familjaret

KRONIKE-NDIHMAT-E-HUAJA_ABC-M4-T2.mpg_snapshot_00.15-1280x720.jpg
ent ela16:30 | 29/09/2019

Disa vende të  Bashkimit Evropian kanë dërguar ndihma në Shqipëri për të përballuar situatën e tërmetit të 21 shtatorit. Avioni i parë me ndihma ka ardhur nga Greqia, ndërsa pritet ndihma edhe nga disa vende të tjera.

Një javë pas tërmetit të fuqishëm që preku Shqipërinë, në vendin tonë ka mbërritur ndihmat e para për familjet e prekura.

Ky avjon ushtarak ka ardhur nga Greqia dhe ka sjellë materiale nga shteti fqinj.

Peter Glerum Drejtues i ekipit të BE për Emergjencat: “Ne jemi këtu si skuadër e mbrojtjes civile për të ndihmuar Shqipërinë. Ne kemi marrë deri më tani ndihmat e dhëna nga 3 shtete dhe presim edhe nga shtetet e tjera”, u shpreh përfaqësuesi i BE-së.

Drejtori i Përgjishshëm i Rezervave të Shtetit, Paulin Luli falenderoi në emër të Ministrisë së Mbrojtjes përfaqësuesit e lartë të Mbrojtjes civile për solidaritetin.

Paulin Luli Drejtori i Rezervave të Shtetit: “Shpresojmë që ne këtë ndihmë të dhënë të mos e kthejmë vetëm në raste të tilla, por të jemi krah njëri-tjetrit për të ndihmuar në kohë të vështira”,  u shpreh Drejtori i Rezervave të Shtetit.

Ndihmat kanë mbërritur nga  disa shtete evropiane si Kroacia, Hungaria, ndërsa priten edhe nga shtete të tjera.

Produktet janë vendosur pranë depove të rezervave të shtetit në Lundër dhe do tu shpërndahen familjeve të prekura. /ABC news Albania 24/7

ZHDUKJA-NE-FIER-_ABC-M4-T2.mpg_snapshot_00.24-1280x720.jpg
ent ela19:18 | 23/09/2019

Kanë kaluar disa ditë nga zhdukja e një të riu në Fier dhe nuk dihet fati i tij. Për këtë ngjarje policia ka arrestuar dy kushërinj, ndërkohë familjarët tregojnë detaje çfarë ndodhi mes kushërinjve.

Një 29 vjeçar nga Kreshpani i Fierit rezulton i zhdukur prej 10 ditësh. Ngjarja që dyshohet të jetë një rrëmbim i mundshëm. Ndodhi 10 ditë më parë ku sipas familjarëve ai udhëtoi bashkë me kushëririn e tij drejt Vlorës.

Rrethanat e ngjarjes dhe fati i të riut mbeten të paqarta, por policia ka arrestuar dy personat që kontaktuan të fundit me të Perlat dhe Lajdon Myrtaj. Shkak i zhdukjes së të riut sipas familjarëve  është një konflikt me kushërinjtë e tij. Dy muaj më parë Fatjoni i ka marrë bashkëshortes së njërit prej kushërinjve, 500 mijë lekë borxh, shumë që më vonë familjarët e të zhdukurit  thonë se e kanë shlyer.

Fatjon Myrtaj punonte në ndërtim në Kosovë bashkë me kushëririn e tij Lajdon Myrtaj. Ditën e zhdukjes 29 vjeçari mendohet të ketë udhëtuar drejt Fierit bashkë të. Rasti po hetohet nga Prokuroria e Krimeve të rënda. /ABC News Albania 24/7

49561866_403.jpg
nev ila17:05 | 12/07/2019

Gjykata Administrative e Berlinit ka vendosur: Po, Gjermania duhet t’u mundësojë kthimin në shtëpi familjeve të luftëtarëve të të ashtuquajturit “Shteti Islamik”, IS. Vendimi nuk ka hyrë ende në fuqi.

Me vendimin e ditës së mërkurë, Ministrisë së Jashtme gjermane i kërkohet që të përcaktojë identitetin e tre fëmijëve në një kamp refugjatësh sirianë dhe më pas të marrë nënën dhe fëmijët e saj në Gjermani, u shpreh një zëdhënës i gjykatës gjermane në Berlin.

Ministria e Jashtme mund ta apelojë vendimin e gjykatës. Por në rast të tillë duhet të vendosë Gjykata e Lartë e Berlinit. “Vendimi i marrë në procedurë të përshpejtuar e që nuk ka hyrë në fuqi ka mbërritur tek Ministria e Jashtem dhe po veifikohet”, tha një zëdhënës i Ministrisë së Jashtme.

Ministria e Jashtme

Kërcënim për fëmijët

Në vendimin e gjykatës administrative thuhet, se nëna nga landi i Saksonisë së Poshtme dhe fëmijët e saj mund t’i referohen detyrimit të shtetit për të ofruar mbrojtje, i sanksionuar ky në kushtetutë. Gjendja në kamp është një kërcënim për jetën e fëmijëve. Ata kërcënohen nga “pasoja të rënda, të padurueshme dhe të pamundura për t’u mënjanuar”, nëse qëndrojnë në kamp, thuhet në vendimin e gjykatësve.

Televizionet NDR, WDR e “Süddeutsche Zeitung” raportuan që të mërkurën për vendimin e gjykatës. Sipas raportimit të këtyre mediave, fëmijët janë 8, 7 dhe afër dy vjeç. Ministria e Jashtme kishte argumentuar, se nuk shihte asnjë detyrim për të ndihmuar edhe nënën të kthehej nga Siria. Ministri i Punëve të Brendshme, Horst Seehofer ka deklaruar, se edhe fëmijët e të rinjtë përdoren për luftën e IS-it. Qeveria gjermane duhet të jetë për këtë arsye e kujdesshme në pranimin e pjesëtarëve të familjeve të tyre. Kjo edhe për arsye, sepse ka paqartësi në çështjet e nënshtetësisë.

Sipas mediave në kampet kurde në Siri ndodhen shumë luftëtarë gjermanë të IS-it gratë dhe fëmijët e tyre./DW

kumanove-1280x741.jpg
ad min16:10 | 09/05/2019

Sot mbushen katër vjet nga konflikti i armatosur në “Lagjen e Trimave” që zgjati dy ditë, ku mbetën të vrarë tetë pjesëtarë të Ministrisë së Punëve të Brendshme, ndërsa rreth 40 persona të tjerë mbetën të plagosur. Në konfliktin e armatosur përveç tetë pjesëtarëve të forcave policore, u vranë edhe 10 pjesëtarë të grupit të armatosur.

Në katërvjetorin e ngjarjeve të Kumanovës, familjarët e të dënuarve , organizuan një protestë ku u kërkua lirimi i të dënuarve dhe drejtësi. Protesta u mbështet edhe nga Shoqata e të burgosurve politik në Maqedoni. Kreu i kësaj shoqate Shpëtim Pollozhani bën thirrje për gjykim të drejtë për personat e përfshirë te ngjarjet e Kumanovës.

Nga kjo përleshje me armë humbën jetën 8 prestarë të policisë dhe 10 nga grupi i armatosur. U plagosën 37 pjesëtarë të policisë dhe u shkatërruan mbi 25 shtëpi. Për rastin e Kumanovës u arrestuan dhe gjykuan 37 persona. Procesi gjyqësor zgjati dy vjet dhe prej 37 të akuzuarve për terrorizëm, vetëm katër persona u liruan nga akuza./ABC News Albania 24/7

Gjykata-e-elbasanit-nena-me-foshnje-1280x744.jpg
ent ela11:48 | 24/04/2019

Gjykata e Elbasanit liroi dy mjekët që u arrestuan pas vdekjes së 25-vjeçares Rexhina Debrova. Kardiologu Mehmet Ibaj dhe reanimatori Niko Thana nuk kanë pranuar akuzat për mjekim të pakujdesshëm dhe Gjykata caktoi masën e sigurisë “detyrim paraqitje”.

Dy mjekët e arrestuar për mjekim te pakujdesshëm ndaj 25-vjeçares që humbi jetën gjate lindjes, shkuan në shtëpi.

Gjykata e Elbasanit në drejtimin e Pajtime Fetahut caktoi masën e sigurisë “detyrim paraqitje” deri në daljen e ekspertizës përfundimtare.

Këtë kërkese paraqiti dhe prokurori Xhelian Seferi, kurse avokatët e kardiologut Mehmet Ibaj dhe reanimatorit Nikollaq Thano ishin më të ashpër.

Ata kërkuan lirimin e menjëhershëm të klientëve të tyre

Seanca u zhvillua në trysninë e familjarëve të të  ndjerës. Para godinës ata protestuan duke mbajtur në duar foshnjën e sapolindur te Rexhina Debrovës. Shumë të irrituar kërkuan burg për mjekët.

Paraprakisht referuar dhe autopsisë, mjekët në Elbasan kanë përcaktuar se shkak i vdekjes se 25 vjeçares ishte “tromboembolia pulmonare”. Por priten rezultatet e ekspertimit mjeko-ligjor për të  mësuar përfundimisht shkakun e vdekjes, çka do të saktësojë nëse mjekët janë fajtorë apo jo./abcnews.al

1539AEFF-1FCE-4E38-8689-CC00F554644B_w1597_n_r1_st-1280x720.jpg
nev ila09:40 | 20/04/2019

Janë rikthyer në orët e para të së shtunës me dhjetëra gra dhe fëmijë të xhihadistëve kosovarë në Siri. Dhe pse nuk dihet nëse mes  tyre ka ish-luftëtarë, mediat kosovare raportojnë se mes 150 të kthyerve, katër persona konsiderohen të rrezikshmërisë së lartë.

Me dhjetëra gra dhe fëmijë, të afërm të xhihadistëve kosovarë që luftonin në Siri, janë rikthyer në Kosovë nën masa të rrepta sigurie. Ndërkohë që mediat kosovare raportojnë se katër nga të kthyerit konsiderohen persona me rrezikshmëri të lartë.

Ministri kosovar i drejtësisë, Tahiri konfirmoi për mediat se operacioni për rikthimin e tyre në vend nga Siria kishte përfunduar me sukses në orët e para të së shtunës. Pas disa orësh në aeroport, dy autobusa ku ndodheshin fëmijë dhe gra, u transportuan nën shoqërimin e policisë në Baraka ushtarake në periferi të Prishtinës.

Më shumë se 300 shtetas kosovarë, burra, gra dhe fëmijë kanë udhëtuar në Siri që nga viti 2012. Rreth 70 burra kanë mbetur të vrarë duke luftuar në krah të militantëve ekstremistë.

Policia e Kosovës bëri të ditur se rreth 150 gra dhe fëmijë, përfshirë dhe 60 fëmijë që kishin lindur në zonat e luftës, ishin kapur pasi i ashtuquajturi shteti islamik kishte humbur kontrollin në zonën ku ata jetonin.

Është ende e paqartë nëse janë kthyer të gjithë, ndërkohë që as ministria e drejtësisë dhe as policia e Kosovës nuk dhanë detaje nëse në mesin e të rikthyerve kishte dhe ndonjë ish-luftëtar.

Agjencitë vendore dhe ndërkombëtare të sigurisë, edhe më parë kanë paralajmëruar për rrezikun që vjen nga ish luftëtarët që rikthehen në vendet e lindjes. Në vitin 2015 në Kosovë, u miratua ligji sipas të cilit, ata që luftojnë në konflikte jashtë vendit mund të dënohen deri në 15 vjet burg.

Nuk ka pasur asnjëherë ndonjë incident që lidhet me terrorizmin islamik në Kosovë, dhe pse më shumë se 100 burra janë burgosur apo arrestuar me akuzën se kanë luftuar në Siri dhe Irak. Disa prej tyre janë shpallur fajtor për planifikimin e sulmeve në Kosovë.

Qeveria e Kosovës më parë është shprehur se një formë e islamit radikal është importuar në Kosovë nga organizata jo qeveritare nga lindja e mesme në periudhën 1998 – 1999./abcnews.al

syria.jpg
nev ila13:03 | 18/04/2019

Balkan Insight ka identifikuar të paktën 85 fëmijë të lindur nga gratë me kombësi shqiptare që janë nga Shqipëria, Kosova dhe Maqedonia e Veriut të cilët, ndodhen në një kamp, të drejtuar nga kurdët në Siri, nën kontrollin e shtetit islamik.

Lavdrim Muhaxheri, një luftëtar i njohur i Shtetit Islamik nga Kosova, i cili e deklaroi veten si komandant i shqiptarëve që luftonin për grupin militant në Siri dhe Irak, u shpall i vdekur në mes të vitit 2017.

Sipas investigimit të Balkan Insight, fëmijët e tij të lindur në Siri nga martesa me një grua shqiptare nga Tirana, po jetojnë në një kamp të drejtuar nga kurdët, në Veri-lindje të Sirisë.

Të dy fëmijët e Muhaxherit, gjenden në mesin e gjithsej 85 fëmijëve, në kampin ‘Al Hol’ të grave me etni shqiptare të cilat janë nga Shqipëria, Kosova dhe Maqedonia Veriore. Ato janë identifikuar nga Balkan Insight.

Sipas listave emërore që ka siguruar Balkan Insight, të paktën 27 prej këtyre fëmijëve kanë lindur në Siri. Shumë prej tyre kanë humbur të paktën një prind. Ndërsa tre fëmijë të lindur nga një grua kosovare raportohet se kanë vdekur bashkë me nënën e tyre.

Aktualisht, një grup prej 108 gra dhe fëmijë nga Shqipëria, Kosova dhe Maqedonia e Veriut, duan të kthehen në Ballkan nga kampi “Al Hol”. Ndërkohë ekzistojnë edhe një numër tjetër më i vogël, i familjeve me etni shqiptare, në dy kampe të tjera në Siri.

Sipas një studimi të vitit 2017 nga Qendra Soufan me seli në Nju Jork, (një organizëm hulumtues i përqendruar në sigurinë globale), rreth 90 persona që ishin nga Shqipëria, 138 nga Kosova dhe rreth 140 nga Maqedonia Veriore, ndodheshin ende në Shtetin Islamik.

Kalifati mund të jetë rrëzuar, por rruga e shtëpisë për këto gra dhe fëmijë duket më e ndërlikuar sesa mund ta kishin imagjinuar. Autoritetet në të tre vendet e Ballkanit, nuk kanë ende një plan, se si këta persona të mund të riatdhesohen.

Kampi “Al Hol” ndodhet në provincën siriane të el-Hasakah. Sipas Kombeve të Bashkuara, aktualisht ka rreth 73,000 njerëz të strehuar aty.

Sipas Zyrës së OKB-së për Koordinimin e Çështjeve Humanitare, rreth 65 % e njerëzve në kamp, janë fëmijë nën moshën 18 vjeç. Rreth 27 % e totalit janë gra.

Refugjatët e zhvendosur brenda vendit dhe refugjatët irakianë përbëjnë shumicën e madhe, por 15 % e tyre janë nga të ashtuquajturat shtetas të vendeve të treta.

Kosova – Gjithsej 48 – 38 fëmijë dhe 10 gra (Të paktën 14 fëmijë kanë lindur në Siri)

Shqipëria – Gjithsej 52 – 41 fëmijë dhe 11 gra (Trembëdhjetë fëmijë kanë lindur në Siri)

Maqedonia Veriore – Gjithsej 8 – gjashtë fëmijë dhe dy gra

Gjithsej – 108 njerëz nga të 3 vendet

Shumë nga gratë shqiptare dhe fëmijët e tyre janë të dëshpëruar për t’u kthyer në shtëpi.

Ata na kanë nën mbikëqyrje dhe jemi të rrethuar nga tela dhe ushtarë. Nuk mund të flas shpesh, por ju lutemi flisni me shtetin tonë që të vijnë dhe të na marrin “, dëgjohet një fëmijë duke qarë, në një incizim audio të dëgjuar nga Balkan Insight ndërsa i tregon një të afërmi në Shqipëri.

Elodie Schindler, një zëdhënëse për Evropën dhe Azinë Qendrore në Komitetin Ndërkombëtar të Kryqit të Kuq, ICRC, tha se gratë dhe fëmijët në kampe kërkonin mbrojtje të veçantë.

Shindler tha se shumë fëmijë ishin pa shtetësi zyrtare, nuk kishin qasje në shkollim dhe ishin të prekshëm nga abuzimet dhe sëmundjet.

Fëmijët në këtë histori meritojnë humanizmin tonë, jo urrejtjen tonë. Këta fëmijë janë viktima që nuk duhet të ndëshkohen për mëkatet e prindërve të tyre … Shumë prej tyre nuk kanë ushqim të mjaftueshëm. Ata duhet të trajtohen më mirë “, tha Schindler për Balkan Insight.

Balkan Insight i kërkoi Ministrive të Brendshme të Shqipërisë, Kosovës dhe Maqedonisë Veriore nëse ata kishin identifikuar dhe kontaktuar qytetarët e tyre në këto kampe, por Ministria e Brendshme shqiptare nuk u përgjigj. Kosova nuk pranoi të komentojë, ndërsa Ministria e Brendshme e Maqedonisë Veriore tha se kishte identifikuar 4 gra maqedonase dhe shtatë fëmijët e tyre.

“Ata kanë vendosur kontakte me qëllim të marrjes së dokumenteve dhe lehtësimin e transportit nga Siria në Maqedoninë Veriore“, tha një zëdhënës i ministrisë.

Kjo ministri tha se nuk kishte juridiksion për të lehtësuar kthimin e tyre nga Siria dhe nuk specifikoi nëse ndonjë institucion tjetër shtetëror po merrej me çështjen.

Ai tha se që nga fillimi i konfliktit, në vitin 2011, rreth 80 shtetas maqedonas që ishin pjesë e shtetit islamik ishin kthyer në shtëpi, duke përfshirë një grua dhe një fëmijë.

Në Kosovë, Bedri Elezi, Drejtor i Studimeve të Sigurisë në Institutin e Kosovës për Studime Ndërkombëtare, tha se vendi e kishte lënë pas dore këtë çështje.

Elezi tha për Balkan Insight, se në shtator 2017, Instituti i tij kontaktoi me gjashtë gra dhe 21 fëmijë në Siri, të cilët dëshironin të ktheheshin në Kosovë, por se nuk ishte në gjendje të lehtësonte një marrëveshje me autoritetet e Kosovës për t’i kthyer ata.

Grupi qëndroi për një muaj pranë kufirit turk, duke pritur miratimin e autoriteteve të Kosovës për t’u kthyer, ne kontaktuam me ministrin e jashtëm, zyrën e kryeministrit, presidentin, kryetarin e parlamentit, por ata nuk arritën një zgjidhje,” tha ai.

KNKK, tha Schindler, inkurajon shtetet për të balancuar çështjet e sigurisë dhe llogaridhënies me nevojën për t’i trajtuar njerëzit në mënyrë humane.

Vendet e origjinës nuk mund të kthejnë shpinën“, tha ajo. Përktheu nga Balkan Insight, Abc News.

Familjaret-1280x703.jpg
ad min14:53 | 11/04/2019

Familjarë dhe të afër të Admir Muratja kanë pritur për më shumë se 4 orë për të marrë nga mogru turpin e të ndjerit. Familja ka vendosur që Admir Murataj i vrarë pasditen e 9 Prillit gjatë një shkëmbimi zjarri me policinë të prehet në vendin e tij të lindjes në Tropojë. Ceremonia mortore do të zhvillohet në orën 12 të datës 12 Prill. Grabitja e 10 milion eurove në aeroportin e Rinasit ka tërhequr, vëmendjen edhe të mediave ndërkombëtare. Gazetarë të gazetës gjermane Billd kanë udhëtuar nga vendi i tyre drejt Shqipërisë për të pasqyruar ngjarjen e rëndë për qytetarët e vendit të tyre. Ditën e nesërme gazetarët e Billd do të jenë në qytetin e Tropojës për të ndjekur ceremoninë e varrimit dhe gjithashtu për të folur me familjarët./abcnews.al

gruaja-Admir-mUra5taj-1280x659.jpg
ent ela11:47 | 10/04/2019

Familjarët e të dyshuari Admir Murataj, personi i cili mbeti i varë ditën e djeshme gjatë grabitjes në Rinas janë paraqitur në morg. Ka qenë bashkëshortja e Muratajt, e cila konfirmoi identitetin e tij mëngjesin e kësaj të mërkure në Morgun e kryeqytetit. Admir Murataj nuk është emër i panjohuar. Ai ka qenë protagonist dhe organizator i të paktën tre grabitjeve të tjera të parave të bankave, dy në 2015-n dhe një 2017-n, për të cilën vetëm pak kohë më parë u dënuan 8 persona, Murataj ishte person i shpallur në kërkim prej 2 vjetësh. Ai mbeti i vrarë gjatë shkëmbimit të zjarrit me policinë, pas grabitjes së parave ditën e djeshme./abcnews.al

lezhe-1280x685.jpg
ent ela16:23 | 21/02/2019

Familjarët e Mirash Lulit për të cilin u thanë se e vrau i biri në Greqi tregojnë version e vertetë të ngjarjes. Njeriu i tyre ka vdekur nga zemra dhe gjykata greke nxori të pafajshëm të birin 20 vjeçar.

48-vjeçari nga Lezha që u gjet i vdekur 3 ditë më parë në Agios Athanasios të Greqisë ka humbur jetën si pasojë e një ataku kardiak.

Ekspertiza mjeko-ligjore e kryer në trupin e viktimës ka faktuar se vdekja e Mirash Lulit ishte aksidentale duke çliruar në këtë mënyrë nga akuzat të birin 20 vjeçar, i cili ishte ndaluar si i dyshuar për vrasje.

Gjykata e Selanikut e ka shpallur të pafajshem duke e liruar në sallën e gjyqit. Trupi i pa jetë ka mbërritur të mërkurën në familjen Luli në Tale të Lezhës e cila ka hapur dyert e mortit.

Por ata janë të indinjuar mbi akuzat e hedhura kryesisht nga media duke e rënduar akoma më shumë pikëllimin e tyre. Vëllai i viktimës Agustin Luli ka folur për mediat duke kërkuar prej tyre që t’i lënë të qetë pas vuajtjes që u kanë shkaktuar.

Viktima, Mirash Luli, u gjet i pajetë, të henën  në një fshat të Selanikut në Greqi dhe policia ndaloi për këtë ngjarje të birin 20 -vjeçar. Por të murkurën ai u la i lirë , pas hetimeve të kryera nga prokurorët dhe policia./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono