fëmijë

shba.jpg
G. P.11:19 | 15/07/2018

Vogëlushja emigrante, e cila me të qarën e saj ngjalli polemika në SHBA dhe më gjerë, është ribashkuar me familjen e saj. 6-vjeçarja Alison mbahej në një qendër për ndalimin e emigrantëve të paligjshëm në kufirin mes Amerikës dhe Meksikës.

Një vogëlushe 6 vjeç nga El Salvadori, e ndarë nga familja e saj në kufirin mes Shteteve të Bashkuara dhe Meksikës, e qara e së cilës u regjistrua dhe publikua nga mediat amerikane dhe që kishte goditur opinionin publik, është ribashkuar me prindërit e saj. Alison Jimena Valencia Madrid dhe e ëma, Cindy Madrid, ishin ndarë nga autoritetet amerikane me 13 Qershor, pasi kishin hyrë ilegalisht në Shtetet e Bashkuara nëpërmjet kalimit në Teksas.

Në një regjistrim dëgjohej Alison që lutej që agjentët e kufirit të thërrisnin tezen e saj, e cila mbante mend numrin e telefonit.

Ndërkohë, e qara e saj bëri që në Shtëpinë e Bardhë të niste një përplasje mes vetë zonjës së parë dhe presidentit amerikan. Melania Trump vizitoi këtë qëndër ndalimi për emigrantët dhe premtoi se do të merej vetë personalisht me ribashkimin e familjeve. Ndërsa nga ana tjetër, numri një i Shtëpisë së Bardhë kundërshton idenë, me arsyetimin e forcimit të kufijve dhe ndalimin e emigracionit të paligjshëm.

Aktualisht, republikanët dhe demokratët po punojnë për një reformë lidhur me praktikat kufitare kundër emigracionit ilegal./abcnews.al

thai-rescue-759.jpg
G. P.14:25 | 10/07/2018

Ka përfunduar makthi në Tajlandë. Ekipet e shpëtimit kanë arritur të nxjerrin 12 fëmijët dhe trajnerin e tyre, që mbetën prej më shumë se dy javëve të bllokuar në shpellën “Tham Luang”. Në ditën e 3 të operacioneve është bërë e mundur shpëtimi i 4 futbollistëve të vegjël dhe trajnerit të tyre. Ndërsa të hënën dhe të dielën u nxorën dhe dy grupe me nga 4 fëmijë. Në këtë mënyrë është përmbyllur me sukses të plotë operacioni I ndërlikuar i shytësve.

Të gjithë të shpëtuarit janë dërguar në spital për trajtimet e nevojshme. 12 djem, të moshës 11 deri në 16 vjeç, dhe trajneri i tyre kanë qenë duke eksploruar shpellën Tham Luang më 23 Qershor, kur janë bllokuar brenda, si pasojë e përmbytjeve nga shirat. Fillimisht ata u shpallën të vdekur, por javën e kaluar pas kontrolleve në zonë u zbuluan të gjallë. Më pas një ekip prej 90 zhytësish, 40 nga Tajlanda dhe 50 nga jashtë, kryen operacionet e shpëtimit.

Ndërkohë, futbollistët e rinj u ftuan nga FIFA për të ndjekur ndeshjen finale të kampionatit botëror Rusi 2018 që zhvillohet me 15 Korrik. Por mjekët raportuan se fëmijët nuk do të jenë në gjendje të largohen nga Tajlanda pasi nuk janë rikuperuar plotësisht nga traumat e kaluara në shpellë./abcnews.al

thai.jpg
G. P.12:30 | 07/07/2018

Nëse çdo gjë do të shkojë si duhet dhe 12 adoleshentët tajlandezë e trajneri i tyre do të shpëtohen këto ditë, atëherë FIFA i ka ftuar zyrtarisht në finalen e Botërorit Rusi 2018 që do të luhet në 15 Korrik në stadiumin Luzhniki në Moskë.

Federata botërore e futbollit, i ka dërguar një letër Federatës së Futbollit të Tajlandës në të cilën shpreh “keqardhje të thellë dhe mbështetje” për familjet e futbollistëve të rinj dhe trajnerit të tyre, të cilët janë bllokuar në veri të vendit. Lajmi është konfirmuar nga agjencia e lajmeve Anadolu.

Letra që mban firmën e Gianni Infantinos, thotë se FIFA dëshiron të ftojë fëmijët dhe trajnerin e tyre në finalen e Botërorit në Rusi, nëse shpëtohen deri në atë ditë.

Më tej, shtohet se ardhja e fëmijëve dhe trajnerit në finale “padyshim do të jetë një moment fantastik i bashkimit dhe festimit”.

Fëmijët, të cilët u bllokuan në shpellën e përmbytur nga 23 Qershori, kanë kërkuar nga pjesëtarët e ekipit të shpëtimit, të cilët kujdesen për ta që t’i informojnë për zhvillimet në Botëror. Finalja e Botërorit do të luhet më 15 Korrik në stadiumin “Luzhniki” të Moskës./abcnews.al

thai-1.jpg
G. P.12:01 | 07/07/2018

Janë ende të bllokuar në shpellë 12 adoleshentët tajlandezë dhe trajneri i tyre. Ata kanë pasur mundësinë të shkruajnë disa rreshta për familjarët, duke u thënë se janë mirë me shëndet. Ndërsa trajneri i tyre u ka kërkuar falje prindërve duke premtuar se do të kujdeset për të gjithë ata.

Trajneri i futbollit i bllokuar në një shpellë me 12 adoleshentë tajlandezë i ka kërkuar falje prindërve të tyre, me anë të letrës së parë që ai dhe skuadra kanë dërguar nëpërmjet zhytësve që po përpiqen të krijojnë një kanal shpëtimi për të gjithë ata. Trajneri 25-vjeçar në letrën e tij premton se do të kujdeset për ata dhe se për momentin janë të gjithë mirë.

Edhe adoleshentët kanë shkruar disa rreshta për familjarët e tyre duke i siguruar se janë mirë me shëndet dhe se i ka marrë malli. Ekipet e shpëtimit kanë vendosur të presin dhe pak për evakuimin nënujor pasi adoleshentët nuk janë ende gati. Por vendimi mund të ndryshojë nëse do të ketë reshje të dendura. Në një rast të tillë ata do të evakuoheshin menjëherë dhe me çdo mënyrë./abcnews.al

teksas.jpg
G. P.22:35 | 06/07/2018

Një nënë në Teksas të Shteteve të Bashkuara ka zgjedhur një mënyrë ekstreme për të mbrojtur fëmijët e saj. E pajisur me pistoletë, ajo ka qëlluar në fytyrë një person që po i grabiste makinën ku ndodheshin dy të miturit.

Një grua në Teksas, nënë e dy fëmijëve, ka qëlluar për vdekje një person që po i grabiste makinën kur dy të miturit ndodheshin brenda saj. Sipas mediave amerikane, ngjarja ka ndodhur në një pikë karburanti. Kur ka parë grabitësin në veprim, gruaja është kthyer me shpejtësi pranë automjetit, ka nxjerrë pistoletën dhe e ka qëlluar atë në fytyrë.

Mësohet se gruaja i ka bërë thirrje agresorit, që ndodhej në sediljen e shoferit, që të ndalonte, por pas refuzimit të tij ajo ka hapur zjarr. Policia e Teksasit ka saktësuar se pasi autori është qëlluar, makina ka humbur kontrollin dhe është përplasur.

Dy djemtë e gruas, të moshave 2 dhe 4 vjeç, nuk kanë marrë lëndime. Gjendja e grabitësit ndërkohë nuk dihet, por gruaja i ka dërguar atij një mesazh: “Do të doja të të kisha vrarë, nëse nuk ia kam arritur qëllimit”, ka thënë ajo.

Nëna e dy fëmijëve është marrë në pyetje nga policia dhe më pas është lënë e lirë. “Duhet të t’i kisha zbrazur në fytyrë të gjithë plumbat”, i është drejtuar ajo grabitësit në një intervistë televizive. Sipas autoriteteve, ajo nuk ka gjasa të përballet me akuza./abcnews.al

aksidentiiii.jpg
G. P.13:16 | 30/06/2018

Një fëmijë 5-vjeçare ndodhet në gjendje shumë të rëndë pasi u përplas nga një makinë. Fillimisht policia njoftoi që vajza ndërroi jetë rrugës për në spital. Por një orë më vonë, policia zyrtarisht bëri sqarim të ri mbi ngjarjen.

Sipas saj, fillimisht vogëlushja u paraqit pa shenja jete në spital dhe dyshohet se kishte pësuar vdekje klinike. Por pas nderhyrjes së mjekëve në spitalin e Fierit, vajza ka shfaqur shenja jete.

Aktualisht ajo po mbahet në mbikqyrje të plotë. Ngjarja ndodhi në rrugën Kurjan–Roskovec dhe sipas policisë makina që e përplasi drejtohej nga Leonard Abedinaj, 41 vjeç, i cili u shoqëruar në komisariat.

/abcnews.al

femijeeeee.jpg
G. P.13:34 | 27/06/2018

Një gjykatë në Kaliforni ka vendosur që fëmijët emigrantë dhe prindërit e tyre që kanë kaluar kufirin, duhet të bashkohen brenda 30 ditëve. Ndërsa 17 shtete amerikane kanë ngritur një padi kundër administratës Trump.

Një gjykatë amerikane në Kalifroni ka udhëruar që fëmijët emigrantë dhe prindërit, të cilët u ndanë pasi kaluan kufirin në SHBA, duhet të ribashkohen brenda 30 ditëve. Gjyqtari në San Diego gjithashtu vendosi që fëmijët nën moshën pesëvjeçare, duhet të kthehen te prindërit e tyre brenda 14 ditëve. Kjo është një tjetër përplasje e një institucioni amerikan drejtësie dhe presidentit Donald Trump, lidhur me politikat e këtij të fundit për emigracionin.

17 shtete amerikane kanë paditur administratën e kreut të Shtëpisë së Bardhë për ndarjen e familjeve të migrantëve. Praktikat e përdorura për zhvillimet e urdhëruara nga Trump cilësohen “mizore dhe të paligjshme”.

Prokurorët e Përgjithshëm demokratikë nga disa vende duke përfshirë, Uashingtonin, Nju-Jorkun dhe Kaliforninë kanë prezantuar veprimin ligjor. Në padi kundërshtohet politika e refuzimit të hyrjes për azilkërkuesit në kufirin SHBA-Meksikë. Javën e kaluar, presidenti Trump ka bërë thirrje për dëbim të emigrantëve, vetëm disa ditë pasi ka nënshkruar udhrin ekzekutiv për t’i mbajtur familjet të bashkuara.

Ndërkohë, një javë më parë në SHBA ngjalli polemika të shumta një audio e publikuar në internet ku dëgjoheshin të qarat e fëmijëve të ndarë nga prindërit. Kjo bëri që Trump të zbusë politikat e tij kundër emigracionit të paligjshëm. Megjithatë ka njoftuar se do të vijojë me dëbimin e emigrantëve./abcnews.al

child-us-mexico-border.jpg
G. P.22:37 | 21/06/2018

Edhe pse presidenti Donald Trump urdhëroi ribashkimin e fëmijëve të emigrantëve me prindërit e tyre, fati i mijëra të miturve të burgosur në SHBA mbetet i paqartë. Ligji amerikan parashikon lirimin e tyre brenda 20 ditëve, ndërkohë që prindërit do vijojnë të mbeten në burg në pritje të gjykimit.

Fati i shumë fëmijëve të ndarë nga prindërit e tyre në kufirin SHBA-Meksikë mbetet i paqartë, pavarësisht se presidenti Donald Trump firmosi urdhërin ekzekutiv që e ndalon këtë praktikë. Trump urdhëroi që fëmijët të mbahen bashkë me prindërit e tyre, që janë të burgosur për kalim të paligjshëm të kufirit.

Por në bazë të ligjit amerikan, fëmijët nuk mund të mbahen në gjendje burgimi më shumë se 20 ditë nga oficerët e emigracionit. Autoritetet amerikane kanë shprehur qëndrime të ndryshme në lidhje me fatin që i pret rreth 2 mijë e 300 fëmijë që u janë marrë prindërve të tyre emigrantë që prej 5 majit.

Teksa të rriturit mbahen në arrest në pritje të procesit gjyqësor, të miturit dërgohen në kampe dhe tenda të ngritura në shkretëtirë. Për më tepër, ata janë të gjithë të paregjistruar. “New York Times” citon Xhin Hemilton, këshilltar i prokurorit të përgjithshëm Xhef Sesshëns, që ka deklaruar se urdhëri i Tramp do të kërkojë një “fazë implementimi”.

Nëse administrata synon të mbajë familjet të bashkuara por edhe të burgosura për një afat të pacaktuar, atëherë Kongresit ose gjykatave do t’u duhet të ndryshojnë ligjet aktuale. Ndërsa një zyrtar tjetër i Departamentit të Shëndetësisë ka deklaruar se për ribashkimin e familjeve nuk pritet të bëhën përpjekje të shtuara për shkak të politikës “me tolerancë zero”.

Por ky nuk është problemi i vetëm i të miturve. “Associated Press” raporton se fëmijët në një qendër burgimi në Virxhinia janë prangosur, janë rrahur, janë zhveshur dhe janë lënë të vetëm në qeli izolimi./abcnews.al

priftiii.jpg
G. P.21:30 | 21/06/2018

Në internet janë shpërndarë disa pamje, ku shfaqet një prift, i cili godet me shuplakë një fëmijë të vogël gjatë pagëzimit. Video tregon qartë priftin, që fillimisht, mundohet të qetësojë fëmijën, pasi ky i fundit po qante vazhdimisht.

Ceremonia zhvillohet në gjuhën frënge dhe prifti po mundohej të qetësonte të voglin, por mesa duket acarohet më shumë. Si fillim, ai mundohet ta qetësojë, por kur kupton që vogëlushi nuk pushon së qari i bërtet.

“Do të të bërtas më shumë, kështu që qetësohu. Qetësohu!”, dëgjohet të thotë prifiti.

Më pas, e kap fëmijën nga faqet dhe e drejton nga vetja, duke i thënë për herë të fundit të qetësohet. Pasi fëmija nuk bindet, prifti ngre dorën dhe e godet të voglin, i cili fillon edhe qan me të madhe.

Dy të rritur ndodhen pranë fëmijës në momentin e ngjarjes, që sipas mediave janë babai dhe nëna e vogëlushit. E shqetësuar, kjo e fundit i thotë priftit që mos ta godasë, ndërsa i ati mundohet ta tërheqë nga krahët e priftit.

Ndërkohë nuk është bërë e njohur akoma se ku apo kur është filmuar klipi i shkurtër./abcnews.al

viol-xhafaj.jpg
G. P.15:55 | 16/06/2018

Në intervistën e javës do flasim për mbrojtjen e të drejtave dhe lirive të fëmijëve në Shqipëri. Do flasim për çështjen e legjislacionit dhe ngritjen e strukturave përkatëse në mbrojtje të tyre, dhe atë ç’ka ndodh realisht në terren pranë fëmijëve. Duke e parë si nga ana e angazhimit të institucioneve të linjes ashtu edhe nga këndvështrimi i organizatave që trajtojnë problematikat e fëmijëve të kategorive të ndryshme!


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono