Evropian

6-1280x707.jpg
Sej rie21:00 | 15/07/2019

E kanë prekur edhe çështjen e Kosovës në konferencën e përbashkët për shtyp, Presidentët Emanuel Macron dhe Aleksandar Vuçiç, të cilët janë takuar të hënën në Beograd. Në fjalën e tij, Macron ka deklaruar se Franca dëshiron që të arrihet një marrëveshje mes Prishtinës dhe Beogradit. “Serbia dhe Kosova janë shtete evropiane dhe ne duam që kjo të përkthehet në fakte”, ka theksuar Makron.

Ai ka vlerësuar bisedën “e sinqertë” që ka zhvilluar me homologun Vuçiç lidhur me Kosovën dhe ka shtuar se për këtë çështje do të bisedojë edhe me Kryeministren e Serbisë, lidershipin e Kosovës dhe kancelaren gjermane Merkel. Nga ana e tij, Vuçiç është shprehur se, për Francën Kosova është e pavarur, por për Serbinë jo.

“E di se sa e vështirë është kjo për serbët, por duhet ta kuptojmë”, ka thënë Vuçiç. Sa i takon integrimit evropian të Serbisë, MaCron ka shtuar se më parë BE duhet të reformojë sistemin e saj dhe më pas të zgjerohet./ABC News Albania 24/7

le-pen.jpg
nev ila14:33 | 18/04/2019

Lideri histori i Frontit Nacional në Francë, Jean Marie Le Pen, ka qenë shumë i ashpër në fjalën e tij  të fundit në parlamentin evropian. Duke iu drejtuar kolegëve të tij, eurodeputeti 90-vjeçar tha se pasardhësit e tyre në atë sallë do t’i mallkojnë.

Një lamtumirë e shoqëruar me tone të forta dhe të ndezura ajo e Jean-Marie Le Pen në parlamentin evropian. Me një fjalim të përqendruar në fenomenin e emigracionit dhe në pafuqishmërinë e Evropës.

Duke iu drejtuar euro deputetëve në sallë ai u shpreh se ata kishin qëndruar të verbër, të shurdhër dhe memecë, si dhe ata që do të uleshin më pas në atë sallë do i mallkonin.

Euro-deputeti 90 vjeçar foli për herë të fundit në sallën e parlamentit duke theksuar se fenomeni i emigracionit kërcënon të tronditë kontinentin ku bën pjesë Evropa e cila është në defiçit gjeografik, sipas tij.

Le Pen drejtoi për rreth 40 vjet frontin kombëtar, nga ku u përjashtua në vitin 2015 për deklaratat e tij rreth Holokaustit.

Ai tha se përballë perspektivave aspak të mira, Evropa po tregohet e pafuqishme. Por më keq akoma, paralizon reagimet kombëtare që duhet të mobilizojnë popujt që e përbëjnë./abcnews.al

basha-5-1280x651.jpg
Sej rie18:50 | 15/04/2019

Kryetari i Partisë Demokratike Lulzim Basha inkurajon Komisionin Evropian që të iniciojë një mision monitorimi në Shqipëri për sistemin e sundimit të ligjit.

Deklaratën shefi i opozitës e bëri nga Ljubjana e Sllovenisë, ku ishte i ftuar i Institutit ndërkombëtar të Studimeve për Lindjen e Mesme e Ballkanin.

Duke folur për perspektivën e Shqipërisë në Bashkimin Evropian dhe bashkëpunimin rajonal, Basha tha se monitorimi më efektiv i reformave të Sundimit të Ligjit, në vendet që kërkojnë anëtarësim mund të arrihet duke u mbështetur në shembullin pozitiv të të ashtuquajturit Raporti Priebeqë ka ndihmuar në tejkalimin e një krize serioze të demokracisë dhe sundimit të ligjit në Maqedoni në 2015.

Sipas Bashës, me modelin Priebe, Komisioni Evropian ka nisur monitorimin e të gjithë sistemit të Sundimit të Ligjit në Bosnje dhe Herzegovinë, e të njëjtën gjë duhet të bëjë edhe me Shqipërinë./abcnews.al

0_Euro-2020-Qualifier-Group-D-Switzerland-v-Denmark.jpg
ent ela16:28 | 27/03/2019

Granit Xhaka nuk mjaftoi për fitoren e Zvicrës në eliminatoret e Evropianit, ndaj Danimarkës. Italia dhe Spanja arritën suksese të lehta. Mund të shënosh edhe bukur, mundet dhe të kryesosh dy apo tre me zero, por sërish të mos fitosh.

Kjo i ndodhi Zvicrës, së cilës nuk i mjaftoi goli për kopertinë nga kapiteni Granit Xhaka për të mundur Danimarkën, në eliminatoret e Evropianit. Edhe pse u luajt në shtëpi, në stadiumin “Sankt Jakob-Park” të Bazelit, zviceranët nuk ia dolën.

Habia e madhe ishte se kryesuan 3-0 deri në minutën e 84-ët, por danezëve u mjaftuan vetëm 9 minuta për të barazuar. Remo Frojler shënoi së pari për Zvicrën, pastaj Xhaka në pjesën e dytë, e më tej, Brel Embolo.

Mrekullia e Danimarkës, siç mund të quhet me plot gojën, nisi me rrjetën e realizuar nga Matias Jorgensen në të 84-ën. Kjo i dha zemër ekipit të drejtuar nga trajneri norvegjez Hareide, shënuan golin e dytë me autor Kristian Gytkjer, ndërsa barazimi erdhi në sekondat e fundit.

Ai u arrit nga Henrik Dalsgard, dhe ishte shpërblimi i merituar për Danimarkën që luftoi për shumë se vendasit, e gjuajti më shumë herë drejt portës e më shumë në kuadrat.

Nëse Zvicra gaboi, nuk mund të thuhet kjo për dy emra të mëdhenj. Spanja, ish-kampione e dyfishtë e Evropës, triumfoi 2-0 në fushën e Maltës, në një ndeshje jo shumë të vështirë.

Pozitive për trajnerin Luis Enrike, që nuk ishte në stol këtë herë për shkaqe familjare, ishte shënimi i të dy golave nga sulmuesi i Atletikos së Madridit, Alvaro Morata, pasi ky kishte nevojë për besim. Italia triumfoi më thellë, 6-0, ndaj Lihtenshtajnit, në një sfidë edhe më të lehtë.

Të besuarit e trajnerit Roberto Mançini e konkretizuan që në pjesën e parë epërsinë që patën në stadiumin “Enio Tardini” të Parmës. Katër herë shënuan para pushimit, me autorë Sensin, Verratin e dy herë Kualjarelën, që u bë shënuesi me moshën më të vjetër në kombëtaren italiane. Pas pushimit, realizuan të rinjtë Moize Kin dhe Leonardo Pavoleti./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono