FALE

be-femijet-765x383.jpg
Sej rie12:30 | 12/07/2019

Popullsia e Bashkimit Evropian shënon rritje pavarësisht se numri i vdekjeve në vendet anëtare është më i larët se ai i lindjeve. Fenomeni, sipas ekspertëve, ndodh për shkak të emigracionit

Një popullsi që rritet pavarësisht se numri I vdekjeve është më i lartë se i lindjeve. Një gjë e tillë ndodh në Europë, dhe kjo falë emigracionit. Lajmi bëhet I ditur nga zyra europiane e statistikave, Eurostat, me rastin e ditës botërore të popullsisë, të vendosur nga në vitin 1989 nga këshilli drejtues i programit të zhvillimit të Kombeve të Bashkuara, me objektivin për të shtuar vetëdijen për problematikat që i përkasin popullsisë botërore.

Në atë kohë popullsia e 28 vendeve anëtare të Bashkimit Evropian ishte 474 milion persona. 30 vjet më pas kjo shifër është rritur me 8 për qind, sipas zyrës evropiane të statistikave

Popullsia aktuale e Bashkimit Evropian është më shumë se 513 milion persona, 1.1 milion më shumë në krahasim me 2017-ën. Një rritje që vjen nga emigracioni, duke marrë në konsideratë se në vitin 2018 janë regjistruar më shumë vdekje se sa lindje, një fenomen që përsëritet për të dytin vit radhazi. Në vitin 2017. 2.4 milion persona kanë emigruar nga vende që nuk janë anëtare në BE.

Vendi ku lindjet kanë qenë më shumë se sa vdekjet është Irlanda, ndërkohë që Bullgaria mban rekordin e kundërt. Italia ka numrin më të vogël të lindjeve.

Është regjistruar një rënie demografike në 10 shtete anëtare, në krye të klasifikimit janë Letonia, Bullgaria dhe Kroacia, ndërkohë që rritje demografike është regjistruar në Maltë, Luksemburg dhe Irlandë.

Gjermania dhe Franca në 1 Janar të 2019-ës rezultonin si vendet më të populluara, të ndjekura nga Mbretëria e Bashkuar, Italia dhe Spanja. Popullsia e Gjermanisë është 83 milion banorë dhe përfaqëson 16.2 për qind të popullsisë totale të Bashkimit Evropian, ndërsa 67 milion të Francës përbëjnë 13.1 përqind të popullsisë së BE-së.

Duke përjashtuar vendet anëtare të BE-së që janë më të populluara, Polonia renditet e gjashta, të tjerët regjistrojnë më pak të 4 për qind të popullsisë së Bashkimit Evropian./ABC News Albania 24/7

kin559002020190330194714.jpg
ent ela20:12 | 31/03/2019

Tifozët e Juventusit janë në festë për talentin e ri, Moize Kin. Adoleshenti shënoi një tjetër gol vendimtar, por trajneri Alegri e paralajmëron se duhet të përmirësohet për t’u bërë një kampion

Iu deshën vetëm tre minuta për të bërë diferencën. Tifozët juventinë janë që të gjithë në festë për yllin e ri të skuadrës, ndërsa Moize Kin shënoi golin e vetëm në ndeshjen e Serisë A ndaj Empolit.

Në mungesë të Kristiano Ronaldos së dëmtuar, dhe të Paulo Dibalës që ndjeu shqetësime gjatë nxehjes, kampionët e Italisë e patën të vështirë ndaj një kundërshtari modest, derisa trajneri Masimiliano Alegri vendosi të aktivizonte 19-vjeçarin. Shumëkush u habit se përse Alegri nuk e pati titullar Kinin, në mungesë të CR7-ës e Dibalës, por vetë trajneri tregoi situatën përpara ndeshjes.

Ai nuk ngurroi të paralajmëronte Kinin për të qenë modest dhe profesionist.

“Diferencën, në fund të fundit, do ta bëjë mendja, – tha trajneri juventin, – Kin ka cilësi të mëdha, por duhet ende të përmirësohet ndjeshëm. Kryesor nuk do të jetë talenti, por dëshira për t’u sakrifikuar. Kur erdhi tek ne, pas ndeshjes me kombëtaren, ishte aq i lodhur sa nuk dinte të orientohej, dhe kjo sepse ai është i ri dhe i shpenzon energjitë pa kujdes. Po ashtu u lodh sepse ishte në qendër të vëmendjes mediatike. Çështje psikologjike, ndaj vendosa ta lija fillimisht në stol”.

Mesa duket është një fat për Kinin që ndodhet në një klub si Juvja, dhe që ka një trajner si Alegri. E ardhmja e tij duket e madhe, kjo është e sigurt, siç e tregoi edhe në kombëtare kur shënoi dy gola në dy ndeshjet e fundit. Mediat për fat gjetën personazhin e ri.

“La Gazeta delo Sport”: As Mesi, as CR7-ta, por është Kini! Sërish ai, bomberi fëminor hyn dhe firmos një fitore të vështirë ndaj Empolit!

“Tutosport”: Kin Juve, Mendoj unë! Pas dy golave me kombëtaren, Moize hyn dhe mund edhe Empolin!

Juventusi, edhe pse me mundim, vazhdoi marshimin në Serinë A, me titullin e 8-të radhazi të hipotekuar. Piemontezët fitojnë edhe me mungesa, edhe pse suksesi nuk është I detyrueshëm për shkak të diferencës tepër të madhe me ndjekësit. Ky quhet mentalitet i vërtetë prej kampioni./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono