fatura

SHKELJET-NDAJ-TATIMEVE-1280x720.jpg
G. P.17:26 | 11/07/2018

Më shumë se 16,000 tatimpagues, në të gjithë vendin do të kalojne në siten e Hetimit Tatimor këtë sezon veror. Kontrollet në zonat bregdetare kanë nisur, ndërkohë që 49% e bizneseve të monitoruara janë kapur me shkelje.

869 biznese në sektorin e turizimit në zonat bregdetare i kanë shkaktuar shtetit një dëm me vlerë rreth 30.4 milionë lekë.

Shifrat bëhen publike nga Drejtoria e Hetimit Tatimor, e cila thotë se po ushtron kontrolle të vazhdueshme në zonat bregdetare me qëllim parandalimin e goditjen e informalitetit.

Këto janë të dhënat e dy javëve të fundit, ku janë monitoruar 1 mijë e 772 subjekte tregtare, 49% e të cileve kanë rezultuar me shkelje. Në 22% të rasteve, bizneset janë penalizuar për moslëshim të kuponit tatimor. Tre subjekte, që nuk kishin lëshuar kupon tatimor për herë të dytë, tatimet thonë se i kanë mbyllur për 30 ditë.

54 subjekte nuk ishin regjistruar në organin tatimor, ndërkohë që 140 tatimpagues dispononin mallra të pashoqëruara me dokumentacion tatimor. Për punonjës të padeklaruar në organin tatimor, strukturat e specializuara të kësaj drejtorie penalizuan 144 subjekte.

Në kuadër të planit të masave për sezonin turistik, Drejtoria  e Hetimit Tatimor pritet të verifikojë  më shumë se 16,000 tatimpagues, në të gjithë vendin./abcnews.al

rama-live.jpg
us er13:51 | 18/12/2017

Zgjedhjen e Prokurores së re të Përgjithshme të Përkohshme, Kryeministri Edi Rama e quajti legjitime dhe të konfirmuar nga misionet e drejtësisë së SHBA dhe Bashkimit Europian.  Ndërsa reagimin e opozites, e quajti përpjekje të dëshpëruar për bllokimin e reformës në drejtësi.

 

Kryeministri Edi Rama u kërkoi falje të gjithë shqiptarëve dhe partnerëve ndërkombëtarë për shfaqjet e ditës së sotme gjatë zgjedhjes së kryeprokurores së përkohshme.

Dua t’u kërkoj sot ndjesë të gjithë shqiptarëve pa dallim, por edhe partnerëve ndërkombëtarë për shfaqjen e sotme. Shfaqjen e sotme e dha opozita, por faturën e kësaj e merr përsëri e gjithë Shqipëria, e cila është më afër se kurrë çeljes së negociatave me BE-në dhe nuk i meriton as baltën as tymin një opozite që kruhet nga frika e Reformës në Drejtësi.

Rama tha se kishte bërë sa mundur për ta sjellë opozitën në tryezën e dialogut dhe se nuk ishte zgjedhaj e mazhorancës zgjedhja e kryeprokurores së re në mënyrë të njëanshme.

Zgjedhja e kryeprokurores ishte një zgjedhje tërësisht legjitime. Jemi në një moment shumë të rëndësishëm në Shqipëri, presim çeljen e negociatave për anëtarësim, çdo shfaqje si kjo e sotmja është një pikë e humbur.

Më herët të hënën mazhoranca zgjodhi kryeprokurore të përkohshme, Arta Makrun, pavarësisht kundërshtimit të ashpër të opozitës me protesta brenda dhe jashtë sallës së Kuvendit.

Protestues të shumtë u përplasën me policinë jashtë Kuvendit, ndërsa disa deputetë opozitarë hodhën tymuese edhe brenda sallës së parlamentit.

Në një fjalim para protestueseve, Kryetari i Partisë Demokratike, Lulzim Basha, tha se opozita nuk do ta pranojë duarkryq puçin kushtetues dhe se ky është vetëm fillimi i kryengritjes popullore në mbrojtje të saj./abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono