eurostat

KRONIKE-EUROSTAT-JEP-ALARMIN_ABC-M4-T2.mpg_snapshot_00.15-1280x720.jpg
ent ela20:15 | 09/09/2019

Shqipëria zë vendin e fundit në Evropë për financimin në sektorin e shëndetësisë. Të dhënat janë publikuar në raportin më të fundit të Zyrës Evropiane të Statistikave, Eurostat.

Përballja me shifrat e rendit Shqpërinë të fundit në Kontinentin Evropian për financimin e shëndetësisë.

Raporti i Eurosta tregon se në bazë të GDP se Buxhetit për financimin e shëndetësisë vendi ynë renditet 3,5 herë më poshtë se mesatarja e Bashkimit Evropian, dy herë ndaj asaj të Rajonit, dhe tre herë më poshtë krahasuar me Bosnjeën.

Ndërsa në vlera absolute të financimit prej Buxhetit për frymë popullsie, kjo diferencë ndaj mesatares së vendeve të Bashkimit Evropian rritet në afro 10 herë.

Kritikët e qeverisë kanë përsëritur se Financimet nga Buxheti jane fryre artificialisht duke i llogaritur ato 2,8%, të GDP, ndërsa në të vërtetë janë vetëm 2%, pa përmendur këtu çështjen e Qendrës së Traumës.

Kjo sepse 0,8 % të GDP të llogaritur vijnë nga të ardhurat e Kontributeve Direkte, pra nga sektori sigurativ, që mund të jetë publik autonom, privat ose të dyja bashkë e ku kontribuohet drejtpërsëdrejti nga qytetarët, pra këto nuk duhet të llogariten si pjesë e financimit të Buxhetit të Shtetit, por vetëm si pjesë e shpenzimeve.

Problem tjetër janë shpenzimet (jo financimet) për Shëndetësinë, që janë “kokëposhte” (anti sociale), sepse pagesat direkte nga publiku (direkt nga xhepi), zënë mbi 50% të shpenzimeve me tendencë rritje galopante, parametër ky shumë larg nivelit minimal social europian. /ABC News Albania 24/7

 

KRONIKE-JETEGJATESIA-NE-SHQIPERI-M1T1.mpg_snapshot_00.11-1280x720.jpg
ent ela14:50 | 26/07/2019

Shqiptarët, sipas një vlerësimi të bërë nga Eurostat, konsiderohen si populli më jetëgjatë në rajon. Parashikimet e jetëgjatësisë shkojnë deri në moshën 78-vjeçare, ndërsa në raport me vendet e Bashkimit Europian, Shqipëria shkon në fund të listës. Në Europë, Spanja kryeson me moshën më të lartë të jetëgjatësisë.

Shqiptarët, sipas një vlerësimi të bërë nga Eurostat, janë klasifikuar mes popujve me jetëgjatësi më të madhe, krahasuar me vendet e tjera të rajonit. Sipas raportit të Eurostat, mesatarisht, popullisa shqiptare pritet të ketë një jetëgjatësi deri në moshën 78-vjeçare, ndërsa femrat 4 vite më shumë.

Në fund të listës për jetëgjatësinë në rajon, renditen Bullgaria dhe Rumania, ku është vlerësuar se popujt në këto dy vende jetojnë deri në moshën 75- vjeçare.

Por pavarësisht, epërsisë në rajon, në vlerësimin e bërë për vendet e Bashkimit Europian, Shqipëria bie nga froni. Pritshmëria e jetëgjatësisë në vendet europiane, është 83 vjeç për gratë dhe 78 vjeç për burrat. Në Europë, Spanja kryeson me pritshmërinë për të jetuar në moshën 83.2- vjeç, më pas renditen Zvicra dhe Italia dhe Qipro dhe Franca, ku jetëgjatësia e popullsisë varion mbi 82 vjeç. Sipas Eurostat, një nga shkaqet për rritjen e jetëgjatësisë është lumturia. /ABC News Albania 24/7

 

shqiptare-pune-be.jpg
nev ila14:39 | 17/07/2019

Azilantë, studentë dhe të punësuar. Shqiptarët gjejnë mënyrë të ndryshme për tu larguar. Vitin e shkuar sipas Eurostat lejet e qëndrimit për arsye punësimi në vendet e Bashkimit Evropian u rritën me rreth 65%.

Një punë në vendet e Bashkimit Europian?  Në vitin 2018 e kanë gjetur më shumë se 9 mijë shqiptar.

Vitin që lam pas referuar të dhënave të Eurostat vendet e unionit kanë dhënë 9 mijë e 288 leje qëndrimi për arsye punësimi,  por numri mund të jetë dhe më i lartë pasi jo të gjithë shtetet anëtare i kanë raportuar të dhënat.

Lejet e qëndrimit për arsye punësimi përbejnë 15% të numrit të përgjithshme të lejeve të lëshuara për qytetarët shqiptar. Një rritje me rreth 65% krahasuar me vitin 2017 kur po sipas Eurostat u dhanë 5622 leje qëndrimi për të njëjtat arsye.

Numri më i madh është lëshuar nga Gjermania. Në vitin 2018 ky shtet pajisi me leje qëndrimi për punë mbi 3500 shqiptarë, dy herë më shumë se vitin paraardhës. Më pas renditen Italia me 1675 leje të dhëna, Greqia me 1635 leje dhe Kroacia me 1072.

Malta është destinacioni më i ri i punësimit për shqiptarët.  Në vitin 2018 ky shtet dha 468 leje të reja qëndrimi për arsye punësimi për shqiptarët, nga 161 që kishte dhënë një vit më parë.

Ndërkohë Franca ka lëshuar 181 leje qëndrimi të dhëna për punë, Hungaria 178 ndërsa Çekia dhe 83./ABC News Albania 24/7

cmimii.jpg
ad min15:27 | 30/05/2018

Raporti i statistikave europiane Eurostat, mbi çmimin e energjisë elektrike për vendet anëtare në Bashkimin Europian por edhe ato të Ballkanit Perëndimor e nxjerrin Shqipërinë të dytën për çmimin më të lartë të energjisë në rajon.

Shqipëria ka çmimin më të lartë të energjisë elektrike për familjarët në vendet e ballkanit Perëndimor, pas Malit të Zi. Lajmi vjen nga Eurostat i cili përmes një artikulli ka llogaritur çmimin e energjisë elektrike për konsumatorët familjarë ose jo, për tre vitet e fundit.

Të dhënat përfshijnë shtetet anëtarë të bashkimit Europian, por edhe Islandën, Lihtenshtajnin, Norvegjinë, Shqipërinë, Maqedoninë, Malin e Zi, Serbinë, Turqinë, Bosnje-Hercegovinnë, Kosovën, Moldavinë dhe Ukrainën.

Mes tyre, Shqipëria llogaritet të ketë pësuar një rritje të çmimit të energjisë elektrike me 037 cent për kilovat nga vitit 2015.

Në 2015-ën 100 kilovat energji elektrike i kushtonte familjeve shqiptare 8.19 euro. Në 2017-ën këto 100 kilovat, i kanë kushtuar 8.56 euro, pra 37 euro më shtrenjtë.

Mes vendeve të Ballkanit Perëndimor, Serbia ka çmimin më të ulët të energjisë elektrike me 6.95 euro për 100 kilovat dhe Mali i Zi me çmimin më të shtrenjtë prej 10 eurosh për 100 kilovat.

Viti 2016 tregon një trend zvogëlues në çmimin e energjisë elektrike në vendet e ballkanit Perëndimor, ku përjashtim bën vetëm Shqipëria dhe Serbia, çmimi i energjisë së të cilave ka vijuar rritjen nga viti 2015 në 2017-n./abcnews.al

EUROSTAT-PER-BRAKTISJEN-E-SHQIPTAREVE-1280x720.jpg
ent ela15:07 | 09/04/2018

Shqiptarët renditen të dytët në botë për marrjen e nënshtetësisë në një nga vendet e Bashkimit Evropian. Të dhënat janë publikuar nga instituti i statistikave ndërkombëtare Eurostat sipas të cilit më së shumti shqiparët kanë zgjedhur Italinë dhe Greqinë për të jetuar.

Shqiptarët po ia dalin të bëhen  qytetarë me të drejta të plota të Bashkimit Europian.

Të dhënat më të fundit të Eurostat tregojnë se vendi ynë renditet i dyti në botë pas marokenëve që kanë arritur të marrin nënshtetësinë e Bashkimit Evropian  në vitin 2016.

Numërohen 67, 500 shqiptarë, 97 përqind e të cilëve kanë marrë nënshtetësi italiane ose greke.

Në Itali shqiptarët renditen të parët krahasuar me shtetet e tjera, pasi ata kanë arritur të marrin 18.3% të të gjithë pasaportave që shteti fqinj ka dhënë për të huajt, ndërsa në vend të dytë ishte Maroku, me 17.5% dhe rumunët me 6.4%.

Edhe në Greqi, numri më i madh i pasaportave, konkretisht  86% e tyre janë dhënë për shqiptarët, 1.5% pë ukrainasit dhe 1.2% për rusët.

Sipas Eurostat, në vitin 2016, rreth 995,000 persona kanë fituar shtetësinë në një Shtet Anëtar të Bashkimit Europian nga 841,000 në vitin 2015 dhe 889,000 në vitin 2014. /abcnews.al

vlcsnap-error716-1-1280x720.jpg
ad min15:41 | 07/12/2017

Me gjithë përparimin në raport me veten Shqipëria u rendit e dyta pas Rumanisë për nivelin më të ulët në Europë të mbledhjes së taksave në raport me Prodhimin e Brendshëm Bruto në vitin 2016 sipas Institutit Europian të Statistikave -EUROSTAT. 

Shqipëria ka mbledhur më shumë taksa krahasuar me vitet e mëparshëm megjithatë është akoma larg mesatares së vendosur nga Bashkimi Evropian.Këtë tregon raporti i fundit i Institutit europian të statistikave.

Në tabelën përmbledhëse vendi ynë renditet i dyti pas Rumanisë ku shihet se gjatë vitit të kaluar janë mbledhur 27.1 % të PBB-së taksa, teksa mesatarja e BE për këtë vit ishte 40 për qind sipas monitor.

Në zonën e euros, të ardhurat nga taksat përbënin 41.3% të PBB-së në 2016, pak më shumë se raporti  41.2% në vitin 2015.

Raportet më të larta të grumbullimit të taksave në raport me PBB-në  i patën vende të tilla si Franca, Danimarka ,Belgjika  dhe Suedia  pasuar nga Finlanda ,Austria ,Italia dhe Greqia.

Rritja më e madhe e të ardhurave ne raport me PBB-në ishte në Greqi, rënia më e madhe në Rumani krahasuar me vitin 2015.

Në vitin 2016, pjesa e taksave mbi prodhimin dhe importet ishte më e lartë në Suedi .

Ndërsa Për taksat që kanë të bëjnë me të ardhurat nga pasuria, pjesa më e madhe arkëtimeve është regjistruar në Danimarkë .

Në vitin 2016, taksat mbi prodhimin dhe importet përbënin pjesën më të madhe të të ardhurave tatimore në BE (13.6% të PBB-së), pasuar nga kontributet shoqërore neto (13.3%) dhe tatimet mbi të ardhurat dhe pasuritë (13.0%)./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono