fëmijë

gjyqi-ok-933x445.jpg
G. P.21:57 | 19/05/2019

Në 2011-n, Klarenc Lelaj humbi dy fëmijët e tij të mitur 3 dhe 4 vjeç, si pasojë e një shkarkese elektrike në banesën ku ata ndodheshin, në Vlorë. Për këtë fatkeqësi, familja e Klarencit ka përfituar një shpërblim për të cilin pretendon se ia ka marrë avokati dhe njëra prej motrave, Mimoza, të cilën këtë të diel e kishte sjellë në një seancë ndërmjetësimi në “Shihemi në gjyq”.

Humbja e dy fëmijëve të mitur për familjen Lelaj ishte një tragjedi e cila nuk ka fjalë për t’u përshkruar. Në gjendje tejet të rënduar psikologjike dhe në vështirësi të mëdha ekonomike, pak muaj pas vdekjes së të vegjëlve, zoti Lelaj tregon se atyre iu afrua një avokat. Adrian Dauti u tha se u takonte dëmshpërblim dhe i siguroi që do të merrej ai me të gjitha.

Zoti Lelaj thotë se avokati u kërkoi që të firmosnin nëpër letra të bardha dhe me mirëbesim, firmosën. Për ngjarjen e rëndë u bënë disa gjyqe, të cilat familja Lelaj i fitoi. Nga këto gjyqe, kjo familje u dëmshpërblye në total me mbi 1 miliardë lekë. Ndonëse sipas ligjit dëmshpërblimi i takonte vetëm familjes, pra bashkëshortëve që humbën fëmijët dhe fëmijëve të tjerë të tyre, gjyqe bënë dhe fituan edhe tezet, hallat dhe gjyshërit. Sot, bashkëshortët Lelaj thonë se kanë marrë vetëm 60 milionë lekë të vjetra, ndërsa Mimoza, motra e Klarencit e cila nga gjyqi i fituar përfitonte 50 milionë lekë, thotë se ka marrë vetëm 4 milionë.

“Motra ime, sipas fjalëve të Adrian Dautit, ish-avokati përfaqësues ligjor në dëmshpërblimin kundër kompanisë CEZ, ka përfituar 50 milionë lekë. Motra thotë unë nuk kam marrë fare, lekët e tua i ka marrë ai i të gjitha”, thotë në studio Klarenc LelajVetë Mimoza pranon se nga avokati ka marrë 4 milionë lekë të vjetra, por jo 50 milionë sa pretendon vëllai i saj.

Mimoza: Unë të kam vëlla, vëllai nuk hidhet poshtë.

Klarenc Lelaj: Çfarë vëllai, po ti ke marrë lekët e fëmijëve të mi të vdekur moj. Zonja Eni, avokati më ka thënë se i kam ndarë paratë me motrën tënde.

Mimoza: Të njëjtën gjë më ka thënë edhe mua. Lekët e tua i ka marrë avokati dhe ai na ka përplasur të dyve Zonja Eni. Kemi dy vjet që nuk flasim.

Klarenc Lelaj: Nuk je motra ime moj…

Të rënduar psikologjikisht, bashkëshortët Lelaj ia besuan të gjitha proceset gjyqësore avokatit. Ky i fundit mori edhe firmat e dy vajzave të tjera të Klarencit, të cilat vijnë nga një martesë tjetër dhe jetojnë në Itali. Njëra prej tyre, Ada, e cila ndodhej në studio tregoi se në kohën kur ndodhi fatkeqësia kishte qenë ajo dhe motra e saj që iu ishin gjendur pranë të atit dhe bashkëshortes së tij, askush tjetër. Por ajo thotë se situata ndryshoi kur të afërmit e tyre morën vesh për dëmshpërblimin…

“Babi im nuk kishte as lekë për të ngrënë bukë. Unë me motrën time që jetojmë në Itali, i kemi dalë përballë për çdo gjë. Nuk ishte as halla, as xhaxhai, as gjyshi, asnjë njeri. Pastaj kur e morën vesh këta njerëz që për vdekjen e këtyre dy fëmijëve mund të ishte një shpërblim i madh lekësh, u dukën që të gjithë, erdhën që të gjithë në atë shtëpi, u kujdesën për babanë time”, tha Ada.

Ardit Gjebrea: Kjo është gjëja më e rëndë…

Por përse u përfshinë në dëmshpërblim hallat, tezet dhe gjyshërit? Po familja e prekur nga kjo fatkeqësi e madhe, përse nuk i pa kurrë ato para që sigurisht nuk mund t’ia kthenin mbrapsht fëmijët e humbur, por të paktën do t’ia kishin bërë jetën disi më të lehtë. E gjithë historia është e mbuluar me mistere, megjithatë juristja Eni Çobani thotë se do t’i shkojë kësaj çështjeje deri në fund.

“E vërteta zhytet, por nuk mbytet, do të dalë dhe do ta çojmë deri në fund. Ju e keni filluar dhe jeni në një proces gjyqësor. Sigurisht çdo gabim që bëhet nga institucionet është i pafalshëm, por mbi të gjitha unë jam e prerë përsa i përket moralit të familjes shqiptare. Ku janë shqiptarët me familjet e tyre? Ku është dashuria? Solidariteti? Dhimbja dhe mëshirimi në raste të tilla, shtrirja e dorës vëllait dhe motrës? Dhimbja ndahet dhe gëzimi gëzohet gjithmonë sëbashku. Do t’i lutesha edhe njëherë Klarencit të durojë, sepse çfarë ka vendosur ligji, do t’i marrësh herët a vonë”, tha Çobani.

Një thirrje e kishte edhe për Mimozën: “Kur të marrë edhe 46 milionë se 4 i ka marrë, të paktën tek varri i atyre fëmijëve do të çoni ndonjë tufë me lule?”

Mimoza: Zonja Eni, unë nëse i marr, të 46-ta, do t’i bëj edhe ato 4 dhe do t’ia çoj vëllait në shtëpi, këtu do jemi. Do vij tek Klani, do ta shikojmë, këtu do të jemi.

Eni Çobani: Kjo është arritja më e madhe e kësaj seance, thënia e kësaj motre që këtë shumë do t’ia çojë Klarencit që edhe sot është në vështirësi ekonomike. Klarenc, siç të kam ndihmuar deri më sot, pa asnjëlloj detyrimi, ashtu do të vazhdojmë sëbashku derisa ti të marrësh çfarë të takon dhe prap do ta bëjmë publike sëbashku edhe me këtë thënie publike të Mozës./tvklan.al

deshmore.jpg
Sej rie16:40 | 04/05/2019

5 maji, Dita e Dëshmorëve të Atdheut, ndryshe nga vitet paraardhëse e cila është mbajtur me homazhe përkujtimore pranë varrezave, këtë herë do i kushtohet fëmijëve.

Në rrugët e kryeqytetit nuk do të qarkullojnë makina duke i dedikuar të gjithë qytetin këmbësorëve. Njoftimin e bëri kryetari i bashkisë, Erjon Veliaj gjatë ceremonisë së hapjes së Festivalit Ndërkombëtar të Kukullave.

Kryebashkiaku theksoi se është më e rëndësishme që kjo ditë t’ i kushtohet këmbësorëve dhe një qyteti me ajër të pastër. Dita e diel do të jetë e boshatisur nga automjetet dhe me aktivitete të shumta për fëmijët./ABC News Albania 24/7

emoji-i-lumturise.jpg
G. P.16:40 | 16/04/2019

Pas teatrit të kukullave, për fëmijët lezhjanë po dhurojnë emocione të bukura edhe aktorë të njohur. Kësaj here, shfaqja “Emoji i lumturisë” mbushi sallën e Qendrës Kulturore të Fëmijëve në Lezhë.

“Emoji i lumturisë” nga Tirana në skenë për fëmijët e Lezhës. Jo teatër kukullash, por një lojë aktorësh të teatrit për të kënaqur e nxitur të vegjlit. Marjana Kondi flet mbi nevojën për t’i mësuar ata me kulturën e teatrit.

“Fëmija sot duhet të mësohet patjetër me kulturën e teatrit. Fakti që ti ia zë kohën që të vijë në teatër është gjërja më e madhe”, tha aktorja e njohur, Marjana Kondi.

Afrimi i aktorëve të njohur pranë fëmijëve është një tabu që po thyhet në Lezhë, thotë drejtori i Kulturës në Bashki, Ardian Laçi.

“Këta fëmijë sot janë spektatorë nesër mund të jenë aktorë. Kështu që le ta thyejnë atë tabunë dhe figurat e ekranit mos t’i shohë nëpërmjet ekranit të vogël, por të jenë në skenë, t’i kenë bashkëpunëtorë dhe pse jo të ndjekin gjurmët e tyre”, tha Ardian Laçi, drejtor i Kulturës në Bashkinë Lezhë.

Pjesa teatrore, “Emoji i lumturisë”, i ka përfshirë maksimalisht fëmijët spektatorë të saj. Të emocionuar, ata ndoqën lojën  e aktorëve në skenë./abcnews.al

Bulqizee-1280x670.jpg
ent ela15:49 | 05/04/2019

Një 11 vjeçar ka humbur jetën ndërsa motra e tij, 9 vjeçe, ka mbetur e plagosur gjatë kohës që po luanin me një granatë.  Ngjarja ka ndodhur mesditën e sotme në fshatin Kocaj-Fushë Bulqizë. Loja me një granata i kushtoi  jetën një 11 vjeçari në Bulqizë dhe motra e tij mbeti e plagosur.

Ngjarja e rëndë ndodhi mesditën e së premtes në fshatin Kocaj të Fushë Bulqizës. Dy fëmijët kishin dalë për të luajtur dhe në afërsi të një përroi në fshat gjetën granatën.

Fillimisht 11-vjeçari e ka marrë granatën në dorë e cila ka plasur duke i shkaktuar vdekjen të miturin dhe rrezikon seriozisht jetën e 9-vjeçare.

Vajza është transportuar menjëherë në spitalin e Traumës në Tiranë dhe është në gjendje kritike për jetën. Grupi hetimor vazhdon punën për zbardhjen e rrethanave të plota të ngjarjes./abcnews.al

fruth.jpg
ent ela16:12 | 19/03/2019

Ndonëse me rritjen e temperaturave ka rënë numri i personave të prekur nga fruthi mjekët vërejnë  me shqetësim se fëmijët që po kërkojnë ndihmën e tyre dhe paraqiten ne spital në gjendje të rëndë.  44 fëmijë të prekur nga fruthi janë shtruar në QSUT vetëm në 2 muaj për shkak të komplikacioneve të sëmundjes.

Komplikacionet nga fruthi kanë bërë që vetëm në dy muaj e gjysmë 44 fëmijë të shtrohen në Qendrën Spitalore Universitare “Nënë Tereza” në Tiranë.  Mjekët tregojnë se në gjendje më të rënduar shëndetësore janë paraqitur foshnjat nën 6 muaj  të cilët ende nuk kane kryer vaksinën.

Mjekët vërejnë me shqetësim se prindërit kërkojnë ndihmën e mjekut kur gjendja e fëmijës është rënduar. Ndërkohë i tërheqin vëmendjen të mos i ekspozojnë të vegjlit në mjedise të populluara pasi sëmundja vijon të jetë në qarkullim, pavarësisht rënies së numrit të personave të prekur.

Fruthi u rikthye në vendin tonë Janarin e vitit  të shkuar. Mbi 1000 persona u prekën nga kjo sëmundje. Kryesisht fëmijë nën dy vjeç të pavaksinuar.  Ndërkohë në dy muajt e parë të këtij viti nga fruthi kanë humbur jetën 2 fëmijë./abcnews.al

shkolla.jpg
G. P.13:48 | 13/03/2019

Një shkollë është shembur papritur në Lagos, Nigeri. Autoritetet paralajmërojnë për një numër të madh viktimash, sidomos nxënës filloreje.

Sipas mediave, besohet se të paktën 100 fëmijë kanë mbetur nën gërmadhat e ndërtesës që u shemb në mes të ditës, para syve të dhjetëra dëshmitarëve okularë të terrorizuar.

Në vendngjarje ndodhet një numër i madh ambulancash dhe zjarrfikësesh./abcnews.al

femije.jpg
G. P.14:27 | 10/03/2019

Nxënësit e klasave të muzikës në shkollën “Besëlidhja” në Lezhë, u kanë ofruar artdashësve një koncert pranveror me muzikë klasike. Në këtë qytet kishte vite që nuk organizohej një event i tillë.

Rikthyen në skenë muzikën klasike. 4 vjet nga çelja e klasave të muzikës në Lezhë sollën koncertin e tyre të parë për publikun. Koncerti pranveror me ansambël harqesh, kuartete dhe nga kori i shkollës “Besëlidhja” tërhoqën vëmendjen dhe duartrokitjet e publikut. Salla ishte plot për të shijuar diçka ndryshe. Edhe spektatorët janë emocionuar nga risia që erdhi në qytetin e tyre.

“Kjo është një risi, diçka shumë e bukur për qytetin tonë”.

“Absolutisht fantastike, shumë e veçantë”.

“Shumë e bukur, emocion i paparë duke parë fëmijët duke performuar”. 

Kaluan një emocion të bukur edhe artistët e vegjël. Ata tregojnë se përjetuan ndjesi të bukur. Muzika e luajtur ishte një përzgjedhje e autorëve botërorë që prezantonte optimizëm.

“Unë luajta tre pjesë dhe u ndjeva shumë mirë”.

“Unë luajta një këngë të Pjetër Gaçit. Kiusha pak emocione, po i hoqa”.

Në backstage mësuesit inkurajonin muzikantët e vegjël. Udhëheqësi artistik i koncertit Sokol Vuka pranon vështirësitë për të realizuar të tilla koncerte. Krijimi i orkestrës është sfida e tyre.

Sokol Vuka: Nuk është e lehtë që të krijosh ansambël me fëmijë. Na është dashur të punojmë shumë për të arritur këtu dhe këtë do e avancojmë më tepër duke krijuar grupe të tjera dhe në të ardhmen të krijojmë orkestrën e kësaj shkolle që do të jetë e ardhmja e këtij qyteti për të pasur sa më shumë aktivitet muzikore.

Vuka thotë se injektimi tek publiku i këtij zhanri artistik po vijon dhe salla e mbushur tregon se ekzistojnë dashamirës të saj.

Sokol Vuka: Duke parë që Lezha nuk ka një traditë në këtë drejtim ne kemi filluar që ata injektojmë pak nga pak këtë gjuhë muzikore dhe duke u munduar. Sot ishte një sukses i madh. Është pritur mirë dhe nga publiku dhe prindërit.

Drejtori i Arsimit, Bardhok Pulaj, thotë se në Lezhë po ndodh diçka e bukur dhe se këta fëmijë do të jenë talentet e muzikës në këtë qytet.

Bardhok Pulaj: Në fakt, unë jam shumë i kënaqur. Po ndodh diçka shumë e bukur. Po mësojnë nxënësit. Po përpiqemi bashkë me mësuesit e talentuar që kemi dhe shpresoj që shkolla “Besëlidhja” në këtë nismë që po vazhdon të përgatisë talente të vërtetë. Ne po i shohim. Jam shumë i kënaqur. Sot ishte një ditë e bukur për prindërit dhe fëmijët.

Koncerti pranveror i nxënësve të shkollës “Besëlidhja” ishte freskia e kësaj fillim pranvere për qytetin kulturdashës të Lezhës./abcnews.al

tunizi.jpg
G. P.09:20 | 10/03/2019

Ministri tunizian për Shëndetësinë, Abderraouf Cherif, ka dhënë dorëheqjen nga detyra pas vdekjes së 11 bebeve në një spital në kryeqytetin Tuniz.  Të gjitha foshnjet vdiqën pas infeksioneve në maternitetin Rabta në datat 7 dhe 8 Mars. Cherif kishte vetëm katër muaj në detyrën e ministrit të Shëndetësisë.

Kryeministri i vendit, Youssef Chahed tha se kanë nisur hetimet mbi institucionin mjekësor shtetëror për praktikat farmaceutike dhe higjienike. Në një postim në rrjetet sociale, shoqata e pediatrëve në Tunizi tha se infeksioni mund të ketë ardhur si pasojë e një produkti ushqimor.

Shoqata i bëri thirrje autoriteteve që të hedhin dritë mbi rastin dhe kritikoi kushtet e pasigurta mbi të cilat punojnë mjekët.

Shërbimi shëndetësor në Tunizi ka pasur reputacionin si një nga më të mirët në Afrikën e Veriut dhe turizmi mjekësor konsiderohet si një nga burimet kryesore të të ardhurave për shtetin.

Por që nga rrëzimi i presidentit Zine El-Abidine Ben Ali në 2011-n, sistemi shëndetësor ka hasur shumë pengesa nga problemet me financat dhe menaxhimin./abcnews.al

EMIGRANTET-NE-KAPSHTICE-MBULIM-abcm2t1.mpg_snapshot_00.03-1280x720.jpg
ent ela15:21 | 06/03/2019

Nje grup emigrantësh të paligjshëm u kapën nga policia në Kapshticë. Sipas policisë kufitare, 21 emigrantë të paligjshëm, të cilët udhëtonin drejt Bilishtit janë bllokuar në fshatin Vernik. Emigrantët e ndaluar janë me shtetësi iraniane, kurde dhe siriane. Mësohet se mes tyre ka pasur edhe fëmijë. Numri i emigrantëve që zgjedhin të kalojnë përmes Shqipërisë është shtuar vitet e fundit. /abcnews.al

brret.jpg
G. P.16:05 | 01/03/2019

Nxënësit e fshatit Brret në Krujë shkojnë çdo ditë në shkollë duke rrezikuar. Me një furgon të fshatit, ata udhëtojnë përmes një rrugë në mal që zgjat dy orë. Kjo për shkak se shkolla e tyre është mbyllur, por iu është prishur dhe ura.

Ky fëmijë i vogël duhet të kalojë në anë të greminës dy orë me furgon për të shkuar në shkollë. Në fshatin e tij Brret të Malësisë së Krujës, shkolla është mbyllur. Por si të mos mjaftonte kjo është shembur edhe ura. Janë 17 nxënës që jetojnë vetëm pesë kilometra larg qytetit të Krujës. Megjithatë u duhet ta kryejnë shkollën në kushtet e një aventure.

“Ne shkollën e bëjmë në Krujë. Zgjohemi shumë herët se s’kemi rruygë ku të kalojmë këtej se është prishur ura. Rruga është është shumë e keqe, e gjatë. Kur është shi mund të ikë furgoni”, tha një nxënës.

Ky është njeriu që merr përsipër me fugonin e tij t’i marrë fëmijët çdo ditë nga shtëpia në shkollë, e t’i sjellë prapë në shtëpi. Është shumë e vështirë dhe një risk i madh.

“I marr në fshatin Brret, i çoj në shkollën “Abazaj”, i bie prapë në fshatin Brret”. Dy orë. Shumë e vështirë, sidomos me gjithë këta fëmijë”, tha ai.

Rruga është e vështirë, kalon nëpër mal. Por kur ka reshje shiu, ata thonë se ndihen të rrezikuar.

“Kur është shi shumë çohemi më herët se bllokohet furgoni rrugës”, tha një nxënëse.

Në një nga këto udhëtimet mori pjese edhe ekipi i ABC News. Në këtë situatë nuk mbetet gjë tjetër, vetëm t’u urohet këtyre fëmijëve fat në rrugën drejt shkollës dhe shtëpisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono