Facebook

facebook.jpg
Autor E15:02 | 13/02/2020

58 mijë euro gjobë ndaj Facebook dhe Twitter në Rusi. Gjykata e Moskës mori vendimin pasi dy rrjetet sociale nuk pranuan të vendosin server-at në territorin rus Gjykata e Moskës ka gjobitur me katër milion rubla – 58 mijë euro, Facebook dhe Twitter.

Dy rrjetet sociale kanë refuzuar të vendosin në territor rus server-at me të dhënat e qytetarëve, duke shkelur legjislaturën vendore mbi të dhënat personale. Një ligj i diskutueshëm i 2014-ës, në fakt, detyron arkivimin e të dhënave të përdoruesve rusë në server që ndodhen fizikisht në territor rus.

Sipas disa ekspertëve me këtë ligj është më e lehtë për entet qeveritare dhe për shërbimet sekrete të Moskës , që të marrin informacione nga persona të cilët ata i konsiderojnë të dyshuar. /abcnews.al

l-basha.jpg
ger ta18:33 | 06/02/2020

“Po të dëgjoj” është fushata më e re e ndërmarrë nga kreu i PD, Lulzim Basha. Këtë pasdite nga zyra e tij, Basha i është përgjigjur pyetjeve të qytetetarëve live në Facebook-un e tij.

I pyetur nëse do të ketë zgjedhje të parakohshme, Basha tha: “Uroj shumë, këto janë tre kërkesat kryesore që kemi. Së pari vendit t’i jepet mundësia për zgjedhje të parakohshme, së dyti që ky proces të garantohet dhe rregullat e lojës të jenë të barabarta për të gjithë dhe së treti këto rregulla të zbatohen. Për këtë arsye ne i qëndrojmë pikë për pikë kërkesave që kemi paraqitur në 16 shkurtin e vitit të kaluar, zgjedhje të parakohshme me një qeveri tranzitore”.

Kryedemokrati është pyetur po ashtu edhe për votimin elektronik si dhe reformën e re territoriale. Ndërkaq, teksa një prej komentueseve i tha se ishte i turpshëm veprimi i punonjëses në ‘Qytet Studenti”, Basha tha se ishte me urdhër nga lart.

Pjesë nga komunikimi pyetje-përgjigje, Basha me qytetarët në Facebook:

A do të ketë votim elektronik?

Ne do të bëjmë gjithçka që të realizohet votimi dhe numërimi elektronik
Votimi elektronik dhe numërimi elektronik janë prioritetet e Partisë Demokratike dhe opozitës së bashkuar në tryezën e Reformës Zgjedhore. Janë një nga pikat e programit të punës. Ne kemi parë në dhjetor se si mund të ndërtohet një sistem për votimin elektronik relativisht brenda një kohe të shkurtër, një sistem i thjeshtë, i cili mund të mos e eleminojë, por do ta bëjë shumë më të vështirë procesin e shitblerjes së votës apo të identifikimit të mënyrës se si kanë votuar zgjedhësit. Pra do ta bëjë shumë më të lehtë për qytetarët që ta shprehin vullnetin e tyre pa u ndikuar nga paratë e pista apo nga krimi. Po, votimi elektronik, numërimi elektronik por edhe identifikimi biometrik, janë dhe mbeten prioritete për në në Reformën Zgjedhore. Ne duam dhe do të bëjmë gjithçka që në zgjedhjet e ardhshme të përdoret teknologjia dhe shqiptarët të votojnë në mënyrë sa më të sigurtë. Natyrisht nuk varet vetëm nga ne. Pala tjetër duhet të bjerë dakord po kështu dhe e dyta, pala tjetër duhet të kishte nisur prej kohësh hapat për ta blerë këtë sistem, për ta testuar këtë sistem. Megjithatë më mirë vonë se kurrë. Ne do të bëjmë gjithçka që shqiptarët të votojnë me pasisje elektronike në zgjedhjet e ardhshme parlamentare dhe ato vendore në një ditë

A do të ketë zgjedhje të parakohshme me një qeveri teknike? Uroj shumë!

Lulzim Basha: Edhe unë uroj shumë. 3 janë dhe kërkesat kryesore që kemi.
Së pari, vendit t’i jepet mundësia, përmes zgjedhjeve të parakohshme, të zgjedhë një parlament legjitim, që të jetë produkt i votës së qytetarëve. Të jenë qytetarët ata që do të vendosin për cilën parti, për cilin program, për cilët deputetë do të votojnë.
Së dyti, që ky proces të garantohet, rregullat e lojës të jenë të barabarta për të gjithë.
Së treti, që këto rregulla loje të zbatohen, të kemi një arbitër të panashëm dhe jo një qeveri, e cila, për hir të pushtetit apo aferave, në të cilat është zhytur, është gati të shkatërrojë procesin zgjedhor, vetëm e vetëm të mbajë pushtetin. Për këtë arsye, ne i qendrojmë pikë për pikë kërkesave që kemi parashtruar prej datës 16 shkurt të vitit të kaluar, zgjedhje të parakohshme me një qeveri tranzitore pa këtë kryeministër, sepse, në fund të fundit, është ky kryeministër dhe kjo qeveri që kanë vjedhur zgjedhjet.

Kërkesat tona janë fare të thjeshta. Kërkesa jonë kryesore është – mos vidh! Po dëgjoni shpesh, që njerëzit më problematikë, që janë kapur duke vjedhur zgjedhjet, duke blerë vota me krimin e organizuar, na japin leksione mençurie çfarë do të bëjmë me zgjedhjet. Çfarë do të bëjmë me zgjedhjet? Mos vidh! Ju jeni hajdutët e zgjedhjeve, mos i vidhni zgjedhjet! Nuk është çështje dëshire për t’i besuar dikujt që ka vjedhur jo një, jo dy, por tre palë zgjedhje, edhe një palë zgjedhje pa kunërshtarë, siç ishte 30 qershori. Prandaj, qeveria tranzitore është një garanci. Siç funksionon në Maqedoni, le të funksionojë edhe në Shqipëri.

A do ta hapni PD-në duke zhvilluar primaret brenda partisë?

Lulzim Basha: Ka dy vjet që e kemi garantuar me letra siç i thonë, e kemi në statut, por po përgatitemi me ndihmën e disa prej partive tona simotra që kanë përvojë në procese të tilla, siç është Partia Konservatore e kryeministrit Boris Johnson dhe Partia Republikane Amerikane dhe natyrisht CDU gjermane. Janë tre parti që po na ndihmojnë. Brenda PD-së kemi një proces të hapur për kandidimin, pra kush ka dëshirë të kandidojë ka mundësinë të kandidojë për të përfaqësuar PD-në në nivel qendror dhe në nivel lokal. Kemi një proces filtri të mirëfilltë për të garantuar që cilësia e kandidatëve tanë të jetë më e lartë e mundshme. Si sa i përket integritetit, pra të jenë njerëz të ndershëm, natyrisht pa rekorde kriminale. Por edhe njerëz të pa korruptuar dhe të jenë njerëz që të besojnë në vlerat e Partisë Demokratike, vlerat konservatore europiane: besimi në Zot, në familje, në atdhe, dhe të ndajnë bashkë me këto vlera edhe programin tonë politik. Pas këtij hapi të dytë, hapi tretë është ai i konsultimi me të gjithë anëtarësinë e PD përmes një procesi votimi i cili do të sjellë në tryezën e forumeve më të larta vendimmarrëse, Këshillit Kombëtar dhe Kuvendit të PD, ato zonja e zonjusha dhe ata zotërinj që kanë kaluar këto tre hapa.
Hapi i parë i parë aplikimi për kandidim.
Hapi i dytë testimi në tre fusha: integriteti, vlerat be Partisë Demokratike, përgatitja për të kryer detyra të larta
E treta që është e një rëndësie themelore, të jenë kandidatë që përfaqësojnë me dinjitet qytetarët shqiptarë.

Hajde ne QSUT. Shikoni se çfarë bëhet tek Pediatria, nuk ka mjekë të na vizitojnë fëmijët.

Lulzim Basha: E di, kam qenë para disa kohësh, ndonëse pa kamera. Do të vij përsëri. E kam dëgjuar edhe javën e kaluar nga mjekët e QSUT se në çfarë gjendje katastrofike ndodhet jo vetëm Pediatria, por e gjithë QSUT-ja. Nuk ka gjë që e përmbledh më mirë konceptin e fasadës sesa ajo që u bë në QSUT. Sapo u inaugurua Kirurgjia e re, nga 12 kemi 6 salla, nga 120 kemi 60 shtretër. Po ta shikosh nga kronikat televizive, po, fasada është e bukur, është e lyer bukur. Po të futesh brenda kemi gjysmën e kapacitetit që kishte e vjetra për t’u shërbyer pacientëve, për të mos u futur në detaje të tjera të tmerrshme që kam dëgjuar nga profesionistët sesi mënyra dhe koha e komunikimit nga një repart i urgjencës tek një repart tjetër është zgjatur në krahasim me çfarë ishte. Pra, në qoftë se të duheshin një minutë apo dy minuta për të kaluar nga emergjenca në sallë operacioni, tani duhet të kalosh dy- tre ashensor. Pse?! Për hir të fasadës. Dhe kanë filluar vdekjet e atyre pacientëve, të cilëve mund t’u shpëtohet jeta, në qoftë se thelbi do të kishte prevaluar mbi fasadën. Jo, fasada në këtë rast, kontekstualisht, po vdes njerëz në QSUT. Do të vij shumë shpejt, edhe tek Pediatria, për të cilën për fat të keq kam marrë raportime, kam parë edhe raportime në media, kemi patur edhe njerëzit tanë në terren së fundmi për të parë sesa e tmerrshme është gjendja dhe për ta denoncuar atë. Dhe ju siguroj që do të jetë një nga prioritetet kryesore dhënia fund e kolapsit në shëndetësi.

Më jep një motiv të vij nga Italia dhe të votoj për ty?

Me PD ne do të rikthjejmë në Shqipëri trajektoren e rritjes ekonomike. Të ringjallim ekonominë është objektivi ynë.

Çfarë qendrimi keni sot pas katër vitesh për reformën territoriale, e bërë në mënyrë të njëanshme nga Rilindja? A është në axhendën tuaj rindarja territoriale?

Do ta shpegoj se ke kërkuar edhe takim në zyrë. Ajo që kemi thënë prej fillmit do ti qendrojmë. Reforma territoriale është dështim, nuk ka më demokraci, fondet nuk po shkojnë për më shumë investime, por po shkojnë për qoka. Kjo situatë duhet të ndryshojë, prioritet për ne është një reformë e re territoriale. Jo thjeshtë një hartë të re.

Më erdhi turp si u foli ajo punonjësja. A do të jepni mësim të universitet? Do kisha shumë dëshirë

Së pari unë do e vazhdoj turin tim dhe nuk ka askush dhe asgjë. Mua më vjen keq për atë zonjës se ishte e terrorizuar, e bëri me urdhër nga lart. 30 vjet pasi aty ra komunizmi pamë një gjendje të turpshme. Erdhi me urdhër nga lart, por kot  e kanë mua s’më ndalin dot. Shpresoj që së shpejti të takohemi unë do e vazhdoj turin tim edhe në universitet. Sa i përket mësimdhënies shpresoj që në fillimtë bëj dicka, pastaj pse jo.

/abcnnews.al

facebook-messages-connections-updates-1-1280x522.jpg
So Nila08:25 | 06/02/2020

Prindërit tani do të jenë në gjendje të shohin historinë e bisedave të fëmijëve të tyre në aplikacionin Messenger të Facebook, pasi kompania e teknologjisë solli kontrolle të reja prindërore.

Këto ndryshime të bëra kanë si qëllim mbrojtjen më të mirë të të rinjve dhe sigurimin e qetësisë për prindërit. Këta të fundit tani do e dinë me siguri se cilët janë personat me të cilët bisedon fëmija i tyre.

Përmirësimet vijnë pas shqetësimeve të ngritura një vit më parë rreth aplikacionit “Messenger Kids”. Prindërit mund të shohin gjithashtu nëse fëmija i tyre është duke biseduar me video apo po dërgon mesazhe, por edhe sa shpesh kanë ndodhur bisedat gjatë 30 ditëve të fundit.

Gjithashtu përmes një njoftimi, ata do informohen sa herë fëmija i tyre bllokon persona të tjerë.

“Këto ndryshime janë pjesë e përpjekjeve tona të vazhdueshme, për të siguruar më shumë transparencë dhe për t’i ndihmuar njerëzit të kuptojnë më mirë sesi funksionojnë shërbimet tona“, tha menaxheri i produkteve të Messenger, Morgan Brown./abcnews.al

auto_Instagram-Likes-745x4951579214305-1.jpg
So Nila19:39 | 04/02/2020

Instagram duket se së shpejti për të gjithë përdoruesit do të vijë me risi të reja. Ndryshim pritet që të ketë të reagimin ndaj Mesazheve Direkte (DM) në Instagram.

Inxhinierja e famshme Jane Manchun Wong ka arritur të bëjë reagime të reja DM në profilin e saj. Sipas Jane, tipari ‘Reactions for DM’ aktualisht është nën testimin e brendshëm.

Për më tepër, në postimin e saj në Twitter thuhet që Menaxheri i Teknikës  të Facebook-ut, Alexandru Voica ka konfirmuar ekzistencën e kësaj veçorie të paarritur.

Ndërkohë ndër të tjera thuhet se kompania thuhet se po punon në reagimet e DM që nga fundi i tetorit 2019./abcnews.al

Capture.png
So Nila09:15 | 01/02/2020

Facebook ka deklaruar se do të fshijë të gjitha postimet dezinformuese, të cilat publikohen në rrjetin social në lidhje me koronavirusin. Kjo lëvizje e gjigandit teknologjik vjen pak kohë pasi Organizata Botërore e Shëndetit deklaroi emergjencën globale shëndetësore në lidhje me virusin e ri që qarkullon.

“Ne do të fshijmë të gjitha pretendimet false apo teoritë konspirative të cilat janë raportuar nga organizatat botërore të shëndetit apo autoritetet lokale”, thuhet në një deklaratë të Facebook. Sipas rrjetit më të madh social në botë, këto përmbajtje dezinformojnë përdoruesit, gjë që mund të sjellë “dëm fizik” tek ta.

Kjo lëvizje e Facebook është shumë e ashpër. Zakonisht ajo kufizonte shpërndarjen e këtyre informacioneve nëpërmjet rezultatit të kërkimit, por gjithmonë e lejonte postimin që të qëndronte.

Dezinformimi në lidhje me vaksinimet është shpërndarë shumë në mediat sociale vitet e fundit, duke përfshirë edhe një fushatë për të parandaluar vaksinimin nga poliomieliti në Pakistan dhe verdhëza në Amerikën Jugore. Kohët e fundit, Facebook ka qenë nën sulm për shkak të problemeve me privatësinë./abcnews.al

download-1.jpg
So Nila19:04 | 09/01/2020

Facebook duket se ka vendosur të mos ndërhyjë në reklamat politike  dhe nuk do ta kufizojë mundësinë që ato  t’iu drejtohen grupimeve të caktuara.

Ndërkohë në muajin nëntor rivali kryesor i Facebook, Google kishte vendosur që të bënte një kufizim të tillë por që nuk e vuri asnjëherë në praktikë, siç ka bërë rrjeti social Tëitter që prej muajit tetor që ka ndaluar reklamat politike.

Gjithashtu Facebook nuk do të kontrollojë faktet e paraqitura në këto reklama, megjithëse është përballur me presion për këtë çështje. Ndër të tjera në reagimin e saj të fundit kompania njoftoi se do të ketë mekanizma më transparentë që synojnë t’u japin më shumë kontroll përdoruesve për sasinë e reklamave politike që do të shohin dhe do ta bëjë më të lehtë “shfletimin” e katalogut të saj online të reklamave politike.

Këto masa nuk duket se do të qetësojnë kritikët, që gjenden madje edhe në radhët e vetë punonjësve të kompanisë Facebook, të cilët shprehen se Facebook-u ka pushtet të tepruar dhe kufizime jo të mjaftueshme për ndikimin që ka ndaj zgjedhjeve dhe vetë demokracisë.

Facebook ka këmbëngulur se nuk do të verifikojë faktet e paraqitura nga reklamat politike. Kritikët thonë se kjo u jep liçensën politikanëve të gënjejnë në reklama që nuk mund të monitorohen lehtë nga shikuesit.

 

facebook.jpg
in a18:47 | 20/12/2019

Të dhënat e 267 milion përdoruesve të “Facebook” kanë qëndruar online për rreth dy javë para se të hiqeshin. Dosja me informacione nuk kishte fjalëkalim dhe mund të shkarkohej lehtësisht. “Facebook” e cilësoi këtë si një incident gjatë ndryshimeve për të mbrojtur më mirë privatësinë.

“Facebook” rikthehet sërish në qendër të skandalit për sa i takon fushës së privatësisë. Një shoqëri sigurie konfirmoi se ka gjetur on line një database që përmbante të dhënat personale të 267 milion përdoruesve të rrjetit social. Dosja, e cila ka qëndruar on line për dy javë nga data 4 deri në 19 dhjetor, me sa duket, ishte më se e prekshme nga kushdo, pa qenë e domosdoshme që të kishte një fjalëkalim. Madje ishte e shkarkueshme dhe nga një forum hakerash.

Në arkiv përmbaheshin informacione për identitetin e përdoruesve, emër dhe numër telefoni. Dosja ka qëndruar on line deri sa faqja që e përmbante vendosi ta hiqte si pasojë e sinjalizimeve të shumta.

Kjo nuk është hera e parë që të dhënat e miliona përdoruesve të “Facebook” publikohen në rrjet. Në muajin shtator ishin 419 milion të dhënat që u bënë publike.

Në një reagim të menjëhershëm “Facebook” bëri të ditur se po analizojnë problemin dhe se paralelisht po punohet për të mbrojtur sa më mirë informacionet e personave./abcnews.al

1565514470_ramabenzina.jpg
in a09:59 | 29/11/2019

Një ditë pasi arrestoi dy administratorët e faqes “JOQ”, policia ka njoftuar prangosjen e një vajze 25-vjeçe nga Durrësi. Ajo kishte përhapur informacione të rreme në profilin e saj në facebook. Në njoftimin e policisë thuhet se “kapet në flagancë shtetasja Xhuljana Aliaj, 25 vjeçe, lindur dhe banuese në Durrës, e dyshuar për kryerjen e veprës penale ‘përhapja e informatave të rreme që ngjallin panik‘”. Në një nga statuset e saj, Xhuljana shkruante: “Ju lutem ikni nga Porto-Romanoja! Eshtë kris hidrovori dhe mund të shpërthejnë depozitat e gazit nqs bie prapë tërmet. Ikni!”

Njoftimi i policisë

Strukturat e specializuara të Policisë së Shtetit në vijim të masave të marra për parandalimin dhe ndëshkimin ligjor të atyre personave, të cilët nëpërmjet njoftimeve të rreme në rrjetet sociale, përhapin panik me lajme destabilizuese, ka vijuar intensivisht punën në evidentimin, dokumentimin dhe ndëshkimin ligjor të çdo rasti.

Në këtë kuadër, Drejtoria e Antiterrorit arrestoi në flagancë shtetasen Xhuljana Aliaj, 25 vjeçe, lindur dhe banuese në Durrës, e dyshuar për kryerjen e veprës penale “Përhapja e informatave të rreme që ngjallin panik”.

Gjatë monitorimit të burimeve të hapura (rrjeteve sociale) nga struktura të Drejtorisë së Antiterrorit është konstatuar se shtetasja Xhuljana Aliaj, ka postuar nga profili i saj në rrjetin social “Facebook”, në linkun https://ëëë.facebook.com/xhulja.aliaj shkrime me përmbajtje të rreme dhe jo të vërteta, duke kryer kështu përhapje të panikut nëmërmjet efekteve të këtyre lajmeve.
Drejtoria e Antiterrorit në bashkëpunim me strukturat e tjera të specializuara në Policinë e Shtetit kanë evidentuar edhe raste të tjera për të cilat në bashkëpunim me Prokuroritë e rretheve përkatëse po vijon me procedimet penale dhe për çdo rast do informohet media e publiku.

Policia e Shtetit apelon edhe njëherë për të gjithë qytetarët që të mos bien pre e mashtrimeve të lajmeve që shpërndahen në rrjete sociale, të cilat krijojnë panik dhe fton cilindo që has në të tilla njoftime paniku të njoftojë menjëherë Policinë e Shtetit në numrin 112, apo në Komisariatin Dixhital.

Lexo edhe: RAMA I PARALAJMEROI ARRESTIMET

 

aktori.jpg
ger ta09:35 | 23/11/2019

Komediani britanik Sacha Baron Cohen ka thënë nëse Facebook do të kishte ekzistuar në vitet ’30, do ti shwrbente Hitlerit si një platformë për besimet e tij antisemitike.

Ylli “Ali G” veçoi kompaninë e mediave sociale në një fjalim në New York.

Ai kritikoi gjithashtu Google, Twitter dhe YouTube për nxitjen e “absurditeteve në miliarda njerëz”.

Gjigandët e mediave sociale dhe kompanitë e internetit janë nën presion për të frenuar përhapjen e dezinformatave rreth fushatave politike.

Twitter njoftoi në fund të tetorit se do të ndalojë të gjitha reklamat politike globalisht nga 22 nëntori.

Në fillim të kësaj jave Google tha që nuk do t’i lejojë reklamuesit politikë të synojnë votuesit duke përdorur “mikrotargeting” bazuar në të dhënat e shfletimit ose faktorë të tjerë./abcnews.al

kolo-1280x725.jpg
nev ila15:06 | 21/11/2019

Sipas raportit më të fundit të Amnesty International, Google dhe Facebook vënë në rrezik të drejtat e njeriut, duke mbledhur të dhëna personale të miliona përdoruesve të këtyre platformave. Por Facebook hodhi poshtë akuzat duke shtuar se modeli që përdor platforma për biznes është ai me të cilin grupe si organizatat jo qeveritare, arrijnë tek mbështetësit e tyre, mbledhin fonde dhe vazhdojnë misionet e tyre.

Një hetim i Amnesty International, “Gjigantët e Vëzhgimit”, akuzon kolosët e Web-it se përdorinin modele biznesi të bazuar mbi vëzhgimin, duke kërcënuar në këtë mënyrë të drejtat e njeriut dhe duke rrezikuar privatësinë e cdo përdoruesi.

Facebook reagoi menjëherë duke e kundështuar raportin me pretendimin se platform social u lejon njerëzve në të gjitë botën dhe në vendet më pak të zhvilluara, që të lidhen me njëri tjetrin.

Pavarësisht se organizata jo qeveritare e njeh rolin e Google dhe Facebook në lidhjen që krijon në botë dhe në dhënien e shërbimeve thelbësore për miliarda njerëz, në të njëjtën kohë kritikon këto “të mira” sepse sipas saj paguhen me një cmim shumë të lartë: lënia e të dhënave në duart e gjigantëve të rrjetit.

Kjo është e vërtetë sepse modeli i kolosëve – sipas raportit të Amnesty International – bazohet në mbledhjen e të dhënave të përdoruesve, në gjurmimin e aktiviteteve on line dhe në kategorizimin e tyre për qëllime reklamuese.

“Një avantazh, ky i teknologjisë dhe botës së Web-it – thekson raporti – që mbështetet në të drejtat e njerëzve që janë on line duke i bërë object të abuzimit me të drejtat e njeriut”.

Me pak fjalë është një akuzë që nxjerr në dritë sulmin e të drejtës për privatësinë në një mënyrë të paprecedentë dhe thekson se aktualisht nuk ka më siguri për mbrojtjen e të dhënave tona por dhe të drejta si liria e shprehjes, e opinionit; dhe në fund e drejta për mos diskriminimin.

“Google e Facebook dominojnë kjetën tonë moderne, duke mbledhur një pushtet të madh në botën dixhitale me mbledhjen dhe monetizimin e të dhënave personale të dhjetëra personave, këmbëngul raporti. Kontrolli i tyre i vazhdueshëm në jetëm dixhitale minon thelbin e privatësisë dhe është një nga sfidat kryesore për të drejtat e njeriut në kohën që jetojmë”.

Facebook ndër të tjera në reagimin publik, shton se modeli që përdor platforma për biznes është ai me të cilin grupe si organizatat jo qeveritare – të cilat aktualisht publikojnë informacione në Facebook – arrijnë tek mbështetësit e tyre, mbledhin fonde dhe vazhdojnë misionet e tyre./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono