eurodeputet

pe-1280x685.jpg
ent ela23:13 | 01/04/2019

Shqipëria ka mbetur jashtë fokusit të Parlamentit Europian. Eurodeputetët që duhet të raportonin për misionin në vendin tonë kanë munguar në seancën e Komisionit të Punëve të Jashtme. Në këto kushte vëmendja është spostuar tek Maqedonia, për të cilën ligjvënësit kanë thënë se i duhet dhënë një datë për hapjen e negociatave.

Shqipëria mbetet jashtë fokusit të diskutimit në Parlamentitn Europian. Raporti mbi misionin e delegacionit të Parlamentit Europian në Shqipëri, i parashikuar në axhendën e komisionit të punëve të jashtme të Parlamentit nuk është prezantuar. Arsyeja kryesore ishte, se kryesuesi i delegacionit, Tune Kellam nuk ishte prezent në sallë. Ndërkohë, në sallë nuk kishte asnjë eurodeputet që kishte marrë pjesë në misionin në Shqipëri për të raportuar mbi konkluzionet dhe mesazhet e këtij misioni. Në pamundësi të raportimit mbi misionin në Shqipëri, kryetari i komisionit të punëve të jashtme, David Mc Aallister i ka dhënë fjalën eurodeputetit Eduard Kukan që të raportojë për misionin në Maqedoni.

David Mc Aallister, eurodeputet: Vizita ndodhi në mes të një krize politike në Shqipëri, kur opozita hoqi dorë nga mandatet parlamentare dhe organizoi protesta masive, të cilat më tej u bënë të dhunshme. Në Maqedoni, vizita u krye në vijim tê marrëveshjes së Prespës dhe para zhvillimit të fushatës presidenciale. Dua të falenderoj ambasadorët Samuel Sbogar dhe Luigi Soreca. Kisha parashikuar t’i jepja fjalën zotit Tun Kellam për të raportuar për misionin, por ai nuk është prezent në sallë. A ka ndonjë koleg tjetër në sallë që do të marrë fjalën? Eduard Kukan”.

Eduard Kukan, eurodeputet: “Ne ishim të inkurajaur nga takimet tona, kryesisht me liderin e opozitës, Mickoski, pasi ai po takohet me kryeministrin Zaev dhe kjo është një provë që dialogu politik në nivel të lartë po vazhdon. Opozita ka pranuar të marrë pjesë në punimet e parlamenrtit të Maqedonisë. Ata kanë ndërtuar dy grupe pune për pjesëmarrjen e plotë të opozitës në punime. Edhe pse opozita ka rezervat e saj për marrëveshjen e Prespës, të dyja palët po përqëndrohen tashmë te zgjedhjet presidenciale. Të gjithë janë dakort që zgjedhjet duhet të jenë të lira, të ndershme dhe transparente, në mënyrë që progresi i  mirë i bërë nga vendi të forcohet”.

Eduard Kukan është shprehur se Maqedonia e Veriut meriton mbështetjen për dhënien e një date lidhur me hapjen e negociatave të anëtarësimit të vendit në BE. /abcnews.al

KRONIKE-ERISA-PE-HIDROCENTRALET.mpg_snapshot_00.47-1280x720.jpg
ent ela18:04 | 08/03/2019

Në një intervistë për ABC News eurodeputeti Thomas Waitz ka kritikuar ashpër qeveritë e Ballkanit, por edhe Bankat Europiane që mbështesin ndërtimin e hidrocentraleve, me pasoja shkatërruese për natyrën dhe biodiversitetin.

Mbrojtja e Vjosës dhe e Valbonës  ishin në qendër të konferencës së organizuar në Parlamentin Europian me titull “Të mbrohen lumenjtë e Ballkanit”. Kritika të ashpra u janë drejtuar qeverive të Ballkanit dhe bankave europiane që mbështesin ndërtimin e hidrocentraleve, që sjellin vdekjen e lumenjve të fundit të egër në Europë dhe shkaktojnë dëme shumë të mëdha për biodiversitetin, ekologjinë dhe popullsinê lokale. Sipas eurodeputetit të gjelbër, Thomas Waitz, Shqipëria dhe vendet e tjera të Ballkanit në një periudhë afatgjatë do të kishin përfitime shumë më të mëdha nga turizmi natyror dhe i komuniteteve lokale sesa përfitimet që sjellin hidrocentralet që synohen ndërtohen në këto zona.

Thomas Waitz, eurodeputet: “Si ka mundësi që qeveritë e Shqipërisë, Maqedonisë së Veriut, Kosovës, Bosnjës apo Serbisë janë tê gatshme që të shkatërrojnë trashëgiminë e tyre kombëtare natyrore ? Kjo vjen pêr shkak të korrupsionit. Cili nga ju e di se ç’pjesë e asaj që planifikohet për ndërtimin e hidrocentraleve shkon konkretisht aty? Eshtë pikërisht kjo industria konkrete që lobon jo vetëm përmes fjalëve, por edhe përmes çeqeve dhe shet shumë më tepër zyrtarisht sesa përdoret konkretisht. Dhe ja si vijnë të ardhurat dhe ja si paguhen politikanët”.

Masterplani ekologjik i prezantuar nga Cornelia Wieser i organizatës “River Watch” dhe Theresa Schiller  i “EcoNatur”, evidenton se edhe me ndërtimin e hidrocentraleve të planifikuara, nuk përmbushen nevojat për energji të popullatës në Ballkan. Sipas studimeve, energjia e erës dhe diellore mund të përmbushin objektivat për energji të rinovueshme, duke zëvendësuar atë të hidrocentralave Ndërkohë, eurodeputeti austriak Ëaitz ka fshikulluar edhe bankat europiane për mbështetjen e disa  projekteve të hidrocentraleve.

Thomas Waitz, eurodeputet:Pjesë e këtyre zhvillimeve janë edhe bankat europiane dhe investimet europiane.Eshtë banka europiane e zhvillimit dhe ajo e ndërtimit dhe rikonstruksionit që japin hua për këto projekte. Bzuar në këtë, banka të tjera, si banka botërore u bashkohen këtyre projekteve. Dhe duhet t’i bëjmë pyetjen vetes: Çfarë bën BE-ja për këtë ? Ne flasim kaq shumë për mbrojtjen e mjedisit dhe shpenzojmë me miliarda për këtë dhe pastaj u japim hua projekteve për të shkatërruar atë që duam të ruajmë, vetëm sepse këto vende nuk janë ende anëtare të BE-së.”

Sasia e peshqve të ujit të pastër të lumenjve të Ballkanit përbëjnë 28% të peshqve të rrezikuar Europës, dhe moluskët përbëjnë 40% të moluskëve të rrezikuar të Europës. Pjesëmarrësit janë njohur me karakterin unik të Vjosës dhe Valbonës, si edhe aksioneve që janë bërë për të mbrojtur lumenjtë e Ballkanit përmes dokumentarëve të Elton Baxhakut dhe Artan Ramës.Konferanca u organizuar nga grupimit i të majtës së bashkuar europiane dhe të majtës së gjelbër nordike GUE/NGL të Parlamentit Europian. Morën pjesë gazetarë investigativë nga Shqipëria dhe rajoni, si edhe aktivistë të komuniteteteve lokale për mbrojtjen e lumenjve./abcnews.al

spaho.jpg
G. P.17:33 | 28/02/2019

Edmond Spaho nuk priste që eurodeputetët e delegacionit të PE-së të rreshtoheshin krah demokracisë. Sipas nënkryetarit të PD-së, ata janë të panjohur me realitetin në Shqipëri. Në studion e ABC News përballë gazetares Juli Xhokaxhi, ai theksoi se në këtë fazë të zhvillimeve politike presioni është hedhur gjithmonë mbi opozitën.

“Personalisht nuk kam pasur asnjë pritshmëri që do rreshtoheshin në krah demokracisë. Nuk po them në krah të opozitës, por po them në krah të demokracicsë . Së pari nuk kanë ardhur për këtë qëllim, por për të parë “progresin” që ka bërë vendi për hapjen e negociatave në Qershor të 2019-s. Dhe së dyti janë të panjohur me realitetin në Shqipëri. Nuk është e mundur ta njohësh në një apo dy ditë. Në këtë fazë të zhvillimeve politike në Shqipëri gjithmonë presioni është hedhur mbi opozitën për hir të stabilitetit. Sakrifikohet demokraia për hir të gjoja stabilitetit se duke shkatërruar demokracinë shkohet drejt destabilitetit. Këto vendet e këtij rajoni dhe veçanërisht Shqipëria e ka treguar qartazi se sa herë përqendrohesh në stabilitet rrënohet demokracia dhe shkohet drejt  destabilitetit”, tha Spaho.

Për sa i përket deklaratës së eurodeputetit Kalem se zgjedhjet e 2017-s janë të ligjshme, Spaho vendosi të mos i komentonte ato pasi sipas tij faktet janë të qarta që zgjedhjet janë vjedhur.

“Nuk dua të komentoj pozicionin e tyre sa kohë që faktet janë të qarta që zgjedhjet janë vjedhur. Këtë nuk e thotë opozita shqiptare, këtë e thotë shërbimi sekret gjermane. Kemi dosjen 339. Ka dy vjet që kjo dosje fle, e cila ka 400 disqe me përgjime. Është i përfshirë kryetari i Bashkisë së Durrësit, është i përfshirë, ish-ministri i Infrastrukturës, kryetari i Bashkisë së Elbasanit”, tha Spaho./abcnews.al

DELEGACIONI-1280x705.jpg
ent ela15:23 | 28/02/2019

 Delegacioni i deputetëve të Parlamentit Europian u shfaq i unifikuar në qëndrimin se largimi i opozitës nga Kuvendi nuk zgjidh problematikat në vend. Pas takimeve me aktorët politikë në mazhorancë e opozitë, nuk munguan gjatë konferencës për shtyp shigjetimet e forta për opozitën, por edhe thirrjet për dialog, për të mos ndikuar vendimin e BE për hapjen e negociatave.

 Në përfundim të vizitës zyrtare dy ditore në Tiranë delegacioni i Parlamentit Europian i kryesuar nga Tunne Kelam, në konferencën për media të parashikuar në agjendë, zbardhi qëndrimin mbi situatën politike në vend.

Nuk habitën me deklaratat për pritshmërinë për zhvillim të jetës politike brenda institucioneve të vendit.

Kelam: “Bojkoti nga përfaqësuesit e zgjedhur, cenon besueshmërinë e shtetit”.

Preda: “Ftoj Kryeministrin të diskutojë me opozitën, do ishte sukses nëse ndodh përpara Qershorit”.

Fleckenstein: “Asgjë nuk ka ndryshuar nga dy vjet më parë, është çështje parimore. Edhe sikur opozita të ketë tërësisht të drejtë me akuzat e saj, bojkotimi i kuvendit nuk do të zgjidhë problemin në vend”.

Edhe pse bie dakord me opozitën se është demokracia funksionale dhe jo parlamenti funksional kriteri politik përcaktues, kryedelegati i Parlamentit Europian, Kelam denoncimet mediatike nga brenda dhe jashtë kufijve për vjedhjen e votës në zgjedhjet e fundit parlamentare i quan raste të izoluara.

Kelam: “Parlamenti është zgjedhur në rrugë të ligjshme, ju keni një qeveri legjitime. Rastet e izoluara të blerjes së votës nuk kanë ndikim në panoramën e përgjithshme, përveçse kur vendos gjykata”.

Por edhe një vit pasi Gjykata Kushtetuese de facto nuk ekziston dhe ajo e lartë është kthyer në depo dosjesh të lëna pezull, eurodeputetët nuk preferojnë termin krizë.

Fleckenstein: “Termi krizë kushtetuese është i përdorur jo në vendin e duhur. Reforma në gjyqësor është e ndryshme”.

Ajo që ra në sy ishte shprehja përmes emocioneve. Mes zhgënjimit dhe mërzisë delegacioni dha një pikturë të qartë të asaj që besojnë se po kalon Shqipëria.

Preda: “Zgjedhjet në 2017 shkuan mirë, s’di çdo të thotë që nuk vajtën mirë. Ne ishim vëzhgues, nuk mund të themi aps një viti që nuk vajtën mirë,  është çudi ta dëgjoj tani dhe më mërzit”.

Fleçkenstein: Asgjë nuk ka ndryshuar. Ndryshimi i vetëm është që sot nuk marrin rrogën deputetët që bojkotojnë. U zhgënjeva nga Kryemadhi”.

Kelam: “I bëjmë thirrje partive politike dhe shoqërisë civile të ushtrojnë trysni dhe presion në mënyrë që ata të bashkohen me njëri tjetrin sepse nuk mund të gjesh pretendim për të vonuar objektivin kombëtar për shkak të ndasive partiak”.  

Rojtarët e stabilitetit, pa përgjegjësi, propozimin e opozitës për një qeveri teknike që do të organizojë zgjedhje të lira dhe të ndershme e shohin se shkon përkundër rrugës evropiane të vendit.

 Kelam: “Përqendrimi tek qeveria kalimtare do të hiqte përqendrimin nga integrimi”.

Pasi vlerësuan se protestat e thirrura nga opozita nuk duhet të zëvendësojnë debatin parlamentar dhe aq më pak të jenë të dhunshme, erdhi artikulimi i një thuajse-kërcënimi.

Fleckenstein: “Nëse deri në Qershor ne shohim pamje dhune nga rrugët e Tiranës, kjo në vetvete do të ketë pasoja për diskutimet që do të organizohen për takimin e Këshillit”.

Në fund, një shkak për destabilitet njëri prej tyre e identifikoi edhe tek lëvizjet e qeverisë.

Preda: “Ju keni patur protestat e studentëve, masive dhe është e papranueshme tu bëhet presion, i bëj thirrje autoriteteve, janë hequr njerëz nga puna, kjo shkakton destabilitet”.

Për eurodeputetët progresi i bërë nga Shqipëria sa i përket reformës në drejtësi dhe vettingut edhe pse duhet të tregojë rezultate të prekshme në vijim, është ajo që i duhet këshillit për marrjen e një vendimi pozitiv në qershor, sa i përket hapjes apo jot ë negociatave mes BE-së dhe Shqipërisë./abcnews.al

FLECKENSTEIN-INTERVISTE-ERISA-1280x720.jpg
ent ela15:30 | 02/12/2018

Në një prononcim për ABC News, raportuesi për Shqipërinë në Parlamentin Europian, Knut Fleckenstein shprehet se nuk ka dyshim që Vettingu do të vijojë dhe postet vakante do të mbushen. Sipas tij, duhet durim, pasi problemet nuk mund të zgjidhen të gjitha njëkohësisht. Për Fleckenstein, nëse BE-ja nuk hap negociatat e anëtarësimit vitin e ardhshëm, kjo nuk do të ketë vetëm pasoja negative për rajonin, por edhe humbje të kredibilitetit të institucioneve europiane.

Pika 11 e rezolutës për Shqipërinë i referohet ngërçit në sistemin e drejtësisë. Gjykata Kushtetuese dhe Gjykata e lartë s’janë funksionale. Prokurori i përkohshëm po luan rolin e prokurorit të përgjithshëm. Çfarë garancish keni marrë nga takimet që keni pasur këto ditë me përfaqësues të qeverisë dhe opozitës, që këto institucione do ngrihen para qershorit 2019?

Knut Fleckenstein, Eurodeputet: “Nuk kam dyshim, se procesi i Vettingut do të vazhdojë dhe se postet vakante do të mbushen. E kuptoj që është një situatë e vështirë, por kjo mund të ndodhë në një fazë të tillë tranzitore. Problemet nuk mund të zgjidhen të gjitha njëkohësisht. Duhet pak durim për këtë. Nga ana tjetër është absolutisht e nevojshme, që gjykatat dhe prokuroritë të funksionojnë dhe që këto poste vakante të mbushen”.

Cili është për ju mesazhi kyç i raportit për Shqipërinë?

Knut Fleckenstein, eurodeputet: “Mesazhi kyç për Shqipërinë është: Vazhdoni kështu, por ka gjithashtu disa pika, ku ne do të donim të shihnim më shumë rezultate. Por ishte një mesazh drejtuar gjithashtu Këshillit të ministrave, që ne i mbahemi vendimit tonë dhe mbështesim Komisionin Europian për hapjen e negociatave dhe kërkojmë që ato të hapen vitin e ardhshëm. Nëse kjo nuk ndodh, nuk do ketë rrjedhoja negative vetëm për rajonin, por edhe për institucionet europiane. Nëse ato nuk janë të besueshme, atëherë harroji ato”. /abcnews.al

INTERVISTA-FLECKESTEIN-ERISA-ABC-M-4-T-2-HD.mpg_snapshot_00.37-1280x720.jpg
G. P.16:55 | 10/10/2018

Në një intervistë eskluzive për ABC News, raportuesi Knut Fleckenstein thotë se pavarësisht progresit në zbatimin e reformës së drejtësi dhe procesit të Vettingut, BE-ja dhe qeveria shqiptare e dinë shumë mirë, se ka ende një nivel të lartë të krimit të organizuar. Sipas tij Shqipëria duhet të bashkojë forcat me shtete anëtare si Gjermania, Franca dhe Hollanda për të luftuar fenomenin së bashku.

Pyetje: Komisioni i punëve të jashtme të Parlamentit Europian votoi me 44 vota pro, 5 kundër dhe 5 abstenim raportin tuaj. Cili është mesazhi kryesor që përçon raporti juaj ?

Knut Fleckestein, eurodeputet: “Në fakt, nuk ka diçka thelbësisht të re. Së pari, ne e kemi bërë të ditur tashmë që ne mbështesim rekomandimin e Komisionit Europian për hapjen e negociatave të anëtarësimit të Shqipërisë në BE. Së dyti, ne i bëjmë thirrje Këshillit të ministrave që t’i përmbahet fjalës së dhënë dhe së treti ne shohim një përmirësim të qartë të zbatimit të reformës në drejtësi dhe të procesit të Vettingut. Por, mbetet ende shumë punë për të bërë, prandaj nuk shoh diçka të re. Ajo që do të veçoja është fokusimi në disa çështje të tjera që janë thelbësore për qytetarët siç është çështja e pronave dhe rezultate më të mira në luftën kundër korrupsionit dhe krimit të organizuar. Pra, puna duhet të vijojë, por drejtimi është ai i duhuri.”

Pyetje: Raportuesi në hije, Eduard Kukan u shpreh se problematika e korrupsionit dhe krimit të organizuar po dëmtojnë progresin e vendit në integrimin europian. Jeni dakort me këtë?

Knut Fleckestein, eurodeputet: “Po, jam dakort pasi çështja e krimit të organizuar është arsyeja për të cilën disa shtete anëtare janë skeptike përsa i përket asaj nëse duhet të hedhin një hap më tej me Shqipërinë në integrimin europian. Nga ana tjetër, duhet parë se për çfarë bëhet fjalë kur flasim për krimin e organizuar shqiptar, për të evidentuar me kujdes nëse është krim i organizuar që vjen nga Shqipëria, apo nga shqiptarët në shtetet e tjera ku ata jetojnë. Megjithatë ne e dijmë të gjithë dhe qeveria e di shumë mirë, se ka ende një nivel të lartë të krimit të organizuar. Jam i sigurtë që ministria e brendshme e di se si mund ta trajtojë çështjen me interlokutorët dhe miqtë e tyre europianë në Gjermani, Francë, Hollandë në mënyrë që të bashkohen forcat për të luftuar fenomenin së bashku. Kjo është qasja e duhur dhe të shohim nëse do kemi rezultate të mira lidhur me këtë jo vetëm përsa i përket çështjeve të zyrtarëve të thjeshtë, por edhe për dosje të zyrtarëve të larta. Nuk kam dyshim që kjo do ndodhë”.

Pyetje: Eurodeputetët e grupimeve të tjera politike ju përgëzuan që keni integruar në raportin tuaj edhe problemet ekonomike dhe shoqërore këtë rradhë. Cila është e reja në këtë drejtim ?

Knut Fleckestein, eurodeputet: “Deri tani ne nuk jemi fokusuar sa duhet në aspektin social dhe ekonomik, por vetëm në atë të stabilitetit dhe të reformës në drejtësi dhe shtetit ligjor. Por tani duhet të fokusohemi te punësimi i qytetarëve dhe duhet të inkurajojmë qeverinë që të ndërrmarrin hapat e duhura për këtë politikë. Qytetarët shqiptarë duhet të shohin që rruga e integrimit në Bashkimin Europian, edhe pse e ngadaltë, do të përmirësojë jetën e tyre sociale dhe ekonomike. Dhe politika sociale është një nga pikat më të rëndësishme në këtë kuadër”.

Pyetje: Cili kriter, sipas jush, do bëjë diferencën për hapjen e negociatave të anëtarësimit në qershor 2019? Progresi në pesë prioritetet kyçe apo vetëm zbatimi i reformës dhe ç’mendoni për ngërçet aktuale të mosfunksionimit të Gjykatës së Lartë dhe Kushtetuese për të cilat qeveria shqiptare konsideron se do zgjidhen deri atëherë ?

 Knut Fleckestein, eurodeputet: “Shpresojmë që të kenë të drejtë, sepse nëse këto organe nuk funksionojnë, të gjitha objektivat e tjera do të jenë shumë më të vështira për t’u arritur. Unë do thoja sërish që diferencën do ta bëjë së pari zbatimi i reformës në drejtësi. pasi nëse ky sistem nuk funksionon normalisht, atëherë është e pamundur të arrihet sukses në luftën kundër korrupsionit dhe krimit të organizuar. Pra, ky është një kriter shumë i rëndësishëm, por nuk bëhet fjalë për përzgjedhje midis kritereve, pasi nuk do gjykojnë vetëm ministrat e drejtësisë për përparimin e Shqipërisë, por edhe ata të punëve të brendshme e të tjerë, megjithatë jam i sigurtë që mund të vijojmë gjithashtu lidhur edhe me çështjet ekonomike dhe sociale”./abcnews.al

VAJGL-INTERVISTA-ERISA.mpg_snapshot_00.03-1280x720.jpg
ent ela14:51 | 08/05/2018

Në një intervistë eskluzive për ABC News, Ivo Vajgl, raportues për Maqedoninë në Parlamentin Europian shprehet se në samitin e Sofies nuk priten bisedime për data apo afate, brenda të cilave disa nga vendet e Ballkanit mund të shpresojnë të bëhen anëtare të Bashkimit Europian. Por samiti duhet të përçojë një mesazh të qartë drejtuar skeptikëve për proçesin e zgjerimit, që rajoni i Ballkanit është një vlerë e madhe e shtuar e Bashkimit Europian. Sipas Vajgl, edhe nëse çështja e emrit të Maqedonisë nuk zgjidhet, atëherë Bashkimi Europian duhet të fillojë negociatatat e anëtarësimit me Maqedoninë.

Cila është pritshmëria juaj nga samiti i Sofjes si raportues për Maqedoninë? Përveç qëndrimit politik, do ketë projekte të rëndësishme?

Ivo Vajgl, eurodeputet: “Pres konfirmimin, që vendet kandidate të hyjnë në Bashkimin Europian në një të ardhme të parashikueshme. Nuk pres bisedime për data apo afate, brenda të cilave disa nga vendet e Ballkanit mund të shpresojnë të bëhen anëtare të Bashkimit Europian. Por pres të ketë një mbështetje unanime për zgjerimin. Një mesazh të qartë edhe drejtuar politikanëve skeptikëve dhe skeptikëve për proçesin e zgjerimit, që rajoni i Ballkanit është një vlerë e madhe e shtuar e Bashkimit Europian. Lidhur me projektet konkrete, mendoj, se së paku duhet t’i përmbahemi projekteve për të cilat është folur në vitet e shkuara në kuadrin e instrumentit IPA apo programe të tjera. Duhet që të lidhim këtë pjesë të Europës me vendet e Bashkimit Europian dhe kjo do të thotë investime në infastrukturë, trasport, energji”.

Komisioni Europian rekomandoi hapjen e negociatave të anëtarësimit me Shqipërinë dhe Maqedoninë. Presidenti i Këshillit Europian, Donald Tusk gjatë vizitës së tij në Ballkan tha, se progresi i bërë nga të dyja vendet është i maftueshëm për hapjen e negociatave. A mund të themi që jemi në prag të këtij vendimi, apo i frikësoheni shteteve anëtare që mund të bllokojnë proçesin?

Ivo Vajgl, eurodeputet: “Shpresoj të mos ketë akte solo të shteteve anëtare individuale që ndjekin interesat e tyre. Eshtë një çështje kaq e rëndësishme gjeostrategjikle, që Bashkimi Europian duhet të tregojë bashkim dhe jo ndasi”.

Ne dimë aktualisht që shtetet anëtare skeptike për çeljen e negociatave të anëtarësimit me Shqipërinë janë Gjermania, Holanda, Franca. Ndërkohë që për Maqedoninë mbetet kryesisht Greqia, apo ka vende të tjera skeptike?

Ivo Vajgl, eurodeputet: “Mund të jetë e vërtetë, por nuk dua të supozoj tani. Nëse i referohem çështjes së pazgjidhur midis Greqisë dhe Maqedonisë, ka një ndërvarësi lidhur me emrin e Maqedonisë. Une mendoj, se edhe nëse çështja e emrit nuk zgjidhet, atëherë Bashkimi Europian duhet të fillojë negociatatat e anëtarësimit me Maqedoninë. Negociatat mund dhe duhet të çelen. Ky ka qenë vazhdimisht qëndrimi i Parlamentit Europian. Mendoj, se Këshilli Europian duhet të marrë në konsideratë edhe qëndrimin e Parlamentit Europian”.

Çfarë duhet të bëjë Shqipëria dhe Maqedonia për të bindur vendet skeptike?

Ivo Vajgl, raportues për Maqedoninë në Parlamentin Europian: “Së pari, të dyja vendet duhet të provojnë që kanë një klasë politke mbështetëse për ambiciet e tyre europiane. Kjo do të thotë gjithashtu një bashkëpunim konstruktiv në Parlament midis mazhorancës dhe opozitës. Shpresoj,që ky mesazh të kuptohet nga politikanët, sepse nëse ky oportunitet që ofrohet për të hedhur hapat vendimtare tani nuk shfrytëzohet, kam frikë se e gjithë perspektiva europiane e  këtyre vendeve mund të rrezikohet”. /abcnews.al

Gazetare e ABC News: Erisa Zyka


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono