familje

b7aa7780-da62-4c4a-a658-2ad32e12e972.jpg
in a21:45 | 18/12/2019

Qeveria nuk ka ende një numër përfundimtar të objekteve të dëmtuara nga tërmeti i 26 nëntorit, por ka përcaktuar përmes një akti normativ rrugën që do të ndjekë për rimëkëmbjen e zonave të prekura nga termeti.  6 do të jenë kategoritë që sipas qeverisë do të përfitojnë nga projekti i rindërtimit, që tashmë do të drejtohet nga ministri i ri i shtetit, Arben Ahmetaj.

Subjekte përfituese janë individët dhe familjet, që kanë humbur një ose më shumë anëtarë të familjes ose kanë pësuar dëme në banesat e tyre dhe kanë mbetur të pastrehë si pasojë e fatkeqësisë natyrore.

Institucionet publike që kanë pësuar dëme në ndërtesat apo infrastrukturën publike në pronësi.

Tregtarët ose shoqëritë tregtare, të cilave si pasojë e fatkeqësisë natyrore u është dëmtuar selia e tyre ose çdo vend i ushtrimit të aktivitetit tregtar.

Qeveria ka vendosur vijën e kuqe edhe për disa kategori që nuk do të përfitojnë nga fondi i rindërtimit.

Nuk është subjekt përfitues individi ose familja që ka në pronësi ose posedim të ligjshëm, më shumë se një banesë, në njësinë ku është shpallur gjendja e fatkeqësisë natyrore.

Në rast se të gjitha banesat në pronësi janë dëmtuar nga fatkeqësia natyrore, individi ose familja përfiton vetëm për banesën që në datën e fatkeqësisë natyrore përdorej si  vendbanim.

Nuk janë përfituese subjektet tregtare në fushën e ndërtimit për ndërtesat ose njësitë brenda një ndërtese në pronësi të tyre, që janë dëmtuar nga fatkeqësia natyrore, kur dëmi ka ardhur si rrjedhojë e gabimeve në projektimin apo ndërtimin.

Por si do të veprojnë qytetarët që morën vulën nga ekspertët se shtëpitë janë të pabanueshme?

Në pikën 10 të nenit të 21 të aktit normativ, qeveria i jep mundësi qytetarëve të banesave të shembura të ndërtojnë vetë ndërtesa në të njëjtin truall, përmes kontraktimit të një zhvilluesi privat, ndërkohë që financimi do të bëhet nga program i rindërtimit. Nëse brenda një periudhe 3 mujore qytetari nuk ka mundur të gjejë një ndërtues për të ngritur objektin e shembur, zhvillimi i pronës do të bëhet nga autoriteti shtetëror ose donatorët, raporton abcnews.al

Akti normativ i qeverisë përcakton edhe procedurën që do të ndiqet me banorët e pallateve që janë shpallur të pabanueshëm nga ekspertët. Përmes financimit nga fondi i rindërtimit apo nga investimet e donatorëve, do të nisë ndërtimi ose rikonstruksioni i ndërtesave të dëmtuara nga fatkeqësia natyrore, në truallin ekzistues ku ato kanë ekzistuar deri në 26 nëntor 2019.

Qeveria përcakton që banesat e reja që do të ndërtohen dhe që do t’i kalojnë përfituesve nuk duhet të jetë më e madhe se banesa  që qytetari kishte në pronësi në objektin e shembur. Por krahas kësaj, qeveria në nenin 24 të i jep të drejtë Entit Kombëtar të Banesave të nis blerjen e banesave nga ndërtuesit në pallate ekzistuese të cilat sot janë të boshatisura.

Qeveria i ka vendosur si kusht Enti Kombëtar të Banesave që vlera e banesës në treg të jetë më e ulët ose e barabartë me koston e ndërtimit. Por në kushtet kur kërkesa e qytetarëve për banesa është i lartë aq sa qeveria nuk ka mundësi të plotësojë kërkesat e tyre atëherë Enti i Banesave mund të negociojë me ndërtuesit edhe për banesa me një çmim më të lartë se vlera e ndërtimit./abcnews.al

c20602b8-bed4-4d56-ae7a-90f302a68664.jpg
R D16:54 | 16/12/2019

19-vjeçarja Rezarta Xibraku u përcoll sot në banesën e fundit, 4 ditë pasi u gjet e pajetë në shtratin martesor. Rezarta ishte martuar në fshatin Xhyrë të Librazhdit me Olsi Hajdarin, të dielen e kaluar, por jeta e saj u ndërpre në mes në moshë të re dhe rrethana ende të paqarta. Në fillim u tha se çifti i sapomartuar, ishte vetëhelmuar, më pas u raportua se Olsi dhe Rezarta janë asfikësuar nga tymi i mangallit që kishin në dhomën e gjumit. Të dielën (dje) Olsi u ngrit në këmbë duke lënë shtratin e spitalit, ndërsa Rezarta u mor me arkivol nga familjarët e saj.

Sakaq policia dhe prokuroria kanë nisur hetimet për të zbardhur të verteten. Dyshimet për vrasje janë hedhur nga familjarët e Rezartës. Ata pretendojnë se nuk është ngjarje aksidentale, por dyshojnë se e kanë helmuar familjarët e bashkëshortit.

Vëllai Reshit Xibraku, pas ceremonisë mortore tha se “ne arsyen do ta gjejmë në polici. Fola me Olsin në telefon dhe e pyeta si qe ngjarja. Ai thotë mangalli… ne do kërkojmë drejtësi deri në fund. S’do i lë rehat. Siç iku motra ime në dhe do ikë dhe ai! Ne dyshojmë se është vrasje”.

Po kështu edhe i ati dhe e ëma e Rezartës kanë dyshime të forta se vajza e tyre është helmuar dhe kërkojnë që policia të zbardhë te verteten. Nga ana tjetër edhe nëna e Olsit kërkon që policia të zbardhë te verteten, pasi dy familjet po futen në një konflikt të panevojshëm.

Ekspertiza e thelluar mjeko-ligjore do të kërkojë së paku 1 muaj kohë, ku do të analizohen gjithë substancat në trup që mund të kenë shkaktuar vdekjen e 19-vjeçares.  /abcnews.al

 

rama-familja.jpg
ger ta17:57 | 12/12/2019

Fatkeqësia bëri bashkë familjet që humbën të afërmit e tyre në tërmetin e 26 nëntorit. Pas vendimit të qeverisë për të sistemuar në banesa këto familje, kryeministri Rama ishte paraditen e të enjtes në familjen e Ajet Meçajt, oficerit që mëngjesin e tërmetit humbi nën rrënojat e këtij pallati në Durrës bashkëshorte, vajzën dhe mbesën.

“Unë nuk pata mundëis të dilja pasi u bllokua dera e dhomës  dhe pasi u tund shumë bëri edhe një goditje lart poshtë. Vajzën e dëgjoja që thërriste babi, mbesën që thoshte gjyshi”.

Mes dhimbjes, Ajeti rrëfen komunikimet e fundit me vajzën dhe mbesën.

“Me vajzën komunikoja verbalisht, nuk e shikoja por flisja, aj nuk më thoshte që vajza kishte mbaruar, këtu e kam tha”, shprehet Ajeti.

Këshillën si burri burrit, kryeministri ja dha duke kujtuar amanetin e fundit që babai i tij i kishtë dhënë

“Babai im thoshte, unë thoja çfarë më thotë ky këtë gjë, e kuproj…Kur shkonim ndonjëherë në këto vdekjet që ndodhin në këto zonat e mamasë time, aty e kanë me vaj me tmerre dhe më thoshte, aman kur të iki unë nuk do i lejosh të më qajnë dhe as nuk do mërzitesh vetë se më duket këto lloj vajesh nuk e lënë të vdekur me vdekë”, tha Rama.

Në hyrjen përballë kryeministri ishte në familjen e Fatmir Gjanës, i cili humbi bashkëshorten në pallatin 6 katësh që u zhyt dy kate nën tokë mëngjesin e 26 nëntorit. Mirënjohjen, Fatmiri e ka për Luanin, zjarrëfikësin nga Vlora që e nxorri nga rrënojat.

Për të treguar punën e jashtëzakonshme që kanë bërë ekipet e kërkim shpëtimit, Rama solli në vëmendje edhe kurajon e treguar nga personat që ngelën nën rrënoja duke kujtuar rastin e Klajdi Qatos te Vila Palma.

“Ai cuni atje i thanë se bënin pyetje, ai kishte 20 orë dhe i thotë një nga ata shqiptarët sa bëjnë 3 dhe 3, edhe ai atje i thotë, sipas kujt i do sipas Lul Bashës apo sipas Edi Ramës o zot”, tha Rama.

Djalit të Familjes Gjana, i kërkoi heqjen e vëthit që mbante, duke rrëfyer edhe historinë e vendimit që e futi edhe drejt politikës.

“Më hoqe mallin e vathit tim. Kam pasur edhe unë një vath kur isha sa ti, 29. Unë e hoqa vathin kur më vdiq baba, isha në Paris’, tha kryeministri.

Qeveria ka vendosur të akomodoj në mënyrë përfundimtaare të gjithë familjet që humbën familjaret e tyre nga tërmeti i 26 nëntorit. Gjithashtu me vendim qeverie këto familje do te trajtohen përjetësisht me pension special./abcnews.al

familja-koteci.jpg
nev ila17:55 | 07/12/2019

Tërmeti e ktheu jetesën e tyre si në mesjetë. Një familje në fshatin Bishqem të Peqinit e kalon natën në kotec bashkë me shpendët, pasi tërmeti u dëmtoi banesën. Familja bën apel për një çadër nga autoritetet.

Duket sikur jetojnë në mesjetë… Familja Çerri me banim në Bishqem të Peqinit natën e kalon në kushte çnjerëzore. Flenë së bashku me pulat e me gjelat dhe ky grumbull misrash është kthyer në shtratin e tyre.

Tërmeti dëmtoi banesën e tyre. Arta e Myrtezai kërkojnë ndërhyrjen e strukturave të shtetit.

“U thyen kollonat, shtëpia u ça, morëm batanijet dhe kemi hyrë në kasollen e pulave. I lutemi shtetit që të na ndihmojë. Ishim në sera dhe nuk na la Bashkia”.

Për momentin kanë vetëm këtë kërkesë modeste.

“Kërkojmë nga shteti që të na bien një çadër”.

Edhe në Qarkun e Elbasanit janë dëmtuar disa familje nga tërmeti i 26 nëntorit. Dhjetra prej tyre po qëndrojnë në rrugë, në çadra, stalla apo kotecë pulash./abcnews.al

alvini.jpg
ad min10:40 | 19/10/2019

Myftiu i Shkodrës, Muhamed Sytari, ka reaguar në lidhje me rastin e fëmijës 11-vjeçar i cili ka ka humbur në kampin-burg të Al-Hol në siri. Sytari thotë fëmijët nuk kanë faj për gabimet e prindërve dhe diplomacia duhet të punojë që luajë një rol të rëndësishëm për kthimin e tyre në vend.

Myftiu i Shkodrës shprehet se ajo që ka ndodhur në Siri është diçka që komuniteti mysliman nuk e ka dëshiruar.

“Familjet e shqiptarëve të gënjyer apo të mashtruar nga propaganda false të atyre ditëve të kthehen një orë e më parë në vendin e tyre sepse nuk kanë faj fëmijët e tyre për gabimet e prindërve dhe normalisht diplomacia me të gjitha format duhet të interesohet dhe të luajë një rol vendimtar qoftë edhe për kthimin e një fëmije dhe çdo fëmije, por edhe çdo shqiptar është i shenjte për tokën tonë. Ne si komunitet fetar i qëndrojmë thirrjeve tona dhe nuk tërhiqemi as nuk e ndryshojmë thirrjen tonë për asnjë arsye sepse është një thirrje e drejtë dhe ajo që ka ndodhur në Siri gjatë këtyre viteve është një zullum i madh të cilin nuk e kemi dëshiruar dhe nuk e pranon asnjë mendje e shëndoshë”, thotë në një deklaratë Muhamed Sytari.

Misteri i rastit të Alvin Berishës ka futur në ankth familjarët e tij, por jo vetëm. 11-vjeçari arriti të gjendej falë emisionit italian “Le Iene”. Mirëpo një ditë më parë, babai i tij, Afrim Berisha, në një bisedë telefonike për ABC News rrëfeu se mbrëmjen e së premtes ka mësuar se i biri nuk gjendet me në kampin e “Al Holit”.

Afrim Berisha ka treguar për Abc News se kontaktin e fundit më të birin e ka patur ditën që është ndarë prej tij, pasi nuk e ka nxjerrë dot nga kampi, me 25 shtator. I trembur për sigurinë e të birit, Afrim Berisha tha për Abc News se do të niset menjëherë sërish drejt Sirisë për ta kërkuar vetë./abcnews.al

dhuna-1.jpg
Autor E09:05 | 09/10/2019

Dhuna ndaj grave është një fond i rëndë social po që e impakton shumë negativisht ekonominë një vendi. Programi i Organizatës së Kombeve të Bashkuara për Shqipërinë, PNUD pas një anketë të gjerë që zhvilloi vitin e kaluar për fenomenin e dhunës ndaj grave në Shqipëri, gjeti së fundmi se ky fenomen ndër të gjitha e ndikon negativisht produktivitetin në ekonomi.

Anketa e vitit 2018 ka gjetur se 72.4% të marra në intervistë kishin përjetuar dhunë fizike gjatë vitit të fundit. 1 nga 4 ose 25.0% e grave që përjetuan dhunë fizike raportuan se e kishin të pamundur të kryenin punët e shtëpisë dhe të kujdeseshin për fëmijët. Për më tepër, 8.9% e grave e kishin të pamundur të shkonin në punë për shkak të dëmtimeve të dhunës, teksa 0,5% të tyre e humbën vendin e punës dhe për pasojë edhe burimin e të ardhurave.

Gratë e dhunuara kanë pohuar se gjatë një viti nuk kanë mundur të jene efektive në punët e familjes nga 1 -30 ditë.

Për shkak të dhunës në familje gjithashtu gratë nuk kanë bërë mungesa në punët e tyre me pagesë.

Për këtë arsye gratë kanë munguar në punë nga 1-30 ditë për arsye të dhunës së ushtruar ndaj tyre. Mbi baza vjetore, gratë e dhunuara humbin mesatarisht 3.7 ditë pune të paguar për shkak të dhunës në familje. 4,137 që kishin munguar në punë gjatë një viti për shkak të dhunës kishin humbur mbi 15,300 ditë pune të paguara. Studimi i PNUD përllogarit se paga e humbur vjetore për gratë e rrahura ishte 36,456,682 lekë mln leke ose 333,485 dollarë) në një vit.

Tb 2

Dhuna ndaj grave e koston ekonominë në terma afatgjate, për shkak se, një pjesë e tyre bëhen të sëmura kronike, me depresion ose invalidizohen. Shumica e grave që kanë përjetuar dhuna fizike kanë frikë, ankth, depresion, ndjenja e izolimit, pagjumësia ose nervozizëm. Hulumtimet kanë zbuluar se shëndeti mendor është i cenuar në mesin e grave që përjetojnë dhunë nga partneri. Kërkimet kanë zbuluar gjithashtu se rreziku i çrregullimit të stresit post-traumatik (PTSD) është më e lartë në mesin e grave të ekspozuara ndaj dhunës në familje. /Monitor/

Tb 1
cr7.jpg
ad min22:27 | 05/10/2019

Dashurinë për Georgina Rodriguez e ka bërë publike kohë më parë, por sërish vazhdon të tregojë lidhjen e ngushtë që ka me të. Cristiano Ronaldo ka postuar një foto në rrjetet sociale ku shfaqet sëbashku me bukuroshen Georgina dhe katër fëmijët e tyre.

Në foto, futbollisti 34-vjeçar mban në krahë vajzën 1-vjeçare, Alana Rodriguez, ndërsa janë edhe tre fëmijët e tjerë Eva Maria Dos Santos, Mateo Ronaldo dhe Cristiano Jr. Ky i fundit në foto shikon me kujdes vëllain e vogël.

Postimin Cristiano Ronaldo e shoqëronte me përshkrimin “Mënyra më e mirë për të nisur fundjavën”.  Georgina dhe Cristiano njihen që prej 2016-s. Kohët e fundit, Ronaldo rrëfeu në një intervistë për Piers Morgan se planifikon të martohet me bukuroshen spanjolle./abcnews.al

ogerta-manastirliu-1280x709.jpg
nev ila16:03 | 01/10/2019

Në Ditën Botërore të Moshuarve, Ministria e Shëndetësisë dhe Mbrojtjes Sociale ka prezantuar Planin Kombëtar të Moshimit.

Për herë të parë sipas ministres Ogerta Manastirliu do të ofrohen shërbime në familje për të moshuarit.

Ato do te financohen nga fondi special qe ministria ka vendosur ne dispozicion te bashkive.

Plani i Veprimit 2020-2025 parashikon qe  mbrojtja dhe përfshirja sociale për çdo të moshuar në nevojë të fillojë me garantimine e ofrimit të shërbimeve të integruara social – shëndetësore, nga i cili pritet të përfitojnë 100.000 të moshuar.

Plani parashikon gjithashtu ngritjen e 10 qendrave ditore komunitare në të gjithë vendin si dhe ngritjen e një qendre të re rezidenciale për 100 të moshuar./ABC News Albania 24/7

familje-ne-qiell-te-hapur.jpg
ad min16:10 | 23/09/2019

Tirana është një ndër qarqet, ku tërmeti i së shtunës shkaktoi dëme të shumta. Disa familje kanë mbetur në qiell të hapur. Ne takuam tre prej tyre, që po jetojnë në një qendër sociale, pasi shtëpitë u janë bërë të pabanueshme.

Tërmeti i 21 Shtatorit i ka lënë pa një strehe mbi kokë. Tre familjet nga Yrsheku, Sauku dhe fshati Pezë Helmes i Tiranës i takuam në qendrën sociale në Kombinat.

Majlinda Koni dhe nëna e saj  87-vjeçare e paralizuar na tregojnë se kjo dhomë tashmë mbetet e vetmja çati për ta. Shtëpia e ndërtuar gati 60 vite më parë është e pabanueshme.

Naim Myftari nuk ka lëvizur nga qendra që të shtunën pasdite kur grupi i emergjencës e ka nxjerrë nga shtëpia. Tensioni që i shkaktoi lëkundja e së shtunës ndjehet akoma i fortë tek Bedrie Mema dhe bashkëshorti i saj.

Në këtë qendër sociale drejtuesit e saj na tregojnë se në mbrëmje mund të sistemohen rreth 40 persona, por për familjarët të cilëve termeti iu shkatërroi shtëpitë qëndrimi këtu nuk mund të vijojë gjatë./ABC News Albania 24/7

aarratisja.jpg
ad min11:13 | 27/08/2019

Arriti të arratisej nga burgu, por u dorëzua sërish dhe të gjithë këtë e bëri pasi donte të kalonte një fundjavë me familjen.

Është kjo historia e një 37-vjeçari të dënuar për vjedhje në Britani. Mediat shkruajnë se Steven Jones, eci rreth 160 kilometra që të shkonte të takonte familjen e tij. Ai është dënuar me 40 muaj burg, por me veprimin që bëri iu shtuan edhe 28 ditë të tjera.

Arratisja e të riut u kuptua kur ai nuk u shfaq në vendin e punës brenda burgut më 17 Korrik. Por kishte një arsye të madhe pse Jones kishte ikur.

Sipas hetuesve, ai është kujdestari parësor për katër vajzat. Jones ishte mërzitur pasi i ishte refuzuar vazhdimisht leja për të vizituar vajzat dhe kështu kishte kaluar perimetrin e burgut dhe eci deri në Cheltenham. Ai kaloi fundjavën me fëmijët dhe u dorëzua të dielën.

“Shkoi në stacionin policor të Gloucestershire për t’u vetëdorëzuar, por godina ishte mbyllur. Më pas ndaloi një makinë policie dhe u tha oficerëve në shërbim se ishte “njeri në kërkim”. Më pas u arrestua dhe u dërgua për t’u marrë në pyetje”, tha prokurorja Janine Wood.

Megjithatë për shkak të veprimit, Jones-it iu shtua afërsisht edhe një muaj tjetër dënimi.

“E kuptoj arsyen pse e bëre”, tha gjykatësi, i cili shtoi edhe 28 ditë të tjera heqje lirie për të./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono