fakulteti

drushku.jpg
ad min17:37 | 29/10/2019

Gjykata Administrative e Apelit vlerësoi të vlefshme padinë e Rektorit të Universiteti të Tiranës i cili kundërshton vendimin e Këshillit të Ministrave që i jep në pronësi Bashkisë së Tiranës 15 ha toke të Kopshtit Botanik.

Dekani i Fakultetit të shkencave të Natyrës, Spiro Drushku, i ftuar këtë të martë në ABC News u shpreh se pedagogët nuk janë shprehur kurrë që Kopshti është pronë e FSHN-së. Ai tha se kopshti është aset shtetëror, por që i është lënë FSHN-së nën administrim dhe kujdesje.

“Është një pronë që nuk i është dhënë fakultetit të shkencave në administrim, por është një pronë që që në vitin 1965 i është dhënë për ta krijuar dhe administruar Kopshtin Botanik. Aty është puna, kërkimi, djersa, kontributi i dhjetëra brezave të kërkuesve në fushën e Florës që sot e kanë shndërruar në një Kopsht Botanik”, tha Drushku.

Ai shpjegoi arsyen pse Bashkia nuk mund ta marrë këtë kopsht. Sipas Drushkut, Kopshti Botanik ka vetëm një qëllim dhe ai është për studime akademike.

“Bashkia nuk mund ta marri sepse që ta marri duhet të ketë kapacitetet e saj për ta administruar, ndërkohë që nuk është një kopsht rekreativ. Kopshti botanik që në strukturën e tij është endur e kërkimit dhe zhvillimit. Aty janë sjellë nga shkencëtarë botanikë mbi 1500 specie. Ka vetëm qëllim akademik. Kopshti Botanik jo se nuk punon si qendër rekreacioni. Aty vijnë e vizitojnë studentë, nxënës, bëjnë praktika dhe studentë të rretheve. Aty është një Shqipëri e vogël me të tërë bimët e futura brenda”, tha Drushku.

Ndër të tjera, dekani theksoi se Universiteti i Tiranës nuk ka probleme me investimet e bashkisë, por Ministrinë e Arsimit dhe qeverinë që kanë miratuar vendimin.

“Bashkia nuk ka punë në këtë proces. Ne nuk jemi kundër investimeve të Bashkisë. Ne kemi bërë një padi kundër vendimit 510 ku kjo pronë e shtetit i kalon bashkisë dhe i hiqet administrimi FSHN. Bashkia është palë përfituese. Ne e kemi problemin me Ministrinë e Arsimit që e ka propozuar këtë lloj transferimi dhe qeverinë që e ka miratuar. Sa herë që kërkojmë të bëjmë debate del përpara si një varkë shpëtimi Bashkia e Tiranës. Me bashkinë jemi dakordësuar të bëjmë këto investime”, u shpreh Drushku.

Drushku theksi më tej se kërkon të gjejë pikat e përbashkëta me qeverinë për të bërë zgjidhjen më të mirë. Ndërkohë, FSHN i është drejtuar edhe një shoqate ndërkombëtare ku marrin pjesë botanistët më të mirë të Evropës. Këta të fundit do t’iu drejtohen me një letër sensibilizuese Ministrisë së Arsimit.

Një trupë prej pesë anëtarësh në gjykatën Administrative të Apelit do të vendosë nëse padia që ka bërë rektori i UT do të gjykohet nga Gjykata Administrative e Apelit, apo do t’i kalojë për shqyrtim një tjetër shkalle të gjyqësorit.

Intervista e plotë:

/abcnews.al

edi-rama-123.jpg
ad min12:41 | 14/10/2019

Nuk është dhënë data e saktë, por koha e hapjes së Spitalit të ri të Kirurgjisë në QSUT duket se është e afërt. Lajmin kryeministri Rama ua dha të parëve studentëve të fakultetit të mjekësisë.

Në spitalin e ri të kirurgjisë një investim me vlerë 8.8 milionë euro, do të përqendrohet i gjithë shërbimi i kirurgjisë, përfshirë edhe urgjencën. Që shërbimi spitalor është më mirë sot se sa dje nuk vihet në dyshim nga kreu i qeverisë por nuk përjashton as zonat gri të sistemit shëndetësor.

Arsyeja e pse ndodhet në fakultetin e mjekësisë është nisja e ri e vitit akademik. Ministra e arsimit Besa Shahini kërkoi bashkëpunimin e të gjithë studentëve që sondazhet të mos kenë më nota negative me sistemin e arsimit.

Një këshillë shkon brez pas brezi në këtë fakultet. 14 tetori shënoi nisjen e vitit të ri akademik ku19 mijë studentë do të ulen për herë të parë në auditore./ABC News Albania

gjeologjiku-jashte-funskionit.jpg
ad min15:03 | 24/09/2019

Dy ditë pas dëmeve që pësoi nga tërmeti, Fakulteti i Gjeologjisë dhe Minierave në Tiranë është përmbytur nga shiu. Kati i tretë i fakultetit ka dalë jashtë funksionit. Dekani Vasil Jorgji thotë se në këtë situatë mësimi më 16 tetor nuk mund të nisë në godinën e fakultetit.

Ky është laboratori i mikroskopeve në Fakultetin e Gjeologji Minierave në Tiranë mesditën e të martës.

Ndodhet në katin e dytë të godinës, i cili pas përmbytjes  mund të përdoret vetëm pjesërisht, ashtu si dhe kati i parë i saj.

Ndërkohë kati i tretë i cili gjendet nën pushtetin e ujit edhe pasi reshjet kanë pushuar ka dalë jashtë funksioni.

Vonesa në riparimin e dëmeve të tërmetit që goditi vendin dy ditë më parë solli këto pasoja.

Dekani  Vasil Jorgji na shpjegon se tërmeti nuk ka shkaktuar dëmtime në strukturën e ndërtesës.

Situata e krijuar ka detyruar drejtuesit e Fakultetit të Gjeologji Minierave që më 16 tetor kur nis dhe viti i ri akademik mësimin ta zhvillojnë në godinën ngjitur, e cila përdoret gjithashtu nga studentët e Magjistraturës.

Fakulteti i Gjeologji Minierave është ndërtuar në vitin 1962 dhe gjatë pesë viteve të fundit nuk ka pësuar asnjë ndërhyrje rikonstruktuese.

/ABC News Albania 24/7

fakulteti-i-drejesise.jpg
ad min15:19 | 29/08/2019

Të diplomohesh për drejtësi në Universitetin e Tiranës që nga ky vit akademik duhet të përfundosh pesë vite studime. Pas 12 vitesh, Fakulteti i Drejtësisë shkëputet nga sistemi i Bolonjes me dy cikle 3+2 dhe nis me program të integruar studimesh.

Pas 12 vitesh ndryshojnë studimet në drejtësi. Këtë vit akademik, Fakulteti i Drejtësisë në Universitetin e Tiranës shkëputet nga sistemi i Bolonjës që detyron cikël të parë dhe të dyte studimesh 3+2 dhe nis me program të integruar pesëvjeçar. Studentët e vitit të parë shpjegon Dekani Hoxha do të mësojnë me kurrikul të re, programe të riorganizuara dhe do të diplomohen për master të shkencave në drejtësi.

“Kanë avantazhin që në përfundim të këtij programi e kanë fushën e punësimit më të gjerë, por këta që përfundojnë këtë program, ata që përfudnojnë masterin e shkencave me programin e vjetër janë kandidatë për të vazhduar Shkollën e Magjistraturës dhe për t’u bërë gjyqtarë dhe prokurorë nesër”.

Ndryshimi i sistemit sipas dekanit Hoxha erdhi si nevojë e reformës në arsim dhe asaj në drejtësi.

“Ajo që ishte vënë re sipas rregullimeve të mëparshme ligjore ishte që programet e studimit kishin diferenca të shumta nga një universitet në një universitet tjetër.”

Këtë vit akademik në Fakultetin e Drejtësisë në Universitetin e Tiranës do të nisin studimet 640 të rinj. 200 prej tyre kanë mesatare 10 ndërsa fituesi i fundit 9.3. Megjithatë dekani Hoxha këshillon kandidatët poshtë vizës së kuqe të mos i humbasin shpresat, por të ndjekin me kujdes procesin.

“Kush e do drejtësinë  e kush do ta bëj në Fakultetin e Drejtësisë të ketë durim sepse ulja e vizës për fituesit që nuk regjistrohen ata do ta shikojnë që në fazën e parë që do të jetë e fortë”.

Raundi i parë i regjistrimit në shkollat e larta nis më 2 Shtator dhe përbëhet nga 7 faza 48 orëshe./ABC News Albania 24/7

belinda-balluku-1.jpg
ad min14:29 | 19/07/2019

Marrin fund përpjekjet disavjeçare të studentëve dhe pedagogëve të Gjeologji-Minierave për godinën e fakultetit. Sipas ministres së Infrastrukturës dhe Energjisë, Belinda Balluku, çështja është zgjidhur ndërsa rikonstruksioni do të kryhet me fonde private.

Godina e Fakultetit të Gjeologji-Minierave në Tiranë do t’i mbetet studentëve. Konfirmimi vjen nga Ministrja e Infrastrukturës dhe Energjisë Belinda Balluku.

“Kemi pasur një problem teknik për sa i përket pronësisë së ndërtesës dhe planeve që në të shkuarën është bërë për këtë ndërtese, por është zgjidhur pak javë më parë dhe tashmë ajo ndërtesë është e destinuar për të vazhduar për të qenë ndërtesa ku Fakulteti i Gjeologjisë duhet të kryejë veprimtaritë e tij”, tha Balluku.

Ndërtesa ka nevojë për rikonstruksion të plotë. Projekti do të hartohet nga Fakulteti i Arkitekturës, por qeveria nuk ka fonde për ta zbatuar.  Përfaqësuesit e kompanive minerare do të ndihmojnë në realizmin e tij.

“Ne do ta mbështesim këtë nismë. Normalisht jo vetëm nga ana e infrastrukturës, por edhe në një bashkëpunim me dekanatin për të nxjerrë sa më shumë inxhinierë për të punësuar”.

Marrja fund orvatjeve disavjeçare në kërkim të një zgjidhje i duket e pabesueshme Dekanit të Fakultetit të Gjeologji-Minierave.

“Zonja ministre e keni seriozisht? Në 2011 është bërë një projekt për rikonstruksionin e asaj godine, por nga 2014-n që nuk e kishim më tonën atje nuk është ngulur më një gozhdë sepse Rektori thoshte nuk ta jap gozhdën sepse ti do ta ngulësh te Gjykata Kushtetuese dhe me të drejtë. Kështu që unë nuk merrja dot fonde as për mirëmbajtje”, tha ai.

Fondi i solidaritetit për ndërtimin e godinës së Fakultetit të Gjeologji-Minierave do të mund të kontrollohet dhe nga Rektorati ndërsa donatorëve sponsorizmi do t’u njihet nga shteti./ABC News Albania 24/7

ss-1280x613.jpg
ent ela16:29 | 21/01/2019

Studentëve në Fakultetin e Historisë dhe Filologjisë në protestë këtë të hënë i janë bashkuar edhe pedagogët. Këta kërkojnë shfuqizimin e Ligjit të Arsimit të Lartë. Ndërkohë në Fakultetin e Drejtesisë përplasja mes studentëve pro bojkotit dhe atyre pro mësimit ka shkuar në kufijtë e një përplasje fizike.

Këtë të hënë në protestë bashkë me studentët në Fakultetin e Historisë dhe Filologjisë dolën edhe pedagogët.

Ervin Goci: “Unë jam deklaruar në mbështetje të protestës studentore dhe për pasojë nuk mund të shkoj në auditor dhe të marr mungesa sikundër bëjnë disa. Është komplet jashtë çdo morali derisa ti deklarohësh në mbështetje”.

Pedagogët shohin me shqetësim vendimet e qeverisë në fundin e Dhjetorit të vitit të shkuar dhe kërkojnë shfuqizimin e Ligjit për Arsimin e Lartë.

Ky ligj sipas tyre është përgjegjës për situtatën e krijuar në institucionet e arsimit të lartë në vend dhe shkel autonominë universitare në disa pika.

 Dhurata Shehri: “Një nga urdhërat duket se urdhëri 183 që flet për ngritjen e një grupi pune në të cilin praktikisht do të vendoset edhe literatura e huaj që do të përkthehet, ç’ka është absurde që Ministria e Arsimit të vendosë”.

Ervin Goci: “Kjo puna e statusve tip shkelje të autonomisë tonë sepse në fund fare është sërish universiteti që përcakton se si duhet të vetërregullohet”.

Për rikthimin e normalitetit në mjediset universitare pedagogët e Fakultetit të Historisë dhe Filologjisë sugjerojnë ngritjen e një komiteti emergjencash.

Mark Marku: “Të krijohet një komitet emergjencash të cilin e ka propozuar profesor Fuga dhe e ka mbështetur pjesa më e madhe.  Kriza është shumë e dhe janë shumë aktorë të përfshirë në të. Të krijohet një komunitet i zgjidhjes së krizës me përfaqësues të të gjitha grupeve të të gjitha palëve”.

Në mbeshtetje të kërkesave të studentëve më herët ka dalë dhe Asambleja e Personelit Akademik në Fakultetin e Shkencave Sociale dhe ajo në Fakultetin e  Drejtësisë.

Ndërkohë tek Drejtësia mëngjesin e së hënës përplasja e studentëve ka shkuar në kufijtë e një konlikti fizik.

“Një pjesë e studentëve që duan mësim erdhën dhe u përballën me studentët që ishin brenda dhe dera nuk u hap. Çfarë ndodhi është se erdhën edhe forcat e policisë, por duke qenë se nuk ka një urdhër nga lart pra nga dekani apo nga Rektorati nuk mund të ndërhyjnë”.

Ndërkohë dekani i këtij fakulteti ka kërkuar zgjidhje të situatës që duhet t’ia japin  vetë studentët./abcnews.al

fakulteti-i-drjetesise.jpg
ad min18:17 | 11/01/2019

Bojkot të mësimit dhe përplasje me forcat e rendit u shoqërua protesta e së premtes nga studentët e Fakultetit të Drejtësisë. Të hënën pritet të merret vendimi nga Këshillat Studentore nëse do të vijojë me bojkot apo do të rikthehen nëpër auditore.

Rrerth 200 studentë të Fakultetit të Drejtësisë u izoluan brenda ambienteve të këtij institucionit arsimor edhe në ditën e dytë të bojkotit.  E njëjta formë proteste, duke bllokuar dyert dhe korridoret me banka. Për disa orë punonjës së rendit dhe ato të policisë private ndërhynë për të shpërndarë studentët brenda fakultetit, por përpjekjet tyre rezultuan të kota.

Pati edhe tension. Studentë të Fakultetit të Shkencave të Natyrës hynë me forcë duke shkallmuar derën e jashtme, për t’iu bashkuar protestuesve të tjerë që qëndorjnë për gati dy ditë të ngujuar në sallën e nr. 202. Bojkoti do të vazhdojë deri në plotësimin e plotë të kërkesva.

“Do rrinë brenda fakultetit. Universiteti është i studentëve dhe ata do rrinë brenda fakultetit derisa të plotësohen 8 pikat, jo llafe”.

“Shumica e studentëve nuk marrin pjesë në mësi, kanë bojkotuar auditoret, kanë bojkotuar dekanët, kanë bojkotuar çdo gjë. Kjo do të vijojë deri në marrjen e një përgjigje përfundimtare për kërkesat që ne kemi dërguar”.

Kishte edhe nga ata studentë që kërkojnë të përshkallëzohet protesta.

“Janë izoluar të gjitha hyrje, dritaret deri në katin e tretë që në mëngjes. Nuk do lejojmë forcat e policisë që të hyjnë brenda pasi është e kundraligjshme. Ne jemi të gatshëm që të arrestohemi të gjithë dhe të gjithë sëbashku të shkojmë drejt komisariatit.”

“Hyrja e policisë bëhet me anë të kërkesës së titullarit të dekanit, pra titullarit të institucionit. Kanë përdorur dhe dhunë. Ka studentë të dhunuar, që kanë denoncuar”.

Në kohën kur situata ishte e agravuar, Dekani i Fakultetit të Drejtësisë, Artan Hoxha, gjatë një deklarimi për mediat pohoi se ambientet e brendshme të fakultetit janë uzurpuar nga studentë që nuk u përkasin fakulteteve tona.

“Sot unë jam shumë i shqetësuar, personalisht. Rektorati është shumë i shqetësuar si organ që në Fakultetin e Drejtësisë ambientet janë të bllokuara dhe në to nuk ka vetëm studentë të fakultetit tonë, por edhe persona që nuk kanë lidhje me Fakultetin e Drejtësisë”, tha ai.

Hoxha foli edhe për praninë e policisë në fakultet, ndërsa tha se kauza e studentëve është e drejtë.

“Nuk kam lejuar që të konfrontohet, jo e shtetit, por policia private që ka kontratë me Universitetin e Tiranës me studentët dhe kam marrë nga studentët sigurinë që ata do lironin ambinetet e katit të parë, do bënin të mundur që të ktheheshin shërbimet”, u shpreh ai.

E hëna e datës 14 Janar sipas studentëve do të jetë dita e vendimtare. Sipas tyre do të vendoset nga Këshillat Studentore nëse do të vijojë me bojkot apo do të rikthehen nëpër auditore./abcnews.al

studentja-2-1280x710.jpg
ad min18:01 | 20/12/2018

Një pjesë e studentëve të Universitetit Politeknik braktisën mbledhjen që po zhvillohej me kryeministrin Edi Rama mbrëmjen e kësaj të enjteje. Ishte një nga studentet e fakultetit të Arkitekturës dhe Urbanistikës që mori fjalën dhe tha se kryeministri e ka marrë në telefon duke i quajtur studentët që kanë protestuar dembelë mendorë.

Në fjalorin tuaj cilat fjalë konsiderohen fjalë ofenduese. Fjala zhvatje me vetëdije konsiderohet ofenduese?

Edi Rama: Skandaloze!

Studentja: Pse është skandaloze, kur ajo po bëhet realisht.

Edi Rama: Këtë s’ta shpjegoj dot realisht.

Studentja: Unë e kuptoj nuk e shpjegoni. Edhe mbrëmë nuk më keni dhënë përgjigje. Keni thënë që gjatë gjithë këtyre ditëve jeni treguar në një nivel shumë të lartë dembela mendorë.

Edi Rama: S’është fjalia ime kjo!

Studentja: Është fjalia juaj zoti Rama. Më keni marrë në telefon në orën 10:30 të natës. Të mbaroj unë dhe pastaj fol ashtu siç ia bëre të gjithëve.

Edi Rama: Lexoje në mënyrë korrekte fjalinë.

Studentja: Po ta them unë. “Ti dhe kushdo mendon si ti mua më merr të keqen për zhvatjen me vetëdije dhe paturpësia në lëshimin e këtij lloji të neveritshëm fjalësh  jo që nuk ëhstë argument, por flet sa 1000 fjalë për nivelin e dembelizmit mendor që në mënyrë spektakolare është shfaqur gjatë gjithë këtyre ditëve”. Çfarë jemi ne për ju? Lolot e qeverisë?

Edi Rama: Ky është një tregues tjetër i një të vërtetë shumë të thjeshtë. Unë i repsektoj të gjithë ata që më shkruajnë.

Studentja: Nuk ke bërë asnjë respekt zoti Rama. Ju nuk doni dialog. Ju doni vetëm të bëni monolog me veten tuaj. Nuk na blini dot siç ke blerë 1000 Freshistë.  Nuk na ulni dot poshtë duke na thënë që do iu heqim prindërit nga puna, duke na kërcënuar me makina. Zërin tonë do e dëgjoni. Ju vetëm doni të flisni. Kjo nuk është dialog, është e manipuluar. Dialogu duhet të ishte bërë me të gjithë studentët jo veç e veç. Kemi qenë të gjithë bashkë ditën e parë dhe ju doni të luani atë lojën kukafshehti se ja se po futem unë me rektorin, hajd se po futem unë me dekanin. Kush do të dëgjojë monolog le të rrijë këtu. Ne po largohemi”, tha studentja.

Menjëherë sapo studentët dolën nga salla, kryeministri e quajti të falur sjelljen e tyre duke patur parasysh se çfarë modelesh përcjell politika.

“Jam prej ditësh i shqetësuar për nivelin e edukatës në komunikim. Natyrisht që duke jetuar përditë dhe se çfarë modelesh dhe çfarë niveli mjeran komunikimi frymëzon politika këta janë të falur. Por sidoqoftë unë besoj që prindërit shqiptarë nuk mësojnë këtë lloj edukate. Është skandaloze që të akuzosh, të shpifësh, të fyesh, të bërtasësh, të sillësh siç nuk ka shanse të bësh në universitet e planetit dhe të quash veten protestues që proteston për të drejtat e tyre”, tha Rama.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono