Fatmir Mediu
Rezultati përfundimtar

keshilli-politik.jpg
ger ta18:38 | 16/01/2020

Abcnews.al ka mundur të zbardhë debate nga mbledhja pa kamera e Këshillit Politik, në kuadër të Reformës Zgjedhore.

Gazetarja Esiona Konomi bën me dije se kreu i republikanëve Fatmir Mediu është shprehur i pakënaqur nga roli i këshillit.

Këshilli duhet të këtë rol më të madh. Ne duhet të mblidhemi edhe herë të tjera në mënyrë të vazhdueshme për të ndjekur punën e këtij grupi”, mësohet të jetë shprehur Mediu.

Ndërkaq, për Damian Gjiknurin duhet të ketë kompromis politik.

Kompromisi politik përcakton qartë që këshilli ka për detyrë vetëm të autorizojë grupin e punës dhe ekspertëve. Kaq kemi rënë dakord. Nëse lind nevoja, s’na pengon gjë që të mbidhemi”, ka thënë Gjiknuri.

Nga ana tjetër, Mesila Doda ka kërkuar që edhe PDIU apo partitë e tjera të kenë ekpertët e tyre. Mirëpo, kjo kërkesë është rrëzuar, duke vendosur përfundimisht: Një ekspert nga PD, një nga LSI, një nga PS (Dritan Çaka), Rudina Hajdari dhe dy Kuvendi ( Gumi dhe Rusmajli).

Sakaq, Alban Zeneli është shprehur i kënaqur që në tryezë kanë pranuar njëri-tjetrin.

Më vjen mirë që në këtë tryezë kemi pranuar njëri-tjetrin. Ky grup pune s’mund të kthehet në agjenci punësimi. Kaq eksertë janë mjaftueshëm”, ka thënë Zeneli./abcnews.al

mediu.jpg
ger ta18:00 | 09/01/2020

I ftuar në studion e Abc News me gazetarin Endri Xhafo, kreu i republikanëve Fatmir Mediu foli mes të tjerash edhe për reformën zgjedhore.

Teksa opozita nuk e njeh komisionin e Reformës Zgjedhore me bashkëkryetar Damian Gjiknurin, Mediu tha se “edhe sikur të shkoj në komision nuk e sheh si defekt”. Sipas tij, kredibiliteti qëndron në atë çfarë realizon.

“Kundërshtarin politik ti nuk e zgjedh dot. Ti mund të duash të mos e shohësh, por ai është atje jo për shkakun tënd, është për shkakun e pozicionit që ka. Unë them që ajo që është e rëndësishme për opozitën, është produkti. Pra ne duhet të tentojmë që të nxjerrim produktin.

Unë jam që edhe sikur të shkoj në komision nuk e shoh si defekt. Kredibiliteti qëndron në atë çfarë ti realizon.

Nga 2001-2005, ka pasur tre veprime të rëndësishme të opozitës. E para ka qenë lëvizja, Shqipëria në udhëkryq, ku ne diskutonim në të gjithë territorin e Shqipërisë. Pas asaj ishte një lëvizje tjetër politike “Nano ik”, nuk iku Nano se dolën ne në protestë në vitin 2002, por në vitin 2005 ne krijuam premisë që të gjithë shqiptarët menduan që Nano duhet të ikte dhe po ashtu nuk lamë jashtë vëmendjes Reformën Zgjedhore’, tha Mediu.

Më herët Mediu u ndal edhe te tryeza e organizuar sot nga ky i fundit, ku ishte i pranishëm edhe gjenerali i NATO-s, Michael Barbero, për të diskutuar për pasojat e konfliktit Iran-SHBA.

Duke u bazuar në deklaratën e Barbero, i cili tha se “çdo mik i SHBA-ve, konsiderohet si një shënjestër e Iranit”, Mediu u shpreh në studio se duhet të jemi të përgatitur.

“Gjithë kjo që ndodh në Amerikë tregon funksionimin e një shteti. Edhe në Shqipëri ka nëvojë për ndërveprim institucional. Ne kemi një prezencë të madhe të rezistencës iraniane në Shqipëri dhe kjo është parë gjithnjë si rrezik nga Irani. Për këtë arsye është përzënë edhe ambasadori, pra do të thotë që kemi qenë tagër edhe më përpara”, tha Mediu.

I pyetur nga gazetari nëse e lidhte me Shqiperinë deklaratën e tij udhëheqësi suprem i Iranit, kreu i republikanëve e aprovoi një gjë të tillë.

“Absolutisht, tha një vend i vogël. Ne nuk jemi si Amerika, por nuk do të thotë që nuk mund t’i kemi strukturat formale. Ne nuk jemi në NATO se duhet të na mbrojë, ne duhet të ndërtojmë një strukturë ndërvepruese që të paktën të mimizojmë efektet e një goditje të mundshme. Këtu nuk duhet të ndahemi, por duhet të jemi në një zë. Ka ardhur koha që duhet ti mendojmë disa gjëra seriozisht. E dëgjova kryeministrin që tha ne na mbron NATO. Ne nuk mund të mendojmë këtë, që nuk na sulmojnë se jemi në NATO”, tha ai, teksa shtoi se as SHBA nuk e ka luksin të injorojë një deklaratë të tillë nga Ali Khmanei.

“As Amerika nuk e ka luksin për të injoruar një veprim të tillë. E para shërbimet tona duhet të bëjnë një analizë të thellë. Ka disa verpime që kryhen. Ne duhet të jemi të përgatitur. Çështja është e analizës së këtij informacioni. Djalli fshihet në detaje. Duhet t’i vlerësojnë informacionet që vijnë”, deklaroi Mediu./abcnews.al

agron-duka-fatmir-mediu.jpg
nev ila17:29 | 09/01/2020

Aleatët e Partisë Demokratike kanë dakordësuar me kreun e opozitës, Basha që çështja e ndryshimeve në sistemin zgjedhor të jetë objekt i disktutimeve më të gjera se ato që pritet të bëhen tani në Kodin Zgjedhor. Në një intervistë për ABC NEËS, aleatët e Partisë Demokratike, Fatmir Mediu dhe Agron Duka theksojnë se parësore janë fillimisht çështa e shit-blerja së votës.

“Primare duhet të jetë eliminimi i shitblerjes së votës, interferimi i procesit të zgjedhjeve dhe dekriminalizimi i politikës. Në bazë të këtij vullneti mendoj që ndërtohet çdo vullnet tjetër pozitiv për sa i përket sistemit”, thotë Mediu.

“Partitë e vogla, aleate të opozitës por edhe ato të mazhorancës nuk kanë interes në këtë lloj sistemi”, thotë Duka.

Dy aleatët e Partisë Demokratike nuk e thonë me bindje nëse vendimi për të shtyrë diskutimet për sistemin zgjedhor është një taktikë politike e kreut të opozitës, por mundësisë për një marrëveshje Rama-Basha sqarojnë se nuk i tremben.

“Ne kemi arritur ti marrim fjalën Bashës, dhe ai e ka thënë publikisht se në një moment të dytë, pasi të shohim problemet në Kodin Zgjedhor do të shohim patjetër edhe sistemin zgjedhor”, tha Duka.

“Nuk kam asnjë lloj ndroje. Po të ketë një marrëveshje jo-transparente, dëmin padyshim do ta ketë opozita, shoqëria shqiptare, dhe padyshim Z. Basha”, tha Mediu.

Në nisje të sezonit të ri politikë, Duka e Mediu i sugjerojnë opozitës të përdor armën e saj më të fortë përballë qeverisë, protestën.

“Pjesë e aksionit opozitar natyrisht do jenë ato që ne kemi bërë edhe më parë, demaskimi i qeverisjes, problematikat që ka sot vendi jo vetëm politik por edhe ekonomik”, tha Duka.

“Çështja është që opozita duhet të bëhet e madhe me qytetarët shqiptarë, kjo është shumë e rëndësishme. Opozita duhet të ndërtojë nuklin moral të shoqërisë, i cili nuk ka të bëjë vetëm me idetë por ka të bëjë edhe me gjithë asamblin e njerëzve të cilët duhet ta përfaqësojnë atë në qeverisje dhe në parlament. Veprimi i aksionit opozitar nuk është vetëm reforma zgjedhore, aksioni opozitar është padyshim bashkëbisedimi, bashkëpunimi me qytetarët, alternativa dhe njëkohësisht protesta”, tha Mediu.

Në 15 janar, Lulzim Basha do të mbledh në selinë blu aleatët e tij dhe Ekspertët zgjedhor që kanë hartuar draftin e opozitës, për të dakordësuar çdo çështje dhe për t’ia dërguar më pas atë partnerëve ndërkombëtarë./abcnews.al

prito.jpg
in a21:19 | 05/12/2019

I ftuar në “Mbrëmje në ABC” me Mirela Milorin, kreu i Partisë Republikane Fatmir Mediu është shprehur se dialogu politik është shumë i rëndësishëm në këtë situatë në të cilën ndodhet sot vendi, i cili edhe u godit nga një tërmet i fuqishëm duke shkaktuar dëme të mëdha.

“Ka ardhur koha që të ndërtohet një strukturë që ka efekt të shpejtë të ndihmës së parë, duhet një batalion i specializuar për shërbimet e emergjencës”, tha Mediu.

Ndër të tjera Mediu tha se Qeveria duhet të bëjë punën e qeverisë dhe njerëzit e punës duhet të bëjnë punën. Marrin autoritete që nuk i takon punën e specialistit. Kjo situatë ka nevojë për një kuptim të përbashkët, ajo pjesë e shëndoshë e shoqërisë shqiptare duhet të bashkohet, politika duhet të bëjë një hap me mbrapa për ti dhënë mundësi të mirës të ecë përpara.

Nuk jemi në nivelin  duhur, Ministria e Mbrojtjes duhet të bëjë një analizë se si duhet të menaxhojë situata të tilla.

“Samiti i NATO-s ishte i një rëndësie të veçantë, duhet parë si ndërtimi i një strukturë ushtarake që i shërbejnë vendit. Ne si forca politike duhet të japim mbështetjen e duhur”, u shpreh Mediu.

Sa i përket rrjetit 5G që është dhe shumë i diskutuar, sipas tij ka një efekt shumë të rëndësishëm, benefitet sipas Mediut janë rreth 3 trilion dollarë.

Në një kohë kur vendi po përballet më goditjen që mori nga tërmeti Mediu thotë se zgjedhjet e parakohshme duhet të ishin bërë kohë më parë, “jemi në një situatë traume shoqërorë edhe pse zgjedhjet gjithmonë ngjallin shpresë. Ai thekson se nuk do të ndikonin negativisht në një situatë të tillë, por këto zgjedhje nuk mund të bëhen për një moment afatshkurtër./abcnews.al

mediu.jpg
in a20:15 | 05/12/2019

I ftuar në “Mbrëmje në ABC” me Mirela Milorin, kreu i Partisë Republikane Fatmir Mediu e ka vlerësuar shkarkimin e Arben Malajt si të padrejtë, sipas tij është një veprim dashakeq që nuk sjell asgjë të mirë.

“Një lojë e nisur edhe më parë nga Rama i cili realizoi në një rrugë të paligjshme”, tha Mediu.

Mediu u ndal te tërmeti që goditi Shqipërinë ku edhe theksoi se ishte një goditje që do ta rëndojë edhe më shumë krizën me të cilën përballet vendi. Drejtuar politikanëve ai thotë se nuk duhet të bëjnë politikë me këtë situatë sepse njerëzit kanë nevojë për zgjidhje emergjente.

Shërbimet e emergjencave shqiptare në krahasim me ato të huaja kanë shumë dallim sipas tij edhe pse ai thekson se nuk mund të hidhet tej sakrifica a atyre njerëzve për të shpëtuar qytetarët e mbetur në rrënoja.

“Ka ardhur koha që të ndërtohet një strukturë që ka efekt të shpejtë të ndihmës së parë, duhet një batalion i specializuar për shërbimet e emergjencës”, tha Mediu.

Ndër të tjera Mediu tha se qeveria duhet të bëjë punën e qeverisë dhe njerëzit e punës duhet të bëjnë punën. “Marrin autoritete që nuk i takon të bëjnë punën e specialistit. Kjo situatë ka nevojë për një kuptim të përbashkët, ajo pjesë e shëndoshë e shoqërisë shqiptare duhet të bashkohet, politika duhet të bëjë një hap me mbrapa për ti dhënë mundësi të mirës të ecë përpara”, u shpreh Mediu.

/abcnews.al

besnik-mustafaj-1280x696.jpg
nev ila15:00 | 07/11/2019

Ish-ministri i Jashtëm, Besnik Mustafaj mbështet idenë e kreut të PR-së, Fatmir Mediu për krijimin e një Komiteti Kombëtar për Integrimin.

Në një intervistë për ABC News, Mustafaj kujton se zgjidhja për kriza të forta politike si ajo që vendi po kalon janë tejkaluar nga ndërhyrja e ish-zyrtarëve që kanë qenë jashtë politikës.

Mustafaj kujton se si ai dhe ish-ministrja Arta Dade i’a kanë detyrim shtetit kontributin për procese të rëndësishme siç është ai për integrimin europian.

Eksperiencën e tij në politikë, Besnik Mustafaj është i gatshëm ta vendosë në funksion të institucioneve shqiptare për të realizuar procese të rëndësishme si ai i integrimit europian.

Ish-ministri i Jashtëm e sheh si pozitive idenë e hedhur nga kreu i republikanëve Fatmir Mediu për krijimin e një Komiteti Kombëtar për Integrimin, duke kujtuar se ai dhe zyrtarë të tjerë ja kanë borxh vendit dhënien e kontributit.

Është i bindur se me eksperiencën që ka bashkë me ish-ministren Arta Dade do të reflektonin një konsensus jo vetëm për procesin e integrimit por edhe për politikën shqiptare e cila vijon të jetë në krizë.

Maxhorancës i kujton se një institucion i tillë vetëm do ta ndihmonte procesin e integrimit dhe kërkon që nëse një komitet i tillë do të ngrihet të jetë me mandat ligjor nga Parlamenti.

Qëndrimet e tij, Mustafaj i dha në përfundim të një ekspozite që u zhvillua në Muzen Kombëtar, ndërkohë që apeloi që kriza politike të zgjidhet vetëm përmes dialogut./abcnews.al

mediuuuu-1280x720.jpg
ad min20:07 | 18/09/2019

Sipas kreut të Partisë Republikane, Fatmir Mediu, opozita kërkon krijimin e besimit për zgjedhje të lira dhe të ndershme. Gjatë një interviste në rubrikën “Mbrëmje Ide” me gazetaren Mirela Milori, ai u shpreh se liderët politikë duhet të trajtojnë problematikat në vend.

Pyetjes së gazetares Milori se nëse opozita kërkon qeveri tranzitore me Ramën ose pa Ramën kryeministër, ose të qëndrojë me këtë qeveri deri në zgjedhjet e ardhshme, kreu i PR-së u përgjigj me një thënie të historianit të njohur Sabri Godo.

Mirela Milori: Duket se për gjëra konkrete po shmangen referencat. Kërkoni qeveri tranzitore që ta dërgojë vendin në zgjedhje të përgjithshme apo qeveria Rama, kjo tryeza, le të ketë bisedime derisa të shkojmë në zgjedhje. Jeni të qartë se çfarë kuroni me këtë?

Fatmir Mediu: Kërkohet të krijohet besimi për zgjedhje të lira dhe të ndershme.

Mirela Milori: Tranzitore me Ramën kryeministër, pa Ramën kryeministër, apo jeni tërhequr nga emri i përveçëm.

Fatmir Mediu: Unë kam pasur një pozicion ndryshe nga të tjerët. Kam propozuar figura të cilat kanë qëndruar mbi Ramën, mbi Bashën etj. Mendoj se ky vend ka asete të mjaftueshme, mjafton të shikojmë, por nuk duam të shikojmë ndonjëherë.

Mirela Milori: Besoni se Rama do ta lërë postin e kryeministrit dhe Basha do tërhiqet nga kreu i opozitës për të thënë të vemi këta njerëzit.

Fatmir Mediu: Nuk besoj te racionalja e Ramës, besoj te e Bashës se kam komunikuar me të. Shpresoj që gjithsecili të kthehet në racionale se nuk e zgjedh kundërshtarin tim.

Mirela Milori: Është konkrete opozita në kërkesat e saj se nuk e kuptojmë. Do një qeveri tranzitore pa Ramën kryeministër, do një qeveri tranzitore me Ramën kryeministër apo me këtë qeveri që është që të punojmë deri në 2021-shin dhe të bëjmë zgjedhjet?

Fatmir Mediu: Kam pasur fatin të kem punuar me një burrë të mençur, Sabri Godon, i cili thoshte “nuk lidhet pylli me një litar”. Nuk po i shkoj fundit pa filluar fillimi. Ajo që është e rëndësishme është që të kemi mend në kokë për të trajtuar problemet që ka vendi./abcnews.al

fatmir-mediu.jpg
ad min19:38 | 18/09/2019

Kryeministri Edi Rama u kërkoi këtë të mërkurë liderëve të opozitës jashtëparlamentare një tryezë dialogu gjithëpërfshirëse për reformën zgjedhore. Kryetari i Partisë Republikane, Fatmir Mediu, gjatë një interviste në ABC News i dha një përgjigje qytetarëve shqiptarë në lidhje me këtë ftesë. Sipas tij, patjetër që duhet ulur për të zgjidhur krizën në vend, por kjo duhet realizuar duke analizuar të gjitha elementet e krizës.

“Ka një përgjigje për shqiptarët jo për Ramën. Për mua kryeministri ka prodhuar krizën. Ka një përgjigje për shqiptarët dhe për faktorin ndërkombëtar. Patjetër që duhet të ulemi për të zgjidhur krizën vend. Duhet të ulemi në mënyrë institucionale për të zgjidhur këtë krizë, por duke analizuar të gjitha elementet e krizës. Reforma zgjedhore është padyshim një nga çështjet që duhet diskutuar në thelbin e saj për ta bërë parlamentin përfaqësues dhe njëkohësisht por të shmangur përfshirjen e krimit të organizuar.  Reforma zgjedhore nuk është thjesht një detaj teknik. Do ketë nevojë për ndryshime kushtetuese, nëse duam të bëjmë reformë të plotë”, tha Mediu.

Mediu tha se nuk ka besuar asnjëherë te racionalja e Ramës. Sipas tij, kryeministri  do ta shkatërrojë opozitën.

“Është në një delir të tillë që mendon se është mbi gjithçka”, tha Mediu./abcnews.al

aleatet-1280x652.jpg
ad min16:58 | 17/09/2019

Aleatët e Partisë Demokratike besojnë se platforma për daljen nga kriza do të jetë zgjidhje për krizën politike. Për ABC Neës, aleatët e PD sqarojnë propozimet që do ketë alternativa opozitare dhe thirrja për kontributet historike.

Darka informale e organizuar nga kreu i Partisë Agrare Ambientaliste, Agron Duka, unifikoi qëndrimet opozitare të cilat do të pasqyrohen të plota në një dokument që do të mbajë emrin “Platforma për daljen nga kriza”. Për ABC News, aleatët e PD, Mediu, Shehi dhe Vasili sqarojnë thelbin e alternativës opozitare.

“Koordinimi konsiston në një lloj institucionalizimi të marrëdhënieve tona në pikëpamjet e vendimmarrjeve si kryetar partie, por pastaj në nivele të tjera të organizimit të grupeve të punës, platformave, reformave të rëndësishme me karakter kombëtar dhe ndërkombëtar. Mundësitë për të ndërtuar një debat të qënësishëm për të kthyer Shqipërinë në rrugë kushtetuese, sidomos garantimi i zgjedhjeve të lira dhe të ndershme”, tha Mediu.

“Teza bazë është kjo, përgatitja e një platforme të gjerë që do u ofrohet për transparencë të gjithë shqiptarëve. Brenda këtij muaji do i ofrohet dhe ndërkombëtarëve për t’u thënë që ne si opozita e bashkuar ka këto pretendime dhe ofrojmë këto mënyra zgjidhjeje”, tha Shehi.

“Ne po përgatisim një platformë, e cila nuk ka lidhje me datën e negociatave pasi ne e kemi shumë të qartë krizën. Keni edhe një skaner plotësues që e ka bërë më së miri ODIHR, por keni edhe shumë konstatime që kanë ardhur edhe nga institucionet e mediat, keni raportin e DASH. Kjo është një platformë që po punohet instensivisht dhe do të jetë shumë shpejt gati, ndërkohë aksioni do të vijojë në të gjitha format e veta”, tha Vasili.

Duke bërë të qartë se opozita është e unifikuar, nënkryetari i LSI, Petrit Vasili i referohet qëndrimeve të Kryemadhit kur thotë se me Ramën në zgjedhje fitorja e opozitës është më e sigurt.

“Zonja Kryemadhi ka thënë edhe një fjalë tjetër që prania e Edi Ramës e bën më të sigurt fitoren e opozitës. Pra ka dhënë të kuptojë që ne nuk kemi shqetësim nga kjo, por standarde të larta dhe administrim zgjedhor nuk mund të kryhet me Edi Ramën. Për 30 Qershorin kur votoi vetë, numëroi vetë, administroi vetë dhe mori atë raport të OSBE/ODIHR që nuk është parë në historinë e zgjedhjeve tregon raportin e Ramës me zgjedhjet dhe raporti i opozitës me të”, tha Vasili.

Opozita do të mbledhë të gjithë kontributet e saj, duke sjellë një tjetër KOP si ai i 2005-s që krijoi ish-kryeministri Berisha.

“Që të vlerësojmë historinë politike të opozitës së sotme dhe të ardhme dhe krijimin e një marrëdhënie institucionale me të gjitha autoritetet që kanë qenë në legjislaturat parlamentare, në ato qeverisëse por edhe ato në nivelet lokale”, tha Mediu.

“Për të përfshirë të gjithë ata që kanë qenë kontribuues gjatë gjithë kësaj periudhe, jo thjesht PD, por në gjithë harkun opozitar shqiptar”, tha Shehi.

Platforma e opozitës do të jetë alternative për nxjerrjen e vendit nga kriza përmes një tryeze dialogu me mazhorancën./ABC News Albania 24/7

fatmir-mediu-dhe-dash-shehi.jpg
ad min13:14 | 08/09/2019

Aleatët e Partisë Demokratike, Dashamir Shehi dhe Fatmir Mediu kërkojnë një ndryshim të sistemit zgjedhor. Sipas tyre, duhet rikthyer një formë e sistemit mazhoritar, ku qytetarët të zgjedhin vetë për deputetët që duan të kenë në Parlament.

Ky qëndrim i Lulzim Bashës pas takimit me drejtorin e Departamentit Amerikan të Shtetit për Europën Qendrore dhe Jugore, David Kostelancik ishte tregues se reforma zgjedhore do të ishte fokusi kryesor i opozitës deri në përgatitjen e zgjedhjeve të reja.

Kjo reformë ka qenë në qendër të diskutimit edhe në takimin 90 minutësh që Basha zhvilloi mbrëmjen e të enjtes me aleatët e tij në selinë blu. Drejtuesit e partive të qendrës së djathtë në takimin me dyer të mbyllura kanë dhënë propozime konkrete mbi ndryshimin e sistemit zgjedhor. Për ABC News dy aleatët e Bashës, Shehi e Mediu shprehen në sinkron kur bëhet fjalë për rikthimin e sistemit mazhoritar.

“Që t’i japë shans njerëzve të zgjedhin përveç flamurit të partisë edhe personalin. T’i rikthejmë politikës dinjitetin. Një Kushtetutë e ndryshuar që të verë rregulla të reja loje. Përzënia nga ambienti i grupeve kriminale që me pushkë në dorë ka mbledhur vota për Edi Ramën”, thotë Shehi.

“Mendoj që opozita duhet të arrijë të propozojë një… mendoj në radhë të parë në gjykim politik dhe pastaj nga pikëpamja teknike dhe ne kemi ide për këtë çështje. Është e domosdoshme që ne të ulemi të analizojmë kush është ai sistem zgjedhor që i garanton qytetarët të kenë përfaqësuesit e tyre në Kuvend, kush është ai administrim i procesit zgjedhor që garanton shmangien e procesit të blerjes së votës, manipulimin e procesit, një administrim i drejtë”, thotë Mediu.

Kreu i LZHK-së, Shehi pranon se këto qëndrime janë të pranuara edhe nga Basha edhe përse i pari që do të duhet të sakrifikojë do të jetë kreu i demokratëve.

“Basha i ka pranuar këto kushte edhe me kondicionin që nuk i shkon fort në favor sepse dorëzon pushteti Basha. Herën e fundit i bëri listat siç desh vetë. Këtë radhë sigurisht që bie ky pushtet”, thotë Shehi.

Për kreun e republikanëve, opozita nuk duhet të anashkalojë Partinë Socialiste si faktor i rëndësishëm politik në vend. Ndaj edhe kërkon që duke anashkaluar kompleksin për të qenë në të njëjtën tryezë me Edi Ramën, partitë opozitare të japin zgjidhje konkrete për ligjin e ri zgjedhor.

“Opozita të shikojë se cilat janë rrugët që duhet të ndjekë me PS-në. Gabimi ynë është që mendojmë gjithnjë se kush është Edi Rama. Ne duhet të mendojmë që ka një faktor politik në vend që është PS dhe nuk mund të jetë faktor politik i paneglizhueshëm pavarësisht se në ç’lloj derexheje e ka katandisur Edi Rama”, shprehet Mediu.

Javët e ardhshme Partia Demokratike dhe aleatët e saj do të prezantojnë një platformë për daljen e vendit nga kriza. Kjo platformë sipas Bashës do të jetë një ofertë e demokratëve për qytetarët, por propozimet e paraqitura në atë dokument mund të jenë edhe oferta e parë për një tryezë dialogu me mazhorancën./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono