familjaret

PLAGOSJA-DIVJAK4-1280x720.jpg
ent ela15:11 | 14/09/2018

Një 77 vjeçar u plagos në kokë me armë zjarri në fshatin Remas të Lushnjes gjatë një operacioni që Forcat Speciale të RENEA-s po kryenin në zonë. Sipas familjarëve, RENEA ka qëlluar me armë Haxhi Likën, në kohën që ky i fundit ndodhej në gjume. Ndërsa Policia e Shtetit ka një tjetër version për ngjarjen. Sipas saj i moshuari ka dalë me armë në dritare dhe nuk i është përgjigjur thirrjes së Policisë. Rrethanat e plagosjes mbeten ende të paqarta.

Fisi Lika nga fshati Remas i Divjakës u zgjua i terrrorizuar. Gjatë një operacioni policor të forcave speciale RENEA, u plagos në kokë Haxhi Lika, 77 vjeç. Pretendimet e familjarëve janë se i moshuari u qëllua me plumb kur ndodhej në gjumë. Bashkëshortja e tij, Rrufe Lika ndodhej me të në dhomë.

“Qemë në gjumë të dy anë dritares aty, ku di unë ça bënë, nuk mbaj as mend, por që na zgjunë, ishte e papritur (qan) nuk e di si qe. Ne në punën tonë”.

Pamjet e marra në dhomën e gjumit tregojnë shenjat e plumbit i cili ka hyrë nga dritarja dhe ka përfunduar në murin e brendshëm të saj. Gjurmë gjaku konstatohen edhe në krevatin e të plagosurit. Një tjetër gjurmë plumbi është poshtë dritares, nga ana e jashtme e banesës.

Familjarë të tjerë të fisit Lika, tregojnë momentët e mësymjes së policisë në banesat e tyre.

Familjar 1: I thashë pse më qëlloni ça kini, jeni policia ça doni, kontrolloni ça keni në shtëpi, ore po nuk kam gjë, kam gruan kam dhe gocën dhe çunin.

Familjar 2: Të vish në 4 të mëngjesit të ngrihesh nga gjumi, Ne thamë ça ishte kjo zhurmë sikur dhe kriminelë të kishim qenë ne, jo ashtu. Shteti është shtet, bjere kartën e identitetit nëse kërkon njeri, shikonte mua çunin, tjetrin.

Familjar 3: Kërkojmë një të shumëkërkuar na thanë që është strehuar këtu te ju, po hajde urdhëroni, hajdeni brenda i thamë ne. Po të sillen si njerëz jo si kafshë. Të vesh ti të vrasësh plakun në gjumë. Plaku 78 vjeç pa u ngritur nga gjumi me armë në rrëzë të veshit.

Familjar 4: Na erdhi policia terror, në orën 5 të mëngjesit terror, qëlluan me armë na plagosi të tërëve, na ktheu me fytyrë pas murit, na vendosi prangat.

Familjar 5: E vranë xhajën në gjumë.

Gazetarja: Ku e kapi plumbi?

Familjar 5: Në ballë i ka dalë prapa kokës.

Gazetarja: Po tani ku e mbajnë.

Familjar 5: Në spital qe, në Lushnje, nuk e mbajtën, tani është në Tiranë.

Policia e Shtetit ka reaguar me anë të një njoftimi për shtyp në lidhje me ngjarjen. Sipas saj gjatë planit operacional për kapjen e dy të dyshuarve për vrasje, të cilët fshiheshin në banesën e 77- vjeçarit, ky i fundit thirrjes së policisë i është përgjigjur me armë. Haxhi Lika sipas policisë ka dalë në dritare me armë gjahu.

Ndërsa policia pas thirrjes për dorëzim ka qëlluar në ajër. Plagosja e 77 vjeçarit mbetet në rrethana të paqarta sipas policisë. Ai ndodhet i shtruar në Spitalin Ushtarak të Tiranës.

Pas këtij operacioni policia ka ndaluar dy djemtë e të plagosurit , vëllezërit Martin dhe Arben Lika.

Sipas Policisë së Shtetit është marrë informacion se në banesën e të moshuarit Lika strehoheshin dy shtetas të dyshuar si autorë vrasjesh. /abcnews.al

GREQI-PADIA-1280x720.jpg
ent ela19:15 | 01/08/2018

Familjarët e viktimave të zjarreve në Greqi kanë paditur institucionet me akuzën se kanë dështuar në mbrojtjen e qytetarëve. Organet përgjegjëse për menaxhimin e katastrofave rrezikojnë të përballen me akuza të rënda, përfshirë atë të vrasjes.

Familjarët e dy personave që humbën jetën në zjarret që ranë në lindje të Athinës kanë paditur institucionet shtetërore greke. Këto të fundit, konkretisht reparti i zjarrfikësve dhe policia, mund të akuzohen për një sërë veprash penale si “vrasje pa paramendim”, “lëndime trupore” dhe “ekspozim të qytetarëve ndaj rrethanave vdekjeprurëse”. “Mendoj se ata që janë përgjegjës për mbrojtjen e qytetarëve, për të shuar zjarret dhe për të marrë masa për t’i parandaluar ato, duhet të dënohen”, ka deklaruar Antonis Fusas, avokat i familjarëve të viktimave. Ndërkohë, prokurorët vazhdojnë hetimet mbi shkaqet e rënies së zjarrit dhe reagimin e autoriteteve ndaj tragjedisë që mori mbi 90 jetë njerëzish në qytetin bregdetar të Matit dhe zonave përreth. Dy viktimat humbën jetën teksa përpiqeshin t’u shpëtonin flakëve dhe trupat e tyre u gjetën rreth 400 metra nga shtëpitë e tyre. “Ndodhemi në një situatë të dëshpëruar dhe tragjike, pasi duhet të mbajmë zi për humbjen e pamerituar të të dashurve tanë”, thuhet në padinë e familjarëve. Mësuesi Vasilis Katsagiris, 70 vjeç, mbeti i bllokuar në një garazh, ndërsa bashkëshortja dhe miqtë e tij të ardhur nga Amerika përpiqeshin të arrinin plazhin më të afërt. E shoqja u kthye për të shpëtuar atë dhe një fqinjën e tyre Maria Pagomenou, por nuk ia arriti. Dy ditë përpara tragjedisë, ata kishin festuar martesën e vajzës së tyre. Në padi nënvizohet se, as përpara rënies dhe as gjatë përhapjes së zjarreve autoritetet nuk dhanë udhëzime se si të vepronin, apo se si të strehoheshin në një vend të sigurtë. /abcnews.al

avicii.jpg
ent ela12:06 | 27/04/2018

DJ Avicii, mund të ketë kryer vetëvrasje pasi nuk mund të duronte më gjendjen e vështirë shëndetësore. Kështu lanë të nënkuptohej me anë të një deklarate për mediat familjarët e tij. Gjithësesi policia ende nuk ka publikuar një raport zyrtar për shkaqet e vdekjes së 28 vjeçarit.

Familja e Avicii, yllit të muzikës elektronike botërore, që ndërroi jetë në moshën 28 vjecare në 20 prill, me anë të një deklarate për media ka lënë të kuptohet se DJ mund të jetë vetëvrarë. Edhe pse policia nuk ka dalë ende me një deklaratë zyrtare për shkaqet e vdekjes, fjalët e përdorura nga familjarët e tij bëjnë shumë të mundshme pistën e etëvrasjes. Në deklaratë shkruhej se Tim – emri i vërtetë i artistit – nuk mund të duronte dot më. Dëshironte të gjente paqen dhe punonte me ritme që e çuan në nivele të një stresi ekstrem

Burime të departamentit të policisë në Oman, ku dhe ndërroi jetë artisti, kanë përjashtuar pistën kriminele, por hetuesit po hartojnë një raport të ri, sidomos pas fjalëve të familjarëve të tij.

Dyshohet se shkak i një  gjesti të tillë ekstrem mund të ketë qenë gjendja e tij e rëndë shëndetësore, e cila zgjaste prej një kohe të gjatë. Në deklaratën e tyre familjarët falenderojnë personat që i kanë mbështetur në këto ditë të vështira, si dhe theksojnë se Tim me muzikën e tij do të jetë i paharruar. /abcnews.al

vlcsnap-error881-1280x720.jpg
ent ela15:41 | 03/03/2018

Xhaxhai i 16 vjeçarit  Anxhelo Gjokazaj që humbi jetën pasi u godit me thikë nga bashkëmoshatari i kërkon drejtësisë që të ndëshkojë autorin. Ai thotë se ndihet i shokuar nga ngjarja dhe nuk e kupton shkakun pse nipi i tij u vra.

Familja Gjokazaj ka hapur dyert e mortit.

Ende nuk e besojnë që djali i madh i familjes humbi jetën teksa u sulmua me thikë nga fqinji i tij, banesa e të cilët ndodhet dy rrugica më tutje.

Xhaxhai i viktimes Zef Gjokazaj ende i tronditur nga ngjarja thote se dhimbja në familje është e madhe.

Ai tregon se nipi sapo  kishte  dale nga shkolla dhe po kthehehej në shtepi kur u godit me thike.

Nuk mund të them gjë më tepër, se çoje fëmijën në shkollë e ma bin të therur. Tu ardh rrugës është llafos pse më shikon ti mua

Të afërm të autorit kanë kërkuar të ofrojnë ngushëllimet e tyre, por familja Gjokazaj nga Mirdita nuk ka pranuar.

Familja e tij ka kërkuar me pi kafe po ne jemi traditë mirditore po ne nuk mund të pranojmë. Se ai më ka vrarë me thikë”.

Në shtëpinë e autorit Devi Lala, situata është krejt ndryshe.

Këtu nuk hyjnë e dalin njerëz.

Një patrulle policie është vendosur në hyrje të rrugicës.

Ata i druhen përshkallëzimit të ndonje konflikti mes dy fiseve.

Gjysherit të cilët ndodhen të vetëm në shtëpi nuk pranojnë te flasin.

Jashtë kamerave ata i shprehin ngushëllime familjarëve .

Një shikim i hedhur drejt autorit është bërë shkak për nisjen e konfliktit, i cili përfundoi me një të vdekur.

Mbi 17 vjeçarin rendon akuza e vrasjes me paramendim./abcnews.al

 

xhaxhai.jpg
G. P.18:24 | 22/01/2018

Andon Belulaj, xhaxhai i Aldison Belulaj, ka folur për herë të parë në emisionin “Rudina” në Tv Klan për vrasjen e Ariela Muratajt që trondi dje mbarë opinionin publik.

Në një intervistë për gazetaren Albana Caushaj, ai ka thënë se në dijeninë e tij dy të rinjtë ishin të lidhur që në gjimnaz dhe kohët e fundit kishin pasur probleme. Sipas tij, dje Aldisoni priste një përgjigje nga familja e Arielës, por kjo e fundit e kishte refuzuar.

“Kam fëmijë vetë, por nuk e duroj dot, më tepër për vajzën se sa për nipin tim. Nuk bëhej kjo, iku ajo kohë. Kjo qe e papritur për ne, kaq di të them unë si xhaxha. Di që kanë patur një lidhje, por dashuria e të rinjve është si fija e flokut, grindeshin, por që të arrinin këtu nuk e mendoja. Aldisoni ka qenë normal. Sipas dijenisë time kanë qenë të lidhur që në gjimnaz. Mosmarrëveshjet kohët e fundit mund të kenë çuar deri këtu ngjarjen.

Vëllai kunata dhe djali kanë shkuar tek shtëpia e vajzës dhe kanë pritur një përgjigje ndoshta deri dje dhe djali pastaj ka ikur. Kur pashë lajmet dje u tmerrova. Nuk e di se kur kanë shkuar prindërit tek familja e vajzës”, tha xhaxhai i Aldisonit, Andon Belulaj.

Ariela Murati 21 vjeç me origjinë nga Berati por banuese në Fier, ishte studente në vitin e tretë të Fakultetit të Drejtësisë në Tiranë.

Studentja u qëllua për vdekje dje rreth orës 15:20 në rrugën pranë spitalit “Nënë Tereza” në kryeqytet, nga Aldison Belulaj 23 vjeç. Sipas dëshmitarëve në vendngjarje, i riu e shtrirë përtokë vajzën dhe më pas e qëlloi me pistoletë. Armën e drejtoi edhe nga vetja, por ka mbetur i plagosur në gjendje të rëndë me një plumb në kokë./tvklan.al

vlcsnap-error294-1-1280x719.jpg
us er14:53 | 23/12/2017

Nëna e Florenc Beqirit, i cili humbi jetën në rrethana të dyshimta në një burg të Francës, kërkon trupin e të birit. Ajo thotë se djalin ia vranë dhe për këtë duhet të gjenden përgjegjësit.

Në familjen Beqiri në Shkodër janë hapur dyert e mortit. Djali i tyre Florenci humbi jetën pas një qendrimi të dyshimtë në burgun e Marsejës. Nëna foli me të birin për herë të fundit më 8 Dhjetor. Kurse katër ditë më parë një polic francez u ka komunikuar atyre lajmin e vdekjes.

Të premten me miratimin e babait, Florenc Beqirit, i cili mbahej në jetë përmes aparaturave iu hoq oksigjeni që e mbante në jetë klinikë. Familja kërkon trupin e tij.

23 vjeçari Florenc Beqiri u arrestua nga policia franceze 3 javë më parë pasi nuk kishte dokumentat e qëndrimit në këtë shtet. Sipas familjarëve ai ishte larguar nga Shkodra para dy viteve. Në Francë edhe ka punuar here pas here. Por për tri javë ai u mbajt në një burg të Marsejës dhe katër ditë më parë policia e dorëzoi në spital si të vdekur. Për këtë ngjarje pati reagime edhe nga institucionet e posaçme diplomatike të Tiranës./abcnews.al

vlcsnap-error165-1.jpg
us er12:54 | 06/11/2017

Frika nga hakmarrja ka bërë që familjarët e autorëve të dyshuar të shpallur ne kërkim për masakrën e Lushnjës të largohen jashtë Shqipërisë. Nga Prokuroria e Lushnjës thuhet se janë në dijeni të një fakti të tillë.

 

Familjarët e të dyshuarve të masakrës së Lushnjës po ikin.

Në qytet është përhapur fjala se familjet e viktimave do të marrin hak dhe kjo ka vënë në leëvizje të afeërmit e Laert Haxhiut dhe të Orges Bilbilit.

Burime nga prokuroria e Lushnjës, e cila heton masakrën, i treguan ABC Neës, se  së fundmi motra  e vetme e Laert Haxhiut,  Klea Haxhiu po kërkon azil .

Të njëjta burime saktësojnë se 20 vjeçarja ka nisur procedurat në ministrinë e jashtme, duke depozituar dokumentacionin e duhur. Nuk dihet nëse është pranuar kërkesa nga ana e ministrisë sonë.

Që prej 11 tetorit, kur ndodhi vrasja e Zamir Latifit dhe Jurgen Hoxhës, motra e të dyshuarit kryesor për vrasjen Laert Haxhiut ka braktisur studimet e larta në Tiranë.

Edhe familjarë të të dyshuarit tjetër të vrasjes së dy të rinjve Orgest Bilbilit, po  tentojnë të njëjtën gjë, ndërkohë që momentalisht qëndrojnë në kontroll.

Në kërkim për atentatin e 11 tetorit vazhdojnë të jenë Laert Haxhiu dhe Orgest Bilbili.

Deri tani nuk ka asnjë të dhënë se ku mund të jenë të dyshuarit, madje nuk është gjetur as pronari i makinës, që u përdor në ngjarje.

Nga ana tjetër, familjarët e dy të dyshuarve janë paraqitur në prokurorinë e rrethit me pretendimin se po hidhen akuza të pabaza mbi fëmijeët e tyre, sepse ata nuk janë autorët e vrasjes./abc news


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono