fajtor

gjykata-e-tiranes.jpg
ent ela13:13 | 21/01/2019

Përmes këtij vendimi, gjyqtari Gerdi Hoxha i dha fund gjykimit të padisë për “shpifje” të deputetit socialist, Taulant Balla, kundër kryeopozitarit, Lulzim Basha. Në 21 Janarin e vitit 2019 Gjykata vlerësoi se kreu i PD, Basha, kishte shpifur botërisht në sallën e Parlamentit në 21 qershor 2018 kur lidhi emrin e deputetit Balla me “Toyotat Yaris”, ku u gjetën 3.4 milionë euro në Portin e Durrësit. Për këtë shkak ai detyrohet të paguajë një gjobë prej 50 mijë lekësh.

Sipas gjykatës, Lulëzim Basha nuk pranoi të tregojë burimin e informacionit, ç’ka u çmua nga gjyqtari Hoxha si heqje dorë nga e drejta për të provuar para gjykatës se informacioni i përcjellë në deklaratat e tij ishte i saktë dhe i besueshëm.

Gjykata arsyetonte se me deklaratat e bëra në Kuvend dhe më pas ku lidhte emrin e Ballës me “Toyotat” “i akuzuari Lulzim Basha ka dashur me qëllim, t’i përccojë publikut mesazhin se viktima akuzuese z. Taulant Balla, njëherazi deputet në Kuvendin e Shqipërisë dhe eksponent i lartë i Partsisë Socialiste të Shqipërisë, është një bashkëpunëtor i krimit të organizuar, pasi bashkëpunon me persona të përfshirë në krime të tilla si trafik lëndësh narkotike, pastrim parash, del garant për këta persona etj”.

Duke iu referuar disa vendimeve të Gjykatës Europiane të të Drejtave të Njeriut, si edhe dy vendimeve të Gjykatës së Lartë në vend, gjyqtari Gerd Hoxha arsyetoi se në deklaratat e tij Lulëzim Basha nuk ka pasur qëllim informues, por si qëllim denigrimin dhe njollosjen e reputacionit të kreut të grupit Parlamentar të Partisë Socialiste, Balla.

Jashtë sallës së gjyqit, Balla e konsideroi vendimin si historik dhe nuk harroi të kujtojë përkimin e datës së shpalljes.

Taulant Balla: “Ndoshta rastësia ka bërë që Lulzim Basha të dënohet me vendim penal në 12 Janar 2019. Por le të jetë ky një ogur i mirë për ndëshkimin përfundimtar edhe përsa i përket qoftë ndaj tij qoftë ndaj Sali Berishës. Do i kërkoja Lulzim Bashës dhe PD-së që të heqin dorë nga kjo politikë bajate e bazuar tërësisht në shpifje”.

Avokatët e Bashës komentuan si të padrejtë vendimin dhe paralajmëruan kundështimin e tij në Apel.

 “Nën presionin e procesit të vetingut gjykata ka dhënë një vendim që bën të qeshë çdo njeri që lexon vendimin. Mjafton që policia e Taulant Ballës të thotë se Taulant Balla nuk ka përgjegjësi në milionat e eurove të drogës të kapura në Portin e Durrësit dhe nuk ka rëndësi se çfarë hetimi po bën Prokuroria e Krimeve të Rënda. Ne nuk jemi dakord me vendimin e Gjykatës, vendimin do ta ankimojmë”.

Referuar vendimit, gjykata i jep 6 muaj kohë kryeopozitarit të shlyejë gjobën, pasi vendimi të marrë formë të prerë./abcnews.al

MBULIM-MANAFORTE-FAJTOR.mpg_snapshot_00.00-1280x916.jpg
ent ela20:40 | 14/09/2018

Paul Manfort ish shefi i fushatës elektorale të Donald Tramp për zgjedhjet presidenciale në 2016-n, është vetëdeklaruar fajtor për akuzat që e lidhin me skandalin e “Russiagate”. Gjatë ditës disa media amerikane raportonin se ishte thjesht çështje kohe që ish përgjegjësi i fushatës elektorale të kreut të Shtëpisë së Bardhë, Manaforte ishte gati të bënte një marrëveshje me prokurorin që po heton për Russiagate, Robert Muller. Manafort ka pranuar në këtë mënyrë dhe të bashkëpunojë në hetimet që synojnë të vërtetojnë se Tramp ka pasur kontakte me Moskën./abcnews.al

paul-manafort.jpg
ent ela11:16 | 22/08/2018

Gjykata e Virxhinias ka shpallur fajtor për 8 krime financiare ish drejtuesin e fushatës së presidentit Donald Trump. Kreu i Shtëpisë së Bardhë i ka dalë atij në krah duke thënë se gjyqi ishte pjesë e një gjuetie shtrigash.

Ish shefi i fushatës së presidentit amerikan Donald Trump, Paul Manafort është shpallur fajtor për tetë akuza për mashtrim tatimor, mashtrim bankar dhe mosplotësim të llogarive të bankave të huaja. Por juria në gjyqin e tij në Virxhinia nuk arriti të merrte një vendim mbi 10 akuza të tjera. Ky ishte gjyqi i parë penal që del nga hetimi i departamentit të drejtësisë për ndërhyrjen e dyshuar nga Rusia në zgjedhjet amerikane. Por asnjë nga akuzat nuk kanë lidhje me ndërhyrjen e Rusisë. Duke iu përgjigjur akuzave, Presidenti Donald Trump tha se shpallja fajtor e Manafort ishte pjesë e një “gjuetie shtrigash” pas zgjedhjeve presidenciale të vitit 2016.

“Është një gjë shumë e trishtuar që ka ndodhur”, u tha Trump gazetarëve ndërsa arriti në një tubim në Virxhinian Perëndimore, duke shtuar se nuk kishte “asnjë marrëveshje të fshehtë me Rusinë”. Manafort, 69 vjeç, ishte një figurë kyçe në rrethin e brendshëm të Trump, por presidenti ka kërkuar që të distancohet nga ish këshilltari i tij.

Gjyqtari u ka dhënë prokurorëve kohë deri më 29 gusht për të vendosur nëse do të kërkojnë një gjykim të ri mbi akuzat, në të cilat juria u bllokua. Një avokat për Manafort, tha se klienti i tij ishte “i zhgënjyer” me vendimin dhe është “duke vlerësuar të gjitha mundësitë e tij në këtë pikë”. Një datë për dënimin ende nuk është caktuar. Prokurorët paraqitën dëshmi për mënyrën e jetesës luksoze të Manafort-it, duke përfshirë fotografitë e një palltoje që kushton 15,000 dollarë. Gjykatësi hodhi poshtë prokurorinë për shpenzimet e tepërta për pasurinë e Manafort, duke thënë se “nuk është krim të kesh shumë para”. Ndërsa prokurorët këmbëngulën duke nënvizuar se shpenzimet e tepërta ishin të mundura për shkak të bankës së tij dhe mashtrimit financiar. Manafort është akuzuar se përdor 31 llogari bankare të huaja në 3 shtetet të ndryshme për të shmangur taksat në miliona dollarë. Ai që fundosi 69-vjeçarin ishte ish bashkëpunëtori i tij në fushatën e Trump, Rick Gates. Ky i fundit ka pranuar se ka marrë mijëra dollarë nga Manadort për ta ndihmuar atë të kryejë krime financiare. /abcnews.al

cosby2-gty-ml-180425_hpMain_4x3_992.jpg
ent ela22:20 | 26/04/2018

Komediani i njohur Bill Cosby është shpallur të enjten nga një gjykatë amerikane fajtor për agresion seksual. Cosby është përballur me tre akuza dhe rrezikon të dënohet me 10 vjet për secilën prej tyre. Sidoqoftë, ai do të qëndrojë në gjendje të lirë derisa gjykata të shpallë dënimin. Aktori me ngjyrë akuzohej se në vitin 2004 ka droguar dhe më pas dhunuar seksualisht ish-basketbollisten Andrea Constand. Kjo është hera e dytë që ai përballet me një proces gjyqësor, pas atij të vitit 2017, kur juria dështoi të arrinte në një verdikt. Cosby, 80 vjeç, njihet për interpretimin në serialin televiziv të viteve ‘80 “The Cosby Show”. Në fillim të rigjykimit u tha se ai i kishte paguar ish-sportistes 3.4 milionë dollarë për zgjidhjen e një kontesti civil në vitin 2006. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono