eshtrat

eshtra.jpg
ent ela16:37 | 11/07/2019

Dalin në sipërfaqe eshtra njerëzish gjatë punimeve që po kryhen për rikonstruksionin e lulishtes “Shën Maria” në Korçë. Eshtrat mendohet  të jenë qindra vjeçare dhe u përkasin varreve të vjetra ortodokse të cilat kanë qenë të vendosura pranë kishës së Shën Marisë.

Në qytetin e Korçës gjatë punimeve për rikonstruksionin e lulishtes Shën Maria kanë dalë në sipërfaqe eshtra dhe mbetje të tjera kockore. Eshtrat, të cilat janë zbuluar nga punonjësit e shërbimeve publike, kanë qenë pak centimetër larg sipërfaqes së tokës dhe mendohet të jenë qindra vjeçare.

Sipas banorëve, këto eshtra ju përkasin varreve të vjetra ortodokse, të cilat kanë qenë të vendosura pranë kishës së Shën Marisë. Sipas traditës ortodokse, varrezat ndërtoheshin brenda territorit të kishës.

Këto varre qëndronin të ndara nga varrezat e myslimanëve. Rreth viteve ‘60 ndërmarrja komunale, i ka zhvendosur një pjesë të tyre, por duke mos e pastruar plotësisht territorin.

Banoret ngrenë shqetësimin për përsëritjen e fenomenit, duke apeluar, që të gjitha eshtrat të zhvendosen në varrezat e qytetit./ABC News Albania 24/7

dritan-hila.jpg
ent ela22:21 | 23/11/2018

I ftuari i dytë në emisionin Provokacija nga Mustafa Nano ishte gazetari Dritan Hila. Ai dha mendimin e tij për ceremoninë e ardhjes në Shqipëri të eshtrave të Mit’hat Frashërit. “Historia e Mit’hat Frashërit dhe froca e tij politike është diçka e tejkaluar nga politika. Unë nuk kuptoj pse qeveria ngacmoi anën e errët të tij kur ai ka shumë anë të ndriçuara ku mund të investohej me rastin e eshtrave të tij.”/abcnews.al

 

KRONIKE-ESHTRAT-E-MITHAT-FRASHERIT.mpg_snapshot_01.26-1280x720.jpg
ent ela19:16 | 14/11/2018

Eshtrat e Mid’hat Frashërit do të prehen në atdhe sipas amanetit të tij. Atdhetar, mendimtar dhe figurë e shquar e Rilindjes dhe Pavarësisë, më i riu i familjes së shquar të Frashërllinjve u varros në dhe të huaj për shkak të anatemimit nga regjimi komunist. Por sot eshtrat e tij u rivarrosën pranë 3 vëllezerve Frashëri, në parkun e Liqenit në Tiranë.

Përmbushet amaneti i Mit’hat Frashërit 69 vite pas vdekjes. Eshtrat e patriotit të shquar tashmë vijnë në atdheun e tij, në Shqipëri. Kryeministri Edi Rama thotë se sapo ka nisur rruga për pastrimin e kësaj figure poliedrike të kombit shqiptar.

Historiani dhe studiuese Aurel Plasari nënvizon flijimin e karrierës së Mid’hat Frashërit në të mirë të kombit shqiptar.

Arkmorti me eshtrat e mendimtari, politikanit dhe shkrimtarit Mid’hat Frashëri mbërriti mëngjesin e së mërkurës në aeroportin e Rinasit nga Shtetet e Bashkuara të Amerikës. Homazhet në nder të patriotit të shquar u zhvilluan në Akademinë e Shkencave. Simbolikisht 110 vite më herët, kur filloi punimet Kongresi i Manastirit drejtuar prej Mid’hat Frashërit. Studiuesi Bashkim Kucuku thotë se zgjedhja e kësaj dite është mjaft smblike dhe domëthënëse kombin shqiptar.

Homazhet u kryen nën masa të rrepta sigurie, ku edhe buqetat me lule u skanuan. Në ceremoninë e homazheve në Akademinë e Shkencave morën pjesë personalitete të shquara, historianë, artistë, qytetarë të thjeshtë dhe politikanë. Ish-kryeministri Sali Berisha tha se Mid’hat Frashëri ishte promotor i luftës për liri.

Ndërsa kreu i opozitës, Lulzim Basha, u shpreh që qeveria bëri detyrën në vendimin për të sjellë në Shqipëri eshtrat e Mid’hat Frashërit. Më pas arkmorti i mbuluar me flamurin kuqezi, nga Akademia e Shkencave u drejtua në kodrat e liqenit artificial, aty ku do të prehen eshtrat e tij në mëmëdhe, përkrah babait, Abdyl Frashërit dhe xhaxhallarëve të tij, Naim dhe Sami Frashëri./abcnews.al

MITHAT-FRASHERI-1280x720.jpg
ent ela13:59 | 14/11/2018

69 vite pas vdekjes, përmbushet amaneti i mendimtarit të Kombit Mit’hat Frashëri, për t’u prehur në atdhe.  Eshtrat e tij mbërritën sot në Shqipëri, ndërsa qeveria kishte vendosur për këtë akt disa muaj më parë.

Në aeroportin e Rinasit ka mbërritur mëngjesin e sotëm arkivoli me eshtrat e Mid’hat Frashërit. Për të nderuar këtë figurë të shquar të kombit ishin të pranishëm personalitete shtetërore, ministrja e Kulturës Mirela Kumbaro, intelektuale e studiues, të afërm të familjes.

Më pas homazhet për të nderuar patriotin shqiptar u zhvilluan te Akademia e Shkencave. Ndërsa ceremonia e rivarrimit të eshtrave të tij u zhvillua në Parkun e Madh të Tiranës, ku Mid’hat Frashëri do të prehet pranë vëllezërve Frashëri.

Edhe në këtë ceremoni shtetërore morën pjesë personalitete të shquara të letrave dhe kulturës, studiues, politikanë dhe të afërm të familjes Frashëri. Studiuesi Aurel Plasari dhe kryeministri Rama vlerësuan figurën e Mit’had Frashërit.

Mid’hat Frashëri, djali i Abdyl Frashërit është një nga figurat më të shquara intelektuale shqiptare. Ai ka lënë gjurmë si diplomat, shkrimtar dhe politikan.

Eshtrat e rilindasit, shkrimtarit dhe patriotit të madh mbërritën në atdhe pikërisht në javën e perkujtimit të 110 vjetorit të Kongresit të Manastirit, që u drejtua prej tij.

Mit’had Frasheri lindi në Janinë më 25 mars 1880, u rrit në Stamboll dhe më pas gjithë jetën ia kushtoi çështjes shqiptare.

Në korrik 1908 Mid’hat Frashëri themeloi gazetën “Liria” në Selanik, në vitet 1897-1928  botoi revistën “Kalendari Kombiar”, më 1909 themeloi revistën “Dituria”, në Selanik, pastaj në Kostancë të Rumanisë dhe më vonë në Tiranë.

Më 1908 mori pjesë dhe u zgjodh kryetar i Kongresit të Manastirit dhe nënkryetar i Komisionit të Alfabetit.

Mit’hat Frashëri ishte gjithashtu nje nga nenshkruesit e deklarates se pavaresise.

Në qeverinë e Ismail Qemalit u emërua Ministër i Punëve Botërore, ishte anëtar i delegacionit shqiptar në Konferencën e Paqes në Paris, në vitet 1919 – 1920. Ndërsa më 1920 përfaqësoi Shqipërinë në Lidhjen e Kombeve.

I përndjekur nga regjimi komunist , i anatemuar si themelues i organizatës së Ballit Kombëtar, Mid’hat Frashëri në përfundim të luftës u vendos në Itali e më vonë në Londër, ku krijoi Komitetin “Shqipëria e Lirë”.

Mid’hat Frashëri nderroi jete  në Nju Jork më 3 nëntor 1949, ku edhe ishte varrosur deri tani.

 

RAMA-BERISHA-BASHA-S-1280x720.jpg
ent ela11:24 | 14/11/2018

Kryeministri Rama, ish-kryeministri Sali Berisha dhe kreu demokrat Lulzim Basha vlerësuan figurën e patriotit të shquar Mid’hat Frashëri. Në ceremoninë e zhvilluar me rastin e sjelljes së eshtrave të Mid-hat Frashërit në atdhe, kryeministri Rama vlerësoi figurën e Mid’hat Frashërit si një njeri të dijes universale dhe vetëdijes kombëtare. Në fjalën e tij ish-kreu i qeverisë vlerësoi figurën e Frashërit si një prej personaliteteve më të shquara të mendimit politik, shkencor, kulturor si dhe themelues të nacionalizmit dhe luftës për liri. Ndërsa kreu demokrat Basha falenderoi ata që bënë të mundur kthimin e  eshtrave në atdhe.

Rama: Kush ishte ky djalosh që do hynte në historinë e shqiptarëve si një hije plot dije me identitet të dyfishtë njëri Lumo Skëndo për tempullin e letrave, tjetrin Mid’hat Frashëri për staturën e shtetarit nën mantelin e politikanit me cen në biografi dhe në banesën e fundme do qëndrontë si jabanxhi nën dhe të huaj, sepse i papranuar  për 7 dekada nën dheun e atdheun e tij. Ishte i vetmi djalë që tallazet i lanë Avdyl Toskës, që siç e quan Fishta te “Lahuta e Malësisë”, njëri prej vëllezërve të mrekullueshëm të historisë së shqiptarëve Avdyl Frashërin. Frashërinjtë njiheshin si halimë, njerëz të diturisë, në më të shquarën qytezë të shqiptarisë,  një vend i barabartë me Mekën e Arabisë dhe Betlehemin e Krishtërisë sipas Mihal Gramenos . Në Frashër ky djali i Avdylit mori nën vezullimin e një drite, qumështin e parë të dijes universale dhe vetëdijes kombëtare.

Berisha: Një prej personaliteteve më të shquara të mendimit politik shkencor, kulturor Mid’hat Fshëri. Ky burrë i madh i dha Shqipërisë gjithçka kishte më të shtrenjtë, kryesoi Kongresin e Alfabetit, vuri firmën në aktin themltar të shtetit të shpalljes së pavarësisë anëtar i qeverisë së parë shqiptare, një studiues apasionant i gjuhës dhe kolos i letrave, themelues i nacionalzimit, qytetar shqiptar udhëheqës kryesor i Ballit Kombetar, promotor i luftës shqiptare për liri dhe bashkimit të tyre në këtë luftë. Paslufte i përzgjedhur nga aleatët e lirisë së shqiptarëve për kryeministër të Shqipërisë së lirë të çliruar nga diktatura për përmbysjen e xhelatit, Hitlerit të pas luftës Enver Hoxhës vasalit të Beogradit dhe Josif Titos, atij që në një akt hakmarrës primitv do të urdhëronte eleminimin e tij fizik në dhomën e hotelit në Nju Jork duke përdorur falangat e tij terroriste, por pavarësisht se historia nuk ka qenë e drejtë për Mid’had Frashërin ai sot vjen e pushon në dheun e tij, kurse ata që urdhëruan eleminimin e tij fizik kanë përfunduar në koshin e plehrave të historisë së Shqipërisë. Është fjala direkt për Enver Hoxhën. Nderim të madh këtij burri të shquar të kombit tonë.

Basha: Ka bërë kaq shumë për Shqipërinë dhe kombin. Falenderoj të gjithë ata që e bënë të mundur sidomos deputetin Agron Shehaj, Akademinë e Shkencave për të vendosur një shembull që duhet të ndiqet nga shumë të tjerë. Eshtrat e çdo patrioti që diktatura gjakatare e Hoxhës i ka lënë jashtë atdheut.

Vlerësoj iniciativën e Uran Butkës, depuetetin Shehaj dhe qeveria nuk ka asgjë më shumë se detyrimin për të çuar në vend amanetin e këtij mendimtari të madh. /abcnews.al

SPECIALE-URAN-BUTKA-PER-MITHAT-FRASHERIN_ABC-M1-T1.mpg_snapshot_00.54-1280x720.jpg
ad min17:47 | 11/11/2018

Në prag të kthimit të eshtrave të Mid’ hat Frashërit në atdhe, dejtori i Institutit të Studimeve Historike “Lumo Skëndo” Uran Butka rrëfen detaje reth 3 veprave të botuara dhe ceremonialit të kthimit të eshtrave.

Mid’hat Frashëri është padyshim një prej personaliteteve më të rëndësishëm të Shqipërisë dhe një figurë poliedrike. Në veprën e parë është përmbledhur ana publicistike. Në të dytën studimet e tij madhore për Shqipërinë dhe shqiptarët. Në veprën e tretë prezantohet proza e tij poetike e panjohur deri më sot.

Vëllimi i tretë është shoqëruar edhe me një parathënie nga shkrimtari i njohur Ismail Kadare.

/abcnews.al

URAN-BUTKA-PER-ESHTRAT-E-MITHAT-FRASHRIT-1280x720.jpg
ent ela15:57 | 06/11/2018

69 vite pas vdekjes përmbushet amaneti i mendimtarit të Kombit Mit’hat Frashëri, për t’u prehur në atdhe. Drejtori i insitutit Lumo Skëndo Uran Butka thotë se eshtrat vijnë në Tiranë më 14 nëntor.  Butka në një intervistë për ABC Neës rrëfen detaje rreth ceremonialit shtetërore.

110 vjetori i Kongresit të Manastirit drejtuar prej Mit’hat Frashërit, përmbush edhe amanetin e një prej mendimtarëve të mëdhenj të Kombit Shqiptar, për t’u prehur në vendin e tij pas 69 vitesh që ai u nda nga jeta në mënyrë misterioze në shtëpinë e tij në Nju Jork. Drejtori i Insitutit Lumo Skëndo, Uran Butka thotë se në bashkëpunim me qeverinë shqiptare, eshtrat e Mit ‘hat Frashërit vijnë në Tiranë më 14 nëntor.

Butka thotë se ceremoniali  shtetëror në nder të  Mit’hat Frashërit do të jetë madhështor e ku do të bashkojë personalitete nga vende të ndryshme europiane dhe nga Nju Jorku.

Së fundmi figura e Mit’hat Frashërit po vjen e plotë, pasi Insituti Lumo Skëndon ka botuar 3 vepra nga korpusi i plotë që do të përmbledh gjithë veprimtarinë e plotë në 13 vepra. Ndërkohë që edhe Biblioteka Kombëtare botoi pak kohë me parë revistën “Diturija” të themeluar nga Mit’hat Frashëri në një botim të posaçëm. /abcnews.al

44500813_247938822566966_6994290551465967616_n.jpg
ent ela10:16 | 22/10/2018

Mit’hat Frashëri publicist, shkrimtar, përkthyes, albanolog, diplomat, veprimtar i çështjes kombëtare, politikan, nënshkrues i Deklaratës së Pavarësisë së Shqipërisë, do të prehet në Atdhe pranë Vëllezërve Frashëri në Parkun e Madh.

Bashkia e Tiranës ka nisur punë për ndërtimin e memorialit dhe rigjenerimin e zonës përreth me bimësi e gjelbërim dekorativ.

Ceremonia shtetërore e kthimit në atdhe të eshtrave do të organizohet gjatë javës përkujtimore të 110-vjetorit të Kongresit të Manastirit, e cila përkon me një nga kremtimet madhore të Vitit Mbarëkombëtar të Gjergj Kastriotit-Skënderbeut.

Mit’hat Frashëri lindi në Janinë në vitin 1880. Aktualisht eshtrat e tij prehen në New York të Shteteve të Bashkuara të Amerikës aty ku ai ndërroi jetë në vitin 1949.

Bashkia e Tiranës i ka kushtuar një vëmendje të veçantë nderimit të ngjarjeve dhe personaliteteve të kombit tonë. Gjatë këtyre tre viteve janë rehabilituar shumë prej monumenteve dhe lapidarëve në të gjithë qytetin, që ishin lënë në mëshirë të fatit. /abcnews.al

REVISTA-DITURIA-E-LUMO-SKENDOS.mpg_snapshot_00.44-1280x720.jpg
ad min18:56 | 10/10/2018

Në prag të 110 vjetorit të Kongresit te Manastirit, vjen botimi anastatik i revistës “Diturija” themeluar nga nga Lumo Skëndo (pseudonim letrar i Mid’hat Frashërit), i cili u zgjodh kryetar i Kongresit të Manastirit 110 vjet më parë. E afërmja Najada Petrela thotë për ABC News se e gëzon fakti i ridimensionimit të figurës së tij dhe përmbushja më në fund e amanetit për tu kthyer në atdhe në nëntor.

Studiues nga Shqipëria dhe Kosova janë bërë bashkë në Tiranë për të promovuar revistën “Diturija” themeluar nga Lumo Skëndo (pseodonimi letrar i Mid’hat Frasherit). Kjo revistë u themelua në vitin 1909 pas punimeve të Kongresit të Manastirit, për standardizimin e alfabetit të gjuhës shqipe. Botimi anastatik i Diturisë vjen në prag të 110 vjetorit të këtij kongresi.
Pasardhësit janë ata të cilët gëzojnë në ngjarje të tilla. Najada Petrela thotë se ridimensionimi i figurës së Mid’hat Frashërit është domosdoshmëri, e cila tashmë po bëhet realitet.

Najada Petrela, pasardhëse e Mid’hat Frashërit: “Kënaqësi dhe është krenari për mua dhe për të gjithë familjen time që të jem trashëgimtare e kësaj familje kaq të shquar. Deri tani pak ishte shkruajtur dhe shumë baltë ishte hedhur mbi këtë figurë.”

Por përmbushja e amanetit të tij për tu prehur në Shqipëri, pritet të bëhet realitet në nëntor.

“Ndihem shumë e gëzuar që më së fundi, edhe me kontributin e familjes eshtrat e tij po fijnë në Tiranë dhe po merr jetë e gjithë vepra e tij.”

Revista “Diturija” është tashmë një monument kulture, themelet e të cilit u hodhën në vitin e largët 1909 për t’u shndërruar në ngrehinën madhështore të dijes edhe ne harkun kohore të viteve 1926-1929.

Persida Asllani, drejtore e Bibliotekës Kombëtare: “Pjesa më thelbësore e veprës së Mid’hat Frashërit në shqip u karakterizua nga pasioni i dijes, i përcjelljes së saj sa më cilësisht te lexuesi shqiptar. Ai e kishte kuptuar që herët se dinjiteti i njeriut dhe kombit, ëndërra e lirisë lidhej tashmë pazgjidhshmërisht me diturinë pas së cilës do të mbruhej dituria identitare. ”

Pas promovimit në Shqipëri, revista “Diturija” do të promovohet në Prishtinë dhe Shkup./abcnews.al

SKANDALI-VRASJA-FUSHE-KRUJE_-1280x720.jpg
ent ela14:13 | 07/05/2018

Disa orë pas denoncimit të ABC News, policia ka nxituar të sistemojë e të pastrojë vendin e ngjarjes në Derven të Fushë Krujës, aty ku një burrë u dogj brenda në makinë. ABC News të dielën, një ditë pas ngjarjes, solli pamje që tregonin ekzistencën e eshtrave të viktimës, pasi grupi hetimor kishte përfunduar këqyrjen. ABC News kërkoi edhe reagim nga policia e Fushë Krujës por asnjë zyrtar nuk pranoi të flasë. Deri tani për krimin janë shoqëruar shtatë persona, por asnje nuk është ndaluar.

Një ditë pas ABC News denoncoi skandalin e eshtrave të viktimës së Fushë Krujës në vendin e ngjarjes, policia është angazhuar për pastrimin e tyre.

Kamera e ABC News ishte përsëri në Derven, aty ku u gjet makina me një njeri të karbonizuar brenda.

Si shikoni nga pamjet, mbetjet e kockave të viktimës, që u filmuan paraditen e së dielës nuk janë më.

Megjithatë si në çdo vendngjarje, ka sërish mbetje që ndoshta nga pakujdesia policët nuk i shohin.

Kësaj here gazetari dhe operatori i ABC News fiksuan pamjet e dorës së njeriut  që besohet se më parë është ekzektuar dhe me pas është djegur.

ABC News kërkoi një reagim në komisariatin e policisë së Fushe Krujës, por asnjë zyrtar nuk pranoi të fliste.

Bëhet fjalë për vendin  ku mendohet se kosovari Xhavit Osmani 60 vjeç nga Vushtria, i cili rezulton pronari i makines, është vrarë dhe djegur bashkë me makinën. Ekspertiza ende nuk ka nxjerrë zyrtarisht këtë fakt, pasi janë në pritje të ADN-së.

Familjarët e tij të cilët e kishin denoncuar të zhdukur në 4 maj kanë mbërritur në Tiranë. Më parë ata kanë qenë aty ku gjet makina. Osmani rezulton se ka hyrë nga Morina më 29 prill. Ka dyshime për hakmarrje nga ish-miqtë e kosovarit në Fushë Krujë.

Të dielën një zyrtar i policisë i tha ABC News, që vendasit e njihnin Osmanin si pronar të një lokali me muzikë, në të cilin punojnë dhe vajza nga zona ku u gjet makina e djegur. Kështu të paktën e njohin kosovarin në Fushë Krujë. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono