Euro

policia-1.jpg
ent ela14:44 | 02/04/2019

Policia e Tiranës ka vënë në pranga një shtetas arab, i cili në bashkëpunim me disa shqiptarë, u premtonte të huajve me kombësi egjiptiane pasaporta në këmbim të një shume prej 20 mijë eurosh. Aktivitetin e paligjshëm, Talal Ahmad abu Mayba, 41-vjeç, i lindur në Emiratet e Bashkuara Arabe, e kryente duke u kamufluar si investitor.

Sipas Policisë së Tiranës, nuk është vërtetuar deri tani që të jenë falsifikuar pasaporta apo leje qëndrimi për shkak të rregullave dhe dokumenteve strikte që kërkoheshin nga zyra e kufirit dhe migracionit në vendin tonë.

Në kuadër të operacionit “Përshpejtimi” u proceduan në gjendje të lirë edhe dy shqiptarë, si edhe u sekuestruan kompjutera dhe dokumente të ndryshme që i përkisnin personave të huaj./abcnews.al

euro.jpg
G. P.14:41 | 20/01/2019

Vazhdon forcimi i Euros në tregun e këmbimit valutor edhe pse me ritme të kujdesshme. Fundjava është mbyllur me forcim të Euros në treg, e një dobësim të lehtë të Dollarit amerikan.

Sipas Bankës së Shqipërisë, monedha e përbashkët është shkëmbyer me 123.99 Lekë, me një rritje të lehtë prej 0.11%. Ndërsa Dollari amerikan, sipas të njëjtit burim ka pësuar një ulje të lehtë me 0.01%, duke u këmbyer me 108.71 lekë.

Me rritje është mbyllur java për Paundin britanik, ndërsa e kundërta ka ndodhur me Frangën zvicerane./abcnews.al

 

droga1-kQMH-U46070681782755kQ-1022x775@CorriereBologna-Web-Bologna.jpg
G. P.18:55 | 17/01/2019

Një operacion i madh i policisë në Novafeltria të Italisë, ka bërë të mundur ndalimin e 10 personave, 3 prej të cilëve janë shqiptarë. Ata akuzohen për tregtimin të kokainës dhe marijuanës, raportojnë mediat italiane. Hetimet ndaj grupit kishin filluar në Dhjetor të viti 2017, por mëngjesin e sotëm në saj të operacionit “Sevilja 2017”, policia arriti të godasë bandën.

Bazë e bandës kishte qenë një berberhane në qytetin Novafeltria. Shumë persona janë parë të hyjnë në berberhane. Aty ata nuk prisnin flokët apo të merrnin ndonjë shërbim tjetër, por mbushnin xhepat me lëndë narkotike. Zonat që banda furnizonte me drogë ishin: Romagna, Cesenatico,  San Mauro Pascoli, Forli, Cesena dhe Gambettola.

Kishin qenë banorët e qytetit që kishin dhënë dëshmi të shumta në polici se grupi nuk kishte bazë vetëm berberhaben, por edhe një pikë lojërash fati, një pikë ku shitej mish si dhe një restorant të njohur. Në të gjitha këto pika bëhej i mundur tregtimi i lëndës narkotike. Pronarët e këtyre bizneseve kanë përfunduar në pranga dhe ata janë njerëz shumë të njohur në qytet. Nga pamjet filmike të sekuestruara shikohet një kliente duke blejnë lëndë narkotike ndërsa mban një fëmijë në krah.

Gjithashtu nga të dhënat thuhet se janë bërë 1,500 shitje, ku kokaina është shitur me 90 euro grami. Nga aktiviteti i paligjshëm thuhet se u gjenerua një fitim prej 500 mijë eurosh. Roli i shqiptarëve në këtë biznes të paligjshëm ishte furnizimi i pikave me lëndë narkotike. Policia bën të ditur se dy prej shqiptarëve janë arrestuar në Rimini dhe një i trëtë në San Mauro Pascoli. Gjatë hetimeve, u kryen një sërë kërkimesh që çuan në sekuestrimin e pasurive të shumta, duke përfshirë makina, orë Rolex dhe pasuri të patundshme.

Deri më tani mediat italiane kanë publikuar vetëm emrat e pronarëve të bizneseve ku shitej lënda narkotike. Ndaj tyre dhe tre shqiptarëve është dhënë masa e sigurisë “arrest me burg”.

Pronarët e bizneseve janë:  Giorgio Angeli, 63 vjeç, pronari i berberhanes, Danilo Pavani, 47-vjeç, pronar i restorantit, Francesco Giannini, 48-vjeç, pronari i dyqanit të mishit dhe Fabio Squadrani, 39-vjeç, pronari i pikës së lojërave të fatit. Ndërsa emrat e shqiptarëve dhe 3 italianëve të tjerë të lënë në “arrest shtëpia” nuk janë bërë të ditur për mediat./abcnews.al

para.jpg
G. P.16:04 | 03/01/2019

Euro ka fituar pikë ndaj Lekut në nisje të këtij viti. Sipas Bankës së Shqipërisë një Euro këmbehet me 123.4 lekë.

Viti i ri ka nisur mbarë për monedhën e përbashkët europiane. Euro ka fituar pikë lehtë ndaj lekut duke u këmbyer sipas Bankës së Shqipërisë me 123.4 lekë. Një rritje prej 0.01 lekësh krahasuar me ditën e fundit të vitit 2018 dhe 0.74 lekë krahasuar me periudhën e Krishtlidjes kohë kur monedha e përbashkët europiane zbriti në 122.69 lekë, niveli më i ulët që nga Gushti i vitit 2008.

Ekonomistët argumentojnë se ky është një efekt sezonal që kryesisht lidhet me prurjet valutore nga emigrantët. Vitin që lamë pas monedha e përbashkët europiane shënoi luhatje të mëdha aq sa detyroi Bankën Qendrore të ndërhyjë në treg me synimin për të tërhequr valutën e tepërt pasi sipas saj rënia e Euros po i cënonte objektivin kryesor, ruajtjen e stabilitetit të çmimeve.

Sipas ekonmistëve kjo erdhi nga dy faktorë thelbesorë; konvertimi i kapitalit të bankave dhe paratë informale, arsye këto që ekspertët nuk mund të parashikojnë ecurinë e monedhës eurpiane edhe përgjatë vitit 2019./abcnews.al

DSC_0062-Copy-2-1280x854.jpg
G. P.19:25 | 24/12/2018

Viti që po lemë pas ka patur një nga shifrat rekord të blerjes së monedhës Euro nga ana e Bankës së Shqipërisë në tregun e brendshëm. Edhe pse Euro vijon të blerë banka nuk po ndërhyn, por guvernatori deklaroi në një konferencë për shtyp se është gati nëse ka sërish mbiçmim të lekut. ai tha se këtë vit janë blerë në treg 400 milionë Euro.

Banka e Shqipërisë ka blerë në tregun e brendshëm gjatë vitit 2018 400 milionë euro, ku më shumë se gjysma e kësaj shume është përdorur për të ndërhyrë në kursin e këmbimit valutor. Në fund të mbledhjes së Këshillit Mbikqyrës, guvernatori i Bankës së Shqipërisë, Gent Sejko, tha se nëse do të lindë nevoja, banka qendrore do të vazhdojë të ndërhyrjë në kursin e këmbimit.

“Në rast se ne do të shohim çrregullime në përputhje me ligjin dhe rregulloren e Bankës së Shqipërisë dhe në rast se ne do të shohim se kursi i këmbimit do të ndikojë nivelin e inflacionit do të vazhdojmë programin e ndërhyrjeve”, tha Sejko.

Por kreu i bankës qendrore sqaroi se për momentin lëvizjet në tregun e këmbimit valutor me mbiçmimin e monedhës kombëtare po ndikohen nga shkaqe natyrale sezonale dhe nuk përbëjnë rrezik për inflacionin. Ai nuk dëshiroi të japë një vlerë të Euros që mund të bëjë rrezik për tagrin e inflacionit të vendosur nga banka.

“Kemi një nivel më të ulët mbi çmimin e kursit të këmbimit dhe unë nuk do doja ta përmendja këtë shifër si nivel pasi do të bëhej një element psikologjik për të ndikuar në spekulime në tregun e këmbimit, por sigurisht që jemi në një nivel më të ulët se sa niveli i mëparshëm”,  tha Sejko.

Banka qendrore do të nisë ndërhyrjen me politikën e saj monetare për rritjen e normës së interesit jo më parë se në 3-mujorin e dytë të 2019-s. për vitin që po mbyllet guvernatori tha se ka patur mjaft sfida, dhe se lehëtsimi i normës bazë të interesit të lekut ka dhënë efekte pozitive në lehtësimin dhe rritjen e kredisë si dhe në uljen e kostos së borxhit publik./abcnews.al

euro.jpg
ent ela13:56 | 23/12/2018

Nuk ka të ndalur rënia e euros pavarësisht festave të fundvitit, që shoqërohen me ardhje të emigrantëve. Monedha europiane e mbylli fundjavën në kuotën 122.95 lekë, duke shënuar rënien e radhës, përkundër dollarit që pati një përforcim të lehtë.

Kjo rënie e monedhës europiane ka qenë e pandalshme që nga data 27 nëntor e këtij viti, madje në krahasim me fillimin e vitit, euro ka humbur plot 11 lekë. Kjo konsiderohet si rënia më e fortë vjetore e euros që prej vitit 2004. Ndryshe nga EURO që feston 20 vjetorin, si monedhë unike e BE, e mbetet relativisht e fortë në bursa, dollari amerikan duket se ka pësur një rritje të vogël. Monedha e gjelbër gjatë fundjavës u këmbye me 107.56 lekë. Në muajin dhjetor gjithnjë janë të pranishme efektet sezonale, me rritje të ofertës së euros, që këtë vit sipas ekspertëve po shoqërohet në kahun e kundërt, me më pak qarkullim të lekut për shkak të konsumit të dobët. Periudha e festave të fundvitit sjell dhe më tepër në qarkullim euro, me dërgesat apo ardhjen e emigrantëve, çka i dëmton dhe më shumë xhepat e tyre për shkak të pikiatës së monedhës europiane. Sipas ekspertëve ende nuk dihet se kur monedha europiane do të gjeje stabilitet në tregun financiar, por ajo çfarë shihet është se rruga në pikiatë do të vazhdojë. /abcnews.al

MBULIM-RENIA-EEUROS-SOT.mpg_snapshot_00.03-1280x802.jpg
G. P.14:56 | 20/12/2018

Monedha euro vijoi edhe gjatë ditës së enjte pikiatën në tregun e këmbimit valutor duke rënë nën vlerën e 123 lekëve. Sipas kursit zyrtar të Bankës së Shqipërisë gjatë së enjtes 1 euro është këmbyer me 122.98 lekë me një rënie prej 0.1 lekë në raport me një ditë më parë. Kjo rënie e monedhës europiane ka qenë e pandalshme që nga data 27 nëntor e këtij viti.

Në krahasim me fillimin e vitit, euro ka humbur 11 lekë, me një nënçmim prej 8.2%. Kjo konsiderohet si rënia më e fortë vjetore e euros që prej vitit 2004. Rënia e euros, në një kohë që në bursa është relativisht e fortë, po tërheq edhe dollarin. Monedha e gjelbër u këmbye me 107.93 lekë, duke rënë me 0.25 lekë. Jo vetëm dollari, por të gjitha monedhat e tjera kanë shënuar rënie ndaj lekut, sipas kursit zyrtar të Bankës së Shqipërisë.

Në muajin dhjetor gjithnjë janë të pranishme efektet sezonale, me rritje të ofertës së euros, që këtë vit sipas ekspertëve po shoqërohet në kahun e kundërt me më pak qarkullim të lekut për shkak të konsumit të dobët dhe një stepjeje që është krijuar nga protestat e vazhdueshme gjatë javëve të fundit./abcnews.al

be-1.jpg
G. P.16:35 | 06/12/2018

Komisioni Europian ka miratuar më 5 Dhjetor Programin Vjetor të Masave 2018, përmes të cilave BE-ja i jep 94 milionë euro Shqipërisë, për ta mbështetur në procesin e integrimit europian.

Ky program fokusohet në çështjet thelbësore të procesit të negociimit për antarësim, si shteti ligjor, zhvillimi ekonomik, lufta kundër korrupsionit dhe sigurisht vijimi i mbështetjes së reformës në drejtësi. Mbrojtja e mjedisit, dhe veçanërisht trajtimi i ujërave të zeza, është prioritet i asistencës së BE-së.

Këto fonde do të përdoren edhe për shfrytëzuar potencialin e madh të turizmit në Shqipëri me qëllim rritjen ekonomike si dhe ruajtjen e trashëgimise kulturore në vend./abcnews.al

euro-1.jpg
G. P.10:54 | 28/11/2018

Një 37 vjeçar nga Kavaja është arrestuar në Tiranë me mbi 20 mijë euro që dyshohet se ishin të falsifikuara. ABC Neës ka mësuar se kartëmonedhat false prodhoheshin në Kosovë, ndërsa më pas shpërndaheshin kryesisht në Tiranë dhe Shkodër.

Ky është Genci Xhahysa personit që iu sekuestruan nga policia e Tiranës 20 mijë e 500 euro mesditën e së martës.

37-vjeçari mbahej në vëzhgim prej disa kohësh, pasi në komisariate të ndryshme të kyreqytetit shumë qyetetarë kishin denoncuar mashtrime me kartmonedha në prerje 500 euro.

Uniformat blu njoftuan se edhe emrin e operacionit e koduan “500”,  për shkak të prejes më të madhe të Euros, ndësa Xhahysa akuzohet për veprën penale “Falsifikim i monedhave” dhe “Riprodhimi pa të drejtë i veprës së tjetrit”.

Grupi hetimor ka dyshime se paratë e falsifikuara janë prodhuar në Kosovë. Eurot e paligjshme sipas policisë së Tiranës kishin cilësi të lartë dhe idendifikimi i tyre ishte i vështirë për subjektet e vogla tregtare dhe për qytetarët e thjeshte. Burime nga policia e shtetit pohojnë për ABC Neës se përveç kryeqytetit, një sasi akoma më madhe e parave të falsifikuara kryesisht në prerje 50 dhe 100 euro janë hedhur edhe në qytetin e Shkodrës. Edhe më herët në Tiranë janë sekuestruar kartemonedha të falsifikuara, ndërsa janë mashtruar qytetarë dhe tregtarë të vegjël.

/abcnews.al

euro.jpg
G. P.11:37 | 11/11/2018

Duket se telashet nuk kanë fund për monedhën europiane euro e cila vijoi sërish të zhvlerësohej gjatë fundjavës përballë monedhës sonë vendase lek. Ndryshe ndodh me dollarin amerikan i cili ka pësuar një rritje në krahasim me disa javë më parë.


Monedha europiane euro duket se nuk po gjen stabilitet as gjatë kësaj fundjave, duke pësuar sërish rënie me 0.28% në krahasim me monedhën tonë vendase. Sipas të dhënave zyrtare nga Banka e Shqipërisë, java u mbyll me një tjetër ulje të Euros. 1 euro është këmbyer me 124.65 lek. Por përkundër rënies së monedhës europiane, po ndodh forcimi i dollarit amerikan. Monedha amerikane ka fituar terren në krahasim me disa javë më pare, me një rritje prej 0.60%. Kështu 1 dollar amerikan është këmbyer me 109.97 lek.

Nuk dihet se edhe për sa kohë do të vazhdojë pikiata e euros, por ekspertët parashikojnë se monedha europiane do të vazhdojë të jetë e brishtë përballë lekut dhe monedhave të tjera, për sa kohë tregu valutor do ketë në qarkullim euro me tepricë, ndërsa prejardhja e një sasie të saj mbetet jashtë kontrollit.
Nuk dihet nëse Banka e Shqipërisë do bëjë një ndërhyrje të ngjashme me atë fundqershorit të këtij viti, për të stabilizuar euron që kishte arritur në vlerën më të ulët 124.17 lekë. Kjo rënie e re e fillim nëntorit në 124.65 lekë është pranë të njëjtës pikë kritike të 4 muajve më parë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono