Euro

demnaj-1280x722.jpg
Sej rie14:00 | 11/08/2019

Qeveria e ka përqendruar aksionin kundër informalitetit ne sektorin e akcizës, ku fokusin kryesor e kanë marrë karburantet.

Mos deklarimi i 233 mijë litrave benzine ne depozitat e Porto Romanos, i kushtoi  një gjobë të majme një kompanie hidrokarburesh.

Një prej subjekteve më të mëdha në fushën e karburanteve është gjobitur me 350 mijë euro për shkak të mos deklarimit të saktë te sasisë që iu gjet në depozitat e Porto Romanos në Durrës.

Masa administrative ndaj këtij subjekti  u vendos në prani të ministres së Financave, Anila Denaj dhe drejtorit të përgjithshëm të doganave, Arlind Gjokuta.

Aksioni kundër informalitetit, i nisur muajin e fundit nga qeveria, ka për qëllim edhe zbulimin e masës në të cilën është abuzuar nga subjekte të caktuara me detyrimet që kanë ndaj buxhetit të shtetit.

Përpara se inspektorët tatimorë të trokasin në dyert e bizneseve, ministrja Denaj kishte një apel të fundit.

Ministrja e Financave paralajmëroi se në ditët e ardhshme do të ketë kontrolle edhe në të gjithë subjektet që bëjnë pjesë në sektorin e akcizës ku përfshihen cigaret, pijet alkoolike dhe kafeja./ABC News Albania 24/7

stadiumi-Zeqir-Ymeri-1280x724.jpg
nev ila18:50 | 05/08/2019

Kanë nisur punimet për rikonstruksionin e stadiumit të Kukësit. Kapaciteti i impiantit të ri arrin 8 mijë vende dhe kap vlerën e 4 mln eurove ndërkohë që punimet do të përfundojnë pas 15 muajve.

Këtë të hënë  kanë nisur punimet për rikonstruksionin  e stadiumit të Kukësit, “Zeqir Ymeri”. Impianti ka një kapacitet prej 8 mijë vendesh dhe kostoja e ndërtimit kap vlerën e 4 mln eurove. Punimet do të përfundojnë pas 15 muajve ndërkohë që skuadra do ti luajë ndeshjet në një tjetër stadium.

Kryetari i bashkisë së Kukësit Safet Gjici i cili njëkohësisht është edhe presidenti i skuadrës  tha se stadiumi përmbush standartet e kërkuara nga UEFA për zhvillimin e ndeshjeve në turet evropiane.

Projekti financohet nga qeveria shqiptare dhe federate shqiptare e futbollit./ABC News Albania 24/7

euro-1280x719.jpg
Sej rie16:15 | 05/08/2019

Monedha e përbashkët evropiane i është afruar nivelit më të ulët historik ndër vite. Këtë të hënë një euro sipas Bankës së Shqipërisë u këmbye me 120. 75 lekë. Monedha evropiane u nënçmua me 0.59 pike krahasuar me një ditë më parë. Situata sipas ekonomisteve është sezonale dhe i atribuohet prurjeve të valutës nga emigrantët, por dhe nga turistët që po vizitojnë Shqipërinë. Niveli më i ulët i monedhës evropiane në vendin tonë është regjistruar gjashtë muajt e parë të vitit 2008 kur një euro u këmbye me 120. 4 lekë./ABC News Albania 24/7

profimedia-0232331913-1280x757.jpg
nev ila14:09 | 18/07/2019

Turi i Francës është një sukses i madh sportiv, por edhe promovim i turizmit. Gara më e vjetër e çiklizmit në botë tërheq çdo vit miliona njerëz.

Ky qytet përfitoi shumë në fare pak ditë.

Brukseli, kryeqyteti i Belgjikës, besohet se ka futur në xhep rreth 60 milionë euro vetëm sepse organizoi nisjen e Turit të Francës, pra etapën e parë të tij.

Rreth 1 milionë turistë vizituan qytetin historik, me hotelet, transportin dhe shitoret e gjithçkaje, që patën të ardhura të mëdha.

“Le Grande Bukle”, gara e madhe franceze, është më e lavdishmja e çiklizmit në të gjithë botën, një sukses sportiv, por edhe financiar.

Rreth 15 milionë spektatorë e ndjekin Turin në rrugët e Francës çdo vit, ndërsa mbi 20 milionë të tjerë e shohin nga televizori.

Kjo do të thotë turizëm i pastër, dhe reklamë e fuqishme e vendeve më të bukura, historike, gjeografike apo artistike të shtetit të famshëm të Europës Perëndimore.

Kështjella, sheshe e rrugë të veçanta, masive pyjorë, fshatra turistikë, liqene e lumenj, filmohen me helikopterë apo dronë dhe promovohen në gjithë rruzullin.

Vetë Parisi ka 50 milionë turistë në vit, për shumë arsye, ndërsa Francës i shtohen miliona sa herë vjen korriku, thjesht nga çiklizmi.

Në Angli, numri i turistëve u rrit me 12 për qind, dhe shpenzimet totale të tyre arritën në 465 milionë paundë stërlina, në vetëm pak ditë që ndoqën etapat që kaluan në ishull, pak vjet më parë.

Kompanitë e ndryshme japin nga 200 000 deri në 500 000 euro për të qenë pjesë e karvanit çdo vit, ndërsa xhiroja vjetore e Turit arrin në 150 milionë euro, me fitimet që janë mbi 30 milionë euro.

Vetë çiklistët, protagonistët kryesorë të, nuk është se kanë fitime kaq të mëdha.

Fituesi merr 500 000 euro, shumë herë më pak sesa një yll i futbollit apo sesa emrat e mëdhenj të tenisit, basketbollit apo futbollit amerikan.

Që nga vendi i 20-të e më pas, çdo çiklist merr vetëm nga 1 000 euro, diçka qesharake./ABC News Albania 24/7

df176004-331c-4f04-ad89-e7a093919cf8.jpg
nev ila19:30 | 25/06/2019

Në zbatim të detyrave të përcaktuara në planin e masave për forcimin e kontrollit me qëllim parandalimin, evidentimin dhe goditjen e paligjshmërisë, rreth orës 16:00 është evidentuar dhe goditur një tjetër rast i transfertave të parave në mënyrë të paligjshme jashtë vendit.

Gjatë kontrollit në vijën e dytë të shtetasit H.LL, 55 vjeç, i cili do të udhëtonte për jashtë vendit, shërbimet e Policisë Kufitare i gjetën këtij shtetasi të fshehura në trup 23.250 euro të padeklaruara në doganën e Rinasit, të cilat u sekuestruan në cilësinë e provës materiale.

Në përfundim të veprimeve, materialet do ti kalojnë për veprime të mëtejshme Prokurorisë për veprën penale “Mosdeklarimi në kufi i të hollave dhe i sendeve me vlerë./abcnews.al

inter-1280x700.jpg
Sej rie17:00 | 15/06/2019

Drejtuesit e skuadre së Interit janë të gatshëm të plotësojnë kërkesat e trajnerit Antonio Konte. Zikaltërit pritet të shpenzojnë mbi 100 mln euro për tre futbollistë.

Drejtuesit e skuadre së Interit janë duke punuar maksimalisht për t’i rezervuar teknikun Antonio Konte një skuadër të denjë për të rivalizuar në të gjitha kompeticionet. Zikaltrit do të nisin fazën përgatitore në Lugano dhe Konte kërkon të paktën tre blerje deri në atë periudhe. Sulmuesi i Romës Edin Xheko ka qenë një kërkesë e hershme e trajnerit Konte dhe palët janë duke vijuar negociatat prej kohesh. Zikaltërit kanë gjetur akordin me lojtarin boshnjak por tashmë ka mbetur për t’u bindur Roma që kërkon rreth 25 mln euro ndërkohe që Inter është ndalur ne 15 mln. Gjithsesi kalimi Xhekos në San Siro është çështje kohe për sa kohë ka pranuar ofertën e zikaltërve.

Strategu i zikaltërve nuk e dëshiron Ikardin në skuadër dhe për të formuar dyshen e sulmit me Xhekon kërkon një tjetër shtatlarte. Romelu Lukakun e Manchester United. Djajtë e kuq nuk heqin dorë nga kërkesa prej 90 mln euro ndërkohe që Inter e ka gati strategjinë për të mbërritur te ylli belg. Me parat e siguruara nga shitja e Ikardit do të përdoreshin për të financuar operacionin e Lukakut. Zikaltërit nuk janë të gatshëm të paguajnë 90 mln por 20 mln me pak.  Manchester United mund të pranonte 70 mln euro për një lojtar që nuk ka bindur në dy vite në Old Trafford.

Nicola Barela është një tjetër objektiv i Interit. Zikaltërit ofrojnë 35 mln euro plus 5 mln bonuse për talentin e Kaljarit por këta të fundit kanë rritur pretendimet dhe kërkojnë jo më pak se 50 mln, kjo edhe për shkak të paraqitjeve të futbollistit me kombëtaren italiane në kualifikueset e euro 2020./ABC News Albania 24/7

reali-1280x805.jpg
Sej rie16:20 | 13/06/2019

Reali i Madridit ka shpenzuar afërsisht 400 milionë euro për të blerë lojtarë për sezonin e ardhshëm. Klubi i presidentit Florentino Perez, pritet të afrojë edhe yje të tjerë.

Të jemi korrektë deri në fund, këto para nuk do të paguhen të gjitha tani.

Gjithsesi, kur mëson shifrën e 383 milionë eurove të shpenzuara nga Reali i Madridit deri tani në mes të qershorit, padyshim që mbetesh i çmeritur.

Kaq ka nxjerrë nga llogaritë bankare presidenti Florentino Perez, ndërsa fjala është që kërkon edhe nja dy emra të mëdhenj.

Flitet për Pogbanë, dhe njërin prej superyjeve të Paris SG, Mbape apo Nejmar.

Gjithsesi, për çfarë janë shpenzuar gati 400 milionë euro nga madrilenët?

“Blerja” e fundit në “supermarketin” e futbollit është ajo e mbrojtësit të krahut, Ferlan Mendi.

Futbollisti 24-vjeçar i Lionit dhe i kombëtares së Francës kushton 53 milionë euro, nga të cilat 48 milionë jepen tani, dhe 5 milionë si shpërblime të ndryshme më vonë.

Një ditë më parë, Perezi prezantoi sulmuesin Luka Joviç, që kaloi vizitën mjekësore, me kartonin që kushton në total rreth 67 milionë euro.

Nuk mund të harrohet “bomba” e verës, afrimi i Eden Hazarit nga Çelsi për një shumë që, në kompleks, arrin në 170 milionë euro (sipas mediave britanike), nga të cilat 100 milionë jepen tani, dhe të tjerat më vonë.

Reali ka kënaqur Zidanin edhe me afrimin e sulmuesit Rodrigo nga Santosi për 45 milionë euro, dhe të qendërmbrojtësit Eder Militao nga Porto për 48 milionë./ABC News Albania 24/7

Untitled-1-1.jpg
G. P.15:38 | 01/05/2019

Alfred dhe Elvis Vladi, dy personat e dyshuar si porositësit e makinave “Toyota Yaris”, ku rreth 1 vit më parë u kapën 3.4 milionë euro rezultojnë të pastër penalisht në Belgjikë dhe Gjermani. ABC News ka siguruar përgjigjet e letërporosive e të ardhura nga këto dy vende pas kërkesave të drejtuara nga prokuroria shqiptare për informacion.

Prokuroria e Krimeve të Rënda ka në dorë informacionet e ardhura nga autoritetet belge dhe gjermane për dy kushërinjtë Elvis dhe Alfred Vladi, të dyshuar për aferën e 3.4 milionë eurove që u gjetën në makinat “Toyota Yaris” e sekuestruara rreth një vit më parë në portin e Durrësit.

Nga përgjigjet e kthyera nga drejtësitë e dy shteteve europiane rezulton se Elvis dhe Alfred Vladi janë të pastër dhe pa precedentë të mëparshëm penalë në këto dy shtete.

Burime për ABC News theksojnë se në letërporosinë e kthyer nga autoritetet belge është e zbardhur edhe dëshmia e shitësve të makinave që janë marrë në  pyetje për këtë ngjarje. Në deklarimet e tyre thuhet se ata kanë bërë një kontratë shitje të rregullt dhe se nuk disponojnë asnjë informacion në lidhje me paratë e gjetura brenda makinave.

Po ashtu, organi i akuzës shqiptare, nëpërmjet letërporosive i ka kërkuar informacion autoriteteve britanike në lidhje më këta dy persona.

Nga verifikimi i dokumentacionit rezulton se “Toyota Yaris”, ku ndodheshin paratë ishte porositur nga Alban Mollaymeri, që është i arrestuar. Mollaymeri, në deklarimet para grupit të hetimit, ka pohuar se ka një servis privat me makina dhe se “Toyotat” i ka porositur nëpërmjet të njohurit të tij, Alfred Vladit.

Nisur nga dëshmia e tij, prokuroria ka dyshime se “Toyota Yaris” është blerë nga Alfred Vladi dhe në rrethana ende të pazbardhura prej tyre, në dyert e makinës është fshehur edhe shuma e parave.

Për 3.4 milionë eurot që vinin në Shqipëri përmes portit të Durrësit janë arrestuar babë e bir Edi dhe Klevis Lika, Agim Caka, Alban Mollaymeri. Ndërsa kushërinjtë Alfred dhe Elvis Vladi janë të shpalllur në kërkim./ABC News Albania 24/7

euro-1016-1280x724.jpg
Sej rie16:12 | 22/04/2019

Federata Shqiptare e Futbollit humbi shansin për të fituar 1 milionë euro më shumë, në finalet e Kampionatit Evropian në Francë. Ishte trajneri De Biazi që vendosi veton ndaj kërkesës së sponsorëve

Suksesi ishte i plotë dhe fitimet të mëdha, por mund të ishin arritur edhe më shumë.

Federata Shqiptare e Futbollit kishte në dorë të arkëtonte një tjetër shumë të madhe parash në Euro 2016, të ofruara nga biznese të ndryshëm, nëse do të pranonte një ndryshim plani për qëndrimin në Francë.

Burime në Federatë bëjnë me dijë për Abc News-in se bëhet fjalë për 1 milionë euro, të cilat do të përfitoheshin nëse do të pranohej që baza e kombëtares të mos ishte në Peros Girek, por në kryeqytetin francez, Paris.

Shqipërisë iu ofrua një hotel dhe qendër stërvitore në zonën e Sent Denisit, ku sponsorët do të nxirrnin fitime të mëdha nga aktivitete me tifozët e shumtë shqiptarë në Paris.

Gjithsesi, trajneri Xhani De Biazi vendosi veton që kjo të mos realizohej.

Ai dëshironte që kombëtarja të përgatitej dhe të qëndronte në një zonë të qetë, siç ishte Peros Gireku, dhe jo në kryeqytet, ku mund të shpërqendrohej dhe të humbiste vëmendjen nga detyra e saj kryesore, paraqitja në fushën e lojës.

Kjo, sidomos sepse ishte hera e parë që Shqipëria kualifikohej për në fazën finale të një Evropiani.

Presidenti i Federatës, Duka, sipas burimeve në institucion, nuk u mendua gjatë, por pranoi vendimin e trajnerit, duke kuptuar arsyet e tij dhe duke mos dashur të krijonte konflikte.

Vetë Duka, dha këtë përgjigje, i pyetur nga Abc News.

Duka: “Ne nuk kemi shkuar në një nga resortet që kishte zgjedhur UEFA, por zgjodhëm vetë një resort athe sepse plotësonte disa kritere teknike që kërkonte trajneri dhe stafi i ekipit kombëtar. Në Francë kemi qenë vetëm më një objektiv për të pasur performancën maksimale dhe për t’i krijuar kushtet sa më të mira ekipit. Ishte një ëndërr e realizuar që nuk mund ta shpërdoronim”.

Vendimi i De Biazit doli i drejtë, pasi Kombëtarja luajti mjaft mirë në finalet e Euro 2016, duke arritur edhe fitoren e parë e duke shënuar golin parë historik./abcnews.al

klsh-1280x677.jpg
ent ela18:22 | 05/04/2019

Kontrolli i Lartë i Shtetit ka depozituar raportin vjetor në kuvend i cili pritet që të diskutohet me debate mes këtij institucioni dhe kuvendit. KLSH thotë se nuk bie dakord me mënyrën e raportimit të disa të dhënave me ministrinë e financave, duke pretenduar borxh dhe deficit më të lartë në buxhet. Në total vlera e parregullsive që janë gjetur gjatë auditimeve në vitin 2018-ë është 1.7 miliard euro.

Raporti vjetori i Kontrollit të Lartë të Shtetit pritet që të shkaktojë një përplasje mes këtij institucioni dhe parlamentit gjatë kohës që do të diskutohet në kuvend.

KLSH jo vetëm që pranon se ka një opinion të kundërt me Ministrinë e Financave dhe Ekonomisë për mënyrën e menaxhimit dhe raportimeve të financave publike, por ka zbuluar edhe një dëm ekonomik në vlerën 193 milion eurove si dhe shkelje të disiplinës financiare të cilat arrijnë 923 milion euro. Në total shkeljet e institucioneve shtetërore për vitin e shkuar arrijnë shkel 1.7 miliard euro.

Kjo shifër e parregullsive financiare dëmit ekonomik që administrata ka bërë me paratë e tatimpaguesve arrin në 13% të prodhimit kombëtar të vendit.

Në analizën e KLSH-së rezulton se shpërdorimi i parave publike me dëm ekonomik është rritur gjatë viteve të fundit në mënyrë eksponenciale.

Për një dekadë, nga viti 2002 deri në 2011-ën, dëmi ekonomik zë vlerën e 376 milion eurove, ndërsa për periudhën 2012-2018 është 5 fishuar, duke arritur në 1.8 miliard euro.

Kontrolli i Lartë i Shtetit evidenton se detyrimet e prapambetura vijojnë të mbeten problem në financat publike duke bërë që gjatë 2018-ës të jenë paguar fatura me vlerë 100 milion euro, të cilat duhet të ishin shlyer në 2017-n, çka ka bërë që të mos ketë rritje faktike të buxhetit nga viti në vit.

Për vitin 2017-ë deficiti buxhetor sipas llogaritjeve të KLSH-së duhet të ishte 3.54% e prodhimit të brendshëm bruto dhe jo 2% sa raportohet nga ministria e Financave, ndërsa borxhi do të luhatej mes nivelit 70-74% e prodhimit të brendshëm bruto, dhe jo rreth nivelit 65% sa e parashikon plani buxhetor afatmesëm i miratuar nga qeveria.

OLA XAMA


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono