Fenerbahçe

Muriqi.png
Veronik Istrefaj20:36 | 19/11/2019

Tottenham vazhdon të interesohet për Vedat Muriqin dhe tashmë, ka edhe një shumë konkrete për të arritur te firma e sulmuesit. “Gjelat” duhet të paguajnë 17 milionë paundë nëse duan të sigurojnë kartonin e 25-vjeçarit, raporton “Aksam”. Skautë të Tottenham e kanë ndjekur gjatë gjithë sezonit Muriqin dhe janë impresionuar nga paraqitjet e tij me Kosovën dhe Fenerbahce.

Pasi larguar Fernando Llorente dhe shitën Vincent Janssen te Monterrey gjatë verës, “Gjelat” duan me doemos një sulmues, pasi për momentin, po varen vetëm te Harry Kane. Lucas Moura dhe Heung min-Son nuk kanë bërë mirë si sulmues qendre.

Muriqi shihet si zgjidhja e problemeve te Tottenhami, pasi ka shënuar rregullisht këtë sezon. Në SuperLig turke, bomberi dardan ka krijuar për skuadrën e tij tetë gola në 11 sfida deri më tani./abcnews.al

Muriqi.png
Veronik Istrefaj19:21 | 08/11/2019

Vedat Muriqi ka shënuar sërish në sfidën ndaj Kasimpasa. Pasi goli i tij në minutën e gjashtë u barazua nga miqtë, ishte po vetë bomberi dardan që e riktheu në avantazh Fenerbachen. Sërish me anë të një penalltie, Muriqi gjen rrjetën, pak sekonda para fundit të pjesës së parë.

Sulmuesi gjuan përsëri në të njëjtin krah si në penalltinë e parë, duke e mposhtur për herë të dytë portierin mik. Përveç aftësive të tij në lojë aktive, Muriqi po tregon se dhe nga pika e bardhë, është një “vrasës” gjakftohtë!/abcnews.al

Turqi, Super Lig

Fenerbache – Kasimpasa  2-1
Muriqi (p) 6′ 45′ / Khalili 38′

Muriqi-Fenerbahce.jpg
Veronik Istrefaj19:01 | 08/11/2019

Sulmuesi i Kosvës, Vedat Muriqi, po bën një sezon të shkëlqyer me skuadrën e Fenerbache në Turqi. Bomberi dardan ka po bën paraqitje të jashtëzakonshme, si dhe po gjen rrjetën në mënyrë konstante. Shtatlarti ka shënuar edhe sot, në sfidën kundër Kasimpasa.

Në minutën e gjashtë, Fenerbache fiton një penallti dhe Muriqi merr përsipër ekzekutimin e saj. Me një gjakftohtësi të madhe, dardani mposht portierin mik, duke shënuar në krahun tjetër. Ky ishte goli i gjashtë i Muriqit në kampionatin turk, si dhe ka asistuar një herë për shokët e tij të skuadrës. Një futbollist fantastik!/abcnews.al

Turqi, Super Lig

Fenerbache – Kasimpasa  1-0
Muriqi (p) 6′

Muriqi-1.png
Veronik Istrefaj22:48 | 26/10/2019

Vedat Muriqi vazhdon të shënojë në kampionatin turk të futbollit. Sulmuesi i Kosovës ka shënuar sërish për skuadrën e Fenerbache, në atë fitore 5-1 ndaj Konyaspor. Bomberi dardan shënoi golin e pestë dhe më të bukurin të takimit.

Pasi merr një top në mesfushë, gjiganti i sulmit niset me hapa galopantë drejt zonës. Në hyrje të saj, Muriqi nuk mendohet dy herë, dhe gjuan fort me të majtën. Goditja e tij është e pakapshme dhe çfarë goli!

Për Vedatin, po na mbarojnë fjalët e mira, pasi javë pas jave po tregon paraqitje të shkëlqyera. Kosova është me fat që e ka, po ashtu edhe Fenerbahce./abcnews.al

azisi.jpg
Vladimir Prenga12:09 | 25/10/2019

Fenerbahce ka shtuar numrin e shqiptarëve në skuadër. Veç Vedat Muriqit, tashme pjesë e gjigantit turk do të jetë edhe mesfushori Fatlind Azizi. 19-vjeçari luan si mesfushor qendre dhe fillimisht do të jetë pjesë e akademisë së Fenerbahce.

Azisi ishte pjesë e Bursaspor U21 dhe tashmë nis një aventurë të re. Një sezon më parë ai ka luajtur 19 ndeshje, 11 si titullar. Fenerbahce po e vëzhgonte me kujdes lojtarin dhe tanimë ai ka firmosur. Klubi turk po vëzhgon shumë për elementë të rinj, për të pasur një të ardhme të sigurt.

Mesfushori i ri më parë ka qenë edhe pjesë e moshave të Galatasarayt, por për shkak dokumentacioni nuk ka qëndruar aty. Duke qenë nën moshë, Azisi është dashur të marrë edhe prindërit në Turqi, por pa i mbushur 18 vjeç nuk mund të nënshkruante dhe kështu ka luajtur me moshat e Balikesespor. Tanimë nis një fazë të re në karrierën e vet dhe do mundohet të debutojë sa më shpejt me ekipin e parë të Fenerbahce. /abcnews.al

Muriqi-Fenerbahce.jpg
Vladimir Prenga11:33 | 25/10/2019

Vedat Muriqi po spikat në Turqi. Një vit më parë shpërtheu me Rizespor, duke shënuar 17 gola. Në verë ishte Fenerbahce që e bleu sulmuesin nga Prizreni, i cili ka shënuar katër gola në kampionat këtë sezon. Muriqi po bën paraqitja të mira edhe me Kosovën dhe kjo ka bërë që të ketë goxha interes për shërbimet e tij.

Sulmuesi ka arritur t’i shënojë edhe Anglisë dhe në Turqi përmendin klube si West Ham, Tottenham dhe Manchester United si të interesuara. Gjithashtu në Itali lakohet Lazio dhe Interi së fundmi. Në skenë tashmë ka dalë edhe një tjetër klub.

Gazeta Fanatik Në Turqi shkruan se për Muriqin është futur në garë fuqishëm Napoli. Drejtori sportiv i Napolit, Cristiano Giuntoli, është takuar me Damien Comolli për Muriqin. Fillimisht ka marrë informacion mbi situatën e sulmuesit dhe në vazhdim do të ketë sërish bisedime.

Fenderbahce nuk është se e ka në plan ta shesë 25-vjeçarin, por do të mendohej mirë para një oferte të madhe. 25-30 milionë euro pretendeohet të përfitohet nga shitja e Muriqit, një shifër mjaft e lartë. / abcnews.al

Faksimile e lajmit të botuar nga Fanatik në Turqi
Muriq.jpg
Veronik Istrefaj19:39 | 20/10/2019

Vedat Muriqi vazhdon të impresionojë. Sulmuesi i Kosovës po kalon një formë të shkëlqyer dhe ka shënuar sërish sot, në takimin kundër Denyaspor.

Gjiganti i sulmit ishte në kohën e duhur dhe në vendin e duhur për të shtyrë topin drejt rrjetës, në minutën e 62-të. Ky gol dyfishoi avantazhin e Fenerbahce.

Muriqi ishte i grumbulluar me Kosovën në sfidat e tetorit, madje dhe shënoi në sfidën delikate ndaj Malit të Zi. Formën e mirë me përfaqësuesen dardane, Muriqi e ka marrë me vete dhe në Turqi, aty ku ka shënuar katër gola deri më tani dhe ka asistuar një herë./abcnews.al

Muriqi-Maguire-2-1280x769.jpg
Veronik Istrefaj19:10 | 15/10/2019

Skuadra e Tottenham Hotspur kërkon me doemos firmën e sulmuesit të Kosovës, Vedat Muriqi. Mediat britanike raportuan se klubi londinez pati dërguar dy skautë për të ndjekur sfidën mes Kosovës dhe Malit të Zi, pikërisht për të ndjekur nga afër bomberin dardan.

Muriqi bëri një ndeshje shumë të mirë, duke shënuar golin e dytë në atë fitore 2-0 ndaj malazezëve. Në minutën e 34-ët, Muriqi bëri gjithçka mirë në hyrje të zonës dhe pas dy tentativave, mposhti portierin mik, për t’i siguruar tri pikë të arta djemve të Challandes.

Mësohet se paraqitja e Muriqit i ka bindur drejtuesit e Tottenhamit dhe me shumë gjasa, do të ketë një ofertë në janar për shërbimet e tij. Fenerbahce nuk pritet ta pengojë një largimit të bomberit dardan, gjithmonë nëse është oferta e duhur./abcnews.al

Ozil.jpg
Veronik Istrefaj17:43 | 10/10/2019

Mesut Ozil po pret merkaton e janarit, në mënyrë që të largohet nga Arsenali. Fantazisti gjerman nuk është në planet e Unai Emery, pasi ka luajtur vetëm 141 minuta këtë sezon. Numri 10 o “Topçinjve” me shumë gjasa do të huazohet në janar.

Flitej se skuadra e Milanit ishte favorite për firmën e 30-vjeçarit, por mediat britanike raportojnë se Ozil do të transferohet në Turqi. Skuadra e Fenerbahce ka nisur bisedimet me klubin e Arsenalit, për të siguruar shërbimet e Ozil në formë huazimi. Gjithçka pritet të konkretizohet gjatë muajit të ardhshëm./abcnews.al

Muriq.jpg
Igli Nikolli14:37 | 02/10/2019

Galatasaray-Fenerbahce është kryesfida e kampionatit turk të futbollit. Rivaliteti, urrejtja dhe atmosfera që krijohet në derbin e Stambollit është unike. Gjithçka paralizohet kur përballen këto dy ekipe, ndërsa njerëzit ndahen në dy kahe.

Një episod i veçantë ka ndodhur gjatë një dasme. Siç shihet në video, askush nuk e ka mendjen të vallëzojë apo të ushqehet. Të gjithë celularin ndezur, kufjet në vesh dhe sytë te ndeshja.

Dueli i fundjavës së kaluar nuk prodhoi asnjë gol, ndërsa Vedat Muriqi, bomberi i Fenerbahces, u aktivizua gjatë gjithë ndeshjes. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono