falsifikim

prangat-1280x672.jpg
ent ela10:59 | 03/10/2019

Katër ish zyrtarë të spitalit të Tepelenës janë arrestuar, pasi në vitin 2017 kanë bërë një tender fiktiv për pajisje spitalore. Sipas policisë këta persona kanë përvetësuar një shumë të konsiderueshme lekësh. Në pranga kanë rënë, ish-shefi i financës Gëzim Allkushi, specialist i statistikës Sajmir Meçe, ish-juristja Aleksandra Kada, dhe ish specialistja e burimeve njerëzore Jonida Sako në Drejtorinë e Shërbimit Spitalor Tepelenë. Ata akuzohen për vjedhje dhe shpërdorim detyre, si dhe falsifkim dokumentesh.

Njoftimi i Policisë

Operacioni nga Sektori për Hetimin e Krimeve Ekonomike e Financiare Në Drejtorinë Vendore të Policisë Gjirokastër, në bashkëpunim me Komisariatin e Policisë Tepelenë, nën drejtimin e Prokurorisë së Rrethit Gjyqësor Gjirokastër.

Ndalohen ish-shefi i financës, specialisti i statistikës, ish-juristja dhe ish-specialistja e burimeve njerëzore në Drejtorinë e Shërbimit Spitalor Tepelenë, për veprat penale “Vjedhja duke shpërdoruar detyrën” në bashkëpunim, “Vjedhja në bashkëpunim” dhe “Falsifikimi i dokumenteve”.

Pas një pune të pandërprerë disamujore dhe veprimeve procedurale të ndjekura, në bashkëpunim me Prokurorinë u finalizua me sukses operacioni i koduar “Tenderi”, si rezultat i të cilit u dokumentua veprimtaria e kundërligjshme e shtetasve të mëposhtëm, të cilët u ndaluan gjatë operacionit për ekzekutimin e masave të sigurisë të lëshuara nga gjykata dhe konkretisht:

  1. A., 35 vjeç, banues në Memaliaj (ish-shef finance në Drejtorinë e Shërbimit Spitalor Tepelenë);
  2. M., 31 vjeç, banues në Memaliaj (specialist statistike në Drejtorinë e Shërbimit Spitalor Tepelenë);
  3. K., 31 vjeçe, banuese në Tepelenë (ish-juriste në Drejtorinë e Shërbimit Spitalor Tepelenë);
  4. S., 30 vjeçe, banuese në Tepelenë (ish-specialiste e burimeve njerëzore në Drejtorinë e Shërbimit Spitalor Tepelenë).

Si dhe u referuan materialet në Prokurorinë pranë Gjykatës së Shkallës së Parë Gjirokastër për shtetasen F. L., banuese në Selitë, subjekt privat në fushën e “Shërbimeve të konsulencave për ndikimin në mjedis”.

Ndalimi i shtetasve të mësipërm u bë pasi në vitin 2017 kanë zhvilluar tender fiktiv për pajisjen e spitalit në Tepelenë dhe Memaliaj me leje mjedisore duke përvetësuar një shumë të konsiderueshme lekësh. /abcnews.al

4aa00a16-5baa-49e1-89df-599d6eb4d08e.jpg
ent ela13:11 | 23/08/2019

Një shtetas i dënuar në Shqipëri për falsifikim të dokumenteve është ekstradohet nga SHBA. 32 vjeçari me iniciale D.M, ishte dënuar dhe në SHBA, ku ka kryer 5 vite burg për veprën penale “Vjedhja me armë, kryer në bashkëpunim”.

Z.Q.K. Interpol Tirana në bashkëpunim me Shërbimin Diplomatik të Sigurisë në Ambasadën e Shteteve të Bashkuara të Amerikës në Tiranë (DSS) ka ekstraduar nga SHBA-ja në Shqipëri shtetasin D.M, 32 vjeç, lindur në Elbasan.

Në aeroportin “Nënë Tereza” me ndihmën e Agjencisë për Emigracionin dhe Doganave të Shteteve të Bashkuara të Amerikës (ICE-ERO), Shërbimi Diplomatik i Sigurisë në Ambasadën e Shteteve të Bashkuara në Tiranë (DSS), u ka dorëzuar specialistëve të Z.Q.K. Interpol Tirana 32-vjeçarin D.M.

Ky shtetas ka vuajtur dënimin në Shtetet e Bashkuara të Amerikës, pasi ka qenë i dënuar me 5 vjet  burg  nga Gjykata e Illinois/SH.B.A, me vendim penal nr. 10CR217, datë 11.05.2011, për veprën penale “Vjedhja me armë, kryer në bashkëpunim”.

Gjithashtu ky shtetas është shpallur në kërkim ndërkombëtar, pasi Gjykata e Rrethit Gjyqësor Tiranë e ka dënuar për veprën penale “Falsifikimi i vulave, stampave ose formularëve”.

ivi-kaso.jpg
nev ila15:11 | 18/05/2019

Një ditë pas shprehes së argumentit të demanskimit të shkeljes së ligjit dhe procedurës në regjistrimin e kandidatëve për zgjedhjet e 30 qershorit, si qëllim të propozimit të kandidaturave për komisionerë të zonave administrative, Partia Demokratike publikoi denoncimin e saj të parë dhe bëhet fjalë pikërisht për forcën politike të dalë nga një ish-nënkryetar demokrat.

“Partia e krijuar në paradhomën e Edi Ramës ka paraqitur kandidatë fallco në zgjedhjet fallco me një vërtetim fallco nga Kuvendi i Shqipërisë. Në një akt të paprecedentë, për llogari të Edi Ramës, Sekretari i Përgjithshëm i Kuvendit ka falsifikuar dokumentet zyrtare, duke lëshuar për partinë fantazëm të Edi Ramës një vërtetim, sikur përfaqësohet në Kuvend nga një deputet që ka 6 muaj që ushtron mandatin e tij. Bëhet fjalë për deputetin Andi Përmeti, i cili nuk ka mbushur as 1 muaj në marrjen e mandatit”.

Për këtë demorkatët njoftojnë kallzimin penal depozituar ndaj sekretarit të përgjithshëm të Kuvendit, por kreu i bordit të partisë më të re Bindja Demokratike, Astrit Patozi, përgënjeshtrimin e tij e publikoi në rrjetin social facebook.

“Sqarojmë publikun se BINDJA DEMOKRATIKE mbështetet jo nga një, por nga firmat e dy deputetëve për të garuar dhe kandiduar në gjithë Shqiërinë. Ata janë zotërinjtë Lefter Koka dhe Andi Përmeti, dhe për këtë ekziston e gjithë praktika e depozituar në KQZ”.

Dokumenti i firmosur nga zoti Lefter Koka dhe Astrit Patozi, deklaron se deputeti Lefter Koka mbështet për të propozuar si kandidat për kryetar apo anëtar këshilli në zgjedhjet e 30 qershorit, kandidatët e propozuar nga Bindja Demokratike. Por zoti Koka, i cili figuron jo si deputet i Bindjes Demokratike por si i pavarur, pasi refuzoi të digjte mandatin e marrë nën siglën e LSI, referon nenin 68 të Kodit Zgjedhor” si bazën ligjore që i jep këtë të drejtë.

Por Kodi Zgjedhor neni 68, pika 2 dhe 3 shkruan se kandidatët e paraqitur nga partitë politike që nuk zotërojnë asnjë mandat në Kuvend duhet të mbështeten nga jo më pak se 1% e zgjedhësve të njësisë ku kandidon. Pika 3 gjithashtu flet për zotërim mandati nga partia që propozon kandidatët, dhe jo mbështetje nga një deputet që ka mandat, por nuk bën pjesë në partinë që propozon kandidatët, si është rasti i deputetit Lefter Koka dhe mbështetjes së tij ndaj propozimeve të Bindjes Demokratike.

Edhe pse titulli i dokumentit flet për “zotërim mandate” nga Bindja Demokratike, brendësia e dokumentit njofton vetëm mbështetjen që z. Lefter Koka i bën kësaj partie, ku nuk bën vet pjesë, për të propozuar kandidatë për garën elektorale të 30 qershorit./ABC News Albania 24/7

THANZA-MBYLLET-HETIMI-1280x720.jpg
ad min13:32 | 13/03/2019

Ish-gjyqtari i Gjykatës së Lartë, Admir Thanza, është marrë i pandehur nga Gjykata e Tiranës. Thanza akuzohet për falsifikim të formularit të dekriminalizimit, pasi ka fshehur dënimin dhe arrestimi për vjedhje nga autoritetet italiane në 1999-n. Ish–gjyqtari Thanza ka kërkuar pushimin e çështjes ndaj tij.

Gjykata e Tiranës ka pranuar kërkesën e Prokurorisë për të marrë të pandehur ish-anëtarin e Gjykatës së Lartë, Admir Thanza. Gjyqtari i hetimeve paraprake Arben Micko vendosi që të kalojë për gjykim dosjen ndaj Thanzës. Prokuroria e Tiranës akuzon ish-gjyqtarin e Gjykatës së Lartë për falsifikim të formularit të dekriminalzimit. Në Korrik të vitit të kaluar, Thanza u shkarkua nga detyra prej Komisionit të Pavarur të Kualifikimit, pasi fshehu dënimin dhe arrestimin nga drejtësia italiane.

Ish-gjyqtari Thanza në seancë ka kërkuar pushimin e çështjes me argumentin se ai nuk ka qenë kurrë i dënuar, por ka pranuar dënimin e kunatës. Mosdeklarimi i dënimit në formularët e dekriminalizimit përbën vepër penale sipas ligjit aktual që është në fuqi. Në fund të Janarit të këtij vitit, Prokuroria e Tiranës mbylli hetimin për Admir Thanzën, të akuzuar për falsifikim të formularit të dekriminalizimit. Hetimi për ish-gjyqtarin Thanza nisi pas paraqitjes së tij para Komisionit të Pavarur të Kualifikimit.

Në këtë proces doli në dritë një gjetje e Operacionit Ndërkombëtar të Monitorimin se Thanza rezultonte i dënuar në vitin 1999 nga Gjykata e Pizës në Itali. Dënimi me 40 ditë burg dhe 100 mijë lireta gjobë për vjedhje në një supermarket. Sendet e vjedhura janë rroba dhe produkte kozmetike. Vuajtja e dënimit ishte pezulluar, por asgjë nuk ishte deklaruar rreth tij në formularët e dekriminalizimit. Në dosjen ndaj Thanzës, prokurorët e Tiranës kanë edhe një letërporosi të mbërritur nga Italia, e cila konfirmon se ish-gjyqtari ka qenë i dënuar nga drejtësia italiane për vjedhje.

Në seancën dëgjimore para Komisionit të Pavarur të Kualifikimit, ish-gjyqtari Thanza është shprehur se ka tentuar që ta sqarojë situatën si në përgjigjet e kthyera në e-mail, po ashtu edhe në materialet që ka paraqitur para KPK-së. Thanza ka sqaruar se çdo gjë e ka marrë përsipër për të mbrojtur një fëmijë të mitur, duke qenë se ai është gjaku i tij, djali i vëllait./abcnews.al

pergjiemt-1280x714.jpg
ad min16:48 | 04/02/2019

ABC News disponon përgjime të bisedave mes anëtarëve të grupit kriminal të trafikut të njerëzve, të goditur dy ditë më parë nga policia dhe Prokuroria për Krime të Rënda. Organi i akuzës i ka si provë këto përgjime në dosjen për këtë grup kriminal.

Përgjimet telefonike janë një nga kartat më të forta të Prokurorisë për Krimet e Rënda në hetimin e bërë ndaj 36 të dyshuave për trafikimin e personave drejt SHBA-së dhe vendeve të BE me dokumente të falsifikuara.

ABC News ka siguruar një kopje të dosjes së prokurorisë, ku dalin në dritë bisedat telefonike ku flitet për paratë që duhet të paguhen për dokumentet false, për dorëzimin e dokumenteve tek kërkuesit, si edhe për koordiminin e rrugëtimeve të paligjshme. E tillë është ajo e 20 Tetorit 2018 mes të dyshuarës Moza Kamaj dhe një personi tjetër.

B: Ça bën?

A: Hiç tek Lili jam.

B: Kam një person për në Itali, sa lekë bën.

A: 600 euro.

B: Ka më pak se ia dhashë atij tjetrit.

A: Do 600 euro taksia.

B: Tani i çon Lavdoshi.

A: Më pak se 1500 euro s’ka.

Pak minuta më vonë mes të njëjtëve zhvillohet biseda:

B: Mirë ok, 1500 euro.

A: Dakord.

B: Po do presim 10 ditë sa të dali pasaporta.

A: Ok.

Në një bisedë të 26 Shtatorit 2018, i dyshuari Simon Kerri, kryetar i shoqatës së Vllehëve flet me një person në lidhje me dërgimin e disa bullgarëve drejt Britanisë.

..279: E mirë, po, o ta bëj ose ka mënyra për të ikur dhe andej, o të bëhet këto ditë shpejt. Kam njerëz që kanë ikur si puna e Bertit dhe… kam gjetur njëri që çon andej unë dhe iki.

Keri: Ku që çon n’Angli, andeja?

…279: E.

Keri: Po m’thoj mua se kam una nja katër a pes veta bullgarë.

…279: Po mirë t’bëjnë lekët gati ata e ti çoj.

Keri: Po mir, n’rregull, m’thoj mua ti sa lek duan ata edhe…

…279: Për ata dymbëdhjet.

Keri: ë?

…279: Po ja, të flasim, të them unë.

Sipas prokurorisë, anëtarët e këtij grupimi kriminal merrin nga personat e trafikuar vlera monetare që shkonin deri në 20 mijë euro. Ata prisnin shtetas të huaj kryesisht nga Lindja e Mesme dhe Kina dhe më pas i trafikonin drejt vendeve të BE-së, Mbretërisë së Bashkuar, SHBA dhe Kanadasë.

Në role të ndryshme, të koordinuar edhe me persona jashtë vendit, ata kanë siguruar dokumente false, kanë shoqëruar, akomoduar apo rezervuar linjat e udhëtimit për të trafikuarit. Në Shqipëri aktiviteti i këtij grupi është shtrirë në Tiranë, Krujë, Korçë, Gjirokastër, Sarandë, Vlorë, Përmet, Fier dhe Elbasan./abcnews.al

euro.jpg
ad min09:06 | 12/12/2018

Një person është vënë në pranga, ndërsa dy të tjerë janë shpallur në kërkim nga Policia e Shkodrës pasi përdornin para të falsifikuara. L.R. është 63-vjeçari që u arrestua. Ai banon në Tiranë, por u kap pas një hetimi disamujor dhe në kuadër të një procedimi që ishte regjistruar në Prokuroinë e Shkodrës.

Në cilësinë e provës materiale u sekuestruan 46 kartëmonedha Euro me prerje 100-she që i kishte 63-vjeçari. Ai u arrestua në flagrancë.

Ndërkohë, autoritetet nuk kanë bërë publik emrin e dy personave të tjerë të shpallur në kërkim për shkak të hetimeve. Gjithashtu po punohet për kapjen e njerëzve të tjerë që mund të jenë përfshirë në këtë aktivitet kriminal./abcnews.al

euro-1.jpg
ad min10:54 | 28/11/2018

Një 37 vjeçar nga Kavaja është arrestuar në Tiranë me mbi 20 mijë euro që dyshohet se ishin të falsifikuara. ABC Neës ka mësuar se kartëmonedhat false prodhoheshin në Kosovë, ndërsa më pas shpërndaheshin kryesisht në Tiranë dhe Shkodër.

Ky është Genci Xhahysa personit që iu sekuestruan nga policia e Tiranës 20 mijë e 500 euro mesditën e së martës.

37-vjeçari mbahej në vëzhgim prej disa kohësh, pasi në komisariate të ndryshme të kyreqytetit shumë qyetetarë kishin denoncuar mashtrime me kartmonedha në prerje 500 euro.

Uniformat blu njoftuan se edhe emrin e operacionit e koduan “500”,  për shkak të prejes më të madhe të Euros, ndësa Xhahysa akuzohet për veprën penale “Falsifikim i monedhave” dhe “Riprodhimi pa të drejtë i veprës së tjetrit”.

Grupi hetimor ka dyshime se paratë e falsifikuara janë prodhuar në Kosovë. Eurot e paligjshme sipas policisë së Tiranës kishin cilësi të lartë dhe idendifikimi i tyre ishte i vështirë për subjektet e vogla tregtare dhe për qytetarët e thjeshte. Burime nga policia e shtetit pohojnë për ABC Neës se përveç kryeqytetit, një sasi akoma më madhe e parave të falsifikuara kryesisht në prerje 50 dhe 100 euro janë hedhur edhe në qytetin e Shkodrës. Edhe më herët në Tiranë janë sekuestruar kartemonedha të falsifikuara, ndërsa janë mashtruar qytetarë dhe tregtarë të vegjël.

/abcnews.al

paraaaa.png
ad min23:26 | 22/10/2018

Autoritetet bullgare bastisën të hënën një dyqan printimesh ku prodhoheshin kartmonedha të falsifikuara. Gjatë operacionit u sekuestruan euro dhe dollarë të falsifikuar me vlerë mbi 14.3 milionë dollarë.

Forcat speciale të njësisë së anti-krimit të organizuar hynë në dyqanin që ndodhej në bazamentin e një hoteli në një lokalitet që shtrihet në detin e Zi dhe sekuestruan kartmonedha 100-euroshe, 500-euroshe, si dhe 50-dollarëshe.

Autoritetet saktësuan se në bazament u gjetën 11 milionë euro false dhe mbi 1.7 milionë dollarë, disa prej të cilëve gati për t’u përdorur dhe të tjerë ende të papërfunduar. Operacioni policor, më i madhi në 11 vitet e fundit, erdhi pas 10 muaj hetime të mbështetura nga Europol dhe shërbimet amerikane të inteligjencës.

Prokurorët e çështjes deklaruan se dyqani kishte pajisje printimi të sofistikuara, që prodhonin kartmonedha të cilësisë së lartë. Gjatë aksionit u arrestuan 4 persona./abcnews.al

lulzim-kulla-1280x720.jpg
ad min12:46 | 27/07/2018

Gjykata e Shkallës së Parë në Gjirokastër ka dhënë masën e arrestit me burg për Lulzim Kullën. Ai u ndalua në Kakavijë disa ditë më parë teksa tentoi të kalonte kufirin me pasaportë të falsifikuar.

Gjatë seancës prokurori Arben Pasho ka paraqitur para trupit gjykues për Lulzim Kullën një dënim me 12 vite burg për trafik droge në Itali dhe sipas tij, Kulla është në kërkim nga shteti fqinj.

Trupi gjykues i kryesuar nga Pëllumb Vehibu vendosi ta lërë në qeli 43-vjeçarin. Lulzim Kulla nuk është i panjohur për policinë. Ai i shpëtoi për mrekulli një atentati të 13 Janarit 2018 në Shkodër. Në këtë ngjarje mbetën të plagosur 8 persona, mes tyre dhe vetë Kulla./abcnews.al

thanza.jpg
ad min12:52 | 11/07/2018

Prokuroria e Përgjithshme është vënë në lëvizje për gjyqtarin e Gjykatës së Lartë, Admir Thanza, i cili rezultoi të ketë falsifikuar formularin e vetëdeklarimit, pasi nuk ka deklaruar dënimin për vjedhje në Itali.

Drejtoria e Marrëdhënieve Juridiksionale me Jashtë në Prokurorinë e Përgjithshme ka nisur verifikimet dhe po vlerëson materialet dhe dokumentacionin e anëtarit të Gjykatës së Lartë, gjyqtarit Admir Thanza për shkelje të ligjit “Për garantimin e integritetit të personave që zgjidhen, emërohen ose ushtrojnë funksione publike”.

Administrimi i materialeve për hetimin kryesisht, për fshehje apo deklarim të rremë filloi pasi Prokuroria e Përgjithshme u njoh me deklaratat e gjyqtarit Admir Thanza në Komisionin e Pavarur të Kualifikimit.

Prokuroria e Përgjithshme bën të ditur se pas administrimit të materialeve nga KPK dhe ILDKPI do të procedohet për vlerësim në Prokurorinë përkatëse./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono