Facebook

vlcsnap-error419-1-1280x720.jpg
ent ela16:10 | 16/01/2018

Në Danimarkë policia ka ngritur akuzë ndaj 1 mijë të rinjve, për shpërndarje të një materiali me përmbajtje seksuale në Facebook. Ka qenë stafi i rrjetit social që ka njoftuar policinë, të cilës i është dashur të përballet me një hetim shumë kompleks.

Në praktikën e tij të zakonshme, Facebook i njofton agjencitë ligjzbatuese kur konstaton shkelje ligjore, por njoftimi i fundit ka patur pasoja në një shkallë më të gjerë se zakonisht. Policia në Danimarkë ka ngritur akuzë ndaj 1.004 të rinjve, një pjesë e të cilëve nën 18 vjeç, pasi stafi i rrjetit social ka konstatuar se në rubrikën e mesazheve përdoruesit po shpërndanin një video ku shfaqeshin dy adoleshentë duke kryer marrëdhënie seksuale. Shumica e përdoruesve e shpërndanë videon vetëm pak herë, ka deklaruar policia daneze, por të tjerë e shpërndanë qindra herë, duke shkelur me vetëdije ligjet që ndalojnë përhapjen e materialeve me pamje të papërshtatshme për fëmijët. Personat që do të shpallen fajtorë rrezikojnë të përballen me rreth 20 ditë burg, por emrat e tyre do të mbeten në regjistrin e personave me precedentë penalë për 10 vjet. Pamjet kanë qarkulluar në rrjetin social në vjeshtë të vitit 2017, por akuzat ndaj të rinjve janë ngritur vetëm në ditët e fundit sepse, sipas policisë, bëhet fjalë për “një çështje shumë të gjerë dhe komplekse”. Hetimi përfshiu katër departamente të policisë dhe u realizua pasi autoritetet amerikane i përcollën shqetësimet e Facebook EUROPOL-it./abcnews.al

basha1-933x445.jpg
us er20:27 | 18/12/2017

Kryetari i Partisë Demokratike Lulzim Basha ka sjellë shembullin e demokracisë amerikane për shkeljen e Kushtetutës, duke ju referuar zgjedhjes së Kryeprokurorës së përkohshme në seancën e sotme parlamentare.

Duke cituar Thomas Jefferson, autorin e Deklaratës së Pavarësisë së SHBA, Basha thotë se rreziku më i madh për lirinë është qeveria kur shkel Kushtetutën e vendit.

“Etërit Themelues të demokracisë më të fuqishme, demokracisë amerikane, na kanë mësuar se rreziku më i madh për lirinë është kur qeveria shkel Kushtetutën”, shkruan Lulzim Basha në Facebook.

Thomas Jefferson: “Rreziku më i madh për lirinë amerikane është një qeveri që injoron Kushtetutën”./tvklan.al

 

facebook-1280x720.jpg
us er18:29 | 18/12/2017

Facebook ka mbrojtur veten kundër pretendimeve se ky rrjet social mund të dëmtojë mirëqenien dhe shëndetin mendor.
Sipas tyre, ka prova të mjaftueshme që Facebook mund të ndikojë negativisht në sjellje, por kjo varet vetëm nga mënyra se si njerëzit e përdorin atë.

Sipas deklaratës në një blog në Facebook, dobësitë e tij mund të luftohen duke e përdorur pozitivisht sajtin.

Drejtori i kërkimit në Facebook, David Ginsberg, tha se ka pasur gjithmonë një debat të brendshëm në kompani nëse u bën mirë koha që kalojnë njerëzit në media sociale.

Ginsberg tha se ka disa kërkime, të cilat lidhen me një rritje të depresionit midis adoleshentëve që “konsumojnë” shumë mediat sociale dhe se teknologjia ka ndryshuar marrëdhëniet midis dy personave.

Por sërish sipas tij, kundër këtyre disavantazheve ka disa përfitime të cilat tregojnë se media sociale përmirëson humorin e njerëzve dhe ndihmon në mirëmbajtjen e kontakteve sociale të cilat influencojnë në mirëqenie dhe shëndetin mendor./abcnews.al

EPP_Summmit_Brussels_October_2014_15422482267.jpg
us er17:59 | 07/12/2017

Pas 3 ftesave të Kryeministrit, ka reaguar Lulzim Basha, i cili, po në rrjetin social Facebook, pohoi se “I vetmi pakt për të cilin ka nevojë Shqipëria është pakti për Kushtetutën dhe shtetin ligjor. Kushtet që BE ka vendosur për Shqipërinë janë të qarta – vijon Basha, ndërsa i citon ato – zbatimi i Reformës në Drejtësi dhe Vetingu, lufta kundër drogës, krimit dhe korrupsionit, reforma e administratës publike, respektimi i të drejtave themelore të njeriut”. Ndërsa thekson se mbështet pa kusht përpjekjet për përmbushjen e këtyre kritereve, Basha shpjegon se detyra e tij është të bëjë opozitë, “çfarë është rol themelor dhe i domosdoshëm për funksionimin e demokracisë”. Basha mbyll përgjigjen e tij duke theksuar se “Shqipëria nuk duhet të ketë demokraci fasadë dhe nuk duhet të ketë partitë dhe tavolinat partiake mbi Kushtetutën dhe mbi institucionet”./abcnews.al

 

 

 

99058575_whatsubject.jpg
us er14:37 | 05/12/2017

Facebook lancon “Messenger Kids” një risi për përdoruesit e rinj nën moshën 13-vjec. Aplikacioni do të jetë një mjet komunikim për fëmijët, me i sigurtë në rrjetin social dhe nën kontrollin prindëror.

Kompania e njohur Facebook lancoi të hënë aplikacionin e parë për përdoruesit e rinj të quajtur “Messenger Kids”.

Sipas kompanisë bëhet fjalë për një rrjet të kontrolluar që kërkon aprovimin prindërorë që fëmijët të komunikojnë dhe nuk do të përdoret për reklama. Fëmijët nuk do të mund ta përdorin rrjetin social nëse miqësia e tyre nuk aprovohet më parë nga prindërit e tyre. Kjo do jetë një mënyrë e sigurtë që fëmijët të shpërndajnë fotografi, video, tekste sipas nevojes së tyre.

Ndërkohë, aplikacioni është i projektuar që të lejojë fëmijët të shprehin personalitetin e tyre me anë të mekanizmave like, GIFs, frames, stickers dhe dizajnit për të dekoruar faqet e tyre sipas dëshirës.

Prindërit po i lejojnë fëmijët e tyre gjithmonë dhe më shumë të përdorin tableta, smartphone por janë të shqetësuar për mënyren e përdorimit dhe sigurisë së rrjeteve sociale. Menaxheri i “Massenger Kids”, thotë se ishin pikërisht nevojat e prindërve për siguri që i shtynë ata të krijonin një aplikacion të tillë.

Ligjërisht vetëm fëmijët mbi 13-vjec mund të përdorin facebook-un, por në realitet janë mbi 20 milion fëmijë nën 13-vjec që janë pjesë e rrjetit social./abcnews.al

vlcsnap-error861-2-1280x720.jpg
us er12:45 | 24/11/2017

Ministri i jashtëm serb Ivica Daçiç ka replikuar nëpërmjet rrjetit social të Facebook ndaj zv/kryeministrit dhe ministrit të jashtëm kosovar Bexhet pacolli duke thënë se askush nuk mund ta frikësojë. Pacolli shkruante se qëndrimi i Dacic pasqyronte politikën serbe, atë të shkatërrimit

Ka mjaftuar një status në Facebook i zëvendës kryeministrit të Kosovës Bexhet Pacolli, që ministri i jashtëm serb Ivica Dacic të përsërisë deklaratat e tij të ashpra kundër Kosovës. Dacic ndër të tjera shkruante se Pacolli është nervoz pasi po i dështojnë planet në fushën e politikab etë jashtme. Madje politikani serb shprehet se e mirëkupton Pacolli sepse asgjë për të cilën ka paguar dhe që i është premtuar nuk po realizohet dhë për këtë arsye ai e akuzon se po shkatërron njohjet e Kosovës dhe se vetë politika serbe është shkatërruese

Politikani serb ironizon ndër të tjera duke thënë se është i vogël për të shkatërruar njohjet e Kosovës por në të njëjtën kohë shumë i madh që të frikësohet nga dikush. Madje ai sfidon Pacollin duke e pyetur se nëse është aq i vogël atëherë pse Kosova nuk arriti të anëtarësohet në UNESCO apo INTERPOL, dhe pse e anuluan njohjen Surinami dhe Guinea Bisao. Dacic e mbyll reagimin e tij duke thënë se sa më shumë mërzitet pacolli aq më shumë kënaqet ai.

Ministri i Jashtëm i Kosovës Pacolli kishte shkruar në Facebook se paralajmërimet e Daçic për tërheqjet e njohjes së Kosovës ishin “përpjekje donkishotiane” si dhe rezultat i sindromit dhe politikës që përfaqëson atë të të shkatërrimit dhe rrënimit. Pra kjo është ajo që përfaqëson Daçiq”, ka shkruar Pacolli në Facebook./abcnews.al

vlcsnap-error200-1-1280x720.jpg
us er15:35 | 23/11/2017

Facebook do të bëjë publike të gjitha faqet e lajmeve të rreme qe janë përdorur nga rusët për të ndikuar zgjedhjet presidenciale amerikane. Përdoruesit e rrjetit social do të mësojnë në këtë mënyrë, nëse kanë pëlqyer e kanë informuar përmes faqeve të tilla.

Rrjeti social “Facebook” ka planifikuar të bëjë publike të gjitha ato adresa dhe faqe lajmesh të rreme që lidhen me ndërhyrjen Ruse në zgjedhjet amerikane. Çdo qytetar që ka pëlqyer këto faqe do të informohet mbi këto veprimtari. Zyrtarë të kompanisë kanë deklaruar se 126 milionë amerikanë kanë rënë në kontakt me lajme të tilla këto dy vitet e fundit.
Ky do të jetë një mjet efektiv që qytetarët të shohin atë që kanë ndjekur ose pëlqyer, që tashmë është fshirë nga një Agjenci Kërkimi Interneti me bazë në Rusi.
Facebook, tha se është e rëndësishme për njerëzit të kuptojnë rolin e aktorëve të jashtmë për të përçarë publikun duke përdorur rrjetin social përpara dhe pas 2016-s. Prandaj, programi që do fillojë në dhjetor do të jetë një mjet efektiv kundër këtij disinformimi të publik.
Agjencia e Kërkimit në Internet me bazë në Rusi, ishte pas qindra adresave në Facebook, Tuiter dhe Instagram që publikonin mesazhe politike. Shumica e faqeve ishin ndërtuar në mënyrë që të krijonin bindjen se ishin bërë nga qytatarë amerikanë.
Rrjeti social ka marrë shumë kritika për vonesën e adresimit të problemit në lidhje me lajmet e rreme dhe propagandën në Facebook. Ndërkohë Rusia nga ana tjetër i ka mohuar gjithmonë akuzat për influencim në zgjedhjet presidenciale ku Trump mposhti Klinton./abcnews.al

vlcsnap-error274.jpg
us er15:35 | 02/11/2017

Kongresi Amerikan ka publikuar disa artikuj të krijuar nga Rusia ne rrjetet sociale për të ndikuar në fitoren e Donald Trump në zgjedhjet presidenciale. Në materialet që janë lexuar nga 126 milionë amerikanë, kandidatja demokrate Hilari Klinton krahasohej me Djallin.

“Amerikë, kemi një problem. Pavarësisht se këtu gjenden mendjet më të ndritura të komunitetit tonë teknologjik, Rusia ishte në gjendje të armatosë platformat tuaja për të na përçarë, të krijojë lajme të rreme për ne dhe të diskretitojë demokracinë tonë”. Me këto fjalë, Xheki Speir, përfaqësuese demokratike në Komisionin e Inteligjencës së Dhomës, në seancën e dytë dëgjimore, ka treguar artikujt e fashmëm të përdorur nga rusët në mediat sociale për të ndërhyrë në fushatën elektorale amerikane të 2016-s, duke favorizuar Donald Trump.
Shfaqja e disa shembujve të përmbajtjeve të sponsorizuara nga Kremlini në prani të avokatëve të Google, Facebook dhe Tuiter, konfirmoi drejtëpërdrejtë hipotezat se sa e madhe ishte shtysa e Moskës për të manipuluar votën në Shtetet e Bashkuara, përmes lajmeve false dhe dezinformimit.

Për shembull: “Aktivistët me ngjyrë”, dhe “Kthe distinktivin” ishin dy profile false që u krijuan me qëllimin për të nxitur votuesit e shqetësuar nga raportet e policisë me komunitetin afroamerikan. Më tej është krijuar edhe profili “Ushtria e Jezusit”, që ilustronte në faqe një luftë mes Krishtit dhe djallit me shkrimin: “Satani thotë: Nëse unë fitoj, edhe Klinton fiton”. Postimet e Rusisë në Facebook, tregojnë drejtuesit e rrjetit social në komisionin e Senatit Amerikan që heton ndërhyrjet e Moskës në zgjedhje, janë lexuar nga 126 milionë amerikanë.

Gjithashtu, Kremlini ka ndikuar tek votuesit dhe me anë të Instagramit. Senatori demokrat, Martin Heinrish, gjatë seancës ka kritikuar ashpër presidentin Donald Trump dhe i ka përkufizuar reklamat në rrjete sociale si një mashtrim.

rama-facebook.jpg
us er21:14 | 25/10/2017

Kryeministri Rama zgjodhi të sqarojë deklaratën e tij përmes një statusi në rrjetin social Facebook. “Nuk kam fyer askënd, shkruan Rama, – thjesht kam dhënë opinionin tim, për ç’ka ata kanë bërë, gjatë gjithë këtyre ditëve duke e dizinformuar publikun, lidhur me qëndrimet e mia dhe të Partisë Socialiste!”. Duke sqaruar mes rreshtash këtë opinion, Rama nënvizoi se deklarata e tij i drejtohej të gjithë atyre që lirinë e pushtetit të medias janë mësuar ta përdorin si armë, për të “vrarë e prerë”, pa teklif e as karar. Ndërsa për ta mbyllur këtë opinion, Rama përcolli një mesazh për gazetarët. “Thashë në mexhelis se çfarë mendoj për punën që kanë bërë tërë këtë javë, në raport me qëndrimet e mia e të Partisë Socialiste. Le ta pyesin njëherë publikun se çfarë mendon për ta, se kushedi u del që unë them atë që shumica e popullit nuk ka mikrofon t’ua thotë”, mbyll mesazhin e tij në Facebook Kryeministri Rama.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono