Facebook

FACEBOOK-FUSHATA-NDIHMA-1280x720.jpg
ent ela16:20 | 21/09/2018

Facebook nuk do të dërgojë punonjës për të ndihmuar kandidatët politikë në fushatat e tyre elektorale. Pavarësisht kësaj, kompania prestigjoze do të ndihmojë ekipet e fushatave përmes uebsajtit zyrtar.

Facebook nuk do të dërgojë punonjës për të punuar në zyrat e fushtave elektorale gjatë zgjedhjeve. Lajmi është konfirmuar nga vetë kompania prestigjoze. Në të kaluarën, rrjeti social ka ofruar staf të dedikuar për fushatat politike, për t’I ndihmuar kandidatët në zhvillimin e fushatës së reklamimit online.

Drejtori digjital i Donald Trump në zgjedhjet presidenciale të 2016-s ka thënë se asistenca e Facebook ka ndihmuar shumë në fitoren. Ndërsa gjigandi i teknologjisë ka njoftuar se candidates demokrate Hillary Clinton i është ofruar e njëjta mbështetje, por kjo e fundit në atë kohë kishte refuzuar. Rrjeti social është platforma më e madhe e reklamimit në internet, pas Google.

Gjithashtu edhe Tëitter dhe Google ofrojnë këshillimin e specializuar të tyre për fushatat politike. Megjithatë këto dy kompani nuk kanë njoftuar se do t’i japin fund kësaj praktike. Kurse Facebook tha se do të ofrojë këshillim falas për të gjitha partitë politike përmes uebsajtit zyrtar. Megjithatë, fushatat do të mund të marrin mbështetje online dhe kompania nuk përjashtoi organizimin e mbledhjeve me politikanë. Sipas një dokumenti të siguruar nga media amerikane Bloomberg, fushata e Trump shpenzoi 44 milionë dollarë në reklamimin në Facebook. Ndërsa Clinton shpenzoi 28 milionë dollarë. /abcnews.al

f6f7d795-7e93-4f4e-81d3-7afc6b0d0cd7-1280x1280.jpg
G. P.10:50 | 15/09/2018

Në një postim në fqen e tij zyrtare në Facebook, presidenti Ilir Meta shkruan se: “Demokracia nuk është dhënë një herë e përgjithmonë. Demokracia nuk vjen si dhuratë dhe as qëndron si e tillë. Demokracia duhet ruajtur, duhet mbrojtur, duhet zhvilluar sipas standardeve më të avancuara dhe siç e meriton një komb si i yni, që ka vuajtur shumë nga mungesa e saj”.
Ndërsa për rininë, Meta shprehet se rinia e sotme, me shpirtin e lirë, energjinë, guximin e kurajon e saj, duhet të udhëheqë proceset demokratike për europianizimin e plotë të vendit./abcnews.al

facebook-logo-1280x720.jpg
G. P.17:30 | 06/09/2018

Rrjeti social Facebook gjithnjë e më shumë në rënie. Sipas të dhënava të fundit, një në katër persona në SHBA ka fshirë aplikacionin me arsyetimin se nuk ka më besim në sigurinë që jep Facebook.

Një amerikan në katër ka fshirë aplikimin e Facebook nga aparati i tij i telefonit. 54 për qind e tyre deklarojnë se kanë modifikuar parametrat për privatësinë dhe 42 për qind kanë zgjedhur të shkëputen për disa javë nga ky aplikacion. Peu Research Center ka intervistuar gati 4600 amerikanë të moshës madhore në periudhën maj-qershor të këtij viti.

Sipas mediave amerikane çdo gjë është pasojë e skandalit të shpërthyer në mes të muajit mars ku u zbulua se një agjenci këshillimi me emrin “Cambridge Analytica” kishte mbledhur të dhëna për dhjetra milionë përdorues të Facebook pa lejen e tyre. Ky lajm i kushtoi themeluesit të rjetit social një humbje prej disa milliardë dollarësh në bursë. 44% e atyre që kanë fshirë aplikacionin janë të moshës 18 deri në 29 vjeç, ndërsa 12 për qind janë më shumë se 65 vjeç./abcnews.al

KONGRESI-SHBA-RRJETET-SOCIALE-1280x720.jpg
ent ela23:37 | 05/09/2018

Përfaqësues të Facebook dhe Twitter kanë dëshmuar në Kongresin amerikan lidhur me kundërpërgjigjen ndaj tentativave për ndërhyrje në zgjedhje. Ata konfirmuan se vepruan shumë ngadalë kundër këtij fenomeni. Ndërsa Google nuk u paraqit.

Përfaqësuesit e “Facebook” dhe “Twitter” janë përballur me pyetje të shumta gjatë dëshmisë së tyre në Kongresin amerikan. Ata kanë thënë se iu desh shumë kohë për të trajtuar fushatat e huaja që synonin ndërhyrjen në zgjedhjet e SHBA-ve. Duke iu përgjigjur ligjvënësve, shefja operative e Facebook, Sheryl Sandberg, tha se rrjeti social ishte “shumë i ngadaltë” në veprimet për të kundërshtuar ndërhyrjen e zgjedhjeve. Shefi ekzekutiv i Tëitter, Jack Dorsey, tha se platforma e tij ishte “e papërgatitur dhe e keq-pajisur” lidhur me këtë çështje. Ndërsa “Google” nuk u paraqit në seancën e Komisionit të Inteligjencës të Senatit.

Duke hapur seancën dëgjimore, senatori democrat Mark Warner tha se është shumë i zhgënjyer që Google vendosi të mos marrë pjesë. Komiteti i senatit u fokusua në atë se çfarë po bëjnë gjigandët e teknologjisë për të parandaluar në të ardhmen ndëhyrjen në zgjedhje. Kjo vjen pas pretendimeve se Rusia dhe aktor të tjerë të huaj kanë shpërndarë dezinformim dhe propagandë përpara zgjedhjeve presidenciale të 2016-ës.

Senatori Warner paralajmëroi rrjetet sociale se mund të përballen me një rregullator të ri. Ndërkohë, përpara dëgjesës, Facebook publikoi në internet dëshminë e tij, duke nënvizuar se ka fshirë mbi 1 miliardë llogari false nga tetori i 2017-s deri në mars të 2018-s. Gjithashtu nënvizon se ka punësuar 20 mijë persona lidhur me sigurinë në internet. Ditë më parë Presidenti Amerikan Donald Trump akuzoi Google, Facebook dhe twitter për anëshmëri politike dhe paralajmëroi se do të vendosë rregullator ndaj platformave. /abcnews.al

uai1ddlo_donald-trump_625x300_06_August_18.jpg
ent ela22:43 | 28/08/2018

Pasi akuzoi motorin e kërkimit Google për manipulime, presidenti Donald Trump ka paralajmëruar edhe rrjetet sociale Facebook dhe Twitter. “Nëse shohim ato që po bën Google, po bën Twitter-i dhe Facebook-u them se bëjnë mirë të bëjnë kujdes”, ka thënë Trump. Për presidentin amerikan, motori i kërkimit dhe mediat sociale po punojnë të ndikuara politikisht, duke censuruar të vërtetën dhe pa dhënë prova për ndjekësit e tyre. “Mendoj se Google, Twitter dhe Facebook po veprojnë në një terren të minuar dhe u duhet të bëjnë kujdes. Nuk është e drejtë t’ia bësh këtë pjesës dërrmuese të popullsisë”, ka thënë Trump. Ndërkohë, Shtëpia e Bardhë ka bërë me dije se ka nisur një hetim ndaj motorit të kërkimit në internet./abcnews.al

61C71216-66D8-496A-AF6A-970D15C9DD04_cx0_cy2_cw0_w1023_r1_s.jpg
ent ela08:25 | 22/08/2018

Facebook ka mbyllur mbi 600 llogari false që kishin lidhje me Rusinë dhe Iranin. Qëllimi i tyre ishte ndikimi në zgjedhjet amerikane, në Siri dhe Ukrainë.

Facebook ka identifikuar dhe hequr qindra profile të reja që konsiderohen të rreme dhe të përfshira në sjelljet që konsiderohen si “shqetësuese” në funksion të zgjedhjeve të mesit të mandatit në Shtetet e Bashkuara në nëntor. Gjithsej 652 faqe, grupe dhe profile, ka bërë të ditur rrjeti social, dhe disa prej tyre kanë origjinën në Iran dhe Rusi. Veprimtaria e tyre e dyshimtë lidhet me një “sjellje jo autentike të koordinuar” që përfshin shpërndarjen e materialit me një sfond politik. Elemente të mjaftueshëm për të nxitur rrjetin social që të ndërhyjë menjëherë pas polemikave të sezonit të fundit zgjedhor midis skandaleve për siguri dhe privatësi (si psh rasti i Cambridge Analytica) dhe dyshimet e ndërhyrjes të udhëhequr nga Moska për të ndikuar në zgjedhjet e vitit 2016 të SHBA-ve.

Kështu Facebook nxiton për të rregulluar gabimet që në alarmin e parë të këmbanës: rrjeti social ka konfirmuar se nuk ka përfunduar ende analizën dhe verifikimin e materialit të dyshuar dhe nuk ka dhënë detaje për asnjë arsye të identifikuar në bazë të sjelljes që gjykohet në rrezik. Megjithatë, zbuloi se kishte informuar qeverinë amerikane dhe qeverinë britanike, përveç kontaktit specifik me Departamentin e Thesarit të SHBA dhe Departamentin e Shtetit në dritën e sanksioneve të imponuara aktualisht ndaj Iranit.

“”Ka shumë që nuk e dimë ende”, tha themeluesi i Facebook Mark Zuckerberg. Sidoqoftë, dihet se vendimi për mbylljen e faqeve dhe llogarive është rezultat i katër hetimeve, tre në lidhje me Iranin dhe një me Rusinë. Në një rast përfshiu një grup të quajtur “Liberty Front Press”, që drejtohet nga disa llogari në Facebook dhe Instagram me rreth 155 mijë ndjekës.

Grupi – ka konfirmuar Facebook – sipas regjistrimeve të adresës së IP-së dhe administratorëve, rezulton I lidhur me median shtetërore të Iranit, me llogaritë e para të krijuara në 2013 me përmbajtje për Lindjen e Mesme, Mbretërinë e Bashkuara dhe SHBA-të. Gjithashtu edhe dy llogari të tjera kishin lidhje me Iranin, ndërsa një grup i katërt, i cili kishte për qëllim ndikimin në Siri dhe Ukrainë – ishte lidhur me fronte, që sipas Facebook, SHBA-të i konsiderojnë të lidhura me inteligjencën ushtarake ruse.

MBULIM-FACEBOOK-AUTORI-ABC-M5-T2.mpg_snapshot_00.03-1280x786.jpg
ent ela22:18 | 10/08/2018

Duket se konflikti mes fisit Zykaj kishte nisur kohë më parë dhe 24 vjeçari grindej vazhdimit me të afërmit e tij.
Autori që shkaktoi masakrën në Selenicë shkruante poezi në Facebook.
Por në një prej poezive të postuara, një i afërm i Ridvan Zykaj i tërheq vëmendjen që të mos grindej me kushërinjtë. Përgjigja e 24 vjeçarit ishte se nuk duron dot kur i bien në qafë dhe kur e bëjnë këtë duhet të vuajnë pasojat.
Zykaj vrau me armë zjarri 8 të afërm të tij në fshatin Resulaj të Vlorës. Ai është larguar nga vendi i ngjarjes bashkë me armën e krimit tip automatik kallashnikov. Policia është në kërkim të tij./abcnews.al

Grafiket-7-Mujori-1280x720.jpg
ent ela10:19 | 09/08/2018

Ministri i Financave dhe Ekonomisë Arben Ahmetaj kundërshton shifrat e publikuara nga Partia Demokratike mbi punësimin e bizneset. Në faqen e tij në facebook ministri Ahmetaj tregon se është rritur numri i të punësuarve në një vit dhe 10 mijë biznese më shumë janë hapur në 7 muajt e parë të vitit 2018.

Matematika është vërtet shkencë ekzakte, por duket se nuk është e tillë kur bëhet pjesë e politikës. Llogaritë mbi numrin e të punësuarëve dhe bizneseve që bëri Partia Demokratike të mërkurën u kundërshtuan një ditë më pas nga Ministri i Financave dhe ekonomisë Arben Ahmetaj.

“45 biznese në ditë mbyllen në Shqipëri ndërsa në total në këto katër vite që janë rritur taksat janë kaluar në pasiv 68.731 biznese”-u shpreh Tabaku.

E vërteta është ndryshe për ministri Ahmetaj. Në tabelën e publikuar në faqen e tij në facebook ai tregon se: “Nw shtatwmujorin e parw tw vitit 2018, janw shtuar mbi 10 mije biznese tw reja (efekti neto nga diferenca mes bizneseve tw regjistruara rishtazi dhe atyre tw çregjistruara)”- sqaron Ministri i Financave dhe Ekonomisë.

Në betejën e shifrave është përfshirë edhe numri i të punësuarëve. Ndonëse nuk u përmend në deklaratën e fundit të nënkryetares së Komisionit të Ekonomisë, ministri Ahmetaj i kujton se në periudhën Qershor 2017-Qershor 2018, rezultojne 38 mije vende te reja pune ne ekonomi.

E sa për kundërshimet se nuk ka rritje ekonomike, Ministri i Financave zgjedh t’i quajë korba të dëshpëruar kolegët e opozitës dhe i publikon një tabelë, që tregon se rritja ekonomike aktualisht është 4.5 herë më e lartë se ajo që gjetëm në 2013!

 

 

/abcnews.al

 

tech-companies-resources-950x700.jpg
G. P.15:38 | 02/08/2018

Teknologjia në ditët e sotmë ecën më hapa galopante drejt zhvillimit dhe ndërveprimit me jetën tonë të përditshme. Kompanitë më gjigande të cilat ofrojnë këto shërbime, kanë rritur vlerën e tyre në stratosferë duke e penetruar ndikimin ne mënyrë te padiskutueshmë tek të gjithë kategoritë e njerëzve. Po cilat janë disa nga ndërmarrjet më të mëdha dhe fitimprurëse në fushën e teknologjisë?

-Apple
Kjo kompani legjendare mbetet pa diskutim më e dallueshmja në çdo lloj forme të saj. E themeluar në vitet ’70 Apple lançoi rrjeti e saj të kompjuterave dhe shpikjen e telefonave më të suksesshëm të të gjitha kohërave: iPhone.

-Amazon
Amazon.com mbetet shitësi më i madh online në ditët e sotme. Fillesat e saj i pati në një garazh të thjeshtë të një shtëpie përdhese, derisa u vendos që të ofronte shërbimet e saj nëpërmjet internetit. Kështu u bë funizuese nëpër të gjithë e botën me materiale nga më të larmishmet.

-Facebook
Një ndër rrjetet sociale më të përdorshëm në përditshmërinë e gjithsecilit, Facebook tashmë ka pushtuar realitetin dhe privatësinë tonë duke u kthyer në një nga mediat më të nevojshme dhe argëtuese.

-Microsoft
Gjigandi kompjuterik Microsoft u themelua nga Bill Gates në vitet ’70 ne Meksikë. U deshën 10 vitë për ti sjellë plotësisht në jetë idetë e tij. Tashmë Microsoft është emri më dominues në botën teknologjike.

-Netflix
Nisi fillimisht si një ide për të shitur DVD online dhe më vonë u bë dominuese nëpër të gjithë globin. Netflix ka përthithur më shpejtësi vëmendjen e konsumatorëve të saj dukë bërë që përdorimi i medias të shihet në dimensione të tjera. Tashmë shumë prej filmave dhe serialeve në TV, prodhohen dhe publikohen ekskluzivisht për rrjetin Netflix./abcnews.al

facebook-1280x720.jpg
G. P.10:46 | 01/08/2018

Facebook ka parandaluar një ndërhyrje të mundshme në zgjedhjet afatmesme që mbahen në fund të vitit në Shtetet e Bashkuara, duke fshirë nga rrjeti një seri profilesh të rreme, që synonin të manipulonin politikisht përdoruesit.

Stafi i Facebook ka deklaruar të martën se ka asgjësuar 32 profile dhe faqe që mendohet të jenë krijuar për të influencuar në zgjedhjet afatmesme të Shteteve të Bashkuara, që mbahen në Nëntor. Përmes një komunikate, rrjeti social ka bërë të ditur se stafi i tij ka konstatuar 17 profile të rreme në Facebook dhe 7 të tjera në Instagram, të cilat kishin realizuar mbi 9.500 postime dhe publikuar 150 reklama me vlerë 11 mijë dollarë.

Ndërkohë, mbi 290 mijë përdorues kishin zgjedhur të ndiqnin aktivitetet e faqeve të krijuara, motiv për të cilin stafi i Facebook i ka paralajmëruar të bëjnë kujdes. Në njoftimin për shtyp të rrjetit social thuhet se hetimi mbi këtë ndërhyrje të planifikuar është ende në fazën fillestare dhe ende nuk dihet se kush mund të jetë pas saj.

Facebook thekson se, për të fshehur identitetin e tyre, autorët kishin marë masa më të forta se ato të marra nga kompanitë ruse për ndërhyrjen në zgjedhjet presidenciale të dy viteve më parë. Mes tyre përfshihen përdorimi i rrjeteve virtuale private për të fshehur vendndodhjen dhe përdorimin e personave të tretë për të menaxhuar faqet dhe reklamat.

Për momentin nuk është gjetur asnjë provë që të sugjerojë se autorët e profileve të rreme mund të kenë lidhje me Rusinë dhe stafi i rrjetit social ka shtuar se mund të mos e gjejë kurrë burimin e tyre./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono