Europa League

Conte-Zanetti.jpg
Igli Nikolli17:20 | 16/12/2019

Inter ishte pranë kualifikimit në 16 skuadrat më të mirë në Champions League, por nuk përfitoi nga një Barcelonë e përgjysmuar dhe pa objektiva duke e humbur ndeshjen decizive. Vendi i tretë i dërgoi zikaltrit në Europa League dhe kundërshtari i radhës është Ludugorets. Zëvendës presidenti i klubit italian, Javier Zanetti analizon përballjen me ekipin bullgar dhe konfirmon objektivin e Interit për t’i shkuar deri në fund këtij kompeticioni.

Në kompeticonet europiane nuk ka ndeshje të lehta dhe duhet të përgatisim sa më mirë çdo ndeshje. Vetëm kështu do të evitojmë surprizat e hidhura. Duam të jemi protagonistë, na vjen keq për eliminimin nga Champions, por fusha tregoi se nuk ishim gati. Tani le të përqendrohemi te ky kompeticion që është po kaq i rëndësishëm.

Fitimi i Europa League është objektivi ynë. Historia jonë flet vetë, kemi qenë gjithmonë protagonistë në Champions dhe Europa League. Duhet të besojmë të triumfi dhe të punojmë shumë për ta arritur këtë objektiv.

Conte? Po e shoh nga afër kulturën e tij te punës dhe pasionin që arrin të transmetojë në ekip. Kjo është shumë e rëndësishme për një klub që lufton për objektiva të mëdha. Antonio është shumë i përgatitur, inteligjent dhe ka një personalitet të fortë. Interi është në rrugën e duhur me Conten në pankinë“, përfundon legjenda e klubit zikaltër. /abcnews.al

europa-l-short.jpg
Vladimir Prenga13:20 | 16/12/2019

Shorti i Europa League është hedhur në Nyon të Zvicrës dhe faza e 1/32-ve pritet të jetë mjaft interesante, duke parë emrat e klubeve që janë kualifikuar në këtë fazë të këtij kompeticioni. Anglezët e Wolves do të përballen me Espanyol, kurse Sporting Lisbone me turqit e Istanbul Basaksehir. Getafe gjithashtu e kaloi fazën e grupeve dhe tani gjen si kundërshtar Ajax.

Bayer Leverkusen ndeshet me Porto, një takim mjaft interesant. Danezët e Copenhagen sfidojnë Celtic, kurse qipriotët e APOEL kundër Baselit të Taulant Xhakës dhe Edon Zhegrovës. Cluj gjithashtu ka bërë mirë në grupe, por tani ka një sfidë të vështirë me spanjollët e Sevilla, specialistë të këtij kompeticioni.

Olympiacos do të sfidojë anglezët e Arsenal, kurse AZ Alkmaar ka përballë austriakët e LASK, që befasuan në fazën e grupeve. Club Brugge, që nuk mundi të kualifikohej në Champions, gjen Manchester United. Bullgarët e Ludogorets kanë një mision të pamundur, pasi Interi është kundërshtari i tyre. Interesant edhe takimi Salzburg-Frankfurt, sikurse Shaktar-Benfica. Roma ka rival belg, skuadrën e Gent. Rangers-Braga dhe Wolfsburg-Malmo janë dy takimet e tjera.

RREGULLAT – Ndeshjet e fazës së 1/32-ve, në Europa League, do të zhvillohen më 20 dhe 27 shkurt. Sa i takon rregullores, as në këtë kompeticion nuk lejohej që në këtë fazë të përballen ekipe të të njëjtit kampionat mes tyre, apo ato klube që garuan në fazën e grupeve këtë sezon.

EKIPET E KUALIFIKUARA NË EUROPA LEAGUE
VAZO 1:
Ajax, Arsenal, Basel, Benfica, Braga, Celtic, Espanyol, Gent, Internazionale Milano, İstanbul Başakşehir, LASK, Malmö, Manchester United, Porto, Salzburg, Sevilla

VAZO 2: APOEL, AZ Alkmaar, Bayer Leverkusen, CFR Cluj, Club Brugge, Copenhagen, Eintracht Frankfurt, Getafe, Ludogorets, Olympiacos, Rangers, Roma, Shakhtar Donetsk, Sporting CP, Wolfsburg, Wolves /abcnews.al

europa-league.jpg
Igli Nikolli16:51 | 13/12/2019

Robert Lewandovsky u shpall lojtari më i mirë i fazës së grupeve në Champions League. Sulmuesi i Bayern Munchen shënoi 10 gola në gjashtë ndeshjet e zhvilluara dhe dhuroi paraqitje fantastike me ekipin bavarez, që i fitoi të gjitha ndeshjet e grupit.

Edhe Europa League ka shpallur më të mirin dhe ai është një portugez. Bruno Fernandes është fituesi i këtij çmimi. Mesfushori ndihmoi Sportingun e Lisbonës të kualifikohet me 5 golat e shënuar (Vetëm Morales i Rangers me gola shënoi më shumë) dhe 3 asistet e dhuruara për shokët e skuadrës.

Pesë lojtarët më të mirë të fasës së grupeve në Europa League

Me notën 8.4 janë vlerësuar performancat e Fernandes, i cili lë pas krahëve Munir El Haddadin e Sevilla dhe talentin Saka të Arsenalit. Alfredo Morelos i Rangers dhe Gernout Trauner i LASK Linz plotësojnë pesëshen e parë. /abcnews.al

United.jpg
Veronik Istrefaj23:25 | 12/12/2019

Sot është mbyllur dhe faza e grupeve të UEFA Europa League, ku rezultatet surprizë dhe eliminimet e turpshme nuk kanë munguar. 24 skuadra vazhduan rrugëtimin e tyre në UEFA Europa League nga faza e grupeve, ndërsa 8 ekipe kanë zbritur nga UEFA Champions League.

Më poshtë, janë dhe 32 skuadrat që do të vazhdojnë rrugëtimin e tyre në Europa League: Ajax, APOEL, Arsenal, AZ Aalkmar, Basel, Club Brugge, Benfica, Cluj, Braga, Copenhagen, Celtic, Frankfurt, Espanyol, Getafe, Gent, Leverkusen, Inter, Ludogorets, Instanbul, Olympiacos, Lask LINZ, Rangers, Malmo, Roma, Man Utd, Shakhtar, Porto, Sporting, RB Salzburg, Wolfsburg, Sevilla, Wolves.

Ekipet e kualifikuara

Ndeshjet e orës 21:00, nuk është se vendosën shumë sa i takon kualifikimit, por vetëm për të përcaktuar disa “koka” grupi. Manchester United e mbylli grupin e saj në vend të parë, pasi shkatërroi 4-0 ekipin e AZ Alkmaar, që po ashtu u kualifikua. Roma u mjaftua me një barazim 2-2 ndaj Wolfsberger, pa shpenzuar shumë energji. Porto mposhti 3-2 Feynoord, një sfidë spetakolare, ndërsa Wolverhampton nuk e vuri për asnjë moment në diskutim sfidën ndaj Besiktas, duke triumfuar pastër 4-0./abcnews.al

Rezultatet e plota
Roma.jpg
Igli Nikolli21:38 | 12/12/2019

Roma është një barazim larg kualifikimit, por ka vendosur t’i mbyllë llogaritë që në pjesën e parë. Verdhekuqtë presin në shtëpi Ëolfsberger dhe në “Olimpico” kanë shpërthyer golat. 2-1 po kryesojnë italianët, teksa të tre golat janë shënuar brenda 12 minutave.

Perotti zhbllokoi shifrat me anë të një penalltie në minutën e shtatë, por Florenzi dërgoi gabimisht në portën e tij një top tre minuta më pas. Ekipi i Fonsecas u hodh sërish në sulm dhe u rikthye në avantazh me anë të Edin Dzeko, i cili konkretizoi një aksion shumë të bukur të Romës.

Spektakël dhe gola edhe në Portugali. Porto përballet me Feyenoord dhe vendasit kryesojnë 3-2. Portugezët shënuan dy gola të shpejtë, ekipi nga Roterdami reagoi në të njëjtën mënyrë, teksa katër golat u shënuan brenda 8 minutave! Braziliani Soares ka shënuar golin e tretë për Porton, që ka nevojë për një barazim për të kaluar më tej, ndërsa fitorja është alternativa e vetme për Feyenoord. /abcnews.al

Saka.jpg
Igli Nikolli20:51 | 12/12/2019

Cluj, Getafe, Copenhagen, Eintracht Frankfurt dhe Arsenal, janë skuadrat që arritën të kualifikohen më tej në Europa League mbrëmjen e sotme. Lazio shpresonte te një fitore e Celtic përballë Cluj, por humbi ndeshjen e vet kundër Rennes 2-0 dhe më tej kaloi ekipi rumun, që ia doli gjithsesi të mposhtë kampionët e Skocisë.

Europa League: Rezultatet e ndeshjeve të luajtura në orën 18:55

Arsenali nuk duhet të humbiste më shumë se 4-0 përballë Standard Liege dhe ashtu ndodhi. Belgët e dërguan rezultatin në 2-0, por “Topçinjtë” nuk i kapi paniku dhe shënuan dy gola të shpejtë me anë të Lacazette dhe 18-vjeçarit të talentuar, Bukayo Saka, i cili shënoi golin e dytë në Europë.

Renditja dhe skuadrat e kualifikuara në grupet A dhe B
Renditja dhe skuadrat e kualifikuar në grupet C dhe D
Renditja dhe skuadrat e kualifikuara në grupet E dhe F

Dy golat e anglezëve kualifikuan edhe Eintracht Frankfurt, që u mposht në shtëpi nga Guimaraes. Fat pati edhe Copenhagen. Danezët dolën pa pikë nga derbi nordik kundër Malmo, por Lugano befasoi në Ukrainë duke barazuar përballë Dinamos së Kievit, që mbeti në shtëpi.

Getafe kishte nevojë për një barazim në shtëpi përballë Krasnodar. Spanjollët nuk treguan mëshirë, triumfuan 3-0 dhe siguruan kualifikimin për më tej. /abcnews.al

Eintracht.png
Igli Nikolli23:00 | 28/11/2019

Sportingu i Lisbonës, APOEL dhe Lask Linz janë tre skuadrat e radhës që kualifikohen më tej në Europa League. Portugezët shkatërruan në shtëpi 4-0 PSV, teksa dy skuadrat e tjera siguruan avancimin më tej falë fitoreve në transfertë.

Lazio arriti të mposhtë Cluj në “Olimpico” falë golit të Correas, por kualifikimi varet nga Celtic, që duhet të triumfojë në ndeshjen e fundit në Rumani. Sukses të madh arriti edhe Eintracht Frankfurt përballë Arsenalit. Gjermanët përmbysën disavantazhin e pjesës së parë dhe janë një hap larg kualifikimit.

Ndeshja më spektakolare ishte ajo e zhvilluar në Suedi, aty ku Malmo vendase fitoi 4-3 përballë ukrainasve të Dinamos së Kievit. /abcnews.al

Arsenal – Eintracht Frankfurt 1-2
Celtic – Rennes 3-1
Dudelange – APOEL 0-2
Guimaraes – Standard Liege 1-2
Lazio – Cluj 1-0
Lugano – Copenhagen 0-1
Malmo – Dynamo Kiev 4-3
Rosenborg – Lask Linza 1-2
Sevilla – Qarabag 2-0
Sporting Lisbona – PSV 4-0

Europa-League.png
Igli Nikolli20:53 | 28/11/2019

Janë mbyllur ndeshjet e orës 18:55 në Europa League. Plot pesë skuadra kanë arritur të kualifikohen më tej në ndeshjen e pesta të fazës së grupeve. AZ Alkmaar, Espanyol, Gent, Wolfsburg dhe Wolves ia dolën të siguronin matematikisht avancimin për në raundin tjetër me rezultatet e arritura.

Fitore të rëndësishme arritën Roma dhe M’Gladbach në transfertë, respektivisht kundër Basaksehir dhe Wolfsberger. Të dy këto skuadra e kanë në dorë fatin e tyre për t’u kualifikuar dhe u mjafton një barazim në ndeshjen e fundit që i luajnë në shtëpi.

Tre pikësh i rëndësishëm edhe për Porton, që triumfoi 1-2 në Zvicër përballë Young Boys, teksa Rangers dhe Ludugorets siguruan nga një barazim të çmuar në transfertë kundër Feyenoord dhe CSKA Moscow. /abcnews.al

AZ Alkmaar – Partizan 2-2
Basaksehir – Roma 0-3
Besiktas – Slovan Bratislava 2-1
Braga – Wolves 3-3
CSKA Moscoë – Ludugorets 1-1
Ferencvaros – Espanyol 2-2
Feyenoord – Rangers 2-2
Oleksandriya – Wolfsburg 0-1
St Ettiene – Gent 0-0
Wolfsberger – M’Gladbach 0-1
Young Boys – Porto 1-2

Astana-Kazakistan.png
Igli Nikolli18:46 | 28/11/2019

Janë mbyllur tre ndeshjet e parë të ditës së sotme në Europa League. Manchester United kishte siguruar më parë kualifikimin, por ka pësuar humbjen e parë në grupin L dhe tani rrezikon të humbasë vendin e parë. Ekipi i Ole Gunnar Solskjaer nuk ia doli të ruante avantazhin përballë Astanës dhe doli pa pikë nga transferta kazake.

Jese Lingard gjeti golin e parë sezonal në minutën e dhjetë, por vendasit përmbysën gjithçka në pjesën e dytë. Goli i Shomko dhe autogoli i 19-vjeçari Bernard i dhuruan tre pikët e para Astanës.


Getafe dhe Krasnodar arritën të fitonin ndeshjet e tyre në grupin C dhe do të diskutojnë kualifikimin në duelin e fundit që zhvillohet në Spanjë. Ekipi iberik triumfoi në Turqi përballë Trabzonsporit vendas. Një gol i Jaime Mata në fillimin e pjesës së dytë i dhuroi tre pikë të rëndësishme Getafes.

Sukses edhe për Krasnodar, që mposhti Baselin në Rusi me golin e Ari nga pika e penalltisë. Basel është kualifikuar, teksa Getafes i mjafton një barazim në shtëpi në ndeshjen e fundit përballë rusëve të Krasnodar për të avancuar më tej. /abcnews.al

Astana – Manchester United 2-1
(Shomko 55′, Bernard 62′ / Lingard 10′)

Krasnodar – Basel 1-0
(Ari (pen) 72′)

Trabzonspor – Getafe 0-1
(Mata 50′)

United-Astana.png
Igli Nikolli18:10 | 28/11/2019

Astana ka arritur të përmbysë ndeshjen kundër Manchester United. Ekipi anglez kishte kaluar në avantazh në pjesën e parë me anë të Lingard, teksa kazakët kanë shënuar dy gola brenda 7 minutave.

Dmitri Shomko përfitoi nga një përgjumje e mbrojtjes dhe portierit anglez në minutën e 55-të, goditi saktë dhe dërgoi topin në rrjetë. Festë në stadium dhe vendasit morën zemër.

Shtatë minuta më vonë erdhi edhe goli i avantazhit. Më saktë një autogol pasi Di’Shon Bernard dërgoi topin në portën e tij. Astana kreu një kundërsulm të shpejtë dhe mbrojtësi 19-vjeçari ishte i pafat në devijimin e tij. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono