Europiani

Euro-2020-eli.gif
Vladimir Prenga09:37 | 30/11/2019

Shorti i Euro 2020 hidhet ditën e sotme. Në “ROMEXPO”, prej orës 18:00 do të nisë ceremonia e hedhjes së shortit, nga ku do të mësohen përballjet në kampionatin europian, që këtë herë është i veçantë për faktin se do të zhvillohet në disa shtete.

Aktualisht dihen 20 prej kombëtareve pjesëmarrëse në Europian, ndërkohë që katër ekipet e tjera do të mësohen pas ndeshjeve të Nations League. Finalet e këtij kompeticioni zhvillohen më 31 mars. Sa i takon vazove, ato janë përcaktuar më parë dhe rrezikohen përballje mjaft interesante.

VAZO 1 ka gjashtë ekipe si Belgjika, Italia (pritëse), Anglia (pritëse), Gjermania (pritëse), Spanja (Pritëse) dhe Ukraina. Për shkak të problemeve me këta të fundit, Rusia (pritëse) zhvendoset në vazon e dytë. Në këtë vazo ka ekipe mjaft të forta, si Franca kampionë bote dhe Kroacia finaliste. Kjo vazo plotësohet edhe me kombëtare si Polonia, Zvicra dhe Holanda (pritëse).

Në vazon e tretë spikat Portugalia, ndërkohë që janë edhe këto kombëtare: Turqia, Danimarka (Pritëse), Austria, Suedia dhe Çekia. Në vazon e katërt dihen vetëm dy ekipe: Uellsi dhe Finlanda. Katër ekipet e tjera do të vijnë nga Nations League.

Nga Liga A vjen një mes Islandës, Bullgarisë, Hungarisë dhe Rumanisë. Nga liga B një mes Bosnje-Hercegovinës, Sllovakisë, Irlandës ose Irlandës së Veriut, kurse në nga liga C ka kombëtare si Skocia, Norvegjia, Izraeli dhe Serbia. Një shans e ka edhe Kosova, që do të tentojë të kalojë Maqedoninë e Veriut në gjysmëfinale dhe më pas të kërkojë të mundë fituesin e çiftit Gjeorgji-Bjellorusi. /abcnews.al

lenjani-dhe-mavrasj.jpg
ent ela16:30 | 30/05/2019

Mërgim Mavraj dhe Ermir Lenjani do të jenë sërish pjesë e Kombëtares, pasi munguan në ndeshjet e fundit. Kapiteni kërkon përqëndrim për sfidat e Europianit, ndërsa Lenjani shprehet optimist.

Rikthimet janë të rëndësishme, sidomos dy prej tyre. Kombëtarja do të ketë sërish Mërgim Mavrajn, kapitenin e saj, edhe pse jo për ndeshjen e parë ndaj Islandës.

Kartoni i kuq ndaj Skocisë, bëri që të dënohej 3 ndeshje, ndaj në dispozicion do të jetë vetëm ndaj Moldavisë.

Fillimisht, mbrojtësi shprehet i habitur me ndryshimet, pas një mungese prej 2 ndeshjesh.

Mavraj ishte pjesë e ekipit që dështoi në Ligën e Kombeve.

A mbetet shpresë tani?

Rikthim i vërtetë Ermir Lenjani, që ishte betuar se nuk do të kthehej në kombëtare, sa të ishte trajner Panuçi.

Lenjani jep një gjykim për ndeshjet që e presin kombëtaren.

Shqipëria luan në Islandë në 8 qershor, ndërsa në 11 pret Moldavinë në “Elbasan Arena”, përballje të eleminatoreve të Europianit. /ABC News Albania 24/7

Kombetarja-1280x639.jpg
ent ela15:50 | 10/05/2019

Kombëtarja shqiptare do të përgatitet me tri faza të ndryshme për ndeshjen ndaj Islandës në Europian. Trajneri Edi Reja ka kërkuar që në qershor, skuadra të stërvitet në Gjermani.

Do të jetë një grumbullim ndryshe. Trajneri i kombëtares, Edi Reja, ka menduar të punojë me tri faza të ndryshme për t’u përgatitur për ndeshjen ndaj Islandës në eleminatoret e Europianit.

Italiani do të publikojë listën e lojtarëve deri në 20 maj, dhe atë ditë do të nisë një grumbullim të pjesshëm në “Tropikal” të Durrësit, me lojtarë që do të kenë përfunduar kampionatin, si ata të Greqisë.

Synimi është që futbollistët të mos humbin formën për shkak të kohës së gjatë deri në 8 qershor kur luhet ndaj Islandës.

Në 26 maj, Reja do të vazhdojë punën po në “Tropikal”, tashmë me rreth 80 për qind të skuadrës.

Gjithsesi, trajneri dëshiron që ditët e fundit, ekipi të stërvitet jashtë vendit dhe konkretisht në Gjermani.

Burime në Federatë bëjnë me dijë se Frankfurti do të jetë baza e mundshme, ku do të vendosen kuqezinjtë, në datat 2-6 qershor.

Arsyeja kryesore e vendimit të Rejës ka të bëjë me udhëtimin dhe me aklimatizimin.

Distanca nga Aeroporti i Rinasit në atë të Rejkjavikut është rreth 3 700 kilometra dhe koha e udhëtimit mund të shkojë në 4 apo 5 orë, diçka vërtet lodhëse për një skuadër futbolli.

Gjermania, krejt ndryshe, është shumë më pranë Islandës, dhe fluturimi me avion do të jetë shumë më i shkurtër.

Po ashtu, Reja pëlqen edhe faktin se klima gjermane është mjaft më e përafërt me atë islandeze, pra shumë më e freskët se në Shqipëri në muajin qershor.

Kombëtarja luan në Islandë në 8 qershor, ndërsa 11 qershor pret Moldavinë në “Elbasan Arena”. /ABC News Albania 24/7

KALENDARI-I-KOMBETARES-NE-EURO-2020_-1280x720.jpg
ent ela11:56 | 03/12/2018

Shqipëria i nis me Turqinë dhe i mbyll me Francën eleminatoret e Europianit. Nuk dihet ende nëse “Arena Kombëtare” do të jetë gati për të pritur ndeshjet në kryeqytet.

E fillojmë dhe e përfundojmë në shtëpi.

Kombëtarja shqiptare mëson kalendarin e ndeshjeve eleminatore në Euro 2020, pas koordinimit të bërë në Dublin nga përfaqësuesit e skuadrave të grupit H.

Ndeshja e parë, në 22 mars të vitit të ardhshëm, do të jetë ndaj Turqisë, me shumë gjasë në “Loro Boriçi”, ose në “Elbasan Arena”.

Do të vijohet me dy sfida jashtë fushe, në 25 mars në Andorrë, dhe në 8 qershor në Islandë.

Kalendar i mirë për dy takimet e para, që, nëse kalohen me sukses, bëjnë ta nisim grupin me 6 pikë.

Në 11 qershor presim Moldavinë, ndërsa, në nisje të sezonit të ardhshëm të klubeve, në 7 shtator, shkojmë për të luajtur ndeshjen më të vështirë, atë në fushën e Francës, me shumë mundësi në “Stadë dë Frans”.

Tri ditë më pas, na viziton Islanda, ndërsa një muaj më vonë, në 11 tetor shkojmë në një tjetr sfidë të vështirë jashtë, atë në Turqi, në një nga stadiumet e Stambollit.

Në 14 tetor luhet në Çisinau ndaj Moldavisë, ndërsa në 14 nëntor do të jetë përballja në letër më e lehtë, ajo në Shqipëri ndaj Andorrës.

Mbyllja pritet të jetë një festë, me Francën kampione të botës që viziton vendin tonë, në 17 nëntor, dhe ndeshja do të jetë edhe më intriguese nëse kombëtarja lufton për kualifikim.

Pikëpyetjet mbeten nëse ekipi përfaqësues do të ketë mundësi të luajë në “Arenën e Kombëtares” në kryeqytet apo jo.

Kjo është fjala e presidentit të Federatës, Duka.

Gjithsesi, gjëja më e rëndësishme mbetet që Shqipëria të mund të shkojë sërish në finalet e Europianit. /abcnews.al

shqiperia.jpg
ad min17:51 | 02/12/2018

Presidenti i Federatës Shqiptare të Futbollit, Armand Duka, flet për shortin e Europianit. Ai gjykon se kombëtarja ka shpresë për kualifikim.

Ëndrra është një tjetër udhëtim si ky. Ekipi përfaqësues arriti kulmin në verën e vitit 2016, e shkoi në Francë, në finalet e Europianit, dhe padyshim presidenti i Federatës Shqiptare të Futbollit, Armand Duka, do të donte një “bis”. I ndodhur në kryeqytetin e Irlandës, në sallën ku u hodh shorti i eleminatoreve të Europianit të ardhshëm, Duka e vlerësoi si normal grupin ku do të luajë Shqipëria.

“Franca kampion bote. Kemi një lloj eksperience, kemi zhvilluar dy miqësore së fundmi. Nuk ka skuadra të vogla sidomos për ne, të gjoitha ndeshjet janë të vështira. Islanda është relativisht shumë e vështirë, Turqia gjithashtu. Moldavia nuk është e lehtë. Duhet të mos kemi mungesa, të kemi futbollistët në dispozicion. Nëse humb një ose dy lojtarë nuk i ke për të gjithë edicionin pastaj”, tha Duka.

A mendon ai se kombëtarja ka shanse për kualifikim, pas dështimit në Ligën e Kombeve.

“Nuk është keq. Do ta konsideroja me fat. Mund të ishte dhe më keq. Mund të ishte grupi ku është Gjermania dhe Holanda dhe nuk do kishte asnjë lloj shansi. Sipas meje Turqia, Islanda dhe ne do të lufotjmë për vendin e dytë”, theksoi Duka.

Po skuadra më e fortë e grupit, Franca, si e mendon shortin?

“Shorti është gjithnjë i vështirë dhe ky nuk bën përjashtim. Do të ndeshemi me dy ekipe që i njohim sepse kemi luajtur më parë, si Islanda dhe Shqipëria. Do të jetë e vështirë në Turqi, në një ambient të zjarrtë. Të gjitha ndeshjet janë të forta, të gjithë kundërshtarët janë të fortë, dhe detyra jonë është të fitojmë më shumë pikë sesa ata. Veçoj Islandën, që është grup shumë kompakt, ndërsa do kemi udhëtime të gjata në Shqipëri dhe Turqi. Nuk ka më ndeshje të lehta, dhe duhet seriozitet e përqëndrim maksimal për t’ia dalë”, u shpreh Deschamps.

Vlerësim optimist nga trajneri i Turqisë, Mirçea Luçesku.

“Nuk ka grupe të lehta në eleminatoret e Europianit. Ne do të synojmë të fitojmë ndeshjet tona dhe të shkojmë në finale. Shpresoj që të mos luajmë ndaj Francës në ndeshjen e parë, pasi është shumë e fortë. Po ashtu, vlerësoj shumë Islandën. Mendoj se nëse do të përgatitemi si duhet, do të mund të dominojmë shumicën e ndeshjeve, por jemi ende në fillim të punës sonë, pasi po krijojmë një skuadër nga e para”, tha ai./abcnews.al

FLASIN-LOJTARET-E-KOMBETARES-ABC-M1-T2.mpg_snapshot_00.21-1280x720.jpg
ent ela20:46 | 14/11/2018

Futbollistët e kombëtares mendojnë se Shqipëria duhej të kishte renditje më të mirë se ajo që ka aktualisht. Frederik Veseli dhe Myrto Uzuni folën me optimizëm para Skocisë.

Shpresat janë të vogla, por vetëm për Ligën e Kombeve. Futbollistët e kombëtares shqiptare mendojnë se i kanë shanset për të shkuar në Europian, të paktën nëpërmjet eleminatoreve. Këtë e theksoi mbrojtësi Federik Veseli. Ndryshe nga trajneri Panuçi që i quajti memecë, Veseli mendon se lojtarët e kombëtares shkojnë shumë mirë me njëri-tjetrin.

Frederik Veseli, futbollist i Kombëtares: “Ne si skuadër kemi entuzizëm se edhe jashtë sportitjemi shumë shokë të gjithë bashkë. Kur grumbullohemi gëzohemi të gjithë të jemi prap këtu. Ndoshta meritojmë pak më shumë se vendin e tretë në grup. Të provojmë që të marrim maksimumin për të pasur një mundësi më vonë me kualifikime. Jemi të gjithë me shumë dëshirë për të shkuar edhe një herë në Europian.”

Myrto Uzuni cilësohet si një nga shpresat e ekipit për ndeshjen ndaj Skocisë. Këtë mendim e ka vetë Panuçi.

Myrto Uzuni, futbollist i Kombëtares: “Grezda ka shënuar, Kaçi gjithashtu. Besoj se goli do të vijë në qoftë se vazhdojmë me atë ritëm që kemi qenë në Izrael. Ndjehem shumë mirë pasi ne kemi grupin, ne nuk na bën vetëm një lojtar e një individ. Normalisht është një kënaqësi shumë e madhe, pasi të shënosh në një klub ëshë kënaqësi, por të shënosh me Kombëtaren bën krenar të gjithë atdheun e familjën dhe besoj se kjo do të ishtë gjeja më e bukur.”/abcnews.al

REKORD-KOMBETAR-I-LUIZA-GEGES-1280x720.jpg
ad min17:19 | 13/08/2018

Luiza Gega zhvilloi një garë të shkëlqyer në Europianin e atletikës në Berlin. Sportistja shqiptare vendosi rekord të ri kombëtar, edhe pse nuk arriti të fitonte medalje.

Pa medalje, por aspak me kokë ulur.

Luiza Gega u shfaq e lumtur pas garës së saj në Kampionatin Europian të atletikës, ku zuri vendin e katërt në rand kontinental.

Sportistja 29-vjeçare shqiptare vendosi rekordin e ri kombëtar në 3 000 metra me pengesa, me kohën 9’24”78, duke zbritur me më shumë se 1 sekondë, rekordin e mëparshëm të vendosur vjet në Oslo, me kohën 9’26”05.

“Ky është sporti, – komentoi ajo në një postim në FB, – gjithsesi, krenare. Vend i katërt në Europian dhe kaq shumë afër medaljes”.

Gega mbeti vetëm 32 të qindat larg vendit të tretë, pra medaljes së broznit.

Gara në stadiumin “Olimpik” të Berlinit ishte tepër e fortë, siç e tregon qartë fakti se Gega nuk arriti dot në podium edhe pse vendosi një rekord shumë të mirë kombëtar.

Rekordi shqiptar është ndër 24 më të shpejtët  në botë, në mes të mbi 200 shteteve që marrin pjesë në Lojrat Olimpike.

Atletja 29-vjeçare nuk arriti dot suksesin e vitit 2016 në Amsterdam, kur doli nënkampione e Europës, ndërsa në karrierë ka dalë dy herë kampione e Lojrave Mesdhetare.

Gega mban 8 rekorde kombëtare shqiptare, nga të cilat 5 në stadiume dhe 3 në salla të mbyllura.

Kampione e Europës, ndërkaq, u shpall atletja gjermane, Gesa Krauze, me kohën 9 minuta, 19 sekonda e 80 të qindat. /abcnews.al

vlcsnap-error900-1-1280x719.jpg
ad min17:01 | 14/11/2017

Kombëtarja shqiptare është në rrugën e duhur për të arritur synimet e saj. Trajneri Panuçi dhe presidenti Duka kanë besim pas suksesit ndaj Turqisë.

Ka njerëzit e golit.
Ka të sigurt portën, dhe ka cilësi në krahë.
Kjo është Shqipëria e lënë nga De Biazi dhe e pasuruar nga Kristian Panuçi, siç u shfaq edhe në Antalia.
Armando Sadiku është pasardhësi i sigurt i Sokol Kushtës, Ilir Përnaskës, Altin Rrakllit, Alban Bushit, Hamdi Salihit apo Erion Bogdanit.
Me 11 gola në vetëm 32 ndeshje, mesatarja e tij është vërtet shumë e mirë, ndërsa përfaqësuesja mund të mbështetet gjithnjë tek Balaj, Cikalleshi e të tjerë.
Me Roshin dhe Grezdën, tashmë Shqipëria ka lojtarët e krahut, që ndihmojnë sulmin të shënojë.
Trajneri italian bëri këtë përmbledhje për atë që pa ndaj Turqisë, por edhe për atë që u bë më herët.
“Mendoj se jemi në rrugën e duhur, në atë rrugë që patëm në pjesën e parë, duke sulmuar dhe duke luajtur futboll të mirë. Kemi ende dy mundësi deri përpara fillimit të Europianit, në mars, dhe në maj-qershor. Natyrisht, kemi ende shumë punë për të bërë, por kemi cilësi të mirë, ndaj edhe jam i bindur që mund të bëjmë një punë të mirë. Kemi lojtarë që dinë të luajnë një kundër një, dhe këta lojtarë mua më pëlqejnë shumë sepse mund të ndryshojnë një ndeshje”.
Nuk mungoi as edhe thjesht një analizë e 90 minutëshit ndaj turqve.
“Mendoj se bëmë një pjesë të parë mjaft të mirë. Gjëja kryesore ishte që patëm mundësi të punonim bashkë disa ditë dhe kjo dha rezultat. Për këtë arsye, jam me shumë besim në të ardhmen. Vuajtëm shumë kur mbetëm me 10 lojtarë, sidomos në krahë. Ndryshova modulin në 5-3-1, dhe ia dolëm që ta kishim ndeshjen në dorë. Filmi i ndeshjes është ky, që jam shumë i lumtur dhe duhet të vazhdojmë të punojmë kështu”.
Panuçi ishte në provë për veten, por edhe në provë për presidentin e Federatës, Armand Duka, si njeriu që e përzgjodhi./abcnews.al
Duka ka këtë mendim për trajnerin, në një intervistë të dhënë për “eduasportin”.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono