është

suela.jpg
ad min19:00 | 15/08/2019

Kryeministri Edi Rama ka cituar një tjetër artiste të mirënjohur, Suela Konjari, lidhur me çështjen e Teatrit Kombëtar. Rama shkruan se artistja ndan të njëjtin opinion me shumicën dërrmuese të komunitetit teatror. Në citimin e sjellë nga Rama, Konjari shprehet se teatri është mbi partitë.

“Suela Konjari i përket gjeneratës që doli në skenë në vitet e vështira të ndryshimit të sistemeve dhe spikati me rolet e saj përpara publikut të Teatrit Kombëtar. Në çështjen e shumëdebatuar të godinës së teatrit, ajo ndan të njëjtin opinion me shumicën dërrmuese të komunitetit teatror” shkruan Rama, ndërsa citon Suela Konjarin:

“Kur mbaron një shfaqje teatri, melodia e parë që vjen për aktorin në skenë janë duartrokitjet e publikut. Me këtë dua të them, ju ftoj të gjithëve, veten time të parën, ju dhe gjithë kolegët e mi, edhe specialistët, që t’i tejkalojnë bindjet partiake, teatri është mbi partitë. Shpresoj shumë dhe do të dëshiroja që të arrihet një gjuhë e përbashkët sepse çelësi sekret për t’i zgjidhur problemet në këtë botë kaq të ndërlikuar ku jetojmë, është thjesht dashuria, ta dëgjojmë dhe besojmë njëri-tjetrin. Teatri na jep mundësinë që ta duam njëri-tjetrin dhe ta besojmë. Shpresoj që të arrijmë më të mirën e mundshme”./abcnews.al

shpetim-duro-e1545750873564.jpg
ad min16:00 | 24/07/2019

Shpëtim Duro prezantohet nesër në orën 10:00 si trajner i Kukësit. Tekniku i njohur arriti akordin me presidentin Gjici, ndërsa do të firmosë një kontratë 1+1.

Nesër do të hedhë firmën e radhës.

Shpëtim Duro nis një tjetër aventurë në karrierën e tij si trajner, tashmë në stolin e Kukësit.

Tekniku 59-vjeçar arriti akordin me presidentin Safet Gjici, dhe nesër në orën 10:00 do të ketë daljen para mediave, me kontratën që pohohet se është 1-vjeçare, me të drejtë rinovimi për një vit tjetër.

Ai do të pasojë trajnerin e shkarkuar Ernest Gjoka që e mori skuadrën në mesin e sezonit të kaluar, duke fituar Kupën e Shqipërisë e duke u eliminuar në turin e parë të Ligës së Evropës nga Debreceni i Hungarisë.

Deri një ditë më parë, favorit për stolin ishte Ilir Daja, të paktën sipas burimeve të sigurta në klub, veçse duket se trajneri tjetër I njohur nuk ka arritur akordin me Gjicin.

Duro është një nga profesionistët me më shumë përvojë në Shqipëri, me karrierë edhe jashtë saj.

E nisi me Bylisin, Dinamon apo Apoloninë në fillim të viteve 2000-të, ndërsa ishte tri herë trajner i Partizanit në 2001-2002, 2008-2009 dhe 2013.

Në 2011 u emërua trajner i Skënderbeut, dhe pak muaj më vonë u shpall kampion me skuadrën korçare.

Përveç skuadrave në Shqipëri, drejtoi edhe jashtë kufijve si dy herë Shkëndijë e Tetovës në Maqedoni, sot Maqedonia e Veriut, dhe Dritën e Gjilanit në Kosovë.

Skuadra e fundit në Superligë për Duron ishte Flamurtari, dy sezone më parë, ndërsa për pak kohë punoi edhe si ndihmëstrajner i kombëtares./ABC News Albania 24/7

kida-1280x733.jpg
ad min20:30 | 21/07/2019

Kamera e Edicionit Veror në Dhërmi jo vetën që sjell vende piktoreske, persona që punojnë dhe u shërbejnë vizitorëve, por edhe personazhe publikë. Këtë herë gazetarët e ABC News kanë marrë në intervistë këngëtaren Kida e cila ka qenë në një nga lokalet duke mbajtur një performancë.

Ajo tha se është shumë e angazhuar gjatë verës, por koncertet që po mban i japin shumë kënaqësi.

“Më japin emocion shumë të madhe dhe e kaloj me shumë qejf dhe pa lodhje. Rruga është pak e lodhshme, por në përgjithësi kënaqem shumë”, tha Kida. 

Por si e kalon Kida verën?

“Vera është vetëm gjumë dhe koncerte”, tha ajo. E ndërsa ka një agjendën e ngarkuar Kida ka treguar se bën fitnes për të mbajtur trupin në formë.

“Bëj fitnes dhe nuk e ndërpres vetëm nëse kam ndonjë punë ose kam diçka që ma ndërpret. Mundohem që gjatë periudhës së dimrit të ushtrohem më shumë”, tha Kida. /abcnews.al

world-most-admired-woman-1563457950.jpg
ad min23:15 | 18/07/2019

Lista e pesë burrave më të admiruar për vitin 2019 mbetet e pandryshuar nga ajo e një viti më parë, ndërkohë që në listën e grave ka pasur ndryshime. Angelina Jolie ka kaluar nga vendi i parë në vendin e tretë në studimin vjetor të YouGov ku përfshihen emra të rëndësishëm me ndikim botëror. Gruaja më e admiruar për vitin 2019 është Michelle Obama.

Ish Zonja e Parë e Amerikës ndiqet nga Oprah Winfrey në vendin e dytë.

Përsa i përket listës së burrave, ajo mbetet e pandryshuar që nga viti i kaluar ku kryeson Bill Gates. Barack Obama qëndron në vendin e dytë dhe kështu çifti Obama është praktikisht çifti më i pëlqyer i pranetit.

Listën e plotë e shihni në vijim:

veliaj-1-1280x644.jpg
ad min22:00 | 17/07/2019

Studentët dhe pedagogët e akademisë së arteve, do të kenë një kampus të ri, i cili do të krijojë për ta hapësira moderne pune. Erion Veliaj, së bashku me ministra të qeverisë, tha se ajo që lindi nga protesta studentore, tashmë po përkthehet në punë konkrete.

Kjo do të jetë shtëpia e re e studentëve dhe pedagogëve të Akademisë së Arteve.

Godina aktuale që daton nga viti 1936, do të rikonstruktohet dhe do të përqafohet nga një godinë e re.

Projekti është realizuar nga një grup pedagogësh dhe studentësh italianë të arkitekturës, së bashku me studentë shqiptarë e pedagogë të arkitekturës.

Ky projekt e ka zanafillën nga stina e protestës studentore, fund vitit të shkuar.

Ministrja e Arsimit thotë se qeveria i ka sytë nga studentët.

Rektori i Akademisë së Arteve falënderoi qeverinë për plotësimin e këtyre kërkesave themelore të këtij universiteti./ABC News Albania 24/7

66829457_2470458399907183_8922882041628852224_o.jpg
ad min13:50 | 10/07/2019

Një 44-vjeçar me precedent të mëparshëm penal është arrestuar nga uniformat blu të Tiranës, për veprat penale të vjedhjes në shuma të mëdha, vetëgjyqësisë dhe fshehje e të ardhurave.

Ai është Mislim Jella, thonë burimet për tvklan.al. 44-vjeçar ka qenë i dënuar tre herë për armëmbajtje pa leje dhe kontrabandë me mallra për të cilat paguhet akcizë. Bashkë me të në pranga ka rënë edhe 45-vjeçari me iniciale F.I. Mislim Jella dhe 45-vjeçari kishin bërë një kontratë fiktive për shitjen e një prone.

Bëhet fjalë për një shtypshkronjë në Tiranë, të cilën Jella ia shiti qytetarit me iniciale F.I. për shumën 1 milionë Lekë të vjetra, kur në fakt ky biznes ka xhiro mujore prej 100 milionë Lekësh. Kjo lëvizje, sipas policisë, është bërë për të fshehur të ardhurat që duhet të paguhen nga tvsh-ja, që në këtë rast konkret përllogariten në rreth 8 milionë Lekë.

Po kështu, Mislim Jella ka përvetësuar në mënyrë të kundërligjshme dy makina tip Mercedes-Benz që janë pronë e një banke të nivelit të dytë, për të cilat kolateralin dhe kredinë e paguanin shtetasit N.SH dhe O.SH.

Gjithashtu, Jella ka përvetësuar në mënyrë të kundërligjshme xhiron mujore të një biznesi në pronësi të shtetases O. Sh, në vlerën rreth 550 milionë Lekë të vjetra. /tvklan.al

PAMPURI-1-1280x704.jpg
ad min15:27 | 08/07/2019

Partia Demokratike akuzon qeverinë Rama se po varfëron shqiptarët. Sipas ish-deputetes së selisë blu Oriola Pampuri skamja në vend krahasuar me një vit më parë është rritur me 6%.

Deklarata e plotë

Shqipëria është i vetmi vend në Ballkan, qytetarët e të cilit vazhdojnë të varfërohen në mënyrë të pandalshme.

Një anketim i Barometrit të Ballkanit tregon se gjendja e ekonomisë në familjet shqiptare po përkeqësohet nga viti në vit dhe se me qeverinë e Edi Ramës 1/3 e shqiptarëve nuk mund të mbyllin dot muajin. Thënë ndryshe, 31 përqind e familjeve në Shqipëri nuk sigurojnë dot bukën e përditshme, veshjet dhe nevojat bazë.

Asnjë nga vendet e tjera në rajon nuk ka këtë nivel skamjeje, e cila për Shqipërinë është gati dy herë më e lartë se mesatarja e rajonit.

Çfarë e bën edhe më të rëndë gjendjen është përkeqësimi i ekonomisë familjare dhe rritja e frikshme e numrit të familjeve që nuk përballojnë dot nevojat bazë për jetën.

Treguesi i rritjes së varfërisë dhe skamjes është simboli i qeverisë së Edi Ramës. Brenda 12 muajsh ata që nuk kanë bukë të hanë apo të sigurojnë veshje për fëmijët e tyre është rritur me 6 përqind.

Mbi 65 përqind e familjeve shqiptare nuk kanë të ardhura për të përballuar as dhe një javë pushime.

Anketa e Barometrit të Ballkanit nxjerr në pah se problemet kryesore të shoqërisë shqiptare janë papunësia, situata e keqe ekonomike, korrupsioni, krimi dhe emigracioni. Këto janë 5 fusha ku qeveria e Edi Ramës ka dështuar plotësisht.

Zhytja e shqiptarëve në varfëri nga vitit në vit, pasurimi i vet dhe i një grushti njerëzish pranë tij me projekte korruptive, me taksa të larta, me vjedhje dhe grabitje të pasurive të vendit, janë arsyeja kryesore pse 85% e shqiptarëve e refuzuan Edi Ramën në 30 Qershor.

Pas 6 vjetësh keqqeverisjeje, shqiptarët e kanë tani të qartë se Edi Rama nuk ndjen asnjë detyrim për ta, pasi pushtetin e ka blerë me krimin dhe paratë e korrupsionit.

Sot shqiptarëve u duhet një qeveri e popullit, nga populli dhe për popullin. Këtë e mundëson vetëm vota e lirë, por me Edi Ramën nuk ka zgjedhje të lira dhe të ndershme. Siç dëshmoi në farsën ilegjitime dhe antikushtetuese të 30 Qershorit, Edi Rama edhe kur është vetë votues, vetë numërues, vetë çertifikues, nuk bën dot zgjedhje pa i vjedhur ato.

Është në interesin tonë më të mië, të tregojmë se jemi të vendosur t’i shkojmë deri në fund betejës sonë europiane për zgjedhje të lira e të ndershme, për një qeveri që punon për mirqenien e shqiptarëve dhe punësimin e tyre.

Të jemi të gjithë bashkë në orën 20.00 në Tiranë, bashkë me familjet tona në rrugëtimin tonë plot shpresë për Shqipërinë e mundësive, për #Shqipërinë si Europa.

gjylameti-1280x714.jpg
ad min12:40 | 01/07/2019

Kryetarja e Partisë Socialiste për Tiranën, Blerina Gjylameti po ndjek numërimin e votimeve në një qendër votimi në Kombinat. Ajo tha për ABC-News se protestat nuk i shkatërruan zgjedhjet. Lidhur me numrin e votave të pavlefshme, Gjylameti tha se është në shifrën normale, duke krahasuar me historikun e zgjedhjeve.

“Edhe për Tiranë kemi pasur një pjesëmarrje të rritur lidhur me atë që kemi patur nëse ndjekim PS-në në vitin 2015 apo qoftë edhe në vitin 2017 dhe përsëri kemi një rritje të konsiderueshme.  Ajo që vëmë re se pas një klime politike tejet të nxehu, me thirrje për bllokim, për dhunë e të tëra, qytetarët shqiptarë treguan edhe një herë nëpërmjet kësaj pjesëmarrje shumë të lartë për Tiranën, përtej situatës dhe temperaturave shumë të nxehta, dhe përtej atyre pikave të nxehta që kemi pasur me protesta në Kombinat por edhe nëpër pikat e tjera, pjesëmarrja ka qenë e madhe”./abcnews.al

kmfbrdrp16jvd0k1rlwr.jpg
ad min17:10 | 21/06/2019

Mediat argjentinase raportuan se Diego Armando Maradona vuan nga sëmundja e Alcajmer e cila shkakton vdekjen. Lajmi është hedhur poshtë nga 58-vjeçari i cili thekson se gëzon shëndet të plotë.

Diego Armando Maradona perben lajm sa herë përmendet emri e tij, e natyrisht interesi është i lartë kur flitet rreth shëndetit  të 58-vjeçarit. Në mediat argjentinasi qarkulloi një lajm se Maradona vuan nga një sëmundje e rëndë e quajtur Alcajmer e cila shkakton humbjen e kujtesës duke e çuar drejt vdekjes. Lajmi bëri bujë  në të gjithë botën por ishte vetë legjenda argjentinase që hodhi poshtë diçka të tillë duke thënë se këto lajme janë të pa vërteta.

Fjala Alcajmer është e tmerrshme. Personat me këtë sëmundje vdesin. Unë nuk po vdes. Shume njerëz thonë gjëra të tilla për të krijuar rrëmujë. Kjo nuk është e vërtetë dhe ata kanë gënjyer.  Flasin për këtë sëmundje por nuk e dinë çdo të thotë”, përfundon reagimi i Maradonës në rrjetin social Instagram.

Në lidhje me shëndetin e Maradonës u prononcua edhe miku i tij Matias Morla i cili theksoi:

“Dua të qartësoj se të gjitha analizat mjekësore të Maradonës nuk kanë nxjerrë një indikacion të tillë. Ky lajm është shpërndarë gabimisht. Këto zëra janë të pavërteta”./ABC News Albania 24/7

VELIAJ-NGA-NJESIA-NR-10.mpg_snapshot_00.37-1280x720.jpg
ad min15:10 | 21/06/2019

Para protestës së opozitës kryebashkiaku i Tiranës Erion Veliaj apeloi për një pakt për të mos cenuar imazhin e vendit. Sipas Erion Veliajt ka më shumë gjëra që bashkojnë se ndajnë.

Është koha për të bërë një pakt për të mos cenuar imazhin e Shqipërisë. Mesazhi vjen nga kryebashkiaku i Tiranës Erion Veliaj njëkohësisht kandidati socialiste për një mandat të dytë në kryeqytet.

 “Është koha të bëjmë një pakt bashkë, në një kohë sfiduese për vendin, që të paktën për Shqipërinë, për Tiranën të flasim mirë. Ne mund të kemi bindje të ndryshme, opinione, parti të ndryshme, mund të kemi anëtarësi të ndryshme. Në fund të ditës, Tiranën e kemi bashkë dhe kjo që na bashkon është shumë herë më e rëndësishme se ajo që na ndan.”

Pak orë para protestës së opozitës kryebashkiaku Veliaj takoi operatorët turistik të cilët i siguroi se kryeqyteti mbetet një vend i sigurt.

 “E gjithë historia do tretet, njerëzit do shkojnë në plazh, jeta do vijojë siç ka vazhduar në Tiranë; sot prapë kemi një protestë, duhet të qetësoni të gjithë turistët që keni nëpër hotelet e agjencitë tuaja, dhe t’i siguroni se për 15 minuta qyteti do jetë prapë xixë, as do të kuptohet fare që Tirana ka kaluar këtë lloj eksperience”. 

Ndërkohë Veliaj u shpreh i sigurt se më 30 Qershor në vend do të zhvillohen zgjedhjet vendore. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono