Euro

MBULIM-KLEVI-LIKA.mpg_snapshot_00.54-1280x732.jpg
ent ela17:47 | 14/09/2018

Klevi Lika, një nga personat e arrestuar pas bllokimit të 3.4 milionë euro të mbërritura në dy “Toyota” në Portin e Durrësit në 23 qershor 2018, kërkon të lirohet nga qelia. Lika ka depozituar një kërkesë tek Krimet e Rënda ku kërkon zëvendësimin e masës së sigurisë “arrest në burg” me atë të “detyrimit për paraqitje”.

Sipas burimeve, i dyshuari ka kërkuar ndryshimin e masës për të pasur mundësi të ndjekë studimet. Lika dhe katër të bashkëarrestuarit me të Edi Lika, Arben Ceka dhe Alban Mollaymeri po hetohet në masën e sigurisë “arrest në burg” për akuzat e “pastrim të parave”, “armëmbajtje pa leje” dhe “falsifikim të monedhave” në formën e “grupit të strukturuar kriminal”./abcnews.al

auto-grabitja-rinas-0-620x3401481461911-c1200x600.jpg
G. P.19:09 | 31/08/2018

Policia Kufitare godet një tjetër rast të mosdeklarimit të shumave monetare në kufi. Procedohet penalisht poseduesi shtetasi A.D.

Në vijim të masave për parandalimin e paligjshmërisë, efektivat e Policisë Kuiftare Rinas kanë shtuar kontrollet në hyrje dhe në dalje me qëllim parandalimin, evidentimin dhe goditjen e rasteve të paligjshmërisë.

Shërbimet e Policisë Kufitare Rinas gjatë përpunimit të pasagjerëve të linjës ajrore me intinerar “Tiranë – Stamboll – Shangai- Kinë”, përzgjodhi për kontroll, pasi kishte kaluar zonën e kontrollit doganor shtetasin A.D., ku gjatë kontrollit ju gjetën dhe sekuestruan në cilësinë e provës materiale një sasi prej 84000 $ USD Amerikan dhe një sasi prej 3500 Euro, shumë të cilën ky shtetas nuk e kishte deklaruar në zyrën doganore në mënyrë vullnetare.

Në përfundim të veprimeve të para hetimore shtetasi A.D., 33 vjeç, banues në Tiranë është proceduar në gjëndje të lirë për veprën penale ”Mos deklarim në kufi i të hollave ose sendeve me vlerë”, parashikuar nga neni 179/a i Kodit Penal dhe materialet ju referuan Prokurorisë së Rrethit Gjyqësor Tiranë për veprime të mëtejshme./abcnews.al

RRITET-EURO-1280x720.jpg
ent ela15:23 | 31/08/2018

Monedha europiane ka shënuar nivelin më të lartë të këmbimit që nga 13 qershori i këtij viti. Një euro këtë të premte sipas Bankës së Shqipërisë është këmbyer me 126,27 lekë duke shënuar kështu një rritje të lehtë krahasuar me një ditë më parë. Kjo është dita e tetë që monedha europiane fiton pikë kundrejt lekut. Arsyeja kryesore sipas ekspertëve është largimi i emigrantëve. Ndërkohë leku ka humbur pikë edhe ndaj dollarit amerikan, i cili sipas Bankës së Shqipërisë u këmbye me 108.19 lekë. /abcnews.al

euro-1280x720.jpg
G. P.15:59 | 29/08/2018

Euro ka vijuar të rritet sërish në tregun vendas, duke arritur nivelin e 126.05 lekëve. Sipas ekspertëve të tregut, forcimi i euros lidhet edhe me largimin e emigrantëve.

Rritja e monedhës euro në tregun vendas ka prekur nivelin e 126.05 lekëve, për herë të parë që prej Qershorit të këtij viti. Sipas kursit zyrtar të këmbimit euro është rritur me 0.21 pikë krahasuar me një ditë më parë, duke shënuar kështu ditën e gjashtë radhazi që ka rikuperuar ndaj lekut.

Sipas ekspertëve të tregut, forcimi i euros lidhet edhe me largimin e emigrantëve.

Monedha e përbashkët nisi të zhvlerësohej më shpejtësi në tregun vendas derisa preku nivelin më të ulët në dhjetë vite, ku u këmbye përkundrejt lekut në datë 5 Qershor në nivelin e 124.1 lekëve.

Pas asaj datë, Banka e Shqipërisë ndryshe nga vitet e tjera u detyrua që të bëjë një ndërhyrje të jashtëzakonshme në tregun e këmbimit valutor, duke tërhequr tepricat në valutë për të mos lejuar rënien e mëtejshme të monedhës së përbashkët.

Pikë përkundrejt lekut ka fituar edhe dollari amerikan, i cili sipas kursit zyrtar të Bankës së Shqipërisë, një dollar është këmbyer në nivelin e 108.02 lekëve, apo rreth 0.4 pikë më shumë se një ditë më parë./abcnews.al

polizi.jpg
G. P.13:45 | 26/07/2018

Një 29-vjeçar italian në Torino ka shënuar një rekord të çuditshëm mesnatën e të mërkurës, brenda pak minutash ai ka marrë një total gjobash prej 6 mijë eurosh për një sërë shkeljesh të kodit rrugor.

Kaloi me drita automjeti të fikura para agjentëve të policisë rrugore në Torino në mesnatën e të mërkurës, hyri me semafor të kuq, pa rrip sigurie dhe duke folur në celular.

Pasi u ndalua nga patrulla e policisë pas një ndjekjeje të shkurtër, agjentët zbuluan se automjeti i tij nuk kishte as siguracion. Një rekord gjobash për një 29-vjeçar italian, i cili përveç se i duhet të paguajë një total gjobash prej 6 mijë eurosh, tashmë rrezikon të mbetet dhe pa patentë.

Kalimi i semaforit të kuq i kushton 200 euro, dritat e pandezura të automjetit 335 euro, biseda në celular 646 euro, por gjoba më e kripur ëshët ajo e siguracionit të automjetit: 3 170 euro./abcnews.al

toyota.jpg
G. P.15:31 | 25/07/2018

Gjykata e Apelit për Krimet e Rënda ka refuzuar kërkesën për liri të katër të arrestuarve pas bllokimit të 3.4 milionë eurove në dy mjete “Toyota” në Portin e Durrësit në 23 Qershor 2018.

Një treshe gjykuese e Apelit la të pandryshuar masën e sigurisë “arrest në burg” dhënë me herët nga Shkalla e Parë për të dyshuarit  Edi dhe Klevi liken, Arben Çeka dhe Alban Mollaymeri.

Ata akuzohen për “pastrim të parave”, “armëmbajtje pa leje” dhe  “falsifikim të monedhave” në formën e “grupit të strukturuar kriminal”. Për këtë çështje janë shpallur në kërkim kushërinjtë, Elvis dhe Alfred Vladi, të dyshuar si porositësit e mjeteve “Toyota Yaris” ku u gjetën eurot./abcnews.al

 

gomone-1280x960.jpg
G. P.13:07 | 24/07/2018

Policia e Vlorës ka sekuestruar dy gomone me vlerë totale prej 42 mijë eurosh.

Operacioni i autoriteteve u bë në vijim të punës për evidentimin e personave të dyshuar për pastrim të produkteve të veprës penale ose veprimtarisë kriminale.

Policia saktëson se një gomone është 7.4 metra e gjatë, me vlerë 12.000 euro në pronësi të një 32-vjeçari.

Ndërsa gomonia tjetër është 10 metra e gjatë me vlerën që i shkon në 30 mijë euro dhe që është në pronësi të një 50-vjeçari./abcnews.al

sekuestro.jpg
G. P.13:17 | 04/07/2018

Sekuestrohen 1.5 milionë euro nga një shoqëri që operonte në vendin tonë në fushen e tregtise nderkombetare. Paratë u gjendën në disa llogari bankare me të gjitha me vlerë 150 mijë euro, ndërsa u prangos edhe italiani Stefano Lorenzi.

Policia e Tiranës sekuestroi 1.5 milionë euro nga disa llogari bankare, të cilat dyshohen se kanë origjinën nga aktivitete kriminale. Në pranga të uniformave blu ra shtetasi Italin, Stefano Lorenzi. Ky i fundit kishte regjistruar një shoqërie në vendin tonë me aktivitet ndërkombëtar në fushën e tregtisë, ndërsa transfertat bankare kryheshin online.

Sipas prokurorisë, Lorenzi kishte përfituar për një periudhë të shkurtër kohore sasi të konsiderueshme në valutë euro, duke i trasferuar nga Hong Kong dhe Itali.

Nga hetimet e deri tanishme, Stefano Lorenzi operonte në fushën e ndërtimit dhe akzua kryesore është ajo e pastrimit të parave. Nuk është ende e përcaktuar sa kohë kishte kompanie e Lorenzit që kryente aktivitet në vendin tonë, pasi nuk figuron i regjistruar as në Qendën Kombëtare të Biznesit.

Prokuroria pohoi se hetimet ishin regjistruar në Shkurt të këtij viti, pasi një bankë e nivelit të dytë kishte krijuar dyshime për disa llogari bankare të gjitha me vlerën 150 mijë euro, të cilat ishin regjistruar në emër të shtetasit italian.

Më pas u vërtetua se, Stefano Lorenzi, i dënuar më herët në itali për të njëjtën vepër penale, kishte ngritur në vendin tonë një aktivitet për pastrimin e parave dhe aseteve kriminle. Ndërkohë Gjykata e Tiranës ka vendosur sekuestrimin e 1.5 milionë eurove deri në përfundim të hetimit./abcnews.al

taulant-ballaaaaaa.jpg
G. P.13:52 | 28/06/2018

Kreu i grupit parlamentar socialist, Taulant Balla, ka publikuar nga foltorja e parlamentit atë që quan provë të pakundërshtueshme të implikimit të kryedemokratit Basha në aferën e denoncuar nga vetë ai, automjetet Toyota Yaris të kapura në portin e Durrësit me 3.4 milionë euro.

Kishte paralajmëruar publikimin e saj dy ditë më parë…

Taulant Balla: “Mos ik Lulzim, mos u fshi se sot ke një provë të rëndë që të përfshin në historinë e parave. Të kam kallëzuar penalisht. Ja ku e ke Lulzim, ja ku je Lulzim sëbashku me vëllain e personave në kërkim për drogë, për paratë. Ja ku je me vëllain e dy personave me iniciale E.V. dhe A.V. të shpallur në kërkim si pritës të parave. Ja ku e keni në zyrën e Lulzim Bashës, vëllai i dy personave që prisnin paratë në zyrën e Lulzimit. Kjo është provë e pakundërshtueshme. A u shërbeu Basha këtyre njerëzve? Kjo i takon drejtësisë, dhe këtë provë do t’ia dorëzoj drejtësisë”.

Fotografinë deklaron se do e depozitojë në përfundim të seancës pranë prokurorisë, ku vetëm një ditë më parë kallëzoi penalisht kryedemokratin Basha për nxjerrje të sekretit hetimor në kapjen e 3.4 milionë eurove në dy automjete “Toyta Yaris” në portin e Durrësit, të dielën e 24 Qershorit.

Vetë denoncimi i kryedemokratit Basha në seancën plenare të 21 Qershorit i makinave dhe parave në të, për Taulant Ballën tregon edhe implikimin e vetë denoncuesit, Lulzim Bashës.

Taulant Balla:A i shërbeu Lulzim Basha këtyre djemve, vëllait të mikut të  Lulzimit, në zyrë të Lulzimit. Kjo është një çështje që i takon vetëm drejtësisë. Ky është jo një njeri i paaftë, por budalla që e njoftoi vëllain e mikut që t’i bjerë nga Bari jo nga Ankona”.

Kreu i selisë blu, tre ditë përpara kapjes së automjeteve nga policia kufitare paralajmëroi ekzistencën e makinave, duke identifikuar kreun e grupit parlamentar socialist, Taualnt Balla, si garantin e tyre./abcnews.al

ervin-salianji123.jpg
G. P.11:09 | 28/06/2018

Seanca e sotme plenare, që ka nisur në orën 10:00 dhe ka vijuar deri tani sipas rendit të ditës, pritet të ketë në vazhdim debate për sasinë rekord të 3.4 milionë eurove që u bllokuan në Durrës dhe vendimin për negociatat.

Teksa ka mbërritur në parlament, deputeti i PD, Salianji u pa të vinte me një makinë “Toyota Yaris”, i njëjti tip me makinën, ku ishte fshehur sasia e parave të jashtëligjshme. Po ashtu deputeti demokrat kishte me vete dy çanta të mëdha me “euro”, në mënyrë simbolike për ngjarjen e ditës së dielë që ka ndezur në vend debat politik.

PD akuzon qeverinë dhe deputetin Taulant Balla si të përshirë në këtë aktivitet kriminal, ndërsa Balla depozitoi dje ngriti padi ndaj Bashës në prokurori dhe ka deklaruar se kryedemokrati ka lidhje me grupin që fuste këtë sasi parash në Shqipëri./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono