti më shkatërrues në trojet shqiptare duket se mban datën 12 tetor 1851. Në pamje duket qyteti i Vlorës në pluhur e flakë dhe banorët, të cilët të frikësuar nga ajo që po ndodhte me tokën e paqëndrueshme nën këmbët e tyre, që po largohen me varka në det të hapur.

Përpara se të vendosnin të arratiseshin përmes detit, banorët kishin ndier e parë situata e skena nga ferri; shpërthime të fuqishme ishin dëgjuar për disa minuta të gjata të shoqëruara me lëkundje të frikshme tërmeti. Pothuaj të gjitha banesat e tyre ishin shembur. Flaka dhe pluhuri kishin errësuar qiellin dhe deti ishte turbulluar nga një valë cunami, dy këmbë e lartë, siç është fiksuar në histori.

Tërmeti do të shkaktonte rreth 2 mijë viktima në Shqipërinë e Jugut dhe të Mesme. 400 ushtarë do të varroseshin njëkohësisht nga rrëzimi i një muri në kalanë e Beratit, ndërkohë që, disa kilometra me tej, maja e një mali do të rrokullisej me një hungërime kërcëllitëse.

Ecur kronologjikisht, më 1 qershor të vitit 1905, një tërmet me magnitudë 6.6 goditi Shkodrën dhe zonat rreth saj duke shkaktuar 120 të vdekur. Në fund të vitit 1930 ka pasur dy tërmete me 60 të vdekur gjithsej, më 27 gusht 1943 tëmeti u ka marrë jetën 43 shqiptarëve, ai i 30 nëntorit 1967 vrau 18 njerëz, ndërsa ai i 15 prillit 1979  35 të tjerë.

Më i afërti në kohë, tërmeti i 15 prillit të vitit 1979, me magnitudë 6.9, me qendër diku në Petrovac të Malit të Zi, ishte tejet shkatërrimtar. 1 487 ndërtesa u rrafshuan me tokën, 101 njerëz humbën jetën. Disa qytete bregdetare me qendra historike, si Budva apo edhe Tivari i Vjetër, pësuan dëmtimet më të mëdha – pas nuk mbeti as Ulqini, një qytet që banohet pothuaj krejtësisht nga shqiptarët.

Kaptuar në territorin shqiptar tërmeti shkaktoi dëme të konsidrueshme në Shkodër e rrethina, ku disa fshatra pranë lumit Buna u shkatërruan krejtësisht, por dëme të mëdha pati edhe në Lezhë.

“Tërmeti tundi malet, por jo zemrat tona”, ishte sllogani i shtetit komunist shqiptar, si pjesë e një propagande të shfrenuar që mbulonte me një shtresë të trashë mjalti plagët reale të popullatës së zonave të prekura nga tërmeti.

E njëjta propagandë e shfrenuar, që sot tingëllon e trashë dhe e pakuptimtë, ka mbuluar edhe plagët e tërmetit të datës 3 prill 1969, me epiqendër në Mallakastër, që la të pastrehë mijëra njerëz, një histori që Abc Story e sjell të plotë përmes një dokumentari propagandistik të kohës./abcnews.al

mashtruesit-3.jpg
nev ila17:57 | 08/06/2019

Emisioni ABC Story i gazetarit Ferdinand Dervishi vjen këtë mbrëmje, në orën 22:15, me një seri të tretë, që sjell sërish disa histori pikante mashtruesish shqiptarë e të huaj.

Në pjesën e parë të dokumentarit ka zënë vend historia e mashtrimit të Nikola Arsidit, një shtetasi francez, i cili në vitin 1991, i premtoi shtetit shqiptar negocimin e borxhit të jashtëm, që në këtë kohë kapte shifrën 450 milionë dollarë. Porse Nikola Arsidi dhe një numër zyrtarësh shqiptarë e shfrytëzuan këtë mundësi për të vjedhur të hollat e shqiptarëve në një kohë që ata nuk kishin as bukën e gojës të siguruar. Shuma e përvetësuar nga mashtruesi francez dhe bashkëpunëtorët shqiptarë ishte 1.6 milionë dollarë.

Kryesisht skemat mashtruese kanë për qëllim fitimin e të hollave, në disa raste përjetimin e aventurës, por, në minorancë bota ka njohur edhe mashtrimin për të vënë në lojë të tjerët dhe njëkohësisht për të mbushur veten me kënaqësi shpirtërore.

Në pjesën e dytë të dokumentarit është përzgjedhur të vendoset një histori e vitit 2007, që ka në qendër mashtrimin me gjetjen e dokumentit origjinal të pavarësisë, një lojë ende e paqartë komunikimi mes ish-kryetares së Parlamentit shqiptar Jozefina Topalli dhe historianit Kristo Frashëri.

Në pjesën e tretë është vendosur një mashtrim spektakolar me lëshimin e diplomave dhe titujve honorifikë, kundrejt pagesës, nga një organizatë me qendër në Tiranë, e cila ka peshkuar jo vetëm politikanë dhe figura të njohura publike në Shqipëri e Kosovë, por edhe në Itali./abcnews.al

male.jpg
ad min22:55 | 04/05/2019

Mashtruesit nuk përdorin armët për të arritur qëllimin e tyre. Ata vënë në përdorim mendjen. Dokumentari më i ri i gazetarit Ferdinand Dervishi rindërton historitë e disa prej mashtruesve më të zotë shqiptarë që kanë lidhje me Shqipërinë, të cilët kanë ecur në gjurmët e disa prej mashtruesve më të njohur botërorë.

Dokumentari nis me historinë e nje kllouni cirku gjerman, i cili në vitin 1913, për 5 ditë, u vetëshpall Mbret i Shqipërisë. Gjithsesi rastet më interesante që trajtohen në dokumentar i përkason aktualitetit. Janë historitë e pabesueshme të Kledi Kotes, që me anë të dokumenteve false vdiq e ngjalli njerëz, që paraqiti para gjykatës njerëz të falsifikuar e të tjera, për të nxjerrë nga banka depozitën prej 255 milionësh të një tregtari.

Historia e Blendi Pilinçit, që duke u hequr si punonjës i shtetit, bëri miliona në prag të vizitës së Papa Vojtilës në Shqipëri, historia e Mimoza Ujkës, me shkollë fillore, që bëri lëmsh prokurorinë e Tiranës duke u hequr si oficere e policisë gjyqësore dhe më tej edhe historitë e saj brilante të mashtrimit në shtetin italian.

Historia e avokates Natasha Shehu, që vodhi shpërblimet e shtetit italian për familjarët e Tragjedisë së Otrantos të vitit 1997 duke pretenduar se të hollat ja kishte lënë i ati biologjik, ish-kryeministri shqiptar i kohës së komunizmit, Mehmet Shehu, e të tjera. Të gjitha historitë e mashtruesve shqiptarë shoqërohen me histori ngjashme të mashtruesve botërorë. Dokumentari transmetohet premierë sot./ABC News Albania 24/7

SHQIPERIA-E-MADHE-foto-ok.jpg
ad min11:43 | 07/04/2019

Në vitin 1941 fashistët italianë, në bashkëpunim me Hitlerin, realizuan një Shqipëri të zgjeruar me territore të Malit të Zi, të Kosovës dhe Shqipërisë Lindore.

Kështu, pas një pushtimi sllav prej gati 30 vitesh, popullsia shqiptare e këtyre trojeve fitoi lirinë dhe u bashkua me shtetin amë. Kjo është konsideruar një periudhë që dha rezultate pozitive, sidomos në përhapjen e arsimit shqip, një nismë për të cilën qeveria e Tiranës punoi me këmbëngulje.

Pikërisht historinë e plotë të kësaj Shqipërie të Madhe që u krijua nga fashistët, territoret që u përfshinë, ndërtimin e administratës, përhapjen e shkollave shqipe etj, deri në largimin e trupave gjermane nga Ballkani në fund të vitit 1944, sjell edhe ky dokumentar./abcnews.al

Turizmi-Abc-Story-foto.jpg
ent ela12:47 | 18/09/2018

Të gjithë jemi dëshmitarë se për turizmin shqiptar këto vite të fundit po flitet me shifra milionash. Por si erdhëm në këtë kohë, cila është e shkuara e turizmit shqiptar? Në këtë dokumentar bëhet një përmbledhje e ecurisë së turizmit në dy kohë, në kohën e Mbretërisë, kur edhe ka startuar turizmi i organizuar dhe gjatë kohës së diktaturës.

Interesant është fakti se gjatë kohës së Mbretërisë të huajt më së shumti preferonin turizmin për gjueti dhe se, pas pushtimit të Shqipërisë, italianët vënë në lëvizje një plan shumë ambicioz, filluar nga ndërtimi i hoteleve që eksizojnë edhe sot si Dajti, Vollga apo hoteli i Gjuetisë në Lezhë.

Por për fat të keq turizmi gjatë kohës së diktaturës komuniste nuk llogatitet si degë e ekonomisë, por si pjesë e propagandës. Për këtë arsye pak të huaj lejoheshin të vinin në Shqipëri, kështu që turizmi dominohej kryesisht nga anëtarë të grupeve marksiste – leniniste. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono