falsifikim dokumentash

policia-spanje.jpg
nev ila17:47 | 11/07/2019

Agjentët e Policisë Kombëtare në Ibiza, Spanjë, ditën e sotme, kanë arrestuar dy gra me origjinë shqiptare dhe një burrë me origjinë iraniane për falsifikim dokumentash.

Siç raportohet nga policia spanjolle, arrestimet kanë ndodhur kur këta persona janë përpjekur të udhëtojnë me dokumenta të falsifikuara, drejt Mbretërisë së Bashkuar dhe Irlandës.

Të arrestuarit, do të kalonin pikën e kontrollit të pasaportave, në momentin kur dokumentacioni i tyre ngriti dyshimet e agjentëve kufitarë, të cilët analizuan dokumentat e dy grave shqiptare dhe konkluduan se ato ishin të falsifikuara.

Sipas policisë, një prej grave të arrestuara udhëtonte me vajzën e saj të mitur në momentin e arrestimit. Vajza e vogël është lënë nën kujdesin dhe mbrojtjen e agjentëve policor derisa nëna e saj të lirohet.

Brenda harkut kohor të dy muajve, në postën kufitare të aeroportit të Ibizës, në Spanjë, janë kryer gjithsej 20 arrestime për falsifikim dokumentash, gjë e cila që tregon se, Ibiza është një nga rrugët më të përdorura nga organizatat kriminale, për trafikimin e qenieve njerëzore nga Irani ose Shqipëria, drejt destinacioneve të ndryshme në Mbretërinë e Bashkuar ose Irlandë./abcnews.al

 

SHKELQIM-SELAMI-1280x720.jpg
ent ela11:46 | 21/03/2018

Prokuroria e Tiranës ka mbyllur hetimet dhe ka dërguar ner gjykate dosjen në ngarkim të ish-deputetit të LSI, Shkëlqim Selami. Ai akuzohet për falsifikim dokumentesh, pasi nuk ka treguar të vërtetën në formularin e vetëdeklarimit, të plotësuar sipas ligjit të dekriminalizimit. Bazuar  në përgjigjen e letërporosisë dërguar nga autoritetet italiane, Prokuroria vëren se Shkëlqim Selami është arrestuar në Itali në vitin 2006.

Ky ndalim është bërë mbi bazën e masës së sigurisë “arrest me burg”, lëshuar nga Gjykata e Brindizit në vitin 1994, për veprën penale  “Pjesëmarrje në organizatë kriminale me qëllim emigracionin klandestin”. Në datë 06 shtator 2006 masa e sigurisë është hequr dhe në 07 shkurt 2007 Gjykata e Brindizit ka dhënë vendimin për shuarjen e veprës penale për arsye parashkrimi. Por sipas prokurorisë, ish-deputeti ka pasur detyrim ligjor të deklarojë këtë masë shtrënguese të vendosur ndaj tij për një vepër penale që përfshihet në ato të përcaktuara nga ligji i dekriminalizimit. Për shkak të shkeljes së ligjit të dekriminalizmit, Shkëlqim Selami humbi edhe mandatin e parlamentarit në legjislaturën e kaluar. Në dhjetor 2016, KQZ pranoi kërkesën e Prokurorisë së Përgjithshme për ndërprerjen e mandatit të deputetit Shkëlqim Selami. /abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono