farmaci

RISHIKIM-LICENSESH-SE-FARMACISTEVE-MBULIM.mpg_snapshot_00.20-1280x720.jpg
G. P.14:17 | 19/10/2018

79 farmacive në vend do tu rishikohet licensa. Task-Forca e ngritur nga Ministria e Shëndetësisë i ka dërguar një kërkesë Urdhërit të Farmacistit, pasi gjatë kontrolleve të ushtruara në terren ka konstatuar se tregtonin barna pa recetën e mjekut, pa pullën e kontrollit apo nuk respektonin kushtet e ruajtjes dhe tregtimit të tyre. Ministria e Shëndetësisë thotë se akualisht janë kontrollur 158 farmaci në të gjithë vendin. Ndërkohë, task-forca do të vijojë të monitorojë të gjithë rrjetin e hapur farmaceutik për të garantuar siguri në tregtimin e ilaçeve./abcnews.al

farmaci.png
G. P.12:06 | 11/10/2018

Në një muaj, Task-Forca e posaçme e ngritur nga ministrja e Shëndetësisë dhe Mbrojtjes Sociale ka kaluar në sitë 115 farmaci në vend. Ajo ka ushtruar kontrolle për kushtet e ruajtjes së barnave, pajisjen e tyre me pullë sigurie dhe tregtimin pa recetën e mjekut. Ndaj 56 farmacive, të cilat kanë rezultuar me shkelje janë marrë masa administrative.

20 gjoba janë vendosur për tregtim të barnave pa recetë, 18 për mungesë të recetave sipas klasifikimit, 13 për tregtim të barnave pa pullë dhe 5 ndaj subjekteve që nuk respektonin kushtet e ruajtjes së ilaçeve.

Task-Forca për barnat sipas Ministrisë së Shëndetësisë do të vijojë kontrollet në të gjithë vendin me qëllim garantimin e sigurisë së tregtimit të ilaçeve për qytetarët./abcnews.al

farmacii.jpg
G. P.14:45 | 20/09/2018

12 farmaci janë ndëshkuar me gjobë prej 150 mijë lekësh të rinj për tregtim të barnave pa pullën e sigurisë, pa recetën e mjekut dhe për ruajtjen e ilaçeve në kushte të papërshtatshme.

Ministrja e Shëndetësisë ka ngritur një Task-Force ndërinstitucionale për sigurinë e tregtimit të barnave në farmaci. Ditët e para të funksionimit të saj janë kontrolluar 21 subjekte, ku për më shumë se gjysmën e tyre janë marrë masa administrative.

Grupet e punës të shpërndara në terren kanë për synim monitorimin e kushteve higjeno-sanitare të ruajtjes së ilaçeve, kontrollin e barnave mbi pullën e sigurisë, apo tregtimin e tyre pa recetë e të tjera./abcnews.al

Policia-e-Tiranes-1280x662.jpg
G. P.10:27 | 14/06/2018

Dy persona janë arrestuar në Tiranë, ndërsa një tjetër është shpallur në kërkim për kontrabandë produktesh farmaceutike.

Operacion policor i koduar “Medikamenti” nga Sektori për Krimin Ekonomik dhe Financiar çoi në arrestimin e administratorit të farmacisë Julian Ll., 40 vjeç,dhe punonjëses E. P., 29 vjeçe.

Gjithashtu, Policia e Tiranës njofton se po punohet për ndalimin e drejtueses teknike të farmacisë, A.P. 66 vjeçe.

Këta persona në një pikë farmacie në rrugën “Kongresi i Manastirit”, tregtonin dhe shisnin produkte farmaceutike kontrabandë.

Ndërkohë, policia ka sekuestruar 520 medikamente dhe produkte farmaceutike të llojeve të ndryshme./abcnews.al

ogerta-manasitrliu1243.jpg
G. P.14:49 | 28/05/2018

Ministria e Shëndetësisë do të rishikojë rregulloren për cilësinë dhe tregtimin e barnave në vend. Ministrja Ogerta Manastirliu thirri në takimin e parë konsultativ përfaqësues të kompanive farmaceutike, importues dhe distributorë.

Ministrja e Shëndetësisë bisedoi për thjeshtimin e procedurave dhe eleminimin e burokracive në sektorin farmaceutik.

Ndërkohe kërkoi sugjerimet e tyre për rregulloren e re për ruajtjen e barnave. Sipas ministres Manastirliu ky dokument është përshtatur me standardet e Bashkimit Europian dhe rekomandimet e Organizatës Botërore të Shëndetësisë./abcnews.al

ogerta-manasitrliu.jpg
G. P.13:15 | 19/05/2018

Spitalet kanë nisur shpalljen e listës së barnave që kanë në dispozicion në shërbimin e urgjencës. Një mënyrë kjo për të bërë transparencë ndaj qytetarëve dhe ndalimin e orientimit të tyre për të blerë alterantiva të ilaçeve që duhet të sigurojë spitali në farmaci.

Ministrja e Shëndetësisë ishte në spitalin rajonal të Durrësit për të parë furnizmin me ilaçe. Manastiriliu i bëri thirrje qytetarëve të denoncojnë çdo mjek apo infermier që i drejtojnë për t’i blerë në farmaci.

“Nuk ka asnjë arsye që me buxhetin që shpenzojnë spitalet për barna këto të mungojnë. Pacientët duhet të dinë se barnat bazë janë të garantuara në çdo spital dhe nëse dikush i thotë për të marrë barna jashtë spitalit, kanë në dispozicion numra telefoni për të denoncuar çdo rast”, deklaroi ministrja e Shëndetësisë./abcnews.al

toma.jpg
G. P.16:00 | 14/05/2018

Urdhri i Farmacistëve deklaroi se ka gjetur një marrëveshje me Fondin e Sigurimit të Detyrueshëm të Kujdesit Shëndetësor lidhur me disa çështje. Të dy palët kanë rënë dakord të gjendet një rrugë e mesme për kontratat e punës dhe kushtet që penalizojnë farmacitë.

Për rreth tri orë shumë farmaci në disa rrethe të vendit, me kontratë me Fondin e Sigurimit të Detyrueshëm të Kujdesit Shëndetësor nuk i kanë shërbyer pacientëve, një formë kundërshtimi kjo për kontratat që duhet të lidhnin me këtë institucion. Ndërsa farmacistët  erdhën në Tiranë, ku kishin planifikuar të protestonin përpara Kryeministrisë.

Por vendimi i marrë nga drejtori i Fondit i bëri t’i ndryshojnë plan.

“Pas bisedimeve disa ditore që kemi kryer me përfaqësuesit e Urdhërit të Farmacistit, ne kemi mbërritur në një të mesme të përbashkët. Ka patur dakordësi dhe mirëkuptim, si dhe lëshime aty ku ishte e nevojshme dhe ku nuk prekeshin ato që ne i konsiderojmë parime të pacënueshme, në interes të pacientëve që përfitojnë nga rimbursimi I barnave”.

Dakordësi mes Fondit të Sigurimit të Detyrueshëm të Kujdesit Shëndetësor dhe farmacistëve është arritur për katër çështje të kontestuara ndër 30 nene që përmban kontrata.

Vendimin farmacistëve ja bëri të ditur Presidentja e Urdhrit.

 “Në dakordësi të plotë diferencat në minus u hoqën, në dakordësi u la të ngrihet menjëherë një grup pune me kryesimin e drejtorit të Fondit ku në përbërje të tij do të jenë përfaqësues nga rrjeti i hapur që të gjendet një akt përpilimi për të gjetur formën e rimbursimit të farmacisë për dëmin që i shkaktohet”

Farmacistët do të presin zbardhjen e kontratës deri më 18 maj dhe në rast se ato vërejnë se nuk janë pasqyruar ndryshimet do t’i rikthehen protestave. /abcnews.al

farmacite.jpg
G. P.11:35 | 14/05/2018

Në disa rrethe shumë farmaci kanë ulur qepenat dhe kanë pezulluar veprimtarinë. Kurse vetë farmacistët kanë njoftuar se ndodhen në Tiranë për të protestuar. Të mbyllura dyqanet e barnave  në të gjithë vendin do të qëndrojnë deri në orën 14.00. Sipas paralajmërimit të tyre, farmacistët duan zgjidhje përfundimtare të çështjes së kontratës, listës dhe problemeve të tjera të sistemit farmaceutik./abcnews.al

shkreli-1.jpg
G. P.22:00 | 09/03/2018

Njeriu më i urryer në Amerikë, siç njihet ndryshe Martin Shkreli, është dënuar me 7 vjet burg për mashtrime financiare. Dënimi ka ardhur pas një procesi njëvjeçar, gjatë të cilit 34-vjeçari është përpjekur të shfajësohet.

Ish-sipërmarrësi shqiptaro-amerikan, Martin Shkreli, i njohur ndryshe si “personi më i urryer” në Amerikë, është dënuar me 7 vjet burg për mashtrim të investitorëve. 34-vjeçari u përlot teksa ndiqte seancën e mbajtur në një gjykatë federale të Bruklinit, ku iu komunikua dhe dënimi me burg.

Avokatët e tij kishin kërkuar një dënim nga 12 deri në 18 muaj, ndërsa prokurorët të paktën 15 vjet. Shkreli akuzohej se u kishte dërguar deklarata të rreme investitorëve, teksa mbulonte humbjet e mëdha që pësonin dy fonde të menaxhuara prej tij. Por ajo që e bëri atë famëkeq ishte rritja e çmimit të një ilaçi për pacientët e sëmurë me SIDA në vitin 2015.

Pasi themeloi kompaninë “Turing Pharmaceuticals”, ai bleu ilaçin Daraprim dhe ia rriti çmimin me 5 mijë për qind, duke e çuar në 750 dollarë. Muajin e kaluar, kur procesi ishte ende në zhvillim, Shkreli i shkroi një letër gjyqtarit ku shprehej: “U tregova i marrë”. Por duket se kjo nuk ka mjaftuar për të ndryshuar mendimin e gjyqtarit, i cili në një seancë të mëparshme thoshte se provat në ngarkim të 34-vjeçarit ishin aq shumë, saqë asgjë nuk mund ta shmangte dënimin e tij./abcnews.al

vlcsnap-error576-1-1280x720.jpg
G. P.21:57 | 23/02/2018

Ish-sipërmarrësi me origjinë shqiptare, Martin Shkreli, ka humbur betejën e radhës me drejtësinë amerikane. Gjykata e Bruklinit ka rikonfirmuar dënimin për manipulime financiare, duke rrëzuar kërkesën e tij për shfuqizim.

Një gjyqtar në Shtetet e Bashkuara refuzoi këtë të premte shfuqizimin e dënimit ndaj ish-sipërmarrësit me origjinë shqiptare, Martin Shkreli, fajtor për hartimin e një skeme manipulimi për të rritur vlerën e aksioneve të kompanisë së tij. Në seancën e mbajtur në gjykatën federale të Bruklinit, gjyqtari deklaroi se provat në ngarkim të Shkrelit ishin aq të shumta sa që nuk shihte arsye për të anuluar vendimin e jurisë, të marrë gushtin e kaluar.

Shkreli u përpoq të rriste çmimin e aksioneve të kompanisë “Retrophin Inc”, duke udhëzuar nga ana tjetër njerëz të afërt me të që të mos i shisnin stoqet. 34-vjeçari, i cili u burgos shtatorin e kaluar pasi ofroi një shumë prej 5 mijë dollarë për kë i shkulte një fije floku ish-kandidates për presidente Hillary Clinton, ishte i pranishëm në seancën e së premtes, gjatë të cilës buzëqeshi disa herë.

Sidoqoftë, bëma që e bëri atë të famshëm dhe njëkohësisht një ndër personat më të urryer në Amerikë ishte rritja e çmimit të ilaçit Daraprim me 5 mijë për qind në vitin 2015, kur ishte drejtues ekzekutiv i kompanisë “Turing Pharmaceuticals”. Kjo lëvizje e tij shkaktoi indinjatë tek pacientët e sëmurë dhe ligjvënësit amerikanë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono