familje

alvini.jpg
ad min10:40 | 19/10/2019

Myftiu i Shkodrës, Muhamed Sytari, ka reaguar në lidhje me rastin e fëmijës 11-vjeçar i cili ka ka humbur në kampin-burg të Al-Hol në siri. Sytari thotë fëmijët nuk kanë faj për gabimet e prindërve dhe diplomacia duhet të punojë që luajë një rol të rëndësishëm për kthimin e tyre në vend.

Myftiu i Shkodrës shprehet se ajo që ka ndodhur në Siri është diçka që komuniteti mysliman nuk e ka dëshiruar.

“Familjet e shqiptarëve të gënjyer apo të mashtruar nga propaganda false të atyre ditëve të kthehen një orë e më parë në vendin e tyre sepse nuk kanë faj fëmijët e tyre për gabimet e prindërve dhe normalisht diplomacia me të gjitha format duhet të interesohet dhe të luajë një rol vendimtar qoftë edhe për kthimin e një fëmije dhe çdo fëmije, por edhe çdo shqiptar është i shenjte për tokën tonë. Ne si komunitet fetar i qëndrojmë thirrjeve tona dhe nuk tërhiqemi as nuk e ndryshojmë thirrjen tonë për asnjë arsye sepse është një thirrje e drejtë dhe ajo që ka ndodhur në Siri gjatë këtyre viteve është një zullum i madh të cilin nuk e kemi dëshiruar dhe nuk e pranon asnjë mendje e shëndoshë”, thotë në një deklaratë Muhamed Sytari.

Misteri i rastit të Alvin Berishës ka futur në ankth familjarët e tij, por jo vetëm. 11-vjeçari arriti të gjendej falë emisionit italian “Le Iene”. Mirëpo një ditë më parë, babai i tij, Afrim Berisha, në një bisedë telefonike për ABC News rrëfeu se mbrëmjen e së premtes ka mësuar se i biri nuk gjendet me në kampin e “Al Holit”.

Afrim Berisha ka treguar për Abc News se kontaktin e fundit më të birin e ka patur ditën që është ndarë prej tij, pasi nuk e ka nxjerrë dot nga kampi, me 25 shtator. I trembur për sigurinë e të birit, Afrim Berisha tha për Abc News se do të niset menjëherë sërish drejt Sirisë për ta kërkuar vetë./abcnews.al

dhuna-1.jpg
Autor E09:05 | 09/10/2019

Dhuna ndaj grave është një fond i rëndë social po që e impakton shumë negativisht ekonominë një vendi. Programi i Organizatës së Kombeve të Bashkuara për Shqipërinë, PNUD pas një anketë të gjerë që zhvilloi vitin e kaluar për fenomenin e dhunës ndaj grave në Shqipëri, gjeti së fundmi se ky fenomen ndër të gjitha e ndikon negativisht produktivitetin në ekonomi.

Anketa e vitit 2018 ka gjetur se 72.4% të marra në intervistë kishin përjetuar dhunë fizike gjatë vitit të fundit. 1 nga 4 ose 25.0% e grave që përjetuan dhunë fizike raportuan se e kishin të pamundur të kryenin punët e shtëpisë dhe të kujdeseshin për fëmijët. Për më tepër, 8.9% e grave e kishin të pamundur të shkonin në punë për shkak të dëmtimeve të dhunës, teksa 0,5% të tyre e humbën vendin e punës dhe për pasojë edhe burimin e të ardhurave.

Gratë e dhunuara kanë pohuar se gjatë një viti nuk kanë mundur të jene efektive në punët e familjes nga 1 -30 ditë.

Për shkak të dhunës në familje gjithashtu gratë nuk kanë bërë mungesa në punët e tyre me pagesë.

Për këtë arsye gratë kanë munguar në punë nga 1-30 ditë për arsye të dhunës së ushtruar ndaj tyre. Mbi baza vjetore, gratë e dhunuara humbin mesatarisht 3.7 ditë pune të paguar për shkak të dhunës në familje. 4,137 që kishin munguar në punë gjatë një viti për shkak të dhunës kishin humbur mbi 15,300 ditë pune të paguara. Studimi i PNUD përllogarit se paga e humbur vjetore për gratë e rrahura ishte 36,456,682 lekë mln leke ose 333,485 dollarë) në një vit.

Tb 2

Dhuna ndaj grave e koston ekonominë në terma afatgjate, për shkak se, një pjesë e tyre bëhen të sëmura kronike, me depresion ose invalidizohen. Shumica e grave që kanë përjetuar dhuna fizike kanë frikë, ankth, depresion, ndjenja e izolimit, pagjumësia ose nervozizëm. Hulumtimet kanë zbuluar se shëndeti mendor është i cenuar në mesin e grave që përjetojnë dhunë nga partneri. Kërkimet kanë zbuluar gjithashtu se rreziku i çrregullimit të stresit post-traumatik (PTSD) është më e lartë në mesin e grave të ekspozuara ndaj dhunës në familje. /Monitor/

Tb 1
cr7.jpg
ad min22:27 | 05/10/2019

Dashurinë për Georgina Rodriguez e ka bërë publike kohë më parë, por sërish vazhdon të tregojë lidhjen e ngushtë që ka me të. Cristiano Ronaldo ka postuar një foto në rrjetet sociale ku shfaqet sëbashku me bukuroshen Georgina dhe katër fëmijët e tyre.

Në foto, futbollisti 34-vjeçar mban në krahë vajzën 1-vjeçare, Alana Rodriguez, ndërsa janë edhe tre fëmijët e tjerë Eva Maria Dos Santos, Mateo Ronaldo dhe Cristiano Jr. Ky i fundit në foto shikon me kujdes vëllain e vogël.

Postimin Cristiano Ronaldo e shoqëronte me përshkrimin “Mënyra më e mirë për të nisur fundjavën”.  Georgina dhe Cristiano njihen që prej 2016-s. Kohët e fundit, Ronaldo rrëfeu në një intervistë për Piers Morgan se planifikon të martohet me bukuroshen spanjolle./abcnews.al

ogerta-manastirliu-1280x709.jpg
nev ila16:03 | 01/10/2019

Në Ditën Botërore të Moshuarve, Ministria e Shëndetësisë dhe Mbrojtjes Sociale ka prezantuar Planin Kombëtar të Moshimit.

Për herë të parë sipas ministres Ogerta Manastirliu do të ofrohen shërbime në familje për të moshuarit.

Ato do te financohen nga fondi special qe ministria ka vendosur ne dispozicion te bashkive.

Plani i Veprimit 2020-2025 parashikon qe  mbrojtja dhe përfshirja sociale për çdo të moshuar në nevojë të fillojë me garantimine e ofrimit të shërbimeve të integruara social – shëndetësore, nga i cili pritet të përfitojnë 100.000 të moshuar.

Plani parashikon gjithashtu ngritjen e 10 qendrave ditore komunitare në të gjithë vendin si dhe ngritjen e një qendre të re rezidenciale për 100 të moshuar./ABC News Albania 24/7

familje-ne-qiell-te-hapur.jpg
ad min16:10 | 23/09/2019

Tirana është një ndër qarqet, ku tërmeti i së shtunës shkaktoi dëme të shumta. Disa familje kanë mbetur në qiell të hapur. Ne takuam tre prej tyre, që po jetojnë në një qendër sociale, pasi shtëpitë u janë bërë të pabanueshme.

Tërmeti i 21 Shtatorit i ka lënë pa një strehe mbi kokë. Tre familjet nga Yrsheku, Sauku dhe fshati Pezë Helmes i Tiranës i takuam në qendrën sociale në Kombinat.

Majlinda Koni dhe nëna e saj  87-vjeçare e paralizuar na tregojnë se kjo dhomë tashmë mbetet e vetmja çati për ta. Shtëpia e ndërtuar gati 60 vite më parë është e pabanueshme.

Naim Myftari nuk ka lëvizur nga qendra që të shtunën pasdite kur grupi i emergjencës e ka nxjerrë nga shtëpia. Tensioni që i shkaktoi lëkundja e së shtunës ndjehet akoma i fortë tek Bedrie Mema dhe bashkëshorti i saj.

Në këtë qendër sociale drejtuesit e saj na tregojnë se në mbrëmje mund të sistemohen rreth 40 persona, por për familjarët të cilëve termeti iu shkatërroi shtëpitë qëndrimi këtu nuk mund të vijojë gjatë./ABC News Albania 24/7

aarratisja.jpg
ad min11:13 | 27/08/2019

Arriti të arratisej nga burgu, por u dorëzua sërish dhe të gjithë këtë e bëri pasi donte të kalonte një fundjavë me familjen.

Është kjo historia e një 37-vjeçari të dënuar për vjedhje në Britani. Mediat shkruajnë se Steven Jones, eci rreth 160 kilometra që të shkonte të takonte familjen e tij. Ai është dënuar me 40 muaj burg, por me veprimin që bëri iu shtuan edhe 28 ditë të tjera.

Arratisja e të riut u kuptua kur ai nuk u shfaq në vendin e punës brenda burgut më 17 Korrik. Por kishte një arsye të madhe pse Jones kishte ikur.

Sipas hetuesve, ai është kujdestari parësor për katër vajzat. Jones ishte mërzitur pasi i ishte refuzuar vazhdimisht leja për të vizituar vajzat dhe kështu kishte kaluar perimetrin e burgut dhe eci deri në Cheltenham. Ai kaloi fundjavën me fëmijët dhe u dorëzua të dielën.

“Shkoi në stacionin policor të Gloucestershire për t’u vetëdorëzuar, por godina ishte mbyllur. Më pas ndaloi një makinë policie dhe u tha oficerëve në shërbim se ishte “njeri në kërkim”. Më pas u arrestua dhe u dërgua për t’u marrë në pyetje”, tha prokurorja Janine Wood.

Megjithatë për shkak të veprimit, Jones-it iu shtua afërsisht edhe një muaj tjetër dënimi.

“E kuptoj arsyen pse e bëre”, tha gjykatësi, i cili shtoi edhe 28 ditë të tjera heqje lirie për të./abcnews.al

familje-pa-uje.jpg
ad min13:30 | 16/08/2019

200 familjet e një fshati në Prrenjas po përballen me mungesën e ujit të pijshëm. Banorët tregojnë se kjo ndodhi menjëherë, pasi u ndërtua ujësjellësi i ri. Asnjëherë më parë banorët e fshatit Bërzeshtë, nuk kishin vuajtur për ujë të pijshëm.

Prej 500 vjetësh nuk u ka munguar uji. As ai i pijshëm dhe as ai për nevoja të tjera. Është quajtur gjithnjë Bërzeshtë e shtatë burimeve. Aty tek rrapi ku dikur bëhej kuvendi i burrave.

Por ka ca gjëra që ndodhin vetëm në Shqipëri. Disa muaj më parë vendorët e zonës së Qukësit në Prrenjas, pjesë e së cilës është dhe fshati Bërzeshtë zbarkuan këtu dhe u premtuan banorëve ujësjellës të ri. 24 orë ujë në ditë dhe pse ujë kishin. U ngrit depozita, u shtruan tubacione. U ndërtuan 20 çezma. Por jo vetëm që ujë nuk erdhi, por u iku dhe ai që kishin.

“Që kur u bë investimi ne jemi pa ujë”.

Të gjitha pusetat e ujit të shtrira në fshat janë të hapura pa asnjë lloj sigurie. Banorët ankohen se kjo situatë u ka krijuar edhe konflikte të mëdha. Ato kërkojnë që uji të rikthehet në depon e vjetër duke nxjerrë jashtë funksionit pusetat e reja. Kështu të paktën besojnë se nuk do të vuajnë nga etja./ABC News Albania 24/7

fier-spitali-1280x659.jpg
ad min20:40 | 27/07/2019

Një familje është përfshirë në aksident mbrëmjen e së shtunës në Varibob të Fierit. Mësohet se mjeti tip “Peugeot”, i cili drejtohej nga 30-vjeçarja E.H. ka dalë nga rruga.

Për pasojë është dëmtuar drejtuesja e mjetit, nëna e saj, G.Z, 46 vjeç, banuese në Vlorë edhe 2 fëmijët e mitur 2 dhe 6 vjeç, të cilët ndodhen nën kujdesin e personelit mjekësor në Spitalin Rajonal Fier.

Grupi hetimor po punon për zbardhjen e plotë të rrethanave të ngjarjes./abcnews.al

pres-de-trente-militants-se-sont-reunis-toute-la-journee-de-lundi-pour-s-opposer-a-l-expulsion-de-deux-familles-de-migrants-photo-progres-guillaume-sergent-1562613445.jpg
ad min10:40 | 10/07/2019

Disa familje refugjatësh në Francë, të cilat duhej të dëboheshin më 8 Korrik u është dhënë një afat prej 7 ditësh që të bëhen gati. Por shoqatat që janë në ndihmë të emigrantëve janë të shqetësuara për situatën.

Në mesin e refugjatëve të kërcënuara me dëbim janë edhe dy familje shqiptare.  Aktivist të janë të gëzuar që autoritetet franceze u kanë lënë një javë kohë.

Por problemi vazhdon. Të ballafaquar me këtë situatë, që konsiderohet e patolerueshme nga disa aktivistë, atë bëjnë të ditur se mobilizimi do të vazhdojë.

“Ne kërkojmë nga autoritetet t’u japin këtyre njerëzve kohë për të përmbushur kërkesat e prefekturës”, tha një anëtar i grupit, i cili dëshiron të mbetet anonim. Rreth 50 njerëz, përfshirë 34 fëmijë janë nën urdhrin e detyrimit për të lënë territorin francez./abcnews.al

aksidenti.jpg
ad min10:15 | 03/04/2019

Të tjera detaje janë publikuar pas rrëzimit të një aeroplani në Maqedoninë e Veriut pasditen e djeshme. Viktimat janë të gjithë anëtarë të një familjeje; Boshnakov Georgi, bashkëshortja e tij, si dhe dy vajzat binjake të moshës 14-vjeçare. Viktimat, sipas autoriteteve maqedonase, janë shtetas bullgarë.

Ekipet e kërkimit vazhdojnë punën për të gjetur trupat e pajetë dhe mbetjet e aeroplanit të aksidentuar në malin e Jakupicës në Maqedoninë e Veriut. Aksidenti fatal ka ndodhur rreth orës 16.00 të ditës së djeshme, kur piloti ka humbur komunikimin me qendrën e kontrollit të fluturimeve.

Nga informacionet e para u theksua se fatkeqësia ka ndodhur si pasojë e motit të keq dhe turbulencave. Aeroplani ishte i tipit “Cesna P210N” dhe po fluturonte nga Ohri për në Sofje./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono